ମରଣଯନ୍ତା ପାଲଟିଛି ପାରାଦ୍ଵୀପର ରାସ୍ତା। ଦୈନିକ ଘଟୁଛି ଦୁର୍ଘଟଣା, ଅକାରଣରେ ଝରିପଡ଼ୁଛି ଜୀବନ। ମାତ୍ର ପ୍ରଶାସନ କେବଳ କେସ କରି ଚୁପ୍ ରହୁଥିବା ବେଳେ, ଏହାର ପ୍ରତିକାର ପାଇଁ କୌଣସି ପଦକ୍ଷେପ ନିଆଯାଉନଥିବା ଅଭିଯୋଗ ହୋଇଚି । ଯାହାକୁ ବିରୋଧ କରି ପାରାଦ୍ଵୀପର ଜଗନ୍ନାଥ ଟ୍ରକ ମାଲିକ ସଙ୍ଘ ଓ ପାରାଦ୍ଵୀପ ଟ୍ରକ ମାଲିକ ସଙ୍ଘ ପକ୍ଷରୁ ରାସ୍ତାରୋକ କରାଯାଇଥିଲା। ଦିର୍ଘ ଏକ ଘଣ୍ଟା ପର୍ଯ୍ୟନ୍ତ ଯାନ ବାହାନ ଚଳାଚଳ ବନ୍ଦ ରଖାଯାଇଥିଲା । ତେବେ ଆଇରନ ଗାଡି ଗୁଡିକ ଧାଡି ଭାଙ୍ଗି ବନ୍ଦର ରେ ପଶୁଛନ୍ତି , ଫଳରେ ଦୂର୍ଘଟଣା ହେବା ସହିତ ରାସ୍ତା ଜାମ ରହୁଥିବା ଉଭୟ ମାଲିକ ସଙ୍ଘ ପ୍ରକାଶ କରିଛନ୍ତି। ତେଣୁ ଏହାକୁ ରୋକିବା ପାଇଁ ଟ୍ରକ ମାଲିକ ସଂଘ କୁ ରାସ୍ତାର ଧାଡି ଭାଙ୍ଗା ସଜାଡିବା ପାଇଁ ଦାୟୀତ୍ବ ଦେବାକୁ ସଙ୍ଘ ଦାବି କରିଛି। ପାରାଦ୍ଵୀପ ଅତିରିକ୍ତ ଜିଲ୍ଲାପାଳ ଉପସ୍ଥିତ ନଥିବାରୁ , ଏ ସମ୍ପର୍କରେ ପରେ ଆଲୋଚନା କରାଯିବାକୁ ସ୍ଥିର କରାଯାଇଛି ବୋଲି ଟ୍ରକ ସଙ୍ଘ କର୍ମକର୍ତ୍ତା ପ୍ରକାଶ କରିଛନ୍ତି।