ଏବେବି ଲିଭିନି ମଞ୍ଚେଶ୍ୱର ଶିଳ୍ପାଞ୍ଚଳରେ ଥିବା ସରକାରୀ ଓୌଷଧ ଗୋଦାମରେ ଲାଗିଥିବା ନିଆଁ । ଲିଭିନି ନିଆଁ ଗଦା ଗଦା ଭଙ୍ଗା ଇଟା ଆଉ ଅଧାଜଳା ସାମଗ୍ରୀ ମଧ୍ୟରୁ ଏବେବି ବାହାରୁଛି ଧୁଆଁ । ରାତି ଅଧରେ ଘଟିଥିବା ଏହି ଭୟାଭହ ଅଗ୍ନିକାଣ୍ଡ ଏତେ ଭୟଙ୍କର ଥିଲା ଯେ ଆଖ ପାଖରେ ଥିବା ଲୋକେ ଏବେବି ଆତଙ୍କିତ ଅବସ୍ଥାରେ ରହିଛନ୍ତି । ତେବେ କେଉଁ କାରଣରୁ ଅଗ୍ନି କାଣ୍ଡ ହୋଇଛି ତାହା ସ୍ପଷ୍ଟ ହୋଇନଥିବା ବେଳେ ସର୍ଟ ସର୍କିଟ ରୁ ନିଆଁ ଲାଗିଥିବା ଅନୁମାନ କରାଯାଉଛି । ଏଥିରେ କେହି ମୃତା ହୋଇନଥିବା ମଧ୍ୟ ସୂଚନା ମିଳିଛି । ତେବେ ଏଠି ପ୍ରଶ୍ନ ଉଠୁଛି ଗୋଦାମ ସୁରକ୍ଷା ବ୍ୟବସ୍ଥା ଉପରେ । ଏକାଧିକ କମ୍ପାନୀର ମେଡିସିନ ଥିବା ବେଳେ କିଭଳି ନିଆଁ ଲାଗିଲା କଣ ହୋଇପାରେ କାରଣ ଏ ସବୁ ଭିତରେ ଅକ୍ସିଜେନ ସିଲିଣ୍ଡର କୋଭିଡ ବେଳର ବଳକା ମେଡ଼ିସିନ, ମାସ୍କ, ସାନିଟାଈଜର ଥିବା ସୂଚନା ମିଳିଛି । ତେବେ ସାନିଟାଇଜର ମଧ୍ୟ ନିଆଁର ତିବ୍ରତା ବଢାଇଥାଇ ପାରେ ବୋଲି କୁହାଯାଉଛି । ନିଆଁ ଲାଗିବାର 1 ଘଣ୍ଟା ବିଳମ୍ବରେ ପହଞ୍ଚିଥିଲା ଅଗ୍ନିଶମ ବାହିନୀ ।ଘଟଣା ସ୍ଥରେ 6 ରୁ ଅଧିକ ଦମକଳ ବାହୀନି ଥିବା ସତ୍ତ୍ବେ ଏବେବି ନିଆକୁ ଆୟତ୍ତ କରିପାରିନି ଅଗ୍ନିଶମ ବାହୀନି । ଏବେବି ଜାରି ରହିଛି ନିଆଁ ଲିଭା କାର୍ଯ୍ୟ ।