ଯାଜପୁର ଜିଲ୍ଲାପାଳଙ୍କ କାର୍ଯ୍ୟାଳୟରେ ପୁଣି ଥରେ ଧାରଣା ଦେଲେ ଠିକା ସଂସ୍ଥା ମାଲିକ

ଗ୍ରାମ୍ୟ ଜଳ ଯୋଗାଣ ବିଭାଗ ଅଧୀନରେ କାମ କରୁଥିବା ମେଘା କମ୍ପାନୀ ଠାରୁ ବକେୟା ରାଶି ମିଳିବା ଦାବିରେ ଯାଜପୁର ଜିଲ୍ଲାପାଳ କାର୍ଯ୍ୟାଳୟରେ ପୁଣି ଥରେ ଧାରଣା ଦେଲେ ଠିକା ସଂସ୍ଥା ମାଲିକ । କିଛି ଦିନ ପୂର୍ବରୁ ଦୁଇଟି ଠିକା ସଂସ୍ଥାର ପରିବାର ପକ୍ଷରୁ ମେଘା କମ୍ପାନୀରୁ ଅର୍ଥ ପାଇବା ଦାବିରେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପୂର୍ବରୁ ଧାରଣା ଦେବା ସହ ଜିଲ୍ଲାପାଳ ନିଖିଲ ପବନ କଲ୍ୟାଣଙ୍କ ସହିତ ଆଲୋଚନା କରିଥିଲେ । ଜିଲ୍ଲାପାଳ ସଂପୃକ୍ତ ଅଧିକାରୀଙ୍କୁ ଘଟଣାର ସମାଧାନ ପାଇଁ ନିର୍ଦ୍ଦେଶ ଦେବା ସହ ଦୁଇ ପରିବାର ବର୍ଗ ଙ୍କୁ ପ୍ରତିଶ୍ରୁତି ଦେବା ପରେ ଧାରଣା ପ୍ରତ୍ୟାହୃତ ହୋଇଥିଲା। ମାତ୍ର ଇତି ମଧ୍ୟରେ କୌଣସି ସମାଧାନ ନ ହେବାରୁ ଗତକାଲି ଠାରୁ ଧାରଣା ଦେଇଛନ୍ତି ଦୁଇ ଠିକାସଂସ୍ଥା ପରିବାରବର୍ଗ। ବକେୟା ରାଶି ନ ମିଳିବା ପର୍ଯ୍ୟନ୍ତ ଏହି ଅନଶନ ଜାରି ରହିବ ବୋଲି ଚେତାବନୀ ଦିଆଯାଇଛି।

ବକେୟା ରାଶି ନ ମିଳିବା ପର୍ଯ୍ୟନ୍ତ ଏହି ଅନଶନ ଜାରି ରହିବ ବୋଲି ଚେତାବନୀ ଦେଇଛନ୍ତି ଠିକା ସଂସ୍ଥା ମାଲିକ ।