ବିଷମକଟକ ଅଦାଲତଙ୍କ ଫଇସଲା ଅଧ୍ୟକ୍ଷ ପଦବି ହରାଇଛନ୍ତି ରାୟଗଡ଼ା ଜିଲ୍ଲା ଚନ୍ଦ୍ରପୁର ବ୍ଲକ ପଞ୍ଚାୟତ ସମିତି ଅଧ୍ୟକ୍ଷ ମିଥ୍ୟା ସତ୍ୟପାଠ ମାମଲାର ଶୁଣାଣି କରି ବିଷମକଟକ ସିଭିଲ ଜଜ୍ ସିନିୟର ଡିଭିଜନ୍ ଅଦାଲତ ପଦବିରୁ ହଟାଇବା ନିମନ୍ତେ ରାୟ ଦେଇଛନ୍ତି । ଚନ୍ଦ୍ରପୁର ପଞ୍ଚାୟତ ସମିତି ଅଧ୍ୟକ୍ଷ କଇନ କିମ୍ବାକା ୨୦୨୨ ମସିହା ପଞ୍ଚାୟତ ନିର୍ବାଚନରେ ଚନ୍ଦ୍ରପୁର ବ୍ଲକ ସାରିକିମା ପଞ୍ଚାୟତର ସମିତିସଭ୍ୟ ପଦବି ନିମନ୍ତେ ନିର୍ବାଚନ ଲଢ଼ିଥିଲେ। କିନ୍ତୁ ନିର୍ବାଚନ ଲାଗି ଦାଖଲ କରିଥିବା ସତ୍ୟପାଠରେ ଭୁଲ ତଥ୍ୟ ଉଲ୍ଲେଖ କରିଥିବା ନେଇ ପ୍ରତିଦ୍ବନ୍ଦୀ ସୁବାସ ମାଝୀ କଇନ କିମ୍ବାକା ଙ୍କ ନାଁ ରେ କୋର୍ଟ ଦ୍ବାରସ୍ଥ ହୋଇ ଅଭିଯୋଗ କରିଥିଲେ । ବ୍ଲକ ଅଧ୍ୟକ୍ଷ କଇନ କିମ୍ୱାକା ଙ୍କ ଦୁଇ ପତ୍ନୀ ଏବଂ ୪ ସନ୍ତାନ ରହିଥିବା ନେଇ ନିର୍ବାଚନ ଅଧିକାରୀଙ୍କ ନିକଟରେ ଆପତ୍ତା ଦାଖଲ କରିଥିଲେ ସୁଦ୍ଧା ତାହାକୁ ଗ୍ରହଣ କରାଯାଇ ନଥିଲା। ଅନ୍ୟପଟେ କଇନ କିମ୍ବାକା ନିର୍ବାଚନରେ ବିଜୟୀ ହୋଇ ପରବର୍ତ୍ତୀ ସମୟରେ ପଞ୍ଚାୟତ ସମିତି ଅଧ୍ୟକ୍ଷ ହୋଇଥିଲେ । ତେଣୁ ନିର୍ବାଚନକୁ ଅସିଦ୍ଧ ଘୋଷଣା କରିବାକୁ ସୁବାସ ମାଝୀ କୋର୍ଟଙ୍କ ଦ୍ବାରସ୍ଥ ହୋଇଥିଲେ। ବିଷମକଟକ ସିଭିଲ ଜଜ୍ ସିନିୟର ଡିଭିଜନ ଅଦାଲତରେ ମିଛ ସତ୍ୟାପାଠ ଦାଖଲ ନେଇ ମକଦ୍ଦମା କରି କଇନ କିମ୍ବାକା ଙ୍କୁ ପଦବିରୁ ହଟାଇବା ପାଇଁ ନିବେଦନ କରିଥିଲେ। ଏହି ମାମଲାକୁ କୋର୍ଟ ଗ୍ରହଣ କରି ଶୁଣାଣି କରିବା ସହ ଉଭୟ ପକ୍ଷର ବୟାନ ସଂଗ୍ରହ କରିଥିଲେ। ଏନେଇ ତଥ୍ୟ ଓ ପ୍ରମାଣ ଭିତ୍ତିରେ ଆଜି ସଭିଲ ଜଜ୍ ସୁନୀତା ଖାଣ୍ଡେଲୱାଲ ରାୟ ଶୁଣାଇଛନ୍ତି। ସୁବାସ ମାଝୀଙ୍କ ଆବେଦନରେ ସତ୍ୟତା ରହିଥିବା ଦର୍ଶାଇ କଇନ କିମ୍ବାକା ଙ୍କୁ ପଦବିକୁ ରଦ୍ଦ କରିଛନ୍ତି। ଏବଂ ଅଭିଯୋଗ କାରୀଙ୍କ ପକ୍ଷରୁ ବରିଷ୍ଠ ଆଇନଜୀବୀ ଦିଲୀପ କୁମାର ମହାରଣା ମାମଲା ପରିଚାଳନା କରୁଥିଲେ।