ସିବିଆଇ ଆଜି ୧୯୮୪ ଶିଖ ବିରୋଧୀ ଦଙ୍ଗାରେ ପୁଲ ବଙ୍ଗସ ଗୁରୁଦ୍ୱାର ଅଗ୍ନକାଣ୍ଡ ମାମଲାରେ କଂଗ୍ରେସ ନେତା ଜଗଦୀଶ ଟାଇଟଲରଙ୍କ ବିରୋଧରେ ଏକ ଚାର୍ଜସିଟ ଦାଖଲ କରିଛି । ଅଭିଯୋଗ ଅନୁଯାୟୀ, ଜଗଦୀଶ ଟାଇଟଲର ଏକତ୍ରିତ ଲୋକଙ୍କୁ ଉସୁକାଇଥିଲେ, ଦଙ୍ଗା ସୃଷ୍ଟି କରିଥିଲେ, ଏହି ଲୋକମାନେ ପୁଲ ବଙ୍ଗଶ ଗୁରୁଦ୍ୱାରରେ ନିଆଁ ଲଗାଇ ଦେଇଥିଲେ ଯେଉଁଥିରେ ତିନି ଜଣ ଶିଖ ପୋଡି ଯାଇଥିଲେ । ସିବିଆଇ ସେକ୍ସନ ୧୪୭, ୧୪୮, ୧୪୯, ୧୫୩(ଏ), ୧୮୮ ଆଇପିସି ଏବଂ ୧୦୯, ୩୦୨, ୨୯୫, ଏବଂ ୪୩୬ ସହିତ ଅନ୍ୟକେତେକ ସେକ୍ସନ ଅଧୀନରେ ଚାର୍ଜସିଟ୍ ଦାଖଲ କରିଛି ।
ଗତ ଏପ୍ରିଲରେ ଜଗଦୀଶ ଟାଇଟଲର ଦିଲ୍ଲୀରେ ସିବିଆଇ ସମ୍ମୁଖରେ ହାଜର ହୋଇଥିଲେ ଏବଂ ୧୯୮୪ ମସିହାରେ ଦିଲ୍ଲୀରେ ଶିଖ ବିରୋଧୀ ଦଙ୍ଗା ସହ ଜଡିତ ପୁଲ ବଙ୍ଗଶ ଗୁରୁଦ୍ୱାର ମାମଲାରେ ତାଙ୍କର ବୟାନ ରେକର୍ଡ କରାଯାଇଥିଲା । କେନ୍ଦ୍ରୀୟ ଫୋରେନସିକ୍ ସାଇନ୍ସ ଲାବୋରେଟୋରୀ (CFSL) କଣ୍ଠ ନମୁନାର ପରୀକ୍ଷା କରିବ ।
ଲାବୋରେଟୋରୀରୁ ବାହାରକୁ ଆସି ଟାଇଟଲର୍ କହିଥିଲେ ଯେ, ଯଦି ମୋ ବିରୁଦ୍ଧରେ ଗୋଟିଏ ବି ପ୍ରମାଣ ଅଛି, ତେବେ ମୁଁ ଫାଶୀ ପାଇବାକୁ ପ୍ରସ୍ତୁତ ଅଛି । ସିବିଆଇ ଏହି ମାମଲାରେ କଂଗ୍ରେସ ନେତାଙ୍କୁ ଏକ କ୍ଲିନ୍ ଚିଟ୍ ଦେଇଥିଲା କିନ୍ତୁ ଡିସେମ୍ବର ୪, ୨୦୧୫ରେ ପୁନଃ ଯାଞ୍ଚ ଆରମ୍ଭ କରିଥିଲା । ଜଗଦୀଶ ଟାଇଟଲର ୨୦୦୪ରେ ମନମୋହନ ସିଂ ସରକାରରେ ଜଣେ ମନ୍ତ୍ରୀ ଥିଲେ କିନ୍ତୁ ବିରୋଧ ପରେ ତାଙ୍କୁ ଇସ୍ତଫା ଦେବାକୁ ପଡିଥିଲା । ବର୍ଷ ବର୍ଷ ଧରି ଶିଖ୍ ବିରୋଧୀ ଦଙ୍ଗା ସହ ଜଡିତ ଆଇନଗତ ଅସୁବିଧାର ସମ୍ମୁଖୀନ ହେଉଥିବାରୁ କଂଗ୍ରେସ ଦଳ ଟାଇଟଲରଙ୍କ ଠାରୁ ନିଜକୁ ଦୂରେଇ ରଖିଥିଲା ।
ଗତ ବର୍ଷ ଦିଲ୍ଲୀ ପୌରପାଳିକା ନିର୍ବାଚନ ପାଇଁ ତାଙ୍କୁ କମିଟିରେ ଅନ୍ତର୍ଭୁକ୍ତ କରାଯାଇଥିଲା ଯେଉଁଥିରେ ବିରୋଧୀ ଦଳ ଗୁଡିକ କଂଗ୍ରେସକୁ ଘେରିପକାଇଥିଲେ । ସେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଭାରତ ଯୋଡା ଯତ୍ରା ଦିଲ୍ଲୀରେ ଚାଲିଥିବା ବେଳେ ଯୋଗ ଦେବାର ଥିଲା, କିନ୍ତୁ ପରେ ବିବାଦକୁ ଏଡାଇବା ପାଇଁ ସେ ଯାତ୍ରା ଠାରୁ ଦୂରରେ ରହିଥିଲେ ।