ଦୀର୍ଘ ୮ ବର୍ଷ ଧରି ଓଡିଶାରୁ ଫେରାର ଥିବା ଜଣେ ପୂର୍ବତନ ବିଡିଓଙ୍କୁ ଶେଷରେ ଗିରଫ କରିଛି ଭିଜିଲାନ୍ସ । ଦିଲ୍ଲୀରେ ନିଜ ପରିଚୟ ଲୁଚାଇ ରହିଥିବା ବେଳେ ଭିଜିଲାନ୍ସ ତାଙ୍କୁ ଉଠାଇ ଆଣିଛି ଓଡିଶା । ଏହି ପୂର୍ବତନ ବିଡିଓଙ୍କ ନାମ ହେଉଛି ରମେଶ ଚନ୍ଦ୍ର ସାହୁ । ସେ ଏକାସାଙ୍ଗେ ୭ଟି ଦୁର୍ନୀତି ମାମଲାରେ ଲିପ୍ତ ଥିଲେ। ଏହି ପୂର୍ବତନ ବିଡିଓ ବାବୁ କୋରାପୁଟ୍ ଜିଲ୍ଲା ନାରାୟଣପାଟଣା ବ୍ଲକ ଦାୟିତ୍ବରେ ଥିବା ବେଳେ ୩୪ ଲକ୍ଷ ଟଙ୍କା ଆତ୍ମସାତ୍ କରିଥିଲେ । ଏହା ଜଣା ପଡିବା ପରେ ସେ ଓଡିଶା ଛାଡି୨୦୧୫ ରେ ଫେରାର୍ ହୋଇ ଯାଇଥିଲେ । ସେ କେଉଁଠି ଥିଲେ ସେତେବେଳେ ଜଣା ପଡି ନ ଥିଲା । ହେଲେ ଓଡିଶା ଭିଜିଲାନ୍ସ ତାଙ୍କୁ ନିୟମିତ ଟ୍ରାକ୍ କରୁଥିଲା । ଜଣା ପଡିଥିଲା ଯେ ରମେଶ ଦିଲ୍ଲୀ ଓ ଏହାର ଆଖପାଖ ଅଂଚଳରେ ଭାଡରେ ରହୁଥିଲେ, ଓ ନିୟମିତ ବ୍ଯବଧାନରେ ଘର ଓ ଟେଲିଫୋନ୍ ନଂମ୍ବର ପରିବର୍ତ୍ତନ କରୁଥିଲେ । ନିକଟରେ ସେ ଆସାମର ଜୋରହଟ୍ ଅଂଚଳ ଚାଲି ଯାଇଥିଲେ । ଗିରଫଦାରୀ ଏଡାଇବାକୁ ଯାଇ ସେ କିଛି ମାସ ସେଠାରେ ରହିଥିଲେ । ହେଲେ ଆସାମରୁ ଦିଲ୍ଲୀ ଫେରିବା ପରେ, ନୂଆ ଠିକଣାରେ ହଠାତ୍ ମାଡି ବସିଲା ଭିଜିଲାନ୍ସ । ରମେଶ ସାହୁଙ୍କୁ ପ୍ରଥମେ ଦିଲ୍ଲୀ ପଟିଆଲା ମେଟ୍ରୋପଲିଟାନ୍ ମାଜିଷ୍ର୍ଟେଟଙ୍କ କୋର୍ଟରେ ହାଜର କରାଯାଇଥିଲା, ସେଠାରୁ ଟ୍ରାନ୍ଜିଟ୍ ରିମାଣ୍ଡରେ ଓଡିଶା ଅଣାଯାଉଛି ।
