Category: Uncategorized

କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକ ଅଟାଳ ପଞ୍ଚାୟତରେ ଜିଲ୍ଲାପାଳଙ୍କ ଜନଶୁଣାଣୀ

କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକ ଅଟାଳ ଗ୍ରାମ ପଞ୍ଚାୟତ କାର୍ଯ୍ୟାଳୟ ପରିସରରେ ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକଙ୍କ ମିଳିତ ଜନଶୁଣାଣୀ ଶିବିର ଅନୁଷ୍ଠିତ ହୋଇଯାଇଛି | କେନ୍ଦ୍ରାପଡ଼ା ଜିଲ୍ଲାପାଳ ସ୍ମୃତିରଞ୍ଜନ ପ୍ରଧାନ,ଉପଜିଲ୍ଲାପାଳ ଅରୁଣ କୁମାର ନାୟକ, ଏଡିଏମ ନିଲୁ ମହାପାତ୍ର,ଅତିରିକ୍ତ ଆରକ୍ଷୀ ଅଧିକ୍ଷକ ସୁଧାକର ସାହୁ,ତହସିଲଦାର ଶାନ୍ତି ସ୍ୱରୂପ ମିଶ୍ର,ଆଳି ବିଡ଼ିଓ ମିନତୀ ଜଗଦେବ ପ୍ରମୁଖ ଉପସ୍ଥିତ ରହି ସାଧାରଣ ଲୋକଙ୍କ ଅଭିଯୋଗ ଶୁଣିଥିଲେ | ଏହି ଜନଶୁଣାଣୀ ଶିବିରରେ ୧୦୭ ଟି ଅଭିଯୋଗ ହୋଇଥିବା ବେଳେ ୧୩ ଟି ସାମୁହିକ ଅଭିଯୋଗ ରହିଥିବା ବେଳେ ଅନ୍ୟ ଅଭିଯୋଗ ଗୁଡିକ ବ୍ୟକ୍ତିଗତ ଅଭିଯୋଗ ରହିଛି |

ସାମୁହିକ ଅଭିଯୋଗ ମଧ୍ୟରେ ଧାନମଣ୍ଡିରୁ ଧାନ ଉଠୁନଥିବାରୁ ଚାଷୀମାନେ ଜିଲ୍ଲାପାଳଙ୍କ ଦ୍ୱାରସ୍ଥ ହୋଇଥିବା ବେଳେ ମନରେଗା କାର୍ଯ୍ୟ ଚାଲୁକରିବା ନେଇ ଆଳି ସରପଞ୍ଚ ସଙ୍ଘ ପକ୍ଷରୁ ଦାବି କରା ଯାଇଥିବା ବେଳେ ପାନୀୟ ଜଳ ସମସ୍ୟା ସହିତ ଜଳ ନିଷ୍କାସନର ବ୍ୟବସ୍ଥା କରିବା ନିମନ୍ତେ ଦାବି ହୋଇଥିଲା | ଏହି ଜନଶୁଣାଣି ଶିବିର ନିମନ୍ତେ ପ୍ରଚାର ପ୍ରସାର କରା ଯାଇନଥିବା ନେଇ ଲିଖିତ ଅଭଯୋଗ କଲା ବିଜେପି | ଏହି ଶିବିରରେ ଚିକିତ୍ସା ନିମନ୍ତେ ଜଣକୁ ରେଡକ୍ରସ ଓ ଅନ୍ୟ 4 ଜଣଙ୍କୁ ମୁଖ୍ୟମନ୍ତ୍ରୀ ରିଲିଫ ଫଣ୍ଡରୁ ସହାୟତା ଯୋଗାଇ ଦିଆଯାଇଛି |
ଉତ୍କଳ ବିଦ୍ଵତ ପରିଷଦ ପକ୍ଷରୁ ସାମୂହିକ ବ୍ରତୋପନୟନ ଅନୁଷ୍ଠିତ

ଉତ୍କଳ ବିଦ୍ଵତ ପରିଷଦ ଆନୁକୁଲ୍ୟରେ ୪ର୍ଥ ଥର ପାଇଁ ସମୁହ ବ୍ରତୋପନୟନ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି | ଚଳିତ ବର୍ଷ ଜାନୁୟାରୀ ୨୬ ତାରିଖ ରବିବାର ମାଘ କୃଷ୍ଣପକ୍ଷ ଦ୍ଵାଦଶୀ ତିଥିରେ ୨୧ ଜଣ ବ୍ରାହ୍ମଣ ବାଳକଙ୍କର ନିଶୁଳ୍କ ବ୍ରତୋପନୟନ ପାରମ୍ପରିକ ରୀତି ନୀତି ସହ ମହାଆଡମ୍ବରେ ସମ୍ପନ୍ନ ହୋଇଛି | ୪ର୍ଥ ଥର ପାଇଁ ଆୟୋଜିତ ଏହି ପବିତ୍ର କାର୍ଯ୍ୟକ୍ରମ ପୁରୀ ଗୁଣ୍ଡିଚା ଭକ୍ତ ନିବାସରେ ଅନୁଷ୍ଠିତ ହୋଇଛି | ଓଡିଶାର ୧୨ ଟି ଜିଲ୍ଲାରୁ ବ୍ରାହ୍ମଣ ବାଳକମାନେ ସେମାନଙ୍କ ପିତା ମାତା ଅଭିଭାବକଙ୍କ ସହିତ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ | ଆର୍ଥିକ ତଥା ସାମାଜିକ ବିପନ୍ନ ଥିବା ବ୍ରାହ୍ମଣ ବାଳକ ଯଜ୍ଞ ଉପବୀତ ଧାରଣ ପରେ ବ୍ରାହ୍ମଣ କର୍ମ କରି ସ୍ୱାବଲମ୍ବୀ ହୋଇପାରିବେ ସେହି ଲକ୍ଷରେ ପ୍ରତିବର୍ଷ ଉତ୍କଳ ବିଦ୍ଵତ ପରିଷଦ ଏହି ନିଶୁଳ୍କ ବ୍ରତୋପନୟନ ଆୟୋଜିତ କରି ଆସୁଛି | କାର୍ଯ୍ୟକ୍ରମରେ ପୁରୀ ତଥା ଅନ୍ୟାନ୍ୟ ସ୍ଥାନରୁ ଶ୍ରଦ୍ଧାଳୁ ଧର୍ମାନୁରାଗୀ ବ୍ୟକ୍ତି ବହୁ ସଂଖ୍ୟାରେ ଯୋଗ ଦେଇ ଥିଲେ | ଅତିଥି ମାନଙ୍କ ପାଇଁ ଜଳପାନ ସହ ପ୍ରୀତିଭୋଜନର ବ୍ୟବସ୍ଥା ହୋଇଥିଲା | ପୁରୀର ପାରମ୍ପରିକ ମଠାଧୀଶ,ଶ୍ରୀମନ୍ଦିରର ବରିଷ୍ଠ ସେବକ ମାନେ ଯୋଗଦେଇ ବ୍ରହ୍ମଚାରି ମାନଙ୍କୁ ଆଶ୍ରିବାଦ ପ୍ରଦାନ କରିଥିଲେ |ସହଯୋଗୀ ସଂସ୍ଥାନ “ଆପଣଙ୍କ ସେବାରେ” ର ସଦସ୍ୟ ମାନେ ଦିନ ତମାମ ବହୁ ସଂଖ୍ୟାରେ ଉପସ୍ଥିତ ରହି କାର୍ଯ୍ୟକ୍ରମକୁ ପରିଚାଳନା କରିଥିଲେ |ପରିଶେଷରେ ନବ ବ୍ରହ୍ମଚାରିମାନେ ସିଂହଦ୍ଵାରକୁ ଯାଇ ପତିତପାବନଙ୍କୁ ଦର୍ଶନ କରି ନିଜ ନିଜ ଘରକୁ ବାହୁଡିଥିଲେ |

କାର୍ଯକ୍ରମରେ ପରିଷଦର ସଭାପତି ମନୋଜ ରଥ, ସମ୍ପାଦକ ବିଜୟକୃଷ୍ଣ ବ୍ରହ୍ମା, କୋଷାଧକ୍ଷ କମଳାକାନ୍ତ ଆଚାର୍ଯ୍ୟ ,’ଆପଣଙ୍କ ସେବାରେ’ ଅନୁଷ୍ଠାନର ରାଜ୍ୟ ସଭାପତି ଜିତେନ୍ଦ୍ର ମହାପାତ୍ର, କୃଷ୍ଣ ଚନ୍ଦ୍ର ଦାସ ,ସମ୍ପାଦକ ଚିତ୍ତ ରଞ୍ଜନ ବିଶ୍ଵାଳ, ପୁରୀ ନଗର ସମ୍ପାଦକ ବିରଞ୍ଚି ମିଶ୍ର, ଦିବ୍ୟରଞ୍ଜନ ଦାଶ, ରଞ୍ଜେଶ ସାହୁ, ଦେବୀ ବ୍ରହ୍ମା , କୃଷ୍ଣ ଚନ୍ଦ୍ର ମିଶ୍ର ,ଦେବେନ୍ଦ୍ର ମହାରଣା, ସୁଶାନ୍ତ ଦାସ, ସିସେନ ପ୍ରତିହାରୀ, ଅନୁପମା କର,ସୌମ୍ୟଶ୍ରୀ ଆଶ୍ରିବାଦ, ଜଗଦୀଶ ପ୍ରଧାନ, ଅର୍ଜୁନ ମହାରଣା,ସତ୍ୟଦୀପ ମିଶ୍ର, ଶାନ୍ତିଲତା ପରିଡା, ପ୍ରଭାତ ପଣ୍ଡା, ମିହିର ଜେନା, ସଞ୍ଜୟ ବେହେରା, ଦେବାନନ୍ଦ ମିଶ୍ର, ପ୍ରକୃତି ବନ୍ଧୁ ବଦ୍ରି ମିଶ୍ର , ଗଣେଶ୍ୱର ମହାସୁଆର , ଗଣେଶ ମହାପାତ୍ର , ଭଗବାନ ମିଶ୍ର , ଲକ୍ଷ୍ମୀପ୍ରିୟା ସାହୁ , କୃଷ୍ଣ ମିଶ୍ର , ଅର୍ଚନା ରଥ ପ୍ରମୁଖ ଉପସ୍ଥିତ ରହି ଏହି କାର୍ଯ୍ୟକୁ ସୁପରିଚାଳନା କରିଥିଲେ |
ଓଡିଶା-ଛତିଶଗଡ ସୀମାରେ ଏନକାଉଣ୍ଟରରେ ୧୪ ରୁ ଅଧିକ ନକ୍ସଲଙ୍କ ମୃତ୍ୟୁ, ସୁରକ୍ଷା ବାହିନୀକୁ ମିଳିଲା ବଡ଼ ସଫଳତା

ନକ୍ସଲମାନଙ୍କ ବିରୋଧରେ ହୋଇଥିବା ଅପରେସନରେ ସୁରକ୍ଷା ବାହିନୀକୁ ମିଳିଛି ବଡ଼ ସଫଳତା । ଓଡିଶା-ଛତିଶଗଡ ସୀମାରେ ହୋଇଥିବା ଏକ ଏନକାଉଣ୍ଟରରେ ୧୪ ରୁ ଅଧିକ ନକ୍ସଲଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଛତିଶଗଡ ପୋଲିସର ସୂଚନାନୁସାରେ, ଏହି ଏନକାଉଣ୍ଟର ଛତିଶଗଡ-ଓଡିଶା ସୀମାରେ ଥିବା ଗରିଆବନ୍ଦ ଅଞ୍ଚଳରେ ଘଟିଛି। ନକ୍ସଲମାନଙ୍କ ସହ ଏନକାଉଣ୍ଟର ଜାରି ରହିଥିବା ପୋଲିସ କହିଛି।

କ୍ରମାଗତ ଜାରି ରହିଛି ଅପରେସନ୍

ଛତିଶଗଡ-ଓଡିଶା ସୀମାରେ ନକ୍ସଲମାନଙ୍କୁ ହଟାଇବା ପାଇଁ ସୁରକ୍ଷା ବାହିନୀର କାର୍ଯ୍ୟ ୨୪ ଘଣ୍ଟାରୁ ଅଧିକ ସମୟ ଧରି ଚାଲିଛି। ଏହାପୂର୍ବରୁ ସୋମବାର ଦିନ ଏକ ଏନକାଉଣ୍ଟର ହୋଇଥିଲା ଯେଉଁଥିରେ ମହିଳା ନକ୍ସଲମାନଙ୍କୁ ହତ୍ୟା କରାଯାଇଥିଲା। ଏଥିସହିତ CRPF ର କୋବ୍ରା ବାଟାଲିୟନର ଜଣେ ସୈନିକ ଆହତ ହୋଇଥିଲେ। ଏହା ପରେ ସୋମବାର ବିଳମ୍ବିତ ରାତିରେ ଏବଂ ମଙ୍ଗଳବାର ସକାଳେ ଏନକାଉଣ୍ଟର ହୋଇଥିଲା ଯେଉଁଥିରେ ୧୪ ରୁ ଅଧିକ ନକ୍ସଲଙ୍କ ମୃତ୍ୟୁ ହୋଇଥିବା ସୂଚନା ମିଳିଥିଲା।

ଛତିଶଗଡର କୁଲାରିଘାଟ ରିଜର୍ଭ ଜଙ୍ଗଲରେ ବହୁ ସଂଖ୍ୟକ ନକ୍ସଲ ବା ମାଓବାଦୀଙ୍କ ଉପସ୍ଥିତି ସମ୍ପର୍କରେ ସୁରକ୍ଷା ବାହିନୀ ସୂଚନା ପାଇଥିଲେ। ଏହି ଅଞ୍ଚଳ ଓଡିଶାର ନୁଆପଡା ଜିଲ୍ଲା ସୀମାଠାରୁ ପ୍ରାୟ ପାଞ୍ଚ କିଲୋମିଟର ଦୂରରେ ଅବସ୍ଥିତ। ଏହା ପରେ, ୧୯ ଜାନୁଆରୀ ରାତିରେ ସୁରକ୍ଷା ବାହିନୀ ନକ୍ସଲମାନଙ୍କ ବିରୁଦ୍ଧରେ ଅପରେସନ୍ ଆରମ୍ଭ କରିଥିଲେ | ସୂଚନାନୁସାରେ, ନକ୍ସଲମାନଙ୍କ ବିରୋଧରେ ଚାଲିଥିବା ଏହି ଅପରେସନରେ ଛତିଶଗଡରୁ ଜିଲ୍ଲା ରିଜର୍ଭ ଗାର୍ଡ (DRG), ଓଡିଆର CRPF ଏବଂ SOG ର ମିଳିତ ଟିମ୍ ଜଡିତ ଅଛନ୍ତି।
ରୁଷ-ୟୁକ୍ରେନ୍ ଯୁଦ୍ଧ: ରୁଷ ପାଇଁ ଲଢ଼ୁଥିବା ୧୨ ଭାରତୀୟ ନିହତ

ରୁଷ-ୟୁକ୍ରେନ୍ ଯୁଦ୍ଧରେ ୧୨ ଜଣ ଭାରତୀୟଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୧୬ ଜଣ ନିଖୋଜ ଅଛନ୍ତି ଏବଂ ୯୬ ଜଣ ଭାରତ ଫେରିଛନ୍ତି ବୋଲି ବୈଦେଶିକ ବ୍ୟାପାର ମନ୍ତ୍ରାଳୟ କହିଛି I ମୃତ ଭାରତୀୟମାନେ ରୁଷ ପକ୍ଷରୁ ଲଢେଇ କରୁଥିଲେ ବୋଲି ମନ୍ତ୍ରାଳୟ ପକ୍ଷରୁ କୁହାଯାଇଛି I

ବୈଦେଶିକ ମନ୍ତ୍ରାଳୟର ମୁଖପାତ୍ର ରଣଧୀର ଜୟସ୍ବାଲ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି, ବର୍ତ୍ତମାନ ସୁଦ୍ଧା ରୁଷୀୟ ସେନାରେ ୧୨୬ ଜଣ ଭାରତୀୟ କାର୍ଯ୍ୟରତ ଥିବା ଖବର ମିଳିଛି I ଏହି ୧୨୬ ଜଣଙ୍କ ମଧ୍ୟରୁ ୯୬ ଜଣ ଭାରତ ଫେରିଛନ୍ତି ଏବଂ ରୁଷୀୟ ସଶସ୍ତ୍ର ବାହିନୀରୂ ଡିସଚାର୍ଜ ହୋଇଛନ୍ତି I

ଏହାପରେ ରୁଷ ସେନାରେ ୧୮ ଜଣ ଭାରତୀୟ ନାଗରିକ ଥିଲେ ଏବଂ ସେମାନଙ୍କ ମଧ୍ୟରୁ ୧୬ ଜଣ କେଉଁଠି ଅଛନ୍ତି ତାହା ଜଣାପଡିନାହିଁ I ରୁଷ ପକ୍ଷରୁ ସେମାନଙ୍କୁ ନିଖୋଜ ବୋଲି ଦର୍ଶାଯାଇଛି I ବାକି ୨ ଜଣଙ୍କୁ ଶୀଘ୍ର ମୁକ୍ତ କରିବାକୁ ଦାବି କରାଯାଇଛି I ତେବେ ରୁଷ ସେନାରେ କାର୍ଯ୍ୟରତ ୧୨ଜଣ ଭାରତୀୟ ନଗରକଙ୍କ ମୃତ୍ୟୁ ଘଟିଛି I

ୟୁକ୍ରେନ ସହ ରୁଷର ଚାଲିଥିବା ସଂଘର୍ଷରେ ରୁଷୀୟ ସେନା ଦ୍ୱାରା ନିଯୁକ୍ତ ଜଣେ ଭାରତୀୟ ନାଗରିକଙ୍କ ମୃତ୍ୟୁ ଘଟିବା ଓ ଅନ୍ୟ ଜଣେ ଆହତ ହେବା ପରେ ବୈଦେଶିକ ମନ୍ତ୍ରାଳୟ ଏହି ପ୍ରତିକ୍ରିୟା ରଖିଛି I
ଭି.ନାରାୟଣନ୍‌ଙ୍କ ହାତରେ ଇସ୍ରୋର ଦାୟିତ୍ୱ

ଇସ୍ରୋକୁ ମିଳିଲା ନୂଆ ଅଧକ୍ଷ। ଇସ୍ରୋ ନୂଆ ଅଧ୍ୟକ୍ଷ ଭାବରେ ଦାୟିତ୍ୱ ଗ୍ରହଣ କରିଛନ୍ତି ବିଶିଷ୍ଟ ବୈଜ୍ଞାନିକ ଭି.ନାରାୟଣନ୍‌ । ଇସ୍ରୋ ମୁଖ୍ୟ ଏସ୍ ସୋମନାଥଙ୍କର ଗତକାଲି ଥିଲା ଶେଷ କାର୍ଯ୍ୟଦିବସ । ମିଳିଥିବା ରପୋର୍ଟ ଅନୁସାରେ ଗତକାଲି ଅପରାହ୍ନରେ ସେ ଇସ୍ରୋର ନୂଆ ଅଧ୍ୟକ୍ଷ ଭାବରେ ଦାୟିତ୍ୱ ନେଇଛନ୍ତି । ମାତ୍ର ୨ ବର୍ଷ ପାଇଁ ଏହି ପଦରେ ରହିବେ ନାରାୟଣ ।

ଏହାପୂର୍ବରୁ ସେ ଇସ୍ରୋର ଜଣେ ପ୍ରତିଷ୍ଠିତ ବୈଜ୍ଞାନିକ ଭାବେ ଏଲପିଏସସିର ଅଧ୍ୟକ୍ଷ ଭାବେ ରହିଥିଲେ । ୧୯୮୪ରେ ନାରାୟଣ ଇସ୍ରୋରେ ପ୍ରଥମ ଥର ଲଗି ସାମିଲ ହୋଇଥିଲେ। ପ୍ରାୟ ୪୦ ବର୍ଷ ଧରି ସେ ଭାରତୀୟ ମହାକାଶ ଗବେଷଣା ସହ ଜଡିତ ହେଇଛନ୍ତି। ସେ ଭାରତୀୟ ଅନ୍ତରୀକ୍ଷ ସଂଗଠନରେ ଅନେକ ଗୁରୁତ୍ୱପୂର୍ଣ୍ଣ ପଦ ପଦବୀରେ ରହିଆସିଛନ୍ତି। ହେଲେ ଇସ୍ରୋ ଅଧ୍ୟକ୍ଷ ହେବା ପୂର୍ବରୁ ସେ ଭଲିଆମାଲାରେ ଅବସ୍ଥିତ LPSC ର ନିର୍ଦ୍ଦେଶକ ଭାବରେ କାର୍ଯ୍ୟ କରିଥିଲେ । ଜିଏସଏଲଭି ଏମ୍ କେ-୩ ପାଇଁ ଆବଶ୍ୟକ ସିଇ-୨୦ କ୍ରାୟୋଜେନିକ୍ ଇଞ୍ଜିନ୍ ତିଆରିରେ ନାରାୟଣନ୍ ପ୍ରମୁଖ ଭୂମିକା ନିର୍ବାହ କରିଥିଲେ।

ତେବେ ଦେଶକୁ ଚନ୍ଦ୍ରଯାନ-୩ର ଐତିହାସିକ ସଫଳତା ଦେଇଥିବା ଇସ୍ରୋ ମୁଖ୍ୟ ଏସ୍ .ସୋମନାଥଙ୍କର ଗତକାଲି ଥିଲା ଶେଷ କାର୍ଯ୍ୟଦିବସ । ୧୪ ଜାନୁଆରୀ ୨୦୨୨ରେ କାର୍ଯ୍ୟଭାର ଗ୍ରହଣ କରିଥିଲେ। ତାଙ୍କ କାର୍ଯ୍ୟକାଳ ମଧ୍ୟରେ ଆଇ ଏସ ଆର ଓ ସଫଳତାର ସହିତ ଅନେକ ଗୁରୁତ୍ୱପୂର୍ଣ୍ଣ ମିଶନକୁ କାର୍ଯ୍ୟକାରୀ କରିଛି । ଏବେ ତାଙ୍କ ସ୍ଥାନରେ ଡକ୍ଟର ଭି.ନାରାୟଣନ୍ ଇସ୍ରୋର ନୂଆ ଅଧ୍ୟକ୍ଷ ଭାବେ ନିଯୁକ୍ତ ହୋଇଛନ୍ତି।
ଉଡ଼ନ୍ତା ପକ୍ଷୀର ପେଟକୁ ଚିରି ବାହାରି ଆସିଲା ଇଲ ମାଛ, ଫଟୋଗ୍ରାଫର କଏଦ କରିଥିଲେ ଏହି ଅବିଶ୍ୱସନୀୟ ଚିତ୍ର

ଏହି ଦୁନିଆରେ ସମସ୍ତ ପ୍ରାଣୀ ପରସ୍ପର ପାଇଁ ଭୋଜନ | ଇଗଲ ଏବଂ ବାଜ ପକ୍ଷୀଙ୍କ ନଜର ସବୁବେଳେ ସମୁଦ୍ରରେ ପହଁରୁଥିବା ମାଛ ଉପରେ ରହିଥାଏ, ସେପଟେ ସିଂହ ଜଙ୍ଗଲରେ ରାଜୁତି କରି ନିଜ ଅପେକ୍ଷା ଦୁର୍ବଳ ପଶୁମାନଙ୍କୁ ଖାଇ ନିଜର ଭୋକକୁ ପୂରଣ କରିଥଏ | ଆଜି ବି ଡ଼ିସକଭରୀ ଏବଂ ଜୋଗ୍ରାଫି ଚ୍ୟାନେଲରେ ପଶୁମାନଙ୍କ ଜୀବନ-ଯାପନ ଗଭୀର ଭାବରେ ବର୍ଣ୍ଣନା ଏବଂ ଦର୍ଶାଯାଉଛି | ଏହି ସମୟରେ, ବିଶେଷଜ୍ଞମାନେ ଜଙ୍ଗଲକୁ ଯାଇ ପଶୁମାନଙ୍କ ମଧ୍ୟରେ ଅନୁସନ୍ଧାନ କରନ୍ତି | ଏହି ସମୟରେ, ସେ ନିଜ କ୍ୟାମେରାରେ ଏପରି ଚମତ୍କାର ଏବଂ ଆଖିଦୃଶିଆ ଚିତ୍ର ଏବଂ ଭିଡିଓ କ୍ୟାପଚର କରିଥାନ୍ତି , ଯାହା ଅବିଶ୍ୱସନୀୟ ଦେଖାଯାଏ | ବର୍ତ୍ତମାନ ସେହିଭଳି ଏକ ଚିତ୍ର ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯାହାକୁ ବିଶ୍ୱାସ କରିବା ସମସ୍ତଙ୍କ ପକ୍ଷରେ କଷ୍ଟକର ହୋଇପାରେ |

X ରେ ଭାଇରାଲ୍ ହୋଇଥିବା ଏହି ଛବି ୨୬ ମିଲିୟନରୁ ଅଧିକ ଭ୍ୟୁଜର ଦେଖି ସାରିଲେଣି | ଏହି ଅବିଶ୍ୱସନୀୟ ଚିତ୍ର ଦେଖିବା ପରେ ଲୋକମାନେ ଆଶ୍ଚର୍ଯ୍ୟଜନକ ପ୍ରତିକ୍ରିୟା ଦେଉଛନ୍ତି ଏବଂ କିଛି ପ୍ରଶ୍ନ ମଧ୍ୟ ଉଠାଉଛନ୍ତି | ଏକ ହେରୋନ୍ ପକ୍ଷୀ ଗୋଟେ ଇଲ (ମାଛ) ଶିକାର କରି ଏହାକୁ ହଜାରେ ଫୁଟ ଆକାଶକୁ ନେଇ ଯାଇ ଏହାକୁ ଖାଇଲା, ଏହା ପୂର୍ବରୁ ଏହି ମାଛ ଉଡ଼ନ୍ତା ହେରୋନ୍ ପକ୍ଷୀ ପେଟରୁ ବାହାରକୁ ବାହାରିଗଲା |ଏହି ଚମକପ୍ରଦ ଦୃଶ୍ୟକୁ ଜଣେ ଫଟୋଗ୍ରାଫର ତାଙ୍କ କ୍ୟାମେରାରେ କଏଦ କରି ସୋସିଆଲ ମିଡିଆରେ ସେୟାର କରିଛନ୍ତି, ଯାହା ଦେଖୁ ଦେଖୁ ଭାଇରାଲ ହେବାରେ ଲାଗିଛି | ବର୍ତ୍ତମାନ ହେରନ୍ ଏବଂ ଇଲର ଏହି ଚିତ୍ରରେ ଲୋକମାନେ ମିଶ୍ରିତ ପ୍ରତିକ୍ରିୟା ଦେଉଛନ୍ତି|
ମଧ୍ୟପ୍ରଦେଶର ଦେୱାସରେ ଯନ୍ତ୍ରଣାଦାୟକ ଦୁର୍ଘଟଣା, ଘରେ ଲାଗିଲା ଭୀଷଣ ନିଆଁ, ଗୋଟିଏ ପରିବାରର ଚାରି ଜଣଙ୍କ ମୃତ୍ୟୁ

ଦେୱାସର ନୟାପୁରା ଅଞ୍ଚଳର ଏକ ଘରେ ଅଗ୍ନିକାଣ୍ଡରେ ଗୋଟିଏ ପରିବାରର ଚାରି ଜଣ ଜୀବନ୍ତ ଦଗ୍ଧ ହୋଇଯାଇଛନ୍ତି । ମୃତକଙ୍କ ମଧ୍ୟରେ ସ୍ୱାମୀ, ସ୍ତ୍ରୀ ଏବଂ ଦୁଇ ପିଲାସାମିଲ । ବହୁ ପରିଶ୍ରମ ପରେ ଦମକଳ ନିଆଁକୁ ନିୟନ୍ତ୍ରଣରେ ଆଣିଥିଲା |

ସୂଚନାନୁସାରେ, ଘରର ତଳ ମହଲାରେ ଏକ ଦୁଗ୍ଧ ଯାତ ଦୋକାନ ଥିଲା ଏବଂ ସେଠାରେ ନିଆଁ ଲାଗିଯାଇଥିଲା। ଧୀରେ ଧୀରେ ନିଆଁ ଏକ ବିରାଟ ରୂପ ନେଇ କୋଠାର ଦ୍ୱିତୀୟ ମହଲାରେ ପହଞ୍ଚିଥିଲା | ଦ୍ୱିତୀୟ ମହଲାରେ ନିଆଁରେ ସ୍ୱାମୀ, ସ୍ତ୍ରୀ ଏବଂ ଦୁଇ ପିଲାଙ୍କ ସମେତ ମୋଟ ଚାରି ଜଣଙ୍କର ମୃତ୍ୟୁ ଘଟିଛି। ସୂଚନା ଅନୁଯାୟୀ ମୃତ ଦୀନେଶ ଜଣେ କାର୍ପେଣ୍ଟର ଭାବରେ କାମ କରୁଥିଲେ। ଏହି ନିଆଁରେ ଦୀନେଶ, ତାଙ୍କ ପତ୍ନୀ ଗାୟତ୍ରୀ, ଝିଅ ଇଶିକା ଏବଂ ପୁଅ ଚିରାଗଙ୍କର ମୃତ୍ୟୁ ଘଟିଛି। ଅଗ୍ନିକାଣ୍ଡର କାରଣ ଜଣା ପଡିନାହିଁ।
ଆଜି ଜିଏସଟି ପରିଷଦ ବୈଠକ… ବୀମା ପ୍ରିମିୟମ ଠାରୁ ଖାଦ୍ୟ ଅର୍ଡର ପର୍ଯ୍ୟନ୍ତ, ଏହି ଜିନିଷଗୁଡ଼ିକ ହୋଇଯିବ ଶସ୍ତା!

ଜିଏସଟି ପରିଷଦ ବୈଠକ ଆଜି ଅର୍ଥାତ୍ ଶନିବାର ଅନୁଷ୍ଠିତ ହେବାକୁ ଯାଉଛି। ଏଭଳି ପରିସ୍ଥିତିରେ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ଅନେକ ବଡ଼ ନିଷ୍ପତ୍ତି ନିଆଯାଇପାରେ | ଅନେକ ଜିନିଷ ଉପରେ ଟିକସ ହ୍ରାସ କରାଯାଇପାରେ ଏବଂ କିଛି ଜିନିଷ ଉପରେ ଟ୍ୟାକ୍ସ ମଧ୍ୟ ଲାଗୁ କରାଯାଇପାରେ | ଗ୍ରୁପ୍ ଅଫ୍ ମିନିଷ୍ଟର୍ସ (GOM) ମୋଟ ୧୪୮ ଟି ଜିନିଷର ଟ୍ୟାକ୍ସ କୁ ପୁନଃଉଦ୍ଧାର କରିବାକୁ ପ୍ରସ୍ତାବ ଦେଇଛି | କିନ୍ତୁ ସୂଚନାନୁସାରେ, କେବଳ କିଛି ଜିନିଷ ଉପରେ ଟିକସ ପରିବର୍ତ୍ତନକୁ ନେଇ ଏକ ସହମତି ହୋଇପାରେ।

ଆଜି ଜିଏସଟି ପରିଷଦ ବୈଠକରେ ଜୀବନ ଏବଂ ସ୍ୱାସ୍ଥ୍ୟ ବୀମା ପ୍ରିମିୟମ ଉପରେ ଟିକସ ହାର ହ୍ରାସ କରିବାକୁ ନିଷ୍ପତ୍ତି ନିଆଯାଇପାରେ, କିନ୍ତୁ ଲୁଜ ଦ୍ରବ୍ୟ ଉପରେ ଅଧିକ ହାର ସହିତ ବଡ ଟିକେଟ୍ ହାର ବିଷୟରେ ନିଷ୍ପତ୍ତି ମଧ୍ୟ ନିଆଯାଇପାରେ | କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ଏବଂ ରାଜ୍ୟ ପ୍ରତିପକ୍ଷଙ୍କ ଉପସ୍ଥିତିରେ ଜିଏସ୍ ଟି ପରିଷଦର ୫୫ ତମ ବୈଠକରେବିମାନ ଚଳାଚଳ ଶିଳ୍ପ ମୂଲ୍ୟ ପାଇଁ ଦ୍ରବ୍ୟ ଏବଂ ସେବା କର (ଜିଏସ୍ ଟି) ଅଧୀନରେ ଆଭିଏସନ ଟର୍ବାଇନ ଇନ୍ଧନ (ଏଟିଏଫ) ଆଣିବା ଉପରେ ମଧ୍ୟ ଆଲୋଚନା ହେବାର ସମ୍ଭାବନା ଅଛି |

ଅନଲାଇନରେ ଖାଦ୍ୟ ଅର୍ଡର କରିବାରେ ମିଳିପାରେ ରିହାତି

ସ୍ୱିଗି ଏବଂ ଜୋମାଟୋ ପରି ଖାଦ୍ୟ ବିତରଣ ପ୍ଲାଟଫର୍ମରେ ଜିଏସ୍ ଟି ହାର ମଧ୍ୟ ବର୍ତ୍ତମାନର ୧୮ ପ୍ରତିଶତରୁ (ITC ସହିତ) ୫ ପ୍ରତିଶତକୁ (ଇନପୁଟ୍ ଟ୍ୟାକ୍ସ କ୍ରେଡିଟ୍ ପରେ) ହ୍ରାସ କରାଯାଇଛି | ତେବେ ବ୍ୟବହୃତ ବୈଦ୍ୟୁତିକ ଯାନ ତଥା ଛୋଟ ପେଟ୍ରୋଲ ଏବଂ ଡିଜେଲ ଯାନ ବିକ୍ରୟ ହାରକୁ ବର୍ତ୍ତମାନର ୧୨ ପ୍ରତିଶତରୁ ୧୮ ପ୍ରତିଶତକୁ ବୃଦ୍ଧି କରିବାକୁ ଫିଟମେଣ୍ଟ କମିଟି ନିଷ୍ପତ୍ତି ନେଇଛି। ସୂଚନାନୁସାରେ, ଏହି ବୃଦ୍ଧି ସହିତ ପୁରୁଣା ଏବଂ ବ୍ୟବହୃତ ଛୋଟ କାର ଏବଂ ବୈଦ୍ୟୁତିକ ଯାନ ପୁରୁଣା ବଡ ଯାନ ସହିତ ସମାନ ହେବ |
ଧାର ଦେଇଥିବା ଟଙ୍କା ମାଗିବାରୁ ବନ୍ଧୁକ ଦେଖାଇ ଧମକ

ଠିକାଦାର କାମ କରିବାକୁ ଟଙ୍କା ଲେଣଦେଣ ହେବାର ପାଞ୍ଚ ବର୍ଷ ପରେ ମଧ୍ୟ ଟଙ୍କା ସୁଝି ନ ପାରିବାରୁ ହେଲା ବଚସା । ଆଉ ବଚସା ବଢ଼ି ବନ୍ଧୁକ ଦେଖାଇ ଧମକ ଦେବାପର୍ଯ୍ୟନ୍ତ କଥାଗଲା । କିନ୍ତୁ ଘଟଣା ଏତିକିରେ ଶେଷ ହେଲାନାହିଁ, ନ୍ୟାୟ ପାଇଁ ଉଭୟ ପକ୍ଷ ପାଟକୁରା ଥାନାର ଦ୍ୱାରସ୍ତ ହେଲେ । ଘଟଣାଟି ଘଟିଛି ପାଟକୁରା ଥାନା ଅନ୍ତର୍ଗତ ତଳସଙ୍ଗା ଅଞ୍ଚଳରେ।

ତଳସଙ୍ଗାର ରଂଜିତ ନାୟକ ଓ ଜଣେ ସରକାରି ଶିକ୍ଷକ ସୁସାନ୍ତ ପଲେଈ ଗରାପୁର ଅଞ୍ଚଳର ତୁଷାରକାନ୍ତ ପରିଡାଙ୍କଠାରୁ ଠିକାଦାରି କାମ ପାଇଁ ପାଖାପାଖି ୧୨ ଲକ୍ଷ ଟଙ୍କା ଉଧାର ନେଇଥିଲେ । ଉଧାର ଟଙ୍କାରେ ଠିକାଦାରି କାମ ଶେଷ ହୋଇଥିଲା; କିନ୍ତୁ ଟଙ୍କା ଧାର ଦେଇଥିବା ତୁଷାରକାନ୍ତ ପରିଡା ତାଙ୍କ ୧୨ ଲକ୍ଷ୍ ଟଙ୍କା ଫେରସ୍ତ ପାଇନଥିଲେ । ଏହା ଭିତରେ ଟଙ୍କା ଉଧାର ଆଣିବା ଘଟଣାକୁ ୫ ବର୍ଷ ବିତି ଯାଇଥିଲା । ସରକାରୀ ଶିକ୍ଷକ ସୁଶାନ୍ତ ଟଙ୍କା ଫେରେଇଦେବେ ବୋଲି ରଂଜିତ କହିଥିଲେ । କିନ୍ତୁ, ଟଙ୍କା ଫେରସ୍ତ କରିବା ତ ଦୂରର କଥା,ତୁଷାରକାନ୍ତଙ୍କୁ ରଂଜିତ ନାୟକ ଓ ତାଙ୍କ ସହଯୋଗୀ ତାଳସଙ୍ଗାକୁ ଡାକି ବନ୍ଧୁକ ଦେଖାଇ ଧମକ ଦେଇଥିଲେ ।

ଯାହାଫଳରେ, ତୁଷାର ରଂଜିତଙ୍କ ବିରୁଦ୍ଧରେ ମାନ୍ୟବର କୋର୍ଟଙ୍କ ଦ୍ୱାରସ୍ତ ହେବାସହ ପାଟକୁରା ଥାନାରେ ଠକେଇ ଅଭିଯୋଗ କରିଥିଲେ । ଅନ୍ୟପଟେ, ରଂଜିତଙ୍କ ସହଯୋଗୀ ସୁଶାନ୍ତ ପଲେଇ କହିଛନ୍ତି ତାଙ୍କ ସାନଭାଇ କଣ୍ଟ୍ରାକ୍ଟର ହୋଇଥିବାରୁ ଠିକାଦାରୀ କାମ ପାଇଁ ସେ ତୁଷାରକାନ୍ତଙ୍କଠାରୁ ଟଙ୍କା ଆଣିଥିଲେ ଏବଂ ଉକ୍ତ ଟଙ୍କାକୁ ସେ ତୁଷାରଙ୍କୁ ଫେରାଇ ଦେଇଛନ୍ତି । ଏହାସହ, ସୁଶାନ୍ତ ପାଲଟା ଅଭିଯୋଗ କରିଛନ୍ତି ଯେ ଟଙ୍କା ଫେରି ପାଇବାପରେ ତୁଷାର ସେମାନଙ୍କୁ ବ୍ଲାକ ମେଲିଙ୍ଗ କରୁଛନ୍ତି । ତେବେ, ଏ ନେଇ ପାଟକୁରା ପୋଲିସର ପ୍ରତିକ୍ରିୟା ମିଳିପାରିନାହିଁ ।
ଆରପି ପ୍ରଡକ୍ସନର ପ୍ରଥମ ଅବଦାନ ‘ଅକ୍ସିଜେନ’ ଖୁବ ଶୀଘ୍ର ଆପଣଙ୍କ….

ବିଷ୍ଣୁ ପୁରାଣରେ କୁହାଯାଇଛି ଯେ କଳିଯୁଗ ଶେଷ ଆଡକୁ ବ୍ରହ୍ମାଣ୍ଡ ବିନାଶକୁ ଗତି କରିବ। ବନ୍ୟା ପୂର୍ବରୁ ଉତ୍ତାପ ସୃଷ୍ଟିକୁ ବିନାଶ ଆଡକୁ ନେଇଯିବ। ଭଗବାନ ବିଷ୍ଣୁ ସୂର୍ଯ୍ୟଙ୍କ କମଳା କିରଣରେ ଅବଶୋଷିତ ହେବେ ଯେଉଁଥିପାଇଁ ଉତ୍ତାପ ଏତେ ଗରମ ହେବ ଯେ ଭୟଙ୍କର ଦୁର୍ଭିକ୍ଷ ଘଟିବ। ଲୋକମାନେ ଆକାଶରୁ ବର୍ଷା ବୁନ୍ଦା ପାଇଁ ଇଚ୍ଛା କରିବେ କିନ୍ତୁ ଆକାଶରେ ବର୍ଷା ହେବ ନାହିଁ ଏବଂ ବର୍ଷା ଅଭାବରୁ କୃଷି ନଷ୍ଟ ହୋଇଯିବ | ମାନବ ଶରୀର ସଠିକ୍ ଭାବରେ କାର୍ଯ୍ୟ କରିବା ପାଇଁ ଅମ୍ଳଜାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ, ଆମେ ନିଶ୍ୱାସ ନେଉଥିବା ବାୟୁରୁ ଶରୀର ଅମ୍ଳଜାନ ପାଇଥାଏ, ଯାହା ଫୁସଫୁସ ଦ୍ୱାରା ଶୋଷିତ ହୁଏ ଏବଂ ପରେ ରକ୍ତ ପ୍ରବାହରେ ପ୍ରବେଶ କରେ। ଏହିପରି ଏକ ଧାରଣାକୁ ନେଇ ତିଆରି ହୋଇଛି ଓଡିଆ ଫିଲ୍ମ ‘ଅକ୍ସିଜେନ’।

କାହାଣୀ ଅନୁଯାୟୀ ଜଣେ forest ଅଫିସର ବହୁତ କଷ୍ଟରେ ଜଙ୍ଗଲର ରକ୍ଷଣାବେକ୍ଷଣ କରନ୍ତି। ତାଙ୍କ ଝିଅ ଜଣେ IT Engineer ଯିଏକି ଜଣେ ପରିବେଶବିତ ମଧ୍ୟ । କିଛି ଖଳ ଲୋକଙ୍କ କୁଚକ୍ରାନ୍ତ ଯୋଗୁଁ forest officer ର ହଠାତ ମୃତ୍ୟୁ ହୋଇଯାଏ । ସମୟ କ୍ରମେ ତାଙ୍କ ଶିକ୍ଷିତ ଝିଅ ନିଜ ବାପାର କଥା ରଖିବା ପାଇଁ ନିଜକୁ ଏବଂ ତାର pharmacist ପ୍ରେମୀକୁ କିପରି ପ୍ରକୃତି କୁ ସଜାଡିବାକୁ ଚେଷ୍ଟା କରେ ହେଉଛି କାହାଣୀର ମୂଳ ବସ୍ତୁ। ସମ୍ପୂର୍ଣ ମନୋରଞ୍ଜନ ଭିତ୍ତିକ ନୂଆ content ର ଫିଲ୍ମ ଟିଏ ତିଆରି ହୋଇଛି ଦର୍ଶକଙ୍କ ମନୋରଞ୍ଜନ ପାଇଁ।

ମୁଖ୍ୟ ଭୂମିକାରେ ଅଭିନୟ କରିଛନ୍ତି ସଂବିତ, ତମନ୍ନା ଏବଂ ବବି ମିଶ୍ର। କାହାଣୀ ର ପ୍ରତିଟି ଚରିତ୍ର ଜୀବନ୍ତ ହୋଇଛି । କଳାକାର ମାନଙ୍କର ଦମଦାର ଅଭିନୟ ସାଙ୍ଗକୁ, ଫିଲ୍ମର ଗୀତସବୁ ବହୁତ ମଧୁର ଏବଂ ଉଚ୍ଚକୋଟୀର ହୋଇଛି । ଗୀତସବୁ ପ୍ରତି ଓଡିଆ ଲୋକଙ୍କ ଘରେ ବାଜିବ ବୋଲି ପ୍ରଯୋଜକ ଶ୍ରୀ ଶିବ ପ୍ରସାଦ ପଣ୍ଡା ଆଶା ରଖିଛନ୍ତି । କାହାଣୀ ଏବଂ ସଂଳାପ ଶ୍ରୀ ରଶ୍ମି ରଞ୍ଜନ ପଣ୍ଡା ଲେଖିଥିବା ବେଳେ, ସଙ୍ଗୀତ ନିର୍ଦ୍ଦେଶନା ଦେଛନ୍ତି ଶ୍ରୀ ଅଭିଜିତ ମଜୁମଦାର। ଫିଲ୍ମ ର ନିର୍ଦ୍ଦେଶନା ଦେଇଛନ୍ତି ପିନୁ ନାୟକ।