Category: Uncategorized

ରାୟଗଡ଼ା ଜିଲ୍ଲା ଚନ୍ଦ୍ରପୁର ବ୍ଲକ ଡାଙ୍ଗସୋରଡା ପଞ୍ଚାୟତ ଅଧିନସ୍ଥ ଯୁଗାପଦର ଗ୍ରାମ ଠାରେ ମୁନିଗୁଡ଼ା ବନ୍ୟାଞ୍ଚଳ ଅଧିନସ୍ଥ ଡାଙ୍ଗସୋରଡା ବନ ବିଭାଗ ସେକ୍ସନ ତରଫରୁ ଏକ ଦିନିଆ ସଚେତନ ଶିବିର କାର୍ଯ୍ୟକ୍ରମ ଅନୁଷ୍ଠିତ କରାଯାଇଥିଲା। ଏଥିରେ ଆଗାମୀ ଗ୍ରୀଷ୍ମ ରୁତୁ ପ୍ରଭାବ ଜଙ୍ଗଲ ନିଆଁ ଲାଗିବା ଓ ନିଆଁ ଲଗାଇବା ଏକ ଆଇନଗତ ଅପରାଧ ଅଟେ।

ବର୍ତ୍ତମାନ ପ୍ରତ୍ୟେକ ଜାଗାରେ ନିଆଁ ଲାଗିବା ସନ୍ଦେହରେ ଯୁଗାପଦର ଗ୍ରାମରେ ଏକ ଜନ ସଚେତନ କାର୍ଯ୍ୟକ୍ରମ କରାଯାଇଥିଲା। ଏହି କାର୍ଯ୍ୟକ୍ରମରେ ଗ୍ରାମବାସୀ ମହିଳା ଓ ପୁରୁଷମାନଙ୍କୁ ଜଙ୍ଗଲ ନିଆଁ ଲଗାଇବା ଠାରୁ ନିବୃତ୍ତ ରହିବା ନିମନ୍ତେ ଏବଂ ଜଙ୍ଗଲ ସୁରକ୍ଷା କରିବା ସହ ଜଙ୍ଗଲ ସୁରକ୍ଷା ସହ ପଶୁପକ୍ଷୀଙ୍କ ସୁରକ୍ଷା ନିମନ୍ତେ ଏକ ଆଲୋଚନା କରାଯାଇଥିଲା। ପ୍ରତ୍ୟେକ ପରିବାର ମଧ୍ୟରେ ଗୋଟିଏ ଗୋଟିଏ ଗଛ ଲଗାଇବା ନିମନ୍ତେ କୁହାଯାଇଥିଲା। ଏଥିସହ ମହିଳା, ପୁରୁଷ ଏକ ଶୋଭାଯାତ୍ରାରେ ବାହାରି ଗ୍ରାମ ପରିକ୍ରମା କରି ସଚେତନତା ବାର୍ତ୍ତା ପହଞ୍ଚାଇ ଥିଲେ।

ଏଥିରେ ଗ୍ରାମର ମହିଳା ପୁରୁଷ, ଯୁବକ ଯୁବତୀ ମିଶି ଜଙ୍ଗଲ ସୁରକ୍ଷା ଆମର ରକ୍ଷା। ଗଛ ବଞ୍ଚିଲେ ଆମେ ବଞ୍ଚିବା ଏପରି ସଚେତନର ବିଭିନ୍ନ ପ୍ରକାରର ସ୍ଲୋଗାନ ଦେଇ ସଚେତନତା ବାର୍ତ୍ତା ଦେଇଥିଲେ। ଏହି କାର୍ଯ୍ୟକ୍ରମକୁ ଡାଙ୍ଗସୋରଡା ସେକ୍ସନର ବନପାଳ ସୁଜାତା ସୁନା ମୁଦିଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ କରାଯାଇଥିଲା। ଏଥିରେ ମୁଖ୍ୟ ଅତିଥି ଡାଙ୍ଗସୋରଡା ସରପଞ୍ଚ ଶ୍ରୀମତୀ ଅନିତା ଶବର ଯୋଗଦେଇ ଏହାର ଶୁଭାରମ୍ଭ କରିଥିଲେ।

ସମ୍ମାନିତ ଅତିଥି ଭାବେ ବରିଷ୍ଠ ସାମ୍ବାଦିକ ବିଜୟ ପ୍ରସାଦ ଉଲ୍ଲାକା ଉପସ୍ଥିତ ରହି ଜଙ୍ଗଲ ସୁରକ୍ଷା , ପରିବେଶ ସୁରକ୍ଷା ଓ ଜଙ୍ଗଲ ନିଆଁ ନିବାରଣ ନିମନ୍ତେ ଗ୍ରାମ ବାସୀ ମାନଙ୍କୁ ପୁଙ୍ଖାନୁପୁଙ୍ଖ ଭାବେ ବୁଝାଇଥିଲେ। ଅନ୍ୟ ମାନଙ୍କ ମଧ୍ୟରେ ବନ ବିଭାଗର ବନରକ୍ଷୀ କୁନି କୁସୁଲିଆ , କସ୍ତୁରୀ ପ୍ରହରାଜ ସମେତ ଯୁଗାପଦର ଗ୍ରାମ ସହ ନାଉଡୁଗୁଡା , ଭାଲୁଗୁଡା, କିଞ୍ଜିରିମାଲା ଏଭଳି ବିଭିନ୍ନ ଗ୍ରାମରୁ ଶତାଧିକ ମହିଳା , ପୁରୁଷ  ଏବଂ ଯୁବକ , ଯୁବତୀ ଏହି ସଚେତନ କାର୍ଯ୍ୟକ୍ରମ ରେ ଉପସ୍ଥିତ ରହିଥିଲେ।

ଉକ୍ତ ସଚେତନ କାର୍ଯ୍ୟକ୍ରମ ରେ ନେଟ୍ ଭଲି ବଲ୍ ମୁଖ୍ୟ ଅତିଥି ଦ୍ବାରା ପ୍ରଦାନ କରାଯାଇଥିଲା। ସେହିଭଳି ଏହା ପୂର୍ବରୁ ବିଭିନ୍ନ ଗ୍ରାମ ମାନଙ୍କ ରେ ବନପାଳ ଜରିଆରେ ଯୁବକ ମାନଙ୍କୁ ନେଟ୍ ଭଲି ବଲ୍ ପ୍ରଦାନ କରାଯାଇଥିବା ସହ ସଚେତନତା କାର୍ଯ୍ୟକ୍ରମ କରାଯାଇଥିଲା।

ରାୟଗଡ଼ା ଜିଲ୍ଲା ଚନ୍ଦ୍ରପୁର ବ୍ଲକ ସଦର ମହକୁମା ଠାରେ ଜିଲ୍ଲାପାଳ ପାରୁଲ ପଟୱରୀ ଉପସ୍ଥିତ ରହି ଲୋକଙ୍କ ଅଭିଯୋଗ ପତ୍ର ଗ୍ରହଣ କରିଥିଲେ। ଏହି ଯୁଗ୍ମ ଅଭିଯୋଗ ଶୁଣାଣୀ କାର୍ଯ୍ୟକ୍ରମରେ ଚନ୍ଦ୍ରପୁର ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ସମ୍ଯକାନ୍ତ ବାଙ୍ଗୁଲ ଓ ବ୍ଲକ ଅଧ୍ୟକ୍ଷ ଶ୍ରୀଯୁକ୍ତ କୋଇନ କିମ୍ବାକା ଏବଂ ମୁଖ୍ୟବକ୍ତା ଚନ୍ଦ୍ରପୁର ପଞ୍ଚାୟତ ସରପଞ୍ଚ ରଞ୍ଜିତା ବ୍ରେକବେଡା ସମେତ ବ୍ଳକର ସମସ୍ତ ବିଭିନ୍ନ ବିଭାଗ ଅଧିକାରୀଙ୍କ ନେତୃତ୍ୱରେ ଏହି ଯୁଗ୍ମ ଅଭିଯୋଗ ଶୁଣାଣୀ ଅନୁଷ୍ଠିତ କରାଯାଇଥିଲା।

ଏହାସହ ଶୁଣାଣୀରେ ଜିଲ୍ଲାର ସମସ୍ତ ମାନ୍ୟଗଣ୍ୟ ବ୍ୟକ୍ତି ପ୍ରମୁଖ ଉପସ୍ଥିତ ରହି ଜନସାଧାରଣଙ୍କ ବିଭିନ୍ନ କ୍ଷେତ୍ରର ସମସ୍ୟା ଭିତ୍ତିକ ପତ୍ରକୁ ଗ୍ରହଣ କରିବାକୁ ସହଯୋଗ କରିଥିବା ଦେଖିବାକୁ ମିଳିଥିଲା। ମୋଟ ୩୩ ଟି ଅଭିଯୋଗ ଲୋକଙ୍କ ଠାରୁ ଜିଲ୍ଲାପାଳ ପାରୁଲ ପଟୱରୀ ଗ୍ରହଣ କରିଥିଲେ। ମୋଟ ୩୩ ଅଭିଯୋଗ ମଧ୍ୟରୁ ବ୍ୟକ୍ତିଗତ ୧୪ ଟି , ଗୋଷ୍ଠୀ ଗତ ଅଭିଯୋଗ ୧୫ ଟି , ଓ ସ୍ବାସ୍ଥ୍ୟ ଗତ ଅଭିଯୋଗ ୪ ଟି ରହିଥିଲା। ଏହା ସହିତ ବୁଡୁବାଲି ଗ୍ରାମର ଭିନ୍ନକ୍ଷମ ଯୋହନ ଜାଗେରେଙ୍ଗାଙ୍କୁ ୨ ଲକ୍ଷ ୫୦ ହଜାର ଟଙ୍କା ର ଏକ ବ୍ୟାଟେରୀ ଅପରେଟର ଇ ରିକ୍ସା ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ତରଫରୁ ପ୍ରଦାନ କରାଯାଇଥିଲା।

ଏହି କ୍ଷେତ୍ରରେ ଚନ୍ଦ୍ରପୁର ବ୍ଲକ ସମସ୍ତ କୋଣ ଅନୁକୋଣରେ ରହୁଥିବା ପ୍ରତ୍ୟେକ ଗାଁ ଗହଳିରୁ ଗ୍ରାମବାସୀ ପହଞ୍ଚି ନିଜ ନିଜର ସମସ୍ୟାକୁ ସମାଧାନ କରିବା ନିମନ୍ତେ ଦରଖାସ୍ତ ପ୍ରଦାନ କରିଥିଲେ। ଏହି ଅଭିଯୋଗ ଶୁଣାଣୀ ଶିବିର ଗୋଷ୍ଠୀଗତ , ସାମୂହିକ ଓ ବ୍ୟକ୍ତିଗତ , ସ୍ବାସ୍ଥ୍ୟଗତ ଏବଂ ବିଭିନ୍ନ କାର୍ଯ୍ୟକ୍ରମ ପାଇଁ ତଥା ସାହି ସିସି ରୋଡ଼ ଓ ପାନୀୟ ଜଳର ସମସ୍ୟା ଏଭଳି ବିଭିନ୍ନ ସମସ୍ୟାକୁ ନେଇ ଆଜି ବ୍ଲକ ସ୍ତରୀୟ ଯୁଗ୍ମ ଅଭିଯୋଗ ଶୁଣାଣୀ ଶିବିର ଅନୁଷ୍ଠିତ କରାଯାଇଥିବା ଦେଖିବାକୁ ମିଳିଥିଲା।

ଓଡ଼ିଶା ସରକାରଙ୍କ ଗୃହ ଓ ନଗର ଉନ୍ନୟନ ବିଭାଗଙ୍କ ଆଦେଶ କ୍ରମେ ଓଡ଼ିଶା ମୁନିସିପାଲ ଆକ୍ଟ -୧୯୫୦ର ଧାରା ୫୩ ଅନୁଯାୟୀ ଧାରାବାହିକ ଭାବେ ମୁନିସିପାଲ ଆକ୍ଟଗୁଡିକୁ ଅବମାନନା କରୁଥିବା ଅଭିଯୋଗରେ ଦେବଗଡ଼ ନଗରପାଳିକା ବିଜେଡି ପୌରାଧ୍ୟକ୍ଷା ଶାନ୍ତିମଞ୍ଜରୀ ଦେଇଙ୍କୁ ସରକାର ଗତ ନଭେମ୍ବର ମାସ ୧୧ତାରିଖ ଦିନ କାରଣ ଦର୍ଶାଇବା ପାଇଁ ନୋଟିସ ଜlରି କରିଥିଲେl ଶାନ୍ତିମଞ୍ଜରୀ ଦେଇ ଏହି ନୋଟିସକୁ ହାଇକୋର୍ଟରେ ଚାଲେଞ୍ଜ କରିଥିଲେl କିନ୍ତୁ ହାଇକୋର୍ଟ ଗତ ଡିସେମ୍ବର ୧୧ ତାରିଖ ଦିନ ତାଙ୍କ ଆବେଦନକୁ ଖାରଜ କରିଦେଇଥିଲେ ଓ ୭ ଦିନ ମଧ୍ୟରେ ନିଜ ଜବାବ ଦlଖଲ କରିବାକୁ ନିର୍ଦ୍ଦେଶ ଦେଇଥିଲେl ତାହାଅନୁଯାୟୀ, ପୌରାଧ୍ୟକ୍ଷl ଡିସେମ୍ବର ୧୭ ତାରିଖ ଦିନ ତାଙ୍କ ଉତ୍ତର ରଖିଥିଲେ l ଏହାପରେ ମଧ୍ୟ “ନାଚୁରାଲ ଜଷ୍ଟିସ” ଦୃଷ୍ଟିରୁ ଗତ ତା ୨୫ରିଖ ଦିନ ଗୃହ ଓ ନଗରଉନୟନ ବିଭାଗ ମନ୍ତ୍ରୀଙ୍କ ଅଦାଲତରେ ପୌରାଧ୍ୟକ୍ଷlଙ୍କୁ ଶୁଣାଣି ପାଇଁ ସୁଯୋଗ ଦିଆଯାଇଥିଲାl କିନ୍ତୁ, ପୌରାଧ୍ୟକ୍ଷlଙ୍କ ଉତ୍ତର ସନ୍ତୋଷଜନକ ନହେବାରୁ ତାଙ୍କୁ ତାଙ୍କ ପଦବୀରୁ ଗତ ୨୮ରିଖ ଦିନଠାରୁ ବହିଷ୍କାର କରାଯାଇଛିl