Category: Uncategorized

ଚାକିରି ନାହିଁ, ଭତ୍ତା ଅଛି! ୧୫୦୦ ପାଇଁ ଧାଡ଼ିରେ ଉଚ୍ଚଶିକ୍ଷିତ ଯୁବକ

ମମତା ବାନାର୍ଜୀ ସରକାର ଯୁବ ସାଥୀ ଯୋଜନା ଆରମ୍ଭ କରିଥିଲେ, ଯେଉଁଥିରେ ଚାକିରି ନଥିବା ଯୁବକମାନଙ୍କୁ ପ୍ରତିମାସ ୧୫୦୦ ଟଙ୍କା ଦିଆଯିବ, ଯାହା ଦ୍ୱାରା ସେମାନେ ନିଜକୁ ପ୍ରତିପୋଷଣ କରିପାରିବେ। ଏହି ଯୋଜନା ୧ ଏପ୍ରିଲରୁ ଆରମ୍ଭ ହେବ।୨୧ ରୁ ୪୦ ବର୍ଷ ବୟସର ବେକାର ଯୁବକମାନଙ୍କ ପାଇଁ, ଏହି ଯୋଜନା ସର୍ବାଧିକ ୫ ବର୍ଷ ପାଇଁ ରହିବ। ବଙ୍ଗଳାର ସମସ୍ତ ୨୫୪ ନିର୍ବାଚନମଣ୍ଡଳୀରେ ଯୁବ ସାଥୀ ଶିବିରଗୁଡ଼ିକ କାର୍ଯ୍ୟ କରୁଛନ୍ତି।
ଲକ୍ଷ ଲକ୍ଷ ବେକାର ଯୁବକ ଏହି ୧୫୦୦ ଟଙ୍କା ପାଇଁ ଧାଡ଼ିରେ ଠିଆ ହୋଇଛନ୍ତି, ଏହି ଯୁବକମାନଙ୍କ ମଧ୍ୟରୁ କିଛି ଉଚ୍ଚଶିକ୍ଷିତ, MBA ରୁ BTech ପର୍ଯ୍ୟନ୍ତ ଧାଡ଼ିରେ ଠିଆ ହୋଇଛନ୍ତି। ଏହି ବେକାର ଯୁବକମାନେ ଏହି ପ୍ରକାରର ଭତ୍ତା ଅପେକ୍ଷା ସ୍ଥିର ଚାକିରି ଚାହାଁନ୍ତି। ଏନେଇ ବିରୋଧୀମାନେ କହୁଛନ୍ତି ଯେ ଏହି ଯୁବ ସାଥୀ ଯୋଜନା ଦର୍ଶାଉଛି ଯେ ମମତା ବାନାର୍ଜୀ ସରକାର ପଡ଼ୋଶୀ ରାଜ୍ୟରେ ଚାକିରି ଖୋଜିବାକୁ ପଶ୍ଚିମବଙ୍ଗ ଛାଡି ଯାଉଥିବା ଯୁବକମାନଙ୍କୁ ଚାକିରି ଦେଇ ପାରୁନାହାଁନ୍ତି।
ବିଚାରପତି ବନାମ ଓକିଲ,କୋଲକାତା ଷ୍ଟାଡିୟମରେ ଜୋରଦାର ଲଢେଇ

ବିଚାରପତି ବନାମ ଓକିଲ । କୋଲକାତାର ହାଇକୋର୍ଟ କ୍ଲବ ଦ୍ୱାରା ଇଡେନ ଗାର୍ଡେନରେ ହାଇକୋର୍ଟ ବିଚାରପତି ବନାମ ଆଟର୍ଣ୍ଣି ଜେନେରାଲଙ୍କ ମଧ୍ୟରେ ଏକ କ୍ରିକେଟ ମ୍ୟାଚ୍ ଆୟୋଜନ କରାଯାଇଥିଲା । କୋଲକାତା ହାଇକୋର୍ଟ କ୍ଲବର ସହାୟକ ସଚିବ ଆଡଭୋକେଟ ଅଶୋକ ଦାସ, ଯିଏ ଜଣେ ପ୍ରବାସୀ ଓଡ଼ିଆ ଏବଂ କୋଲକାତା ହାଇକୋର୍ଟରେ ଜଣେ ସଫଳ ଓକିଲ ଭାବରେ ଅଭ୍ୟାସ କରୁଛନ୍ତି, ଏହି ଟୁର୍ଣ୍ଣାମେଣ୍ଟର ଦାୟିତ୍ୱରେ ଥିଲେ । ସେ ଟ୍ରଫି ଜିତିଥିବା ଦଳର ଅଂଶ ଥିଲେ । କୋଲକାତାର ଆମ ଓଡ଼ିଆ ସମାଜ ପାଇଁ ଇଡେନ ଗାର୍ଡେନରେ ଆମର ଖେଳ ଦେଖିବା ଗର୍ବର ମୁହୂର୍ତ୍ତ ଥିଲା ଯେଉଁଠାରେ ଆନ୍ତର୍ଜାତୀୟ ମ୍ୟାଚ୍ ଅନୁଷ୍ଠିତ ହୁଏ ।

କୋଲକାତାରୁ ସମ୍ବିତ ଦାସ ସୂଚନା ଟିଭି
ଭୁବନେଶ୍ଵରେ ପହଞ୍ଚିଲେ ଅମିତ ଶାହା

ଓଡ଼ିଶାରେ ଅମିତ ଶାହ । ସ୍ବତନ୍ତ୍ର ବାୟୁସେନା ବିମାନରେ ଆସି ପହଞ୍ଚିଲେ ଶାହ । ଦିନିକିଆ ଓଡ଼ିଶା ଗସ୍ତରେ ଆସିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ଭୁବନେଶ୍ବର ବିମାନବନ୍ଦରରେ ପହଞ୍ଚିବା ପରେ ସ୍ବାଗତ ଜଣାଇଥିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ ଉପମୁଖ୍ୟମନ୍ତ୍ରୀ ପ୍ରଭାତି ପରିଡା । ବିମାନବନ୍ଦରରୁ ସିଧାସଳଖ କଟକ ମୁଣ୍ଡଳୀସ୍ଥିତ CISFର ୫୭ତମ ପ୍ରତିଷ୍ଠା ଦିବସ କାର୍ଯ୍ୟକ୍ରମରେ ଯୋଗଦେବେ । ଏହାପରେ ପାରଦୀପ ଗସ୍ତରେ ଯିବେ । ସେଠାରେ ଦିନ ୧ଟା ୪୫ ମିନିଟରେ ସଲଫ୍ୟୁରିକ ଏସିଡ ପ୍ଲାଣ୍ଟର ଲୋକାର୍ପଣ କରିବା ପରେ ପାରାଦୀପରେ କାର୍ଯ୍ୟକ୍ରମ ସାରି ଭୁବନେଶ୍ବର ଫେରିବେ ଗୃହ ମନ୍ତ୍ରୀ । ଭୁବନେଶ୍ୱରରେ ଜାତୀୟ ଫୋରେନସିକ୍ ସାଇନ୍ସ ୟୁନିଭର୍ସିଟି (NFSU) ର ସ୍ଥାୟୀ କ୍ୟାମ୍ପସ ପାଇଁ ଶିଳାନ୍ୟାସ କରିବେ ।

ଏହା ସହିତ ଏହାର ଅସ୍ଥାୟୀ କ୍ୟାମ୍ପସକୁ ମଧ୍ୟ ଉଦଘାଟନ କରିବେ । ଏହି ବିଶ୍ୱବିଦ୍ୟାଳୟ ପାଇଁ ଓଡ଼ିଶା ସରକାର ୪୦ ଏକର ଜମି ଯୋଗାଇ ଦେଇଛନ୍ତି । ସେ କେନ୍ଦ୍ରୀୟ ଫୋରେନସିକ୍ ସାଇନ୍ସ ଲାବୋରେଟୋରୀ (CFSL) ର ମଧ୍ୟ ଭୂମି ପୂଜନ କରିବେ । ଭୁବନେଶ୍ୱରରେ ନୂଆ ନ୍ୟାୟ ସଂହିତା ଉପରେ ଏକ ପ୍ରଦର୍ଶନୀର ଉଦଘାଟନ କରିବା ସହ ଏକ ମୋବାଇଲ୍ ଫୋରେନସିକ୍ ଭ୍ୟାନକୁ ପତାକା ଦେଖାଇ ଶୁଭାରମ୍ଭ କରିବେ । ଏହା ସହ ଭର୍ଚୁଆଲ୍ ମାଧ୍ୟମରେ ଅନେକ ନୂଆ ଥାନା ବିଲଡିଂର ଉଦଘାଟନ କରିବେ । ଏହି ଅବସରରେ IIT ଭୁବନେଶ୍ୱର ଏବଂ ରାଷ୍ଟ୍ରୀୟ ରକ୍ଷା ବିଶ୍ୱବିଦ୍ୟାଳୟ ସହ ବୁଝାମଣାପତ୍ର (MoU) ସ୍ୱାକ୍ଷରିତ ହେବ । ସଂଧ୍ୟାରେ ଦିଲ୍ଲୀ ଫେରିଯିବେ। ଶାହଙ୍କ ଗସ୍ତ ପାଇଁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।
ପାଟନା ଛାଡ଼ି ଦିଲ୍ଲୀ ଯିବେ ନୀତୀଶ କୁମାର! ବିହାର ରାଜନୀତିରେ ବଡ଼ ପରିବର୍ତ୍ତନ ସଙ୍କେତ

ବିହାର ରାଜନୀତିରେ ଆସିପାରେ ବଡ଼ ପରିବର୍ତ୍ତନ। ମୁଖ୍ୟମନ୍ତ୍ରୀ ନୀତୀଶ କୁମାର ପାଟନା ଛାଡ଼ି ଦିଲ୍ଲୀ ରାଜନୀତିକୁ ଯିବେ ବୋଲି ଚର୍ଚ୍ଚା ଜୋର ଧରିଛି। ସୂତ୍ର ଅନୁସାରେ ସେ ରାଜ୍ୟସଭାକୁ ପଠାଯାଇପାରନ୍ତି। ଏହା ସହିତ ବିହାରରେ ସରକାରୀ ସଂରଚନାରେ ବଡ଼ ପରିବର୍ତ୍ତନ ହେବାର ସମ୍ଭାବନା ଦେଖାଦେଇଛି।

ଖବର ଅନୁଯାୟୀ, ନୀତୀଶ କୁମାର ଦିଲ୍ଲୀ ଯାଇଥିଲେ ତାଙ୍କ ପୁଅ ନିଶାନ୍ତ କୁମାରଙ୍କୁ ଉପମୁଖ୍ୟମନ୍ତ୍ରୀ ପଦ ଦିଆଯାଇପାରେ। ସେହିପରି ମୁଖ୍ୟମନ୍ତ୍ରୀ ପଦଟି ଭାରତୀୟ ଜନତା ପାର୍ଟି (ବିଜେପି) ହାତକୁ ଯିବା ନେଇ ମଧ୍ୟ ଚର୍ଚ୍ଚା ଚାଲିଛି। ଏହାକୁ ନେଇ ଜନତା ଦଳ (United) କାର୍ଯ୍ୟାଳୟରେ ଗୁରୁତ୍ୱପୂର୍ଣ୍ଣ ବୈଠକ ବସିଥିବା ସୂଚନା ମିଳିଛି।

ଆଜି ନୀତୀଶ କୁମାର ରାଜ୍ୟସଭା ପାଇଁ ନାମାଙ୍କନ ପତ୍ର ଦାଖଲ କରିପାରନ୍ତି ବୋଲି ରାଜନୈତିକ ମହଳରେ ଆଲୋଚନା ଚାଲିଛି। ସେହିପରି ନିତିନ ନବୀନ ମଧ୍ୟ ଆଜି ନାମାଙ୍କନ ଦାଖଲ କରିବେ। ପ୍ରାର୍ଥୀପତ୍ର ଦାଖଲ ସମୟରେ କେନ୍ଦ୍ରୀୟ ଗୃହମନ୍ତ୍ରୀ ଅମିତ ସାହ ଉପସ୍ଥିତ ରହିପାରନ୍ତି ବୋଲି ସୂତ୍ରରୁ ଖବର ମିଳିଛି।ଯଦି ଏହି ପରିବର୍ତ୍ତନ ଘଟେ, ତେବେ ବିହାର ରାଜନୀତିରେ ଏହା ଗୋଟିଏ ବଡ଼ ରାଜନୈତିକ ଘଟଣା ହିସାବରେ ଦେଖାଯିବ।
ପାକିସ୍ତାନର ଭବିଷ୍ୟବାଣୀ ହାରିବ ଭାରତ କହି ଟ୍ରୋଲରେ ପାକିସ୍ତାନୀ ଖେଳାଳୀ

ଟି-୨୦(୨୦୨୬) ବିଶ୍ୱକପ୍ ପାଇଁ ଚାରିଟି ଦଳ ଚୂଡ଼ାନ୍ତ ହୋଇସାରିଛି। ରବିବାର ନକଆଉଟ୍ ମ୍ୟାଚ୍‌ରେ ଭାରତ ୱେଷ୍ଟଇଣ୍ଡିଜ୍‌କୁ ପରାସ୍ତ କରି ସେମିଫାଇନାଲ୍‌ ରେ ପ୍ରବେଶ କରିଛି । କୋଲକାତାର ଇଡେନ୍ ଗାର୍ଡେନ୍ସରେ ଭାରତ ୪ଟି ବଲ୍ ବାକି ଥାଇ ପାଞ୍ଚଟି ୱିକେଟ ହରାଇ ୧୯୬ ରନ୍‌ର ଲକ୍ଷ୍ୟ ହାସଲ କରିଛି। ଏହି ବିଜୟ ସହିତ, ଭାରତୀୟ ଦଳ ପୂର୍ବତନ ପାକିସ୍ତାନୀ ଦ୍ରୁତ ବୋଲର ମହମ୍ମଦ ଆମିରଙ୍କୁ ଉଚିତ ଜବାବ ଦେଇଛି, ଯିଏ ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚ୍‌ ପୂର୍ବରୁ କହିଥିଲେ ଯେ ଭାରତୀୟ ଦଳ ସେମିଫାଇନାଲ୍‌ରେ ପହଞ୍ଚିପାରିବ ନାହିଁ। ବର୍ତ୍ତମାନ, ଏହି ବୟାନ ପାଇଁ ଆମିରଙ୍କୁ କଡ଼ା ସମାଲୋଚନାର ସମ୍ମୁଖୀନ ହେବାକୁ ପଡୁଛି।

ପ୍ରକୃତରେ, ଆମିରଙ୍କ ଏହି ବୟାନ ଦକ୍ଷିଣ ଆଫ୍ରିକା ବିପକ୍ଷରେ ଟିମ୍ ଇଣ୍ଡିଆର ପରାଜୟ ପରେ ଆସିଥିଲା। ଆମିର ପାକିସ୍ତାନୀ ଟିଭି ଶୋ “HAARNA MANA HAI”ରେ ଆଙ୍କର ତାବିଶ ହାସମିଙ୍କୁ କହିଥିଲେ ଯେ ଟିମ୍ ଇଣ୍ଡିଆ ସେମିଫାଇନାଲରେ ପହଞ୍ଚିପାରିବ ନାହିଁ କାରଣ ଭାରତରେ ବହୁତ ବାମହାତୀ ବ୍ୟାଟସମ୍ୟାନ ଅଛନ୍ତି। ଆମିର ଆହୁରି ମଧ୍ୟ କହିଥିଲେ ଯେ ଭାରତର ବ୍ୟାଟିଂ ଭୁଶୁଡ଼ି ପଡୁଛି। ତାଙ୍କ ଭବିଷ୍ୟବାଣୀ ଥିଲା ଯେ ସୁପର 8 ଗ୍ରୁପ 1 ରୁ ଦକ୍ଷିଣ ଆଫ୍ରିକା ଏବଂ ୱେଷ୍ଟଇଣ୍ଡିଜ୍ ସେମିଫାଇନାଲରେ ପହଞ୍ଚିବେ। ତାଙ୍କର ଏହି ବୟାନ ପରେ ଦକ୍ଷିଣ ଆଫ୍ରିକା ବିପକ୍ଷରେ ଭାରତର ବ୍ୟାଟିଂ ଏକ୍ସପୋଜ ହୋଇଥିଲା। ଏହା ପରେ ତୁରନ୍ତ ଆମିରଙ୍କୁ ଶୋ’ରେ “ବାବା ଆମିର” ଟ୍ୟାଗ୍ ଦିଆଯାଇଥିଲା।

ଜିମ୍ବାୱେ ବିପକ୍ଷରେ ଟିମ୍ ଇଣ୍ଡିଆର ବିଜୟ ଏବଂ ୱେଷ୍ଟଇଣ୍ଡିଜ୍ ବିପକ୍ଷରେ ମ୍ୟାଚ୍ ପୂର୍ବରୁ, ଆମିର ତାଙ୍କ ବୟାନରେ ଏକମତ ଥିଲେ ଯେ ଭାରତ ସେମିଫାଇନାଲ୍ ପହଞ୍ଚିପାରିବ ନାହିଁ। ସେ ଶୋ’ରେ ଉପସ୍ଥିତ ଥିବା ଦୁଇ ପାକିସ୍ତାନୀ କ୍ରିକେଟର, ରସିଦ୍ ଲତିଫ୍ ଏବଂ ଅହମ୍ମଦ ଶେହଜାଦଙ୍କ ସହିତ ଏକ ବାଜି ମଧ୍ୟ ଲଗାଇଥିଲେ। ଆମିର ଘୋଷଣା କରିଥିଲେ ଯେ ଭାରତ ୱେଷ୍ଟଇଣ୍ଡିଜ୍ ଠାରୁ ହାରିଯିବ। ଏହି ସମୟରେ, ଶେହଜାଦ୍ ଏବଂ ଲତିଫ୍ ଘୋଷଣା କରିଥିଲେ ଯେ ଭାରତ ୱେଷ୍ଟଇଣ୍ଡିଜ୍ କୁ ପରାସ୍ତ କରି, ସେମିଫାଇନାଲ୍ ଜିତିବ ଏବଂ ଫାଇନାଲରେ ପହଞ୍ଚିବ।

T20 ବିଶ୍ୱକପ୍ ପୂର୍ବରୁ PCB ଏବଂ ମୋହସିନ୍ ନକଭିଙ୍କ ବୟାନକୁ ନେଇ ଚାଲିଥିବା ସମସ୍ତ ନାଟକୀୟତା ପରେ, ଭାରତ ଏବେ ପାକିସ୍ତାନକୁ ଦେଖାଇ ଦେଇଛି ଯେ ଭାରତୀୟ ଦଳ କାହିଁକି ସବୁଠାରୁ ଶକ୍ତିଶାଳୀ ଦଳମାନଙ୍କ ମଧ୍ୟରୁ ଗୋଟିଏ, ଏହି ସତ୍ୟକୁ ପଡ଼ୋଶୀ ଦେଶ ହଜମ କରିବା ଏବେ କଷ୍ଟକର ହେଉଛି। ଟିମ୍ ଇଣ୍ଡିଆ ପାକିସ୍ତାନକୁ ଦେଖାଇ ଦେଇଛି ଯେ କେବଳ ଭାଷଣବାଜି ଯଥେଷ୍ଟ ନୁହେଁ; ପଡ଼ିଆରେ ପ୍ରଦର୍ଶନ ଜରୁରୀ। ଭାରତୀୟ ଦଳ ମାର୍ଚ୍ଚ 5 ତାରିଖରେ ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଦ୍ୱିତୀୟ ସେମିଫାଇନାଲରେ ଇଂଲଣ୍ଡକୁ ଭେଟିବ, ଏବଂ ମାର୍ଚ୍ଚ 4 ତାରିଖରେ ନ୍ୟୁଜିଲ୍ୟାଣ୍ଡ ପ୍ରଥମ ସେମିଫାଇନାଲରେ ଦକ୍ଷିଣ ଆଫ୍ରିକାକୁ ଭେଟିବ।
କେନ୍ଦୁଝରରେ ପୋଷାକ ଶିଳ୍ପ ଓ ଡାଟା ସେଣ୍ଟରର ଭିତି ପ୍ରସ୍ତର ସ୍ଥାପନ

କେନ୍ଦୁଝର ରେ ତିଆରି ହେବ ପୋଷାକ ଶିଳ୍ପ ଓ ଡାଟା ସେଣ୍ଟର। ମୁଖ୍ୟମନ୍ତ୍ରୀ ମୋହନ ଚରଣ ମାଝିଙ୍କ କରକମଳରେ କେନ୍ଦୁଝର ଜିଲ୍ଲାରେ ପୋଷାକ ଶିଳ୍ପ (Apparel Industry) ଓ ଡାଟା ସେଣ୍ଟରର ଭିତି ପ୍ରସ୍ତର ସ୍ଥାପନ ହୋଇଛି। ଆଜି ଦିନ ୧୧ ଟା ୪୫ ସମୟରେ ବଳଭଦ୍ରପୁର ଗାଁରେ ପହଞ୍ଚିଥିଲେ ମୁଖ୍ୟମନ୍ତ୍ରୀ ମୋହନ ମାଝି ଓ ପୋଷାକ ଶିଳ୍ପ ଓ ଡାଟା ସେଣ୍ଟର ର ଭିତି ପ୍ରସ୍ଥ ସ୍ଥାପନ କରିଛନ୍ତି।

ମୁଖ୍ୟମନ୍ତ୍ରୀ ପ୍ରଥମେ ମା ତାରେଣୀ ଓ ବଳଦେବଜୀଉଙ୍କ ଫଟ ଚିତ୍ର ରେ ପ୍ରଦ୍ବୀପ ପ୍ରଜ୍ବଳନ ଓ ପୁଷ୍ପ ଦେଇ ଭିତି ପ୍ରସ୍ତର ସ୍ଥାପନ ଉତ୍ସବ ର ଶୁଭାରମ୍ଭ କରିଥିଲେ। ଏହି ଅବସରରେ ସାଂସଦ ଅନନ୍ତ ନାଏକ, ତେଲକୋଇ ଓ ପାଟଣାର ବିଧାୟକମାନେ ଓ ଅନ୍ୟାନ୍ୟ ଗଣମାନ୍ୟ ବ୍ୟକ୍ତିବର୍ଗ ଉପସ୍ଥିତ ଥିଲେ। ବିଭିନ୍ନ ସଂଗଠନ ପକ୍ଷରୁ ମୁଖ୍ୟମନ୍ତ୍ରୀଙ୍କୁ ସମ୍ବର୍ଦ୍ଧନା ଜଣାଯାଇଥିଲା ଏବଂ ପରିୟୋଜନା ସମ୍ପର୍କିତ ଏକ କ୍ଷୁଦ୍ର ଚଳଚ୍ଚିତ୍ର ପ୍ରଦର୍ଶନ କରାଯାଇଥିଲା। ପରେ ମୁଖ୍ୟମନ୍ତ୍ରୀ ରିମୋଟ ମାଧ୍ୟମରେ ଭିତି ପ୍ରସ୍ତର ସ୍ଥାପନ କରିଥିଲେ।

ପ୍ରଥମେ ଜୟ ମା ତାରିଣୀ ଜୟ ଜଗନ୍ନାଥ ଜୟ ବଳଦେବଜୀଉ କହି ନିଜର ଭାଷଣ ଆରମ୍ଭ କରିଥିଲେ ।
ମୁଖ୍ୟମନ୍ତ୍ରୀ କହିଥିଲେ ଆଜି ଅମ ସମସ୍ତ ଙ୍କ ପାଇଁ ଏକ ଐତିହିସିକ ଦିନ I ମୋ ଜନ୍ମ ମାଟିର କର୍ମ ମାଟିର ବିକାଶ ପାଇଁ ମୁଁ ଆଜି ଆସିଛି । ଏଠି ଅଛ ଖଣି , ପାଣି ଓ ମା ବୈତରଣୀ । ବିପ୍ଳବୀ ଧରଣୀ ଆମ ସହ ଅଛନ୍ତି ଆମ ମା ତାରିଣୀ । ଆମ କେନ୍ଦୁଝର ସୁନାର କେନ୍ଦୁଝର ହେବ । ସମସ୍ତେ ଏକତ୍ରୀତ ହୋଇ କାମ କରିବା କୁ ଆହ୍ଵାନ ଦେଇଥିଲେ ।

ଆଜି ପରେ ବର୍ଷକୁ ୨୪ ଲକ୍ଷ ଟଙ୍କାର ପୋଷାକ ତିଆରି ହେବ ୧୨୦୦ ମହିଳା ଏଠି ନିଯୁକ୍ତି ପାଇବେ । ଆଜି ସମୟ ବଦଳିଛି , ଏଠି textile park , aparel center ,warehouse , Data center ଆଦି ଅନେକ project ସରକାର ହାତକୁ ନେଇଛନ୍ତି । ଆମ ଜିଲ୍ଲାକୁ ପୂର୍ବରୁ ଅନେକ ଅବହେଳା କରାଯାଇଛି I ଆପଣ ମାନଙ୍କର ଭଲ ପାଇବା ଆଶିବାଦ ପାଇଁ ଆଜି ଏହି ସୁଯଗ ଆସିଛି | କେବଳ ଷ୍ଟିଲ ଷ୍ଟାଣ୍ଟ କି ଆଇରନ ଭିତିକ ଶିଳ୍ପ ବାଦ ଅନେକ ଅନ୍ୟାନ୍ୟ ଶିଳ୍ପ ମଧ୍ୟ ଏ ଜିଲ୍ଲାରେ ହେବ | ସୁଟର , କୋଇମ୍ପାଟୁର ଆଦି ରେ ପୋଷକ ଶିଳ୍ପ କୁ ଓଡ଼ିଆ ମାନେ ଚଲାଉଛନ୍ତି । ସେମାନେ ଏବେ ଏଠି କାମ ପାଇବେ । ଓଡ଼ିଆ ମାନେ କାମ ଛାଡି ଦେଲେ ପୋଷକ ଶିଳ୍ପ ବନ୍ଧ ହୋଇଯିବ |

ଆମ ରାଜ୍ୟ ର ସବୁଠାରୁ ଶକ୍ତିଶାଳୀ ଡାଟା ସେଣ୍ଟର ଏଠାରେ ହେବ ଯଦି କୌଣସି କାରଣ ରୁ ଭୁବନେଶ୍ଵର ର ଡାଟା ସେଣ୍ଟର ରୁ ଡାଟା ଉଡିଯିବ ତେବେ ଏହି ଡାଟା ସେଣ୍ଟର ସବୁ ଡାଟା ଯୋଗାଇ ଦେବ , ସେଠାରେ ଯାହା ଡାଟା ରହିବ ତାହା ଏଠାରେ ମଧ୍ୟ ଷ୍ଟୋର ହୋଇ ରହିବ । ଯଦି କେହି ଆକ୍ରମଣ କରିବାକୁ ଯୋଜନା ରଖିଥିବା ତାହା ଏହି ସେଣ୍ଟର୍ ଆଗୁଆ ଚିହ୍ନଟ କରି ପ୍ରାକୃତିକ ଦୁର୍ବିପାକରୁ ସମୟରେ ଏହା ଆଗୁଆ ସୁଚନା ଯୋଗାଇ ଦେବ ।
“କିନ୍ନର ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ କ୍ରିଷ୍ଣା କାଣ୍ଡି ପୁଲିସ ଗୁଳିରେ ଆହତ”

କିନ୍ନର ହତ୍ୟା ମାମଲାରେ ଏକ ଏନକାଉଣ୍ଟର ଘଟିଛି। ଭୁବନେଶ୍ୱର ଉପକଣ୍ଠ ଉତ୍ତରା ଛକରେ ପୁଲିସ ଗୁଳିରେ ମୁଖ୍ୟ ଅଭିଯୁକ୍ତ କ୍ରିଷ୍ଣା କାଣ୍ଡି ଆହତ ହୋଇଛି। ବାମ ଗୋଡ଼ରେ ଗୁଳି ଲାଗିବା ପରେ ତାଙ୍କୁ କଟକକୁ ସ୍ଥାନାନ୍ତର କରାଯାଇଛି।

ଆଜି ପିପିଲି ପୁଲିସଙ୍କୁ ସୂଚନା ମିଳିଥିଲା ଯେ କିନ୍ନର ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ କ୍ରିଷ୍ଣା କାଣ୍ଡି ତାରକାଜୁ ନିକଟରେ ଦେଖାଯାଇଛି। ଏହାପରେ ପୁଲିସ ଟିମ୍ ତାଙ୍କୁ ଧରିବା ପାଇଁ ପିଛା କରିବା ସମୟରେ ଏନକାଉଣ୍ଟର ଘଟିଥିଲା। ପୁଲିସକୁ ଦଳକୁ ଦେଖି କୃଷ୍ଣ କାଣ୍ଡି ଖସିଯିବାକୁ ଚେଷ୍ଟା କରିଥିଲା । ଏହାସହ ପୁଲିସ୍ ଦଳ ଉପରେ ଗୁଳି ଚଳାଇଥିଲା । ଜବାବରେ ପୁଲିସ୍ ପକ୍ଷରୁ ପାଲଟା ଗୁଳିଚାଳନା କରାଯାଇଥିଲା ।

ଅଭିଯୁକ୍ତ କାଣ୍ଡିଙ୍କ ଗୋଡ଼ରେ ଆଘାତ ଲାଗିଥିଲା, ପୋଲିସ ଦଳ ତାଙ୍କୁ ଉଦ୍ଧାର କରିଥିଲେ ଏବଂ ତୁରନ୍ତ ଚିକିତ୍ସା ପାଇଁ ସ୍ଥାନୀୟ ପିପିଲି ମେଡିକାଲକୁ ସ୍ଥାନାନ୍ତରିତ କରିଥିଲେ ଏବଂ ଅଧିକ ଚିକିତ୍ସା ପାଇଁ ଏସସିବି ମେଡିକାଲକୁ ସ୍ଥାନାନ୍ତରିତ କରିଥିଲେ । କ୍ରିଷ୍ଣା କାଣ୍ଡି ଧରାପଡ଼ିଥିଲେ ମଧ୍ୟ କିନ୍ନର ହତ୍ୟାକାଣ୍ଡରେ ସମ୍ପୃକ୍ତ ଥିବା ଅନ୍ୟ ଦୁଇ ଜଣ ଅପରାଧୀ ଏବେ ବି ଫେରାର ଅଛନ୍ତି । ସେମାନଙ୍କୁ ଧରିବା ପାଇଁ ପୋଲିସ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି ।
ପାଠ ସହ ସଂସ୍କୃତି ଓ କ୍ରୀଡାରେ ଛାତ୍ରଛାତ୍ରୀଙ୍କ ଦକ୍ଷତା: ପାରାଦୀପ କଲେଜ ବାର୍ଷିକ ଉତ୍ସବ

ଆଜିର ଛାତ୍ର ଆସନ୍ତାକାଲି ର ଭବିଷ୍ୟତ l କଲେଜ ରେ ପାଠ ପଢ଼ୁଥିବା ଛାତ୍ରଛାତ୍ରୀ ମାନେକେବଳ ପାଠପଢ଼ା ନୁହେଁ, ବରଂ କ୍ରୀଡା, ନୃତ୍ୟ, ଗୀତ ଓ ବିଭିନ୍ନ ସାଂସ୍କୃତିକ କ୍ଷେତ୍ରରେ ଛାତ୍ରଛାତ୍ରୀମାନେ କିପରି ନିଜ ପ୍ରତିଭାକୁ ମେଲାଇପାରିବେ, ସେନେଇ ଶିକ୍ଷକ ଓ ଶିକ୍ଷୟିତ୍ରୀମାନେ ସଦା ପ୍ରୟାସରତ ରହିଥିବା କଥା କଲେଜର ପ୍ରିନ୍ସିପାଲ ଡ଼ା. ସସ୍ମିତା ଶତପଥି ତାଙ୍କ ଭାଷଣରେ କହିଥିଲେ। ଛାତ୍ରଛାତ୍ରୀଙ୍କର ଭବିଷ୍ୟତ ଗଢ଼ିବାରେ ଶିକ୍ଷକମାନଙ୍କର ଗୁରୁଦାୟିତ୍ୱ ରହିଥାଏ ବୋଲି ସେ ଉଲ୍ଲେଖ କରିଥିଲେ l ପାରାଦୀପ ମହାବିଦ୍ୟାଳୟ ର ବାର୍ଷିକ ଉତ୍ସବ ରେ ପ୍ରତିଫଳନ ହୋଇଛି ଏହି ଦୃଶ୍ୟ l

କିପରି ଛାତ୍ରଛାତ୍ରୀ ମାନେ ପାଠ ସହିତ ବିଭିନ୍ନ କ୍ଷେତ୍ରରେ ପରିପକ୍ୱ ହୋଇପାରିବେ ଏ ନେଇ ମହାବିଦ୍ୟାଳୟ ର ଅଧ୍ୟାପକ, ଅଧ୍ୟାପିକା ମାନେ ସର୍ବଦା ପ୍ରଚେଷ୍ଟାରତ ରହିଥିବା ନେଇ କଲେଜ ର ବାର୍ଷିକ ଉତ୍ସବ ରେ କହିଛନ୍ତି ପ୍ରିନ୍ସପାଲ ସସ୍ମିତା ଶତପଥି l ସେହିପରି ପାରାଦୀପ ଆଜି ଶିଳ୍ପର କରିଡର ପାଲଟିଛି l ଯାହାକୁ ନେଇ ପାରାଦୀପ ବିଧାୟକ ତଥା ଶିଳ୍ପମନ୍ତ୍ରୀ ଙ୍କ ଦ୍ୱାରା ଜିଲ୍ଲାରେ ପ୍ରଥମ ବୈଷୟିକ ଶିକ୍ଷା କେନ୍ଦ୍ର ଖୋଲିବା ସହିତ ପାରାଦୀପ ର ଛାତ୍ରଛାତ୍ରୀ ମାନେ ଏହାର ଭରପୁର ସୁବିଧା ପାଇଵା ସହିତ ସ୍ଥାନୀୟ ଶିଳ୍ପସଂସ୍ଥା ମାନଙ୍କରେ ପାରାଦୀପ ର ପିଲା ମାନଙ୍କୁ ସର୍ବାଧିକ ଗୁରୁତ୍ୱ ଦେବାକୁ ବାର୍ଷିକ ଉତ୍ସବ ରେ ମୁଖ୍ୟ ଅତିଥି ଭାବରେ ଯୋଗଦେଇ କହିଛନ୍ତି କଟକ ସଦର ବିଧାୟକ ପ୍ରକାଶ ଚନ୍ଦ୍ର ସେଠି l ସର୍ବଶେଷରେ ବାର୍ଷିକ ଉତ୍ସବ ଅବସରରେ କୃତି ଛାତ୍ରଛାତ୍ରୀ ଓ ନୃତ୍ୟ, ଗୀତ ରେ ଭାଗ ନେଇଥିବା କୃତି ଛାତ୍ରଛାତ୍ରୀ ମାନଙ୍କୁ ପୁରସ୍କାର ବିତରଣ କରାଯାଇଥିଲା l

ଏହି ଅବସରରେ ମୁଖ୍ୟ ଅତିଥି ଭାବେ ଯୋଗଦେଇ କଟକ ସଦର ବିଧାୟକ ତଥା ପ୍ରକାଶ ଚନ୍ଦ୍ର ସେଠି କହିଥିଲେ ଯେ, ପାରାଦୀପ ଆଜି ଏକ ଶିଳ୍ପ କରିଡର ଭାବେ ଦ୍ରୁତ ଗତିରେ ଉଭା ହେଉଛି। ଏହାକୁ ଦୃଷ୍ଟିରେ ରଖି ଜିଲ୍ଲାରେ ପ୍ରଥମ ବୈଷୟିକ ଶିକ୍ଷା କେନ୍ଦ୍ର ଖୋଲାଯାଇଥିବା ସହ ପାରାଦୀପର ଛାତ୍ରଛାତ୍ରୀମାନେ ଏହାର ସର୍ବାଧିକ ସୁବିଧା ନେବାକୁ ଆହ୍ୱାନ କରିଥିଲେ। ସ୍ଥାନୀୟ ଶିଳ୍ପ ସଂସ୍ଥାଗୁଡ଼ିକରେ ପାରାଦୀପର ପିଲାମାନଙ୍କୁ ଅଧିକ ଗୁରୁତ୍ୱ ଦେବାକୁ ସେ ମତ ପ୍ରକାଶ କରିଥିଲେ।
୫୦ ପ୍ରତିଶତ ବିମାନରେ ପୁନରାବୃତ୍ତ ଯାନ୍ତ୍ରିକ ତ୍ରୁଟି, ସୁରକ୍ଷା କେନ୍ଦ୍ରବିନ୍ଦୁରେ

ଭାରତରେ ପ୍ରତିଦିନ ବିମାନ ଦୁର୍ଘଟଣାର ହାର ବଢ଼ୁଥିବାବେଳେ, ଏଥିର ପ୍ରମୁଖ କାରଣ ଭାବେ ଯାନ୍ତ୍ରିକ ତ୍ରୁଟିକୁ ଦାୟୀ ମନାଯାଉଛି। ଗୁରୁବାର ଲୋକସଭାରେ ପ୍ରସ୍ତୁତ ତଥ୍ୟ ଅନୁଯାୟୀ, ଅଡିଟ୍ କରାଯାଇଥିବା ବିମାନମାନଙ୍କର ସ୍ନାନ୍ତିକ ୫୦ ପ୍ରତିଶତରେ ବାରମ୍ବାର ତ୍ରୁଟି ଦେଖିବାକୁ ମିଳିଛି। ଏହି ତାଲିକାରେ ଏୟାର ଇଣ୍ଡିଆ ଗ୍ରୁପ୍ ଏବଂ ଇଣ୍ଡିଗୋ ଶୀର୍ଷସ୍ଥାନରେ ରହିଛନ୍ତି।

ସରକାର ଦ୍ୱାରା ଜଣାଇଯାଇଛି ଯେ, ପୂର୍ବବର୍ଷ ଜାନୁଆରି ଠାରୁ ଏ ପର୍ଯ୍ୟନ୍ତ ବାରମ୍ବାର ଯାନ୍ତ୍ରିକ ସମସ୍ୟା ଦୃଷ୍ଟିରେ ୬ଟି ପଞ୍ଜୀଭୁକ୍ତ ଏୟାରଲାଇନ୍ସର ୭୫୪ଟି ବିମାନର ଯାଞ୍ଚ କରାଯାଇଥିଲା। ଏଥିରୁ ୩୭୭ଟି ବିମାନରେ ପୁନଃପୁନି ତ୍ରୁଟି ଥିବା ପାଇଯାଇଛି। ସବୁଠୁ ଅଧିକ ଇଣ୍ଡିଗୋ ବିମାନରେ ସମୀକ୍ଷା କାର୍ଯ୍ୟ କରାଯାଇଥିଲା।

୩ ଫେବୃଆରୀ ପର୍ଯ୍ୟନ୍ତ ମୋଟ ୪୦୫ଟି ଇଣ୍ଡିଗୋ ବିମାନକୁ ଯାଞ୍ଚ କରାଯାଇଥିଲା, ଯେଉଁଥିରୁ ୧୪୮ଟିରେ ବାରମ୍ବାର ତ୍ରୁଟି ଥିବା ଚିହ୍ନଟ ହୋଇଥିଲା। ଏହି ସୂଚନା ବେସାମରିକ ବିମାନ ଚଳାଚଳ ରାଷ୍ଟ୍ରମନ୍ତ୍ରୀ ମୁରଲୀଧର ମୋହୋଲଙ୍କ ଲିଖିତ ଜବାବରୁ ମିଳିଛି।

ଏୟାର ଇଣ୍ଡିଆ ଗ୍ରୁପ୍‌ର ପରିସ୍ଥିତି ଏଠାରୁ ମଧ୍ୟ ଗୁରୁତର। ଏୟାର ଇଣ୍ଡିଆ ଏବଂ ଏୟାର ଇଣ୍ଡିଆ ଏକ୍ସପ୍ରେସ—ଦୁଇଟି ଏୟାରଲାଇନ୍ସର ୨୬୭ଟି ବିମାନରେ ଯାଞ୍ଚ କରାଯାଇଥାଏ, ଯେଉଁଥିରୁ ୧୯୧ଟିରେ ପୁନଃପୁନି ତ୍ରୁଟି ଚିହ୍ନଟ ହୋଇଥିଲା। ତଥ୍ୟ ଅନୁଯାୟୀ, ୧୬୬ଟି ଏୟାର ଇଣ୍ଡିଆ ବିମାନରେ ୧୩୭ଟିରେ ସମସ୍ୟା ଥିଲା, ଯେବେକି ୧୦୧ଟି ଏୟାର ଇଣ୍ଡିଆ ଏକ୍ସପ୍ରେସ ବିମାନରୁ ୫୪ଟିରେ ତ୍ରୁଟି ପାଇଯାଇଥିଲା।

ସ୍ପାଇସଜେଟର ୪୩ଟି ବିମାନ ଯାଞ୍ଚ କରାଯାଇଥିଲାଏବେଳେ ୧୬ଟିରେ ବାରମ୍ବାର ତ୍ରୁଟି ଥିଲା। ଆକାଶା ଏୟାରଲାଇନ୍ସର ୩୨ଟି ବିମାନରେ ସମୀକ୍ଷା ହୋଇଥିଲା ଓ ସେଥିରୁ ୧୪ଟିରେ ସମସ୍ୟା ମିଳିଥିଲା।

ଏୟାର ଇଣ୍ଡିଆଙ୍କ ଏକ ପ୍ରକ୍ତା କହିଛନ୍ତି ଯେ, ବ୍ୟାପକ ଯାଞ୍ଚ ସତ୍ତ୍ୱେ ଅନେକ ବିମାନରେ ତ୍ରୁଟି ଚାଲୁଥାଏ। ଏୟାର ଇଣ୍ଡିଆର ଜଣେ ବରିଷ୍ଠ କାର୍ଯ୍ୟନିର୍ବାହୀ ଉଲ୍ଲେଖ କରିଛନ୍ତି ଯେ, ଅଧିକାଂଶ ତ୍ରୁଟି ଅପେକ୍ଷାକୃତ କମ୍ ପ୍ରାଥମିକତାର ଉପକରଣ—ସିଟ୍, ଟ୍ରେ ଟେବୁଲ୍, ସ୍କ୍ରିନ୍ ଇତ୍ୟାଦି ସହିତ ସମ୍ବନ୍ଧିତ।

ଡିଜିସିଏ ପିଛଲା ବର୍ଷ ନିରୀକ୍ଷଣ କାର୍ଯ୍ୟ ବହୁଗୁଣିତ କରିଥିଲା। ମୋହୋଲଙ୍କ କଥାନୁଯାୟୀ, ଡିଜିସିଏ ୩୮୯୦ଟି ନିରୀକ୍ଷଣ, ୫୬ଟି ଅଡିଟ୍, ୮୪ଟି ବିଦେଶୀ ବିମାନ ଯାଞ୍ଚ (SOFA), ଓ ୪୯୨ଟି ରାମ୍ପ ଯାଞ୍ଚ କରିଛି। ତଦୁପରି, ୮୭୪ଟି ଅଣଯୋଜନାବଦ୍ଧ ସ୍ପଟ୍ ଯାଞ୍ଚ ଏବଂ ୫୫୦ଟି ରାତିର ଯାଞ୍ଚ ମଧ୍ୟ କରାଯାଇଛି।
ଫେବୃଆରି ୭–୮: ପ୍ରଧାନମନ୍ତ୍ରୀ ମୋଦୀଙ୍କ ମାଲେସିଆ ଯାତ୍ରା, ଭାରତ–ମାଲେସିଆ ସମ୍ପର୍କ ବୃଦ୍ଧି ପାଇଁ ଦ୍ୱିପକ୍ଷିକ ଆଲୋଚନା

ମାଲେସିଆର ପ୍ରଧାନମନ୍ତ୍ରୀ ଅନୱର ଇବ୍ରାହିମଙ୍କ ନିମନ୍ତ୍ରଣରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୭–୮ ଫେବୃଆରି ତାରିଖରେ ମାଲେସିଆ ଗସ୍ତ କରିବେ। ଏହା ମୋଦୀଙ୍କ ତୃତୀୟ ମାଲେସିଆ ଯାତ୍ରା ହେବ। ମୋଦୀଙ୍କ ପ୍ରଥମ ମାଲେସିଆ ଗସ୍ତ ଅଗଷ୍ଟ ୨୦୨୪ରେ ହୋଇଥିଲା, ଯେଉଁଥିରେ ଭାରତ–ମାଲେସିଆ ଦ୍ୱିପକ୍ଷିକ ସମ୍ପର୍କକୁ ଏକ ବ୍ୟାପକ ରଣନୈତିକ ସହଭାଗିତା ଦ୍ୱାରା ଉନ୍ନତି ମିଳିଥିଲା।

ଗସ୍ତ ସମୟରେ, ପ୍ରଧାନମନ୍ତ୍ରୀ ମୋଦୀ ଓ ପ୍ରଧାନମନ୍ତ୍ରୀ ଅନୱର ଇବ୍ରାହିମ ଭାରତ–ମାଲେସିଆ ସମ୍ପର୍କର ବିଭିନ୍ନ କ୍ଷେତ୍ରରେ ଦ୍ୱିପକ୍ଷିକ ଆଲୋଚନା କରିବେ।ମୋଦୀ ଏହି ଗସ୍ତବେଳେ ମାଲେସିଆରେ ରହୁଥିବା ଭାରତୀୟ ସମୁଦାୟ ଲୋକ, ଶିଳ୍ପ ଓ ବ୍ୟବସାୟ ଜଗତର ପ୍ରତିନିଧିଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ଏହି ଗସ୍ତ ସହିତ ଦଶମ ଭାରତ-ମାଲେସିଆ ସିଇଓ ଫୋରମ୍ ବୈଠକ ଅନୁଷ୍ଠିତ ହେବାକୁ ଯାଉଛି । ଭାରତ ଓ ମାଲେସିଆ ମଧ୍ୟ‌ରେ ଐତିହାସିକ, ସାଂସ୍କୃତି ତଥା ସଭ୍ୟତାଗତ ସମ୍ପର୍କ ରହିଛି ।

ଏହାସହିତ ମାଲେସିଆରେ ୨.୯ ନିୟୁତ ଭାରତୀୟଙ୍କ ଉପସ୍ଥିତି ଏହି ସମ୍ପର୍କକୁ ଅଧିକ ମଜଭୁତ କରିଥାଏ। ବିଦେଶରେ ରହୁଥିବା ଭାରତୀୟ ସମୁଦାୟଙ୍କ ମଧ୍ୟରେ ଏହା ତୃତୀୟ ସର୍ବାଧିକ। ଅଧିକାରୀମାନେ କହିଛନ୍ତି ଯେ ଏହି ଗସ୍ତ ଉଭୟ ନେତାଙ୍କୁ ବାଣିଜ୍ୟ ଏବଂ ନିବେଶ, ପ୍ରତିରକ୍ଷା ଏବଂ ସୁରକ୍ଷା, ସାମୁଦ୍ରିକ ସହଯୋଗ, ଡିଜିଟାଲ୍ ଏବଂ ଆର୍ଥିକ ପ୍ରଯୁକ୍ତିବିଦ୍ୟା, ଶକ୍ତି, ସ୍ୱାସ୍ଥ୍ୟସେବା, ଶିକ୍ଷା, ସାଂସ୍କୃତିକ ତଥା ପର୍ଯ୍ୟଟନ କ୍ଷେତ୍ରଗୁଡ଼ିକରେ ସହଯୋଗ ସମୀକ୍ଷା କରିବାର ସୁଯୋଗ ପ୍ରଦାନ କରିବ । ଆଲୋଚନାରେ ବ୍ୟକ୍ତି ବ୍ୟକ୍ତି ସମ୍ପର୍କକୁ ମଜବୁତ କରିବା ଏବଂ ପାରସ୍ପରିକ ଲାଭ ପାଇଁ ଭବିଷ୍ୟତର ସମ୍ପର୍କ ପାଇଁ ଏକ ମାର୍ଗ ପ୍ରସ୍ତୁତ କରିବା ଉପରେ ମଧ୍ୟ ଧ୍ୟାନ ଦିଆଯିବ ବୋଲି ଆଶା କରାଯାଉଛି ।