ବିଜେଡି ସରପଞ୍ଚଙ୍କ ଗୁଣ୍ଡାରାଜ, ପୋଷା ଗୁଣ୍ଡା ପାଳି ଗାଁ ଲୋକଙ୍କୁ କରୁଛନ୍ତି ଆକ୍ରମଣ । ଚଳେଇଛନ୍ତି ହିଟଲର ଶାସନ। ସରକାର ଚାଲିଗଲା କିନ୍ତୁ, ଗଲାନି ଦାଦାଗିରୀ ରୋବାବ । ଗାଁ ମନ୍ଦିର ଖୋଲିବାରୁ ମହିଳାଙ୍କୁ ଗୋଡେଇ ଗୋଡେଇ କଲେ ଆକ୍ରମଣ । ଯିଏ ବିରୁଦ୍ଧରେ ଗଲା ତାକୁ କଙ୍ଗାରୁ କୋର୍ଟରୁ ମିଳିଲା ଦଣ୍ଡ । ଘଟଣାଟି ହେଉଛି କେନ୍ଦ୍ରାପଡା ଜିଲ୍ଲା ରାଜନଗର ବ୍ଲକ ବାଘମାରି ପଞ୍ଚାୟତ ରାଧାମାଳିପୁର ଗାଁର । ଅଭିଯୋଗ ମୁତାବକ ଏହି ଗାଁର ଲୋକେ ସ୍ୱାଧୀନ ଭାବେ ବଞ୍ଚିବାର ଅଧିକାରା ହରାଇ ବସିଛନ୍ତି । ଗାଁରେ କିଛି ଗୋଟେ ହେଲେ ନିର୍ଦ୍ଦିଷ୍ଟ ଦଳର ଗୁଣ୍ଡାଙ୍କ ଦ୍ୱାରା ବସୁଛି କଙ୍ଗାରୁ କୋର୍ଟ । ଗାଁ ମନ୍ଦିରକୁ ଗାଁ ଲୋକଙ୍କୁ କରୁଛନ୍ତି ମନା । ଯିଏ ଯାଉଛି ତାକୁ ମିଳୁଛି ମାଡ ମରାଯାଉଛି । ଯିଏ ପ୍ରତିବାଦ କଲା ତାକୁ ଜୀବନରୁ ମାରିଦେବାର ମିଳୁଛି ଧମକ।

ଗାଁର ଅଭିଯୋଗ ନେଇ ଥାନାର ଦ୍ବାରସ୍ଥ ହେଲେ କୌଣସି ଆକ୍ସନ ନେଉନି ସ୍ଥାନୀୟ ପୋଲିସ ପ୍ରଶାସନ । କାରଣ ଏମାନଙ୍କ ପଛରେ କୁଆଡେ ବଡ ନେତାଙ୍କ ହାତ ରହିଛି । ଯାହାର ଅଭିଯୋଗ ଆଣିଛନ୍ତି ଭୟଭୀତ ଗ୍ରାମବାସୀ, ନ୍ୟାୟ ପାଇଁ ନୂତନ ମୋହନ ସରକାରଙ୍କୁ କଲେ ନିବେଦନ ।

ଅଧାରେ ପଡିରହିଛି ସରକାରୀ କର୍ଯ୍ୟ । ଅନ୍ୟପଟେ କାମର ଫାଇଲ୍ କୁଆଡେ ଗାଏବ୍ । ଏମିତି ଅଭିଯୋଗ ଆସିଛି ବରଗଡ଼ ଜିଲ୍ଲା ଗାଇସିଲେଟ ବ୍ଲକ ଚିଖିଲି ଗ୍ରାମପଞ୍ଚାୟତ ଅନ୍ତର୍ଗତ ଖଲାବାହାଲ ଗ୍ରାମରୁ । ଗ୍ରାମରେ ସରକାରୀ ଯୋଜନା ମୁତାବକ କଲ୍ୟାଣ ମଣ୍ଡପ ଓ କ୍ଳବ ଘର ଏବଂ ଅଙ୍ଗନୱାଡି କେନ୍ଦ୍ର ଆସିଥିଲା । ଯେନତେନ ପ୍ରକାରେ କ୍ଳବ ଘର ଓ ଅଙ୍ଗନୱାଡି କେନ୍ଦ୍ର କାର୍ଯ୍ୟ ସରିଯାଇଥିବା ବେଳେ କଲ୍ୟାଣ ମଣ୍ଡପ କାର୍ଯ୍ୟ ଜାରି ରହିଛି । ହେଲେ ଏହାରି ଭିତରେ ଅଙ୍ଗନୱାଡି ଗୃହର ଅଧା ବିଲ୍ ପାଇଁ ପଇସା ଥିବା ଫାଇଲଟି ହଜିଯାଇଛି । ଯାହାକୁ ନେଇ ସରକାରୀ ଅଧିକାରୀଙ୍କ ଉପରେ ମହାଦୁର୍ନୀତି ଅଭିଯୋଗ ଆଣିଛନ୍ତି ସ୍ଥାନୀୟ ବାସିନ୍ଦା । ତେବେ ସରକାରୀ ବାବୁ ମାନେ କାହାର ଛତ୍ରଛାୟା ତଳେ ରହି ଏପରି କାର୍ଯ୍ୟ କରିବାକୁ ସାହସ କଲେ ବୋଲି ଅଭିଯୋଗ ହୋଇଛି ।

ଗ୍ରାମବାସି କଲ୍ୟାଣ ମଣ୍ଡପ, ଅଙ୍ଗନୱାଡି ଗୃହ ଓ କ୍ଳବ ଗୃହର ଅଧା ବିଲ୍ ପଇସା ପାଇଁ ବକେୟା ପଇସା ଗଲା କୁଆଡେ ବୋଲି ପଚାରିବାରୁ ସରକାରୀ ବାବୁ ମାନେ କହୁଛନ୍ତି, ଫାଇଲ ନାହିଁ ହଜିଯାଇଛି । ଏ ବିଷୟରେ ଖଲାବାହାଲ ଗ୍ରାମବାସୀ ମାନେ ବ୍ଲକ ଅଫିସକୁ ଯାଇ ପଚାରି ବୁଝିଛନ୍ତି । ଏପରି ଭାବେ ଦୁର୍ନୀତିର ଗନ୍ତାଘର ଗାଇସିଲେଟ ବ୍ଲକ ଚିଖିଲି ଗ୍ରାମପଞ୍ଚାୟତ ପାଲଟିଥିବା ଗ୍ରାମବାସୀ ଅଭିଯୋଗ କରିଛନ୍ତି । ତେଣୁ ତୁରନ୍ତ ତାହାର ଦତନ୍ତ ହୋଇ କାର୍ଯ୍ୟାନୁଷ୍ଠାନ ପାଇଁ ଗ୍ରାମବାସୀ ଦାବି କରିଛନ୍ତି ।

ଘରୁ ସ୍ବାମୀ ସ୍ତ୍ରୀଙ୍କ ମୃତ ଦେହ ଉଦ୍ଧାର । ଉଭୟ ଜୀବନ ହାରିଥିବା ପୋଲିସର ସୂଚନା । ସୂଚନା ଅନୁଯୟୀ ଡେରାବିଶ ଥାନା ଅନ୍ତର୍ଗତ ଫକୀରାବାଦ ଗାଁ ର ଧରଣୀ ଧର ଜେନାଙ୍କ ପୁଅ ମକର ଜେନା ଓରଫ କାର୍ତିକ ଦୁଇ ବର୍ଷ ତଳେ ଡାଳିଚି ଗାଁ ର ପିଙ୍କି ଓରଫ ସସ୍ମିତା ଦାସଙ୍କୁ ପ୍ରେମ ବିବାହ କରିଥିଲେ । ସବୁକିଛି ଠିକ୍ ଠାକ୍ ଚାଲିଥିବାବେଳେ ପ୍ରତିଦିନ ଭଲି ଗତକାଲି ଖାଇ ପି ସୋଇବାକୁ ଚାଲିଯାଇଥିଲେ ଉଭୟ ମାତ୍ର ଆଜି ସଖାଳୁ ବିଳମ୍ବ ଯାଏଁ ସୋଇବା ଘରର କବାଟ ଖୋଲିନଥିଲା ବାଧ୍ଯ ହୋଇ ଘରଲୋକ କବାଟ ଭାଙ୍ଗିଦେଇଥିଲେ ପରିବାର ଲୋକେ , କବାଟ ଖୋଲି ଦେଖନ୍ତିତ ଉଭୟ ଜୀବନ ହାରିଦେଇଛନ୍ତି ।

ତେବେ ବର୍ତ୍ତମାନ ସୁଦ୍ଧା ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ ଘଟଣା ସ୍ଥଳରେ ଡେରାବିଶ ପୋଲିସ ପହଂଚି ତଦନ୍ତ ଆରମ୍ଭ କରିବା ସହ ଶବ ବ୍ୟବଛେଦ ପାଈଁ ପଠାଇଛନ୍ତି