କାର୍ତିକମାସ ଶେଷହେବାପରେ ଗତକାଲି ଛାଡଖାଇ ଥିଲେମଧ୍ୟ ସଙ୍କରାନ୍ତି ପାଇଁ ଫିକା ପଡିଯାଇଥିଲା ଛାଡଖାଇ, ଆଜି ରବିବାର ଥିବାରୁ ମାସକଯାକ ଆମିଷ ଛାଡ଼ିଥିବା ଲୋକମାନେ ଆଜି ଆନନ୍ଦ ଉଲ୍ଲାସରେ ଛାଡଖାଇ ପାଳନ କରୁଛନ୍ତି, ଏଥିପାଇଁ ସକାଳୁସକାଳୁ ସହରରେ ଥିବା ମାଛବଜାରରେ ଲୋକମାନଙ୍କର ନାହିଁ ନ ଥିବା ଭିଡ ଦେଖିବାକୁ ମିଳିଥିଲା , ମାଛବଜାରରେ ବିଭିନ୍ନ କିସମର ମାଛ, ଚିଙ୍ଗୁଡ଼ି, କଙ୍କଡା, ଓ ସାମୁଦ୍ରିକ ମାଛ ବିକ୍ରି ହେଉଥିବା ଦେଖାଯାଇଥିଲା, ସେହିପରି ମଟନ ଓ ଚିକେନ ଦୋକାନ ଗୁଡିକରେ ଲୋକଙ୍କର ଲାଇନ ଲମ୍ବିଥିଲା, ଯଦିଓ ମାଛ, ଚିକେନ, ମାଂସ ଦର ପୂର୍ବ ଅପେକ୍ଷା ଅଧିକ ଥିଲେ ମଧ୍ୟ ଲୋକଙ୍କୁ ତାହାର କିଛି ପ୍ରଭାବ ପଡ଼ିନଥିଲା I ସେହିପରି ଭୁବନେଶ୍ୱର ୟୁନିଟ ୪ ମାର୍କେଟରେ ସକାଳୁ ସକାଳୁ ଆମିଷ ବଜାରରେ ଭିଡ଼ ଜମିଛି। ଗ୍ରାହକଙ୍କ ଚାହିଦାକୁ ଦୃଷ୍ଟିରେ ରଖି ମାର୍କେଟରେ ମଟନ୍, ଚିକେନ୍, ମାଛ, ଚିଙ୍ଗୁଡ଼ି ଆଦି ବିଭିନ୍ନ ପ୍ରକାରର ଆମିଷ ବିକ୍ରି ହେଉଛି। କାର୍ତ୍ତିକରେ ମାସରେ ହବିଷ କରିଥିବା ଲୋକ ଆଜି ଆମିଷ ଖାଇବାକୁ ଅଧିକ ପସନ୍ଦ କରୁଛନ୍ତି। ଚାହିଦା ଅନୁସାରେ ଆଜି ଦାମ ମଧ୍ୟ ପୂର୍ବାପେକ୍ଷା ଅଧିକ ରହିଛି । ଭୁବନେଶ୍ୱର ୪ ନମ୍ବର ମାଛ ମାର୍କେଟରେ ବାରିପଦା ଦେଶୀ ଚିକେନ କେଜିକୁ ୫୫୦ ଟଙ୍କା ଥିବାବେଳେ ବ୍ରୟଲର ୨୪୦, ମଟନ ୮୦୦, ଖଇଙ୍ଗା ମାଛ ୫୦୦, କଳା ପାମ୍ପ୍ଲେଟ ୪୫୦, ରୂପ ଚାନ୍ଦି ୨୫୦, ପାମ୍ପ୍ଲେଟ ୧ ହଜାର, ବଡ଼ ଚିଙ୍ଗୁଡ଼ି ୫୫୦ ରହିଛି ।
