Category: ରାଜ୍ୟ ଖବର

୧୦ ଦଫା ଦାବୀ ନେଇ ଅଙ୍ଗନୱାଡ଼ି କର୍ମୀଙ୍କ ବିକ୍ଷୋଭ ପ୍ରଦର୍ଶନ

ଭାରତୀୟ ମଜଦୁର ସଂଘ ଅଲ ଓଡିଶା ଅଙ୍ଗନୱାଡ଼ି ଲେଡିସ ୱର୍କର୍ସ ଆସୋସିଏସନ ଗଞ୍ଜାମ ଜ଼ିଲ୍ଲା ପକ୍ଷରୁ ଛତ୍ରପୁର ସ୍ଥିତ ଜ଼ିଲ୍ଲାପାଳ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି । ଏଥିରେ ସଭାନେତ୍ରୀ ହେମଲତା ମହାନ୍ତି, ସମ୍ପାଦିକା ବାସନ୍ତୀ କୁମାରୀ ପ୍ରଧାନ ନେତୃତ୍ୱ ନେଇଥିଲେ । ଅଙ୍ଗନୱାଡ଼ି କର୍ମୀ ଓ ସହାୟିକା ମାନଙ୍କ ପକ୍ଷରୁ ଏକ ବିଶାଳ ରାଲି ଡିଆର ଡିଏ ଛକ ରୁ ବାହାରି ସହର ପରିକ୍ରମା କରି ଜ଼ିଲ୍ଲାପାଳଙ୍କ ଅଫିସ ଠାରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିଥିଲେ ।

ଏହା ସହ ନେତା ମାନେ ୧୦ ଦାବୀ ଉପସ୍ଥାପନ କରିଥିଲେ । ଦାବୀ ଗୁଡିକ ମଧ୍ୟରେ ଅଙ୍ଗନୱାଡ଼ି କର୍ମୀ ଓ ସହାୟିକା ମାନଙ୍କୁ ସରକାରୀ କର୍ମଚାରୀ ଘୋଷଣା ସହ ପରିତୋଷିକ ପ୍ରଦାନ, ତିନି ମାସର ଆଗୁଆ ଟିଏଚଆର, ଅବସର ପରେ ଅଙ୍ଗନୱାଡ଼ି କର୍ମୀ ଓ ସହାୟିକା ମାନଙ୍କୁ ଶିକ୍ଷୟତ୍ରୀ ଭଳି ଅବସରକାଳୀନ ବେନିଫିଟ ଦେବା ଆଦି ଦାବି ବାବଦରେ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ଅତିରିକ୍ତ ଜ଼ିଲ୍ଲାପାଳଙ୍କୁ ପ୍ରଦାନ କରାଯାଇଥିଲା ।
ବରଗଡ଼ରେ ଚାଞ୍ଚଲ୍ୟ; ଯୁବକଙ୍କୁ ହତ୍ୟା, ପୋଲିସର ତନାଘନା ଆରମ୍ଭ

ବରଗଡ଼ ଗ୍ରାମାଞ୍ଚଳ ଥାନା ଅନ୍ତର୍ଗତ ଜମୁର୍ଡା ଗ୍ରାମରେ ଜଣେ ଯୁବକଙ୍କୁ ପିଟିପିଟି ହତ୍ୟା କରାଯାଇଥିବା ଅଭିଯୋଗ ହୋଇଛି। ମୃତ ଯୁବକ ଜଣକ ହେଲେ, ଉକ୍ତ ଗ୍ରାମର ସୁଧାଂଶୁ ପ୍ରଧାନ (୨୫) । ଖବର ପାଇ ବୁଧବାର ପୋଲିସ ଗ୍ରାମକୁ ପହଞ୍ଚି ତନାଘନା ଆରମ୍ଭ କରିଛି। ସୂଚନା ଅନୁଯାୟୀ, ଗତ କିଛିଦିନ ତଳୁ ମୃତ ଯୁବକ ଅନ୍ଯ ୪ଜଣଙ୍କ ସହିତ ବଲାଙ୍ଗିର ଜିଲାର ଏକ କାର୍ଯ୍ୟକ୍ରମକୁ ଯାଇଥିଲେ।

ସେଠାରୁ ସେମାନେ ମଙ୍ଗଳବାର ବିଳମ୍ବିତ ରାତିରେ ଗ୍ରାମକୁ ପହଞ୍ଚି ଥିଲେ। ହେଲେ ମୃତ ଯୁକକ ତାଙ୍କ ଘରକୁ ଫେରି ନଥିଲେ। ବୁଧବାର ସକାଳୁ ଏକ ଗାଡିରେ ତାଙ୍କ ମୃତଦେହ ପଡିଥିବା ଦେଖିବାକୁ ମିଳିଥିଲା। ଶରୀରର ଛାତି ସମେତ ବିଭିନ୍ନ ସ୍ଥାନରେ ମାଡ ଦାଗ ରହିଥିବା ଯୋଗୁଁ ତାଙ୍କୁ ପିଟି ହତ୍ୟା କରାଯାଇଥିବା ସନ୍ଦେହ ହେଉଛି। ଅନ୍ୟପକ୍ଷରେ ତାଙ୍କ ସହିତ ଯେଉଁମାନେ ବଲାଙ୍ଗୀର ଜିଲାକୁ ଯାଇଥିଲେ, ସେମାନେ ଫେରାର୍ ଥିବାରୁ ହତ୍ୟା ସନ୍ଦେହ ଦୃଢୀଭୂତ ହୋଇଛି।
ଲୁହାପଥର ଲୁଟ ଉଦ୍ୟମ, ୨ଟି ଟ୍ରକ୍ ଜବତ

ଯୋଡା ଖଣି ମଣ୍ଡଳରେ ଅହେତୁକ ଭାବେ ବୃଦ୍ଧି ପାଇଛି ଚୋରି । ବାରମ୍ବାର ଚୋରି ହେବା ପରେ ମଧ୍ୟ ଖଣି ବିଭାଗ ଚୋରି ରୋକିବାରେ ବିଫଳ ହେଉଛି l ଖଣି ବିଭାଗ ଦ୍ଵାରା ବିଭିନ୍ନ ସ୍ଥାନରେ ଦାବିଦାର ନ ଥିବା ଖଣିଜ କୁ କାଗଜ ପତ୍ରରେ ଜବତ ଦେଖାଇ ବିଭାଗ ବେପରୁଆ ଭାବେ ସେହି ସ୍ଥାନରେ ଛାଡି ଦେଉଛି । ଯାହା ଫଳରେ ଜବତ ଖଣିଜ ଦ୍ରବ୍ୟ ଚୋରି ହେବାରେ ଲାଗିଛି । ଖଣି ଜଗିବା ପାଇଁ ଓ ଖଣିରେ ଅନୁଶାସନ ରଖିବା ପାଇଁ ଖଣି ବିଭାଗ ରହିଛି ।

ଖଣିଜ ଚୋରା ଚାଲାଣ କୁ ରୋକିବା, ଖଣିଜ ବୋଝେଇ ଗାଡ଼ି ଧରିବାରେ ଖଣି ବିଭାଗ କୌଣସି ଆଖିଦୃଶିଆ କାର୍ଯ୍ୟ କରି ପାରୁ ନାହିଁ । ଖଣି ଚୋରିକୁ ପୋଲିସ ଓ ବନ ବିଭାଗ କିଛି ଅଂଶରେ ଆୟତ୍ତ କରୁଛନ୍ତି । ଆଜି ଯୋଡା ବେହେରା ସାହି ଠାରେ ଜବତ ହୋଇ ଗଚ୍ଛିତ ଥିବା ଲୁହାପଥରକୁ ଚୋରା ଚାଲାଣ କରୁଥିବା ଦୁଇଟି ଟ୍ରକ କୁ ଯୋଡା ପୋଲିସ ଧରିଵାରେ ସଫଳ ହେଇଛି । ଏଥିରେ ସଂପୃକ୍ତ ବ୍ୟକ୍ତି ମାନେ ଘଟଣା ସ୍ଥଳରୁ ଫେରାର ହେଇଯାଇଛନ୍ତି ।
ଆନ୍ତର୍ଜାତୀୟ ଶ୍ରୀଜଗନ୍ନାଥ ମହୋତ୍ସବ ୨୦୨୫ ଉଦଘାଟିତ

ନାମାଚାର୍ଯ୍ୟ ଶ୍ରୀମଦ୍ ବାୟାବାବା ଭାଗବତ ପ୍ରଚାର ସମିତି ରାହାମା ଆନୁକୁଲ୍ୟରେ ଆନ୍ତର୍ଜାତୀୟ ଶ୍ରୀଜଗନ୍ନାଥ ମହୋତ୍ସବ-୨୦୨୫ ଉଦଘାଟିତ ହୋଇଯାଇଛି । ପରମହଂସ ପ୍ରଜ୍ଞାନାନନ୍ଦଜୀ ମହାରାଜଙ୍କ କରକମଳରେ ଉଦଘାଟିତ ହୋଇଛି । ଏହି ମହୋତ୍ସବରେ ସାଧୁସନ୍ଥ ମାନଙ୍କ ସହ ପୁରୀ ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ତଥା ରାଧାବଲ୍ଲଭ ମଠ ପୁରୀ ମହନ୍ତ ମହାରାଜ ରାମକୃଷ୍ଣ ଦାସ ମହାରାଜ, ଶ୍ରୀଜଗନ୍ନାଥ ସଂସ୍କୃତି ପ୍ରଚାରକ ବ୍ରହ୍ମଚାରୀ ବାବା ସତ୍ୟାନନ୍ଦ ଦାସ ମହାରାଜ, ନାମାଚାର୍ଯ୍ୟ ବାୟାବାବାଙ୍କ ଶିଷ୍ୟ ଶ୍ରୀ ବୈକୁଣ୍ଠନାଥ ଦାସ ପ୍ରମୁଖ ଯୋଗଦେଇଥିଲେ । ଉପସ୍ଥିତ ସମସ୍ତ ସାଧୁସନ୍ଥ ମାନେ ମହୋତ୍ସବ ସ୍ଥଳ ପରିକ୍ରମା କରି ମା’ ବିମଳା, ମା’ ଲକ୍ଷ୍ମୀ, ଚାରିଧାମ ଦର୍ଶନ, ପଞ୍ଚସଖାଙ୍କ ଲୀଳା ପ୍ରଦର୍ଶନ, ବନ୍ଧୁ ମହାନ୍ତି, ଦାସିଆ ବାଉରୀ ଙ୍କ କଳାକୃତି ପ୍ରଦକ୍ଷିଣ କରି ଶ୍ରୀଜଗନ୍ନାଥଙ୍କ ଚବିଶ ବେଶ, ଛପନ ଭୋଗ ଓ ପଞ୍ଚକୁଣ୍ଡୀୟ ବିଶ୍ଵଶାନ୍ତି ମହାଯଜ୍ଞ ପୀଠ ଆଦି ଦର୍ଶନ କରିଥିଲେ ।

ପ୍ରଥମେ ଅନୁଷ୍ଠାନର ମୁଖ୍ୟ ସଂଯୋଜକ ତଥା ସମ୍ପାଦକ ଡ଼ ସୁନାକର ବେହେରା ସମସ୍ତ ସାଧୁସନ୍ଥ ଓ ଅତିଥି ମାନଙ୍କୁ ମଞ୍ଚକୁ ସ୍ବାଗତ କରି ଅନୁଷ୍ଠାନର ଆଧ୍ୟାତ୍ମିକ, ସାମାଜିକ ମୂଲ୍ୟବୋଧ ଓ ଶ୍ରୀଜଗନ୍ନାଥ ସଂସ୍କୃତିର ପ୍ରଚାର କରିବାପାଇଁ ସମସ୍ତଙ୍କ ସହଯୋଗ କାମନା କରିଥିଲେ । ଘଣ୍ଟଘଣ୍ଟା, ବେଦଧ୍ୱନି, ହରିବୋଲ ଓ ହୁଳହୁଳିରେ ପ୍ରକମ୍ପିତ ହୋଇଥିଲା ପରିବେଶ । ମହୋତ୍ସବକୁ ମହାରାଜ ଉଦଘାଟନ କରି ଶ୍ରୀଜଗନ୍ନାଥ ସଂସ୍କୃତି କିପରି ବିପଥଗାମୀ ସମାଜକୁ ଶୃଙ୍ଖଳିତ କରି ପାରିବ ଓ ଗୋମାତାଙ୍କ ସେବାଦ୍ଵାରା କିପରି ଏକ ସୁସ୍ଥ ସମାଜ ଓ ବାତାବରଣ ସୃଷ୍ଟି ହୋଇପାରିବ ତାହା ଉପରେ ଗୁରୁତ୍ୱ ପ୍ରଦାନ କରିଥିଲେ । ମହନ୍ତ ଶ୍ରୀ ରାମକୃଷ୍ଣ ଦାସ ମହାରାଜ ଶ୍ରୀଜଗନ୍ନାଥ ସଂସ୍କୃତିର ସାରସ୍ଵତ ତତ୍ତ୍ୱ ଓ ମାନବ ସମାଜରେ ସଂସ୍କାର ଓ ମାନବିକ ମୂଲ୍ୟବୋଧର ଉତ୍ତରୋତ୍ତର ଉନ୍ନତି କାମନା କରି ଏକ ସଫଳ ଜୀବନକୁ ରୂପାନ୍ତରିତ କରିବାକୁ ଜନସାଧାରଣଙ୍କୁ ଆହ୍ବାନ ଦେଇଥିଲେ ।

ଅନ୍ୟ ଅତିଥି ମାନଙ୍କ ସହ ଶ୍ରୀଜଗନ୍ନାଥ ସଂସ୍କୃତି ଗବେଷକ ଡ଼ ଧୃତିଧର ଦାସ ଓ ପଣ୍ଡିତ ପ୍ରମୋଦ କୁମାର କର ପ୍ରମୁଖ ଯୋଗଦାନ କରି ନିଜ ନିଜର ବକ୍ତବ୍ୟ ଉପସ୍ଥାପନ କରିଥିଲେ । ପରେ ଶ୍ରୀଜଗନ୍ନାଥ ସଂସ୍କୃତିର ପ୍ରଖ୍ୟାତ ପ୍ରବଚକ ବ୍ରହ୍ମଚାରୀ ବାବା ସତ୍ୟାନନ୍ଦ ଦାସ ମହାରାଜ ନିଜର ଧାରାବାହିକ ପ୍ରବଚନ ପ୍ରାରମ୍ଭ କରି ମହାପ୍ରଭୁ ଶ୍ରୀଜଗନ୍ନାଥ, ଯୁଗପୁରୁଷ ଶ୍ରୀକୃଷ୍ଣ ଓ ଶ୍ରୀଭାଗବତ ମହାପୁରାଣର ବ୍ୟାଖ୍ୟା ବର୍ଣ୍ଣନା କରିଥିଲେ । ସମଗ୍ର ଅଞ୍ଚଳକୁ ଦ୍ଵିତୀୟ ଶ୍ରୀକ୍ଷେତ୍ର ବୋଲି ଅଭିହିତ କରି ଏହି ମହାଯଜ୍ଞରେ ସମସ୍ତ ଜନସାଧାରଣ ଭାଗନେବାକୁ ଅନୁରୋଧ କରିଥିଲେ । ଏଥିରେ ସର୍ବଶ୍ରୀ ଶରତ ଚନ୍ଦ୍ର ସାହୁ, ମନୋହର ସ୍ବାଇଁ, ଅକ୍ଷୟ ଉତ୍ତମ ଚରଣ ଦାସ, ଦୁର୍ଯ୍ୟୋଧନ ପାତ୍ର, ସ୍ନେହମୟୀ ଆଚାର୍ଯ୍ୟ, ସରସ୍ବତୀ ଦାସ ପ୍ରମୁଖ ଯୋଗଦାନ କରି ସମସ୍ତ କାର୍ଯ୍ୟକ୍ରମକୁ ସୁପରିଚାଳନା କରିଥିଲେ । ହଜାର ହଜାର ସଂଖ୍ୟାରେ ଉପସ୍ଥିତ ସମସ୍ତ ଶ୍ରଦ୍ଧାଳୁମାନଙ୍କ ପାଇଁ ମହାପ୍ରସାଦ ସେବନ ର ବନ୍ଦୋବସ୍ତ ହୋଇଥିଲା ।
ବରଗଡ଼ ଜିଲ୍ଲାରେ ରାଜ୍ୟସ୍ତରୀୟ କିଷାନ ମହାପଞ୍ଚାୟତ ଆୟୋଜିତ

କୃଷିନୀତି ପ୍ରତିବାଦରେ ବରଗଡ଼ ଠାରେ ଆରମ୍ଭ ହୋଇଛି ରାଜ୍ୟସ୍ତରୀୟ କିଷାନ ମହାପଞ୍ଚାୟତ | ବରଗଡ଼ ଜିଲ୍ଲା ସୟାଁ ଖେଳ ପଡ଼ିଆଠାରେ ସଂଯୁକ୍ତ କୃଷକ ସଂଗଠନ ପକ୍ଷରୁ ଏହି ରାଜ୍ୟସ୍ତରୀୟ କିଷାନ ମହାପଞ୍ଚାୟତ ଆୟୋଜିତ ହୋଇଛି। ଏହି ମହାପଞ୍ଚାୟତରେ ଅନେକ ଚାଷୀ, ସ୍ବେଚ୍ଛାସେବୀ, ସାମାଜିକ ସଂଗଠନ ସାମିଲ ହୋଇଛନ୍ତି। ଏଥିରେ ଭାରତୀୟ କିଷାନ ୟୁନିଅନର ପ୍ରବକ୍ତା ରାକେଶ ଟିକାୟତଙ୍କ ସମେତ ଅନେକ ରାଷ୍ଟ୍ରୀୟ ସ୍ତରୀୟ କୃଷକ ନେତା ଯୋଗଦାନ କରିଛନ୍ତି। ସରକାରଙ୍କ କୃଷିନୀତି ସମ୍ପୂର୍ଣ୍ଣ ଭାବରେ କମ୍ପାନୀ ଓ ପୁଞ୍ଜିପତିମାନଙ୍କୁ ସୁହାଉଛି। ଅନ୍ୟପକ୍ଷରେ ଯେଉଁ କୃଷକଙ୍କ ପାଇଁ ନୀତି ପ୍ରସ୍ତୁତ କରାଯାଉଛି, ସେମାନେ ଦିନକୁ ଦିନ ଗରିବ ଋଣଗ୍ରସ୍ତ ହୋଇ ଆତ୍ମହତ୍ୟା କରିବାକୁ ବାଧ୍ୟ ହେଉଛନ୍ତି ବୋଲି ସଂଗଠନ ପକ୍ଷରୁ ଅଭିଯୋଗ ହୋଇଛି |

ପୁଞ୍ଜିପତିମାନେ ଯେତିକି ଟଙ୍କା ଋଣ କରି ବିଦେଶକୁ ପଳାଉଛନ୍ତି, ସେତିକି ଟଙ୍କା ଋଣ ଚାଷୀମାନେ ନେଇ ନାହାନ୍ତି। ସେହିପରି ସରକାରମାନେ ଅଧିକ ଅମଳ ପାଇଁ ଉନ୍ନତ ବିହନ,ରାସାୟନିକ ସାର ଓ ଅତ୍ୟାଧୁନିକ ଯନ୍ତ୍ରପାତି ବ୍ୟବହାର ପାଇଁ ପ୍ରୋତ୍ସାହିତ କରୁଥିବା ବେଳେ ଚାଷୀମାନେ ବିନିଯୋଗ ଅର୍ଥ ତୁଳନାରେ ବିକ୍ରି ମୂଲ୍ୟ କମ୍ ପାଉଛନ୍ତି । ଚାଷୀ ମାନଙ୍କ ଉତ୍ପାଦିତ ସମସ୍ତ ଫସଲକୁ ସରକାର କ୍ରୟ ନ କରି ଏକ ତୃତୀୟାଂଶ କିଣୁଛନ୍ତି । ଯାହା ଦ୍ୱାରା ବଳକା ଶସ୍ୟକୁ ଚାଷୀ ଦଲାଲ ଏବଂ ବେପାରୀମାନଙ୍କୁ କମ ମୂଲ୍ୟରେ ବିକ୍ରି କରିବାକୁ ବାଧ୍ୟ ହେଉଛନ୍ତି। ବଜାର ବ୍ୟବସ୍ଥା, ଭିତ୍ତିଭୂମି ଓ ଶୀତଳ ଭଣ୍ଡାର ଅଭାବରୁ ଚାଷୀ କ୍ଷତିଗ୍ରସ୍ତ ଓ ଶୋଷଣର ଶିକାର ହେଉଛନ୍ତି। ବିଭିନ୍ନ ସରକାରମାନେ ଜଳସେଚନ କଥା କହୁଛନ୍ତି ହେଲେ ଆଜି ପର୍ଯ୍ୟନ୍ତ ସମସ୍ତ ଚାଷ ଜମିକୁ ଜଳସେଚିତ କରିପାରୁ ନାହାନ୍ତି। ବରଗଡ଼ ଜିଲ୍ଲାର୍ ୧୨ ବ୍ଲକ ମଧ୍ୟରୁ ୪ ବ୍ଲକ ସମ୍ପୂର୍ଣ୍ଣ ଜଳସେଚିତ ହୋଇଥିବା ବେଳେ ୮ ବ୍ଲକ ଜଳ ବିନା ମରୁଡ଼ିର ସାମ୍ନା କରୁଛନ୍ତି ।

ଠିକ ସମୟରେ ଫସଲବୀମା ପଇସା ପାଉନ ଥିବାରୁ ଚାଷୀମାନେ ଆନ୍ଦୋଳନ କରୁଛନ୍ତି । ବିଭିନ୍ନ କମ୍ପାନୀର କୋଟି କୋଟି ଟଙ୍କା ବିଜୁଳି ବିଲ ଛାଡ଼ କରାଯାଉଥିବା ବେଳେ ଘରୋଇ ଉପଭୋକ୍ତା ଓ ଚାଷୀମାନଙ୍କ ପାଖରୁ ଜୋର ଜବରଦସ୍ତ ବିଜୁଳି ବିଲ ଆଦାୟ କରାଯାଉଛି ବିଲ ନ ଦେଲେ ଲାଇନ କାଟି ଦିଆହେଉଛି ବୋଲି ଅଭିଯୋଗ କରିଛନ୍ତି କୃଷକ ସଂଗଠନ |
ବାୟୁ ପ୍ରଦୁଷଣ ଦାବିରେ ଗ୍ରାମବାସୀଙ୍କ ରାସ୍ତା ରୋକ, ନାଲି ଆଖି ଦେଖାଉଛି ପୋଲିସ

ଧୁଳି ଧୂଆଁରେ ଅସ୍ତବ୍ୟସ୍ତ ଗ୍ରାମବାସୀ । ବାୟୁ ପ୍ରଦୁଷଣ ପ୍ରତିକାର ଦାବୀରେ ରାସ୍ତା ରୋକ କରିଛନ୍ତି ଗ୍ରାମବାସୀ । ରାସ୍ତା ରୋକ ଯୋଗୁଁ ଯୋଡ଼ା ବାମେବାରୀ ରାସ୍ତାରେ ଯାତାୟତ ଠପ ହୋଇଯାଇଛି । କେନ୍ଦୁଝର ଜିଲ୍ଲା ଯୋଡ଼ା ବ୍ଲକ ବଳଦା ପଞ୍ଚାୟତ ବିପ୍ଲଟ ଗ୍ରାମାଞ୍ଚଳରେ ଏହି ଘଟଣା ଦେଖିବାକୁ ମିଳିଛି । ଗାଁରେ ବିଦ୍ୟୁତ ସେବା ମଧ୍ୟ ନାହିଁ ।

ଯୋଡ଼ା ବାମେବାରୀ ରାସ୍ତାରେ ମାତ୍ରାଧିକ ଭାରି ଯାନ ଚଳାଚଳ ଯୋଗୁଁ ଧୁଳି ଧୁଆଁ ରେ ଅତିଷ୍ଠ ହୋଇପଡିଛନ୍ତି ଗ୍ରାମବାସୀ । ଏ ନେଇ ବାରମ୍ବାର ପ୍ରଶାସନ କୁ ଅଭିଯୋଗ କରିଥିଲେ ମଧ୍ୟ ପ୍ରଶାସନ ଗୁରୁତ୍ବ ଦେଉନାହିଁ । ଯେଉଥିପାଇଁ ଆଜି ବାଧ୍ୟ ହୋଇ ଗ୍ରାମ ବାସୀ ରାସ୍ତା ରୋକ କରିଛନ୍ତି । ଛୋଟ ଛୁଆଙ୍କ ଠାରୁ ଆରମ୍ଭ କରି ବୃଦ୍ଧ ବୟସ୍କ ପାର୍ଜୟନ୍ତ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଗ୍ରାମବାସୀ ଅଭିଯୋଗ କରିଛନ୍ତି ।

ବାୟୁ ପ୍ରଦୁଷଣ କାରଣରୁ ନିଶ୍ବାସ ପ୍ରଶ୍ବାସ ନେବାରେ ଅସୁବିଧା ହେବା ସହ ଛୋଟ ଛୁଆ ମାନେ ମଧ୍ୟ ବିଭିନ୍ନ ରୋଗର ଶିକାର ହେଉଛନ୍ତି । ଏହି ଅଞ୍ଚଳ ରେ ଏକାଧିକ ଖଣି କମ୍ପାନୀ କାର୍ଯ୍ୟ କରୁଛି । ହେଲେ ଏହି କମ୍ପାନୀରୁ ଖଣିଜ ଦ୍ରବ୍ୟ ପରିବହନ କାର୍ଯ୍ୟ ଦୈନିକ ହଜାର ହଜାର ଟ୍ରକ ଚଳାଚଳ ଯୋଗୁଁ ଏଭଳି ପରିସ୍ଥିତି ସୣଷ୍ଟି ହୋଇଛି । ତେବେ ଖଣି ପ୍ରଭାବିତ ଅନୁଦାନ ଖଣି ଅଞ୍ଚଳରେ କାର୍ଯ୍ୟ ରେ ଲାଗୁ ନଥିବା ଅଭିଯୋଗ କରି ଗ୍ରାମବାସୀ ରାସ୍ତା ରୋକ କରିଥିବା ଜଣାପଡିଛି । ପ୍ରଦୂଷଣ ବିଭାଗ ଓ ପ୍ରଶାସନ ସବୁ ଜାଣି ମଧ୍ୟ ଚୁପ ରହିଥିବା ଅଭିଯୋଗ ହେଉଛି । ତେବେ ଦେଖିବାକୁ ବାକି ରହିଲା ଏହି ଘଟଣାର କେବେ ସମାଧାନ ହେଉଛି ।
ପୂର୍ବତନ ପ୍ୟାକ୍ସ ସମ୍ପାଦକ ଗିରଫ

ବରଗଡ଼ ଜିଲା ଲଖନପୁର ପ୍ରାଥମିକ କୃଷି ସମବାୟ ସମିତିର ପୂର୍ବତନ ସମ୍ପାଦକ ଧୃବ ଚରଣ ସାହୁଙ୍କୁ ଭିଜିଲାନ୍ସ ଗିରଫ କରିଛି । ପୂର୍ବରୁ ତାଙ୍କ ବିରୋଧରେ ୩୧ଲକ୍ଷ ୪୭ହଜାର ୬୮୫ ଟଙ୍କା ଅନିୟମିତତା ଅଭିଯୋଗ ହୋଇଥିଲା ।

ଭିଜିଲାନ୍ସ ଏହାର ତଦନ୍ତ କରି ତାଙ୍କୁ ଗିରଫ କରିଛି । ଘଟଣାଟି ଏବେ ଚର୍ଚ୍ଚାର ବିଷୟ ପାଲଟିଛି ।
ଶ୍ରୀରାମ ମହାଯଜ୍ଞ ସମିତି ପକ୍ଷରୁ ସାମ୍ବାଦିକ ସମ୍ମିଳନୀ

ସନାତନ ଧର୍ମର ଆରାଧ୍ୟ ପ୍ରଭୁ ଶ୍ରୀରାମ ଚନ୍ଦ୍ରଙ୍କ ରାମ ନବମୀ ଆସନ୍ତା ଏପ୍ରିଲ ମାସରେ ଅନୁଷ୍ଠିତ ହେବ । ଏହାକୁ ନେଇ ପୁରପଲ୍ଲୀରେ ରାମ ଭକ୍ତଙ୍କ ଚଳଚଞ୍ଚଳ ଦେଖିବାକୁ ମିଳିଛି । ଭକ୍ତ ମାନଙ୍କ ଦ୍ୱାରା ଲକ୍ଷାଧିକ ଟଙ୍କା ବ୍ୟୟ କରାଯାଇ ମର୍ଯ୍ୟାଦା ପୁରୁଷୋତ୍ତମ ପ୍ରଭୁ ରାମ ଚନ୍ଦ୍ରଙ୍କ ରାମ ନବମୀ ଉତ୍ସବ ପାଳନ ହେବ । ଜାତି , ଧର୍ମ , ବର୍ଣ୍ଣ ନିର୍ବିଶେଷରେ ସମସ୍ତ ହିନ୍ଦୁ ସମାଜ ଏକତ୍ରିତ ହୋଇ ଏହି ମହାନ ପର୍ବକୁ ପାଳନ କରିବେ । ଓଡିଶାର ବିଭିନ୍ନ ଜିଲ୍ଲାରେ ରାମ ନବମୀ ଶୋଭାଯାତ୍ରା ବଡ଼ ଧୁମ ଧାମରେ ପାଳନ ହେଉଛି । ଚଳିତ ବର୍ଷ ଠାରୁ ପ୍ରଥମ କରି କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଲକରେ ଆରମ୍ଭ ହେବାକୁ ଯାଉଛି ଶ୍ରୀରାମ ନବମୀ ଶୋଭାଯାତ୍ରା ଉତ୍ସବ । ଏହାକୁ ନେଇ ଗତକାଲି ଶ୍ରୀରାମ ମହାଯଜ୍ଞ ସମିତି ରାଜନଗର କୋର କମିଟି ପକ୍ଷରୁ ସାମ୍ବାଦିକ ସମ୍ମିଳନୀ କରାଯାଇଥିଲା । ଏହି ଅବସରରେ ଶ୍ରୀରାମ ମହାଯଜ୍ଞ ସମିତିର ସଂଯୋଜକ ଶ୍ରୀ ରାଜୀବ ଲୋଚନ ନାୟକ ସୂଚନା ଦେଇଛନ୍ତି । ସେ କହିଛନ୍ତି ମର୍ଯ୍ୟାଦା ପୁରୁଷୋତ୍ତମ ପ୍ରଭୁ ଶ୍ରୀ ରାମଚନ୍ଦ୍ରଙ୍କର ରାମ ନବମୀ ଶୋଭାଯାତ୍ରା ରାଜନଗର ମାଟିରେ ପ୍ରଥମ କରି ଭବ୍ୟ ଓ ଦିବ୍ୟ ରୂପରେ ପାଳନ କରାଯିବ ।

ଏହି ଶୋଭାଯାତ୍ରା ଏହି ବର୍ଷ ଠାରୁ ଆରମ୍ଭ ହୋଇ ପ୍ରତିବର୍ଷ ପ୍ରଭୁ ଶ୍ରୀରାମ ଚନ୍ଦ୍ର ଙ୍କ ରାମ ନବମୀରେ ପାଳନ କରାଯିବ । କୋର କମିଟିର ସଭାପତି ଶ୍ରୀ ରବୀନ୍ଦ୍ର ସେଠୀ ଶ୍ରୀରାମ ନବମୀର ଶୋଭାଯାତ୍ରା ରୂପରେଖକୁ ବିସ୍ତୃତ ଭାବେ ବର୍ଣ୍ଣନା କରିଛନ୍ତି । ସେ କହିଛନ୍ତି ଆସନ୍ତା ଏପ୍ରିଲ ମାସ ୫ ତାରିଖରୁ ୭ ତାରିଖ ପର୍ଯ୍ୟନ୍ତ ଏହି କାର୍ଯ୍ୟକ୍ରମ ହେବ । ୩ ଦିନ ଧରି ଅନୁଷ୍ଠିତ ହେବାକୁ ଥିବା ଏହି କାର୍ଯ୍ୟକ୍ରମରେ ପ୍ରଥମ ଦିନ ଆଜ୍ଞାମାଳ ଶୋଭାଯାତ୍ରା, ଗୋପୂଜନ ଓ ଶହେ ଆଠ ହନୁମାନ ଚାଳିଶା ପାଠ ହେବ । ଦ୍ୱିତୀୟ ଦିନ ଏକ ବିଶାଳ କଳସ ଶୋଭାଯାତ୍ରା, ଶ୍ରୀରାମ ଯଜ୍ଞ ଓ ସଂନ୍ଧ୍ୟାରେ ଭଜନ ସଂନ୍ଧ୍ୟା ଅନୁଷ୍ଠିତ ହେବ । ଓ ଶେଷ ଦିନରେ ଏକ ବିଶାଳ ଭବ୍ୟ ଓ ଦିବ୍ୟ ନଗର ସଂକୀର୍ତ୍ତନ କରାଯିବ । ତେବେ ଏହି ବିଶାଳ ଶୋଭାଯାତ୍ରା ମହୁଲିଆ ପଡିଆରୁ ଠାରୁ ଆରମ୍ଭ ହୋଇ ରାଜନଗର ମୁଖ୍ୟ ବଜାର ଓ ଗୋପାଳପୁର ମୁଖ୍ୟ ବଜାର ଦେଇ ମହିଁସାଷୁର ପଞ୍ଚାୟତ ପଡିଆଠାରେ ଶେଷ ହେବା ନେଇ କୋର କମିଟିର ନଗର ସଂଚାଳନ ପ୍ରମୁଖ ଭରତ ଚନ୍ଦ୍ର ରାଉତ ସୂଚନା ଦେଇଛନ୍ତି ।
ବଢିଚାଲିଛି ଲୁଟ,ଚେଇଁ ଶୋଇଛି ପୋଲିସ

ବାଲେଶ୍ବର ଜିଲ୍ଲା ଜଳେଶ୍ୱର ବ୍ଲକ ନାମ୍ଫ ଫାଣ୍ଡି ଅନ୍ତର୍ଗତ ଆମ୍ବପୁଞ୍ଜା ଗ୍ରାମର ପୂର୍ଣ୍ଣଚନ୍ଦ୍ର ପରିଡ଼ା ବଜାରକୁ ବ୍ୟବସାୟ କରିବାକୁ ଯାଇଥିବା ବେଳେ ଘରୁ ଆନୁମାନିକ ୫୦ ଲକ୍ଷର ସୁନା ଗହଣା ସହ ୧୦ ଲକ୍ଷ ଟଙ୍କା ଲୁଟ ଅଭିଯୋଗ, ସୂଚନା ଅନୁଯାଇ ଆମ୍ବପୁଞ୍ଜା ଗ୍ରାମର ପୂର୍ଣଚଦ୍ର ପରିଡ଼ା ପ୍ରତ୍ୟକ ଦିନ ରାତିରେ ନିକଟସ୍ଥ ନାମ୍ଫ ବଜାର ବ୍ୟବସାୟ ପାଇଁ ଯାଆନ୍ତି। ତେବେ ଉଭୟ ସ୍ୱାମୀ ସ୍ତ୍ରୀ ଘରୁ ବ୍ୟବସାୟ ପାଇଁ ବାହାରି ଗଲେ ଘର ଫାଙ୍କା ପଡ଼େ।ଏହାର ସୁଯୋଗ ନେଇ ଆଜି ରାତିରେ ଲୁଟ ହୋଇଥିବା ଜଣା ପଡିଛି। ସେପଟେ ପରିବାର ଲୋକେ ଖବର ପାଇ ନାମ୍ପ ଫାଣ୍ଡିରେ ଲିଖିତ ଅଭିଯୋଗ କରିବା ସହ ୧୧୨ ରେ ଅଭିଯୋଗ ମଧ୍ୟ କରିଛନ୍ତି। ତେବେ ଆନୁମାନିକ ୫୦ ଲକ୍ଷ ଟଙ୍କାର ଗହଣା ସହ ୧୦ ଲକ୍ଷ ଟଙ୍କା ଲୁଟ ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି
ପାରମ୍ପରିକ ରୀତିନୀତିରେ ପାଳନ ହୋଇଯାଇଛି ବାଟିପଡ଼ା ଦୋଳମେଳଣ

ପବିତ୍ର ଦୋଳ ପୂର୍ଣମୀ ଅବସରରେ ଆଳି ବାଟିପଡ଼ା ପଞ୍ଚାୟତ ଉତ୍ସବମୁଖର. ନାଚ ଗୀତ ଭଜନ କୀର୍ତନ ରେ କମ୍ପିଲା ବାଟିପଡ଼ା ସ୍କୁଲ ଦୋଳ ମେଳଣ ପଡିଆ.ଗାଁ ଦାଣ୍ଡର ପ୍ରତ୍ୟେକ ଘର ସାମ୍ନାରେ ଝୋଟି ମୁରୁଜ ସାଙ୍ଗକୁ କଳସ ସ୍ଥାପନ କରାଯାଇ ପ୍ରଭୁଙ୍କ ଆସିବା ବାଟକୁ ଚାହିଁ ରହିଛନ୍ତି ଗ୍ରାମବାସୀ.ଜମୁଛି ଦୋଳ ମେଳଣ ଉତ୍ସବ ଉଠୁଛି ପଡୁଛି ଗାଁ ପରିବେଶ. ରଙ୍ଗ ଅବିର ରେ ରଙ୍ଗୀନ ହୋଇଛନ୍ତି ଅଞ୍ଚଳ ବାସି.ଆଳି ଅଞ୍ଚଳ ର ବିଭିନ୍ନ ଗାଁ ରୁ ଆସିଥିବା ବିଭାନ ରେ ରାଧା କୃଷ୍ଣ ଙ୍କ ଯୁଗଳ ମୂର୍ତ୍ତି ଭଳିକି ଭଲି ରତ୍ନ ଚାନ୍ଦୁଆର ସିଂହାସନ ରେ ବାଜା ବାଣ ରୋଷଣୀ ରେ ଆଜି ୫୦ ରୁ ଅଧିକ ସୁସଜିତ ବିମାନ ରେ ଗାଁ ପରିକ୍ରମା ପୁରା ଭକ୍ତିମୟ ପରିବେଶ ସୃଷ୍ଟି କରିଥିଲା. ବାଟିପଡ଼ା ଗାଁ ଦୋଳ ମେଳଣ ଉତ୍ସବ ରେ ବିଶ୍ୱ ଭାତୃଭାବ ସହିତ ପରସ୍ପର ରଙ୍ଗ ଅବିରରେ ଆଲିଙ୍ଗନ କରି ବିଭାନ କୁ ଗାଁ ପରିକ୍ରମା କରି ମେଲଣ ପଡିଆକୁ ଆଣୁଥିବା ଦେଖିବାକୁ ମିଳିଥିଲା. ଭକ୍ତ ମାନେ ଭଜନ କୀର୍ତନ ଡିଜେ ବାଣ ରୋଷଣୀ ଓ ପୁରାତନ ହୋଲି ଗୀତ ପରିବେଷଣ ସହ ବାଟିପଡ଼ା ଗାଁ କମିଟି ପକ୍ଷରୁ ବିଶିଷ୍ଟ ବ୍ୟକ୍ତିବିଶେଷ ମାନଙ୍କୁ ସମ୍ବୋର୍ଦ୍ଧିତ କରାଯିବା ସହିତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଓ ଭଜନ ସମାରୋହ କାର୍ଯ୍ୟକ୍ରମ ଦେଖିବାକୁ ମିଳିଥିଲା……