Category: ରାଜ୍ୟ ଖବର

ପ୍ରଦୀପ କୁମାର ଦଳାଇଙ୍କ ଅବସରକାଳୀନ ସମ୍ବର୍ଦ୍ଧନା ସଭା

ଜଗତସିଂହପୁର ଜିଲ୍ଲା କୁଜଙ୍ଗ ବ୍ଲକ ଅନ୍ତର୍ଗତ ପୋତାନଇ ପଞ୍ଚାୟତର ଦାର୍ଦିଆ-ପୋତାନଇ ସରକାରୀ ବିଦ୍ୟାଳୟରେ ଶିକ୍ଷକ ପ୍ରଦୀପ କୁମାର ଦଳାଇଙ୍କୁ ଅବସରକାଳୀନ ସମ୍ବର୍ଦ୍ଧନା ଦିଆଯାଇଛି । ବିଜୟ କୁମାର ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ମୁଖ୍ୟଅତିଥି ସରପଞ୍ଚ ବ୍ରଜକିଶୋର ମହାରାଜା, ମୁଖ୍ୟବକ୍ତା ଗୋପବନ୍ଧୁ ନାୟକ , ପ୍ରାକ୍ତନ ସହକାରୀ ମଣ୍ଡଳ ଶିକ୍ଷାଧିକାରୀ ଏରସମା, ସମ୍ମାନିତ ଅତିଥି ସତ୍ୟବାନ ମୁଦୁଲି, ବୈଷ୍ଣବ ଚରଣ ସ୍ବାଇଁ, ବିକାଶ ଚୌଧୁରୀ ପ୍ରମୁଖ ଯୋଗଦେଇ ଶିକ୍ଷକ ଶ୍ରୀ ଦଳାଇଙ୍କ କର୍ମମୟ ଜୀବନ ଉପରେ ଆଲୋକପାତ କରିଥିଲେ ।

କେଶବ ଚନ୍ଦ୍ର ଦଳାଇ ମଞ୍ଚ ପରିଚାଳନା କରିଥିଲେ। ପ୍ରଣତି ମଞ୍ଜରୀ ନାୟକ ସ୍ବାଗତ ଭାଷଣ ଦେଇଥିବାବେଳେ ଯୁଧିଷ୍ଠିର ନାୟକ ଧନ୍ୟବାଦ ଅର୍ପଣ କରିଥିଲେ। ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀମାନେ କାର୍ଯ୍ୟକ୍ରମ ପରିଚାଳନାରେ ପୂର୍ଣ୍ଣ ସହଯୋଗ କରିଥିଲେ।
ଗୋଷ୍ଠି ଶିକ୍ଷା ଅଧିକାରୀ ନେପାଲ ମୁଣ୍ଡାଙ୍କୁ ବିଦାୟକାଳୀନ ସମ୍ବର୍ଦ୍ଧନା

ମୟୂରଭଞ୍ଜ ଜିଲ୍ଲାର ରାଇରଙ୍ଗପୁର ଉପଖଣ୍ଡ ର ବିଜାତଳା ବ୍ଲକ୍ ଗୋଷ୍ଠି ଶିକ୍ଷା ଅଧିକାରି ନେପାଲ ମୁଣ୍ଡା ଓ ଅତିରିକ୍ତ ଗୋଷ୍ଠି ଶିକ୍ଷା ଅଧିକାରିଣୀ ନିରୁପମା ମହାନ୍ତି ଙ୍କୁ ଆଜି ବିଦାୟକାଳୀନ ସମ୍ବର୍ଦ୍ଧନା ଦିଆଯାଇଛି । ଏହି କାର୍ଯ୍ୟକ୍ରମ ମୟୂରଭଞ୍ଜ ଜିଲ୍ଲା ଶିକ୍ଷା ଅଧିକାରୀ ପୂର୍ଣ୍ଣ ଚନ୍ଦ୍ର ସେଠୀ, ଜାମଦା ଗୋଷ୍ଠି ଶିକ୍ଷା ଅଧିକାରୀ ସୁରେଶ ମୁଣ୍ଡା ଓ ବିଜାତଳା ବ୍ଲକ ର ୧୫୫ ଟି ବିଦ୍ୟାଳୟ ର ପ୍ରଧାନ ଶିକ୍ଷକ, ଶିକ୍ଷୟିତ୍ରୀ ଉପସ୍ଥିତ ଥିଲେ ।

ବିଜାତଳା ବ୍ଲକ୍ ର ଗୋଷ୍ଠି ଶିକ୍ଷା ଅଧିକାରୀ ନେପାଲ ମୁଣ୍ଡା କୁହନ୍ତି ପ୍ରାୟ ଦିର୍ଘ ୧୦ ବର୍ଷ ରୁ ଉର୍ଦ୍ଧ ହେବ ମୁଁ ନିରନ୍ତର ଭାବେ ଏହି ବ୍ଲକ୍ ରେ କାର୍ଯ୍ୟ କରି ଆସିଛି । ସମସ୍ତ ବିଦ୍ୟାଳୟ ର ଶିକ୍ଷକ ଶିକ୍ଷୟିତ୍ରୀ ସମସ୍ତେ ମିଶି ମୋ ସହ କାମ କରନ୍ତି । ମୋର ଥିବା ଅବସ୍ଥାରେ ମୋ ବ୍ଲକ୍ ରେ ଥିବା ବିଦ୍ୟାଳୟ ର କୌଣସି ଅସୁବିଧା ହେବାକୁ ଦେଇନି କିନ୍ତୁ ଦୁଃଖ ର ବିଷୟ ମୁଁ ସରକାର କୁ କହିବି ଏହି ଅଫିସ୍ ରେ ବର୍ଷେ କାମ କରି ଅନ୍ୟ ଗୋଷ୍ଠି ଶିକ୍ଷା ଅଧିକାରୀ ପ୍ରମୋସନ ପାଉଛନ୍ତି । ମୁଁ ଦଶ ବର୍ଷରୁ ଉର୍ଦ୍ଧ କାମ କଲି ମୋତେ କିଛି ମିଳିଲା ନାହିଁ । ଯଦି ସରକାର ଦୃଷ୍ଟି ଦେବେ ତା ହେଲେ ମୋ ପରେ ମୋର ଭାଇ ମାନେ ଏହାର ଲାଭ ଉଠାଇ ପାରିବେ ।

ସେହିପରି ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ନିରୁପମା ମହାନ୍ତି କୁହନ୍ତି ମୁଁ ଅନେକ ଜାଗା ରେ କାମ କରିଛି କିନ୍ତୁ ୨ବର୍ଷ ହେବ ଏଇଠି କାମ କଲି ,କେବେ ବି କୌଣସି ଅସୁବିଧା ହୋଇନି । ସମସ୍ତେ ମିଳି ମିଶି କାମ କରନ୍ତି । ମୁଁ ଭଗବାନ ଙ୍କୁ ପ୍ରାର୍ଥନା କରିବି ଏହି ବ୍ଲକ ରେ ଥିବା ସମସ୍ତ ବିଦ୍ୟାଳୟ ର ଆହୁରି ଉନ୍ନତି ହେଉ ।
ଆଇନମନ୍ତ୍ରୀଙ୍କ ନିର୍ବାଚନ ମଣ୍ଡଳୀରେ ସାମ୍ବାଦିକଙ୍କୁ ଆକ୍ରମଣ

ଗତ ଏପ୍ରିଲ୍ ମାସରେ ଏକ ନାବାଳିକାର ଅଶ୍ଳୀଳ ଭିଡ଼ିଓ ଭାଇରାଲ୍ ଘଟଣାରେ ଖବର ପ୍ରସାରଣ କୁ ନେଇ ଖୋର୍ଦ୍ଧା ଜିଲ୍ଲା ବାଣପୁର ଅଞ୍ଚଳରେ ଜଣେ କାର୍ଯ୍ୟରତ ସାମ୍ବାଦିକକୁ ଅଭିଯୁକ୍ତର ସଂପର୍କୀୟ ମାନେ ସଂଗବଦ୍ଧ ହୋଇ କରିଛନ୍ତି ଆକ୍ରମଣ । ଜଣେ ୪ ବର୍ଷର ଶିଶୁକନ୍ୟାକୁ ପ୍ରଲୋଭିତ କରି ତାର ଅଶ୍ଳୀଳ ଫଟୋକୁ ପର୍ନ ସାଇଟ୍‌ରେ ଲକ୍ଷାଧିକ ଟଙ୍କାରେ ବିକିଵା ସହିତ ସେହି ଭିଜୁଆଲ କୁ ଭାଇରାଲ କରିବା ଘଟଣାରେ ନାଚୁଣୀ ଥାନା ଅଧୀନ ହରିଚନ୍ଦନପୁର ଗ୍ରାମର ଅଭିଯୁକ୍ତ ଦୋଳଗୋବିନ୍ଦ ଜେନା ନାମକ ବ୍ୟକ୍ତିକୁ ଦିଲ୍ଲୀ ସିବିଆଇ ଟିମ୍ ଆସି ଗିରଫ କରିଥିଲା ।

ଏହି ଘଟଣାକୁ ନିଜ ଖବରକାଗଜ ଦୈନିକ ଖବର କାଗଜ ଧରିତ୍ରୀରେ ଖବର ପ୍ରକାଶନ କରିଥଲେ । ଆଉ ଏହି ଘଟଣାକୁ ନେଇ ଗତ କାଲି ରାତିରେ ବାଣପୁର ଅଞ୍ଚଳର ଖବରଦାତା ଦିଲ୍ଲୀପ ସ୍ବାଇଁଙ୍କୁ ଗମ୍ଭାରୀମୁଣ୍ଡା ଛକରେ ଅଭିଯୁକ୍ତ ଦୋଳଗୋବିନ୍ଦ ଜେନାର ସଂପର୍କୀୟ ଭିଣୋଇ ଟୁଟୁ ସାମନ୍ତରାୟ ଓ ଖଜୁରିଆ କେତେକ ବ୍ୟକ୍ତି ସଂଘବଦ୍ଧ ଭାବେ ମରଣାନ୍ତକ ଆକ୍ରମଣ କରିବା ସହ ତଣ୍ଟି ଚିପି ହତ୍ୟା ଉଦ୍ୟମ କରିଛନ୍ତି । ଫଳରେ ଦିଲ୍ଲୀପ ଗୁରୁତର ଏବେ ଭୁବନେଶ୍ବର ଏମସ୍ ମେଡିକାଲରେ ଚିକିତ୍ସିତ ହେଉଛନ୍ତି ।

ଏହାକୁ ନେଇ ବିଭିନ୍ନ ଗଣମାଧ୍ୟମ ଠାରୁ ନେଇ ରାଜନୈତିକ ଏବଂ ବୁଦ୍ଧିଜୀବି ମହଲରେ ନିନ୍ଦା କରା କରାଯାଇଛି । ତେବେ ଆକ୍ରମଣକୁ ଚପାଇ ଦେବାକୁ ଚାଲିଛି ବଡ଼ ଧରଣର ଯୋଜନା । କାରଣ ଟୁଟୁ ସାମନ୍ତରାୟ ଶାସକ ବିଜେପି ଦଳର ବାଣପୁର ଅଞ୍ଚଳରେ ଜଣେ ସକ୍ରିୟ ସଦସ୍ୟ ସହିତ ମଣ୍ଡଳ ସଭାପତି ମଧ୍ୟ । ତା ସହିତ ସବୁଠୁ ବଡ଼ କଥା ହେଉଛି, ଖୋଦ୍ ଆଇନମନ୍ତ୍ରୀ ପୃଥ୍ବୀରାଜ୍ ହରିଚନ୍ଦନଙ୍କ ନିଜ ପଞ୍ଚାୟତରେ ଏହି ଘଟଣା ଘଟିଛି । ତେଣୁ ବର୍ତ୍ତମାନ ଆଘାତପ୍ରାପ୍ତ ସାମ୍ୱାଦିକଙ୍କୁ ନ୍ୟାୟ ଦେବାରେ ଟାଳଟୁଳ ନୀତି ପୋଲିସ ଆପଣେଇବ ବୋଲି ସନ୍ଦେହ ପ୍ରକଟ କରି ଆଜି ସମ୍ମିଳିତ କର୍ମଜୀବୀ ସାମ୍ବାଦିକ ସଂଘ (ଓ.ୟୁ.ଡବ୍ଲ୍ୟୁ.ଜେ) ଖୋର୍ଦ୍ଧା ଜିଲ୍ଲା ଶାଖା ପକ୍ଷରୁ ସଂଘର ସଭାପତି ପ୍ରକାଶ ହାତୀଙ୍କ ନେତୃତ୍ୱରେ ଜିଲ୍ଲାର ସମସ୍ତ ସାମ୍ୱାଦିକ ଖୋର୍ଦ୍ଧା ଜିଲ୍ଲା ଆରକ୍ଷୀ ଅଧିକ୍ଷକଙ୍କୁ ଭେଟି ଉପଯୁକ୍ତ ତଦନ୍ତ ସହିତ ଅଭିଯୁକ୍ତ ମାନଙ୍କୁ ତୁରନ୍ତ ଗିରଫ କରିବାକୁ ଦାବି କରିଛନ୍ତି ।
RI, AMIN ପରୀକ୍ଷା ବାତିଲ ନେଇ ଚିନ୍ତା ରେ ପରୀକ୍ଷାର୍ଥୀ

RI, AMIN ପରୀକ୍ଷା ରେ ପ୍ରତି ବର୍ଷ ପ୍ରଶ୍ନ ପତ୍ର ଲିକ୍ ଘଟଣା କୁ ନେଇ ଚିନ୍ତା ରେ ପରିକ୍ଷାର୍ଥୀ। ସୂଚନା ଅନୁଯାୟୀ ଅଗଷ୍ଟ ମାସ ୧ ତାରିଖ ରେ RI, AMIN ପରୀକ୍ଷା ହେବ ବୋଲି ସମସ୍ତ ଛାତ୍ର ଛାତ୍ରୀ ଜୋର୍ ସୋର ରେ ପରିଶ୍ରମ କରୁଥିଲେ। କୌଣସି କାରଣରୁ RI, AMIN ପରୀକ୍ଷା ବାତିଲ ହେବାରୁ ପିଲାଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଛି। ଆଦିବାସୀ ଅଧ୍ୟୁଷିତ ରାଇରଙ୍ଗପୁର ଉପଖଣ୍ଡ ରେ ପ୍ରତିବର୍ଷ ସହର ବାହାରେ କିମ୍ୱା ରାଇରଙ୍ଗପୁର ର ବିଭିନ୍ନ ସ୍ଥାନରେ ପିଲା ମାନେ RI, AMIN କୋଚିଙ୍ଗ ନେଇ ପାଠ ପଢ଼ିଥାନ୍ତି। ଆମେ ଦିନ ରାତି ପରିଶ୍ରମ କରି ପାଠ ପଢ଼ିବୁ ଓ ଠିକ୍ ପରୀକ୍ଷା ସମୟ ଆସିଲେ ପ୍ରତି ବର୍ଷ କିଛି ନା କିଛି କେଳେଙ୍କାରି ଘଟେ। ଆମ ମାନଙ୍କ ଭବିଷ୍ୟତ ସହ ଖେଳ ହେଉଛି।

ସବୁ ବର୍ଷ ପରୀକ୍ଷା ଆସିଲା ବେଳକୁ କୌଣସି ନ କୌଣସି ଅଘଟଣ ଘଟେ।କେତେ ବେଳେ ପ୍ରଶ୍ନ ପତ୍ର ଲିକ୍ତ ଆଉ କେତେ ବେଳେ ପରୀକ୍ଷା ବାତିଲ ।ପରିକ୍ଷାର୍ଥୀ ମାନେ ଏତେ ପରିଶ୍ରମ କରି ପାଠ ପଢ଼ିବେ ଆଉ ପ୍ରଶ୍ନ ପତ୍ର ଲିକ୍ ଓ ପରୀକ୍ଷା ବାତିଲ କାହିଁକି ହେଉଛି , କଣ ପାଇଁ ସରକାର ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରୁ ନାହାଁନ୍ତି ଏଭଳୀ ମନ୍ତବ୍ୟ ଦେଇଛନ୍ତି ପରିକ୍ଷାର୍ଥୀ। ଆମେ ବାରମ୍ବାର ଏତେ ଖର୍ଚ୍ଚାନ୍ତ ଦେଇ ପାଠ ପଢି ପରୀକ୍ଷା ଦେଉଛୁ, ସରକାର ଆମ କଥା ଶୁଣିବା ଦରକାର।ସରକାର ଏଥି ପ୍ରତି ଧ୍ୟାନ ଦେବା ଦରକାର ବୋଲି କହିଛନ୍ତି ପରିକ୍ଷାର୍ଥୀ।
ନିଜ ଆଦେଶକୁ ରଦ୍ଦ କଲେ ଅଦାଲତ

କୋରାପୁଟ : ୨୦୧୮ ରେ କୋରାପୁଟ ଜିଲ୍ଲା ଜୟପୁର ଠାରେ ଥିବା ଖାଉଟି ଅଦାଲତ ରେ ହୋଇଥିବା ଏକ ଖାଉଟି ମାମଲାକୁ ନେଇ ମାନ୍ୟବର ଖାଉଟି ଅଦାଲତ ସେମିଳିଗୁଡା ତହସିଲଦାର ଙ୍କ ବିରୁଦ୍ଧରେ ଯେଉଁ ରାୟ ପ୍ରକାଶ କରିଥିଲେ ସେହି ରାୟ କୁ ପୁଣି ରଦ୍ଦ କରିଛନ୍ତି। ସେମିଳିଗୁଡା ର କୃତିବାସ ରାଉତ ନାମକ ଜଣେ ଆଇନଜିବିଙ୍କ ଦ୍ଵାରା ୨୦୧୮ ରେ ଏକ ମାମଲା କରାଯାଇଥିଲା। ତେବେ ଗତ ୨୦୨୨ ମସିହାରେ ଏହି ମାମଲା ର ସମାଧାନ ହୋଇଥିଲା। କିନ୍ତୁ ଗତ ୨୯ ଜୁଲାଇ ୨୦୨୫ ରେ ମାନ୍ୟବର ଅଦାଲତ ସେମିଳିଗୁଡା ତହସିଲଦାରଙ୍କ ନାମରେ ଜାମିନ ଯୁକ୍ତ ଗିରଫ ପରୱାନା ଜାରି କରିଥିଲେ।

ବିଭିନ୍ନ ଗଣମାଧ୍ୟମ ରୁ ସେମିଳିଗୁଡା ତହସିଲଦାର ଖବର ଜାଣିବା ପରେ ମାନ୍ୟବର ଅଦାଲତ ଙ୍କ ନିକଟରେ ଏକ ପିଟିସନ ଦାଖଲ କରି ମାମଲା ପୂର୍ବରୁ ସମାଧାନ ହୋଇ ସାରିଥିବା ନେଇ ଦର୍ଶାଇଥିଲେ। ପରବର୍ତ୍ତୀ ସମୟରେ ଅଦାଲତ ମାମଲାର ଶୁଣାଣି କରି ପୂର୍ବରୁ ମାମଲା ସମାଧାନ ହୋଇ ସାରିଥିବା ଯୋଗୁଁ ଗତ ୨୯ ଜୁଲାଇ ରେ ଦିଆ ଯାଇଥିବା ଆଦେଶ କୁ ରଦ୍ଦ କରିବା ସହିତ ଏହା ପୂର୍ବରୁ ସମାଧିତ ଏକ ମାମଲା ଏବଂ ଏହାର କୌଣସି ଶକ୍ତି ନାହିଁ। ତେଣୁ ଏହି ଆଦେଶ କୁ ଡ୍ରପ କରାଗଲା ବୋଲି ଦର୍ଶାଇଥିଲେ। ସେମିଳିଗୁଡା ତହସିଲଦାର ଙ୍କ ବ୍ୟକ୍ତିଗତ ନାମ ସହିତ ଅଦାଲତ କୌଣସି ଆଦେଶ ଦେଇ ନ ଥିଲେ ସୁଦ୍ଧା, କିଛି ଗଣ ମାଧ୍ୟମରେ ତହସିଲଦାର ଙ୍କ ନାମ ପ୍ରକାଶ କରା ଯାଇଥିବାରୁ ଘୋର ଅସନ୍ତୋଷ ପ୍ରକାଶ କରି ଏକ ପାଖିଆ ଖବର ପ୍ରସାରଣ ରୁ ସାମ୍ବାଦିକ ମାନେ ଦୂରେଇ ରହିବା ଉଚିତ୍ ବୋଲି କହିବା ସହ କ୍ଷୋଭ ପ୍ରକାଶ କରିଥିଲେ |
ଦୁର୍ନୀତିର ଗନ୍ତାଘର କାଶୀପୁର ବ୍ଲକ୍

ରାୟଗଡ଼ା ଜିଲ୍ଲା କାଶୀପୁର ବ୍ଲକ୍ ପଞ୍ଚାୟତ ସମିତି ସଭାଗୃହ ଠାରେ ଏକ ସମୀକ୍ଷା ବୈଠକ ବସିଥିଲା। ଦୁର୍ନୀତି ର ଗନ୍ତାଘର ପାଲଟିଛି କାଶୀପୁର ବ୍ଲକ୍। ସେନେଇ ଆଜି ସରକାରୀ କାର୍ଯ୍ୟ କୁ ତଦନ୍ତ ପାଇଁ ଏକ ସମୀକ୍ଷା ବୈଠକ କରାଯାଉଥିଲା। ରାୟଗଡ଼ା ବିଧାୟକ ଶ୍ରୀ ଆପଲ ସ୍ବାମୀ କାଡ୍ରାକା ଉପସ୍ଥିତ ରହି ସମସ୍ତ ସରକାରୀ କର୍ମଚାରୀ ବିଭାଗୀୟ ଅଧିକାରୀ ତଳିଆ କର୍ମଚାରୀ ଙ୍କୁ ମଧ୍ୟ ୫ ବର୍ଷ କାର୍ଯ୍ୟ ଦ୍ବାୟିତ୍ବ ରେ ଥିବା ସମସ୍ତ ରିପୋର୍ଟ ଦେବା ପାଇଁ ରୋକ୍ ଠୋକ୍ କହିଥିଲେ। ଏହି ସମୀକ୍ଷା ବୈଠକରେ ବ୍ଲକ ର ସମସ୍ତ ସରକାରୀ ବିଭାଗୀୟ ଅଧିକାରୀଙ୍କୁ ୧,୮୦,୦୦୦ ଏକ ଲକ୍ଷ ଅଶିଏ ହଜାର ଟଙ୍କା ରେ କ୍ରୟ ହୋଇଥିବା ଏକ ବ୍ୟାଗ୍ ସିମେଣ୍ଟ ମୋନରେଗା ଯୋଜନା ଘଟଣାରେ କାଶୀପୁର ବ୍ଲକ, ସମଗ୍ର ରାଜ୍ୟରେ ଦୁର୍ନୀତି ମାନ୍ୟତା ରେ ଏକନମ୍ବର।

କିଛି ଦିନ ହେବ ରାୟଗଡା ଜିଲ୍ଲା ର କାଶୀପୁର ବ୍ଲକ ପୂଣି ଚର୍ଚ୍ଚାରେ ରହିଛି। ଜଳଛାୟା,କୃଷି ଉଦ୍ୟାନ ବ୍ଲକ ଉନ୍ନୟନ, କୃଷି ବିଭାଗ, କୃଷିଉନ୍ନୟ ଭଳି ବିଭିନ୍ନ ବିଭାଗର ବାବୁ ମାନେ ଦୁର୍ନୀତି ଜାଲରେ ଜଣେ ପରେ ଜଣେ ଛନ୍ଦି ହେଉଛନ୍ତି। ତାହା ଆଖି ଆଗରେ ରଖି ସମସ୍ତ କର୍ମଚାରୀଙ୍କୁ ନିଜ ନିଜର କାର୍ଯ୍ୟ ର ରିପୋର୍ଟ ଦେବା ପାଇଁ କହିଲେ। ବାସ୍ତବିକତା ରେ କାଶୀପୁର ରେ ଯେଉଁଭଳି ସରକାରୀ ବିଭାଗ ମାନଙ୍କରେ ଦୁର୍ନୀତି ହେଉଛି ଏହା ବୋଧେ ସମଗ୍ର ରାଜ୍ୟରେ କେଉଁଠି ହେଉନଥିବା ଦର୍ଶାଇ ଏହାର ନିରପେକ୍ଷ ତଦନ୍ତ ପାଇଁ କେନ୍ଦ୍ରୀୟ ଭିଜିଲାନ୍ସ କୁ ସମସ୍ତ ତଥ୍ୟ ଦିଆଯିବ ବୋଲି ବିଧାୟକ ଶ୍ରୀ କାଡ୍ରାକା ପ୍ରକାଶ କରିଛନ୍ତି।
ଟ୍ରକ୍ ମାଲିକ ସଂଘର ୬୦ କୋଟି ଆତ୍ମସାତ ଅଭିଯୋଗ

ରାୟଗଡା ସହରର ନୂତନ ଟ୍ରକ୍ ମାଲିକ ସଂଘର କାର୍ଯ୍ୟାଳୟ ରେ ଏକ ସାମ୍ବାଦିକ ସମ୍ମିଳନୀ କରାଯାଇଥିଲା । ପୂର୍ବତନ ଟ୍ରକ୍ ମାଲିକ ସଂଘର ସଭାପତି ଶ୍ରୀ ନେକେଣ୍ଟି ଭାସ୍କର ରାଓଙ୍କ କାର୍ଯ୍ୟକାଳ ମଧ୍ୟରେ ହେଇଥିବା ଦୀର୍ଘକାଳୀନ ଆର୍ଥିକ ଅନିୟମିତତା ଏବଂ ପାଣ୍ଠିର ଅପ ବ୍ୟବହାର ପ୍ରମାଣ ସହ ସାମ୍ବାଦିକ ସମ୍ମିଳନୀରେ କହିଛନ୍ତି। ଟ୍ରକ୍ ମାଲିକ ସଂଘର ନୂତନ ସଭାପତି ଶ୍ରୀ ୟେଲା କୋଣ୍ଡା ବାବୁ ପ୍ରାୟ ୩୭ ବର୍ଷ ଧରି, ୧୯୮୩ ରୁ ୨୦୨୦ ପର୍ଯ୍ୟନ୍ତ, ଶ୍ରୀ ଏନ. ଭାସ୍କର ରାଓ ଟ୍ରକ୍ ମାଲିକ ସଂଘର ସଭାପତି ଭାବେ ଥିବା ବେଳେ ଏକଛାତ୍ରବାଦ ଶାସନ ଚଳାଇ ଥିଲେ। ସଂଘର ଆଦାୟ କରାଯାଉଥିବା ଟଙ୍କା ଆତ୍ମସାତ କରିଥିବା ଅଭିଯୋଗ ଆଣିଛନ୍ତି।

ସଂଘର ସମ୍ପତ୍ତି କୁ ପୁର୍ବତନ ସଭାପତି ନିଜ ସ୍ବାର୍ଥ ଦୃଷ୍ଟିରେ ରଖି ବେନାମୀ ସମ୍ପତ୍ତି ଓ ବାହୁବଳ ପ୍ରୟାଗ କରି ଭୁ କବଜା ଓ ଅନାଧିକୃତ ପାଣ୍ଠି ସଂଗ୍ରହ କରିଥିଲେ। ଟ୍ରକ୍ ମାଲିକ ସଂଘ କୁ ଉପଯୁକ୍ତ ପଞ୍ଜିକରଣ ବିନା ୩୭ ବର୍ଷ ସଂଘକୁ ପରିଚାଳନା କରି ସଂଘ ର ଟଙ୍କା ଆତ୍ମସାତ କରିଥିବା ଅଭିଯୋଗ ହୋଇଛି। ୨୦୦୩ ମସିହାରେ ଯେତେବେଳେ ରାୟଗଡ଼ା ଉପରିସ୍ଥ ଅଞ୍ଚଳରେ ନକ୍ସଲ କାର୍ଯ୍ୟକଳାପ ଶୀର୍ଷରେ ଥିଲା ସେହି ସମୟରେ ଶ୍ରୀ ନେକେଣ୍ଟି ଭାସ୍କର ରାଓ କହିଥିଲେ ଯେ ନକ୍ସଲବାଦୀମାନେ ସଂଘଠାରୁ ଟଙ୍କା ମାଗୁଛନ୍ତି କହି ସେ ଟ୍ରକ୍ ମାଲିକମାନଙ୍କ ଠାରୁ ପ୍ରତି ଟ୍ରକ୍ ପାଇଁ ୫,୦୦୦ ଟଙ୍କା ଆଦାୟ କରି ବେଆଇନ ଭାବରେ ନକ୍ସଲ ମାନଙ୍କ ପାଇଁ ପାଣ୍ଠି ସଂଗ୍ରହ କରିଥିଲେ।ତତତ୍କାଳୀନ ସଭାପତି ୪୦ ବର୍ଷ ଟ୍ରକ୍ ମାଲିକ ସଂଘ ର ୬୦ କୋଟିରୁ ଉର୍ଦ୍ଧ୍ବ ଟଙ୍କା ର ଆତ୍ମସାତ କରିଥିବା ଅଭିଯୋଗ କରିଛନ୍ତି।
NIA ଏସ୍‌ପି ହେଲେ ସାଗରିକା ନାଥ

କେନ୍ଦ୍ରୀୟ ଡେପୁଟେଶନରେ ଯିବେ ୨୦୧୬ ଓଡ଼ିଶା କ୍ୟାଡର ଆଇପିଏସ୍‌ ଅଧିକାରୀ ସାଗରିକା ନାଥ । ଭାରତ ସରକାରଙ୍କ ସ୍ବରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ତାଙ୍କୁ ଜାତୀୟ ତଦନ୍ତକାରୀ ସଂସ୍ଥା (ଏନ୍‌ଆଇଏ) ଏସ୍‌ପି ଭାବେ ନିଯୁକ୍ତି ମିଳିଛି । ସାଗରିକା ବର୍ତ୍ତମାନ ଖୋର୍ଦ୍ଧା ଏସ୍‌ପି ଭାବରେ କାର୍ଯ୍ୟ କରୁଛନ୍ତି । ତାଙ୍କ ସ୍ଥାନରେ ଆଉ କାହାକୁ ନିଯୁକ୍ତି ଦିଆଯାଇନାହିଁ । ତେବେ ସାଗରିକାଙ୍କୁ ଏନ୍‌ଆଇଏ ଏସ୍‌ପି ଭାବେ ନିଯୁକ୍ତି ମିଳିବା ନେଇ କାର୍ମିକ ଏବଂ ତାଲିମ ବିଭାଗ (ଡିଓପିଟି) ଦ୍ୱାରା ଜୁଲାଇ ୩୧ରେ ନିର୍ଦ୍ଦେଶ ଜାରି କରାଯାଇଥିବାବେଳେ କେନ୍ଦ୍ରୀୟ ଡେପୁଟେଶନ ପଦବୀରେ ଯୋଗଦେବା ପାଇଁ ତାଙ୍କୁ ତୁରନ୍ତ ରିଲିଭ ଦେବାକୁ ମୁଖ୍ୟ ଶାସନ ସଚିବଙ୍କୁ ନିର୍ଦ୍ଦେଶ ଦିଆଯାଇଛି ।

ଉଲ୍ଲେଖନୀୟ ରାଜ୍ୟରେ ଟ୍ରାଫିକ ନିୟମ ପାଳନ ନେଇ ଏବଂ କଡ଼ାକଡ଼ି ନିୟମ ଲାଗୁ ନେଇ ବେଶ ଚର୍ଚ୍ଚାରେ ଥିଲେ ସାଗରିକା ନାଥ । କେନ୍ଦ୍ରୀୟ ଡେପୁଟେସନରେ ଯାଉଥିବା ସାଗରିକାଙ୍କୁ ଏନଆଇଏର ଏସପି ଭାବେ ନିଯୁକ୍ତ ଦିଆଯାଇଛି । ସେ ଏବେ ଖୋର୍ଦ୍ଧା ଏସପି ଭାବେ କାର୍ଯ୍ୟରତ । ଏହା ପୂର୍ବରୁ ସେ ବାଲେଶ୍ବର ଏବଂ ସୁନ୍ଦରଗଡ଼ରେ ଏସ୍‌ପି ଭାବେ କାମ କରିଥିଲେ । ଓଡ଼ିଆ ଆଇପିଏସ୍ ଅଧିକାରୀ ସାଗରିକା ନାଥ ପୋଲିସ ଚାକିରିରେ ନିଷ୍ଠାପର ସେବା ଓ ସାହସିକତା ପାଇଁ ସାରା ଓଡ଼ିଶାରେ ବେଶ୍‌ ଲୋକପ୍ରିୟ। ଭୁବନେଶ୍ଵର କମିସନରେଟ୍‌ ପୋଲିସରେ ଥିବା ବେଳେ ଚାଳକଙ୍କ ପ୍ରତି ନିଜର ଉତ୍ତମ ବ୍ୟବହାର ଓ ଟ୍ରାଫିକ୍‌ ନିୟକ ଉଲ୍ଲଂଘନକାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରି ଚର୍ଚ୍ଚାରେ ଥିଲେ ସାଗରିକା ।

ସୂଚନାଯୋଗ୍ୟ, ସାଗରିକାଙ୍କ ମୂଳ ଘର ହେଉଛି ଢେଙ୍କାନାଳ ଜିଲ୍ଲାରେ । ତାଙ୍କ ବାପା ପ୍ରଦୀପ କୁମାର ନାଥ ନାଲ୍‌କୋରେ ଡିଜିଏମ୍‌ ଥିଲେ। ଦାଦା ସୁଶାନ୍ତ ନାଥ ମଧ୍ୟ ଓଡ଼ିଶା କ୍ୟାଡର୍‌ ଆଇପିଏସ୍‌ । ସେ କୋରାପୁଟ ଜିଲ୍ଲାର ଦାମନଯୋଡ଼ି ଦିଲ୍ଲୀ ପବ୍ଲିକ୍ ସ୍କୁଲ୍‌ରୁ ମାଟ୍ରିକ୍ ପାସ୍ କରିଥିଲେ । ବିଶାଖାପାଟଣାରେ ଯୁକ୍ତଦୁଇ ପଢ଼ିବା ପରେ ଭୁବନେଶ୍ୱରସ୍ଥିତ ସିଇଟିରୁ ଇଲେକ୍ଟ୍ରିକାଲ୍ ଇଞ୍ଜିନିୟରିଂରେ ଡିଗ୍ରି ହାସଲ କରିଥିଲେ। ୟୁପିଏସ୍‌ସି ସିଭିଲ୍ ସର୍ଭିସେସ୍‌ ପରୀକ୍ଷାରେ ଉତ୍ତୀର୍ଣ୍ଣ ହୋଇ ୨୦୧୬ ମସିହାରେ ଭାରତୀୟ ପୋଲିସ ସେବାରେ ଯୋଗଦେଇଥିଲେ ସାଗରିକା ।
କେସିଙ୍ଗା ବ୍ଲକ ପ୍ରାଥମିକ ଶିକ୍ଷକ ସଙ୍ଘ ୟୁଏଏସ ପୋର୍ଟାଲ ବିରୋଧ ରେ ବିଇଓ ଙ୍କୁ ଦାବିପତ୍ର

କଳାହାଣ୍ଡି (ସତ୍ୟ ନାରାୟଣ ମହାନନ୍ଦ )କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକ ପ୍ରାଥମିକ ଶିକ୍ଷକ ସଂଘ ସଭାପତି ସୁରେନ୍ଦ୍ର ଦୋରା ଏବଂ ସାଧାରଣ ସମ୍ପାଦକ ତପନ କୁମାର ଦାସ ଙ୍କ ନେତୃତ୍ୱ ରେ ପକ୍ଷରୁ ସରକାରଙ୍କ (ୟୁଏଏସ୍)ପୋର୍ଟାଲ କୁ ବାତିଲ ପାଇଁ ଶୁକ୍ରବାର ବ୍ଲକ ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ସମ୍ପତ୍ତି ଛୁରା ଙ୍କୁ ଏକ ଦାବୀ ପତ୍ର ପ୍ରଦାନ କରିଥିଲେ |ସରକାର ପ୍ରାଥମିକ ଶିକ୍ଷା ବ୍ୟବସ୍ଥା କୁ ସୁଦୃଢ କରୁଛନ୍ତି ସ୍ୱାଗତ ଯୋଗ୍ୟ | ହେଲେ ବିଦ୍ୟାଳୟ ଗୁଡିକ ଭିତ୍ତିଭୂମି ସୁଦୃଢ ନକରି ନୂତନ ଶିକ୍ଷକ ନିଯୁକ୍ତି ନ କରି ସରକାର ଅଣଶୈଖିକ କାର୍ଯ୍ୟ କୁ ଶିକ୍ଷକ ମାନଙ୍କ ଉପରେ ଲଦି ଦେଉଛନ୍ତି | ତେଣୁ ପ୍ରାଥମିକ ଶିକ୍ଷକ ମହଳ ରେ ଅସନ୍ତୋଷ ଦେଖା ଦେଇଛି | ତେବେ ଅନେକ ସ୍କୁଲ ରେ ଛାତ୍ରଛାତ୍ରୀ ଅନୁପାତରେ ଶିକ୍ଷକ ନାହାନ୍ତି | ଏତିକି ବେଳେ ବିଦ୍ୟାଳୟ ରେ ୟୁ ଏ ଏ ଏସ ଲାଗୁ ହେଲେ ଶିକ୍ଷକ ମାନେ ଅଧିକାଂଶ ବ୍ୟସ୍ତ ରହିବେ ଫଳରେ ଶିକ୍ଷାଦାନ ବ୍ୟାଘ୍ରାତ ହେବ ବୋଲି ଶିକ୍ଷକ ମାନେ ଅଶାନ୍ତି ପ୍ରକାଶ କରିଛନ୍ତି | ତେବେ ସରକାର ଙ୍କ ପକ୍ଷରୁ ଯେଉଁ ଟାବଲେଟ ଦିଆଯାଇଛି ତାହା ଠିକ ସେ କାମ କରୁନଥିବା ବେଳେ ନିଜସ୍ୱ ମୋବାଇଲ କାମ କରିବା ଶିକ୍ଷକ ମାନେ ଅନିଚ୍ଛା ପ୍ରକାଶ କରିଛନ୍ତି |ତେବେ ଭାରତ ବର୍ଷ ର ସର୍ବନିମ୍ନ ଗ୍ରେଡ଼ ପେ ହାରରେ ଦରମା ପାଉଥିବା ଶିକ୍ଷକ ଙ୍କୁ ମାନସିକ ଓ ଆର୍ଥିକ ଚାପଗ୍ରସ୍ତ କରାନଯାଇ ସରକାର ପୁନର୍ବାର ଏହି ବିଷୟ କୁ ବିଚାର କୁ ନେଇ ସ୍କୁଲ ୟୁଏଏସ ପୋର୍ଟାଲ ଲାଗୁ କରିବାକୁ ଶିକ୍ଷକ ମହଳ ଦାବୀ ହେଉଛି | ଏଥିରେ ସଭାପତି ସୁରେନ୍ଦ୍ର ଦୋରା, ଉପସଭାପତି ଖୁସିରାମ ସାହୁ,ସାଧାରଣ ସମ୍ପାଦକ ତପନ କୁମାର ସାହୁ, ସହ ସମ୍ପାଦଜ ମନୋଜ କୁମାର ପ୍ରଧାନ,ସୁରେନ୍ଦ୍ର ନାୟକ,ରୋହିତ କୁମାର ସାହୁ,ଖଗେଶ୍ୱର ମାଝୀ,ଆଶୁତୋଷ ବିଶି, ସଂଗଠନ ସମ୍ପାଦକ ଅବନୀ ରଞ୍ଜନ ପଧାନ,ପ୍ରମୁଖ ଉପସ୍ଥିତ ଥିଲେ |
ଦୁର୍ଦାନ୍ତ ଅପରାଧୀ ସୁନିଲଙ୍କୁ ଏନକାଉଣ୍ଟର

ବ୍ରହ୍ମପୁର ପୁଲିସ ଜିଲ୍ଲା ଗୋଳନ୍ଥରା ଥାନ ପକ୍ଷରୁ ଜଣେ ଦୁର୍ଦ୍ଧାନ୍ତ ଅପରାଧୀଙ୍କୁ ଏନକାଉଣ୍ଟର କରାଯାଇଛି । ଏଥିରେ ପୁଲିସ ସଫଳତା ମଧ୍ୟ ପାଇଛି । ଏବେ ପୁଲିସକୁ ଏନକାଉଣ୍ଟର ପାଇ ଅନୁମତି ମିଳିଯାଇଛି । ତେଣୁ ଅପରାଧୀମାନେ ଯଦି ସାବଡ଼ ନ ହେବେ ତେବେ ସେମାନଙ୍କୁ ମଧ୍ୟ ପୁଲିସ ଏନକାଉଣ୍ଟର କରିବ । ବର୍ତ୍ତମାନ ପୁଲିସ ଏକ ତାଲିକା କରିଥିବା ଜଣାପଡିଛି । ଗୋଳନ୍ଥରା ଥାନା ଅଧିକାରୀ ବିବେକନନ୍ଦ ସ୍ୱାଇଁ ଓ ଏକ ସ୍ୱତନ୍ତ୍ର ଟିମ ଦୁର୍ଦ୍ଧାନ୍ତ ଅପରାଧୀ ସୁନୀଲଙ୍କୁ ପିତାତଳି ନିକଟରେ ଏନକାଉଣ୍ଟର କରିଥିବା ଜଣାପଡ଼ିଛି । ସୁନିଲ ନିମଖଣ୍ଡି ଥାନା ଲୁଟ୍ ଘଟଣା ସମେତ ଅନ୍ୟାନ୍ୟ ମାମଲାରେ ସମ୍ପୃକ ରହି ଫେରାର ରହିଥିଲା । ଗୋଳନ୍ଥରା ଥାନା ପୁଲିସ ଓ ସ୍ୱତନ୍ତ୍ର ଟିମ ଚଢ଼ାଉ ବେଳେ ଦୁର୍ଦ୍ଧାନ୍ତ ଅପରାଧୀ ସୁନିଲ ନାହାକ ପୁଲିସ ଉପରକୁ ଦୁଇ ରାଉଣ୍ଡ ଗୁଳି କରିଥିଲା । ଏଥିରେ କେହି ଆହତ ହୋଇନଥିବା ବେଳେ ଗୁଳି ପୁଲିସ ଗାଡ଼ି ଉପରକୁ ବାଜିଥିବା ଶୁଣିବାକୁ ମିଳୁଛି । ଅନ୍ୟପକ୍ଷରେ ପୁଲିସ ଏନକାଉଣ୍ଟରରେ ସୁନିଲ ଆହତ ହୋଇଥିବା ଜଣାପଡିଛି । ସୁନୀଲର ବାମ ଗୋଡ଼ରେ ଗୁଳି ବାଜିଥିବାରୁ ଆହତ ଅବସ୍ଥାରେ ବ୍ରହ୍ମପୁର ଏମ୍.କେ.ସି.ଜି ମେଡ଼ିକାଲରେ ଭର୍ତ୍ତି କରାଯାଇଛି ।