ଏସଟିଏଫ ହାତରେ ବେପାରୀ ଏସଟିଏଫ୍ କୋଟିଏ ଦଶ ଲକ୍ଷ ଟଙ୍କାର ବ୍ରାଉନସୁଗାର ଜବତ କରିଛି। ବାଲେଶ୍ୱର ରେଳଷ୍ଟେସନ ରୋଡରୁ ବ୍ରାଉନସୁଗାର ଜବତ କରିଛି ଏସଟିଏଫ୍। ସନ୍ଧ୍ୟା ସମୟରେ ବ୍ରାଉନସୁଗାର ଡିଲ ପାଇଁ ଚାଲିଥିଲା ବଡ଼ ମସୁଧା ଚାଲିଥିବା ବେଳେ ଛଦ୍ମ ବେଶରେ ଛକି ରହିଥିବା ଏସଟିଏଫ୍ ଅଫିସରଙ୍କ ହାତରେ ଧରା ପଡ଼ିଥିଲେ ୪ ଅଭିଯୁକ୍ତ। ୪ ଅଭିଯୁକ୍ତ ହେଲେ ସେକ ଫୟାଜ, ସେକ ମୁରାଦ, ସେକ ସମସେଦ ଏବଂ ସମ୍ବିଦ ନାୟକ। ସମସ୍ତଙ୍କ ଘର ବାଲେଶ୍ୱର ବୋଲି ଜଣାପଡିଛି
ବିଏମସି ବିଭିନ୍ନ ସମୟରେ ସହରକୁ ସୁନ୍ଦର କରିବାକୁ ବହୁ ପଦକ୍ଷେପ ନେଉଛି | ନିଜ ୱାର୍ଡ ରେ ଅଳିଆ ଉଠିନପାରିବା ଡ୍ରେନେଜ ଓ ଆହୁରି ବିଭିନ୍ନ ସମସ୍ୟା ଘେରରେ ଚର୍ଚ୍ଚା ରେ ରହୁଥିବା 29 ନମ୍ବର ୱାର୍ଡ କର୍ପୋରେଟର ଆଜି ଶାଳୀନତା ର ସବୁ ସୀମା ପାରକରିଦେଇଛି | ଆଗରୁ କଣ୍ଟ୍ରାକ୍ଟର କୁ କାମକରେଇ ନଦେବା ବିଭିନ୍ନ ଜାଗାରୁ ବଟି ମାଗି, ପ୍ରଚୁର ମଦପି କାହାକୁ ବାଡେଇ କେଶ ହେବାପରେ ଥାନାରେ ଭୁଲମାଗିବା ଭଳି ଆଗରୁ ଜନସାଧାରଣ ଦେଖିସାରିଛନ୍ତି | ଆଜି ୱାର୍ଡ ରେ ଜଣେ ହୁଣ୍ଡା ନାମକ ବ୍ୟକ୍ତି ବାଲି, ଗୋଡି, ଇଟା, ଚିପ୍ସ, ଆଦି ବିଏମସି ଜାଗାରେ ଟ୍ରକ ଟ୍ରକ ଗଦାକରୀ ବିକ୍ରି କରୁଥିବାର ଅଭିଯୋଗ ଆସିବା ପରେ 29 ନମ୍ବର ୱାର୍ଡ ଏସାଇ ଜାଗାମୁଣ୍ଡରେ ପହଂଚି ଗାଡିକୁ ସିଜ କରିବା ସହିତ ଫାଇନ ପକେଇଥିଲେ | ମାତ୍ର ସୂଚନା ଯୋଗ୍ୟ କି କର୍ପୋରେଟର ଅପରୂପ ନାରାୟଣ ରାଉତ (ଜୀବନ ) ହୁଣ୍ଡାଙ୍କ ଠାରୁ ଏସବୁ ଆସବାପତ୍ର ଗଦାକରିବା ବାବଦକୁ ମୋଟା ଅଙ୍କର ପଇସା ନେଉଛି ! ତେଣୁ ସେଠାରେ ଫାଇନ ଓ ଗାଡିକୁ ସିଜ ଘଟଣାକୁ ସହିପାରିନଥିଲା ମାଲିକ ହୁଣ୍ଡା ଫୋନକରିଥିଲା 29 ନମ୍ବର ୱାର୍ଡ ର କର୍ପୋରେଟର ଅପରୂପ ନାରାୟଣ ରାଉତ ଓରପ (ଜୀବନ ) କୁ | ବାସ ଏତିକିରେ କାମଶେଷ ସେଠାରେ ତୁରନ୍ତ ( ଜୀବନ ) ପହଂଚି ଯାଇଥିଲା ଓ କିଛି ବୁଝିବା ଆଗରୁ ବିଏମସି କର୍ମଚାରୀ ପାଖରୁ ଆରମ୍ଭ କରି 29 ନମ୍ବର ୱାର୍ଡ ବିଏସି ର ମହିଳା ଏସାଇ ମନୀଷା ମହାନ୍ତି ଙ୍କୁ ଦୋଅଖରୀ ଠୁ ଆରମ୍ଭ କରି ମୋ ୱାର୍ଡ ରେ ପଶିବା ପୂର୍ଵରୁ ମୋତେ ଫୋନ କରିକି ପଶିବ ନହେଲେ ସମସ୍ତଙ୍କୁ ଗୋଡ଼େଇ ଗୋଡେଇ ବାଡ଼େଇବି ବୋଲି ଚିତ୍କାର କରିଉଠିଥିଲେ | ବର୍ତମାନ ଜଣେ ଜନପ୍ରତିନିଧି କାହା ଭାଉରେ ଏପରି ନିଜର ପଦବୀର ଦୁରୁପଯୋଗ କରୁଛନ୍ତି ବୋଲି ସ୍ଥାନୀୟ 29 ନମ୍ବର ୱାର୍ଡ ରେ ଚର୍ଚ୍ଚା ଜୋର ଧରିବାରେ ଲାଗିଛି | ଏନେଇ ସହିଦନଗର ଥାନାରେ ବିଏମସି ପକ୍ଷରୁ ମାମଲା ମଧ୍ୟ ରୁଜୁ କରିଛି ଏଥିରେ ଜଣେ ଜନପ୍ରତିନିଧି କଣ ଏମିତି ଆଚରଣକରିବା ଟା କେତେଦୂର ଠିକ ବୋଲି ସାଧାରଣରେ ଚର୍ଚ୍ଚା ଜୋରଧରିବାରେ ଲାଗିଛି ?
ଭୁବନେଶ୍ୱର : ଭୁବନେଶ୍ୱରକୁ ସରସ ସୁନ୍ଦର କରିବାପାଇଁ ସରକାର ବିଡିଏ ବିଏମସିକୁ କୋଟିକୋଟି ଟଙ୍କା ମଂଜୁର କରୁଛନ୍ତି । ମାତ୍ର ସିଆରପି ଛକରେ କାମ ହେଉଥିବା ମୋ ବସ ଯାତ୍ରୀ ବିଶ୍ରାମ ସ୍ଥାନ ପାଖରୁ ସିଆରପି ଛକ ରାସ୍ତା କଡ଼ରେ ଲାଗୁଛି ପୁରୁଣା ପେଭର ବ୍ଲକ୍ । ଜନସାଧାରଣରେ ଚର୍ଚ୍ଚା କି ସରକାର ଉନ୍ନତି କରିବା ପାଇଁ ଭୁବନେଶ୍ୱର ଭଳି ଜାଗାରେ ନୂତନ ସବୁ ପଦାର୍ଥ ଲାଗିବାପାଇଁ ଅନୁମତି ଥିବାବେଳେ ପ୍ରଶ୍ନ ଉଙ୍କିମାରିବା ସ୍ୱାଭାବିକ କି ଏପରି ନିର୍ମାଣ କାମ ତଦାରଖ କରୁଥିବା ଉକ୍ତ ଡିଭିଜନର ଜୁନିଅର ଇଞ୍ଜିନିୟର ମନୋଜ ନାୟକ କେମିତି ସ୍ୱୀକୃତି ଦେଲେ ତାହା ଚିନ୍ତାର ବିଷୟ ସାଜିଛି । କାରଣ ଭୁବନେଶ୍ୱରର ରାସ୍ତାପାର୍ଶ୍ଵ କେମିତି ସୁନ୍ଦର ହେବ ତାହା ସରକାର ଚିନ୍ତା କରୁଛନ୍ତି । ମାତ୍ର JE ମନୋଜ ନାୟକଙ୍କୁ ଦେଖାଗଲାନି କେମିତି ରାଜରାସ୍ତା କଡରେ କେମିତି ଲାଗୁଛି ପୁରୁଣା ପେଭର ବ୍ଲକ୍ ? ତେବେ ନୂଆ ନିର୍ମାଣ ବେଳେ ପୁରୁଣା ସମାଗ୍ରୀ ବ୍ୟବହାର କରିବା କେତେଦୂର ଠିକ ତାହା ଜନସାଧାରଣରେ ପ୍ରଶ୍ନ ଉଙ୍କି ମାରିଛି । ସାଧାରଣରେ ଚର୍ଚ୍ଚା JE ମନୋଜ ନାୟକ ମଧ୍ୟ ଏହି ଦୁର୍ନୀତିରେ ସାମିଲ ହୋଇଛନ୍ତି ।
ସେପଟେ ସିଆରପି ଠୁ ଜୟଦେବ ବିହାର ଯିବାକୁ ଥିବା ପ୍ରଥମ ମୋ ବସ ଷ୍ଟାଣ୍ଡ ପାଖରେ ନିମ୍ନ ମାନର R&D ବିଭାଗ କାମ କରୁଥିବା ଖବର ପାଇ, ଭୁବନେଶ୍ୱର ମେୟର ଶ୍ରୀମତୀ ସୁଲୋଚନା ଦାଶ ଆଜି ସିଆରପି ଛକରେ ପହଂଚିଥିଲେ । ଏବଂ R&D ବିଭାଗର JE ମନୋଜ ନାୟକ କାମକୁ ତଦାରଖ କରୁଛନ୍ତି ବୋଲି ଜାଣିବାକୁ ପାଇଥିଲେ। ତାଙ୍କ ସହିତ ଫୋନରେ କଥାହୋଇ 75 ମିଟର କାମ ହୋଇଥିବା ପୁରୁଣା ପେଭର ବ୍ଲକ୍ ତୁରନ୍ତ କାଢି ନୁଆ ଲଗେଇବାକୁ ତାଗିଦ କରିଥିଲେ । ମେୟର କହିଥିଲେ ସରକାର ଭୁବନେଶ୍ୱରକୁ ସୁନ୍ଦର କରିବାକୁ 100 କୋଟି ଦେଇଛନ୍ତି ମାତ୍ର JE ମନୋଜ ନାୟକ କାହା ସାହସରେ ନୂଆ ବଦଳରେ ପୁରୁଣା ଜିନିଷ ଲଗାଉଛନ୍ତି, ଜନସାଧାରଣଙ୍କ ପଇସାରେ ଭୁବନେଶ୍ୱରର ଉନ୍ନତି କାର୍ଯ୍ୟ ଚାଲୁ ରହିଛି ।
ରଜନୀ ଭୋଇ ବୟସ ଚାଳିଶି ଘର ଯୁଜୁମୁରା ବ୍ଲକ ଜାମତାଲ ଗାଁରେ, ଶିକ୍ଷାର ଗୁରୁତ୍ବକୁ ବୁଝିଥିବା ରଜନୀ ଅର୍ଥାଭାବରୁ ପାଠ ଠାରୁ ଦୂରେଇଯାଉଥିବା ଛାତ୍ରାଛାତ୍ରୀଙ୍କୁ ମୁଖ୍ୟଧାରାକୁ ଫେରାଇ ଆଣିବା ପାଇଁ ବଡ଼ ପ୍ରୟାସ କରିଛନ୍ତି । ଗାଁର ଛାତ୍ରଛାତ୍ରୀଙ୍କୁ ଶିକ୍ଷାର ଆଲୋକ ଦେଖାଇବା ସହିତ ସେ ଏବେ ତାଙ୍କ ଗାଁରେ ମାଗଣାରେ ଛାତ୍ରଛାତ୍ରୀଙ୍କୁ ପାଠ ପଢ଼ାଉଛନ୍ତି।ସେ ସ୍ବେଚ୍ଛାସେବୀ ସଂଗଠନ ‘ଶିକ୍ଷା’ର ଜଣେ ସଦସ୍ୟ ହୋଇଥିବା ବେଳେ ପ୍ରଥମେ ୧୦ ଜଣ ଛାତ୍ର ଛାତ୍ରୀଙ୍କୁ ନେଇ ପାଠ ପଢ଼ାଇବା ଆରମ୍ଭ କରିଥିଲେ। ଏବେ ତାଙ୍କ ପାଖରେ ୧୬ ଜଣ ଛାତ୍ରଛାତ୍ରୀ ପାଠ ପଢୁଛନ୍ତି। ପାଠପଢ଼ା ସହିତ ନୃତ୍ୟ, ଗୀତ, ଅଭିନୟ, କ୍ରୀଡ଼ା ମଧ୍ୟ ସେ ଶିଖାଇଥାନ୍ତି। ଫଳରେ ଶିଶୁମାନଙ୍କର ମାନସିକ ଓ ଶାରିରୀକ ଅଭିବୃଦ୍ଧି ହୋଇପାରୁଛି। ପିଲାମାନଙ୍କୁ ସ୍ବେଚ୍ଛାସେବୀ ସଂଗଠନ ଆଡୁ ପାଠ୍ୟ ସାମଗ୍ରୀ ପ୍ରଦାନ କରାଯାଇଛି। ସେ ପ୍ରତିଦିନ ସକାଳ ୬.୩୦ ରୁ ୮.୩୦ ପର୍ଯ୍ୟନ୍ତ ଛାତ୍ରଛାତ୍ରୀଙ୍କୁ ଶିକ୍ଷାଦାନ କରୁଛନ୍ତି।
ବିଦ୍ୟାଳୟ ହେଉଛି ବିଦ୍ୟାର ମନ୍ଦିର । ଅଜ୍ଞାନ ରୂପକ ଅନ୍ଧକାରରୁ ମୁକ୍ତି ପାଇଁ ଜ୍ଞାନ ରୂପକ ଆଲୋକ ପ୍ରଦାନ କରିଥାଏ । ଏକ ସୁସ୍ଥ ଏବଂ ଶିକ୍ଷିତ ସମାଜ ଗଢିବାରେ ବିଦ୍ୟା ଆଉ ବିଦ୍ଯାଳୟର ଭୂମିକା ସର୍ବୋପରି । ଯାହାକୁ ଭଲଭାବେ ହୃଦୟଙ୍ଗମ କରିଥିଲେ ବିଶିଷ୍ଟ ସମାଜସେବୀ ଶ୍ରୀଯୁକ୍ତ ଗଙ୍ଗାଧର ସାମଲ । ତଣୁ କୁନି କୁନି ପିଲାଙ୍କ ଉଜ୍ଜଳମୟ ଭବିଷ୍ୟତ କଥା ଚିନ୍ତା କରି ଢେଙ୍କାନାଳ ଜିଲ୍ଲା ଓଡପଡା ବ୍ଲକ ଅନ୍ତର୍ଗତ ଖଡଗପ୍ରସାଦ ଗ୍ରାମରେ ତିଆରି କଲେ ବ୍ରାହ୍ମଣୀ ପବ୍ଲିକ ସ୍କୁଲ ନାମରେ ଏକ ଶିକ୍ଷା ମନ୍ଦିର । ଗୋଟିଏ ପରେ ଗୋଟିଏ ସଫଳତାର ସିଡି ଚଢିଚାଲିଥିବା ଏହି ବିଦ୍ୟାଳୟ ସହ ଏବେ ଆଉ ଏକ ଗୌରବର ଫର୍ଦ୍ଦ ଯୋଡି ହୋଇଯାଇଛି । ବ୍ରାହ୍ମଣୀ ପବ୍ଲିକ ସ୍କୁଲରେ ଅନୁଷ୍ଠିତ ହୋଇଛି “ମେରି ମିଟି ମେରା ଦେଶ” ଅଭିଯାନ କାର୍ଯ୍ୟକ୍ରମ । ଭାରତ ସରକାରଙ୍କ ପ୍ରତିରକ୍ଷା ବିଭାଗ ଓ ସମର ଶିକ୍ଷାର୍ଥୀ ବାହିନୀର ମୁଖ୍ୟାଳୟ, ୧୨ ଓଡ଼ିଶା ବାଟାଲିୟନ ଏବଂ ଢେଙ୍କାନାଳ କମାଣ୍ଡିଙ୍ଗ୍ ଅଫିସର୍ ଶ୍ରୀଯୁକ୍ତ ଲଳିତ କୁମାର ମହାପାତ୍ରଙ୍କ ନିର୍ଦ୍ଦେଶନାରେ ଏହା ପାଳିତ ହୋଇଯାଇଛି ।
ଏହି କାର୍ଯ୍ୟକ୍ରମରେ ବିଦ୍ୟାଳୟର ଅଧ୍ୟକ୍ଷ ତଥା ବିଶିଷ୍ଟ ସମାଜସେବୀ ଶ୍ରୀଯୁକ୍ତ ଗଙ୍ଗାଧର ସାମଲ, ତାଙ୍କ ସୁପୁତ୍ର ଶିଳ୍ପ ଉଦ୍ୟୋଗୀ ତଥା ଯୁବ ନେତା ଡ.ଅବିନାଶ ସାମଲଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ବିଦ୍ୟାଳୟର ଅଧ୍ୟକ୍ଷ ଡ଼.ନୀହାର ରଞ୍ଜନ ସିଂହ ଅଧ୍ୟକ୍ଷତା କରିଥିଲେ । ବ୍ରାହ୍ମଣୀ ପବ୍ଲିକ ସ୍କୁଲର ଏନସିସି କ୍ୟାଡେଟ, ନିକଟସ୍ଥ ମଙ୍ଗଳପୁର ଗ୍ରାମକୁ ଯାଇ ଶ୍ରୀଯୁକ୍ତ ଗଗନ ରାଉତଙ୍କ ଶହୀଦ ପିତା ସ୍ବର୍ଗତ ଗୋପବନ୍ଧୁ ରାଉତଙ୍କ ଜନ୍ମଭୂମିରୁ ମୃତ୍ତିକା ସ°ଗ୍ରହ କରିଥିଲେ । ସ°ଗୃହୀତ ମୃତ୍ତିକାକୁ ଢେଙ୍କାନାଳ ୧୨ ବାଟାଲିଅନ୍ ସହାୟତାରେ ଭୁବନେଶ୍ୱର ପଠାଯିବ । ସେଠାରୁ ଜାତୀୟ ରାଜଧାନୀ ନୂଆଦିଲ୍ଲୀର କର୍ତ୍ତବ୍ୟ ପଥରେ ନିର୍ମିତ ହେବାକୁ ଥିବା ଅମୃତ ବାଟିକାରେ ସିଞ୍ଚନ ନିମନ୍ତେ ପଠାଯିବ । ଦେଶର ବିଭିନ୍ନ କୋଣ ଅନୁକୋଣରୁ ଚାରା ଗଛ ଅଣାଯାଇ ଉକ୍ତ ବାଟିକାରେ ରୋପଣ କରାଯିବାର ବ୍ୟବସ୍ଥା ରହିଛି ।
ଏନସିସି କ୍ୟାଡେଟଙ୍କ ଏହି କାର୍ଯ୍ୟକ୍ରମକୁ ବିଦ୍ୟାଳୟର ଶିକ୍ଷକ ଓ ଶିକ୍ଷୟିତ୍ରୀ ସ°ଗ୍ରାମ କେଶରୀ ପରିଡ଼ା, ଅନୀତା ବରାଳ, ସ୍ୱର୍ଣ୍ଣଲତା ରାଉତ, ଚମ୍ପାଵତୀ କୁଣ୍ଡୁ ପ୍ରମୁଖ ପରିଚାଳନା କରିଥିଲେ । ଦେଶମାତୃକାର ଏହି ପବିତ୍ର କାର୍ଯ୍ୟ ନିମନ୍ତେ ନିୟୋଜିତ ହୋଇଥିବାରୁ ନିଜକୁ ଗର୍ବ ଅନୁଭବ କରୁଛି ବୋଲି କହିଥିଲେ ଡ଼.ଅବିନାଶ ସାମଲ । ଏହି ଉତ୍ସବରେ ଆଖପାଖର ୫ ଖଣ୍ଡ ଗାଁର ବାସିନ୍ଦା ଯୋଗ ଦେଇ ଶହୀଦ ଗୋପବନ୍ଧୁ ରାଉତଙ୍କ ଅମର ଆତ୍ମାର ସଦଗତି ନିମନ୍ତେ ଶ୍ରଦ୍ଧା ସୁମନ ଅର୍ପଣ କରିଥିଲେ । ବୀରପୁତ୍ରଙ୍କୁ ଜନ୍ମ ଦେଇଥିବା ଏହି ମାଟି ଅମୃତ ବାଟିକାରେ ସିଞ୍ଚନ ପାଇଁ ଯାଉଥିବାରୁ ଗ୍ରାମବାସୀ ଗର୍ବିତ ହେବା ସହ ଭାବବିହ୍ୱଳ ହୋଇଉଠିଥିଲେ।
ଭୁବନେଶ୍ୱର ଗତକାଲି ବିଳମ୍ବତ ରାତି ନିଶା ମାଫିଆଙ୍କ ଘରେ ଚଢ଼ଉ ବେଳେ ଆକ୍ରମଣର ଶିକାର ହୋଇଛନ୍ତି ଧଉଳି ଥାନା ଏସଆଇ ସନ୍ତୋଷ ବଳ। ଏଥିରେ ତାଙ୍କର ମୁଣ୍ଡ ଫାଟିଯାଇଥିବା ବେଳେ ସେ କ୍ୟାପିଟାଲ ହସ୍ପିଟାଲରେ ଚିକିତ୍ସାଧୀନ ଥିବା ଜଣାଯାଇଛି। ତେବେ ଏହି ମାମଲାରେ ୪ ଅଭିଯୁକ୍ତଙ୍କୁ ଧଉଳି ଥାନାରେ ଅଟକ ରଖି ପଚରାଉଚରା କରୁଛି ପୁଲିସ। ସୂଚନା ଅନୁଯାୟୀ, ଶିଶୁପାଳଗଡ଼ ଗାଁରେ ନିୟମିତ ନିଶା କାରବାର ହେଉଥିବାର ସୂଚନା ପାଇ ବିଳମ୍ବିତ ରାତିରେ ଧଉଳି ଥାନା ଏସଆଇ ସନ୍ତୋଷ ବଳଙ୍କ ନେତୃତ୍ବରେ ଏକ ପୁଲିସ ଟିମ୍ ଚଢ଼ଉ କରିଥିଲା। ସେହି ସମୟରେ କେତେକ ନିଶା ମାଫିଆ ଏସଆଇ ସନ୍ତୋଷ ବଳଙ୍କ ଉପରେ ଆକ୍ରମଣ କରିଥିଲେ। ଏଥିରେ ତାଙ୍କର ମୁଣ୍ଡ ଫାଟିଯାଇଥିଲା। ଏହାପରେ ତାଙ୍କୁ ତୁରନ୍ତ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏବେ ବି ସେ ଚିକିତ୍ସାଧୀନ ଥିବା ଜଣାଯାଇଛି। ତେବେ ଆକ୍ରମଣ ସମୟରେ ୪ ଅଭିଯୁକ୍ତଙ୍କୁ କାବୁ କରିବାରେ ସଫଳ ହୋଇଥିଲା ଧଉଳି ଥାନା ପୁଲିସ। ଏହି ଘଟଣାରେ ସ୍ଥାନୀୟ ଅଞ୍ଚଳରେ ଚହଳ ସୃଷ୍ଟି କରିଛି।
ସହିଦ ପୁଅକୁ ଝୁରି ଝୁରି ଚାଲିଗଲା ମା’ର ଜୀବନ। ସହିଦ ହେବାର ୮ ଦିନ ପରେ ଚାଲିଗଲେ ମା’। ଗତ ଶୁକ୍ରବାର ଦିନ ନକ୍ସଲଙ୍କ ଗୁଳି ମାଡ଼ରେ ସିଆରପିଏଫ୍ ଯବାନ ସୁଶାନ୍ତ ଖୁଣ୍ଟିଆ ସହିଦ ହୋଇ ଯାଇଥିଲେ । ଏହି ଧକ୍କାକୁ ସହି ପାରିନଥିଲେ ସହିଦଙ୍କ ଅସୁସ୍ଥ ମାଆ ସୁନ୍ଦରୀ ଖୁଣ୍ଟିଆ । ୭ ଦିନ ଭିତରେ ସେ ଆହୁରି ଅସୁସ୍ଥ ହୋଇ ପଡିଥିଲେ । ଗତ ୪ ଦିନ ହେଲା ଖିଆପିଆ ଛାଡି ଦେଇଥିଲେ । ଶୁକ୍ରବାର ସକାଳେ ସେ ଗୁରୁତର ହୋଇ ପଡ଼ିବାରୁ ତାଙ୍କୁ ଆନନ୍ଦପୁର ହସପିଟାଲରେ ଭର୍ତି କରାଯାଇଥିଲା । ଏହା ପରେ ତାଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଛି । ସପ୍ତାହକ ମଧ୍ୟରେ ପୁଅକୁ ଝୁରି ଝୁରି ମାଆଙ୍କ ମୃତ୍ୟୁ ହୋଇଛି । ଏହି ଦୁଃଖଦ ଖବର ପାଇବା ପରେ ସ୍ତବ୍ଧ ହୋଇ ଯାଇଛନ୍ତି ଅଞ୍ଚଳବାସୀ । ଗତ ୧୧ ତାରିଖରେ ଝାଡ଼ଖଣ୍ଡରେ ମାଓବାଦୀଙ୍କ ସହ ମୁକାବିଲା ବେଳେ ସୁଶାନ୍ତ ସହିଦ ହୋଇଥିବା ଖବର ଆସିଥିଲା। ପୁଅ ସହିଦ ହେବା ଖବର ଶୁଣି ପୁରାପୂରି ଭାଙ୍ଗି ପଡ଼ିଥିଲେ ସୁଶାନ୍ତଙ୍କ ମା’ ଓ ଅସୁସ୍ଥ ହୋଇପଡ଼ିଥିଲେ। ଶେଷରେ କଟକରେ ଚିକିତ୍ସାଧିନ ଅବସ୍ଥାରେ ସେ ଆଖି ବୁଜିଦେଇଛନ୍ତି। ସହିଦ ସୁଶାନ୍ତଙ୍କ ପରିବାର ଉପରେ ଦୁଃଖର ପାହାଡ଼ ଛିଣ୍ଡି ପଡ଼ିଥିଲା । ତିନି ବର୍ଷରେ ପରିବାରର ୪ ଜଣଙ୍କ ମୃତ୍ୟୁ ହୋଇଛି । ଏବେ ପରିବାରରେ ସୁଶାନ୍ତଙ୍କ ଗର୍ଭବତୀ ପତ୍ନୀ ଛଡ଼ା ଆଉ କେହି ନାହାନ୍ତି।
ଭାରତର ଦ୍ରୁତତମ ଧାବିକା ତଥା ଆଥଲେଟ୍ ଦୂତି ଚାନ୍ଦଙ୍କୁ ୪ ବର୍ଷ ପାଇଁ ବାସନ୍ଦ କରାଯାଇଛି। ଡୋପ୍ ଟେଷ୍ଟରେ ଫେଲ୍ ମାରିବା ପରେ ଦୂତୀଙ୍କ ଉପରେ ୪ ବର୍ଷର ବ୍ୟାନ୍ ଲାଗିଛି। ଗତ ଜାନୁଆରୀ ୩ ତାରିଖରୁ ପିଛିଲା ଭାବେ ଏହି ବାସନ୍ଦ ଅବଧି ଲାଗୁ ହେବ । ୨୦୨୨ ମସିହା ଡିସେମ୍ବର ୫ରେ ଦୂତିଙ୍କ ନମୁନା ସଂଗ୍ରହ କରାଯାଇଥିବାରୁ ଏହାପରେ ଦୂତି କ୍ରୀଡ଼ାରେ ହାସଲ କରିଥିବା ସମସ୍ତ ରେକର୍ଡ, ମେଡାଲ୍, ପୁରସ୍କାର ଏବଂ ପଏଣ୍ଟସ୍କୁ ଖାରଜ କରିଛନ୍ତି ଆଣ୍ଟି ଡୋପିଂ ଡିସିପ୍ଲିନାରି ପ୍ୟାନେଲ ।
ଏହି ଦଣ୍ଡ ବିରୋଧରେ ଆଣ୍ଟି ଡୋପିଂ ଅପିଲ୍ ପ୍ୟାନେଲ୍ ଆଗରେ ନିଜର ପକ୍ଷ ରଖିବାକୁ ଦୂତିଙ୍କୁ ୨୧ ଦିନ ସମୟ ଦିଆଯାଇଛି। ଏଡିଡିପି ଆଗରେ ଶୁଣାଣି ସମୟରେ ଯଦିଓ ଦୂତି ନିଷିଧ ଔଷଧ ସେବନକୁ ଅସ୍ବୀକାର କରିଥିଲେ ତଥାପି ନିଜକୁ ନିର୍ଦ୍ଦୋଷ ପ୍ରମାଣିତ କରି ପାରିନଥିଲେ । ଦୂତି ଜାତୀୟ ଆଣ୍ଟି ଡୋପିଂ ଏଜେନ୍ସିର ଧାରା ୨.୧, ୨.୨କୁ ଉଲ୍ଲଂଘନ କରିଥିବା ଅଭିଯୋଗରେ ତାଙ୍କୁ ୪ ବର୍ଷ ବାସନ୍ଦ କରାଯାଇଛି । ୨୦୨୩ ମସିହା ୩ ଜାନୁଆରୀ ଠାରୁ ଦୂତିଙ୍କ ଉପରେ ଏହି କଟକଣା ଲାଗୁ କରାଯାଇଛି। ଆସନ୍ତା ଜାନୁଆରୀ ୨୦୨୭ ପର୍ଯ୍ୟନ୍ତ ଏହି ବ୍ୟାନ୍ ବଳବତ୍ତର ରହିବ। ଡୋପିଂ ନିରୋଧ ଆଇନକୁ ନେଇ ଶୃଙ୍ଖଳାଗତ କମିଟି ଏହି ନିଷ୍ପତ୍ତି ନେଇଛି । ତେବେ ଦଣ୍ଡାଦେଶ ହେବାର ୨୧ ଦିନ ମଧ୍ୟରେ ଦୂତି ଆଣ୍ଟି ଡୋପିଂ ଅପିଲ୍ ପ୍ୟାନେଲ(ଏଡିଏପି ) ନିକଟରେ ପୁନଃ ବିଚାର ପାଇଁ ଆବେଦନ କରିପାରିବେ।
ସୁନ୍ଦରଗଡ ଜିଲ୍ଲାର ରାଜଗାଙ୍ଗପୁର ଠାରେ ଏକ ରେଲ ଓଭରବ୍ରିଜ ନିର୍ମାଣ ପାଇଁ ଜମି ଅଧିଗ୍ରହଣ କରା ନ ଯାଇ ସିଧା ସଳଖ ଲୋକଙ୍କ ଠାରୁ ରାଜ୍ୟ ସରକାର ଜମି କିଣିବା ପାଇଁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ନିଷ୍ପତ୍ତି ନେଇଛନ୍ତି । ସୂଚନାଯୋଗ୍ୟ ଯେ ଗତ ମାର୍ଚ୍ଚ ମାସ ୧୧, ୧୨ ତାରିଖରେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ୫-ଟି ସଚିବ ଶ୍ରୀ ଭି.କେ. ପାଣ୍ଡିଆନ ସୁନ୍ଦରଗଡ ଜିଲ୍ଲା ଗସ୍ତ କରି ବିଭିନ୍ନ ଉନ୍ନୟନମୂଳକ କାର୍ଯ୍ୟକ୍ରମ ସମୀକ୍ଷା କରିବା ସହିତ ଲୋକଙ୍କ ଅଭିଯୋଗ ମଧ୍ୟ ଶୁଣିଥିଲେ । ଏହି ଗସ୍ତ ସମୟରେ ଜିଲ୍ଲାର ରାଜଗାଙ୍ଗପୁର ଠାରେ ଏକ ରେଲ ଓଭରବ୍ରିଜ ନିର୍ମାଣ ପାଇଁ ଜମି ଅଧିଗ୍ରହଣ ସମସ୍ୟା ସଂପର୍କରେ ସେ ଅବଗତ ହୋଇଥିଲେ ।
ଏହା ସଂପର୍କରେ ସେ ମୁଖ୍ୟମନ୍ତ୍ରୀଙ୍କ ସହିତ ଆଲୋଚନା କରିବା ପରେ, ROB ପାଇଁ ଆବଶ୍ୟକ ଜମିକୁ ସିଧାସଳଖ ରାଜ୍ୟ ସରକାର କିଣିନେଇ ନିର୍ମାଣ କାମକୁ ତ୍ବରାନ୍ବିତ କରିବାକୁ ମୁଖ୍ୟମନ୍ତ୍ରୀ ନିଷ୍ପତ୍ତି ନେଇଥିଲେ । ଏହି ରେଲ ଓଭରବ୍ରିଜଟି ସୁନ୍ଦରଗଡ ଜିଲ୍ଲାର ସୋନାଖାନ୍ ଓ କାଂଶବାହାଲ ଷ୍ଟେସନ ମଧ୍ୟରେ ରାଜଗାଙ୍ଗପୁର ମୌଜାରେ ନିର୍ମାଣ କରାଯିବ ।
ଓଡ଼ିଶାରୁ ରାଜ୍ୟ ବାହାରକୁ ଲମ୍ବିଥିବା ସାପ ବିଷ ରାକେଟର ପର୍ଦ୍ଦାଫାସ୍ କରିଛି ବନ ବିଭାଗ । ବାଲେଶ୍ୱରରୁ ଏକକାଳୀନ ଧରାପଡ଼ିଲା ୨୯ ଟି ନାଗ ସାପ ।ବାଲେଶ୍ୱର ବାଲିଆପାଳ ପଞ୍ଚୁପଳିରେ ବନ ବିଭାଗ ଚଢ଼ାଉ କରି ଉଦ୍ଧାର କରାଯାଇଛି ୨୯ ଟି ନାଗ ସାପ । ଏହି ମାମଲାରେ ୩ ଜଣଙ୍କୁ ଅଟକ ଯାଇଛି। ନାଗ ସାପଙ୍କଠାରୁ ବିଷ ବାହାର କରାଯାଇ ଏହାକୁ ବିଭିନ୍ନ ସ୍ଥାନକୁ ଚାଲାଣ କରାଯାଉଥିଲା। ଓଡ଼ିଶାର ବିଭିନ୍ନ ସ୍ଥାନରୁ ଏହି ସବୁ ସାପକୁ ସଂଗ୍ରହ କରାଯାଉଥିଲା,। ତେବେ ଏଥିରେ ଆଉ କିଏ କିଏ ସାମିଲ ସେ ନେଇ ତଦନ୍ତ ଚାଲିଛିା ସୁଚନା ଅନୁଯାୟୀ ବିଶ୍ୱସ୍ତ ସୂତ୍ରରୁ ଖବର ପାଇ ସ୍ନେକ ହେଲ୍ପ ଲାଇନ୍ ସମ୍ପାଦକ ଶୁଭେନ୍ଦୁ ମଲ୍ଲିକ ଆଜି ଭୋର ପ୍ରାୟ ୫ଟା ପରେ ବାଲେଶ୍ୱରରେ ପହଞ୍ଚିଥିଲେ । ଏହାପରେ ବହୁ ରେଞ୍ଜ ଅଧିକାରୀଙ୍କ ସହ ପଞ୍ଚୁପଳିରେ ପହଞ୍ଚି ରେଡ କରାଯାଇଥିବା କହିଛନ୍ତି । ଏହି ରେଡ ସମୟରେ ୨୯ ଟି ନାଗ ସାପଙ୍କୁ ଚାଲାଣ ପୂର୍ବରୁ ଉଦ୍ଧାର କରାଯାଇଛି।ସାପ ଚାଲାଣ ପାଇଁ ବ୍ୟବହୃତ ହେଉଥିବା ପ୍ଲାଷ୍ଟିକ ପେଡ଼ିକୁ ସ୍ୱତନ୍ତ୍ର ଭାବେ ତିଆରି କରାଯାଇଛି। ତେବେ ଏହି ରାକେଟରେ ଆହୁରି ଲୋକ ସାମିଲ ଥିବା ସନ୍ଦେହ କରାଯାଉଛି। ତେଣୁ ଏହାର ଉଚ୍ଚସ୍ତରୀୟ ତଦନ୍ତ କରିବାକୁ ଦାବି ହେଉଛି।