Category: ମୁଖ୍ୟ ଖବର

ମହାନଦୀ ପୋଲ ତଳକୁ ଡେଇଁପଡିଲେ ଯୁବକ । ଭୂତୁମୁଣ୍ଡାଇ ମହାନଦୀ ପୋଲରୁ ଡେଇଁ ପଡିଥିବା ଯୁବକ ଏବେ ନିଖୋଜ ହୋଇଛନ୍ତି । କୁଜଙ୍ଗ ଅଗ୍ନିଶମ ବିଭାଗ ଓ ଓଡ୍ରାଫ ଟିମ୍ ପକ୍ଷରୁ ଖୋଜା ଖୋଜି ଜାରି ରହିଛି । ଏପର୍ଯ୍ଯନ୍ତ ଯୁବକଙ୍କ ସଠିକ୍ ପରିଚୟ ମିଳିପାରିନାହିଁ। ସ୍ଥାନୀୟ ଲୋକଙ୍କ ସୂଚନା ଅନୁଯାୟୀ ସକାଳ ୯ ଟା ପାଖାପାଖି ଜଣେ ବ୍ୟକ୍ତି ହଠାତ ପୋଲ ଉପରୁ ମହାନଦୀ କୁ ଡେଇଁ ପଡ଼ିଥିଲେ। ସେଠାରେ ଥିବା ଲୋକେ ପୋଲିସକୁ ଖବର ଦେଇଥିଲେ। ଯୁବକଙ୍କ ଘର କୁଜଙ୍ଗ ଅଞ୍ଚଳରେ ଓ ସେ ମେକାନିକାଲ୍ ଇଞ୍ଜିନିୟରିଂରେ ଡପ୍ଲୋମା କରିଥିବାର ସୂଚନା ମିଳିଛି ।। ତାଙ୍କର ବୟସ ୨୪ ବର୍ଷ । ପୋଲିସ କୁଜଙ୍ଗ ଅଗ୍ନିଶମ ବିଭାଗକୁ ଖବର ଦେବାପରେ , ଅଗ୍ନିଶମ ବିଭାଗ ନଦୀରେ ଖୋଜାଖୋଜି ଆରମ୍ଭ କରିଛି। ଘଟଣାସ୍ଥଳରେ ପୋଲିସ ତଦନ୍ତ ଆରମ୍ଭ କରିଛି। ତେବେ କାହିଁକି ଯୁବକ ଜଣକ ଏଭଳି ଚରମ ନିଷ୍ପତି ନେଲେ ତାହା ଏଯାଏଁ ଜଣାପଡି ନାହିଁ ।

ଆଜି, ଶ୍ରୀକ୍ଷେତ୍ରରୁ ହବିଷ୍ୟାଳିମାନଙ୍କର ଘର ବାହୁଡ଼ା ହୋଇଛି। ଦୀର୍ଘ ୧ ମାସ ଧରି ଏକତ୍ରିତ ହୋଇ ବ୍ରତ ପାଳନ କରୁଥିବା ବ୍ରତ ଚାରିଣୀମାନେ ଆଜି ବିଦାୟ ନେବା ବେଳେ ନିଜର ସାଙ୍ଗ ସାଥୀ ମାନଙ୍କୁ ଭାବ ବିହ୍ୱଳ କଣ୍ଠରେ “ବଞ୍ଚିଥିଲେ ପୁଣି ଆରବର୍ଷକୁ ଦେଖା ହେବ” ବୋଲି କହୁଥିବା ଦୃଶ୍ୟ ଅତ୍ୟନ୍ତ ହୃଦୟସ୍ପର୍ଶୀ ଥିଲା। ହବିଷ୍ୟାଳୀଙ୍କ ଘର ବାହୁଡାପାଇଁ ବସ୍ ଷ୍ଟାଣ୍ଡ ଓ ରେଳଷ୍ଟେସନରେ ଭିଡ଼ ପରିଲକ୍ଷିତ ହୋଇଥିଲା ।

ପୁରୀ ସହରରେ ଧର୍ମ ମାସ କାର୍ତ୍ତିକ ମାସର ବ୍ରତ ପାଳନ କରିବା ନିମନ୍ତେ ରାଜ୍ୟର ବିଭିନ୍ନ ପ୍ରାନ୍ତରୁ ହବିଷ୍ୟାଳିମାନଙ୍କର ଭିଡ ଜମି ଥିଲା। ଚଳିତ ବର୍ଷ ରାଜ୍ୟ ସରକାରଙ୍କ ପକ୍ଷରୁ ୪ଟି ସ୍ଥାନରେ ହବିଷ୍ୟାଳି ମାନଙ୍କୁ ରଖିବା ପାଇଁ ସ୍ଵତନ୍ତ୍ର ବ୍ୟବସ୍ଥା କରାଯାଇଥିଲା। ସମୁଦାୟ ୨,୫୦୦ ହବିଷ୍ୟାଳିଙ୍କୁ ରାଜ୍ୟ ସରକାରଙ୍କ ପକ୍ଷରୁ ବିଭିନ୍ନ ହବିଷ୍ୟାଳି ଶିବିରରେ ରଖାଯାଇ ସେମାନଙ୍କର ରହଣି ଓ ଖାଦ୍ୟ-ପାନୀୟର ସମସ୍ତ ବ୍ୟବସ୍ଥା କରାଯାଇଥିଲା। ଏତଦ୍ ବ୍ୟତୀତ, ଅନେକ ହବିଷ୍ୟାଳି ବିଭିନ୍ନ ମଠ, ନବୀନ ହାଉସ୍ ଓ ଭଡା ଘରେ ରହି ବ୍ରତ ପାଳନ କରୁଥିବାର ଦେଖା ଯାଇଥିଲା ।

ଗୁରୁବାର ସନ୍ଧ୍ୟାରେ ମୁଖ୍ୟ ଅତିଥିଭାବେ ଯୋଗଦେଇ ପାରାଦ୍ବୀପ ବିଜୁ ମଇଦାନଠାରେ ଅନୁଷ୍ଠିତ କଳିଙ୍ଗ ବାଲିଯାତ୍ରା ମହୋତ୍ସବ ୨୦୨୪ର ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଗତକାଲି ସେ କଳିଙ୍ଗ ବାଲିଯାତ୍ରା ମହୋତ୍ସବ ୨୦୨୪ କୁ ପାରାଦୀପ ସମୁଦ୍ର କୂଳରେ ଉଦଘାଟନ କରି ନେହେରୁବଙ୍ଗଳା ରେ ରାତ୍ରି ଯାପନ କରିଥିବା ବେଳେ ଆଜି ଭୋର ସକାଳୁ ସସ୍ତ୍ରୀକ ବନ୍ଦର ପୋତାଶ୍ରୟ ରେ ପହଞ୍ଚିଥିଲେ | ଭବ୍ୟ ଆଧ୍ଯାତ୍ମିକ ପରିବେଶ ମଧ୍ୟରେ ହୋମଯଜ୍ଞ ସମାପନ ପୂର୍ବକ ଐତିହାସିକ ପରମ୍ପରା କୁ ଉଦ୍ଜୀବିତ କରିବାକୁ ଯାଇ ରୀତିନୀତି ଅନୁସାରେ ସାଧବ ପୁଅ ମାନଙ୍କର ବୋଇତକୁ ପତାକା ଦେଖାଇ ଦୂର ସମୁଦ୍ରକୁ ମେଲାଣି ଦେଇଥିଲେ |

ଏହି ଅବସରରେ, ପ୍ରାଚୀନ ଉତ୍କଳୀୟ ନୌବାଣିଜ୍ୟ ପରମ୍ପରାର ଗୌରବକୁ ମନେପକାଇ ମୁଖ୍ୟମନ୍ତ୍ରୀ କହିଛନ୍ତି, ସଂସ୍କୃତି, ପରମ୍ପରା ଓ ବାଣିଜ୍ୟର ସ୍ମୃତିକୁ ବହନ କରୁଛି କଳିଙ୍ଗ ବାଲିଯାତ୍ରା । ଆଗାମୀ ଦିନରେ ପାରାଦ୍ଵୀପ ଓଡ଼ିଶାର ବେକାରୀ ସମସ୍ୟାର ସମାଧାନ କରିବାକୁ ଯାଉଛି। ବନ୍ଦରକୁ ଭିତ୍ତିକରି ଶିଳ୍ପ , ଟୁରିଜିମ ଏବଂ କୋଷ୍ଟାଲ ହାଇଓ୍ବେ ଦ୍ବାରା ବାଣିଜ୍ୟକ କାରବାର ବୃଦ୍ଧି ହେବାକୁ ଯାଉଛି ଏବଂ ଆର୍ଥିକ ବିକାଶ ଏବଂ ନିଯୁକ୍ତି କ୍ଷେତ୍ରରେ ରାଜ୍ୟର ହବ୍ ହେବାକୁ ଯାଉଛି ପାରାଦ୍ଵୀପ।

ପାରାଦୀପ ବନ୍ଦର କେବଳ ବ୍ୟବସାୟରେ ପ୍ରସିଦ୍ଧି ଲାଭ କରିଛି ତାହା ନୂହେଁ ଏହା ଓଡ଼ିଶାର ଐତିହ୍ଯ ପରମ୍ପରା ସଂସ୍କୃତି କୁ ଜାବୁଡି ଧରି ଆଗକୁ ଚାଲୁଥିବା ଏହି ଉସ୍ତବରେ ଅନ୍ୟତମ ଅତିଥି ଭାବେ ଯୋଗଦେଇଥିବା ସ୍ଥାନୀୟ ବିଧାୟକ ତଥା ଶିଳ୍ପ ମନ୍ତ୍ରୀ ସମ୍ପଦ ଚନ୍ଦ୍ର ସ୍ବାଇଁ ସ୍ୱାଇଁ ମଧ୍ଯ ନିଜ ଅଭିଭାଷଣରେ ମତ ରଖିଥିଲେ |

ଏହି ଉଦଘାଟନୀ ଉତ୍ସବରେ ବାଲିକୁଦା-ଏରସମା ବିଧାୟକ ସାରଦା ପ୍ରସନ୍ନ ଜେନା, ତିର୍ତ୍ତୋଲ ବିଧାୟକ ଡଃ ରମାକାନ୍ତ ଭୋଇ, ଜଗତସିଂହପୁର ବିଧାୟକ ଅମରେନ୍ଦ୍ର ଦାସ, ଜିଲ୍ଲାପରିଷଦ ଅଧ୍ୟକ୍ଷ ମନୋଜ ଭୋଇ, ପାରାଦ୍ଵୀପ ବନ୍ଦର ଅଧ୍ୟକ୍ଷ ପି ଏଲ ହାରାନାଦ, ଜଗତସିଂହପୁର ଜିଲ୍ଲାପାଳ ଜେ ସୋନାଲ, ପୌରାଧକ୍ଷ ବସନ୍ତ ବିଶ୍ବାଳ ପ୍ରମୁଖ ଯୋଗଦେଇ ନୌବାଣିଜ୍ୟ ପରମ୍ପରା ସମ୍ପର୍କରେ ଆଲୋଚନା କରିଥିଲେ।

ଏହି ଉସ୍ତବରେ ମୁଖ୍ୟମନ୍ତ୍ରୀଙ୍କ ଦ୍ଵାରା ୨୪.୮୯ କୋଟି ମୂଲ୍ୟର ତିନି ଲେନ୍ ବିଶିଷ୍ଟ ଏକ ପୋଲ ଅଠରବାଙ୍କୀ ଉପରେ ହେବାକୁ ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା | ଏହାପରେ ବନ୍ଦର ସହର ମଧ୍ୟରେ ସୁରକ୍ଷିତ ସହିତ ୭ ଲକ୍ଷ ଲୋକଙ୍କ ଘରକୁ ପାଇପ ଯୋଗେ ଗ୍ୟାସ ଯୋଗାଣ ପାଇଁ ମଧ୍ଯ ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା

ପୂର୍ବବର୍ଷ ଠାରୁ ଚଳିତ ବର୍ଷ କଳିଙ୍ଗ ବାଲିଯାତ୍ରା କାର୍ଯ୍ୟକ୍ରମ ଅଧିକ ଆକର୍ଷଣୀୟ କରିବା ପାଇଁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି । ଓରମାସ ପକ୍ଷରୁ ପୂର୍ବବର୍ଷ ଅପେକ୍ଷା ଅଧିକ ଷ୍ଟଲ ଖୋଲାଯାଇଛି । କଳିଙ୍ଗ ନୌବାଣିଜ୍ୟର ପରମ୍ପରା ଭିତ୍ତିକ କାର୍ଯ୍ୟକ୍ରମ ମଧ୍ୟ ହାତକୁ ନିଆ ଯାଇଛି ।

ଖୋଦ୍ ପାଟଣା ବିଧାୟକଙ୍କ ପଞ୍ଚାୟତକୁ ରାସ୍ତା ନ ଥିବାରୁ ଯାଇ ପାରୁନଥିଲା ଲକ୍ଷ୍ମୀ ବସ୍। ଗ୍ରାମ ବାସୀ ପ୍ରଶାସନକୁ ବାରମ୍ବାର ଗୁହାରି ପରେ ମଧ୍ୟ ଚେତୁନଥିଲା ପ୍ରଶାସନ। ଏପରିକି ବିଧାୟକ ମଧ୍ୟ ଗୁରୁତ୍ୱ ଦେଉନଥିବାରୁ ଗ୍ରାମବାସୀ ନିଜ ଖର୍ଚ୍ଚରେ ରାସ୍ତା ନିର୍ମାଣ କାମ ଆରମ୍ଭ କରିଥିଲେ। ଏ ନେଇ ସୂଚନା ଟିଭିରେ ସର୍ବ ପ୍ରଥମ ଖବର ପ୍ରସାରଣ ପରେ ଚେତିଛି ଚମ୍ପୁଆ ବ୍ଲକ ପ୍ରଶାସନ। ଆଜି ଜାଲି ଗ୍ରାମରେ ପହଞ୍ଚି ରାସ୍ତାର ଅବସ୍ଥା ସମ୍ପର୍କରେ ଯାଞ୍ଚ କରିବା ପରେ ଖୁବ ଶିଘ୍ର ରାସ୍ତା କାମ କରିବାକୁ ପ୍ରଶାସନ ନିଷ୍ପତ୍ତି ନେଇଥିବା ଜଣାପଡିଛି।

ସୂଚନାନୁଯାୟୀ ଚମ୍ପୁଆ ବ୍ଲକ ଭୁଇଁପୁର ଠାରୁ ଜାଲି ପଞ୍ଚାୟତ ଯାଏଁ ସଂଯୋଗ କରୁଥିବା ରାସ୍ତା ମରାମତି ଅଭାବରୁ ଗମନାଗମନ ପାଇଁ ଅନୁପଯୋଗୀ ହୋଇପଡିଥିଲା। ଯାହାକୁ ନେଇ ଜାଲି ପଞ୍ଚାୟତ କୁ ଲକ୍ଷ୍ମୀ ଯୋଜନା ବସ୍ ଭୁଇଁପୁର ଠାରୁ ଫେରି ଆସୁଥିବାବେଳେ ବସ୍ ସେବାରୁ ବଞ୍ଚିତ ହୋଇଥିଲେ ଜାଲି ପଞ୍ଚାୟତ ବାସି। ତେବେ ବସ୍ ସେବା ପାଇଁ ବାରମ୍ବାର ପ୍ରଶାସନକୁ ଗୁହାରି ପରେ ମଧ୍ୟ ପ୍ରଶାସନ ଗୁରୁତ୍ବନ ଦେବା ରୁ ଶେଷରେ ଗ୍ରାମ ବାସୀ ନିଜେ ରାସ୍ତା ନିର୍ମାଣ କାର୍ଯ୍ୟ କରୁଥିବା ଖବର ପ୍ରଥମେ ସୂଚନା ଟିଭି ରେ ପ୍ରସାରଣ କରାଯାଇଥିଲା ,ଖବରା ବାଜିବା ପରେ ରାସ୍ତା ନିର୍ମାଣ ପାଇଁ ତତ୍ପରତା ଦେଖାଇଛି ଚମ୍ପୁଆ ବ୍ଲକ ପ୍ରଶାସନ। ଆଜି ଚମ୍ପୁଆ ବିଡ଼ିଓ ରାଜା ରଞ୍ଜିତ ପ୍ରତାପ ବଳ ଙ୍କ ସହିତ ସହକାରୀ ଯନ୍ତ୍ରୀ, କନିଷ୍ଠ ଯନ୍ତ୍ରୀ,ଜାଲି ପଞ୍ଚାୟତ ନିର୍ବାହୀ ଅଧିକାରୀ ଜାଲି ଗ୍ରାମ କୁ ଯାଇ ସମ୍ପୃକ୍ତ ରାସ୍ତା ସ୍ଥିତି ସମ୍ପର୍କରେ ଅବଗତ ହେବା ସହ ଶିଘ୍ର ରାସ୍ତା କାମ ଆରମ୍ଭ କରିବାକୁ ଗ୍ରାମ ବାସୀ ଙ୍କୁ ଆଶ୍ୱାସନା ଦେଇ ଥିବା ଜଣାପଡିଛି।