Category: ମୁଖ୍ୟ ଖବର

IPL: ପ୍ଲେଅଫ୍ ରାଉଣ୍ଡ ପାଇଁ ଚତୁର୍ଥ ଟିମ୍ ସସପେନ୍ସ

ଫଟାଫଟ୍ କ୍ରିକେଟ୍ IPL ଏବେ ଶେଷ ପର୍ଯ୍ୟାୟରେ । ଲିଗ୍ ପର୍ଯ୍ୟାୟ ପରେ ପ୍ଲେଅଫ୍ ରାଉଣ୍ଡ । ଆଜି ୨ଟି ମ୍ୟାଚ୍ ପରେ ଶେଷ ହେବ ଲିଗ୍ ପର୍ଯ୍ୟାୟ । ତେବେ, ପ୍ଲେଅଫ୍ ରାଉଣ୍ଡର ଚତୁର୍ଥ ସ୍ଥାନକୁ ନେଇ ସସପେନ୍ସ ଲାଗି ରହିଛି ।

୨୩ ତାରିଖରୁ ଆରମ୍ଭ ହେବ ପ୍ଲେଅଫ୍ ରାଉଣ୍ଡ । ଏଥିପାଇଁ ୩ଟି ଟିମ୍ କ୍ୱାଲିଫାଏ କରିସାରିଛନ୍ତି । ଚତୁର୍ଥ ଟିମ୍ ଭାବେ କିଏ କ୍ୱାଲିଫାଏ କରିବ । IPLରେ ଏଯାଏ ୬୮ଟି ମ୍ୟାଚ୍ ଶେଷ ହୋଇଛି । ଆଜି ମୁମ୍ବାଇ ଓ ହାଇଦ୍ରାବାଦ ଏବଂ ବାଙ୍ଗାଲୋର ଓ ଗୁଜରାଟ ମଧ୍ୟରେ ଦୁଇଟି ମ୍ୟାଚ୍ ପରେ ପ୍ଲେଅଫ୍ ରାଉଣ୍ଡ ଆରମ୍ଭ ହେବ । ପଏଣ୍ଟ ଟେବୁଲର ଶୀର୍ଷରେ ରହିଛି ଗୁଜରାଟ ଟାଇଟନ୍ସ । ୧୭ ପଏଣ୍ଟ ସହ ଦ୍ୱିତୀୟରେ ଚେନ୍ନାଇ ଏବଂ ୧୭ ପଏଣ୍ଟ ସହ ତୃତୀୟରେ ଲକ୍ଷ୍ନୌ ରହିଛି । ୩ଟି ଟିମ୍ ପ୍ଲେଅଫ୍ ରାଉଣ୍ଡକୁ କ୍ୱାଲିଫାଏ କରିସାରିଛନ୍ତି । ତେବେ ଚତୁର୍ଥ ଟିମକୁ ନେଇ ସମୀକରଣ ଅଲଗା ରହିଛି । ଏହି ରେସରେ ବାଙ୍ଗାଲୋର, ମୁମ୍ବାଇ ଏବଂ ରାଜସ୍ଥାନ ଥିବାବେଳେ କିଏ ପ୍ଲେଅଫ୍ ରାଉଣ୍ଡକୁ ଉନ୍ନୀତ ହେବ ସେ ନେଇ ଟେନସନ ବଢୁଛି ।

ଆଜି ମୁମ୍ବାଇ ଏବଂ ହାଇଦ୍ରାବାଦ ମଧ୍ୟରେ ଅପରାହ୍ଣ ସାଢ଼େ ୩ଟାରେ ଖେଳାଯିବ ମ୍ୟାଚ୍ । ୧୩ ମ୍ୟାଚରୁ ୧୪ ପଏଣ୍ଟ ସହ ଷଷ୍ଠ ସ୍ଥାନରେ ରହିଛି ମୁମ୍ବାଇ । ନେଟ୍ ରନରେଟରେ ବାଙ୍ଗାଲୋର ଏବଂ ରାଜସ୍ଥାନ ଠାରୁ ପଛରେ ରହିଛି ଦଳ । ରାଜସ୍ଥାନ ନିକଟରେ କୌଣସି ମ୍ୟାଚ୍ ନାହିଁ କିନ୍ତୁ ୧୪ ପଏଣ୍ଟ ସହ ପଞ୍ଚମ ସ୍ଥାନରେ ରହିଛି ଟିମ୍ । ସେପଟେ ୧୪ ପଏଣ୍ଟ ସହ ଚତୁର୍ଥ ସ୍ଥାନରେ ଥିବା ବାଙ୍ଗାଲୋର ନିକଟରେ ଗୋଟିଏ ମ୍ୟାଚ୍ ଥିବାବେଳେ ନେଟ୍ ରନରେଟରେ ଏହି ଦୁଇ ଟିମ୍ ଠାରୁ ଆଗରେ ରହିଛି । ଆଜି ପଏଣ୍ଟ ଟେବୁଲର ଶେଷରେ ଥିବା ହାଇଦ୍ରାବାଦକୁ ଭେଟିବ ମୁମ୍ବାଇ । ବିପୁଳ ବ୍ୟବଧାନରେ ହାଇଦ୍ରାବାଦକୁ ପରାସ୍ତ କଲେ ଉନ୍ନତ ରନରେଟରେ ଚତୁର୍ଥ ସ୍ଥାନ ହାସଲ କରିପାରେ । ହାରିଲେ ବିଦାୟ ନେବ ଦଳ । ତେଣୁ ଆଜି ପୁରା ଦମର ସହ ଲଢ଼ିବାକୁ ମୁମ୍ବାଇ ଖେଳାଳି ତୟାର ।

୧୩ ମ୍ୟାଚରୁ ୧୪ ପଏଣ୍ଟ ସହ ଚତୁର୍ଥ ସ୍ଥାନରେ ରହିଛି ବାଙ୍ଗାଲୋର । ନେଟ୍ ରନରେଟରେ ବହୁତ ଭଲ ରହିଛି । ତଥାପି ଦଳକୁ ଗୁଜରାଟ ବିପକ୍ଷରେ ବିଜୟୀ ହେବାକୁ ପଡ଼ିବ । ୧୬ ପଏଣ୍ଟ ହେଲେ ସୁଦ୍ଧା ନେଟ୍ ରନରେଟ୍ ଭଲ ରହିବା ଆବଶ୍ୟକ । କାରଣ ମୁମ୍ବାଇ ଯଦି ଭଲ ରନରେଟରେ ବିଜୟୀ ହୁଏ ତେବେ ବାଙ୍ଗାଲୋର ପାଇଁ ଟେନସନ୍ । ତେଣୁ ଦଳକୁ ସତର୍କତାର ସହ ଖେଳିବାକୁ ପଡ଼ିବ ।

ସେପଟେ, ରାଜସ୍ଥାନକୁ ଭାଗ୍ୟ ସାଥ୍ ଦେଲେ ଦଳ କ୍ୱାଲିଫାଏ କରିପାରେ । କାରଣ ଦଳ ସମସ୍ତ ମ୍ୟାଚ୍ ଖେଳି ୧୪ ପଏଣ୍ଟରେ ଅପେକ୍ଷା କରିଛି । ଯଦି ମୁମ୍ବାଇ ଏବଂ ବାଙ୍ଗାଲୋର ନୈରାଶ୍ୟଜନକ ପ୍ରଦର୍ଶନ ସହ ପରାସ୍ତ ହୁଅନ୍ତି, ନେଟ୍ ରନରେଟ୍ ଭଲ ନରହେ ତେବେ ହୁଏତ ପ୍ଲେଅଫ୍ ରାଉଣ୍ଡକୁ କ୍ୱାଲିଫାଏ ପାଇଁ ରାଜସ୍ଥାନକୁ ସୁଯୋଗ ମିଳିପାରେ । ସେପଟେ କୋଲକାତା, ପଞ୍ଜାବ, ଦିଲ୍ଲୀ ଏବଂ ହାଇଦ୍ରାବାଦ IPLର ପ୍ଲେଅଫ୍ ରାଉଣ୍ଡରୁ ବଞ୍ଚିତ ହୋଇଛନ୍ତି । ଏଯାଏ ଗୁଜରାଟ, ଚେନ୍ନାଇ ଏବଂ ଲକ୍ଷ୍ନୌ କ୍ୱାଲିଫାଏ କରିଥିବା ବେଳେ ଚତୁର୍ଥ ଟିମ୍ ପାଇଁ ଲଢ଼େଇ ହେବ ।
ମହୁମାଛି ନେଲା ସରପଞ୍ଚଙ୍କ ଜୀବନ, ଚିକିତ୍ସାଧୀନ ଅବସ୍ଥାରେ ସନତ’ଙ୍କ ମୃତ୍ୟୁ

ମୃତ୍ୟୁ କେତେବେଳେ କେମିତି ଆସିବ କେହି ଜାଣିନାହାଁନ୍ତି । ବେଳେବେଳେ ମୃତ୍ୟୁ ଏମିତି ଆସେ ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥାଏ । ଆଉ ବେଳେ ବେଳେ ମଣିଷ ମୃତ୍ୟୁମୁଖରୁ ବି ବଞ୍ଚିଯାଏ । ବିମାନ ଦୁର୍ଘଟଣାରେ ଶିଶୁ ବଞ୍ଚିଯାଉଥିବା ବେଳେ ଯୁବକଯୁବତୀ, ବରିଷ୍ଠ ଲୋକ କିନ୍ତୁ ମରିଯାଆନ୍ତି ଯାହା ସମସ୍ତଙ୍କୁ ନିହାତି ଆଶ୍ଚର୍ଯ୍ୟ କରିଥାଏ । ମର୍ମନ୍ତୁଦ ଦୁର୍ଘଟଣାରେ ମଣିଷ ବଞ୍ଚିଯାଏ ହେଲେ ବିଛା କାମୁଡ଼ିଲେ ଲୋକେ ମରିଯାଆନ୍ତି । ତେଣୁ ବିଧିର ବିଧାନ ଅନୁସାରେ ଆମକୁ ଦୁନିଆରୁ ବିଦାୟ ନେବାକୁ ହୋଇଥାଏ । ଏବେ ଏମିତି ଏକ ଘଟଣା ଗଞ୍ଜାମ ଜିଲ୍ଲା ଜଗନ୍ନାଥପ୍ରସାଦ ବ୍ଲକରୁ ଆସିଛି ।

ଗଞ୍ଜାମ ଜିଲ୍ଲା ଜଗନ୍ନାଥପ୍ରସାଦ ବ୍ଲକ୍ କୁଡୁତାଇ ପଞ୍ଚାୟତ ସରପଞ୍ଚ ସନତ କୁମାର ପ୍ରଧାନ । ତାଙ୍କ ମୃତ୍ୟୁକୁ ନେଇ ସମସ୍ତେ ଆଶ୍ଚର୍ଯ୍ୟ ହୋଇଛନ୍ତି । ଆଜ୍ଞା ତାଙ୍କର ମୃତ୍ୟୁ କିପରି ହେଲା ଜାଣିଛନ୍ତି । ସୂଚନା ଅନୁସାରେ ସରପଞ୍ଚ ସନତ କୁମାର ପ୍ରଧାନ ବିଲରେ କାମ କରୁଥିଲେ । ବିଲରେ କାମ କରୁଥିବା ବେଳେ ମହୁମାଛି ଆକ୍ରମଣର ଶିକାର ହୋଇଥିଲେ । ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇଥିଲା । ସଙ୍ଗେ ସଙ୍ଗେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଭୁବନେଶ୍ୱରର ଏକ ମେଡିକାଲରେ ଚିକିତ୍ସାଧୀନ ଅବସ୍ଥାରେ ସରପଞ୍ଚଙ୍କ ମୃତ୍ୟୁ ଘଟିଛି । ସରପଞ୍ଚଙ୍କ ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।

ଘଟଣା ନିହାତି ଆଶର୍ଯ୍ୟଜନକ । ଏଭଳି ଏକ ଘଟଣା ଘଟିଯିବ, ମହୁମାଛି ଆକ୍ରମଣରେ ସରପଞ୍ଚଙ୍କ ଜୀବନ ଚାଲିଯିବ କେହି କେବେ ସ୍ୱପ୍ନରେ ବି ଭାବିନଥିଲେ । କିନ୍ତୁ ଯାହା ଭାଗ୍ୟରେ ଥିଲା ତାହା ନିଶ୍ଚିତ ଘଟିବ । ସରପଞ୍ଚଙ୍କ ଏଭଳି ମୃତ୍ୟୁକୁ ନେଇ ପରିବାରରେ ଶୋକାକୁଳ ପରିବେଶ ବି ଦେଖିବାକୁ ମିଳିଛି । ସବୁଦିନ ପାଇଁ ସେ ଆରପାରିକୁ ଚାଲିଯାଇଛନ୍ତି । ସ୍ଥାନୀୟ ଅଞ୍ଚଳରେ ବେଶ୍ ଲୋକପ୍ରିୟ ଥିଲେ ସରପଞ୍ଚ ସନତ କୁମାର ।
ଅର୍ଡର କରିଥିଲେ ଲାପଟପ୍, ଆସିଲା ପାଉଡର ପ୍ୟାକେଟ୍

କେନ୍ଦୁଝର ଜିଲ୍ଲାରେ ବଡ଼ ଧରଣର ଠକେଇର ଶିକାର ହୋଇଛନ୍ତି ଯୁବକ । ଲାପଟପ୍ ଅର୍ଡର କରିଥିଲେ ହେଲେ ତାଙ୍କ ନିକଟକୁ ଆସିଛି ପାଉଡର ପ୍ୟାକେଟ୍ ଯାହାକୁ ନେଇ ସେ ଥାନାର ଦ୍ୱାରସ୍ଥ ହୋଇଛନ୍ତି ।

ଯୋଡ଼ା ପୌରପାଳିକା ଅନ୍ତର୍ଗତ ପଶ୍ଚିମ ଯୋଡ଼ା ସେଗ୍ରୀକେସନ ଅଞ୍ଚଳରେ ରୁହନ୍ତି ଚୌଧୁରୀ ମହାନ୍ତ । ସେ ଚଳିତମାସ ୧୪ ତାରିଖରେ ଅମାଜନ ନାମକ ସଂସ୍ଥା ଠାରୁ ଅନଲାଇନରେ ଅର୍ଡର କରିଥିଲେ ଏକ୍ ଲାପଟପ୍ । ଏହାର ମୂଲ୍ୟ ଥିଲା ୫୬ ହଜାର ୯୯୦ ଟଙ୍କା । ତେବେ ଶୁକ୍ରବାର ଡେଲିଭରୀ ଯୁବକ ଦ୍ଵାରା ଘରକୁ ପ୍ୟାକିଂ ହୋଇ ଏକ ପ୍ୟାକେଟ୍ ଆସିଥିଲା । ଲାପଟପ୍ ଆସିଲା ଜାଣି ପ୍ୟାକେଟ୍ ରିସିଭ୍ କରିଥିଲେ ଚୌଧୁରୀ ମହାନ୍ତ ।

ହେଲେ ଖୋଲିଲା ପରେ କିନ୍ତୁ ହୋସ୍ ଉଡ଼ିଗଲା । ପ୍ୟାକେଟ୍ ଭିତରୁ ଏମିତି କ’ଣ ବାହାରିଲା ସେ ଆଶ୍ଚର୍ଯ୍ୟ ହୋଇଗଲେ । ଲାପଟପ୍ ବଦଳରେ ବାହାରିଲା ମିଷ୍ଟର ହ୍ୱାଇଟର ଦୁଇ କିଲୋ ଡିଟରଜେଣ୍ଟ ପାଉଡର । ଏହାଦେଖି ହତୋତ୍ସାହ ହୋଇପଡ଼ିଲେ ଚୌଧୁରୀ ମହାନ୍ତ ।

ଏ ନେଇ ଯୋଡ଼ା ଥାନାରେ ଡେଲିଭରୀ କମ୍ପାନୀ ଅମାଜନ ନାଁରେ ଲିଖିତ ଅଭିଯୋଗ କରିଛନ୍ତି ଚୌଧୁରୀ । ଅନଲାଇନରେ ଗ୍ରାହକମାନେ ଘରେ ବସି ସବୁ ପ୍ରକାର ଜିନିଷ ପାଇପାରୁଛନ୍ତି । ଏଭଳି ଘଟଣା ନିହାତି କମ୍ପାନୀ ଉପରୁ ଧୀରେ ଧୀରେ ବିଶ୍ୱାସ ତୁଟାଉଛି ।
ସାବଧାନ…ଆସୁଛି କାଳବୈଶାଖୀ, ମାରିବ ବିଜୁଳି…ପଡିବ ଘଡଘଡି

A rotating supercell thunderstorm moves across northeast Colorado. The dynamics, microphysics, and societal impacts of severe thunderstorms are one of the key research areas at the National Center for Atmospheric Research.

ପ୍ରଚଣ୍ଡ ଗୁଳୁଗୁଳିରେ ସାରା ରାଜ୍ୟ ସନ୍ତୁଳି ହେଉଛି । କିନ୍ତୁ ଏହାରି ଭିତରେ ଆଶ୍ୱସ୍ତିକର ଖବର ଆସିଛି । ଆସନ୍ତା କାଲି ଅର୍ଥାତ ୨୪ ଘଣ୍ଟା ମଧ୍ୟରେ ରାଜ୍ୟର ପ୍ରାୟ ସମସ୍ତ ଜିଲ୍ଲାରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ଫଳରେ ତାପମାତ୍ରା କମିବ ।

ସମୁଦ୍ର ପତନ ଠାରୁ ୦.୯ କିଲୋମିଟର ଉଚ୍ଚତାରେ ଛତିଶଗଡ଼ ଉପର ଦେଇ ପଶ୍ଚିମ ବିହାରରୁ ଉତ୍ତର ତେଲେଙ୍ଗାନା ପର୍ଯ୍ୟନ୍ତ ଏକ ଲଘୁଚାପ ଲାଇନ ସୃଷ୍ଟି ହୋଇଛି । ଏହାର ପ୍ରଭାବରେ ଆସନ୍ତା ୨୪ ଘଣ୍ଟା ମଧ୍ୟରେ, ଅର୍ଥାତ୍‌ ୨୧ ତାରିଖ ରବିବାର ମଧ୍ୟାହ୍ନ ସୁଦ୍ଧା ଉତ୍ତର, ଦକ୍ଷିଣ, ଆଭ୍ୟନ୍ତର, ଉପକୂଳ ଓ କେନ୍ଦ୍ରୀୟ ଓଡ଼ିଶାର ପ୍ରାୟ ସବୁ ଜିଲ୍ଲାରେ ଘଣ୍ଟା ପ୍ରତି ୩୦-୪୦ରୁ ଆରମ୍ଭ ହୋଇ ୪୦ରୁ ୫୦ କିଲୋମିଟର ବେଗରେ ପବନ ବହିବ । ଏଥିସହ ବଜ୍ରପାତ, ଘଡ଼ଘଡ଼ି ସହ ଘୂର୍ଣ୍ଣିଝଡ଼ ବା କାଳବୈଶାଖୀ ହେବାର ସମ୍ଭାବନା ରହିଛି ବୋଲି ଭାରତୀୟ ପାଣିପାଗ ବିଭାଗର ଭୁବନେଶ୍ୱରସ୍ଥିତ ଆଞ୍ଚଳିକ କେନ୍ଦ୍ର ପକ୍ଷରୁ ଏକ ସତର୍କ ସୂଚନା ଜାରି କରାଯାଇଛି ।
ହାଇ ଡେଫିସିଟ ଡ୍ରୋନ କ୍ୟାମେରାରେ ରହିବ ରାଜଧାନୀ

ସାବଧାନ! ରାଜଧାନୀ ଉପରେ ରହିବ ପୋଲିସର ଆଖି। କମିଶନରେଟ ପୋଲିସ, ରାଜଧାନୀକୁ ଅପରାଧ ମୁକ୍ତ କରିବାକୁ ତଥା ରାସ୍ତାକୁ ନିୟନ୍ତ୍ରିତ କରିବା ଲକ୍ଷ୍ୟରେ ଆକାଶ ମାର୍ଗରୁ ଡ୍ରୋନ ଜରିଆରେ ରଖିବ ନଜର। ଏନେଇ ସୂଚନା ଦେଇଛନ୍ତି ଭୁବନେଶ୍ୱର ଡିସିପି ପ୍ରତୀକ ସିଂହ।

ଭୁବନେଶ୍ୱର ଡିସିପି କହିଛନ୍ତି କି, ରାଜ୍ୟ ରାଜଧାନୀର ଗଳି କନ୍ଦିରେ ବୁଲୁଥିବା ସନ୍ଦିଗ୍ଧ ଗାଡି ଓ ବ୍ୟକ୍ତିଙ୍କ ଉପରେ ନଜର ରଖିବାକୁ ଏପରି ବ୍ୟବସ୍ଥା ହେବାକୁ ଯାଉଛି। ଏହା ଡ୍ରୋନ ଦ୍ୱାରା ପାଟ୍ରୋଲିଂ ହେବ। ଆକାଶରେ ଏହି ଡ୍ରୋନ ୫ଶହ ମିଟର ଉଚ୍ଚରେ ରହି ମାଟି ଉପରେ ନଜର ରଖିବ। ଆଗକୁ ନିୟୋଜିତ କରିବାକୁ ଥିବା ଡ୍ରୋନ ହାଇ ଡେଫିନେସନ କ୍ୟାମେରା ଖଚିତ ହେବା ସହ ଏହା ୫ କିମି ପରିଧି ଭିତରେ ହେଉଥିବା ହରକତକୁ କ୍ୟାପଚର କରିବା ମୁଖ୍ୟତଃ ରାଜଧାନୀରେ ବିଭିନ୍ନ ପର୍ବ ପର୍ବାଣୀ, ଆନ୍ଦୋଳନ, ରାଲି ପରି ବିଭିନ୍ନ ଜନ ଗହଳି ସୃଷ୍ଟିକାରୀ ଘଟଣାକ୍ରମରେ ପୋଲିକୁ ସହାୟକ ହେବ ବୋଲି ପ୍ରତୀକ ସିଂହ କହିଛନ୍ତି।

ସେ ଆହୁରି କହିଛନ୍ତି କି, ବର୍ତ୍ତମାନ କମିଶନରେଟ ପୁଲିସ ପାଖରେ ଗୋଟିଏ ଡ୍ରୋନ ରହିଛି। ଆବଶ୍ୟକ ପଡ଼ିଲେ ଆହୁରି ଡ୍ରୋନ ଅଣାଯାଇ ବ୍ୟବହାର କରିବାର ବ୍ୟବସ୍ଥା କରାଯିବ। ଏଥିପାଇଁ କର୍ମଚାରୀଙ୍କୁ ଟ୍ରେନିଂ ଦିଆଯାଉଛି। ରାଜଧାନୀରେ ହକି ଓ ଫୁଟବଲ ଇଭେଣ୍ଟ ଡ୍ରୋନକୁ ବ୍ୟବହାର କରାଯାଇପାରିବ। କଣ୍ଟ୍ରୋଲ ରୁମ୍‌ରେ ବସି ଇଭେଣ୍ଟ ଉପରେ ନଜର ରଖାଯାଇପାରିବ। ୨୦୨୪ ନିର୍ବାଚନ ସମୟରେ ଡ୍ରୋନ କ୍ୟାମେରା ବ୍ୟବହାର କରାଯିବ ବୋଲି ଡିସିପି ସୂଚନା ଦେଇଛନ୍ତି।

ଏପରି ହେଲେ ଭୁବନେଶ୍ୱରର ରାସ୍ତା ଘାଟ ଓ ଗଳି କନ୍ଦିରେ କୌଣସି ଘଟଣା ଘଟିଲେ ଡ୍ରୋନ ଉପରେ ନଜର ରଖିଥିବା କଣ୍ଟ୍ରୋଲ ରୁମକୁ ତୁରନ୍ତ ସୂଚନା ମିଳିବ ଓ ସଠିକ ସମୟରେ ସନ୍ଦିଗ୍ଧ ବ୍ୟକ୍ତିକୁ କାବୁ କରିବାରେ ପୋଲିସ ସଫଳ ହୋଇପାରିବ ବା ବଡ ଧରଣର ଅଘଟଣକୁ ଏଡାଇ ପାରିବ ବୋଲି ଆଶା କରାଯାଉଛି।
ଆସନ୍ତା କାଲି ବିଭିନ୍ନ ଜିଲ୍ଲାକୁ କାଳବୈଶାଖୀ ସମ୍ଭାବନା

ରାଜ୍ୟକୁ କାଳ ବୈଶାଖୀ ସହ ବଜ୍ରପାତ ସମ୍ଭାବନା। ରବିବାର ମଧ୍ୟାହ୍ନ ସୁଦ୍ଧା ରାଜ୍ୟର ବହୁ ଜିଲ୍ଲାରେ ଘଡଘଡି ସହ ବର୍ଷା ଓ ଘୂର୍ଣ୍ଣିଝଡ ହେବା ନେଇ ସୂଚନା ଦେଇଥି ପାଣିପାଗ ବିଭାଗ। ସୂଚନା ମୁତାବକ, ଛତିଶଗଡ଼ ଉପର ଦେଇ ପଶ୍ଚିମ ବିହାରରୁ ଉତ୍ତର ତେଲେଙ୍ଗାନା ପର୍ଯ୍ୟନ୍ତ ସମୁଦ୍ର ପତନଠାରୁ ୦.୯ କିଲୋମିଟର ଉଚ୍ଚତାରେ ଏକ ଲଘୁଚାପ ବଳୟ ସୃଷ୍ଟି ହୋଇଛି। ଏହାର ପ୍ରଭାବରେ ଆସନ୍ତା କାଲି (ରବିବାର) ମଧ୍ୟାହ୍ନ ସୁଦ୍ଧା ଉତ୍ତର, ଦକ୍ଷିଣ, ଆଭ୍ୟନ୍ତର, ଉପକୂଳ ଓ କେନ୍ଦ୍ରୀୟ ଓଡ଼ିଶାର ପ୍ରାୟ ସବୁ ଜିଲ୍ଲାରେ ଘଣ୍ଟା ପ୍ରତି ୩୦- ୫୦ କିଲୋମିଟର ବେଗରେ ପବନ ବହିବ।

ଏଥିସହ ଏହି ସମୟରେ ବଜ୍ରପାତ, ଘଡ଼ଘଡ଼ି ସହ କାଳବୈଶାଖୀ ହେବାର ସମ୍ଭାବନା ରହିଥିବା ଭୁବନେଶ୍ୱରସ୍ଥିତ ଆଞ୍ଚଳିକ କେନ୍ଦ୍ର ପକ୍ଷରୁ ସୂଚନା ଜାରି କରାଯାଇଛି। ଓଡ଼ିଶାର ଅନ୍ୟ ଜିଲ୍ଲାରେ ମଧ୍ୟ ବଜ୍ରପାତ ସହ ହାଲୁକାରୁ ମଧ୍ୟମ ଧରଣର ବର୍ଷା ହୋଇପାରେ। ରାଜ୍ୟର ବିଭିନ୍ନ ସ୍ଥାନରେ ବଜ୍ରପାତ ସମ୍ଭାବନା ଥିବାରୁ, ଲୋକଙ୍କୁ ସତର୍କ ରହିବା ସହ ପାଣିପାଗ ଉପରେ ନଜର ରଖିବାକୁ ପରାମର୍ଶ ଦିଆଯାଇଛି। ଆହୁରି ଘଡଘଡି ଓ ବିଜୁଳି ସମୟରେ ଗଛ ଓ ଖାଲି ଜାଗାରେ ନ ରହି କୌଣସି ସୁରକ୍ଷିତ ସ୍ଥାନରେ ଆଶ୍ରୟ ନେବାକୁ ପରାମର୍ଶ ଦିଆଯାଇଛି।

ସେହିପରି ଓଡ଼ିଶାର ଜିଲ୍ଲାଗୁଡ଼ିକରେ ଆସନ୍ତା ୫ ଦିନ ଭିତରେ ଦିନର ସର୍ବୋଚ୍ଚ ତାପମାତ୍ରାରେ କୌଣସି ବଡ଼ ପରିବର୍ତ୍ତନ ହେବ ନାହିଁ। ଆସନ୍ତା ୨୪ ଘଣ୍ଟା ଭିତରେ ଗୋଟିଏ କିମ୍ବା ଦୁଇଟି ସ୍ଥାନରେ ସର୍ବାଧିକ ତାପମାତ୍ରା ୪୨ ଡିଗ୍ରି କିମ୍ବା ତା’ଠାରୁ ଅଧିକ ହେବାର ସମ୍ଭାବନା ଦେଖାଦେଇଛି। ପରବର୍ତ୍ତୀ ସମୟରେ ସୁନ୍ଦରଗଡ଼, ସମ୍ବଲପୁର, ଅନୁଗୁଳ, ବୌଦ୍ଧ, ସୋନପୁର, ବରଗଡ଼, ବଲାଙ୍ଗୀର, କଳାହାଣ୍ଡି ଓ ଝାରସୁଗୁଡ଼ା ପରି ରାଜ୍ୟର ଆଭ୍ୟନ୍ତରୀଣ କେତେକ ଜିଲ୍ଲାର କିଛି ସ୍ଥାନରେ ତାପମାତ୍ରା ବୃଦ୍ଧି ପାଇବ।

ତେଣୁ, ଏହି ସବୁ ଜିଲ୍ଲାରେ ଲୋକମାନଙ୍କୁ ଦିନ ୧୧ଟାରୁ ଅପରାହ୍ନ ୩ଟା ଭିତରେ ଘରୁ ନ ବାହାରିବାକୁ କୁହାଯାଇଛି। ଯଦି ନିହାତି ଦରକାର, ବାହାରକୁ ଗଲେ ସତର୍କତା ଅବଲମ୍ବନ କରିବାକୁ ପରାମର୍ଶ ଦିଆଯାଇଛି।
କର୍ଣ୍ଣାଟକ ନାଟକ ଶେଷ, ମୁଖ୍ୟମନ୍ତ୍ରୀ ଭାବେ ଶପଥ ନେଲେ ସିଦ୍ଧରମୈୟା

ସମସ୍ତ କଳ୍ପନା ଜଳ୍ପନାର ଅନ୍ତ ଘଟିଛି । କର୍ଣ୍ଣାଟକର ଜନସାଧାରଣ ପାଇଛନ୍ତି ତାଙ୍କର ନୂଆ ମୁଖ୍ୟମନ୍ତ୍ରୀ । ଆଜି ଦ୍ବିତୀୟ ଥର ଲାଗି ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ସିଦ୍ଧରମୈୟା । ସେହିପରି ଉପମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ଡି.କେ ଶିବକୁମାର । ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀଙ୍କ ସମେତ ଆହୁରି ୮ ଜଣ ମନ୍ତ୍ରୀ ମଧ୍ୟ ଶପଥ ନେଇଛନ୍ତି ।

କଂଗ୍ରେସର ଦୁଇଜଣ ଟାଣୁଆ ନେତା ହେଉଛନ୍ତି ଡିକେ ଶିବକୁମାର ଏବଂ ସିଦ୍ଧରମୈୟା । ଦୁହିଙ୍କୁ ମଧ୍ୟରେ ମୁଖ୍ୟମନ୍ତ୍ରୀ ପଦକୁ ନେଇ ଚାଲିଥିବା ଟଣାଓଟରା ଶେଷ ହୋଇଛି । ଦୁଇ ଜଣ ହେଭିଓ୍ବେଟଙ୍କ ମଧ୍ୟରେ ସମନ୍ବୟ ରକ୍ଷା କରି ମନ୍ତ୍ରିମଣ୍ଡଳ ଗଠନ ହୋପାରିଛି । ଏସସି ବର୍ଗରୁ ଜି. ପରମେଶ୍ବର ଓ କେଏଚ ମୁନିୟାପ୍ପାଙ୍କୁ ମନ୍ତ୍ରିମଣ୍ଡଳରେ ସାମିଲ କରାଯାଇଥିବା ବେଳେ ସଂଖ୍ୟାଲଘୁ ଖ୍ରୀଷ୍ଟିଆନ ବର୍ଗର କେଜେ ଜର୍ଜ, ଲିଙ୍ଗାୟତ ସମ୍ପ୍ରଦାୟର ଏମବି ପାଟିଲ ମନ୍ତ୍ରିମଣ୍ଡଳରେ ସାମିଲ ହୋଇଛନ୍ତି । ସେହିପରି ଏସଟି ବାଲ୍ମିକୀ ବର୍ଗର ସତୀଶ ଜାର୍କିଖୋଲି, ଏସସି ବର୍ଗର ତଥା ଏଆଇସିସି ସଭାପତି ମଲ୍ଲିକାର୍ଜୁନ ଖଡଗେଙ୍କ ପୁଅ ପ୍ରିୟଙ୍କ ଖଡ଼ଗେ, ରେଡ୍ଡୀ ବର୍ଗର ରାମଲିଙ୍ଗା ରେଡ୍ଡୀ, ସଂଖ୍ୟାଲଘୁ ମୁସଲିମ ବର୍ଗର ବିଜେ ଜମିର ଅହମ୍ମଦ ଖାନ ମଧ୍ୟ ଶପଥ ନେଇଛନ୍ତି ।

ଏହି ଭବ୍ୟ ଶପଥଗ୍ରହଣ ଉତ୍ସବରେ ସାମିଲ ହୋଇଥିଲେ କଂଗ୍ରେସ ନେତା ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ ଭଦ୍ରା, ଏଆଇସିସି ସଭାପତି ମଲ୍ଲିକାର୍ଜୁନ ଖଡ଼ଗେ, ବିହାର ମୁଖ୍ୟମନ୍ତ୍ରୀ ନୀତିଶ କୁମାର, ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ, ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ ସୁଖବିନ୍ଦର ସୁଖୁ, ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବଘେଲ, ଏନସିପି ନେତା ଶରଦ ପାଓ୍ବାର ପ୍ରମୁଖ । ଏହି ଶପଥଗ୍ରହଣକୁ ଉତ୍ସକୁ ନେଇ ସେପଟେ ବିଜେପି କଟାକ୍ଷ କରିଛି ।
ସିବିଆଇ ବିରୁଦ୍ଧରେ ସୁପ୍ରିମକୋର୍ଟ ଯିବେ ଟିଏମସି ନେତା ଅଭିଷେକ ବାନାର୍ଜୀ

ଟିଏମସି ଜାତୀୟ ମହାସଚିବ ତଥା ସାଂସଦ ଅଭିଷେକ ବାନାର୍ଜୀ ଶନିବାର କୁନ୍ତଲ ମନିଫେଷ୍ଟୋ ମାମଲାରେ ପଚରାଉଚରା ପାଇଁ ସିବିଆଇ କାର୍ଯ୍ୟାଳୟରେ ପହଞ୍ଚିଛନ୍ତି । ବାନାର୍ଜୀଙ୍କୁ ସିବିଆଇ ପକ୍ଷରୁ ସମନ ଜାରି କରାଯାଇଥିଲା, ଯେଉଁଥି ପାଇଁ ତାଙ୍କୁ ସିବିଆଇ କାର୍ଯ୍ୟାଳୟରେ ପହଞ୍ଚିବାକୁ ପଡିଥିଲା । ଏହି ସମୟରେ ଅଭିଷେକ ବାନାର୍ଜୀ କହିଛନ୍ତି ଯେ, କଲିକତା ହାଇକୋର୍ଟଙ୍କ ଆଦେଶକୁ ଚ୍ୟାଲେଞ୍ଜ କରି ସେ ସୁପ୍ରିମକୋର୍ଟ ଯିବେ ଯେଉଁଥିରେ, କୁନ୍ତଲ ଘୋଷ ଚିଠି ମାମଲାରେ ଇଡି ଏବଂ ସିବିଆଇ ତାଙ୍କୁ ପଚରାଉଚରା କରିବାକୁ ଅନୁମତି ଦେଇଥିଲେ ।

ସିବିଆଇ ଶିକ୍ଷକ ନିଯୁକ୍ତି ଦୁର୍ନୀତିର ତଦନ୍ତ ପାଇଁ ଅଭିଷେକ ବାନାର୍ଜୀଙ୍କୁ ପଚରାଉଚରା କରିବାକୁ ଚାହୁଁଛି । ସିବିଆଇର ଡେପୁଟି ସୁପରିଟେଣ୍ଡେଣ୍ଟଙ୍କ ଦ୍ୱାରା ହରିଶ ମୁଖାର୍ଜୀ ସ୍ଥିତ ଅଭିଷେକଙ୍କ ବାସଭବନକୁ ସମନ ପଠାଯାଇଥିଲା । ସମନରେ ଅଭିଷେକଙ୍କୁ ଶନିବାର ଦିନ ୧୧ଟା ସୁଦ୍ଧା ସିବିଆଇ ସମ୍ମୁଖରେ ହାଜର ହେବାକୁ ନିର୍ଦ୍ଦେଶ ଦିଆଯାଇଥିଲା ।

ସମନକୁ ସ୍ବିକାର କରି ଅଭିଷେକ ଟ୍ୱିଟ୍ କରିଛନ୍ତି ଯେ, ଏହି ଘଟଣାକୁ ଧାନ ନଦେଇ ମୁଁ ଲୋକଙ୍କ ସେବା ଜାରି ରଖିବାକୁ ଚେଷ୍ଟା କରିବି । ଶୁକ୍ରବାର ଦିନ ସିବିଆଇକୁ ଚ୍ୟାଲେଞ୍ଜ କରି ଅଭିଷେକ କହିଥିଲେ, ଯଦି ତାଙ୍କ ବିରୋଧରେ ଦୁର୍ନୀତି କିମ୍ବା ଅସଦାଚରଣର କୌଣସି ପ୍ରମାଣ ରହିଛି ତେବେ ତାଙ୍କୁ ଗିରଫ କରାଯାଉ ।

ବାଂକୁଡା ଠାରେ ଆୟୋଜିତ ଏକ ରାଲିରେ ଅଭିଷେକ ବାନାର୍ଜୀ କହିଥିଲେ ଯେ, ମୁଁ ସିବିଆଇକୁ ଚ୍ୟାଲେଞ୍ଜ କରୁଛି ଯେ ସେମାନେ ଗତ କିଛି ବର୍ଷ ହେବ ବେଙ୍ଗଲରେ ଅନେକ ମାମଲାର ତଦନ୍ତ କରୁଛନ୍ତି । ଯଦି ମୋ ବିରୁଦ୍ଧରେ ଦୁର୍ନୀତିର କୌଣସି ପ୍ରମାଣ ଅଛି, ତେବେ ସେମାନେ ମୋତେ ଗିରଫ କରିବା ଉଚିତ୍ ।

କଲିକତା ହାଇକୋର୍ଟର ଏକ ବେଞ୍ଚ ଶୁକ୍ରବାର ଦିନ ତୃଣମୂଳ କଂଗ୍ରେସର ଜାତୀୟ ସାଧାରଣ ସମ୍ପାଦକ ଅଭିଷେକ ବାନାର୍ଜୀଙ୍କ ଏକ ଆବେଦନର ତତ୍କାଳ ଶୁଣାଣୀ କରିବାକୁ ମନା କରିଦେଇଥିଲେ, ଯେଉଁଥିରେ ସେ ସିଙ୍ଗଲ ବେଞ୍ଚର ଆଦେଶକୁ ଚ୍ୟାଲେଞ୍ଜ କରିଥିଲେ । ଏହାପରେ ସେ ସୁପ୍ରିମକୋର୍ଟକୁ ଯିବା ବିଷୟରେ କହିଥିଲେ । ଏହି ମାମଲାରେ ସିଙ୍ଗଲ୍ ବେଞ୍ଚ କହିଛି ଯେ, ଅଭିଷେକଙ୍କୁ ଦିଆଯାଇଥିବା ବିଜ୍ଞପ୍ତି ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସିବିଆଇ ଉପରେ କୌଣସି ପ୍ରତିବନ୍ଧକ ନାହିଁ।

ଏହି ଦୁର୍ନୀତିର ଅନ୍ୟତମ ଅଭିଯୁକ୍ତ କୁନ୍ତଲ ଘୋଷଙ୍କ ଅଭିଯୋଗରେ ଅଭିଷେକଙ୍କ ନାମ ସାମ୍ନାକୁ ଆସିଥିଲା । ଏଥିସହିତ ଘୋଷ ଅଭିଯୋଗ କରିଛନ୍ତି ଯେ, ନିଯୁକ୍ତି ସ୍କାମରେ ଅଭିଷେକଙ୍କ ନାମ ରଖିବାକୁ କେନ୍ଦ୍ରୀୟ ଏଜେନ୍ସି ମାନେ ଚାପ ପକାଉଛନ୍ତି ।
ଆରମ୍ଭ ହେଲା କି ଶୀତଳ ଯୁଦ୍ଧ, କାହିଁକି ଓବାମା ଯାଇପାରିବେ ନାହିଁ ଆଉ ରୁଷ ?

ଆମେରିକାକୁ ନେଇ ରୁଷ ତାର କଡା ଆଭିମୁଖ୍ୟ ଦେଖାଇଛି । ରୁଷ ଆଉ ଆମେରିକା ମଧ୍ୟରେ ଥିବା ତିକ୍ତତା କାହାକୁ ଅଛପା ନାହିଁ । ଦୁଇ ଦେଶ ମଧ୍ୟରେ ବାରମ୍ବାର ଚୀନ ଏବଂ ଅନ୍ୟାନ୍ୟ ଦେଶକୁ ପରିସ୍ଥିତି ବିଗିଡିଛି । ଆଉ ଏବେ ରୁଷ ଏକ ବଡ ପଦକ୍ଷେପ ନେଇଛି । ରୁଷ କହିଛି ଏଣିକି ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମାଙ୍କୁ ରୁଷ ମନା । ରୁଷ ଯିବା ଉପରେ ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମାଙ୍କ ଉପରେ ପ୍ରତିବନ୍ଧକ ଲାଗିଛି । ଖାଲି ଓବାମା ନୁହନ୍ତି ତାଙ୍କ ସହ ୫୦୦ ଜଣ ଅନ୍ୟ ଆମେରିକା ନାଗରିକଙ୍କ ଉପରେ ଏହି ପ୍ରତିବନ୍ଧକ ଲାଗିଛି ।

ଆମେରିକା ତରଫରୁ ରୁଷ ଉପରେ ଲଗାଯାଇଥିବା ପ୍ରତିବନ୍ଧକର ଜବାବ ଦେଇ ରୁଷ ସରକାର ଏପରି ନିଷ୍ପତି ନେଇଛନ୍ତି । ଆପଣ ଜାଣିଛନ୍ତି ଦୀର୍ଘ ଦିନ ଧରି ଆମେରିକା ଓ ରୁଷିଆ ମଧ୍ୟରେ ତୁ ତୁ ମେଁ ମେଁ ଲାଗି ରହିଛି । ପରିସ୍ଥିତି ସେତେବେଳେ ଆହୁରି ଜଟିଳ ହୋଇଥିଲା ଯେତେବେଳେ ୟୁକ୍ରେନ୍ ଉପରେ ରୁଷର ଆକ୍ରମଣ କରିଥିଲା । ଯୁଦ୍ଧ ପରଠାରୁ ଆମେରିକା ରୁଷ ଉପରେ ଉଭୟ କୂଟନୈତିକ ଓ ଅର୍ଥନୈତିକ ଚାପ ମଧ୍ୟ ଅନେକ ଥର ପକାଇଛି ।

ରୁଷ-ୟୁକ୍ରେନ ଯୁଦ୍ଧ ଚାଲିଥିବା ବେଳେ ଆମେରିକା ୟୁକ୍ରେନକୁ ଯୁଦ୍ଧରେ ବହୁଳ ପରିମାଣର ଅସ୍ତ୍ରଶସ୍ତ୍ର ଯୋଗାଉଥିବା ନେଇ ଅନେକ ଥର ଅଭିଯୋଗ ଆଣିଛି ରୁଷ । ଏକ ଜାତୀୟ ଗଣମାଧ୍ୟମ ରିପୋର୍ଟ ମୁତାବକ, ରୁଷ ମନ୍ତ୍ରଣାଳୟ ଏକ ବୟାନରେ କହିଛି ଯେ, ରୁଷ ବୈଦେଶିକ ମନ୍ତ୍ରୀ ସର୍ଗେଇ ଲାବରୋଭ ଓ ତାଙ୍କ ସହ ଯାଉଥିବା ଗଣମାଧ୍ୟମକୁ ଆମେରିକା ଯାତ୍ରା ପାଇଁ ଭିସା ଦେବାକୁ ଗତ ମାସରେ ଆମେରିକା ମନା କରିଦେଇଥିଲା । କେବଳ ସେତିକି ନୁହେଁ ଶୁକ୍ରବାର ଦିନ ଆମେରିକା ଅନେକ ରୁଷ କମ୍ପାନୀ ଓ ବ୍ୟକ୍ତିବିଶେଷଙ୍କୁ ବ୍ୟାନ୍ କରିଥିଲା । ଏହାପରେ ପ୍ରତିଶୋଧ ନେବା ପାଇଁ ମସ୍କୋ ଅନାଇ ବସିଥିଲା । ସେହିପରି ବାଇଡେନ୍ ପ୍ରଶାସନ ନିୟମିତ ଭାବେ ରୁଷ ବିରୋଧରେ କଟକଣା ଜାରି ରଖିଛି । ଯାହାର ଜବାବ ଦେବାକୁ ଯାଇ ଏବେ କାଯ୍ୟାନୁଷ୍ଠାନ ନେଇଥିବା କହିଛି ରୁଷ ମନ୍ତ୍ରାଳୟ । ତେଣୁ ଏ ବିବାଦ କେତେବାଟ ଆଗେଇ ପାରେ ତାହା ଉପରେ ସମସ୍ତଙ୍କ ନଜର । କାରଣ ଆଜି ବି ଲକମାନେ ଆମେରିକା-ରୁଷିଆ ଭିତରେ ହୋଇଥିବା ଶୀତଳ ଯୁଦ୍ଧକୁ ଭୁଲିପାରି ନାହାନ୍ତି ।
ଜାଣିଛନ୍ତି କି ଆମ ମୁଖ୍ୟମନ୍ତ୍ରୀଙ୍କ ପାଖେ କେତେ ଟଙ୍କା ରହିଛି?

ମୁଖ୍ୟମନ୍ତ୍ରୀ ଦେଇଥିବା ସତ୍ୟପାଠ ଅନୁଯାୟୀ ଦିଲ୍ଲୀର ଜନପଥରେ ଥିବା ବ୍ୟାଙ୍କ ଅଫ୍‌ ଇଣ୍ଡିଆରେ ୭୦ ଲକ୍ଷ ଟଙ୍କା, ଭୁବନେଶ୍ବରର ଏସ୍‌ବିଆଇରେ ୨୦ ଲକ୍ଷ ୮୭ ହଜାର, ହିଞ୍ଜିଳିକାଟୁ କଲେଜ କ୍ୟାମ୍ପସ୍‌ ଏସ୍‌ବିଆଇରେ ୭ ହଜାର ଓ ଅନ୍ୟ ଏକ ଆକାଉଣ୍ଟ୍‌ରେ ୧୪ ହଜାର ଟଙ୍କା ରହିଛି। ଏଚ୍‌ଡିଏଫ୍‌ସି ବ୍ୟାଙ୍କରେ ୧ କୋଟି ଟଙ୍କାର ଫିକ୍ସ୍‌ଡ୍‌ ଡିପୋଜିଟ୍‌ ରହିଛି। ଏହା ବାଦ୍ ୯ କୋଟି ଟଙ୍କାର ଆର୍‌ବିଆଇ ବଣ୍ଡ୍‌ ଓ ପୋଷ୍ଟ୍‌ ଅଫିସ୍‌ରେ ଦେଢ଼ କୋଟି ଟଙ୍କାର ଟର୍ମ ଡିପୋଜିଟ୍‌ ରହିଛି। ଦିଲ୍ଲୀ ଲୋଧି ରୋଡ୍‌ର ପୋଷ୍ଟ ଅଫିସ୍‌ରେ ୬ ଲକ୍ଷ ୯୬ ହଜାର ଟଙ୍କା ରହିଛି।

ସେହିପରି ନବୀନଙ୍କ ପାଖରେ ସାଢ଼େ ତିନି ଲକ୍ଷ ଟଙ୍କାର ସୁନା ଗହଣା ଥିଲା ବେଳେ ୧୯୮୦ ମସିହାର ଏକ ଆମ୍ବାସଡର୍‌ କାର୍‌ ରହିଛି। ନବୀନ ନିବାସରେ ମୁଖ୍ୟମନ୍ତ୍ରୀଙ୍କର ଦୁଇ ତୃତୀୟାଂଶ ସେୟାର ଅଛି, ଯାହାର ମୂଲ୍ୟ ୯ କୋଟି ୫୨ ଲକ୍ଷ ୪୬ ହଜାର ଟଙ୍କା ହେବ। ଦିଲ୍ଲୀର ଏପିଜେ ଅବଦୁଲ୍‌ କଲାମ୍‌ ରୋଡ୍‌ରେ ଥିବା ସମ୍ପତ୍ତିରେ ନବୀନଙ୍କର ୫୦ ପ୍ରତିଶତ ସେୟାର ରହିଛି। ଏହାର ବର୍ତ୍ତମାନର ମୂଲ୍ୟ ୪୩ କୋଟି ୩୬ ଲକ୍ଷ ୧୮ ହଜାରଟଙ୍କା ହେବ। ନବୀନଙ୍କର ଉପରେ କିଛି ଋଣ ଭାର ନାହିଁ ବୋଲି ତଥ୍ୟ ପ୍ରକାଶ ପାଇଛି ।