Category: ମୁଖ୍ୟ ଖବର

ଜଣେ ବ୍ୟକ୍ତିର ବୟସ ଆସି ଛୂଇଁଲାଣି ୬୮ । ହେଲେ ସବୁଠୁ ବିଚିତ୍ର କଥା ହେଉଛି ତାଙ୍କର ୧୨ ଜଣ ସ୍ତ୍ରୀ ରହିଛନ୍ତି । ଖାଲି କଣ ସେତିକ ତାଙ୍କର ତାଙ୍କର ୧୦୨ଟି ପିଲା ମଧ୍ୟ ରହିଛନ୍ତି । ଆଉ ନାତୀନାତୁଣୀ ଯେତିକି ଅଛନ୍ତି ସେଥିରେ ଗୋଟିଏ ଗାଁ ତିଆରି ହୋଇଯିବ । ତାଙ୍କର ଏପର୍ଯ୍ୟନ୍ତ ୫୭୮ ଜଣ ନାତି-ନାତୁଣୀ ରହିଛନ୍ତି । ସବୁଠୁ ଆଶ୍ଚର୍ଯ୍ୟ କଥା ହେଉଛି ସମସ୍ତେ ଗୋଟିଏ ଘରେ ମିଳିମିଶି ରହୁଛନ୍ତି । ୟୁଗାଣ୍ଡାର ଏହି ବ୍ୟକ୍ତିଙ୍କ ନାମ ହେଉଛି ମୁସା ହସାହ୍ୟା କସେରା । ସେ ଏହା ମଧ୍ୟ ସ୍ବିକାର କରିଛନ୍ତି ଯେ ସେ କେବେ ବି ଗର୍ଭ ନିରୋଧକର ସାହାରାା ନେଇ ନାହାନ୍ତି । କିନ୍ତୁ ସେ ତାଙ୍କ ପତ୍ନୀଙ୍କୁ ନିୟନ୍ତ୍ରଣ କରିବା ପାଇଁ ବଟିକା ଦେଉଥିଲେ ।

ଏକ ମିଡିଆ ରିପୋର୍ଟ ମୁତାବକ ମୁସା ନିଜ କହିଛନ୍ତି, ମୋର ପ୍ରଥମ ଏବଂ ଶେଷରେ ଜନ୍ମ ହୋଇଥିବା ପିଲାର ନାମ ମନେ ରଖିବା ମୋ ପାଇଁ ଏକ ବଡ ଚ୍ୟାଲେଞ୍ଜ, ଆଉ କିଛିପିଲାଙ୍କୁ ତ ମୁଁ ଭୁଲିଯାଇଛି ତାଙ୍କ ନାମ ମଧ୍ୟ ମନେ ନାହିଁ । ଏକ ରିପୋର୍ଟ ମୁତାବକ, ମୁସା ମାତ୍ର ୧୭ ବର୍ଷର ହୋଇଥିବା ବେଳେ ୧୯୭୨ ମସିହାରେ ପ୍ରଥମ ବିବାହ କରିଥିଲେ । ହେଲେ ତାଙ୍କ ସମ୍ପର୍କୀୟ ମାନେ ତାଙ୍କୁ ଅଧିକ ବିବାହ କରି ବଂଶ ବିସ୍ତାର ପାଇଁ ପରାମର୍ଶ ଦେଉଥିଲେ ।

ସମ୍ପର୍କୀୟଙ୍କ କଥାରେ ସେ ବବାହ କରିଥିଲେ ସତ ହେଲେ ଏବେ ସେ ଅନୁତାପ କରୁଛନ୍ତି । କାରଣ ଏତେ ପିଲାଙ୍କ ଭରଣ ପୋଷଣ, ଶିକ୍ଷା, ପୋଷାକ ଆଦିର ଖର୍ଚ୍ଚ ଉଠାଇବା ତାଙ୍କ ପାଇଁ ସମ୍ଭବ ହେଉନାହିଁ । ତାଙ୍କର ଦୁଇଟି ସ୍ତ୍ରୀ ତାଙ୍କୁ ମଧ୍ୟ ଛାଡି ଦେଇଛନ୍ତି । ମୁସା କହିଛନ୍ତି ମତେ ଆଉ ପିଲା ଜନ୍ମ କରିବାର ନାହିଁ, କାହିଁକି ନା ଏତେ ପିଲା ଜନ୍ମ କରି ମୋ ଦାୟିତ୍ବହୀନ କାର୍ଯ୍ୟରୁ ମୁଁ ଶିକ୍ଷା ନେଇଛି, ଯେ ସେମାନଙ୍କ ଯତ୍ନ ନେବାକୁ ଅକ୍ଷମ । ମୁସା ଆହୁରି କହିଛନ୍ତି, ଦିନକୁ ଦିନ ମୋ ଦେହ ଖରାପ ହେଉଛି, ଏତେବଡ ପରିବାର ପାଇଁ ମାତ୍ର ଦୁଇ ଏକର ଜମି ରହିଛି, ମୋର ବର୍ତ୍ତମାନ ରୋଜଗାର ନାହିଁ । ବର୍ତ୍ତମାନ ମୁସା ସେହି ଗାଇଁ ପାଇଁ ଏକ ପର୍ଯ୍ୟଟନ ପାଲଟିଯାଇଛନ୍ତି । ୟୁଗାଣ୍ଡାରେ ଜଣେ ପୁରୁଷକୁ ଅନେକ ମହିଳାଙ୍କ ସହିତ ବିବାହ କରିବାର ଆଇନ ରହିଛି ଆଉ ଏହା ଏକ ପାରମ୍ପରିକ ପ୍ରଥା ମଧ୍ୟ ।

ଆଜି ଆମେ ଏପରି ଏକ ଗାଁ ବିଷୟରେ କହିବୁ ଯାହାକୁ ଶୁଣିଲେ ଆପଣ ସହଜରେ ବିଶ୍ବା କରିପାରିବେ ନାହିଁ। ଏଠାରେ ଜନ୍ମ ହେଉଥିବା ପ୍ରତ୍ୟକ ପିଲା ଅନ୍ଧ ହୋଇଯାନ୍ତି । ଅବିଶ୍ବାସ ଲାଗିଲେ ବି କଥାଟି ସତ । କେବଳ ମଣିଷ ଜନ୍ମ ହେଲା ପରେ ଯେ ଦୃଷ୍ଟିହୀନ ହୋଇଯାଆନ୍ତି ତାହା ନୁହେଁ ସେଠାରେ ଜନ୍ମ ହେଉଥିବା ପ୍ରତ୍ୟକ ପଶୁ ମଧ୍ୟ ଦୃଷ୍ଟିଶକ୍ତି ହରାଇ ଅନ୍ଧ ହୋଇଯାନ୍ତି । ଆଉ ଏମିତି ଏକ ଅବଜ ଗାଁ ରହିଛି ମେକ୍ସିକୋରେ ।

ମେକ୍ସିକୋରେ ଥିବା ଏହି ଗାଁଟିର ନାମ ହେଉଛି ଟିଲ୍ଟେପେକ । ଏହି ଗାଁରେ ରହୁଥିବା ଜନଜାତିର ପ୍ରତ୍ୟକ ବ୍ୟକ୍ତି ଅନ୍ଧ । ଏହି ଗାଁକୁ ବିଶ୍ବର ଏକ ରହସ୍ୟମୟ ଗାଁ ଲିଷ୍ଟରେ ରଖାଯାଇଛି । ଯେତେବେଳେ ସେଠାରେ କୌଣସି ପିଲା ଜନ୍ମ ହୁଏ ସେତେବେଳେ ତାର ଆଖି ଠିକ୍ ଥାଏ ହେଲେ ଧିରେ ଧିରେ ତାର ଦୃଷ୍ଟିଶକ୍ତି କମିବା ଆରମ୍ଭ ହୁଏ, ଶେଷରେ ସେ ସମ୍ପୂର୍ଣ୍ଣ ଅନ୍ଧ ହୋଇଯାଏ । ସ୍ଥାନୀୟ ଲୋକଙ୍କ ବିଶ୍ବାସ ଅନୁଯାୟୀ, ସେଠାରେ ଲବଜୁଏଲା ନାମକ ଏକ ଗଛକୁ ଚାହଁଦେଲେ ସମସ୍ତେ ଦୃଷ୍ଟିଶକ୍ତି ହରାନ୍ତି। କିନ୍ତୁ ଏହା ଏକ ଅନ୍ଧବିଶ୍ବାସ । ବୈଜ୍ଞାନିକ ମାନେ ଏହାର କାରଣ ଅନ୍ୟ କିଛି ବୋଲି କୁହନ୍ତି ।

ବୈଜ୍ଞାନିକ ମାନେ କୁହନ୍ତି, ଏଠାରେ ଏକ ବିଶେଷ ପ୍ରଜାତିର ବିଷାକ୍ତ ମାଛି ଦେଖିବାକୁ ମିଳିଥାଏ, ଯିଏ କାମୁଡିବା ଦ୍ବାରା ପଶୁଙ୍କ ଠାରୁ ମଣିଷଙ୍କ ପର୍ଯ୍ୟନ୍ତ ସମସ୍ତେ ଅନ୍ଧ ହେବା ଆରମ୍ଭ କରନ୍ତି । ମେକ୍ସିକାନ ସରକାର ଏଠାକାର ଲୋକଙ୍କ ମଙ୍ଗଳ ପାଇଁ ଅନେକ ପ୍ରୟାସ କରିଛନ୍ତି ହେଲେ ସବୁ ଚେଷ୍ଟା ଫେଲ୍ ମାରିଛି । ଟିଲ୍ଟପେକ ଗାଁରେ ରହୁଥିବା ଆଦିବାସୀ ଲୋକଙ୍କୁ ଅନ୍ୟ ଜାଗାରେ ବସତି କରାଯାଇଥିଲା, ହେଲେ ସେଠାକାର ବାତାବରଣ ପ୍ରତିକୂଳ ହେବାରୁ ସେହି ଲୋକମାନଙ୍କୁ ରହିବାରେ ଅସୁବିଧା ହେଲା । ତେଣୁ ବାଧ୍ୟ ହୋଇ ସେମାନଙ୍କୁ ତାଙ୍କ ପରିସ୍ଥିତିରେ ଛାଡି ଦିଆଯାଇଛି ।

ଶେଷରେ ଏକ ସପ୍ତାହ ବିଳମ୍ବରେ କେରଳ ଛୁଇଁଲା ଦକ୍ଷିଣ-ପଶ୍ଚିମ ମୌସୁମୀ ବାୟୁ । ମୌସୁମୀ କେରଳ ଛୁଇଁବା ପରେ ଆଜି ଆଇଏମ୍‌ଡି ପକ୍ଷରୁ ସୂଚନା ଦିଆଯାଇଛି। ତେବେ ଏହା ପ୍ରଭାବରେ ସ୍ଥାନୀୟ ପାଣିପାଗ କିପରି ଅଛି, ସେ ସମ୍ପର୍କରେ କୌଣସି ସୂଚନା ଭାରତୀୟ ପାଣିପାଗ ବିଭାଗ ଦେଇନାହିଁ।
ସାଧାରଣତଃ କେରଳ ଛୁଇଁବାର ୧୦ ଦିନ ପରେ ମୌସୁମୀ ଓଡ଼ିଶାକୁ ପ୍ରବେଶ କରିଥାଏ। ତେବେ ଚଳିତ ବର୍ଷ ମୌସୁମୀ କେବେ ଓଡ଼ିଶା ଛୁଇଁବ ସେ ନେଇ ଭାରତୀୟ ପାଣିପାଗ ବିଭାଗ ପକ୍ଷରୁ କିଛି ସ୍ପଷ୍ଟ ସୂଚନା ଦିଆଯାଇନି ।
ପାଣିପାଗ ବିଭାଗର ଗଣିତ ଅନୁସାରେ, ଗତ ତିରିଶ ବର୍ଷର ମୌସୁମୀ ପ୍ରବେଶ ତାରିଖର ହାରାହାରି ସଂଖ୍ୟା ବା ତାରିଖ ବାହାର କରାଯାଏ। ରେକର୍ଡ ଅନୁସାରେ କେରଳରେ ମୌସୁମୀ ପ୍ରବେଶ ତାରିଖ ମେ ତିରିଶ ନଚେତ୍ ଜୁନ ଏକ ହୋଇଥାଏ। ସେହିପରି କେରଳରୁ ଓଡ଼ିଶାକୁ ପ୍ରବେଶ ପାଇଁ ଏହା ଦଶ ଦିନ ନେଇଥାଏ। ମାନେ ଜୁନ ଦଶରେ ଓଡ଼ିଶାକୁ ମୌସୁମୀ ପ୍ରବେଶ କରିବାର ଏକ ରେକର୍ଡ ରହି ଆସିଛି।
ସାଧାରଣତଃ ପ୍ରତି ବର୍ଷ ମୌସୁମୀ ଜୁନ୍‌ ପହିଲା ସୁଦ୍ଧା କେରଳରେ ଓ ୧୨ ତାରିଖ ସୁଦ୍ଧା ଓଡ଼ିଶା ଛୁଇଁଥାଏ । ଗତବର୍ଷ ମେ’ ୨୯ ତାରିଖରେ ମୌସୁମୀ କେରଳ ଛୁଇଁଥିଲା। ୨୦୨୧ରେ ଏହା ଜୁନ ୩ ଓ ୨୦୨୦ରେ ମୌସୁମୀ ଜୁନ ୧ରେ କେରଳରେ ତା’ର ଉପସ୍ଥିତି ଜାହିର କରିଥିଲା। ମାତ୍ର ଚଳିତ ବର୍ଷ କେରଳକୁ ସପ୍ତାହେ ଡେରିରେ ଆସିଥିବାରୁ ଓଡ଼ିଶାରେ ବି ଡେରି ହେବ ବୋଲି ଆକଳନ କରିଛନ୍ତି ପାଣିପାଗ ବିଜ୍ଞାନୀ ।  କିନ୍ତୁ କେବେ ଓଡ଼ିଶା ଛୁଇଁବ ସେ ନେଇ ନିର୍ଦ୍ଦିଷ୍ଟ ଭାବେ କିଛି ସୂଚନା ଦିଆଯାଇ ନାହିଁ।
ତେବେ ଏଥର ରଜ ସରିଲେ ଅର୍ଥାତ ୧୬ ତାରିଖ ପରେ ମୌସୁମୀ ଓଡ଼ିଶା ଛୁଇଁବା ଆକଳନ କରାଯାଉଛି। ତେଣୁ ଚଳିତ ବର୍ଷ ରଜରେ ଲୋକେ ଅସହ୍ୟ ଗରମ ଓ ଗୁଳୁଗୁଳିରେ ଛଟପଟ ହେବେ ବୋଲି ଆଶଙ୍କା ପ୍ରକାଶ ପାଇଛି।  

ଦୁନିଆରେ ଅନେକ ରହସ୍ୟମୟ ଜିନିଷ ଦେଖିବାକୁ ମିଳିଥାଏ । ବହୁତ ଅଜବ ଜିନିଷ ଏହି ଧରିତ୍ରୀପୃଷ୍ଠରେ ରହିଛି, ଯାହା ଶୁଣିଲେ ଆମକୁ ଆଶ୍ଚର୍ଯ୍ୟ ଲାଗେ । ଆଜି ଆମେ ସେପରି ଏକ ଅଜବ କଥା ଆପଣଙ୍କୁ ଶୁଣାଇବୁ, ଯାହାକୁ ଶୁଣିଲେ ଆପଣ କହିବେ ସତରେ କଣ ଏମିତି ଅଛି । ଗୋଟିଏ ରହସ୍ୟମୟ ଗାଁ ରହିଛି ଯେଉଁଠାରେ କେବେ ବି ବର୍ଷା ହୁଏନାହିଁ । ବିଶ୍ବାସ ହେଉନଥିଲେ ବି କଥାଟି ନିରାଟ ସତ ।

ୟେମେନ୍ ରାଜଧାନୀ ସନା ଠାରେ ଏହି ଗାଁଟି ରହିଥିବା ବିଭିନ୍ନ ଗଣମାଧ୍ୟମ ରିପୋର୍ଟରେ କୁହାଯାଉଛି । ଏହି ଗାଁର ନାମ ହେଉଛି ଅଲ-ହୁତୈବ । ଏହା ଭିଷଣ ଗରମ ଅଞ୍ଚଳ । କିନ୍ତୁ, ଶିତ ଋତୁରେ ସକାଳ ଅତ୍ୟନ୍ତ ଥଣ୍ଡା ଲାଗିଥାଏ । ଗ୍ରୀଷ୍ମ ଋତୁରେ ଏଠାକାର ଲୋକମାନେ ପ୍ରବଳ ଗରମର ସମ୍ନା କରିଥାନ୍ତି । ଏତେ ଗରମ ସତ୍ତ୍ବେ ଏହି ଗାଁରେ ଜମା ବି ବର୍ଷା ହୁଏନାହିଁ । ଏପରି ହେବାର ଏକ ବୈଜ୍ଞାନିକ କାରଣ ମଧ୍ୟ ରହିଛି ଯାହା ଅତ୍ୟନ୍ତ ଖାସ ।

ଏହି ଗ୍ରାମଟି ପୃଥିବୀ ପୃଷ୍ଠରୁ ୩,୨୦୦ ମିଟର ଉଚ୍ଚରେ ଅବସ୍ଥିତ । ସ୍ଥାନୀୟ ରିପୋର୍ଟ ମୁତାବକ ବାଦଲ ୨୦୦୦ ମିଟର ଉପରେ ସୃଷ୍ଟି ହୋଇଥାଏ । ଏହାର ଅର୍ଥ ବାଦଲ ବା ମେଘଖଣ୍ଡ ଏହି ଗାଁର ବହୁତ ତଳେ ସୃଷ୍ଟି ହୁଏ । ତେଣୁ ଏହି ଗାଁରେ ବର୍ଷା ହୋଇପାରେ ନାହିଁ । ଏଠାରେ ବର୍ଷା ହେଉନଥିଲେ ସୁଦ୍ଧା ଏଠାକାର ଲୋକେ ସ୍ବର୍ଗରେ ରହିବା ପରି ମନେକରନ୍ତି । ଏହି ଗାଁଟି ମଧ୍ୟ ପର୍ଯ୍ୟଟନ ଦୃଷ୍ଟିରୁ ଅତ୍ୟନ୍ତ ଗୁରତ୍ବପୂର୍ଣ୍ଣ ସ୍ଥାନ । ଏଠାକାର ସୌନ୍ଦର୍ଯ୍ୟକୁ ଉପଭୋଗ କରିବା ପାଇଁ ହଜାର ହଜାର ଲୋକ ଏଠାକୁ ଦଉଡି ଆସନ୍ତି । ଏକ ପାହାଡର ଶୀର୍ଷରେ ଏହି ଗାଁ ଥିବାରୁ ଦେଖିବାକୁ ଖୁବ୍ ଆକ୍ରଷଣୀୟ । ଏଠାରେ ଉଭୟ ଆଧୁନିକ ଆଉ ପୂରାତନ ବାସ୍ତୁକଳା ଦେଖିବାକୁ ମିଳିଥାଏ ।