ଦିନକୁ ଦିନ ବଦଳୁଛି ଚନ୍ଦବାଲି ନିର୍ବାଚନ ମଣ୍ଡଳୀର ଚିତ୍ର। ରାଜ୍ୟ ସରକାରଙ୍କ ଅନୁଦାନରେ ବିଭିନ୍ନ ବିକାଶ ମୂଳକ କାର୍ଯ୍ୟ ଦ୍ରୁତ ଗତିରେ ଆଗେଇ ଚାଲିଛି ।୫ଟି ସଚିବ ଭି କେ ପଣ୍ଡିଆନଙ୍କ ଚନ୍ଦବାଲି ଗ୍ରସ୍ତ ସମୟରେ ଚନ୍ଦବାଲି ନିର୍ବାଚନ ମଣ୍ଡଳୀବାସୀ ବିକାଶକୁ ତ୍ୱରାନ୍ୱିତ କରିବା ପାଇଁ ଆହୁରି କିଛି ଦାବି ରଖିଥିଲେ ।ଯାହାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆମ ଓଡ଼ିଶା ,ନବୀନ ଓଡ଼ିଶା କାର୍ଯ୍ୟକ୍ରମରେ ଶୁଭ ଦେଇଛନ୍ତି । ଚନ୍ଦବାଲି ନିର୍ବାଚନ ମଣ୍ଡଳୀ ଅନ୍ତର୍ଗତ ୪୫ଟି ପଞ୍ଚାୟତର ୬୯୮ଟି ପ୍ରକଳ୍ପ ପାଇଁ ୨୨କୋଟି ୫୦ ହଜାର ଟଙ୍କା ବ୍ୟୟବରାଦ ହୋଇଛି । ଚନ୍ଦବାଲିର ମା କାଳୀ ପଡ଼ିଆରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଧାୟକ ବ୍ୟାମକେଶ ରାୟ ,ଉପଜିଲ୍ଲାପାଳ ମନୋଜ ପାତ୍ର, ବିଡ଼ିଓ ଅସିତ ମହାନ୍ତି, ତହସିଲଦାର ସୁଶାନ୍ତ ସୁତାରଙ୍କ ସମେତ ବ୍ଲକର ସମସ୍ତ ସରକାରୀ କର୍ମଚାରୀ ,ସମାଜସେବୀ, ବିଭିନ୍ନ ପଞ୍ଚାୟତର ମହିଳା ମହାସଙ୍ଗର ସମ୍ପାଦିକା, ସଭାନେତ୍ରୀ, ଏମ ବି କେ , ସି ଆର ପି ପ୍ରମୁଖ ବହୁ ସଂଖ୍ୟାରେ ଉପସ୍ଥିତ ଥିଲେ । ଚନ୍ଦବାଲି ପ୍ରତି ରାଜ୍ୟ ସରକାରଙ୍କ ଏତେ ପରିମାଣର ଅନୁଦାନ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କୃତଜ୍ଞତା ଜଣାଇଛନ୍ତି ଚାନ୍ଦବାଲି ବାସୀ ।
