ପ୍ରଶାସନ ନିଷ୍ପତ୍ତି ବଦଳାଉ। ୨୧ ନୁହେଁ ୧୬ ତାରିଖରେ ଆମ ଧାନ କିଣୁ। ଏମିତି ନାରାବାଜି ଦେଇ ଗୁରୁବାର ଦିନ ବରଗଡ ଅତାବିରା ମାର୍କେଟ ୟାର୍ଡର ଚାଷୀ ଦାବି କରିଛନ୍ତି। ବହୁ ସଂଖ୍ୟାରେ ଚାଷୀ ମାର୍କେଟ ୟାର୍ଡରେ ପହଞ୍ଚି ପାଟିତୁଣ୍ଡ କରିଥିବା ଦେଖିବାକୁ ମିଳିଛି। ସରକାର ଚାଷୀଙ୍କ ସମସ୍ୟା ବୁଝୁନଥିବା ଅଭିଯୋଗରେ ଗୁରୁବାର ଗୋଡଭଗା ୟାର୍ଡରେ ଏକ ଚାଷୀ ସମାବେଶ ଅନୁଷ୍ଠିତ ହୋଇଥିଲା। ପୂର୍ବରୁ ଚାଷୀ ନଭେମ୍ବର ପହିଲାରୁ ଧାନ ବିକିବାକୁ ଜିଲ୍ଲା ପ୍ରଶାସନକୁ ଦାବି ଜଣାଇଥିବା ବେଳେ ମନ୍ତ୍ରୀ ଟୁକୁନି ସାହୁ ଏହି ମଣ୍ଡି ଖୋଲିବା ତାରିଖ ୨୧ରେ କରିବାକୁ କହିଥିଲେ। ହେଲେ ଏବେ ବର୍ଷା ଆଶଙ୍କା ଦେଖା ଦେବାରୁ ଚାଷୀ ଛାନିଆ। ବର୍ଷା ହେଲେ ସେମାନଙ୍କ ଧାନ ନଷ୍ଟ ହୋଇଯିବ। ଯିଏ ଚାଷ କରୁଛି ତାକୁ ଚାଷକୁ ନେଇ ଜଣା। ମନ୍ତ୍ରୀ ରିତାସାହୁ କଣ ଜାଣିଛନ୍ତି ବୋଲି ପ୍ରଶ୍ନକରିଛନ୍ତି ଆନ୍ଦୋଳନକାରୀ ଚାଷୀ। ତେଣୁ ତୁରନ୍ତ ଧାନ କିଣିବାକୁ ମଣ୍ଡି ଖୋଲିବାକୁ ଦାବି ଜଣାଇଛନ୍ତି।
ଏଥିସହ ଏକ ବିରାଟ ଶୋଭାଯାତ୍ରାରେ ସ୍ଥାନୀୟ ଚାଷୀ ପହଞ୍ଚି ଗେଟ ଖୋଲିବାକୁ ଅଡି ବସିଥିଲେ ଓ ଜୋରଜବରଦସ୍ତି ଗାଡିରେ ଧାନ ଆଣି ମଣ୍ଡିରେ ଭର୍ତ୍ତି କରିଥିବା ଦେଖିବାକୁ ମିଳିଥିଲା। ଅନ୍ୟପଟେ ମଣ୍ଡି ଦାୟିତ୍ବରେ ଥିବା ଅଧିକାରୀ କହୁଛନ୍ତି କି ନିୟମ ରହିଛି ୨୧ ତାରିଖରେ ଧାନ କିଣାଯିବ। ତେଣୁ ଏବେ ଧାନ କିଣିବା ତାଙ୍କ ପକ୍ଷରେ ସମ୍ଭବ ନୁହେଁ
ଯଦି ଦାବି ମୁତାବକ ମଣ୍ଡି ତୁରନ୍ତ ଖୋଲା ନ ଯାଏ ତେବେ ଚାଷୀ ରାଜରାସ୍ତାରେ ଧାନ ଗଦା କରି ରାସ୍ତାରୋକ କରିବ ବୋଲି ଚେତାଇ ଦେଇଛନ୍ତି ସ୍ଥାନୀୟ ଚାଷୀ।
