କଟକ, ପୁରୀ ଓ ପାରାଦ୍ୱୀପକୁ ନେଇ ଗଢିଉଠିବ ଅର୍ଥନୈତିକ କରିଡର, ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଲୋକସେବା ଭବନ କନଭେନସନ ହଲ୍ରେ ଆୟୋଜିତ ଏକ ଉଚ୍ଚସ୍ତରୀୟ କାର୍ଯ୍ୟକ୍ରମରେ ଏହି ଅର୍ଥନୈତିକ କରିଡରର ଆରମ୍ଭ ହେବ। କାର୍ଯ୍ୟକ୍ରମରେ ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ରଙ୍କ ସହ ବିଭିନ୍ନ ବିଭାଗର ବରିଷ୍ଠ ଅଧିକାରୀମାନେ ଉପସ୍ଥିତ ରହିବେ।
ଏହି କରିଡର ଅଧୀନରେ ଭୁବନେଶ୍ୱର, କଟକ, ପୁରୀ ଓ ପାରାଦ୍ୱୀପର ସମନ୍ୱିତ ଉନ୍ନୟନ ପାଇଁ ଅନେକ ପ୍ରସ୍ତାବିତ ପ୍ରକଳ୍ପ ଗୁଡ଼ିକର ମଧ୍ୟ ଶୁଭାରମ୍ଭ କରାଯିବ। ଭିସିପିପିଇଆର (VCPPEIR) ଅଧୀନରେ ଏହି ପ୍ରକଳ୍ପଗୁଡ଼ିକ ଶିଳ୍ପ, ପରିବହନ, ବାଣିଜ୍ୟ ଓ ନଗରୀୟ ଢାଞ୍ଚା ବିକାଶକୁ ନୂଆ ଗତି ଦେବ ବୋଲି ଆଶା କରାଯାଉଛି। ରାଜ୍ୟର ଅର୍ଥନୈତିକ ବିକାଶ, ନିବେଶ ଆକର୍ଷଣ ଓ ନୂଆ ରୋଜଗାର ସୃଷ୍ଟି ଦିଗରେ ଏହି ଅର୍ଥନୈତିକ କରିଡରକୁ ଏକ ମାଇଲସ୍ଟୋନ୍ ଭାବେ ଦେଖାଯାଉଛି।
