Category: ଦେଶ-ବିଦେଶ

ଉତ୍ତର ପ୍ରଦେଶର ଗାଜିଆବାଦ-ଅଲିଗଡ ଏକ୍ସପ୍ରେସୱେ ମାତ୍ର ୧୦୦ ଘଣ୍ଟାରେ ୧୦୦ କିଲୋମିଟର ରାସ୍ତା ନିର୍ମାଣ କାର୍ଯ୍ୟ ଶେଷ ହୋଇଛି । ତେଣୁ, ଭାରତୀୟ ରାଷ୍ଟ୍ରୀୟ ରାଜମାର୍ଗ ପ୍ରାଧୀକରଣ ନାମରେ ଆଉ ଏକ ନୂଆ ରେକର୍ଡ ଯୋଡି ହୋଇଛି କହିଲେ କିଛି ଭୁଲ ହେବନି । ଏହା ଏକ ବିଶ୍ବରେକର୍ଡ କହିଲେ କିଛି ଭୁଲ ହେବନି । ରେକର୍ଡ ମୁତାବକ ୧୦୦ ଘଣ୍ଟାରେ ସମୁଦାୟ ୧୧୨ କିଲୋମିଟର ରାସ୍ତା ନିର୍ମାଣ କରାଯାଇ ପାରିଛି । ତେଣୁ ଏବେ ଏହି କିର୍ତ୍ତୀକୁ ନେଇ ସବୁଠି ଚର୍ଚ୍ଚା । ଆପଣଙ୍କୁ ଏଠାରେ ଜଣାଇ ଦେଉଛୁ, ଏହା ପୂର୍ବରୁ ୧୦୫ ଘଣ୍ଟାରେ ମୋଟ ୭୫ କିଲୋମିଟର ରାସ୍ତା ନିର୍ମାଣ କରାଯାଇଥିଲା ।

ଏବେ ଭାରତ ଯେଉଁ ରେକର୍ଡ ଅଧିକାରୀ ହୋଇଛି ତାହା ପୂର୍ବରୁ କେବେ ହୋଇନାହିଁ । ଗାଜିଆବାଦ-ଅଲିଗଡ ଏକ୍ସପ୍ରେସୱେର କାମ ମେ ମାସ ୧୫ ତାରିଖରେ ଆରମ୍ଭ ହୋଇଥିବା ବେଲେ ମେ ୧୯ ତାରିଖରେ ଏହା ସମାପ୍ତ ହୋଇଛି । ଏହି ରାସ୍ତାକୁ ୬ ଲେନ ବିଶିଷ୍ଟ କରାଯାଇଛି । ଏବେ ଆସନ୍ତୁ ଜାଣିବା ଏଥିରେ କେତେ ଜଣ ଲୋକ ଲାଗିଥିଲେ । ବାସ୍ତବରେ ଗାଜିଆବାଦ-ଅଲିଗଡ ରାସ୍ତା ନିର୍ମାଣ ପାଇଁ ୬ଟି ହାଟାମିକ୍ସ ପ୍ଲାଣ୍ଟ, ୧୫ଟି ସେନସର ପାୱାର ଓ ୨୦୦୦ ଲୋକ ନିୟୋଜିତ ଥିଲେ । ଏହା ବ୍ୟତୀତ ୨୫୦ ଜଣ ଇଂଜିନିୟର ମଧ୍ୟ ଏହି କାମରେ ନିୟୋଜିତ ହୋଇଥିଲେ । ମୋଟ ୨୨୫୦ ଜଣ କର୍ମଚାରୀ ଓ ଅଧିକାରୀ ଅକ୍ଲାନ୍ତ ପରିଶ୍ରମ କରି ଏହି କାର୍ଯ୍ୟକୁ ଶେଷ କରିପାରିଛନ୍ତି ।

କଂଗ୍ରେସ ନେତା ରାହୁଲ ଗାନ୍ଧୀଙ୍କ ଆମେରିକା ଗସ୍ତର କାର୍ଯ୍ୟକ୍ରମ ପରିବର୍ତ୍ତନ କରାଯାଇଛି । ରାହୁଲ ଗାନ୍ଧୀ ତାଙ୍କର ୧୦ ଦିନିଆ ଆମେରିକା ଯାତ୍ରା ମେ ୨୮ ତାରିଖରୁ ଆରମ୍ଭ କରିବ । ଏହାପୂର୍ବରୁ ତାଙ୍କର ମେ ୩୧ ତାରିଖରେ ଆମେରିକା ଗସ୍ତ କରିବାର ଥିଲା । ରାହୁଲ ଗାନ୍ଧୀ ମେ ୨୯-୩୦ ତାରିଖରେ ଷ୍ଟାନଫୋର୍ଡ ୟୁନିଭରସିଟିରେ ଏକ କାର୍ଯ୍ୟକ୍ରମରେ ଅଂଶଗ୍ରହଣ କରିବେ ଏବଂ ପ୍ରବାସୀ ଭାରତୀୟଙ୍କୁ ସାକ୍ଷାତ କରିବେ ।

ରାହୁଲ ଗାନ୍ଧୀ ମେ ୩୦ରେ କାଲିଫର୍ଣ୍ଣିଆର ସାଣ୍ଟା କ୍ଲାରାରେ ଏକ ପ୍ରେମର ଦୋକାନ ଖୋଲିବାକ କାର୍ଯ୍ୟକ୍ରମ ରହିଛି । ରାହୁଲ ଗାନ୍ଧୀଙ୍କ ଏହି କାର୍ଯ୍ୟକ୍ରମର ନାମ ମୋହବତ୍ କି ଦୁକାନ୍ ରଖାଯାଇଛି । ଏହାର ପୋଷ୍ଟର ମଧ୍ୟ ଜାର କରାଯାଇଛି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆମେରିକା ଗସ୍ତ ପୂର୍ବରୁ ରାହୁଲ ଗାନ୍ଧୀଙ୍କ ଗସ୍ତ ଅନୁଷ୍ଠିତ ହେଉଛି । ପିଏମ ମୋଦୀ ୨୨ ଜୁନରେ ଆମେରିକା ଗସ୍ତରେ ଯାଉଛନ୍ତି । ଏହି ସମୟରେ ଆମେରିକାର ରାଷ୍ଟ୍ରପତି ଜୋ ବାଇଡେନ ଏବଂ ଆମେରିକାର ପ୍ରଥମ ମହିଳା ଜିଲ ବାଇଡେନ ପ୍ରଧାନମନ୍ତ୍ରୀ ମୋଦୀଙ୍କୁ ସ୍ୱାଗତ କରିବା ପାଇଁ ହ୍ବାଇଟ ହାଉସରେ ରାତ୍ରୀ ଭୋଜନ କାର୍ଯ୍ୟକ୍ରମ ରହିଛି । ବୈଦେଶିକ ମନ୍ତ୍ରଣାଳୟ ଗତ ସପ୍ତାହରେ ଏକ ବିବୃତ୍ତି ଜାରି କରି ଏ ସମ୍ପର୍କରେ ସୂଚନା ଦେଇଥିଲେ ।

ଏହା ପୂର୍ବରୁ ଚଳିତ ବର୍ଷ ମାର୍ଚ୍ଚରେ ରାହୁଲ ଗାନ୍ଧୀଙ୍କ ଲଣ୍ଡନ ଗସ୍ତ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଥିଲା । କେମ୍ବ୍ରିଜ୍ ବିଶ୍ୱବିଦ୍ୟାଳୟରେ ରାହୁଲ ଗାନ୍ଧୀ ଭାରତ ସରକାରଙ୍କୁ ସମାଲୋଚନା କରିବା ସହ ଦେଶରେ ଗଣତନ୍ତ୍ର ପ୍ରତି ବିପଦ ଥିବା କହିଥିଲେ । ଯାହାକୁ ନେଇ ବିଜେପି ରାହୁଲଙ୍କୁ ଅଯଥାରେ ଘେରିଥିଲା ।

କେମ୍ବ୍ରିଜ୍ ବିଶ୍ୱବିଦ୍ୟାଳୟରେ ଭାଷଣ ଦେଇ ରାହୁଲ ଗାନ୍ଧୀ କହିଥିଲେ ଯେ, ସମସ୍ତଙ୍କୁ ଏହା ଜଣା ଯେ ଭାରତୀୟ ଗଣତନ୍ତ୍ର ଚାପରେ ରହିଛି ଏବଂ ବାରମ୍ବାର ଆକ୍ରମଣର ଶିକାର ହେଉଛି । ମୁଁ ଭାରତରେ ବିରୋଧୀ ଦଳର ନେତା, ଆମେ ସେହି ବିରୋଧୀର ସ୍ଥାନ ଖୋଜୁଛୁ। “

ରାହୁଲ ଗାନ୍ଧୀ ଲଣ୍ଡନରେ କହିଥିଲେ ଯେ, ଆମ ଦେଶରେ ଗତ ନଅ ବର୍ଷ ଧରି ଲୋକଙ୍କ ସ୍ୱର ଅର୍ଥାତ୍ ଗଣମାଧ୍ୟମକୁ ଦମନ କରାଯାଉଛି । ଆମ ଦେଶରେ ସାମ୍ବାଦିକ ମାନେ ଭୟଭୀତ ହୋଇପଡିଛନ୍ତି । ସେମାନଙ୍କୁ ଆକ୍ରମଣ କରାଯିବା ସହିତ ଧମକ ଦିଆଯାଛି । ସେହିପରି ସରକାରଙ୍କ ସପକ୍ଷରେ କହୁଥିବା ସାମ୍ବାଦିକ ମାନଙ୍କୁ ପୁରସ୍କାର ଦିଆଯାଉଛି ।

ନୋଏଡା ଏବଂ ଗ୍ରେଟର ନୋଏଡା କର୍ତ୍ତୃପକ୍ଷ ଆଗାମୀ ତିନି ମାସ ମଧ୍ୟରେ ନ୍ୟୁ ନୋଏଡା ଏବଂ ନ୍ୟୁ ଗ୍ରେଟର ନୋଏଡା ପ୍ରତିଷ୍ଠା ପାଇଁ କାର୍ଯ୍ୟ ଆରମ୍ଭ କରିବେ । ସେମାନେ ଆଗାମୀ ଦୁଇଟି ସହର ପାଇଁ ମାଷ୍ଟରପ୍ଲାନ ଚୂଡାନ୍ତ କରିବେ । ଏହାପରେ ସେମାନେ ଜମି କିଣିବା ଆରମ୍ଭ କରିବେ । ସିଇଓ ରିତୁ ମହେଶ୍ୱରୀ ଜୁଲାଇରୁ କାର୍ଯ୍ୟ ଆରମ୍ଭ କରିବାର ଏକ ସମୟସୀମା ସ୍ଥିର କରିଛନ୍ତି । ଉଭୟ ସହର ପାଇଁ ପୂର୍ବରୁ ବିଜ୍ଞପ୍ତି ଜାରି କରାଯାଇଛି ।

ନୋଏଡା ଏବଂ ଗ୍ରେଟର ନୋଏଡାରେ ସମ୍ଭାବ୍ୟ ଜମି ଅଭାବ ହେତୁ ଏହି ଦୁଇଟି ସହରର ବିକାଶ କରାଯାଉଛି । ଗ୍ରେଟର ନୋଏଡାରେ କିଛି ଜମି ଖାଲି ଅଛି କିନ୍ତୁ ନୋଏଡା ପ୍ରାୟ ସଂପୂର୍ଣ୍ଣ ବିକଶିତ ହୋଇଛି । ରାଜ୍ୟର ବିକାଶକୁ ନଜରରେ ରଖିବାକୁ ଅଧିକାରୀମାନେ ଏହି ଦୁଇଟି ସହରକୁ ଯୋଜନା କରୁଛନ୍ତି । ଏହି ଦୁଇଟି ସହରରେ ଜମି ମୂଲ୍ୟ ନୋଏଡା ଏବଂ ଗ୍ରେଟର ନୋଏଡା ଠାରୁ କମ୍ ରହିବ ।

ଦାଦରି ଏବଂ ଖୁର୍ଜାର ଜମି ମଧ୍ୟରେ ନୂଆ ନୋଏଡା ନିର୍ମାଣ ହେବ । ୮୭ଟି ଗ୍ରାମରୁ ଅଧିଗ୍ରହଣ ହୋଇଥିବା ଜମି ବ୍ୟବହାର କରି ନୂଆ ନୋଏଡା କୁହାଯାଉଥିବା ଦାଦ୍ରି-ନୋଏଡା-ଗାଜିଆବାଦ ନିବେଶ ଅଞ୍ଚଳ ନିର୍ମାଣ କରାଯିବ । ଅଧିକାରୀମାନେ ସ୍କୁଲ ଅଫ ଟ୍ରେନିଂ ଆଣ୍ଡ ଆର୍କିଟେକ୍ଟକୁ ବାଛିଛନ୍ତି । ଏହା ସହିତ ଏହାକୁ ମୂଳରୁ ମଜବୁତ କରିବା ପାଇଁ ନୋଏଡା ପ୍ରାଧିକରଣକୁ ଦାୟିତ୍ବ ଦିଆଯାଇଛି ।

ନ୍ୟୁ ଗ୍ରେଟର ନୋଏଡା ହେଉଛି ଗ୍ରେଟର ନୋଏଡାର ଦ୍ୱିତୀୟ ପର୍ଯ୍ୟାୟ । ଗ୍ରେଟର ନୋଏଡା ପ୍ରାଧିକରଣ ଏହି ପ୍ରକଳ୍ପର ତଦାରଖ କରୁଛନ୍ତି । ଡ୍ରାଫ୍ଟ ପ୍ରସ୍ତୁତ କରିବାକୁ ସେ ଏକ ଘରୋଇ କମ୍ପାନୀକୁ କହିଛନ୍ତି । ଗୌତମ ବୁଦ୍ଧ ନଗର ବ୍ୟତୀତ ହାପୁଡ, ବୁଲନ୍ଦସହର ଏବଂ ଗାଜିଆବାଦର ୧୫୦ଟି ଗ୍ରାମକୁ ନ୍ୟୁ ଗ୍ରେଟର ନୋଏଡାରେ ଅନ୍ତର୍ଭୁକ୍ତ କରାଯାଇଛି । ଏହାର କ୍ଷେତ୍ରଫଳ ୨୮୦୦୦ ହେକ୍ଟର ରହିବ ।

କନେକ୍ଟିଭିଟି ଅଭାବ ହେତୁ ଏହି ପ୍ରକଳ୍ପ ବିଳମ୍ବିତ ହୋଇଛି । ବାସ୍ତବରେ, ଗ୍ରେଟର ନୋଏଡା ଏବଂ ନ୍ୟୁ ଗ୍ରେଟର ନୋଏଡା ମଧ୍ୟରେ ଦିଲ୍ଲୀ-ହାଓ୍ବଡା ରେଳ ଲାଇନ ଏବଂ ଜାତୀୟ ରାଜପଥ ୯୧ ଥିଲା । ଟ୍ରାଇସିଟି ଅନୁଯାୟୀ ମାର୍ଚ୍ଚ ୨୦୨୪ ସୁଦ୍ଧା ନ୍ୟୁ ନୋଏଡା ଏବଂ ନ୍ୟୁ ଗ୍ରେଟର ନୋଏଡା ପାଇଁ ୨୦୦ କୋଟି ଟଙ୍କା ଖର୍ଚ୍ଚ ହେବ ।

ଏବେ ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ଅମାନବିକତାର ଚରମ ଚିତ୍ର ଦେଖିବାକୁ ମିଳିଛି । ଯାହାକୁ ଦେଖିଲେ ଆପଣ କ୍ରୋଧିତ ହେବା ସହ ଭୟଭୀତ ମଧ୍ୟ ହୋଇଯିବେ । ମହିଳାଙ୍କ ପ୍ରତି ହେଉଥିବା ଅତ୍ୟାଚାର ନକହିବା ଭଲ । ମହିଳା ମାନଙ୍କୁ ସମ୍ଭୋଗ ପାଇଁ କ୍ରିତଦାସ ବନାଇ ରଖାଯାଉଛି । ଟ୍ବିଟରରେ ସଫାଇ ଡାରୟା ନାମକ ଜଣେ ମହିଳା ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ଅନେକ ତଥ୍ୟ ଉଲ୍ଲେଖ କରିଛନ୍ତି । ସଫାଇ ଲେଖିଛନ୍ତି, ଏହା ଏମିତି ଏକ ବଜାର ଯେଉଁଠାରେ ଇସଲାମିକ ଷ୍ଟେଟର ଦାଏସ, ମହିଳାଙ୍କୁ ଯୌନ କ୍ରିତଦାସ କରି ସେମାନଙ୍କୁ ବିକ୍ରି କରୁଛନ୍ତି ।

These images make me sick, angry and sad.
This is a market where IS (Daesh) sells sex slaves.
Completely covered from head to toe with the hijab and only the owner to whom they belong is allowed to see them.

That there are still people in the 21st century who treat women like… pic.twitter.com/QHgWm1JofO

— Darya Safai MP (@SafaiDarya) May 18, 2023

ଭିଡିଓରେ ଦେଖିବାକୁ ମିଳୁଛି, କିଛି ମହିଳା ଧାଡିରେ ଠିଆ ହୋଇଛନ୍ତି ଆଉ ହାତକୁ ଚେନରେ ବନ୍ଧା ହୋଇଛି । ମହିଳାଙ୍କ ପାଦରୁ ମସ୍ତକ ପର୍ଯ୍ୟନ୍ତ ହିଜାବ ରହିଛି । ସେମାନଙ୍କ ମୁହଁ ସେଇମାନେ ଦେଖିପାରିବେ ଯେଉଁମାନେ ତାଙ୍କୁ କିଣିବାକୁ ଚାହିଁବେ । ଏକବିଂଶ ଶତାବ୍ଦୀରେ ବି ଏମିତି କିଛି ଲୋକ ଅଛନ୍ତି ଯେଉଁମାନେ ମହିଳାଙ୍କୁ ଯୌନ ଦାସ ପରି ବ୍ୟବହାର କରନ୍ତି, ଯାହା ଅତ୍ୟନ୍ତ ଘୃଣ୍ୟ ଏବଂ ଭୟଙ୍କର ଅଟେ ।

ସଫାଇ ଲେଖିଛନ୍ତି, କିନ୍ତୁ ମୁଁ ଆହୁରି ଦୁଃଖିତ ହୁଏ ଯେତେବେଳେ ମୁଁ ଚିନ୍ତା କରେ ପାଶ୍ଚାତ୍ୟର ଲୋକମାନେ କିପରି ଏହା ଉପରେ କଳା ପରଦା ପକାଇ ଦେଉଛନ୍ତି । ନାରୀ ମନଙ୍କର ସ୍ବତନ୍ତ୍ରତା ବୋଲି କିଛି ନାହିଁ । ପୁରୁଷ ମାନେ ସର୍ବଦା ନାରୀଙ୍କୁ ଭୋଗବିଳାଶର ସାମଗ୍ରୀ ଭଳି ବ୍ୟବହାର କରୁଛନ୍ତି । ଆମ ଦେଶରେ ମଧ୍ୟ ରହିଥିବା ସେହି ଲୋକ, ଯେଉଁମାନେ ସଂସ୍କୃତି ଆଳରେ ନାରୀ ବିରୋଧି ପୋଷାକକୁ ଠିକ୍ କହୁଛନ୍ତି ସେମାନେ ଚେତିବା ଦରକାର । ଆଉ ଭେଦଭାବପୂର୍ଣ୍ଣ ବିଚାରଧାରା ରଖୁଥିବା ଲୋକେ ଏହାକୁ ବନ୍ଦ କରିବା ଆକବଶ୍ୟକ ।

ସୁପ୍ରିମକୋର୍ଟରେ ଆଜି ଦୁଇ ଜଣ ନୂତନ ବିଚାରପତି ନିଯୁକ୍ତି ପାଇବେ । ସୁପ୍ରିମକୋର୍ଟର ବିଚାରପତି ଭାବେ ପ୍ରଶାନ୍ତ ମିଶ୍ର ଏବଂ କେ.ବି ବିଶ୍ୱନାଥନଙ୍କୁ ମୁଖ୍ୟ ବିଚାରପତି ଡି.ଓ୍ବାଇ ଚନ୍ଦ୍ରଚୂଡ ଶପଥ ଗ୍ରହଣ କରାଇବେ । ଗୁରୁବାର ଦିନ କେନ୍ଦ୍ର ସରକାରଙ୍କ ତରଫରୁ ଅଧିବକ୍ତାଙ୍କ ନିଯୁକ୍ତିକୁ ଅନୁମୋଦନ ମିଳିବା ପରେ ଜଷ୍ଟିସ ପ୍ରଶାନ୍ତ କୁମାର ମିଶ୍ର ଏବଂ ବରିଷ୍ଠ ଅଧିବକ୍ତା କେ.ବି ବିଶ୍ୱନାଥନ ଆଜି ଶପଥ ଗ୍ରହଣ କରିବେ ବୋଲି ସ୍ପଷ୍ଟ ହୋଇଛି ।

କେନ୍ଦ୍ର ଆଇନ ମନ୍ତ୍ରୀ ଅର୍ଜୁନ ମେଘୱାଲ ଟ୍ୱିଟରରେ ମିଶ୍ର ଏବଂ ବିଶ୍ୱନାଥନଙ୍କ ନିଯୁକ୍ତିକୁ ନିଶ୍ଚିତ କରିଛନ୍ତି । ସୁପ୍ରିମକୋର୍ଟ କଲେଜିୟମ ଦ୍ୱାରା ଭାରତର ପ୍ରଧାନ ବିଚାରପତି (ସିଜେଇ) ଡିଓ୍ବାଇ ଚନ୍ଦ୍ରଚୁଡଙ୍କ ନେତୃତ୍ୱରେ ସେମାନଙ୍କ ନାମ କେନ୍ଦ୍ରକୁ ସୁପାରିଶ କରାଯାଇଥିଲା ।

ଜଷ୍ଟିସ ମିଶ୍ର ବର୍ତ୍ତମାନ ଆନ୍ଧ୍ରପ୍ରଦେଶ ହାଇକୋର୍ଟର ପ୍ରଧାନ ବିଚାରପତି ଅଛନ୍ତି । ପାଞ୍ଚ ସଦସ୍ୟ ବିଶିଷ୍ଟ କଲେଜିୟମ କହିଛନ୍ତି ଯେ, ୩୪ ଜଣ ବିଚାରପତିଙ୍କୁ ସୁପ୍ରିମକୋର୍ଟରେ ଅନୁମୋଦିତ କରିବାର କ୍ଷମତା ରହିଛି, ଯାହା ବର୍ତ୍ତମାନ ୩୨ ଜଣଙ୍କ ସହ କାର୍ଯ୍ୟ କରୁଛନ୍ତି । ନିକଟରେ ସୁପ୍ରିମକୋର୍ଟର ଦୁଇ ଜଣ ବିଚାରପତି ଦୀନେଶ ମହେଶ୍ୱରୀ ଏବଂ ଏମଆର ଶାହ ଅବସର ନେଇଛନ୍ତି ।

ମେ ମାସ ୧୬ ତାରିଖ ଦିନ ବିଶ୍ୱନାଥନ୍ ଏବଂ ମିଶ୍ରଙ୍କ ନାମ ସୁପାରିଶ କରିବା ବେଳେ କଲେଜିୟମ୍ କହିଛି ଯେ, ଜୁଲାଇ ଦ୍ୱିତୀୟ ସପ୍ତାହ ସୁଦ୍ଧା ଆହୁରି ଚାରିଟି ପଦବୀ ଖାଲି ହେବାକୁ ଯାଉଛି ଏବଂ ବିଚାରପତିଙ୍କ କାର୍ଯ୍ୟ କ୍ଷମତା ଆହୁରି ହ୍ରାସ ପାଇବ ।