Category: ଦେଶ-ବିଦେଶ

ସୋମବାର ଦିନ ଦିଲ୍ଲୀ ଠାରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାଡଗେଙ୍କ ବାସଭବନରେ ପ୍ରାୟ ଚାରି ଘଣ୍ଟା ଧରି ଚାଲିଥିବା ଏକ ବୈଠକରେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋତ ଏବଂ ସଚିନ ପାଇଲଟଙ୍କ ମଧ୍ୟରେ ବୁଝାମଣା ହୋଇଯାଇଛି । ଏହାପରେ ଗେହଲୋତ ଏବଂ ପାଇଲଟ୍ ଗଣମାଧ୍ୟମ ସାମ୍ନାକୁ ଆସିଥିଲେ ମଧ୍ୟ କୌଣସି ବୟାନ ଦେଇନଥିଲେ । କିନ୍ତି ବୈଠକ ପରେ ସିଏମ ଗେହଲୋତ ଗଣମାଧ୍ୟମକୁ ସମ୍ବୋଧିତ କରିଥିଲେ ।

ଗଣମାଧ୍ୟମ ସହ କଥାବାର୍ତ୍ତା ବେଳେ ସିଏମ୍ ଗେହଲୋତ କହିଛନ୍ତି, “ହାଇକମାଣ୍ଡ ସହିତ ବସିବାରେ ମୋର ବିଶ୍ୱାସ ଅଛି, କାଥାବାର୍ତ୍ତା ପରେ କାହିଁକି ସହଯୋଗ କରିବୁ ନାହିଁ। ଆମକୁ ବିଶ୍ୱାସ କରିବା ଉଚିତ୍ । ବିଶ୍ବସ ଦେଇ ବିଶ୍ୱାସ ଜିତାଯାଇ ପାରେ । ହାଇ କମାଣ୍ଡ ଆମକୁ ବିଶ୍ବାସ କରିଛନ୍ତି, ଆମେ ଆଗକୁ କାମ କରିବୁ। “ସମସ୍ତେ ଏକାଠି କାମ କରିବୁ, ଆଉ ସରକାର ଆମର ହେବ । ଆମେ ଦଳର ବିଶ୍ୱସ୍ତ ରହିଛୁ ଏବଂ ଏହା ଜାରି ରଖିବୁ ।”

ସୋନିଆ ଗାନ୍ଧୀଙ୍କ ଅଧିବେଶନରେ ଦିଆଯାଇଥିବା ବିବୃତ୍ତିକୁ ଦର୍ଶାଇ ସିଏମ ଗେହଲୋତ କହିଛନ୍ତି ଯେ, ଯିଏ ଧୈର୍ଯ୍ୟ ରଖିଥାଏ ତାକୁ ନିଶ୍ଚିତ ଭାବେ କେବେ ନା କେବେ ସୁଯୋଗ ମିଳେ । ସେ କହିଛନ୍ତି, ମୁଁ ସମସ୍ତଙ୍କୁ ଧୈର୍ଯ୍ୟବାନ ହେବାକୁ କହୁଛି, ପାର୍ଟି ନିଶ୍ଚିତ ଭାବରେ ଆପଣଙ୍କୁ ଏକ ସୁଯୋଗ ଦେବ । ପାଇଲଟଙ୍କ ନାମ ନନେଇ ମୁଖ୍ୟମନ୍ତ୍ରୀ ଗେହଲୋତ କହିଛନ୍ତି ଯେ, ଦଳ ତାଙ୍କୁ ପୂର୍ବରୁ ସୁଯୋଗ ଦେଇଛି ଏବଂ ତାଙ୍କୁ ଆଗକୁ ମଧ୍ୟ ଦେବ ।

ବାସ୍ତବରେ ମୁଖ୍ୟମନ୍ତ୍ରୀ ଅଶୋକ ଗେହଲୋତ ସଚିନ ପାଇଲଟଙ୍କ ନାମ ନନେଇ ତାଙ୍କୁ ଧୈର୍ଯ୍ୟବାନ ହେବାକୁ ପରାମର୍ଶ ଦେଇଥିଲେ । ଏହା ସହିତ ଏହା ମଧ୍ୟ କୁହାଯାଇଥିଲା ଯେ, ପୂର୍ବରୁ ଦଳ ସଚିନ ପାଇଲଟଙ୍କୁ ପିସିସି ମୁଖ୍ୟ ଏବଂ ଡେପୁଟି ସିଏମ ପଦ ଦେଇଛନ୍ତି । ଏହା ବ୍ୟତୀତ ସିଏମ୍ ତାଙ୍କୁ ଦଳ ପ୍ରତି ବିଶ୍ୱସ୍ତତା ବିଷୟରେ ଶିକ୍ଷା ଦେଇଥିଲେ । ଯଦିଓ ସେ ଏହି ସମଗ୍ର ବାର୍ତ୍ତାଳାପରେ ସଚିନ୍ ପାଇଲଟଙ୍କ ନାମ ନେଇ ନାହାନ୍ତି ।

ନିର୍ବାଚନ ରଣନୀତିଜ୍ଞ ତଥା ଜନ ସୁରାଜର ସଂଯୋଜକ ପ୍ରଶାନ୍ତ କିଶୋର ମଙ୍ଗଳବାର ଦିନ ବିହାରର ଶାସକ ଦଳ ଆରଜେଡି ଉପରେ ଆକ୍ରମଣ କରିଛନ୍ତି । ସେ କହିଛନ୍ତି ଯେ, ଆଜି ୫୪୩ ଲୋକସଭା ସାଂସଦଙ୍କ ମଧ୍ୟରୁ ଆରଜେଡିର ଶୂନ ସାଂସଦ ଅଛନ୍ତି । ବିହାରର ଲୋକମାନେ ଭାବିବେ ଯେ, ଆରଜେଡି ଏକ ବହୁତ ବଡ ଦଳ କିନ୍ତୁ ଆମର ମଧ୍ୟ ନିର୍ବାଚନ ଜ୍ଞାନ ରହିଛି । ଗତ ୧୦ ବର୍ଷ ମଧ୍ୟରେ ଆମେ ମଧ୍ୟ ସେହି କାର୍ଯ୍ୟ କରିଛୁ ।

ପ୍ରଶାନ୍ତ କିଶୋର କହିଛନ୍ତି ଯେ, ଗତ ବିଧାନସଭାରେ କିଛି ପରିସ୍ଥିତି ସୃଷ୍ଟି ହୋଇଥିଲା ଯେଉଁଥିପାଇଁ ତାଙ୍କର ୨୦-୩୦ ଜଣ ବିଧାୟକ ଅଧିକ ଜିତିଥିଲେ । ସେ ବ୍ୟଙ୍ଗାତ୍ମକ ଭାବରେ କହିଛନ୍ତି, ଯଦି କେହି ପ୍ରଧାନମନ୍ତ୍ରୀଙ୍କ ଚେୟାର ଏବଂ ପୋଷ୍ଟରକୁ ତାଙ୍କ ଘର ବାହାରେ ରଖନ୍ତି ତେବେ ଏହାର ଅର୍ଥ କ’ଣ ? ଯଦି ଆସନ୍ତାକାଲି ଆମେରିକାର ରାଷ୍ଟ୍ରପତିଙ୍କ ଚେୟାରରେ କେହି ବସିଯିବେ ଏହାର ଅର୍ଥ ନୁହେଁ ଯେ, ସେ ଆମେରିକାର ରାଷ୍ଟ୍ରପତି ହୋଇଯିବେ ।

ସେ କହିଛନ୍ତି ଯେ, ଆଜି ଆରଜେଡିର ନିଜର ସ୍ଥାନ ନାହିଁ ଏବଂ ସେ କିପରି ଦେଶର ପ୍ରଧାନମନ୍ତ୍ରୀ ହେବେ ? ଆରଜେଡିର ରାଜନୈତିକ ଶକ୍ତି ଏତେ ଯେ, ସେମାନେ ଆଜି ବିହାରରେ ସେମାନଙ୍କର ଜଣେ ସାଂସଦଙ୍କୁ ଜିତିବାକୁ ସକ୍ଷମ ନୁହଁନ୍ତି । ତେଜସ୍ୱୀ ଯାଦବ ଜାଣିବା ଉଚିତ ଯେ, ଦେଶର ଲୋକମାନେ ମୂର୍ଖ ନୁହନ୍ତି । RJD ପରି ଦଳ ପ୍ରତ୍ୟେକ ରାଜ୍ୟରେ ଅଛି । ଆଜି ବିହାରରେ ଆରଜେଡିର କୌଣସି ଶକ୍ତି ନାହିଁ ।

ଏଠାରେ ଜଣାଇ ଦେଉଛୁ ଯେ, ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର ଗତ ବର୍ଷ ଅକ୍ଟୋବର ୨ ତାରିଖରୁ ବିହାରର ବିଭିନ୍ନ ଜିଲ୍ଲାରେ ଜନ ସୁରାଜ ପଦଯାତ୍ରା କରିଆସୁଛନ୍ତି । ବର୍ତ୍ତମାନ ସମସ୍ତିପୁରରେ ସ୍ୱାସ୍ଥ୍ୟଗତ କାରଣରୁ ତାଙ୍କ ପଦଯାତ୍ରା ବନ୍ଦ ରହିଛି । ଏହା ସତ୍ତ୍ବେ ସେ କ୍ରମାଗତ ଭାବରେ ରାଜନୀତିରେ ତୀବ୍ର ଆକ୍ରମଣ କରୁଛନ୍ତି । ଆପଣଙ୍କୁ କହିରଖୁଛୁ ଯେ, ୨୦୨୪ ମସିହାରେ ଦେଶରେ ଲୋକସଭା ନିର୍ବାଚନ ଅନୁଷ୍ଠିତ ହେବ । ଏହାକୁ ନେଇ ବିହାରରେ ବହୁ ରାଜନୈତିକ ହଲଚଲ ଜାରି ରହିଛି । ପ୍ରଶାନ୍ତ କିଶୋର ମଧ୍ୟ ବିହାରର ଶାସକ ଦଳ ଆରଜେଡି ଏବଂ ଜେଡିୟୁ ବିରୋଧରେ ବୟାନବାଜି କରିବାର କୌଣସି ସୁଯୋଗ ଛାଡୁନାହାନ୍ତି ।