Category: ଦେଶ-ବିଦେଶ

ବିଜ୍ଞାନ କହେ ପ୍ରତ୍ୟକ କ୍ରିୟାର ପ୍ରତିକ୍ରିୟା ରହିଛି । ପ୍ରେମ ବି ଏଥିରୁ ବାଦ ପଡିନି । ଚାରି ପିଲାଙ୍କ ମା ତଥା ପାକିସ୍ତାନୀ ମହିଳା ସୀମା ହାଇଦରଙ୍କ ପ୍ରେମ ସମ୍ପର୍କ ସାରା ବିଶ୍ବରେ ଚର୍ଚ୍ଚାର ବିଷୟ ପାଲଟିଛି । ଭାରତର ସଚିନ ପ୍ରେମରେ ଅନ୍ଧ ହୋଇ ସୀମାପାର ହୋଇ ସୀମା ସୁଦୂର ପାକିସ୍ତାନରୁ ଭାରତ ଚାଲିଆସିଥିଲେ । ସାଚିନଙ୍କୁ ପାଇବା ପାଇଁ ତାଙ୍କର ଆନ୍ତରିକତାକୁ ଅନେକ ଲୋକ ପ୍ରଶଂସା କରୁଥିବା ବେଳେ ସୀମା କିନ୍ତୁ ଏଥିରେ ଫଶି ଯାଇଛନ୍ତି । ଅବୈଧ ଭାବେ ସୀମା ପାର ହୋଇ ଭାରତରେ ପ୍ରବେଶ କରିଥିବାରୁ ସୀମା ହାଇଦର ଏବେ ଜେଲର ଚାରି କାନ୍ଥ ଭିତରେ ସମୟ ବିତାଉଛନ୍ତି ।

ଏବେ ଆଉ ଏକ ଅଡୁଆ ସୀମାଙ୍କ ମୁଣ୍ଡ ବ୍ୟଥାର କାରଣ ପାଲଟିଛି । ରୋନ୍ତି କୁଚିର କୁଖ୍ୟାତ ଡାକୁ ରାନୋ ଶର କହିଛନ୍ତି, ସୀମା ଯଦି ତାଙ୍କ ଚାରି ପିଲାଙ୍କ ସହିତ ପାକିସ୍ତାନ ପ୍ରତ୍ୟାବର୍ତ୍ତନ ନକରନ୍ତି ତେବେ ସେ ରାହରକି ଦରବାରରେ ଥିବା ମନ୍ଦିର ଉପରେ ଦୁଇ ଦିନ ଭିତରେ ଆକ୍ରମଣ କରିବେ । ଏଥସହିତ ଅନ୍ୟ ଡାକୁ ମାନଙ୍କୁ ସେ କହିଛନ୍ତି ଯେ, କୌଣସି ହିନ୍ଦୁ ଯେମିତି ରାହାରକି ପରିଦର୍ଶନ କରିନପାରନ୍ତି ।

ବିଭାଜନ ପରଠାରୁ ଭାରତ-ପାକିସ୍ତାନର ସମ୍ପର୍କ କାହାକୁ ଅଛପା ନାହିଁ । ସୀମାଙ୍କ ଏହି ନିଷ୍ପତ୍ତି ପାକିସ୍ତାନର ମୁଣ୍ଡବ୍ୟଥାର କାରଣ ପାଲଟିଛି । ସଚିନ ଆଉ ସୀମା ଏକ ମାସ କାଳ ଗ୍ରେଟର ନୋଏଡାରେ ରହୁଥିଲେ । ଏହାପରେ ପୋଲିସ ସୂଚନା ପାଇ ସେମାନଙ୍କୁ ଗିରଫ କରିନେଇଥିଲେ । ଏବେ ଏହି ଦୁଇ ପ୍ରେମୀ ଯୁଗଳ ଭାରତ ସରକରାଙ୍କୁ ନିବେଦନ କରିଛନ୍ତି ଯେ, ସେମନଙ୍କର ବିବାହ କରିଦିଆଯାଉ । ଏହାରି ଭିତରେ ସୀମାଙ୍କ ସ୍ବାମୀ ଗୁଲାମ୍ ହାଇଦର ଜଖରାନୀ ସାମ୍ନାକୁ ଆସିଛନ୍ତି । ସେ ବିଗତ ୩ ବର୍ଷ କାଳ ସାଉଦୀ ଆରବରେ ରହି ଚାକିରି କରୁଛନ୍ତି । ବିବିସିକୁ ଗୁଲାମ କହିଛନ୍ତି, ତାଙ୍କ ସ୍ତ୍ରୀ ପବଜି ଗେମ୍ ପ୍ରଭାବରେ ଆସି ଫଶିଯାଇଛନ୍ତି । ସେ କହିଛନ୍ତି, ତାଙ୍କ ସ୍ତ୍ରୀ ଆଉ ପିଲାଙ୍କୁ ପାକିସ୍ତାନ ଫେରାଇଦିଆଯିବା ଉଚିତ ।

ହାଇଦର ସାଉଦୀ ଆରବ ଯିବା ପୂର୍ବରୁ ଅଟୋରିକ୍ସା ଚଲାଉଥିଲେ । କିନ୍ତୁ, ଅଭାବ ପାଇଁ ଟଙ୍କା ରୋଜଗାର କରିବା ପାଇଁ ସେ ନିଜ ଦେଶ ଛାଡିଦେଇଥିଲେ । ସେଠାରେ ମୁଲ ଲାଗି ସେ ରୋଜଗାର କରିବା ଆରମ୍ଭ କଲେ । ଘରେ ଥିବା ସ୍ତ୍ରୀ ଆଉ ଚାରି ପିଲାଙ୍କୁ ଟଙ୍କା ଦେବା ଆରମ୍ଭ କଲେ । ଘରେ ତାଙ୍କ ବାପା ମଧ୍ୟ ରହୁଥିଲେ । ତାଙ୍କ ଘର ଛୋଟ ହୋଇଥିବାରୁ ସେ ଏହାକୁ ମରାମତି କରି ବଡ କରିବେ ବୋଲି କହିଥିଲେ । ଏହାପରେ ସେ ଭଡା ଘରେ ରହିବେ ବୋଲି କହିଥିଲେ । ଏହାପରେ ସୀମା କାହାକୁ ନକହି ଘର ବିକ୍ରି କରିଦେଲେ ଆଉ ଭଡା ଘରକୁ ସିଫ୍ଟ ହୋଇଗଲେ । ହାଇଦରଙ୍କ ସୀମା ସହିତ ଲଗାତାର କଥାବାର୍ତ୍ତା ହେଉଥିଲା । କିନ୍ତୁ, ମେ ୯ ତାରିଖର ଘଟଣା ପାଇଁ ପାକିସ୍ତାନର ଇଣ୍ଟରନେଟ ବନ୍ଦ ହୋଇଗଲା । ଏହାପରେ ସେମାନଙ୍କ ଭିତରେ ସମ୍ପର୍କ ବିଛିନ୍ନ ହୋଇଗଲା । କିଛିଦିନ ପରେ ଇଣ୍ଟରନେଟ ଆରମ୍ଭ ହେଲା । ହେଲେ ହାଇଦରଙ୍କ ସୀମା ସହିତ କୌଣସି ସମ୍ପର୍କ ହୋଇପାରିନଥିଲା । ଏହାପରେ ସେ ଜାଣିବାକ ପାଇଲେ ଯେ, ସୀମା ଭାରତରେ ଅଛି । ହେଲେ ଏବେ ହାଇଦର ସୀମାକୁ ଫେରିଆସିବା ପାଇଁ ଅନୁରୋଧ କରିଛନ୍ତି ।

ସ୍ପେନର କେନରି ଦ୍ୱୀପ ନିକଟରେ ପ୍ରବାସୀଙ୍କୁ ନେଇ ଯାଉଥିବା ତିନୋଟି ଭରପୁର ଡଙ୍ଗା ନିଖୋଜ ଥିବା ଜଣାପଡିଛି । କୁହାଯାଉଛି ଯେ, ଏହି ଡଙ୍ଗାରେ ଶତାଧିକ ଶରଣାର୍ଥୀ ଥିଲେ ଯେଉଁମାନେ ସେନେଗଲରୁ ସ୍ପେନ ଯାଉଥିଲେ । ୱାକିଂ ବର୍ଡରର ମାନବାଧିକାର କର୍ମୀ ହେଲେନା ମାଲେନୋ ନ୍ୟୁଜ୍ ଏଜେନ୍ସି ରଏଟର୍ସକୁ କହିଛନ୍ତି ଯେ, ଦୁଇଟି ଡଙ୍ଗା ମଧ୍ୟରୁ ଗୋଟିଏରେ ୬୫ ଜଣ ଏବଂ ଅନ୍ୟଟିରେ ୫୦-୬୦ ଜଣ ଲୋକ ଅଛନ୍ତି । ଯେଉଁମାନେ ସେନେଗଲରୁ ସ୍ପେନ ଯାଉଥିଲେ କିନ୍ତୁ ୧୫ ଦିନ ପରେ ମଧ୍ୟ ସେଠାରେ ପହଞ୍ଚିନଥିଲେ । ସେ କହିଥିଲେ ଯେ, ତୃତୀୟ ଡଙ୍ଗାରେ ୨୦୦ ଲୋକ ଥିଲେ ।

ଡଙ୍ଗା ୨୭ ଜୁନରେ ସେନେଗଲରୁ ସ୍ପେନ ଅଭିମୁଖେ ଯାତ୍ରା କରିଥିଲା । ମାଲେନୋ କହିଛନ୍ତି ଯେ, ଏହା ପରେ ଡଙ୍ଗାରେ ଥିବା ଲୋକଙ୍କ ସେମାନଙ୍କ ପରିବାର ସଦସ୍ୟଙ୍କ ସହ କୌଣସି ସମ୍ପର୍କ ହୋଇପାରିନଥିଲା । ସମସ୍ତ ତିନୋଟି ଡଙ୍ଗା ସେନେଗଲର ଦକ୍ଷିଣରେ ଥିବା କାଫାଉଣ୍ଟିନ୍‌ରୁ ବାହାରିଥିଲା । ଏହି ଡଙ୍ଗାରେ ଥିବା ୩୦୦ ଲୋକ ସେନେଗଲର ଗୋଟିଏ ଅଞ୍ଚଳର ବାସିନ୍ଦା ଅଟନ୍ତି । ସେନେଗଲରେ ଚାଲିଥିବା ଅସ୍ଥିରତା ଯୋଗଁ ଦେଶ ଛାଡିବାକୁ ବାଧ୍ୟ ହୋଇଥିଲେ ।

ଏଠାରେ ଜଣାଇ ଦେଉଛୁ ଯେ, ପଶ୍ଚିମ ଆଫ୍ରିକା ଉପକୂଳରେ ଅବସ୍ଥିତ କାନାରି ଦ୍ୱୀପ ହେଉଛି ସ୍ପେନରେ ପହଞ୍ଚିବାକୁ ଚେଷ୍ଟା କରୁଥିବା ପ୍ରବାସୀ ମାନଙ୍କ ପାଇଁ ମୁଖ୍ୟ ମାର୍ଗ । ଏହା ବ୍ୟତୀତ ବହୁତ କମ୍ ସଂଖ୍ୟକ ଲୋକ ଭୂମଧ୍ୟସାଗର ପାର ହୋଇ ସ୍ପେନରେ ପହଞ୍ଚିବାକୁ ଚାହାଁନ୍ତି, କାରଣ ଭୂମଧ୍ୟସାଗରର ରାସ୍ତା ବହୁତ ଲମ୍ବା ଏବଂ କଷ୍ଟକର । କାରଣ ଏହି ଅଞ୍ଚଳରେ ପ୍ରବଳ ଗରମ ପଡିଥାଏ । ଯେଉଁଥିପାଇଁ ଭୂମଧ୍ୟସାଗର ଦେଇ ଯିବା ଅତ୍ୟନ୍ତ କଷ୍ଟକର ହୋଇପଡେ । କେବଳ ସେତିକି ନୁହେଁ, ଆଟଲାଣ୍ଟିକ୍ ସ୍ଥାନାନ୍ତରଣ ମାର୍ଗକୁ ମଧ୍ୟ ବିଶ୍ୱର ସବୁଠାରୁ ମାରାତ୍ମକ ମାର୍ଗ ଭାବେ ବିବେଚନା କରାଯାଏ ।

ମିଳିତ ଜାତିସଂଘର ଆନ୍ତର୍ଜାତୀୟ ସଂଗଠନ ଫର ମାଇଗ୍ରେସନର ତଥ୍ୟ ଅନୁଯାୟୀ, ଗତ ବର୍ଷ କେନରି ଦ୍ୱୀପରେ ପହଞ୍ଚିବାକୁ ଚେଷ୍ଟା କରି ୨୨ ପିଲାଙ୍କ ସମେତ ଅତି କମରେ ୫୫୯ ଜଣ ପ୍ରାଣ ହରାଇଛନ୍ତି ।

ଏକ କାର୍ କୁ ଧକ୍କା ଦେଲା ସ୍କୁଲ ବସ୍ । ଘଟଣାସ୍ଥଳରେ ୬ ଜଣଙ୍କ ମୃତ୍ୟୁ ହୋଇଛି। ଦିଲ୍ଲୀ-ମେରଠ ଏକ୍ସପ୍ରେସ ହାଇୱେ ଉପରେ ଆଜି ଭୋରୁ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏକ ବସ୍‌ ଓ କାର୍‌ ମଧ୍ୟରେ ଧକ୍କା ହେବାରୁ ଘଟଣାସ୍ଥଳରେ ୬ ଜଣଙ୍କ ମୃତ୍ୟୁ ହୋଇଛି। ସୂଚନା ଅନୁଯାୟୀ, ୯ ନଂ ଜାତୀୟ ରାଜପଥର ଲାଲକୁଆଁ ରୁ ଦିଲ୍ଲୀ ଅଭିମୁଖେ ଯାଉଥିବା ରାସ୍ତାରେ ଏହି ଦୁର୍ଘଟଣା ଘଟିଛି। ଏହି ଦୁର୍ଘଟଣା କ୍ରସିଂ ରିପବ୍ଲିକ ଥାନା ଅଞ୍ଚଳରେ ରାହୁଲ ବିହାର ସାମନାରେ ହୋଇଛି। ଖବର ପାଇ ପୁଲିସ୍‌ ଓ ଡିଏମ୍‌ଇ ଟିମ୍‌ ଘଟଣାସ୍ଥଳରେ ପହଞ୍ଚି ରେସକ୍ୟୁ କରିଛନ୍ତି।ଦୁର୍ଘଟଣା ଏତେ ଭୟଙ୍କର ଥିଲା ଯେ, କାର୍‌ଟି ଚାପି ହୋଇ ଯାଇଥିବାରୁ ମୃତଦେହଗୁଡ଼ିକୁ କାର୍‌ରୁ ବାହାର କରିବା ପୁଲିସ୍‌ ପାଇଁ କାଠିକର ପାଠ ହୋଇଥିଲା। ଗ୍ୟାସ୍‌ କଟକ ସହାୟତାରେ କାର୍‌କୁ କାଟି ମୃତଦେହକୁ ଉଦ୍ଧାର କରାଯାଇ ବ୍ୟବଚ୍ଛେଦ ପାଇଁ ପଠାଯାଇଛି। ରାସ୍ତା ଉପରେ ଦୀର୍ଘ ସମୟ ଗାଡ଼ି ପଡ଼ିଥିବାରୁ ଯାତାୟତରେ ବାଧା ସୃଷ୍ଟି ହୋଇଥିଲା।

ଯାତାୟତକୁ ସରଳ କରିବା ପାଇଁ ଟ୍ରାଫିକ ବ୍ୟବସ୍ଥା କରିବା ଏକ ସାଧାରଣ କଥା । ଟ୍ରାଫିକ୍ ଲାଇଟ ସିଗନାଲ ଦ୍ବାରା ଗାଡି ଚାଳକ କେତେବେଳେ ଆଗକୁ ବଢିବେ ଆଉ କେତେବେଳେ ଅଟକିବେ ତାହା ଜାଣିପାରନ୍ତି । ଯେଉଁଥିପାଇଁ ରାସ୍ତାରେ ସେମିତି ବିଶେଷ ଜାମ୍ ହୁଏନାହିଁ । ଯଦି କୌଣସି କରଣରୁ ଟ୍ରାଫିକ ସିଗନାଲ କାମ କରିବା ବନ୍ଦ କରିଦେବ ତାହେଲେ, ଅନେକ ଦୁର୍ଘଟଣା ହେବାର ଆଶଙ୍କା ରହିଛି । ତେଣୁ ପ୍ରାୟ ସବୁ ଦେଶରେ ସୁନିୟନ୍ତ୍ରିତ ଟ୍ରାଫିକ ବ୍ୟବସ୍ଥା କରାଯାଇଛି । ହେଲେ ଏମିତି ଗୋଟିଏ ଦେଶ ଅଛି ଯାହାର ଜମା ଟ୍ରାଫିକ ଲାଇଟ ନାହିଁ । ଆଉ ସେହି ଦେଶଟି ମଧ୍ୟ ଭାରତର ପୋଡୋଶୀ ।

ଆମେ ଭାରତର ପଡୋଶୀ ତଥା ବନ୍ଧୁ ରାଷ୍ଟ୍ର ଭୁଟାନ ବିଷୟରେ କହୁଛୁ । ଦକ୍ଷିଣ ପୂର୍ବ ଏସିଆର ହିମାଳୟର କୋଳରେ ଅବସ୍ଥିତ ଏହି ସୁନ୍ଦର ଦେଶ ହାପି ଇଣ୍ଡେକ୍ସରେ ବିଶ୍ୱରେ ପ୍ରଥମ ସ୍ଥାନ ଅଧିକାର କରିଛି । ଏହି ଦେଶରେ ଏପରି ଅନେକ ରୋଚକ ଜିନିଷ ଅଛି, ଯାହା ଆପଣଙ୍କୁ ଆଶ୍ଚର୍ଯ୍ୟ କରିବ । ଏହା ଦୁନିଆର ସବୁଠୁ ସବୁଜ ଦେଶ । ଏହି ଦେଶରେ ଇଣ୍ଡଷ୍ଟ୍ରୀ ଏବଂ ଯାନବାହାନ ସଂଖ୍ୟା ବହୁତ କମ୍ ରଖାଯାଇଛି, ଯେଉଁଥିପାଇଁ ସେଠାରେ ଅଙ୍ଗାରକାମ୍ଳ ନିର୍ଗମନ ପରିମାଣ ବହୁତ କମ୍ ରହିଛି । ଭୁଟାନରେ ଯେତିକି କାର୍ବନ ଡାଇଅକ୍ସାଇଡ୍ ନିର୍ଗତ ହୁଏ ତାଠାରୁ ଅଧିକ ଅମ୍ଳଜାନ ନିର୍ଗତ ହୁଏ ।

ଭୁଟାନରେ ଏକ ମଜାଦାର ବିଷୟ ହେଉଛି ଟ୍ରାଫିକ୍ ଲାଇଟ୍ । ସେଠାରେ କୌଣସି ଟ୍ରାଫିକ୍ ସିଗନାଲ୍ ସ୍ଥାପିତ ହୋଇନାହିଁ । ଏହାର ଗୋଟିଏ ନୁହେଁ ଅନେକ କାରଣ ରହିଛି । ବାସ୍ତବରେ ପର୍ଯ୍ୟାବରଣର ସୁରକ୍ଷାକୁ ଦୃଷ୍ଟିରେ ରଖି ସେଠାରେ ଯାନବାହାନର ସଂଖ୍ୟା ସୁଚିନ୍ତିତ ଭାବେ ସୀମିତ ରଖାଯାଇଛି । ଦ୍ୱିତୀୟତ କାରଣଟି ହେଉଛି, ସେଠାରେ ସଡ଼କ ଗୁଡ଼ିକର ନେଟୱାର୍କ ଏମିତି ଭାବରେ କରାଯାଇଛି ଯେ, ଯେଉଁଥିରେ ଛକ ସ୍ଥାନ ଗୁଡିକରେ ଟ୍ରାଫିକ ଲାଇଟର ଆବଶ୍ୟକତା ପଡିନଥିାଏ ।

ଭୁଟାନର ମଣିଷ ଏବଂ ପଶୁ-ପକ୍ଷୀଙ୍କ ମଧ୍ୟରେ ଏତେ ନିବିଡ ପ୍ରେମ ରହିଛି ଯେ, ପଶୁ-ପକ୍ଷୀ ମାନେ ସହଜରେ ରାସ୍ତାରେ ବୁଲୁଥିବାର ଦେଖାଯାଏ । ସେଠାରେ ଗାଇ, ମହିଁଷ ଓ ମେଣ୍ଢା-ଛେଳି ରାସ୍ତାରେ ଆନନ୍ଦରେ ଚରନ୍ତି । ଏହି କାରଣରୁ ଯାନବାହାନର ଗତି ସେଠାରେ ମନ୍ଥର ରହିଥାଏ । ପ୍ରତ୍ୟେକ ଛକ ଏବଂ ପ୍ରମୁଖ ରାସ୍ତାରେ ଟ୍ରାଫିକ ପୋଲିସ କର୍ମଚାରୀ ନିୟୋଜିତ ହୋଇଛନ୍ତି ଯେଉଁମାନେ କୌଣସି ଡ୍ରାଇଭର ଟ୍ରାଫିକ ନିୟମ ଉଲ୍ଲଂଘନ କରୁଛନ୍ତି କି ନାହିଁ ତାହା ସ୍ଥିର କରନ୍ତି ।

ଯେହେତୁ ଭୁଟାନରେ ଟ୍ରାଫିକ୍ ଲାଇଟ୍ ନାହିଁ ଏବଂ ସଡ଼କର ନେଟୱାର୍କ ଉତ୍କୃଷ୍ଟ କରାଯାଇଛି ତେଣୁ, ସେଠାରେ ଟ୍ରାଫିକ୍ ଜାମର କୌଣସି ଅସୁବିଧା ହୁଏନାହିଁ । ତେଣୁ, ଯେତେବେଳେ ବି ବିଦେଶୀ ପର୍ଯ୍ୟଟକ ଭୁଟାନ ପରିଦର୍ଶନ କରିବାକୁ ଆସନ୍ତି, ସେଠାକାର ସୌନ୍ଦର୍ଯ୍ୟ ଏବଂ ଟ୍ରାଫିକ ପରିଚାଳନା ଦେଖି ସେମାନେ ଆଶ୍ଚର୍ଯ୍ୟ ହୋଇଯାଆନ୍ତି । ଏହି ମ୍ୟାନେଜମେଣ୍ଟର କମାଲ ପାଇଁ ଭୁଟାନକୁ ବିଶ୍ୱର ସବୁଠାରୁ ଶାନ୍ତିପୂର୍ଣ୍ଣ ଦେଶ ମଧ୍ୟ କୁହାଯାଏ । ସେଠାରେ ଯାନବାହାନର ଶବ୍ଦ ପ୍ରଦ୍ୟୁଷଣ କମ୍ ହୋଇଥାଏ ।

ଆପଣ ଯେତେବେଳେ ନିଜ ଦେଶରୁ ଅନ୍ୟ ଦେଶକୁ ଯାଆନ୍ତି ଆପଣଙ୍କୁ ପାସପୋର୍ଟ ନିହାତି ଆବଶ୍ୟକ ପଡେ । ନହେଲେ ଆପଣ କୌଣସି ଦେଶରେ ପାଦ ରଖିପାରିବେ ନାହିଁ । ହେଲେ ଆପଣ ଜାଣିଛନ୍ତି କି ଦୁନିଆରେ ଏମିତି 3 ଜଣ ରହିଛନ୍ତି ଯେଉଁମାନଙ୍କୁ କୌଣସି ପାସପୋର୍ଟ ଆବଶ୍ୟକ ପଡେନାହିଁ । ସେମାନେ ଚାହିଁଲେ ଦୁନିଆର ଯେକୌଣସି ଦେଶକୁ ଯାଇ ଭ୍ରମଣ କରିପାରିବେ । ଏଥିସହିତ ଆଉ ଏକ ପ୍ରଶ୍ନ ମଧ୍ୟ ଆପଣଙ୍କ ମନରେ ଉଙ୍କି ମାରୁଥିବ ଯେ, ଯଦି କୌଣସି ରାଷ୍ଟ୍ରାଧ୍ୟକ୍ଷ କୌଣସି ଦେଶକୁ ଭିଜିଟରେ ଯାଆନ୍ତି, ତେବେ କଣ ତାର ବି ପାସପୋର୍ଟ ଆବଶ୍ୟକ ପଡେ । ଯଦି ଆବଶ୍ୟ ପଡେ ତେବେ ତାହା କେଉଁପ୍ରକାର ପାସପୋର୍ଟ । ଆଜି ସେସବୁ ବିଷୟରେ ଜାଣିବା ।

ବାସ୍ତବରେ ବିନା ପାସପୋର୍ଟରେ ସବୁ ଦେଶ ଭ୍ରମଣ କରିପାରୁଥିବା ଏହି ତିନିଜଣ ହେଉଛନ୍ତି ବ୍ରିଟେନ ରାଜା, ଜାପାନର ରାଜା ଏବଂ ଜାପାନର ରାଣୀ । କୁହଯାଏ ଯେ ସେମାନଙ୍କୁ ବିଦେଶ ଯିବା ପାଇଁ ପାସପୋର୍ଟ ଆବଶ୍ୟ ପଡେ ନାହିଁ । ଯେତେବେଳେ ବ୍ରିଟେନ ରୟାଲ ଫ୍ୟାମିଲିର ଦାୟିତ୍ବ ରାଣୀ ଏଲିଜାବେଥଙ୍କ ପାଖରେ ଥିଲା ସେତେବେଳେ ତାଙ୍କ ପାଖରେ ଏହି ଅଧିକାର ଥିଲା । ଏବେ ଚାର୍ଲ୍ସ ରାଜା ଥିବାରୁ ତାଙ୍କୁ ସେ ଅଧିକାର ମିଳିଗଲା । ସେହିପରି ଜାପାନର ରାଜା ଆଉ ରାଣୀଙ୍କ ପାଖରେ ଏହି ଅଧିକାର ରହିଛି । ସେମାନେ ଚାହିଁଲେ ଯେକୌଣସି ଦେଶକୁ ବିନା ପାସପୋର୍ଟରେ ଯାଇପାରିବେ ।

ପ୍ରତ୍ୟକ ଦେଶର ରାଷ୍ଟ୍ରମୁଖ୍ୟ ତଥା କିଛି ଗୁରୁତ୍ବପୂର୍ଣ୍ଣ ବ୍ୟକ୍ତି ବିଶେଷଙ୍କ ପାଇଁ ପାସପୋର୍ଟ ଆବଶ୍ୟକ ପଡିଥାଏ । ସ୍ବାଗତ କରିବା ପାଇଁ ବିମାନ ବନ୍ଦରରେ ମଧ୍ୟ ସେମାନଙ୍କ ପାଇଁ ବିଶେଷ ଧରଣର ସବିଧା ସୁଯୋଗ କରାଯାଏ । ଏଥିସହିତ କିଛି ଖାସ ଲୋକଙ୍କ ପାଖରେ କୁଟନୈତିକ ପାସପୋର୍ଟ ରହିଥାଏ । ସେମାନଙ୍କ ପାଇଁ ପ୍ରୋଟୋକଲ ଫଲୋ କରାଯାଏ ।