ମଧ୍ୟପ୍ରଦେଶର ଇକଲେରା ଗ୍ରାମବାସୀ ସେତେବେଳେ ଆଶ୍ଚର୍ଯ୍ୟ ହେଲେ ଯେତେବେଳେ ସେମାନେ ଜଙ୍ଗଲରେ ଅସୁସ୍ଥ ହୋଇ ଗୋଟେ କାଲରାପତ୍ରିଆ ବାଘ ବୁଲୁଥିବାର ଦେଖିଲେ । ଗ୍ରାମବାସୀଙ୍କ ଦ୍ୱାରା ବାଘକୁ ହଇରାଣ କରିବା ଏବଂ ତାକୁ ଗୃହପାଳିତ ପଶୁ ପରି ବ୍ୟବହାର କରୁଥିବା ଭିଡିଓ ସମ୍ନାକୁ ଆସିଛି ।
କିଛି ଲୋକ ବାଘକୁ ଖେଳନା କରିଦେଇଥିଲେ | ସେମାନେ ଫଟୋ ଉଠାଇ ଭିଡିଓ କରିବା ଆରମ୍ଭ ମଧ୍ୟ କରିଦେଲେ | ଏତିକି ପର୍ଯ୍ୟନ୍ତ ଠିକ୍ ଥିଲା, କିନ୍ତୁ କିଛି ଲୋକ ତା ପିଠିରେ ବସି ସଵାରୀ ମଧ୍ୟ ଆରମ୍ଭ କରିଦେଲେ | ସନ୍ଧ୍ୟାସୁଦ୍ଧା ସୂଚନା ପାଇ ବନ ବିଭାଗ ଟିମ୍ ଘଟଣାସ୍ଥଳରେ ପହଞ୍ଚିଥିଲେ। ଏହି ସମୟରେ ଉଦ୍ଧାରକାରୀ ଦଳ ମଧ୍ୟ ଉଜୈନରୁ ଆସିସାରିଥିଲେ । ଉଜୈନର ଉଦ୍ଧାରକାରୀ ଦଳ ଏବଂ ଦେବାସ ବନ ବିଭାଗ ଦଳ କଲରାପତରିଆ ବାଘକୁ ଉଦ୍ଧାର କରିଥିଲେ।
ବନ ବିଭାଗ ଏସଡିଓ ସନ୍ତୋଷ ଶୁକଲା କହିଛନ୍ତି ଯେ କଲରାପତରିଆ ବାଘର ଦେହରେ କୌଣସି କ୍ଷତ ଚିହ୍ନ ନାହିଁ। କଲରାପତରିଆ ବାଘ ହୁଏତ ଅଧିକ ଖାଦ୍ୟ ଖାଇଥାଇପାରେ କିମ୍ବା ଅସୁସ୍ଥ ହୋଇଥାଇପାରେ | କଲରାପତରିଆ ବାଘକୁ ସାରାରାତି ପ୍ରାଣୀ ଚିକିତ୍ସକଙ୍କ ତତ୍ବବିଧାନରେ ଦୌଲତପୁର ବିଶ୍ରାମ ଗୃହରେ ରଖାଯାଇଥିଲା। ବର୍ତ୍ତମାନ ସକାଳେ ତାକୁ ଚିକିତ୍ସା ପାଇଁ ଇନ୍ଦୋର ପ୍ରାଣୀ ଉଦ୍ୟାନକୁ ନିଆଯାଉଛି,ଯେଉଁଠାରେ ଡାକ୍ତର ତାକୁ ଚିକିତ୍ସା କରିବେ। ସୁସ୍ଥ ହେବା ପରେ ତାକୁ ପୁନର୍ବାର ଜଙ୍ଗଲକୁ ଛାଡି ଦିଆଯିବ।
