ମନମୋହନ ସିଂ ଗୁରୁବାର ରାତିରେ AIIMS ରେ ୯୨ ବର୍ଷ ବୟସରେ ଶେଷ ନିଦ୍ରା ନେଇଥିଲେ । ଗୃହ ମନ୍ତ୍ରଣାଳୟ କହିଛି ଯେ ଡକ୍ଟର ମନମୋହନ ସିଂଙ୍କୁ ରାଜ୍ୟ ସମ୍ମାନରେ ତାଙ୍କର ଅନ୍ତିମ ସଂସ୍କାର କରାଯିବ ବୋଲି ସରକାର ନିଷ୍ପତ୍ତି ନେଇଛନ୍ତି।
ବହୁ ସଂଖ୍ୟକ ସୁରକ୍ଷା କର୍ମୀ ନିଗମ ବୋଧ ଘାଟରେ ପହଞ୍ଚିଛନ୍ତି। ଗୋଟିଏ ପରେ ଗୋଟିଏ ଯାନ ଏଠାରେ ପହଞ୍ଚିବା ଆରମ୍ଭ କରିଛି। ଅନ୍ୟ ଦେଶର କୂଟନୀତିଜ୍ଞମାନେ ଅନ୍ତିମ ସଂସ୍କାର ସ୍ଥଳରେ ପହଞ୍ଚିଛନ୍ତି।
ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ସ୍ମୃତି ସ୍ଥାନରେ ଦେଶର ରାଜନୀତି ଜୋରରେ ଚର୍ଚ୍ଚା ଚାଲିଛି । ରାଜସ୍ଥାନର ପୂର୍ବତନ ମୁଖ୍ୟମନ୍ତ୍ରୀ ଏବଂ କଂଗ୍ରେସ ନେତା ଅଶୋକ ଗେହଲୋଟ୍ ପ୍ରଶ୍ନ କରିଛନ୍ତି ଯେ ଆମକୁ ଚିଠି ଲେଖିବା କାହିଁକି ଆବଶ୍ୟକ ପଡିଲା ? ସେ କହିଛନ୍ତି ଯେ ନିଜେ ସ୍ମାରକ ସ୍ଥଳକୁ ନେଇ କେନ୍ଦ୍ର ସରକାରଙ୍କୁ ନିଜେ ଚିନ୍ତା କରିବାରଥିଲା ।
ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ଦେହାନ୍ତରେ ୟୁପି ଡେପୁଟି ମୁଖ୍ୟମନ୍ତ୍ରୀ ବ୍ରଜେଶ ପଠକ କହିଛନ୍ତି, “ପୂର୍ବତନ ପ୍ରଧାନମନ୍ତ୍ରୀ ଡକ୍ଟର ମନମୋହନ ସିଂଙ୍କ ଦେହାନ୍ତରେ ସମଗ୍ର ଦେଶ ଦୁଃଖିତ । ମୁଁ ତାଙ୍କୁ ହୃଦୟରୁ ଶ୍ରଦ୍ଧାଞ୍ଜଳି ଅର୍ପଣ କରୁଛି। ମୁଁ ଭଗବାନଙ୍କ ଠାରେ ପ୍ରାର୍ଥନା କରୁଛି ଯେ ଏହି ଅପାର ଯନ୍ତ୍ରଣା ସହିବା ପାଇଁ ତାଙ୍କ ପରିବାରକୁ ଶକ୍ତି ଦିଅନ୍ତୁ। ସେ ଦେଶର ଆର୍ଥିକ ସ୍ଥିତିକୁ ଭଲ କରିବା ପାଇଁ ତାଙ୍କ ପୁରା ଜୀବନକୁ ଉତ୍ସର୍ଗ କରିଥିଲେ।
ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ଦେହାନ୍ତରେ କଂଗ୍ରେସ ନେତା ଅଶୋକ ଗେହଲୋଟ୍ କହିଛନ୍ତି, “ସେ ଆର୍ଥିକ ସ୍ଥିତିକୁ ମଜବୁତ କରିଥିଲେ, ଉଦାରୀକରଣ ହେଉଛି ତାଙ୍କର ଉପହାର। ସେ ଏକ ସରଳ ଜୀବନ ବିତାଇଥିଲେ। ଆଜି ଏଭଳି ଏକ ବ୍ୟକ୍ତିତ୍ୱ ଚାଲିଯାଇଛନ୍ତି, ଯେଉଁଥିପାଇଁ ସମଗ୍ର ଦେଶ ଦୁଃଖୀତ।”
ବହୁ ସଂଖ୍ୟକ ସୁରକ୍ଷା କର୍ମୀ ନିଗମ ବୋଧ ଘାଟରେ ପହଞ୍ଚିସାରିଛନ୍ତି। ଗୋଟିଏ ପରେ ଗୋଟିଏ ଯାନବାହନ ଚଳାଚଳ ଏଠାରେ ପହଞ୍ଚିବା ଆରମ୍ଭ କରିଛି। ଅନ୍ୟ ଦେଶର କୂଟନୀତିଜ୍ଞମାନେ ଶବଦାହ ସ୍ଥଳରେ ପହଞ୍ଚିଛନ୍ତି।
