ଧର୍ମଶାଳା ବିଧାୟକ ହିମାଂଶୁ ସାହୁ କୌଣସି କାର୍ଯ୍ୟରେ ଯାଜପୁର ଟାଉନସ୍ଥିତ ଡିଡିଏମ ଅଫିସ ଯିବା ସମୟରେ ଯାଜପୁର ଜିଲ୍ଲା ସଦର ଥାନା ଅନ୍ତର୍ଗତ ବୁଢ଼ା ବ୍ରିଜ ନିକଟରେ ବିରଜା ହାଟ ସ୍ଥାନାନ୍ତର ଘଟଣାରେ ଶତାଧିକ ଲୋକ ତାଙ୍କ ଗାଡ଼ିକୁ ଅଟକାଇ ଆକ୍ରମଣ କରିଥିଲେ ।
ବୁଧବାର ରାତିରେ ଯାଜପୁର ଟାଉନ ଥାନା ବୁଢ଼ାଘାଟରେ ଧର୍ମଶାଳା ବିଧାୟକ ହିମାଂଶୁ ସାହୁଙ୍କ ଉପରେ ମରଣାନ୍ତକ ଆକ୍ରମଣ ହୋଇଛି । ୧୫ରୁ ୨୦ ଜଣ ଯୁବକ ମାରଣାସ୍ତ୍ର ଧରି ଆକ୍ରମଣ କରିଥିବା ନେଇ ଅଭିଯୋଗ ହୋଇଛି । ଧର୍ମଶାଳା ବିଧାୟକ ହିମାଂଶୁ ସାହୁ କୌଣସି କାର୍ଯ୍ୟରେ ଯାଜପୁର ଟାଉନସ୍ଥିତ ଡିଡିଏମ ଅଫିସ ଯିବା ସମୟରେ ଯାଜପୁର ଜିଲ୍ଲା ସଦର ଥାନା ଅନ୍ତର୍ଗତ ବୁଢ଼ା ବ୍ରିଜ ନିକଟରେ ବିରଜା ହାଟ ସ୍ଥାନାନ୍ତର ଘଟଣାରେ ଶତାଧିକ ଲୋକ ତାଙ୍କ ଗାଡ଼ିକୁ ଅଟକାଇ ଆକ୍ରମଣ କରିଥିଲେ ।ଏହି ଆକ୍ରମଣ ସମୟରେ ଆକ୍ରମଣକାରୀମାନେ ବିଧାୟକଙ୍କ ଗାଡି ଭାଙ୍ଗିବା ସହ ସୁନାଚେନ ଲୁଟି ନେଇଥିବା ବିଧାୟକ ହିମାଂଶୁ ଅଭିଯୋଗ କରିଛନ୍ତି ।
ବିଜେଡିର ପୂର୍ବତନ ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଓରଫ ବବି ଦାସଙ୍କ ଲୋକ ଏହି ଆକ୍ରମଣ କରିଥିବା ଅଭିଯୋଗ କରିଛନ୍ତି ଧର୍ମଶାଳା ବିଧାୟକ ହିମାଂଶୁ ସାହୁ। ବିଧାୟକ ଅଭିଯୋଗ କରିଛନ୍ତି ଯେ, ଆକ୍ରମଣକାରୀମାନେ ତାଙ୍କ ଗାଡ଼ିକୁ ରଡ, ଠେଙ୍ଗାରେ ପିଟିବା ସହ ତାଙ୍କର ସୁନାଚେନ ଛିଡ଼ାଇ ନେଇଥିଲେ ।
ତେବେ ଏହି ଘଟଣାକୁ ନେଇ ଘଟଣାସ୍ଥଳରେ ଉତ୍ତେଜନା ମୂଳକ ପରିସ୍ଥିତି ସୃଷ୍ଟି ହୋଇଥିଲା । ଆକ୍ରମଣ ପରେ ବରୁହାବୁଢା ବ୍ରିଜ ନିକଟରେ ବିଜେଡି ଓ ବିଜେପି ସମର୍ଥକ ମୁହାଁମୁହଁ ହୋଇଥିଲେ । ପୁଲିସ ଉପସ୍ଥିତିରେ ଗଣ୍ଡଗୋଳ ହୋଇଛି ବୋଲି କୁହାଯାଉଛି ।
