ମୟୂରଭଞ୍ଜ ଜିଲ୍ଲାର ରାଇରଙ୍ଗପୁର ଥାନା ଅନ୍ତର୍ଗତ ପୁରୁଣା ପାଣି ପଞ୍ଚାୟତର କଣ୍ଟାବଣି ଜଙ୍ଗଲରୁ ସୋମବାର ସକାଳେ ଏକ ଅଚିହ୍ନା ଯୁବକଙ୍କ ମୃତଦେହ ଉଦ୍ଧାର ହୋଇଥିବାରୁ ଅଞ୍ଚଳରେ ଚର୍ଚ୍ଚା ସୃଷ୍ଟି ହୋଇଛି।
ସୂଚନା ଅନୁସାରେ, ପ୍ରଭାତୀ ସୈଚ୍ଚ ପାଇଁ ଜଙ୍ଗଲକୁ ଯାଇଥିବା ସ୍ଥାନୀୟ ଲୋକ ମାନେ ଏକ ଗଛରେ ଅର୍ଦ୍ଧନଗ୍ନ ଅବସ୍ଥାରେ ଝୁଲନ୍ତା ଦେହକୁ ଦେଖି ଡରିଯାଇଥିଲେ । ପ୍ଲାଷ୍ଟିକ ଦୋଉଡିରେ ବେକରେ ବନ୍ଧା ଦେହଟି ପରେ ତଳକୁ ଖସି ପଡ଼ିଥିବା ଚିତ୍ର ଦେଖାଯାଇଛି । ମୃତଦେହରେ କେବଳ ଗୋଟିଏ ଫୁଲ୍ ପେଣ୍ଟ ଥିଲା, ଯାହା ଘଟଣାକୁ ଆଉ ଅଧିକ ସନ୍ଦେହଜନକ କରିଛି ।
ଘଟଣା ସ୍ଥଳକୁ ସ୍ଥାନୀୟ ସରପଞ୍ଚ ଓ ୱାର୍ଡ ମେମ୍ବର ପହଞ୍ଚି ପୋଲିସକୁ ସୂଚନା ଦେଇଥିଲେ। ଖବର ପାଇ ରାଇରଙ୍ଗପୁର ପୋଲିସ ମୃତଦେହ ଉଦ୍ଧାର କରି ଘଟଣାର ତଦନ୍ତ ଆରମ୍ଭ କରିଛନ୍ତି।
ପୋଲିସଙ୍କ କହିବା ଅନୁଯାୟୀ,ମୃତ ଯୁବକଙ୍କ ପରିଚୟ ଏପର୍ଯ୍ୟନ୍ତ ମିଳିନାହିଁ । ଏହା ଆତ୍ମହତ୍ୟା କି ହତ୍ୟା, ସେଥି ପାଇଁ ପ୍ରାଥମିକ ତଦନ୍ତ ଚାଲିଛି। ଦୋଉଡି ସହିତ ଦେହଖସି ପଡ଼ିବା ଘଟଣାରୁ ବହୁତ ସନ୍ଦେହ କରୁଛନ୍ତି | ସ୍ଥାନୀୟ ଲୋକମାନଙ୍କ ମଧ୍ୟରେ ଘଟଣାକୁ ନେଇ ନାନା ଜୁଆଞ୍ଚ ଏବଂ ଚର୍ଚ୍ଚା ଚାଲିଛି। ପୋଲିସ ପରିବାରକୁ ଚିହ୍ନଟ କରିବା ଏବଂ ମୃତ୍ୟୁର କାରଣ ଉଦ୍ଘାଟନ ପାଇଁ ବିସ୍ତୃତ ତଦନ୍ତ କରୁଛି।
