Category: ଜିଲ୍ଲା

ଅଗଷ୍ଟ ୧ ତାରିଖରୁ ଖୋଲିବ ଭିତରକନିକା

ପର୍ଯ୍ୟଟକଙ୍କ ପାଇଁ ଖୁସି ଖବର । ଅଗଷ୍ଟ ୧ ତାରିଖରୁ ଖୋଲିବ ଭିତରକନିକା ଜାତୀୟ ଉଦ୍ୟାନ । ୩ ମାସ ଧରି ବନ୍ଦ ରହିବା ପରେ ଭିତରକନିକା ଖୋଲୁଥିବାରୁ ପର୍ଯ୍ୟଟକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଅପରପକ୍ଷରେ ପର୍ଯ୍ୟଟକଙ୍କୁ ସ୍ବାଗତ କରିବା ପାଇଁ ବନବିଭାଗ ପ୍ରସ୍ତୁତି ଶେଷ ପର୍ଯ୍ୟାୟରେ । ସୁଚନା ଅନୁଯାୟୀ କୁମ୍ଭୀର ପ୍ରଜନନ ପାଇଁ ଭିତରକନିକା ଜାତୀୟ ଉଦ୍ୟାନ ମେ ୧ ତାରିଖରୁ ଜୁଲାଇ ୩୧ ତାରିଖ ପର୍ୟ୍ଯନ୍ତ ୩ ମାସଧରି ବନ୍ଦ ରହିଥିଲା ଭିତରକନିକା । ଏହି ସମୟରେ କୁମ୍ଭୀର ହିଂସ୍ର ରହୁଥିବା ରୁ ପର୍ୟ୍ୟଟକ ଙ୍କ ସୁରକ୍ଷା କୁ ଦୃଷ୍ଟି ରେ ରଖି ଭିତରକନିକା ବନ୍ଦ ରହିଥାଏ । ଭିତରକନିକା ଖୋଲୁଥିବାରୁ ପର୍ଯ୍ୟଟକ ଙ୍କ ସହ ଭିତରକନିକା ଉପରେ ନିର୍ଭରକରୁଥିବା ବୋଟ , ହୋଟେଲ , ଟ୍ରାଭେଲ୍ ଏଜେନ୍ସି , ଛୋଟ ବ୍ୟବସାୟ , ଟିୟୁରିଷ୍ଟି ଗାଇଡ଼ ମାନେ ନିଜର ଖୁସି ବ୍ୟକ୍ତ କରିଛନ୍ତି । ଏବଂ ଟିୟୁରିଷ୍ଟି ଗାଇଡ଼ ମାନଙ୍କୁ ସ୍ବତନ୍ତ୍ର ଟ୍ରେନିଂ ଦିଆଯାଇଛି ।

ଅପରପକ୍ଷରେ ପର୍ଯ୍ୟଟକ ଙ୍କୁ ଭିତରକନିକା କୁ ସ୍ବାଗତ କରିବା ପାଇଁ ବନବିଭାଗ ପ୍ରସ୍ତୁତ ହୋଇଥିବା ବେଳେ ଲୁଣା ନର୍ସରୀ , ସେଲ୍ଫି ପଏଣ୍ଟ , ବିଳାସପୂର୍ଣ୍ଣ ଏସି ରେଷ୍ଟୁରାଣ୍ଟ , ବୋଟ ଲାଇବ୍ରେରୀ, ବ୍ୟାଟେରୀ ବୋଟ ଆଦିର ସୁବିଧା ରହିଛି | ଭିତରକନିକାରେ ଥିବା କଟେଜ୍ ରିନୋଭେସନ କରିବା ସହ 2ଟି ନୂତନ ବ୍ୟାଟେରୀ ଚାଳିତ ଗାଡି ସାମିଲ ହୋଇଛି । ତେବେ ଉଦ୍ୟାନକୁ ଜଳପଥ ଦେଇ ପ୍ରବେଶ କରିବା ପାଇଁ ହେଲେ ଗୁପ୍ତି , ଖୋଳା , ଚାନ୍ଦବାଲି ଏବଂ ସ୍ଥଳପଥ ଦେଇ ଭିତରକନିକା ଡାଙ୍ଗମାଳ ମୁଖ୍ୟ ଫାଟକ ଦେଇ ପର୍ଯ୍ୟଟକ ଭିତରକୁ ପ୍ରବେଶ କରି ପାରିବେ । ପ୍ରବେଶ କରିବା ପାଇଁ ପରିଚୟପତ୍ର କୁ ବାଧ୍ୟତାମୂଳକ କରାଯାଥିବା କହିଛନ୍ତି ରେଞ୍ଜ ଅଫିସର ମାନସ ଦାସ ।

ପର୍ଯ୍ୟଟକ ଙ୍କୁ ଆକୃଷ୍ଟ କରିବା ପାଇଁ ବନବିଭାଗ ବିଭିନ୍ନ ପଦକ୍ଷେପ ଗ୍ରହଣ କରିଥିବା ବେଳେ ପର୍ୟ୍ୟଟକମାନଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଛି ।
ପରିବାର ନିୟୋଜନ ଅପରେସନ ବେଳେ ଡାକ୍ତର ପରିସ୍ରା ନାଡ଼ିକୁ କାଟି ଦେଲେ ତା’ ପରେ …….

ଡାକ୍ତରଙ୍କ ଅବହେଳା ଯୋଗୁ ଚାଲିଗଲା ମୋ ଝିଅର ଜୀବନ ମୁ ଏବେ କେମିତି ବଞ୍ଚିବି ‘ମୋ ଝିଅକୁ ମାରିଦେଲେ। ପରିବାର ନିୟୋଜନ ଅପରେସନ ବେଳେ ଡାକ୍ତର ପରିସ୍ରା ନାଡ଼ିକୁ କାଟି ଦେବାରୁ ମୋ ଝିଅ ମରିଗଲା। ମୋ ଝିଅକୁ ମୋତେ ଆଣିଦିଅ। ସେ ଝିଅ ନଥିଲା, ସେ ମୋ ପୁଅ ଥିଲା। ମୁଁ ଏବେ ତା’ପୁଅକୁ କିପରି ମଣିଷ କରିବି।’ ଏପରି କହି ଭଦ୍ରକ ଜିଲ୍ଲାପାଳଙ୍କ ଅଫିସ ଆଗରେ କାନ୍ଦି କାନ୍ଦି ଗଡ଼ିଯାଉଛନ୍ତି ଜଣେ ବୃଦ୍ଧ। ପରିବାର ନିୟୋଜନ ଅପରେସନ ପରେ ତାଙ୍କ ଝିଅର ମୃତ୍ୟୁ ଘଟିଛି। ନ୍ୟାୟ ମାଗିବା ପାଇଁ ଜିଲ୍ଲାପାଳଙ୍କ ନିକଟକୁ ଆସିଛନ୍ତି।

ଏପରି ଘଟଣା ଘଟିଛି ଭଦ୍ରକ ଜିଲ୍ଲାରେ। ମୃତ ମହିଳା ଜଣଙ୍କ ହେଲେ ଜୟନ୍ତୀ ବେଜ। ଭଦ୍ରକ ଜିଲ୍ଲା ଆଗରପଡା ଥାନା ଅନ୍ତର୍ଗତ ରାଉତରାୟପୁର ହୃଷିକେଶ ବେଜଙ୍କ ଝିଅ ଜୟନ୍ତୀ ବେଜ ଦୁଇ ବର୍ଷ ପୂର୍ବରୁ ଔପଦା ଗଡ଼ସାହିର ଯଶୋବନ୍ତ ବାରିକଙ୍କୁ ବୈଦିକ ରୀତିନୀତି ଅନୁସାରେ ବିବାହ କରିଥିଲେ। ଉଭୟ ଦମ୍ପତ୍ତିଙ୍କର ଏକ ଶିଶୁ ପୁତ୍ର ମଧ୍ୟ ଅଛି। ପୁଅ ସହିତ ଜୟନ୍ତୀ ବାପା ଘର ରାଉତରାପୁରରେ ରହୁଥିଲେ। ବରପଦାରେ ପରିବାର ନିୟୋଜନ ଅପରେସନ ପାଇଁ କ୍ୟାମ୍ପ କରାଯାଇଥିଲା। ଜୟନ୍ତୀ ସେଠାରେ ପରିବାର ନିୟୋଜନ ଅପରେସନ କରିବାକୁ ସ୍ଥିର କରିଥିଲେ।

ଅଭିଯୋଗ ଅନୁସାରେ, ଜୟନ୍ତୀ ଆଶାକର୍ମୀଙ୍କ ପରାମର୍ଶ ନେଇ ଗତ ୨୫ ତାରିଖରେ ବରପଦାରେ ହୋଇଥିବା ଶିବିରରେ ଅପରେସନ କରିଥିଲେ। ଅପରେସନ ପରେ ସେହିଦିନ ଘରକୁ ଫେରିଥିଲେ। ଘରକୁ ଫେରିବାର କିଛି ସମୟ ପରେ ଜୟନ୍ତୀଙ୍କ ପେଟ ଫୁଲାଇ ଦେଇଥିଲା। ପରିବାର ଲୋକେ ତାଙ୍କୁ ଆଗରପଡ଼ା ହସପିଟାଲରେ ଭର୍ତ୍ତି କରିଥିଲେ।

ଜୟନ୍ତୀଙ୍କ ଅବସ୍ଥା ଗୁରୁତର ହେବାରୁ ଆଗରପଡ଼ା ଡ଼ାକ୍ତର ଭଦ୍ରକ ମୁଖ୍ୟ ଚିକିତ୍ସାଳୟକୁ ରେଫର କରିଥିଲେ। ସେଠାରେ ଜୟନ୍ତୀଙ୍କ ପେଟରେ ପାଣି ଜମିଥିବା ଡ଼ାକ୍ତର କହିଥିଲେ। ମାଇନର ଅପରେସନ କରି କଟକ ରେଫର କରିଥିଲେ। କଟକରେ ଜୟନ୍ତୀଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା। ୨୭ ତାରିଖରେ ଚିକିତ୍ସାଧୀନ ଅବସ୍ଥାରେ ଜୟନ୍ତୀଙ୍କର ମୃତ୍ୟୁ ହୋଇଥିଲା।

ଡ଼ାକ୍ତରଙ୍କ ଖାମଖିଆଲି ନୀତି ତଥା ଭୁଲ୍‌ ଅପରେସନ ଯୋଗୁ ଜୟନ୍ତୀଙ୍କୀର ମୃତ୍ୟୁ ଘଟିଥିବା ପରିବାର ଲୋକେ ଅଭିଯୋଗ ଆଣିଛନ୍ତି। ଦୋଷୀଙ୍କ ବିରୁଦ୍ଧରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପରିବାର ଲୋକେ ଦାବି କରିଛନ୍ତି। ଭଦ୍ରକ ରୁରାଲ ଥାନାରେ ଏତଲା ଦେବା ସହିତ ଜିଲ୍ଲାପାଳ ନିକଟରେ ନ୍ୟାୟ ମାଗିଛନ୍ତି।
ଭିଜିଲାନ୍ସ ଜାଲରେ ଆଉ ଜଣେ ପୁଲିସ କର୍ମଚାରୀ

ଭିଜିଲାନ୍ସ ଜାଲରେ ପଡ଼ିଛନ୍ତି ଆଉ ଜଣେ ପୁଲିସ କର୍ମଚାରୀ। ଲାଞ୍ଚ ନେଉଥିବା ବେଳେ କୋରାପୁଟ ଜିଲ୍ଲା ଦଶମନ୍ତପୁର ଥାନାର ମହିଳା ଏଏସ୍‌ଆଇ ଦୀପିକା ହୀରା ଭିଜିଲାନ୍ସ ହାତରେ ଧରାପଡ଼ିଛନ୍ତି। ସେ ୮ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡ଼ିଛନ୍ତି। ଏହି ଲାଞ୍ଚ କାରବାରରେ ଥାନାର ଆଉ କେହି କର୍ମଚାରୀ ସଂପୃକ୍ତ ଅଛନ୍ତି ନା ନାହିଁ, ସେ ନେଇ ଯାଞ୍ଚ କରୁଛନ୍ତି ଭିଜିଲାନ୍ସ ଅଧିକାରୀ।

ଦୁଇ ଦିନ ତଳେ ଅନୁଗୋଳ ଜିଲ୍ଲା କିଆକଟା ଥାନାର ଏଏସ୍‌ଆଇ ନବୀନ ଶତପଥୀ ଜଣେ ବ୍ୟକ୍ତିଙ୍କ ଠାରୁ ୨୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡ଼ିଥିଲେ। ସେହିପରି ଗତ ୨୧ ତାରିଖରେ ଏକ ଲକ୍ଷ ଟଙ୍କା ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରାପଡ଼ିଥିଲେ ବୌଦ୍ଧ ଜିଲ୍ଲା ହରଭଙ୍ଗା ଥାନା ଆଇଆଇସି ପୁଷ୍ପଲତା ରାଉତରାୟ। ଏକ ଜବତ ବାଲି ଗାଡ଼ିକୁ ଛାଡ଼ି ଦେବାକୁ ସେ ଏହି ଅର୍ଥ ନେଉଥିବା ବେଳେ ଧରାପଡ଼ିଥିଲେ। ଜୁଲାଇ ୧୯ ତାରିଖରେ ଜଣେ ମଦ ବ୍ୟବସାୟୀଙ୍କ ଠାରୁ ମାସିକିଆ ଚାନ୍ଦା ବାବଦକୁ ୫୦ ହଜାର ଟଙ୍କା ନେଉଥିବା ବେଳେ ବାଲେଶ୍ୱର ଜିଲ୍ଲା ଚାନ୍ଦିପୁର ଥାନା ଆଇଆଇସି ଗଣେଶ୍ୱର ପ୍ରଧାନ ଓ ଏଏସ୍‌ଆଇ ବଳି ମହାନ୍ତି ଭିଜିଲାନ୍ସ ହାତରେ ଧରାପଡ଼ିଥିଲେ। ଜୁଲାଇ ୧୩ ତାରିଖରେ ୧୫ ହଜାର ଲାଞ୍ଚ ନେଲା ବେଳେ ଭୁବନେଶ୍ୱରର ସହିଦ ନଗର ଥାନା ଏଏସ୍‌ଆଇ ମମତା ବସ୍ତିଆଙ୍କୁ ମାଡ଼ି ବସିଥିଲା ଭିଜିଲାନ୍ସ। ଜୁଲାଇ ୬ ତାରିଖରେ ଜଣେ ବ୍ୟକ୍ତିଙ୍କ ଠାରୁ ୧୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡ଼ିଥିଲେ ଯାଜପୁର ଜିଲ୍ଲା ସୁକିନ୍ଦା ଥାନା ଏଏସ୍‌ଆଇ ନିର୍ମଳ କୁମାର ସେନାପତି।

୩ ହଜାର ଟଙ୍କା ଲାଞ୍ଚ ନେଉଥିବା ବେଳେ ଆଜି ନୟାଗଡ଼ ଜିଲ୍ଲା ଗଣିଆ ତହସିଲର ଅତିରିକ୍ତ ତହସିଲଦାର ବନମାଳି ପରିଡ଼ା ଭିଜିଲାନ୍ସ ହାତରେ ଧରାପଡ଼ିଛନ୍ତି। ଜୁଲାଇ ୨୫ ତାରିଖରେ ୩୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡ଼ିଥିଲେ ପୁରୀ ଜିଲ୍ଲା ଡେଲାଙ୍ଗ ବ୍ଲକର କନିଷ୍ଠ ଯନ୍ତ୍ରୀ ରଜନୀକାନ୍ତ ମାଝୀ। ଜୁଲାଇ ୨୧ ତାରିଖରେ ୩୧ ହଜାର ଟଙ୍କା ଲାଞ୍ଚ ନେଉଥିବା ବେଳେ ଗିରଫ ହୋଇଥିଲେ ବଲାଙ୍ଗିର ଡିପିସି ଅଫିସର ଜଣେ ମହିଳା ଅଧିକାରୀ ପୁଷ୍ପାଙ୍ଗିନୀ ଯୋଶୀ। ଜୁଲାଇ ୧୦ ତାରିଖରେ ଭିଜିଲାନ୍ସ ଜାଲରେ ପଡ଼ିଥିଲେ ବାଲେଶ୍ୱର-ମୟୂରଭଞ୍ଜ ବୃହ୍ ବନ୍ଦୋବସ୍ତ କାର୍ଯ୍ୟାଳୟର ଅମିନ ମାନସ ରଞ୍ଜନ ଦାସ। ଜୁଲାଇ ୫ ତାରିଖରେ ୨୫ ହଜାର ଟଙ୍କା ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରାପଡ଼ିଥିଲେ ମାଲକାନଗିରି ଜିଲ୍ଲା ସିନ୍ଦ୍ରିମାଳର ରାଜସ୍ୱ ନୀରିକ୍ଷକ ସୀମାଞ୍ଚଳ ସାହୁ।
ଶିଆଳ କାମୁଡ଼ାରେ ୪ ଶିଶୁ ସମେତ ୧୦ ଜଣ ଆହତ

ଅଙ୍ଗନବାଡ଼ି କେନ୍ଦ୍ର ଭିତରେ ପଶି ପିଲାଙ୍କୁ କାମୁଡ଼ିଲା ଶିଆଳ। ପିଲାଙ୍କୁ ଉଦ୍ଧାର କରିବାକୁ ଯାଇ ଗ୍ରାମବାସୀ ମଧ୍ୟ ଶିଆଳ ଆକ୍ରମଣରେ ଶିକାର ହୋଇଛନ୍ତି। ଶିଆଳ କାମୁଡ଼ାରେ ୪ ଶିଶୁ ସମେତ ୧୦ ଜଣ ଆହତ ହୋଇଛନ୍ତି। ଘଟଣା ଘଟିଛି ବାଲେଶ୍ୱର ଜିଲ୍ଲା ଖଇରା ଥାନା ଅନ୍ତର୍ଗତ ଡାଲଙ୍ଗ ଗାଁରେ ଥିବା ଅଙ୍ଗନବାଡ଼ି କେନ୍ଦ୍ରରେ। ସମସ୍ତ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।

ଆଜି ସକାଳେ ଏକ ଶିଆଳ ଅଙ୍ଗନବାଡି କେନ୍ଦ୍ରକୁ ପଶି ଆସିଥିଲା। ପିଲାମାନେ ଶିଆଳକୁ ଦେଖି ପାଟିତୁଣ୍ଡ କରିଥିଲେ। ପିଲାଙ୍କ ପାଟିତୁଣ୍ଡରେ ଶିଆଳଟି ଡରିଯାଇଥିଲା। ସେଠାରୁ ପଳାଇଯିବାକୁ ଚେଷ୍ଟା କରିଥିଲା। ତାହା ହାବୁଡରେ ଯେଉଁ ପିଲା ପଡ଼ିଥିଲେ ତାକୁ କାମୁଡ଼ିଥିଲା। ପାଟି ଶୁଣି ଗ୍ରାମବାସୀ ପିଲାମାଙ୍କୁ ଉଦ୍ଧାର କରିବା ପାଇଁ ଅଙ୍ଗନବାଡି କେନ୍ଦ୍ରରେ ପହଞ୍ଚିଥିଲେ। ଶିଆଳକୁ କାବୁ କରିବା ପାଇଁ ଗ୍ରାମବାସୀମାନେ ଚେଷ୍ଟା କରିଥିଲେ। ହେଲେ ଶିଆଳଟି ମଧ୍ୟ ଗ୍ରାମବାସୀଙ୍କୁ କାମୁଡ଼ିଥିଲା। ପରେ ଗ୍ରାମବାସୀ ଶିଆଳଟିକୁ କାବୁ କରିଥିଲେ। ଆହତ ଗ୍ରାମବାସୀ ଓ ଶିଶୁଙ୍କୁ ପ୍ରଥମେ ସୋର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ୫ ଜଣଙ୍କ ଅବସ୍ଥା ଗୁରୁତର ହେବାରୁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।
ପୁଣି ଦୁଷ୍କର୍ମର ଶିକାର ହେଲା ୪ ବର୍ଷର ନାବାଳିକା

ଜଗତସିଂହପୁର ପାରାଦୀପ ଅଞ୍ଚଳରେ ଘଟିଯାଇଛି ଲଜ୍ୟାଜନକ ଘଟଣା । ବିଳମ୍ବିତ ରାତ୍ରିରେ ଏକ ୪ ବର୍ଷର ଶିଶୁ କନ୍ୟା କୁ ଦୁଷ୍କର୍ମ ହୋଇଥିବା ନେଇ ଜଟାଧାରୀ ମହାଣ ଥାନାରେ ଅଭିଯୋଗ କଲେ ପରିବାର ଲୋକେ। ସୂଚନା ମୁତାବକ ଗତକାଲି ବିଳମ୍ବିତ ରାତିରେ ୪ ବର୍ଷର ଶିଶୁ କନ୍ୟା ହଠାତ ଘରୁ ନିଖୋଜ ହୋଇଯାଇଥିଲା । ବାପା ମା ରାତିସାରା ଖୋଜାଖୋଜି କରୁଥିବା ସମୟରେ ଜଣେ ବୟସ୍କ ବ୍ୟକ୍ତି ଶିଶୁ କନ୍ୟା କୁ ଗୁରୁତର ଅବସ୍ଥାରେ ବାପା,ମାଙ୍କ ପାଖରେ ଆଣି ପହଂଚାଇଥିଲେ । ତେବେ ନାବାଳିକାର ଯୌନାଙ୍ଗରୁ ରକ୍ତସ୍ରାବ ହେଉଥିବାରୁ ପରିବାର ଲୋକେ ଝିଅକୁ ଦୁଷ୍କର୍ମ ହୋଇଥିବା ନେଇ ସନ୍ଦେହ ପ୍ରକଟ କରିଛନ୍ତି । ତେବେ ଆଜି ସକାଳୁ ପ୍ରଥମେ ଶିଶୁ କନ୍ୟା କୁ ଅଠରବାଙ୍କ ବିଜୁ ମେମୋରିଆଲ ହସ୍ପିଟାଲକୁ ନେବା ପରେ ଡାକ୍ତର ପ୍ରଥମେ ପ୍ରାଥମିକ ଚିକିତ୍ସା କରିବାପରେ ପରବର୍ତ୍ତୀ ମୁହୂତିରେ ଅଧିକ ଚିକିତ୍ସାପାଇଁ ଜଗତସିଂହପୁର ମେଡିକାଲକୁ ପଠାଇ ଦେଇଛନ୍ତି। ତେବେ ଏ ନେଇ ଜଟାଧାରୀ ମୂହାଣ ଥାନାରେ ପରିବାର ପକ୍ଷରୁ ଲିଖିତ ଅଭିଯୋଗ ହେବାପରେ ପୋଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି ଏବଂ ଶିଶୁ କନ୍ୟା କୁ ଉଦ୍ଧାର କରିଥିବା ବୟସ୍କ ବ୍ୟକ୍ତିଙ୍କୁ ପୋଲିସ ପକ୍ଷରୁ ପଚରା ଉଚରା ଜାରି ରହିଛି ।
ଦୁବାଇ ରେ ଓଡିଆ ଶ୍ରମିକଙ୍କ ମୃତ୍ୟୁ

ଖୋର୍ଦ୍ଧା ଜିଲ୍ଲା ବାଣପୁର ସ୍ଥିତ ଜଗନାଥପୁର ଗ୍ରାମର ସୁଦର୍ଶନ ଦଣ୍ଡସେଣାଙ୍କ ପୁଅ ସୁମନ ଦଣ୍ଡସେଣl (୨୪ ) ଘରର କରଜ ସୁଜିବା ନିମନ୍ତେ ଯାହାକି ଅଧିକ ରୋଜଗାର ଆଶାରେ ଜଣେ ଶ୍ରମିକ ଭାବେ କାମ କରିବାକୁ ଚଳିତ ବର୍ଷ ଫେବୃଆରୀ ମାସରେ ବାଣପୁରରୁ ସୁଦୂର ଦୁବାଇ ଗଲ୍ଫ ଏସିଆ ଙ୍କମ୍ପାନୀରେ କାମ କରିବାକୁ ମୁମ୍ବାଇ ଓ.ଏମ.ଜୀ ଏଜେନସି ମାଧ୍ୟମରେ ଯାଇଥିଲେ l ତେବେ ସେଠାରେ ଚଳିତ ମାସ ୨୦ ତାରିଖ ଗୁରୁବାର ଦିନ ସୁମନ ର ମୃତ୍ୟୁ ଘଟିଛି ବୋଲି ଶୁକ୍ରବାର ସନ୍ଧ୍ୟାରେ ଦୁବାଇ ରୁ ତାଙ୍କ ଘରକୁ ଖବର ଆସିଥିଲା l ଘରର ରୋଜଗାରିଆ ପୁଅକୁ ହରାଇ ପରିବାର ଲୋକେ ଭାଙ୍ଗି ପଡ଼ିଥିବା ବେଳେ, ଦୁବାଇରୁ ବିମାନ ଯୋଗେ ବିଶାଖାପାଟନାମ୍ ବିମାନ ବନ୍ଦରରୁ ଆମ୍ବୁଲାନ୍ସ ଯୋଗେ ଗୁରବାର ରାତି ୮.୩୦ ସମୟରେ ନିଜ ବାସଭବନ ରେ ପହଞ୍ଚିଥିଲା ସୁମନଙ୍କ ମର ଶରୀର l ଶୋକାକୁଳ ପରିବେଶ ମଧ୍ୟରେ ଗ୍ରାମ ସ୍ମଶାନରେ ଶବ ସଂସ୍କାର କରାଯାଇଥିଲା l ସୁମନଙ୍କ ପରିବାର ଲୋକେ କହିବା ମୁତାବିକ ସାତଦିନ ତଳେ ଗୁରୁବାର ଦିନ ସୁମନର ସେଠାରେ କିପରି ମୃତ୍ୟୁହେଲା ତାହା କମ୍ପାନୀ ଆମକୁ ଜଣାଇନଥିଲା l କିନ୍ତୁ ସୁମନ ର ମୃତ୍ୟୁ ହୋଇଛି ବୋଲି ଆମ ପାଖକୁ ଶୁକ୍ରବାର ରାତିରେ ଖବର ଆସିଥିଲା l ଆମେ ଗରିବ ଆମର ରୋଜଗାରିଆ ପୁଅର କିପରି ମୃତ୍ୟୁ ହେଲା ତାହା ଆମକୁ ଜଣାନାହିଁ l ଓଡ଼ିଶା ସରକାରଙ୍କ ମାଧ୍ୟମରେ ଦୁବାଇ ରେ ଥିବା ଭାରତ ଏମ୍ବାସି ସହଯୋଗରେ ଗଲ୍ଫ ଏସିଆ କମ୍ପାନୀ ଠାରୁ ଆମକୁ କିଛି ସାହାଯ୍ୟ କରିବା ପାଇଁ ପରିବାର ଲୋକେ ରାଜ୍ୟ ସରକାର ଙ୍କୁ ଆକୁଳ ନିବେଦନ କରିଛନ୍ତି l
୧୦ ହଜାର ଟଙ୍କାରେ ଛୁଆକୁ ବିକିଲା ମାଆ !

ମାତ୍ର ୧୦ ହଜାର ଟଙ୍କା ପାଇଁ ଅଢ଼େଇ ବର୍ଷର ଶିଶୁପୁତ୍ରକୁ ବିକ୍ରି କରିଦେଲା ଜନ୍ମ କଲା ମା’। ଦାମ୍ପତ୍ୟ ଜୀବନରେ କଳହ ହେବାରୁ ସ୍ୱାମୀଙ୍କ ଠାରୁ ଅଲଗା ରହୁଥିବା ଜଣେ ମହିଳା ନିଜ ଶିଶୁପୁତ୍ରକୁ ବିକ୍ରି କରି ଦେଇଥିବା ଅଭିଯୋଗ ହୋଇଛି। ବଲାଙ୍ଗିର ଜିଲ୍ଲା ଟିଟିଲାଗଡ଼ରେ ଶିଶୁ ବିକ୍ରି ନେଇ ଏଭଳି ଅଭିଯୋଗ ଆସିଛି।

ଅଭିଯୋଗ ଅନୁସାରେ, ଟିଟିଲାଗଡ଼ ସହର ପଦ୍ମନାଭପୁରର ଅକ୍ଷୟ ପଟେଲ ଗତ କିଛି ବର୍ଷ ପୂର୍ବେ ମାନସୀ ବାଗ ନାମକ ଜଣେ ଯୁବତୀଙ୍କୁ ବିବାହ କରିଥିଲେ ଓ ମାନସୀ ଶିଶୁ ପୁତ୍ରକୁ ଜନ୍ମ ଦେଇଥିଲେ। ତେବେ କୌଣସି କାରଣକୁ ନେଇ ମାନସୀ ଓ ଅକ୍ଷୟଙ୍କ ମଧ୍ୟରେ ଝଗଡ଼ା ହେବାରୁ ଉଭୟ ଅଲଗା ରହୁଥିଲେ। ଛୁଆଟି ଅକ୍ଷୟଙ୍କ ପାଖରେ ରହୁଥିଲା।

ହଠାତ୍‌ ଦିନେ ମାନସୀ ବୁଲାଇ ନେବାର ଆଳ କରି ସ୍ୱାମୀଙ୍କ ପାଖରୁ ଛୁଆକୁ ଆଣି କଳାହାଣ୍ଡି ଜିଲ୍ଲା ଲାଞ୍ଜିଗଡ଼ର ଜଣେ ବ୍ୟକ୍ତିଙ୍କୁ ୧୦ ହଜାର ଟଙ୍କାରେ ବିକ୍ରି କରିଥିବା ଅଭିଯୋଗ ହୋଇଛି। ଅକ୍ଷୟ ଓ ତାଙ୍କର ସମ୍ପର୍କୀୟ ଏହି ଅଭିଯୋଗ ଆଣିଛନ୍ତି। ଏନେଇ ଟିଟିଲାଗଡ଼ ଥାନାକୁ ଯାଇଥିଲେ ବି ଖବର ଲେଖାଯିବା ସୁଦ୍ଧା ପୋଲିସ ମାମଲା ରୁଜୁ କରିନଥିବା ଅଭିଯୋଗ ହୋଇଛି।
ହାପିଭାଲି ଚିଲଡ୍ରେନ୍ ହୋମ ଡକାୟତି ଘଟଣାରେ ୪ ଗିରଫ

ଜି. ଉଦୟଗିରି ବାଡେନାଜୁ ସ୍ଥିତ ହାପିଭାଲି ଚିଲଡ୍ରେନ୍ ହୋମ ଡକାୟତି ଘଟଣାର ପ୍ରାୟ ୨୦ ଦିନ ପରେ ପୋଲିସ କାବଜାରେ ୪ ଡକାୟତ। ଗିରଫ ଚାରି ଯୁବକ ହେଲେ ପୁଷ୍ପକ ପ୍ରଧାନ,ରମେଶ ଚନ୍ଦ୍ର ପ୍ରଧାନ, ସୁନିବ ପ୍ରଧାନ, ବାମଦେବ ପ୍ରଧାନ। ସଂସ୍ଥାର ରାତି ଜଗୁଆଳି ପୁଷ୍ପକ ହିଁ ଭିଆଇଥିଲା ଡକାୟତିର ପ୍ଲଟ। ପୋଲିସ ଅଭିଯୁକ୍ତମାନଙ୍କୁ ଗିରଫ କରି ସେମାନଙ୍କ ନିକଟରୁ ଜବତ କରିଛି ଚାରୋଟି ମୋବାଇଲ୍,ସୁନା ଚେନ ଓ ଦୁଇଟି ବାଇକ୍। ଏମାନଙ୍କ ନାମରେ ପୂର୍ବରୁ ମଧ୍ୟ ବିଭିନ୍ନ ଥାନାରେ ବହୁ ମାମଲା ରହିଥିବା ସୂଚନା ଦେଇଛନ୍ତି ଥାନା ଅଧିକାରୀ।

ଏଠାରେ କହି ରଖୁଛୁ କି, ହାପି ଭାଲି ଚିଲଡ୍ରେନ୍ ହୋମ କାର୍ଯ୍ୟରତ ମହିଳା ବନବାସୀନି ରାଉତ ତାଙ୍କ ପରିବାର ସହ ସେଠାରେ ରୁହନ୍ତି। ଗତ ଦୁଇ ତାରିଖ ରାତି ୧୧ଟା ସମୟରେ ୪ ଯୁବକ ତାଙ୍କ ଘରେ ବନବାସୀନି ରାଉତଙ୍କ ବେକରୁ ସୁନା ଚେନ୍ ଓ ଦୁଇ ହଜାର ଟଙ୍କା ନେଇଯାଇଥିଲେ। ଏନେଇ ଜି ଉଦୟଗିରି ଥାନାରେ ବନବାସିନୀ ଅଭିଯୋଗ କରିଥିଲେ। ପୋଲିସ ଗିରଫ କରିଥିବା ଅଭୁଯୁକ୍ତଙ୍କ ଭିତରେ ଥିବା ପୁଷ୍ପକ ସେହି ସଂସ୍ଥାରେ ରାତ୍ରୀ ଜଗୁଆଳି ଭାବେ କାମ କରନ୍ତି।
ସରକାରୀ ସହାୟତା ଦାବିରେ ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଲେ ଦିବ୍ୟାଙ୍କ ପରିବାର

ଦୁଇ ଦିବ୍ୟାଙ୍ଗ ପିଲାକୁ ଧରି ପାରାଦୀପ ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ ଫାଟକ ସମ୍ମୁଖରେ ଧାରଣାରେ ବସିଲେ ବାପା ମାଆ । ରହିବା ପାଇଁ ଘର ଖଣ୍ଡିଏ ଏବଂ ମୁନସିପାଲିଟିରେ ପରିବାରରୁ ଜଣଙ୍କୁ ନିଯୁକ୍ତି ଦାବି କରି ଧାରଣାରେ ବସି ରହିଛନ୍ତି । ସୂଚନା ମୁତାବକ ଜଗତସିଂହପୁର ଜିଲ୍ଲା ପାରାଦୀପ ଅଠରବାଙ୍କୀ ଗୋପୀନାଥ କଲୋନୀର ଏକ ଭଡା ଘରେ ଦୁଇ ଦିବ୍ୟାଙ୍ଗଙ୍କୁ ଧରି ରହିଆସୁଛନ୍ତି ଶିବଶଙ୍କର ନାୟକ ଏବଂ ନିରୁପାମା ନାୟକ । ଝିଅ ମାମାଲିଙ୍କୁ ୧୬ ବର୍ଷ ହୋଇଥିବା ବେଳେ ପୁଅ ସାନୁକୁ ୧୪ ବର୍ଷ । ପ୍ରଶାସନ ପକ୍ଷରୁ ଏହି ଦୁଇ ପିଲାଙ୍କୁ କେବଳ ଶାରିରୀକ ଅକ୍ଷମ ଭତ୍ତା ହିଁ ମିଳୁଛି । ହେଲେ ପରିବାରକୁ ଆଉ କୌଣସି ସୁବିଧା ସୁଯୋଗ ଯୋଗାଇ ଦିଆଯାଉ ନାହିଁ । ଘର ଖଣ୍ଡେ ନଥିବାରୁ ରାଜ୍ୟପାଳ ଗଣେଶୀଲାଲଙ୍କୁ ପରିବାର ଲୋକେ ଦେଖା କରିବା ପରେ ଘର ଖଣ୍ଡିଏ ଯୋଗାଇ ଦେବାକୁ ପ୍ରଶାସନକୁ ନିର୍ଦ୍ଦେଶ ଦିଆଯାଇଥିଲା । ହେଲେ ଦଉଡି ଦଉଡି ନୟାନ୍ତ ହେବା ପରେ ମଧ୍ୟ ଆଜିପର୍ଯ୍ୟନ୍ତ ଘରଟିଏ ମିଳିପାରିଲା ନାହିଁ । ବାଧ୍ୟ ହୋଇ ଦୁଇ ଦିବ୍ୟାଙ୍ଗ ଶିଶୁକୁ ଧରି ପାରାଦୀପ ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଛନ୍ତି ।

ମାମାଲି ଓ ସୋନୁ ଜନ୍ମ ହେବାର ଦୁଇ ବର୍ଷ ପରେ ଦିବ୍ୟାଙ୍ଗ ହୋଇପଡିଥିବା ବାପା ମାଆ ଜାଣିବା ପରେ ଚିକିତ୍ସା ଲାଗି ବହୁ ଅର୍ଥ ଖର୍ଚ୍ଚ କରିଥିଲେ । ହେଲେ କୌଣସି ସୁଫଳ ମିଳିନଥିବା ତାଙ୍କ ବାପା ମା କହିଛନ୍ତି । ଅନ୍ୟପଟେ ପାରାଦୀପ ଏଡିଏମ ଲଗ୍ନଜିତ ରାଉତ କହିଛନ୍ତି, ସେହି ପରିବାରକୁ ସମସ୍ତ ସରକାରୀ ସହାୟତା ଯୋଗାଇ ଦିଆଯାଉଥିବା ବେଳେ ଭୂମିହୀନ ପଟ୍ଟା ଯୋଗାଇ ଦେବା ପାଇଁ ପ୍ରତିଶ୍ରୁତି ଦେଇଛନ୍ତି ।
ତଳି ରୋଇବା ବେଳେ କାମୁଡିଲା ସାପ,ଚାଲିଗଲା ଯୁବକଙ୍କ ଜୀବନ

ଖଲ୍ଲିକୋଟ ବ୍ଲକ ଅନ୍ତର୍ଗତ ଡିମିରିଆ ପଞ୍ଚାୟତର ଏନ୍. ବରପଲ୍ଲୀ ଗ୍ରାମରେ ଅଭାବନୟ ଘଟଣା ଦେଖିବାକୁ ମିଳିଛି । ଗ୍ରାମର ଜଣେ ଯୁବକଙ୍କୁ ସାପ କାମୁଡିବାରୁ ତାଙ୍କ ମୃତ୍ୟୁ ହୋଇଥିବା ବେଳେ ଏବେ ସାରା ରାଜ୍ୟରେ ଏହି ସରିସୃପକୁ ନେଇ ସୃଷ୍ଟି ହୋଇଛି ଆତଙ୍କ। ସୂଚନା ମୁତାବକ, ବରପଲ୍ଲୀ ଗ୍ରାମର ପୁନିଆ ପ୍ରଧାନଙ୍କ ପୁଅ ସନିଆ ପ୍ରଧାନ ବିଲରେ ତଳି ରୋଇବା ସମୟରେ ଏକ ବିଷଧର ସାପ ତାଙ୍କୁ କାମୁଡି ଦେଇଥିଲା। ସାପ କାମୁଡିବା ପରେ ସନିଆଙ୍କ ଅବସ୍ଥା ଗୁରୁତର ହୋଇପଡିଥିଲା ।

ଗ୍ରାମବାସୀ ତୁରନ୍ତ ତାଙ୍କୁ ଖଲ୍ଲିକୋଟ ଡାକ୍ତରଖାନାକୁ ନେଇଯାଇଥିଲେ। କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ସ୍ଥାନୀୟ ପୋଲିସ୍ ଏକ ଅପମୃତ୍ୟୁ ମାମଲା ରୁଜୁ କରି ଶବକୁ ବ୍ୟବଚ୍ଛେଦ ପାଇଁ ପଠାଇ ଦେଇଛି।

ସେପଟେ ବର୍ଷା ପରେ ରାଜ୍ୟରେ ବଢିଚାଲିଛି ସାପ କାମୁଡା ଘଟଣା। ଦୈନିକ ଏକାଧିକ ସାପକାମୁଡା ଘଟଣା ସାମ୍ନାକୁ ଆସୁଛି। ଏହାକୁ ନେଇ ଲୋକେ ଭୟଭୀତ ହୋଇପଡିଛନ୍ତି।