ଆଠମଲ୍ଲିକ ବ୍ଲକ ଆମ୍ବସରମୁଣ୍ଡା ପଂଚାୟତ ନାବାଦୀପ ଗ୍ରାମରେ ଘଟିଛି ଅଭାବନୀୟ ଘଟଣା । ବିଜୁଳି ମାରି ୩ଗୋରୁ ମୃତ । ସୁଚନା ଅନୁଯାୟୀ ନାବଦୀପ ପୁର ରହଣି ଛକ ଠାରେ ମଦନ ଭୋଇ ଗୋରୁ ଚରାଉ ଥିବା ବେଳେ ମଙ୍ଗଳବାର ଅପରାହ୍ନରେ ବଳଦ ଚାରୁଥିବା ସମୟରେ ଚଡକ ମାରି ୩ବଳଦର ମୃତ୍ୟୁ ଘଟିଛି ।
ନାବଦୀପପୁର ଗ୍ରାମର ନିରୁ ପ୍ରଧାନ, ସୁକୁଟୁ ପ୍ରଧାନ ଓ ନିର୍ମଳ ପ୍ରଧାନର ଗୋଟିଏ ଲେଖାଏଁ ବଳଦର ମୃତୁ ଘଟିଛି । ଫଳରେ ପରିବାର ଦୁଃଖରେ ଭାଂଗିପଡ଼ିଛନ୍ତି । ତେବେ କ୍ଷତିପୂରଣ ପାଇଁ ସରକାରଙ୍କ ନିକଟରେ ଦାବି କରିଛନ୍ତି ୩ପରିବାର ।
ଅନୁଗୋଳ ଜିଲ୍ଲାର ପୋଲିସ ଟ୍ରେନିଂ କଲେଜ ଠାରେ ଆଜି ଶନିବାର ଏକ ସ୍ଵେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ସୂଚନା ଯେ, ଆଜି ଅନୁଗୋଳ ପୋଲିସ ଟ୍ରେନିଂ କଲେଜକୁ ୮୬ ବର୍ଷ ପୁର୍ତ୍ତୀ ନେଇ ଏହି ରକ୍ତ ଦାନ ଶିବିର ଅନୁଷ୍ଠିତ କରାଯାଇଥିଲା ।
ଏହି ରକ୍ତ ଦାନ ଶିବିରଟିକୁ ଅନୁଗୋଳ ଡି ଆଇ ଜି ଯେ.ଏନ ପଙ୍କଜ ଉଦଘାଟନ କରିବା ସହିତ ରକ୍ତ ଦାତା ମାନଙ୍କୁ ଉତ୍ସାହିତ କରିଥିଲେ। ଏହି ରକ୍ତ ଶିବିରଟି ସକାଳ ୯ ଘଟିକାରୁ ଆରମ୍ବ ହୋଇଥିଲା । ଏହି ରକ୍ତ ଦାନ ଶିବିରଟିକୁ ଅନୁଗୋଳ ପୋଲିସ ଟ୍ରେନିଂ କଲେଜର ଅଧିକାରୀ ମାନେ ଆୟୋଜନ କରିଥିଲେ।
ପୁଣି ଜଣେ ବ୍ଯକ୍ତିଙ୍କର ବଜ୍ରାଘାତରେ ମୃତ୍ଯୁ ଘଟିଛି। ଏପରି ଅଭାବନୀୟ ଘଟଣା ଦେଖିବାକୁ ମିଳିଛି ଚାନ୍ଦବାଲି ବ୍ଲକ ବାଶଂଡା ଥାନା ଅଧିନସ୍ଥ ଘଣ୍ଟେଶ୍ବର ବିଜାପୁର ଗ୍ରାମରେ । ଗତକାଲି କ୍ଷେତକୁ ବାସୁଦେବ ନାୟକ ଚାଷ କାର୍ଯ୍ୟ ପାଇଁ ଯାଇଥିବାବେଳେ ବଜ୍ରପାତରେ ମୃତ୍ୟୁ ବରଣ କରିଛନ୍ତି ।
ମୃତ ନାୟକ ତିହିଡ଼ି ବ୍ଲକ ଅନ୍ତର୍ଗତ ଯାମଜୋଡି ପଞ୍ଚାୟତ ଥିବା ଚାଷ ଜମି କୁ ଯାଉଥିବା ସମୟରେ ବଜ୍ରାଘାତରେ ତାଙ୍କର ଦେହର ଅଳ୍ପ କିଛି ଅଂଶ ପଡିଯାଇଥିଲା। ତା’ପରେ ତାଙ୍କୁ ତିହିଡ଼ି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା, ଏବଂ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ଖବର ପାଇ ବାଶଂଡା ପୋଲିସ ପହଞ୍ଚିଥିଲା ଏବଂ ଶବ ବ୍ୟବଚ୍ଛେଦ ପାଇଁ ଭଦ୍ରକ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଥିଲା ।
ରକ୍ଷକ ଯଦି ଭକ୍ଷକ ସାଜେ ତେବେ ନ୍ୟାୟ କାହାକୁ ମାଗିବା ଏଭଳି ଏକ ସଂଗୀନ ମାମଲା ଆସିଛି କେନ୍ଦୁଝର ଜିଲ୍ଲା ନୟାକୋଟ ଥାନାରୁ, ସୂଚନାନୁଯାୟୀ ବାମେବାରି ଥାନାରେ ଅଞ୍ଚଳରେ ବିବାହ କରିଥିବା ନୟାକୋଟ ଥାନା ଅଞ୍ଚଳର ଜଣେ ମହିଳା ସ୍ବାମୀଙ୍କ ସହ କଳହ ପରେ ବାପାଘରେ ଆସି ରହୁଥିଲେ। ନ୍ୟାୟ ପାଇଁ ସେ କିଛିମାସ ତଳେ ଥାନାକୁ ଆସି ଅଭିଯୋଗ କରିଥିଲେ। ପରେ ମହିଳାଙ୍କୁ ସାହାଯ୍ୟ କରିବା ଆଳରେ ତାଙ୍କ ମୋବାଇଲ ନମ୍ବର ନେଇ ଏସ୍ଆଇ ଶ୍ରୀ ମହାନ୍ତ ନିୟମିତ କଥା ହେଉଥିଲେ। ମହିଳାଙ୍କୁ ଅଶ୍ଳୀଳ ମେସେଜ ଓ ଫଟୋ ପଠାଇ ଥାନା ଏସ୍ଆଇ ଫଣିଭୂଷଣ ମହାନ୍ତ ନିଲମ୍ବିତ ହୋଇଛନ୍ତି।
ପ୍ରେମ ନିବେଦନ କରିବା ସହ ହ୍ବାଟସଆପ୍ରେ ଅଶ୍ଳୀଳ ଭିଡିଓ ଓ ବାର୍ତ୍ତା ପଠାଉଥିଲେ। ଏନେଇ ମହିଳା ଜଣକ ପ୍ରଥମେ କେନ୍ଦୁଝର ଏସ୍ପିଙ୍କୁ ଭେଟିଥିଲେ। ଏସ୍ପି ଏହାର ତଦନ୍ତ ପାଇଁ ବଡ଼ବିଲ ଏସ୍ଡିପିଓଙ୍କୁ ନିର୍ଦେଶ ଦେଇଥିଲେ। ତଦନ୍ତ ପରେ ଏସ୍ଆଇ ଶ୍ରୀ ମହାନ୍ତଙ୍କୁ ଏସ୍ପି ନୀତିନ କୁଶଳକର ଡାଗୁଡ଼ ନିଲମ୍ବନ କରିବା ସହ ଜିଲ୍ଲା ପୁଲିସ ମୁଖ୍ୟାଳୟରେ ହାଜର ହେବାକୁ ନିର୍ଦେଶ ଦେଇଛନ୍ତି।
କଟକ ନେତାଜୀ ବସ୍ ଟର୍ମିନାଲ (ସିଏନବିଟି)ର ଆସନ୍ତା ୧୬ରେ ଉଦଘାଟନ ହେବ। ଏହାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉଦଘାଟନ କରିବେ। ଏତଦ୍ ବ୍ୟତୀତ କଟକ ସହରରେ ନୂତନ ଭାବେ ଗଢିଉଠିଥିବା ଏକାଧିକ ପ୍ରକଳ୍ପର ଉଦଘାଟନ ଓ ଭିତ୍ତିପ୍ରସ୍ତର ସ୍ଥାପନ କରାଯିବାର ମଧ୍ୟ କାର୍ଯ୍ୟକ୍ରମ ରହିଛି। ଗୁରୁବାର କଟକ ଉନ୍ନୟନ କର୍ତ୍ତୃପକ୍ଷ(ସିଡିଏ) ସମ୍ମିଳନୀ କକ୍ଷରେ ଅନୁଷ୍ଠିତ ବୈଠକରେ ଏ ସମ୍ପର୍କରେ ନିଷ୍ପତ୍ତି ଗ୍ରହଣ କରାଯାଇଛି। ରେଭେନ୍ସା ବିଶ୍ୱବିଦ୍ୟାଳୟ ଦ୍ୱିତୀୟ କ୍ୟାମ୍ପସ୍, ଜାତୀୟ ଆଇନ ବିଶ୍ୱବିଦ୍ୟାଳୟ ପାଠାଗାର, ସିଲଭର ସିଟି ବୋଟିଂ କ୍ଲବ୍, ତାଳଦଣ୍ଡା ଫୁଡକୋର୍ଟ, କ୍ଲକ୍ ଟାୱାର, ଛତ୍ରବଜାର ଅର୍ବାନ ହାଟ, ତାଳଦଣ୍ଡା ଉଭୟ ପାର୍ଶ୍ବ ରାସ୍ତା, ରାସ୍ତା ନିକଟ ସୌନ୍ଦର୍ଯ୍ୟକରଣ, ଗରିବ ଓ ସ୍ୱଳ୍ପ ରୋଜଗାରକ୍ଷମଙ୍କ ପାଇଁ ଉଦ୍ଦିଷ୍ଟ ନରଣପୁରସ୍ଥିତ ଆବାସିକ ଗୃହ, ଜାତୀୟ ରାଜପଥରୁ ରେଲୱେ ଷ୍ଟେସନକୁ ସଂଯୋଗ କରୁଥିବା ୪ ଟିକିଆ ରାସ୍ତା, ବାରବାଟୀ ସଂଗ୍ରହାଳୟ, ପୁରୁଣା ଜେଲ ପରିସରରେ ନେତାଜୀ ସୁଭାଷ ପାର୍କ ଓ ବିଶ୍ୱନାଥ ପଣ୍ଡିତ ପାଠାଗାରର ଉଦଘାଟନ ଓ ଭିତ୍ତିପ୍ରସ୍ତର ସ୍ଥାପନ କରାଯିବ।
ଭାରତବର୍ଷ ରେ ଟଙ୍କା ପ୍ରେରଣ ଏବଂ ପତ୍ର ବିନିମୟ ର ମୁଖ୍ୟ ସୁରକ୍ଷିତ ବ୍ୟବସ୍ଥା ହେଲା ଭାରତୀୟ ଡାକ ବିଭାଗ କିନ୍ତୁ ସେହି ବିଭାଗ ରେ ଟଙ୍କା ପଠେଇ ସାରିଲା ପରେ ଯଦି ସେ ଟଙ୍କା ଠିକଣା ଜାଗାରେ ନ ପହଂଚି ବର୍ଷ ବର୍ଷ ଧରି ଡାକ ବିଭାଗ ରେ ପଡ଼ିରହିବ ତାହାଲେ ଡାକ ବିଭାଗ ଉପରୁ ସାଧାରଣ ଜନତା ଙ୍କ ଆସ୍ଥା ତୁଟିଯିବା ସହିତ ଯେଉଁ କାର୍ଯ୍ୟ ପାଇଁ ଟଙ୍କା ପ୍ରେରଣ ହୋଇଥିଲା ସେ କାର୍ଯ୍ୟ ରେ ବି ବାଧା ସୃଷ୍ଟି ହେବା ସ୍ୱାଭାବିକ | ସେହି ପରି ଏକ ଘଟଣା ଦେଖିବାକୁ ମିଳିଛି ଅସ୍ତରଙ୍ଗ ବ୍ଲକ ପାଟଳଦା ପଞ୍ଚାୟତ ଆଦିକନ୍ଦ ପୁର ଗ୍ରାମର ସୁଧୀର କୁମାର କରଙ୍କ ସହିତ ସୂଚନା ମୁତାବକ ୨୦୧୮ ମସିହା ଅଗଷ୍ଟ ୨୪ ତାରିଖ ରେ ଚନ୍ଦନପୁର ସବ ପୋଷ୍ଟ ଅଫିସ ରେ ବିରନରସିଂହ ପୁର ଗ୍ରାମର ପ୍ରକାଶ କୁମାର ରଥ ଏକ ହଜାର ଟଙ୍କା ସୁଧୀର କୁମାର କର ଙ୍କ ପାଖକୁ ମନି ଅଡର ମାଧ୍ୟମରେ ପଠେଇ ଥିଲେ ଯାହାର ଇ ଏମ ଓ ନମ୍ବର ୦୬୬୭୪୩୩୫୦୮୭୫୨୪୧୦୧୦ କିନ୍ତୁ ବିଡମ୍ବନା ର ବିଷୟ ସେ ଟଙ୍କା ଠିକଣା ଜାଗାରେ ପହଂଚିନଥିଲା। କଣ ପାଇଁ ଟଙ୍କା ପହଁଚିଲାନି ଡାକ ଘରେ ପଚାରିବାରୁ ସେଠୁ କିଛି ସନ୍ତୋଷଜନକ ଉତ୍ତର ମିଳିନଥିଲା। କିନ୍ତୁ ବହୁ ପ୍ରତୀକ୍ଷା ର ଅନ୍ତ ଘଟାଇ ଶେଷରେ ଦୀର୍ଘ ବର୍ଷ ପରେ ୨୦୨୩ ମସିହା ସେପ୍ଟେମ୍ବର ୪ ତାରିଖ ରେ ମନିଅଡର ଆସି ପହଞ୍ଚିଚି। କେଉଁ କାରଣ ରୁ ଏବଂ କାହାର ଅବହେଳାରୁ ଏମିତି ଅବହେଳା ହୋଇଛି ତାହା ତଦନ୍ତ ସାପେକ୍ଷ।
ବୁଲା କୁକୁର କାମୁଡ଼ାରେ ଜଣେ ଛାତ୍ରୀ ଗୁରୁତର I ଗୁରୁତର ଅବସ୍ଥାରେ ମେଡିକାଲରେ ଚିକିତ୍ସା ହେଉଛନ୍ତି ଛାତ୍ରୀ ଜଣକ Iକଣ୍ଟlମାଳ ବ୍ଲକ ଅନ୍ତର୍ଗତ ବିଳାସ ପୁର ପଞ୍ଚାୟତ ତlଳସରଡ଼ା ଗ୍ରାମର ଘଟିଛି ଏଭଳି ଦୁଃଖଦାୟକ ଘଟଣା,ଛାତ୍ରୀ ଜଣକ ହେଲେ ଇତିଶ୍ରୀ ଦନ୍ତା (୧୦) ହୋଇଥିବା ବେଳେ ସେ ବିଳାସ ପୁର ପ୍ରାଥମିକ ସ୍କୁଲ ର ଛାତ୍ରୀ ଅଟନ୍ତି Iଇତିଶ୍ରୀ ବିଦ୍ୟାଳୟ ରୁ ଘରକୁ ଫେରୁଥିବା ବେଳେ ଏକ ବୁଲା କୁକୁର ହଠାତ ଆକ୍ରମଣ କରିଥିଲା, ଆକ୍ରମଣ ଏତେ ଭୟଙ୍କର ଥିଲା ଯେ କୁକୁର ଟି ଇତିଶ୍ରୀ ର ମୁଣ୍ଡ ତାଳୁ ଚମଡା କାମୁଡି ରକ୍ତାକ୍ତ କରି ଦେଇଥିଲା!ସ୍ଥାନୀୟ ଲୋକେ ଉଦ୍ଧାର କରି ସୋନପୁର ବଡ଼ ଡାକ୍ତର ଖାନରେ ଇତିଶ୍ରୀ କୁ ଭର୍ତ୍ତି କରିଛନ୍ତି ଓ ଇତିଶ୍ରୀ ଗୁରୁତର ଥିବା ସୂଚନା ମିଳିଛି I
କେନ୍ଦୁଝରରୁ ଭୁବନେଶ୍ୱର ସବୁ ଦିନେ ସକାଳେ ଗୋଟେ ଯାତ୍ରୀବାହୀ ଟ୍ରେନ ଯାଏ ବହୁତ ଲୋକେ ଯାଆନ୍ତି। ହେଲେ ଆଜି ଏହି ଟ୍ରେନ କଟକ ହେବା ବେଳେ ଧୀର ଗତିରେ ଥିଲା ବେଳେ ଏହାର ଟ୍ରାକରେ ଆଉ ଗୋଟେ ଟ୍ରେନ୍ ଆସୁଥିବା ଦେଖା ଗଲା । ତେବେ କିଛି ଦୁର୍ଘଟଣା ହେବା ପୂର୍ବରୁ ଦୁଇ ଟ୍ରେନ୍ ଅଟକି ଯାଇ ଥିଲେ । କେନ୍ଦୁଝରରୁ ଯାଉଥିବା ଟ୍ରେନ୍ ଯାତ୍ରୀମାନେ ଭୟଭୀତ ହୋଇ ଓହ୍ଲାଇ ପଡ଼ିଥିଲେ। ଏହାର କାରଣ ସଠିକ୍ ଜଣା ଯାଇ ନଥିଲେ ବି ବୋଧ ହୁଏ ନୂଆ କାରିଗରୀ ଲାଗି କୁଆଡେ ଗୋଟେ ମିନିଟ ବ୍ୟବଧାନରେ ଗୋଟେ ଟ୍ରାକରେ ୨ ଟ୍ରେନ ଯାଇ ପାରିବ ବୋଲି ଖବର ଆସିଛି ଆଲୋଚନା ହେଉ ଥିଲା
ବାଲେଶ୍ୱର ଫକୀର ମୋହନ ମେଡିକାଲ୍ କଲେଜ ଓ ହସ୍ପିଟାଲରେ ଅଗ୍ନିକାଣ୍ଡ । ଏସିରେ ସର୍ଟସର୍କିଟ ଯୋଗୁ ଅଗ୍ନିକାଣ୍ଡ ଘଟିଥିବା ଜଣାପଡ଼ିଛି। ଅଗ୍ନିକାଣ୍ଡ ଯୋଗୁ କାହାର କିଛି କ୍ଷୟକ୍ଷତି ହୋଇନଥିବା ବେଳେ ନିଆଁକୁ ଆୟତ୍ତ କରିଛି ଅଗ୍ନିଶମ ବାହିନି।
ସୁଚନା ଅନୁଯାୟୀ ଆଜି ସକାଳେ ଫକୀର ମୋହନ ମେଡିକାଲ୍ କଲେଜ ଓ ହସ୍ପିଟାଲର ପ୍ରଥମ ମହଲା ଥିବା ମେଡିସିନ ୱାର୍ଡର ଷ୍ଟାଫ୍ ବସୁଥିବା ଏକ ରୁମ୍ର ଏସିରୁ ନିଆଁ ବାହାରିଥିଲା। ଏହାପରେ ମେଡିକାଲ ଧୂଆଁମୟ ହୋଇଯାଇଥିଲା। ରୋଗୀମାନେ ଧୂଆଁ ଦେଖି ଭୟଭୀତ ହୋଇପଡ଼ିଥିଲେ।
ସଙ୍ଗେସଙ୍ଗେ ରୋଗୀ ଓ ସେମାନଙ୍କ ସହ ଥିବା ସମ୍ପର୍କୀୟ ବାହାରକୁ ପଳାଇ ଆସିଥିଲେ। ମେଡିକାଲ୍ ପକ୍ଷରୁ ଏନେଇ ଅଗ୍ନିଶମ ବାହିନୀଙ୍କୁ ଖବର ଦିଆଯାଇଥିଲା। ଅଗ୍ନିଶମ ବାହିନୀ ଓ ମେଡିକାଲ କର୍ମଚାରୀଙ୍କ ସହାୟତାରେ ନିଆଁକୁ ଆୟତ୍ତ କରାଯାଇଥିଲା। ACରେ ସର୍ଟ ସର୍କିଟ ଯୋଗୁ ଏହି ଅଗ୍ନିକାଣ୍ଡ ଘଟିଥିବା ଜଣାପଡ଼ିଛି।
-ବ୍ରିଜ ଉପରେ ଝୁଲିଲା ବାଲି ବୋଝେଇ ହାଇୱା
-ହାଇୱା ଧକ୍କାରେ ଭାଙ୍ଗିଲା ବ୍ରିଜ ବାରିକେଡ୍
-ନନ୍ଦନକାନନ ପଟୁ ଭୁବନେଶ୍ୱରକୁ ଆସୁଥିଲା ହାଇୱା
-ଡ଼୍ରାଇଭର ଢୁଳେଇବାରୁ ଭାରସାମ୍ୟ ହରାଇଲା
-ଘଟଣାସ୍ଥଳରେ ପିସିଆର୍ ଓ ନନ୍ଦନକାନନ ପୁଲିସ
-ଟ୍ରାଫିକ କଣ୍ଟ୍ରୋଲ ସହ ଗାଡ଼ି କାଢ଼ିବାକୁ୍ ବ୍ୟବସ୍ଥା