ସାଧାରଣ ନିର୍ବାଚନ ଯେତିକି ପାଖେଇ ଆସୁଛି ବିଭିନ୍ନ ରାଜନୈତିକ ଦଳର କର୍ମୀ ମାନଙ୍କ ମନରେ ସେତିକି ଉତ୍ସାହ ପରିଲକ୍ଷିତ ହେଉଛି । ଆସନ୍ତା ନିର୍ବାଚନରେ ଖୋର୍ଦ୍ଧା ବିଧାନ ସଭା ଆସନ ପାଇଁ କିଏ କେଉଁ ଦଳରୁ ପ୍ରାର୍ଥୀ ହେବ ତାହାକୁ ନେଇ ନେତା ଓ କର୍ମୀ ମାନେ ଦ୍ଵନ୍ଦରେ ରହିଛନ୍ତି । ତିନି ପ୍ରମୁଖ ରାଜନୈତିକ ଦଳର ବିଜେପି, ବିଜେଡି ଓ କଂଗ୍ରେସ ନେତା ଓ କର୍ମୀ ମାନେ ଲୋକଙ୍କୁ ନିଜ ଦଳ ପ୍ରତି ଆକୃଷ୍ଟ କରିବାକୁ ଲାଗିପଡିଛନ୍ତି । ଏଠାରେ ବିଜେଡି ର ବିଧାୟକ ଅଛନ୍ତି ଜୋତୀନ୍ଦ୍ର ନାଥ ମିତ୍ର । ସେ ନିର୍ବାଚନ ମଣ୍ଡଳୀ ସାରା ବୁଲି ବିଭିନ୍ନ କାର୍ଯ୍ୟକ୍ରମ ରେ ଯୋଗ ଦେଇ ଲୋକସମ୍ପର୍କ ରଖୁଛନ୍ତି । ସେ ପୁଣି ଥରେ ନିର୍ବାଚନ ଲଢିପାରନ୍ତି କିମ୍ବା ଅଶୁସ୍ଥତା ଯୋଗୁଁ ନିଜ ପୁଅକୁ ପ୍ରାର୍ଥୀ କରିବା ଆଶା ରଖିଛନ୍ତି ।
ଖୋର୍ଦ୍ଧା ରାଜନୀତିରେ ତାଙ୍କର ଦୀର୍ଘ ବର୍ଷର ଅଭିଜ୍ଞତା ରହିଛି । ଜୋତୀନ୍ଦ୍ର ନାଥଙ୍କ ରାଜନୈତିକ ପ୍ରତିଦ୍ବନ୍ଦି ଭାବେ ବେଗୁନିଆ ବିଧାୟକ ରାଜେନ୍ଦ୍ର ସାହୁ ବେଶ ଜଣାଶୁଣା ।ଗତ ସାଧାରଣ ନିର୍ବାଚନରେ ଶେଷ ମୂହୁର୍ତ୍ତ ରେ ତାଙ୍କୁ ବେଗୁନିଆ ରୁ ପ୍ରାର୍ଥୀ କରିଥିଲା ବିଜେଡି ।ଏଥର ସେ ଖୋର୍ଦ୍ଧା ଆସନକୁ ଫେରିବା ଆଶା ରଖିଛନ୍ତି। ଖୋର୍ଦ୍ଧା ଓ ଟାଂଗୀ ଉଭୟ ପଂଚାୟତ ସମିତି ଅଧ୍ୟକ୍ଷା ତାଙ୍କ ସମର୍ଥକ ବୋଲି ବିଜେଡ଼ି କର୍ମୀ ମହଲରେ ଚର୍ଚ୍ଚା ହେଉଛି। ସେହିପରି ଦଳ ଯଦି ମହିଳାଙ୍କ ପାଇଁ ଆସନ ସଂରକ୍ଷଣ କରେ ତେବେ ତାଙ୍କ ପନ୍ତୀ ପୂର୍ବତନ ପୈ।ରାଧ୍ୟଖ ସଜୁକ୍ତା ସାହୁ ପ୍ରାର୍ଥୀ ହେବେ ବୋଲି ରାଜେନ୍ଦ୍ର ସାହୁ ଙ୍କ ସମର୍ଥକ ମାନେ କହୁଛନ୍ତି।
ଜିଲ୍ଲା ପରିଷଦ ଅଧ୍ୟକ୍ଷ ରୂପଶ୍ରୀରାଣୀ ଗୁମାନସି଼, ରାଜ୍ୟ ମହିଳା ବିଜେଡି ଉପ ସଭାନେତ୍ରୀ ବାସନ୍ତୀ ମହାପାତ୍ର ନିର୍ବାଚନ ମଣ୍ଡଳୀ ର ବିଭିନ୍ନ ସ୍ଥାନକୁ ଯାଇ ଜନସମ୍ପର୍କ ରଖିଛନ୍ତି। ସେହିପରି ପୂର୍ବତନ ପ୍ରସାଶକ ଦେବରାଜ ସେନାପତି,ଓଡିଶା ମୋ ପରିବାର ଜିଲ୍ଲା ସଂଯୋଜକ ଦିଲ୍ଲୀପ କୁମାର ଶ୍ରୀଚନ୍ଦନ ବିଜେଡି ଟିକେଟ ପାଇବା ପାଇଁ ଆଶା ରଖିଥିବା ଚର୍ଚା ହେଉଛି।
ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ କାଳୁଚରଣ ଖଣ୍ଡାୟତ ରାୟ ଗତ ସାଧାରଣ ନିର୍ବାଚନରେ ମାତ୍ର ୮ ହଜାରେ ଭୋଟ ବ୍ୟବଧାନରେ ପରାଜିତ ହୋଇଥିଲେ। ତାଙ୍କୁ ବିଜେପି ପୁଣି ଥରେ ପ୍ରାର୍ଥୀ କରିବ ବୋଲି ତାଙ୍କ ସମର୍ଥକ ମାନେ କହୁଛନ୍ତି। ଶ୍ରୀ ଖଣ୍ଡାୟତ ରାୟ ବିଭିନ୍ନ ପଂଚାୟତ ର ବୁଥ୍ କୁ ଯାଇ ଦଳୀୟ ସଂଗଠନ ପାଇଁ କାମ କରୁଛନ୍ତି। ବିଜେପି ଖୋର୍ଦ୍ଧା ଜିଲ୍ଲା ସଭାପତି ରଶ୍ମିରଞ୍ଜନ ମହାପାତ୍ର ଦଳୀୟ ଟିକେଟ ପାଇବେ ବୋଲି କହୁଛନ୍ତି। ସେହିପରି କୃଷକ ନେତା ଶ୍ରୀ ରଂଜନ ମଂଗରାଜ, ଅଧ୍ୟାପକ ଲକ୍ଷ୍ମୀ କାନ୍ତ ମିଶ୍ର ବିଜେପି ଟିକେଟ ପାଇବା ଆଶା ରଖିଛନ୍ତି।
ଅନ୍ୟ ପକ୍ଷରେ ସଂଘ ପରିବାର ପକ୍ଷରୁ ଏଥର ଜଣେ ପ୍ରାର୍ଥୀ ହେବା ସମ୍ଭାବନା ଥିବା କୁହାଯାଉଛି। ସେହିପରି ବିଜେପି ରାଜ୍ୟ ନେଚୃତ୍ବ ଙ୍କ ସହ ଯୋଗାଯୋଗ ରେ ଅଛନ୍ତି। ବିଜେଡି ରୁ ନିଲମ୍ବିତ ହୋଇଥିବା ଜଣେ ବିଧାୟକ ସେ ବିଜେପି ରେ ଯୋଗ ଦେଇ ଟିକେଟ ପାଇବା ଆଶା ରଖିଛନ୍ତି। ବିଜେପି ରେ ଦୀର୍ଘ ବର୍ଷ ଧରି କାମ କରୁଥିବା କର୍ମୀ ମାନେ ଦଳଣ୍ଡିଆଙ୍କୁ ଆଉ ଗ୍ରହଣ କରିବେନି ବୋଲି ଖୋଲା ଖୋଲି କହୁଛନ୍ତି। ପୂର୍ବରୁ ଡ଼, ଦିଲ୍ଲିପ ଶ୍ରୀଚନ୍ଦନ ଓ ଜୋତୀଦ୍ର ନାଥ ବିଜେପି ରୁ ଲଢିଥିଲେ। ପରେ ଦଳ ଛାଡିଥିଲେ।ନିଜ ଦଳ ଲୋକଙ୍କ ଉପରେ ଭରସା ନରଖି ଅନ୍ୟ ଦଳରୁ ଆଣି କାହାକୁ ପ୍ରାର୍ଥୀ କରିବାକୁ ଚ୍ରୁଣ ମୂଳ ସ୍ଥରର କର୍ମୀ ଚାହୁଁନାହାଁନ୍ତି।
ଜାତୀୟ ସ୍ତରରେ କଂଗ୍ରେସ ଶିବିର ଚଳଚଂଚଳ ହେବା ପରେ ଏବେ କିଛି ଦିନ ହେଲା ଖୋର୍ଦ୍ଧା ରେ ଦଳୀୟ କର୍ମୀ ଙ୍କ ମନରେ ଉତ୍ସାହ ଦେଖିବାକୁ ମିଳିଛି। ପୁଣି ଦଳକୁ ସକ୍ରୀୟ କରିବାକୁ ଉଦ୍ୟମ ଚାଲିଛି। ପୂର୍ବତନ ବିଧାୟକ ଡଃ ଦିଲ୍ଲୀପ ଶ୍ରୀଚନ୍ଦନ,ସ୍ଵାଗତୀକା ପଟ୍ଟନାୟକ, ବିଶ୍ବଭୂଷଣ ଛୋଟରାୟ, ପଦ୍ମଚରଣ ରାୟ ପ୍ରମୁଖ ଙ୍କ ମଧରୁ କାହାକୁ କଂଗ୍ରେସ ପ୍ରାର୍ଥୀ କରିପାରେ ବୋଲି ଚର୍ଚ୍ଚା ହେଉଛି।ଚେବେ କେଉଁ ଦଳରୁ କିଏ ପ୍ରାର୍ଥୀ ହେବ ତାହା ଠିକ ଭାବେ ଜଣା ପଡୁନଥିବାରୁ ଉଭୟ ନେତା ଓ କର୍ମୀ ଦ୍ଵନ୍ଦ ରେ ରହିଥିବା ଜଣାପଡିଛି।
