ଜଳ ହିଁ ଜୀବନ । ଏହାକୁ ହୃଦୟଜ୍ଞମ କରି ରାଜ୍ୟ ସରକାର ‘ଡ୍ରିଙ୍କ ଫ୍ରମ ଟ୍ୟାପ ପ୍ରକଳ୍ପର ଆରମ୍ଭ କରିଛନ୍ତି। ଏହି ଯୋଜନାର ମୁଖ୍ୟ ଉଦ୍ଦେଶ୍ୟ, କୌଣସି ବ୍ୟକ୍ତି ପାନୀୟ ଜଳ ପାଇଁ ହନ୍ତସନ୍ତ ନ ହୁଅନ୍ତି। ସିଧାସଳଖ ଟ୍ୟାପ୍ ଯୋଗେ ୨୪ ଘଣ୍ଟିଆ ବିଶୁଦ୍ଧ ପାଣି ଯୋଗାଇବାର ବ୍ୟବସ୍ଥା କରାଯାଇଛି। ସୋମବାର ଦିନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଦିବାସୀ ଅଧ୍ୟୁଷିତ ମୟୂରଭଞ୍ଜର ଜିଲ୍ଲାର ରାଇରଙ୍ଗପୁର,ଚମ୍ପୁଆ, ବୀରମିତ୍ରପୁର, ରାଜଗାଙ୍ଗପୁର,ନିମାପଡ଼ା ୫ ଟି ପୌରାଞ୍ଚଳ ପାଇଁ ୨୪ ଘଣ୍ଟିଆ ‘ ଡ୍ରିଙ୍କ ଫ୍ରମ ଟ୍ୟାପ ଯୋଜନାର ଲୋକାର୍ପିତ କରିଛନ୍ତି।
ଏହି କାର୍ଯ୍ୟକ୍ରମ ପାଇଁ ମଧ୍ୟ ବହୁ ଅର୍ଥ ବ୍ୟୟ କରାଯାଇଛି। ତଥାପି ଲୋକେ ଶୁଦ୍ଧ ପାଣି ପାଇପାରୁନାହାନ୍ତି। ଟ୍ୟାପରୁ ବାହାରୁ ଥିବା ପାଣି ପାଉଡର ମିଶା ପରି ଦେଖିବାକୁ ମିଳୁଛି। ଏହାକୁ ପାଟିକୁ ନେବା ଲୋକଙ୍କ ପକ୍ଷରେ ଅସମ୍ଭବ ହୋଇପଡିଛି। କେବଳ ଯେଉଁମାନଙ୍କର ଆକ୍ବାଗାର୍ଡ ରହିଛି ସେହି ମାନେ ହିଁ ଏହି ଟ୍ୟାପ ପାଣି ପିଇ ପାରୁଛନ୍ତି ବୋଲି ଅଭିଯୋଗ କରାଯାଉଛି।
ଅନ୍ୟପଟେ ଡ୍ରିଙ୍କ ଫ୍ରମ ଟ୍ୟାପ ଜଳଯୋଗାଣ କାର୍ଯ୍ୟକ୍ରମରେ ଅଧିକାରୀ ମାନେ ଦାବି କରିଥିଲେ କି ଲୋକଙ୍କୁ ବିଶୁଦ୍ଧ ଜଣ ଯୋଗାଣ କରାଯାଉଛି। ଏଥିସହ ଏହି ଯୋଜନାରେ କାର୍ଯ୍ୟ କରୁଥିବା ଜଳସାଥୀ କହିଥିଲେ କି ସେମାନେ ଘର ଘର ବୁଲି ଲୋକଙ୍କୁ ଜଳର ମହତ୍ବ ବୁଝାଇବା ସହ କିପରି ଅଜଥା ଜଳ ନଷ୍ଟ କରା ନ ଯାଏ ସେଥି ପ୍ରତି ଧ୍ୟାନ ଦେବାକୁ ପରାମର୍ଶ ଦେଉଛୁ ବୋଲି କହିଛନ୍ତି।
ତେବେ ଅନ୍ୟ ସବୁ ଯୋଜନା ପରି ଏହି ଯୋଜନା କେବଳ ଅର୍ଥ ହଡପ ପାଇଁ ମାଧ୍ୟମ ହେବ ବୋଲି ସାଧାରଣରେ ଚର୍ଚ୍ଚା ହେଉଛି। କାରଣ ଜଳସାଥି ବାଇଟ ଦେବା ବେଳେ ବଡ ବଡ କଥା କହୁଥିବା ବେଳେ କିନ୍ତୁ ସେମାନଙ୍କୁ କୌଣସି ଗ୍ରାମରେ ଦେଖିବାକୁ ପାଉ ନାହାନ୍ତି ଲୋକେ ବୋଲି ଅଭିଯୋଗ ହେଉଛି।
