ଗାଁରେ ପଶିଲା ଗୋଠଛଡା ଦନ୍ତା, ଲୋକେ ଆତଙ୍କିତ | କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଘସିପୁରା ବ୍ଲକ୍ ଗଡବାନ୍ଦୋଗଡା ଗାଁ ଭିତକୁ ଆଜି ସକାଳୁ ସକାଳୁ ପଶିଆସିଛି ଏକ ଗୋଠଛଡା ଦନ୍ତା | ଗାଁ ନିକଟରେ ଥିବା କାଜୁ ଜଙ୍ଗଲରୁ ହାତୀ ଟି ଗାଁ ଭିତରକୁ ପଶିଆସୁଥିବା ସମୟରେ ଲୋକେ ଦେଖିଥିଲେ | ଖବର ପ୍ରଚାରିତ ହେବାପରେ ହାତୀ କୁ ଘଉଡାଇବାକୁ ବହୁ ସଂଖ୍ୟାରେ ଲୋକେ ହାତୀ ପଛରେ ଗୋଡାଇଥିଲେ |
ପରେପରେ ବନବିଭାଗ କର୍ମଚାରୀମାନେ ପହଁଞ୍ଚି ହାତୀଟିକୁ ଘୈଡାଇବାରୁ ନିକଟସ୍ଥ ପଟିଲୋ ଜଙ୍ଗଲ ମଧ୍ଯକୁ ପଳାଇଛି ହାତୀ | ଯାଜପୁର ଜିଲ୍ଲା ଟମକା ସଂରକ୍ଷିତ ଜଙ୍ଗଲରୁ ଏହି ଦନ୍ତା ହାତୀ ଟି ଆସିଥିବା ଅନୁମାନ କରାଯାଉଛି |
କେନ୍ଦୁଝର ଜିଲ୍ଲା ଘଷିପୁରା ବ୍ଲକ କେଶଦୁରାପାଳ ସ୍ଥିତ ତକ୍ଷଶିଳା ଇଣ୍ଟରନେସନାଲ ସ୍କୁଲର ଦଶମ ବାର୍ଷିକ ଉତ୍ସବ ନବ ଉର୍ଜା ମହାସମାରୋହରେ ପାଳନ ହୋଇଯାଇଛି ।
ଶିକ୍ଷାବିତ୍ ହରିପ୍ରସାଦ ମିଶ୍ରଙ୍କ ସଭାପତିତ୍ବ ରେ ଆୟୋଜିତ ସଭାରେ ମୁଖ୍ୟ ଅତିଥି ଭାବେ ଘସିପୁରା ବିଧାୟକ ବଦ୍ରିନାରାୟଣ ପାତ୍ର ,ମୁଖ୍ୟ ବକ୍ତା ଯୁବ ସଂଗଠକ ବିଭୁ ଭୁଷଣ ରାଉତ, ସ୍ୱତନ୍ତ୍ର ଅତିଥି ଭାବରେ ସୁକିନ୍ଦା ନିର୍ବାଚନ ମଣ୍ଡଳୀ ର ଯୁବ ସମାଜସେବୀ ସବ୍ୟସାଚୀ ବଳ ସାମନ୍ତ ସମ୍ମାନିତ ଅତିଥି ସଂସ୍କୃତି ସୁତ୍ରଧର ଅଖଣ୍ଡାନନ୍ଦ ସରସ୍ୱତୀ,ଆନନ୍ଦପୁର ପୂର୍ବତନ ବିଇଓ ଶରତ କୁମାର ରାଉତ ଙ୍କସହ ବହୁ ମାନ୍ୟଗଣ୍ୟ ବ୍ୟକ୍ତି ବିଶେଷ ପ୍ରମୁଖ ଯୋଗ ଦେଇଥିଲେ। ଛାତ୍ରଛାତ୍ରୀ ମାନଙ୍କ ଦ୍ଵାରା ସ୍ବାଗତ ସଙ୍ଗୀତ ଗାନ ପରେ ସଭାକାର୍ଯ୍ୟ ଆରମ୍ଭ ହୋଇଥିଲା।
ନିର୍ଦ୍ଦେଶକ ଆକାଶ ରଥ ଅଭିଭାବକ ଙ୍କୁ ଶିକ୍ଷା ସମ୍ବନ୍ଧରେ ସମ୍ବୋଧନ କରିଥିଲେ ।ଶେଷରେ ପିଲାମାନଙ୍କ ଦ୍ଵାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା। ବାବାଜୀ ଚରଣ ଜେନା ଅତିଥି ପରିଚୟ ପ୍ରଦାନ କରିଥିଲେ।
ଉକ୍ତ ସଭାରେ ବିଦ୍ୟାଳୟର ଶିକ୍ଷକ ପ୍ରଦୀପ ମିଶ୍ର,ବିଜୟ କୁମାର ସାହୁ ,ନକୁଳ ନାୟକ ,ରାଜେଶ ଜେନା ,ରୂପକ ସିଂ , ଅଭିନୟ ଅଧିକାରୀ , ସୁରଜ୍ ସମାନୀ ଓ ଶିକ୍ଷୟତ୍ରୀ ରଶ୍ମିତା ଚକ୍ର ,ପ୍ରଭାତୀ ଓଝା,ସସ୍ମିତା ଓଝା, କାବେରୀ ପାତ୍ର,ରଶ୍ମିତା ଖୁଣ୍ଟିଆ ପ୍ରଭାତୀ ଜେନା,ଓ ଅନ୍ୟ ସମସ୍ତ ଶିକ୍ଷକ ଶିକ୍ଷୟିତ୍ରୀ ପରିଚାଳନା ରେ ସହଯୋଗ କରିଥିଲେ।
କେନ୍ଦୁଝର କାଳୀପଡ଼ିଆରେ ୫ଦିନ ଧରି ଚାଲିବାକୁ ଥିବା ଆଞ୍ଚଳିକ କଳିଙ୍ଗ ହର୍ବାଲ୍ ମେଳା ଉଦଘାଟିତ ହୋଇଛି । କେନ୍ଦୁଝର ବନଖଣ୍ଡ ଓ ରାଜ୍ୟ ଔଷଧୀୟ ବୃକ୍ଷ ବୋର୍ଡ଼ ଦ୍ୱାରା ମିଳିତ ଭାବେ ଆୟୋଜିତ ଏହି ମେଳାକୁ କେନ୍ଦୁଝର ସାଂସଦ ଅନନ୍ତ ନାୟକ ଉଦଘାଟନ କରିଥିଲେ । ଏଠାରେ ଲୋକମାନଙ୍କୁ ବୈଦ୍ୟମାନଙ୍କ ଦ୍ୱାରା ମାଗଣାରେ ଚିକିତ୍ସା ପରାମର୍ଶ ଯୋଗାଇ ଦିଆଯିବ । ଏହି ମେଳାରେ ସମଗ୍ର ରାଜ୍ୟରୁ ଆସିଥିବା ବୈଦ୍ୟମାନଙ୍କୁ ୭୫ଟି ଷ୍ଟଲ୍ ମାଧ୍ୟମରେ ସେମାନଙ୍କର ଜଡ଼ିବୁଟି ଓ ବନୌଷଧିର ପ୍ରଦର୍ଶନୀ ଓ ବିକ୍ରି ସୁବିଧା ଯୋଗାଇ ଦିଆଯାଇଛି । ୨୮ ତାରିଖରେ ଏହି ମେଳାରେ ଜଙ୍ଗଲ ଓ ପରିବେଶ ମନ୍ତ୍ରୀ ଗଣେଶ ରାମସିଂ ଖୁଣ୍ଟିଆ ଯୋଗଦେବାକୁ ଥିବା ବେଳେ, ଆସନ୍ତା ୨ତାରିଖରେ ମେଳାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଯୋଗଦେବେ ବୋଲି ସୂଚନା ମିଳିଛି । ଏହି ମେଳାରୁ ସହରବାସୀଙ୍କ ଠାରୁ ଆରମ୍ଭ କରି ଗ୍ରାମାଞ୍ଚଳରୁ ଆସୁଥିବା ଲୋକେ ଲାଭ ପାଇ ପାରିବେ ବୋଲି ସୂଚନା ଦେଇଛନ୍ତି କେନ୍ଦୁଝର ଡ଼ିଏଫଓ।
ଆନନ୍ଦପୁର – ଛେନାପଦି – ହଦଗଡ଼ ରାସ୍ତାର ସଙ୍କଟପାଲିଆ ଛକ ନିକଟରେ ଆଜି ଘଟିଛି ଏକ ମିନିଟ୍ରକ୍ ଦୁର୍ଘଟଣା। ଛତୁଆ ବୋଝେଇ ମିନିଟ୍ରକ ଧକ୍କାରେ ଗୋଟିଏ ୫ବର୍ଷର ଶିଶୁର ମୃତ୍ୟୁ ଘଟିଛି। ମୃତକ ଜଣକ ହେଉଛନ୍ତି ଭଦ୍ରକ ଜିଲ୍ଲା ଦୋଳପଦି ଗ୍ରାମରକାଳିଆ ମୁଣ୍ଡାଙ୍କ ପୁଅ ବାଦଲ ମୁଣ୍ଡା। ସେ ନିଜ ବାପା ମା ଙ୍କ ସହ ସଙ୍କଟ ପାଲିଆ ଗାଁ କୁ ବୁଲିବାକୁ ଆସିଥିଲା। ରାସ୍ତା ପାର ହେଉଥିବା ବେଳେ ଏହି ଟ୍ରକଟି ଧକ୍କା ଦେଇଥିଲା। ଏହାକୁ ନେଇ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇବା ସହ ଲୋକମାନେ କ୍ଷତିପୂରଣ ଦାବିରେ ରାସ୍ତାରୋକ କରିଛନ୍ତି। ସୋସୋ ଥାନା ପୁଲିସ ପହଞ୍ଚି ଉତ୍ୟେକ୍ତ ଳୋକଙ୍କୁ ବୁଝାସୁଝା କରୁଛି।
କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଶୈଲଙ୍ଗ ଠାରେ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଓଡ଼ିଶା ସରକାରଙ୍କ ପକ୍ଷରୁ ନିଶାସକ୍ତ ବ୍ୟକ୍ତି ମାନଙ୍କ ପାଇଁ ମାଗଣା ନିଶା ନିବାରଣ ଆରୋଗ୍ୟ କେନ୍ଦ୍ର ଉଦଘାଟିତ ହୋଇଛି।
ଏଥିରେ ମୁଖ୍ୟ ଅତିଥି ଭାବେ ଆନନ୍ଦପୁର ଉପଜିଲ୍ଲାପାଳ ଫାଲ୍ଗୁନି ମାଝି, ସମ୍ମାନିତ ଅତିଥି ଭାବେ ବିଶିଷ୍ଟ ପ୍ରବଚକ ଜିତୁ ଦାଶ, ସିଡିପିଓ ଓ ବହୁ ବ୍ୟକ୍ତି ବିଶେଷ ଯୋଗ ଦେଇଥିଲେ ।
ଚୋରା ଚାଲାଣ ବେଳେ ମଇଁଷି ବୋଝେଇ ପିକଅପ ଭ୍ୟାନକୁ ଜବତ କରି ପୋଲିସର ଜିମା ଦେଲେ ଗ୍ରାମବାସୀ |
କେନ୍ଦୁଝର ଜିଲ୍ଲା ଚମ୍ପୁଆ ଥାନା ଅନ୍ତର୍ଗତ ପ୍ରତାପପଶି ନିକଟରେ ୨୦ ନମ୍ବର ଜାତୀୟ ରାଜପଥ ମଧ୍ୟ ଦେଇ ଝାଡଖଣ୍ଡକୁ ଚାଲାଣ ବେଳେ ଗ୍ରାମବାସୀ ଗାଡିଟିକୁ ଅଟକ ରଖି ପୋଲିସକୁ ସୂଚନା ଦେଇଥିଲେ | ଭ୍ୟାନରୁ ୬ ମଇଁଷି ଉଦ୍ଧାର କରାଯିବା ସହ ଡ୍ରାଇଭରକୁ ଅଟକ ରଖାଯାଇଥିବାବେଳେ ପୋଲିସ ଘଟଣାର ତଦନ୍ତ ଆରମ୍ଭ କରିଛି |
କେନ୍ଦୁଝର ଜିଲ୍ଲା ଘଷିପୁରା ଥାନା ଅଞ୍ଚଳରେ ବାଇକ ଚୋରି ଅଭିଯୋଗରେ ଦୁଇଜଣଙ୍କୁ ଗିରଫ କରାଯିବା ସହିତ ବାଇକ ଜବତ କରିଛି ପୋଲିସ | ଗତ ୧୪ ତାରିଖ ଦିନ ଶୈଲଙ୍କରୁ ଏକ ବାଇକ ଚୋରି ଅଭିଯୋଗ ହୋଇଥିଲା | ଓଡି ୦୯ ୟୁ୦୨୪୪ ନମ୍ବର ଯୁକ୍ତ ହିରୋ ସିଡି ଡିଲକ୍ସ ବାଇକ ଚୋରି ହୋଇଥିବା ନେଇ ରାଜେନ୍ଦ୍ର କୁମାର ଦେହୁରୀ ଘଷିପୁରା ଥାନାରେ ଅଭିଯୋଗ କରିଥିଲେ |
ପୋଲିସ ତଦନ୍ତରେ ଉକ୍ତ ଦୁଇ ବାଇକ ଚୋର ଧରପଡ଼ିଛନ୍ତି | ପୁରୁଣା ବାନ୍ଦଗୋଡା ଗ୍ରାମର ଆନନ୍ଦପୁର ମେଡିକାଲରେ ଆମ୍ବୁଲାନ୍ସ ଡ୍ରାଇଭର ଭାବେ କାର୍ଯ୍ୟ କରୁଥିବା କାହ୍ନୁଚରଣ ଜେନା, ଆଉ ଜଣେ ନନ୍ଦିପଦା ଥାନା ଅଞ୍ଚଳର ରମ୍ପାସ ଗ୍ରାମର ଜ୍ଞାନରଞ୍ଜନ ଖୁଣ୍ଟିଆଙ୍କ ଠାରୁ ବାଇକ ଜବତ କରିବା ସହ ଉଭୟଙ୍କୁ ଗିରଫ କରିଛି ପୋଲିସ |
କେନ୍ଦୁଝର ଜିଲ୍ଲା ଆନନ୍ଦପୁର ବ୍ଲକ ଧକୋଠା ପଞ୍ଚାୟତ ଭାଲୁକୁମା ଠାରେ ମହାଦେବ ଗୋପେଶ୍ୱର ନୂତନ ମନ୍ଦିର ପ୍ରତିଷ୍ଠା ଉତ୍ସବ ବହୁ ଆଡମ୍ବରରେ ତିନି ଦିନ ଧରି ରୀତି ନୀତି ଅନୁଯାୟୀ ପାଳନ କରାଯାଇଛି |
ପ୍ରଥମ ଦିନ ବ୍ରାହ୍ମଣଙ୍କ ଦ୍ଵାରା ପୂଜାର୍ଚ୍ଚନା କରି ବୈତରଣୀ ନଦୀରୁ କଳସ ଶୋଭାଯାତ୍ରା କରିଥିଲେ |ଆଜି ତୃତୀୟ ଦିନରେ ମହାପ୍ରଭୁଙ୍କ ବିଗ୍ରହ ଗ୍ରାମ ପରିକ୍ରମା କରି ମନ୍ଦିର ଚତୁଃପାର୍ଶ୍ବ କରିକ୍ରମା କରି ବିଗ୍ରହ ମାନଙ୍କୁ ପୂଜାର୍ଚ୍ଚନା କରି ସ୍ଥାପନ କରିଥିଲେ |
ଗ୍ରାମର ହଜାର ହଜାର ଭକ୍ତ ଏହି ମନ୍ଦିର ପ୍ରତିଷ୍ଠାରେ ସାମିଲ ହୋଇ ସହଯୋଗ କରିଥିଲେ ।
ଚଳିତ ବଜେଟ ବିରୋଧରେ କମ୍ୟୁନିଷ୍ଟ ପାର୍ଟି ତରଫରୁ ଚମ୍ପୁଆରେ ବିକ୍ଷୋଭ ପ୍ରଦର୍ଶନ କରାଯାଇଛି । କର୍ପୋରେଟ ସପକ୍ଷବାଦୀ ବଜେଟ ବିରୋଧରେ ଏବଂ ବିକଳ୍ପ ବିଜେଟ ପ୍ରସ୍ତାବ ଉପରେ ବାମଦଳ ଏହି ଆନ୍ଦୋଳନ କରିଛି ।
ସିପିଆଇ ନେତା ବିଦ୍ୟା ମହାନ୍ତ ଓ ସିପିଏମ ନେତା ଇନ୍ଦ୍ରମଣୀ ବେହେରାଙ୍କ ନେତୃତ୍ଵରେ ଆନ୍ଦୋଳନ କରାଯାଇଛି |
ଏହି ଆନ୍ଦୋଳନରେ ଶତାଧିକ କମ୍ୟୁନିଷ୍ଟ କର୍ମୀ ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କ ବିରୋଧରେ ସ୍ଲୋଗାନ ଦେଇ ଚମ୍ପୁଆ ଉପଜିଲ୍ଲାପାଳଙ୍କ କାର୍ଯ୍ୟାଳୟ ବାହାରେ ବିକ୍ଷୋଭ ପ୍ରଦର୍ଶନ ଥିଲେ ।
ଚଳିତ ବଜେଟରେ ଜନସାଧାରଣଙ୍କ ପ୍ରତି ବିଶ୍ୱାସ ଘାତକତା କରାଯାଇଛି |
କେନ୍ଦ୍ର ସରକାର ବଜେଟ ମାଧ୍ୟମରେ ଦେଶର ଧନୀବର୍ଗଙ୍କ ପାଇଁ ସୁବିଧା ବୃଦ୍ଧି କରିବା, ଜନସେବା ପାଇଁ ବ୍ୟୟବରାଦ ହ୍ରାସ କରିବା ଏବଂ ସରକାରୀ ପୁଞ୍ଜିକୁ ବେସରକାରୀ ଘରୋଇକରଣ କ୍ଷେତ୍ର ପାଇଁ ବ୍ୟବହାରକୁ ବିରୋଧ କରି ଏହି ବିକ୍ଷୋଭ ପ୍ରଦର୍ଶନ କରାଯାଇଛି ।
ଯୋଡ଼ା ସହର ଦେଇ ଯାଇଥିବା ଫ୍ଲାଇ ଓଭରରେ ଘଟିଯାଇଛି ଭୟଙ୍କର ଦୁର୍ଘଟଣା । ଘଟଣା ସ୍ଥଳରେ ଚାପି ହୋଇ ଜଣେ ହାଇୱା ଡ୍ରାଇଭରଙ୍କ ଶୋଚନୀୟ ମୃତ୍ୟୁ ଘଟିଛି । ମୃତକ ଡ୍ରାଇଭରଙ୍କ ପରିଚୟ ମିଳିପାରି ନଥିବା ବେଳେ ଫ୍ଲାଇ ଓଭର ଉପରେ ଯାତାୟତ ସମ୍ପୂର୍ଣ୍ଣ ଭାବରେ ଠପ୍ ହୋଇଯାଇଛି । ଘଟଣା ସ୍ଥଳରେ ଯୋଡ଼ା ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ଡ୍ରାଇଭରଙ୍କ ମୃତଦେହ ଉଦ୍ଧାର କରିଛନ୍ତି ।
ସୂଚନା ଅନୁସାରେ, ଗତକାଲି ରାତିରେ ଫ୍ଲାଇ ଓଭର ପିଲାର ନଂ ୫୯ ନିକଟରେ ଏହି ଦୁର୍ଘଟଣା ଘଟିଯାଇଛି। ଘରୋଇ ଖଣି କମ୍ପାନୀ JSW ର ଏକ ହୋଲ୍ ପ୍ୟାକ୍ ଡାଲାକୁ ଗୋଟିଏ ଟ୍ରେଲରରେ ଲୋଡ୍ କରି ନିଆଯାଉଥିଲା । ତେବେ ହୋଲ୍ ପ୍ୟାକ୍ ଡାଲା ଅଧିକ ଓସାରିଆ ଥିବାରୁ କିଛି ଅଂଶ ଟ୍ରେଲରର ବାହାରକୁ ବାହାରି ରହିଥିଲା । ଏହି ସମୟରେ ସାମ୍ନାପଟୁ ଆସୁଥିବା ଏକ ଆଇରନ୍ ଓର୍ ବୋଝେଇ ହାଇୱା ଦ୍ରୁତ ଗତିରେ ଆସି ଟ୍ରେଲରରେ ଲୋଡ୍ ହୋଇଥିବା ହୋଲ୍ ପ୍ୟାକ୍ ଡାଲାକୁ ଜୋରଦାର ଟକ୍କର ମାରି ପଛପଟୁ ଆସୁଥିବା ଆଉ ଏକ ହାଇୱା ସହିତ ଧକ୍କା ହୋଇଥିଲା ଏବଂ ଗାଡ଼ି ଭିତରେ ଚାପି ହୋଇ ହାଇୱା ଡ୍ରାଇଭର ମୃତ୍ୟୁ ବରଣ କରିଥିଲେ । ଦୁର୍ଘଟଣା ପରେ ଟ୍ରେଲର ଡ୍ରାଇଭର ଘଟଣା ସ୍ଥଳରୁ ଫେରାର ହୋଇଯାଇଛି । ତେବେ ରାତିରେ ଟ୍ରେଲରରେ ଲୋଡ୍ ହୋଇଥିବା ହୋଲ୍ ପ୍ୟାକ୍ ଡାଲା ବାହାରକୁ ବାହାରି ରହିଥିବା ଦେଖି ନ ପାରିବାରୁ ହାଇୱାଟି ଧକ୍କା ଦେଇଥିବା ଅନୁମାନ କରାଯାଉଛି । ଯୋଡ଼ା ପୋଲିସ୍ ଗାଡ଼ି ଗୁଡ଼ିକୁ ଜବତ୍ କରି ତଦନ୍ତ ଚଳାଇଛି ।