ପୁରା ଦେଶ ପାଳନ କରୁଛି ୭୯ ତମ ସ୍ୱାଧୀନତା ଦିବସ, ଗାଁ ରୁ ସହର ସବୁଠି ଉତ୍ସବ ମୁଖର | ଦେଶ ମାତୃକାର ଉତ୍ସବ ପାଳନ ହେଉଛି ଶିକ୍ଷା ଅନୁଷ୍ଠାନ ଠାରୁ ଆରମ୍ଭ କରି ସବୁ କ୍ଷେତ୍ର ରେ | ଏହାରି ଭିତରେ ଚମ୍ପୁଆ ନେହୁରୁ ଷ୍ଟାଡିୟମ୍ ରେ ଚମ୍ପୁଆ ଉପଜିଲ୍ଲାପାଳ ପତାକା ଉତୋଳନ କରିଛନ୍ତି ଓ ଖଣି ଅଞ୍ଚଳ ରେ ବିଭିନ୍ନ ସ୍କୁଲ ଓ ସରକାରୀ କାର୍ଯ୍ୟାଳୟ ରେ ପାଳନ ହୋଇଛି ସ୍ୱାଧୀନତା ଦିବସ |
ବିଭିନ୍ନ ସ୍କୁଲ ର ଛାତ୍ର ଛାତ୍ରୀ ଏବଂ ଯୋଡ଼ା ପୌରପାଳିକା ପକ୍ଷରୁ ପୌର କାର୍ଯାଳୟ ଠାରୁ ଯୋଡ଼ା ପରିକ୍ରମା କରି ଜାତୀୟ ସଙ୍ଗୀତ ଗାନ କରି ସହର ପରିକ୍ରମା କରିଛନ୍ତି |
ଆନନ୍ଦପୁର ବଳଭଦ୍ର ନାରାୟଣ ଉଚ୍ଚ ବିଦ୍ୟାଳୟ ର ହଷ୍ଟେଲ ନିର୍ମାଣ କାମ ଅତି ନିମ୍ନ ମାନର ହେଉଥିବା ସମ୍ପର୍କରେ ତତ୍କାଳ ତଦନ୍ତ କରିବା ପାଇଁ କେନ୍ଦୁଝର ଜିଲ୍ଲାପାଳ ଙ୍କୁ ଅନୁରୋଧ କଲେ ଆନନ୍ଦପୁର ପ୍ରେସ ଫୋରମ୍ ସଭାପତି । ଆଜିର ଶିଶୁ କାଲିର ଭବିଷ୍ୟତ କୁହାଯାଉଥିବା ବେଳେ । ତାଙ୍କ ପାଇଁ ନିର୍ମାଣ ହେଉଥିବା ଏହି ନିମ୍ନ ମାନର ହଷ୍ଟେଲ ରୁ ସ୍ପଷ୍ଟ ଭାବରେ ଜଣାପଡୁଛି ଯେ କିଭଳି ଭାବେ ଶିଶୁ ମାନଙ୍କ ଜୀବନ ସହ ଖେଳା ଯାଉଛି । ରାଜ୍ୟ ସରକାରଙ୍କ ପକ୍ଷରୁ ଶିକ୍ଷାକୁ ଗୁରୁତ୍ଵ ଦିଆଯାଇ କୋଟି କୋଟି ଟଙ୍କା ଖର୍ଚ୍ଚ କରାଯାଉଛି ହେଲେ ଏଠି କିଛି ପେଟି କଣ୍ଟାକଟର କୋଟି କୋଟି ଟଙ୍କା ଚଳୁ କରିବାକୁ ଉଦ୍ୟମ ଚଳାଇଛନ୍ତି । ଏନେଇ ଆନନ୍ଦପୁର ବ୍ଲକରେ ଚାଲିଥିବା ଜିଲ୍ଲାପାଳଙ୍କ ଅଭିଯୋଗ ଶୁଣାଣିରେ ଜିଲ୍ଲାପାଳଙ୍କୁ ଦୃଷ୍ଟି ଆକର୍ଷଣ କରାଯାଇଛି ।
ଫୋରମ୍ ସଭାପତି ଉମେଶ ଚନ୍ଦ୍ର ପାଢ଼ୀ ଏନେଇ ପ୍ରେସମିଟ ଜରିଆରେ ସୂଚନା ଦେଇଛନ୍ତି । ପେଟି କଣ୍ଟାକଟର, ଓ ନୀରବ ରହିଥିବା ଯନ୍ତ୍ରୀ ମାନଙ୍କ ବିରୋଧରେ ଜିଲ୍ଲାପାଳ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବୀ କରିଛନ୍ତି । ଆନନ୍ଦପୁର ବ୍ଲକ୍ ପରିସରରେ ସୋମବାର ଜିଲ୍ଲାପାଳଙ୍କ ମିଳିତ ଅଭିଯୋଗ ଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଜିଲ୍ଲାପାଳ ବିଶାଲ ସିଂ, ଜିଲ୍ଲା ଆରକ୍ଷୀ ନୀତିନ କୁଶଲକର, ଜିଲ୍ଲା ପ୍ରକଳ୍ପ ନିର୍ଦ୍ଦେଶକ କୁମାର ନାଗଭୂଷଣ, ଆନନ୍ଦପୁର ।
ଉପଜିଲ୍ଲାପାଳ ନୀଳମାଧବ ସୁନା, ଏସ୍ଡିପିଓ ପ୍ରଶାନ୍ତ କୁମାର ବେହେରାଙ୍କ ସମେତ ଜିଲ୍ଲା ଓ ବିଭିନ୍ନ ବିଭାଗୀୟ ଉପଖଣ୍ଡସ୍ତରୀୟ ଅଧିକାରୀ ଉପସ୍ଥିତ ରହି ମୋଟ ୧୩୬ଟି ପଞ୍ଜିକୃତ ଅଭିଯୋଗର ଶୁଣାଣି କରିଥିଲେ । ଆବାସ, ଭତ୍ତା ଠାରୁ ଆରମ୍ଭ କରି ସରକାରୀ ସହାୟତା ସହିତ ବିଭିନ୍ନ ସମସ୍ୟାକୁ ନେଇ ଲୋକମାନେ ଜିଲ୍ଲାପାଳଙ୍କ ନିକଟରେ ଅଭିଯୋଗ ଦାଖଲ କରିଥିଲେ । ଲୋକମାନଙ୍କ ଅଭିଯୋଗ ଆଧାରରେ ସମ୍ପୃକ୍ତ ଅଧିକାରୀମାନେ ତୁରନ୍ତ ସମାଧାନ ଦିଗରେ ଦୃଷ୍ଟି ଦେବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ । ଆନନ୍ଦପୁର ବିଡିଓଙ୍କ ସଂଯୋଜନାରେ ବ୍ଳକର ସମସ୍ତ କର୍ମଚାରୀ ଅଭିଯୋଗ ଶୁଣାଣି କାର୍ଯ୍ୟକ୍ରମ ପରିକଳ୍ପନାରେ ସହଯୋଗ କରିଥିଲେ ।
ବଡ଼ବିଲରେ ଏକ ଟ୍ରାନ୍ସପୋର୍ଟ ଅଫିସରୁ ବଡ଼ ଧରଣର ଲୁଟ୍ । ବଡ଼ବିଲ – କିରିବୁରୁ ରାସ୍ତାରେ ଏସଡିପିଓ ଅଫିସ ଠାରୁ ମାତ୍ର ୧୦୦ ମିଟର ଦୂରରେ ଥିବା ସିଟି ସେଣ୍ଟର୍ ମାର୍କେଟ କମ୍ପ୍ଲେକ୍ସରେ ଏହି ଲୁଟ୍ ହୋଇଛି । କମ୍ପ୍ଲେକ୍ସର ବେସମେଣ୍ଟରେ ରହିଥିବା ରିଦ୍ଧିକନ୍ ଲଜିଷ୍ଟିକ୍ ଅଫିସର ପଛପଟ ଝରକା ଭାଙ୍ଗି ମଧ୍ୟ ରାତ୍ରୀରେ କଳାକନା ବୁଲାଇଛନ୍ତି ଦୃବୃର୍ତ୍ତ । ଅଫିସ ଲକରରେ ରହିଥିବା ଲକ୍ଷାଧିକ ଟଙ୍କା ନେଇଯିବା ସହଉ ବିଭିନ୍ନ ନଥିପତ୍ର, ପ୍ରିଣ୍ଟର ଓ ଡିଭିଆର୍ ଆଦି ପୋଡ଼ି ଦେଇଛନ୍ତି ଦୃବୃର୍ତ୍ତ। ଏଥିସହ ୪ଟି ସିସିଟିଭି କ୍ୟାମେରା ତାଡ଼ି ନେଇଯାଇଛନ୍ତି । ତେବେ କମ୍ପ୍ଲେକ୍ସ ଓ ଆଖ ପାଖରେ ଲାଗିଥିବା ଅନ୍ୟ କେତେକ ସିସିଟିଭି କ୍ୟାମେରାରେ ଦୃବୃର୍ତ୍ତଙ୍କ ଚିତ୍ର କଏଦ୍ ହୋଇଥିବା ଜଣାପଡ଼ିଛି ।
ଘଟଣାରେ ଏକାଧିକ ଦୃବୃର୍ତ୍ତ ସାମିଲ ଥିବାବେଳେ, ସେମାନେ ରେନ୍ କୋର୍ଟ ପିନ୍ଧିଥିବା କୁହାଯାଉଛି । ଖବର ପାଇ ବଡ଼ବିଲ ଏସଡିପିଓ ଏବଂ ଥାନା ଆଇଆଇସି ଘଟଣା ସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଛନ୍ତି । ବିଭିନ୍ନ ସିସିଟିଭି ଫୁଟେଜକୁ ଯାଞ୍ଚ କରିବା ସହ ଅଧିକ ତଦନ୍ତ ପାଇଁ ସାଇଣ୍ଟିଫିକ୍ ଟିମକୁ ମଧ୍ୟ ଡକାଯାଇଛି । ଏନେଇ ସଂପୃକ୍ତ ଟ୍ରାନ୍ସପୋର୍ଟ ସଂସ୍ଥା କିମ୍ବା ପୋଲିସ କୌଣସି ପ୍ରତିକ୍ରିୟା ରଖିନାହାନ୍ତି ।
ରୁଗୁଡ଼ି ଥାନା NH 520 ରେ ମର୍ମନ୍ତୁଦ ସଡ଼କ ଦୁର୍ଘଟଣା । ଅଜଣା ଟ୍ରକ୍ ଧକ୍କାରେ ସ୍ତ୍ରୀ ଆଗରେ ଚାଲିଗଲା ସ୍ଵାମୀ ଓ ଝିଅର ଜୀବନ । ‘ଗୁରୁତର ଅବସ୍ଥାରେ ସ୍ତ୍ରୀ ମେଡିକାଲରେ ଭର୍ତ୍ତି । NH 520 ଟୋପାଡିହି ଛକ ନିକଟରେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ମୃତକ ରୁଗୁଡ଼ି ଥାନା ଲୋଇଡ଼ାପଦା ଅଞ୍ଚଳର ଦିଲିପ ସିଙ୍କୁ ଓ ତାଙ୍କର ଦୁଇ ବର୍ଷର ଝିଅ ଜସ୍ମିନ ସିଙ୍କୁ । ଏମାନେ ଏକ ସ୍କୁଟିରେ ଗୁଆଲି ପଟୁ ଲୋଇଡ଼ାପଦା ଅଭିମୁଖେ ଆସୁଥିବା ସମୟରେ ପଛପଟୁ ଏକ ଟ୍ରକ୍ ଧକ୍କାଦେଇ କିଛି ବାଟ ଘୋଷାରୀ ନେଇଥିଲା । ଘଟଣା ସ୍ଥଳରେ ବାପା ଝିଅଙ୍କ ଶୋଚନୀୟ ଭାବରେ ମୃତ୍ୟୁ ଘଟିଥିବାବେଳେ, ମା’ ତୁଳସୀ ସିଙ୍କୁ ଗୁରୁତର ଆହତ ହୋଇଥିଲେ ।
ଖବର ପାଇ ରୁଗୁଡ଼ି ପୋଲିସ ସେମାନଙ୍କୁ ଉଦ୍ଧାର କରି ବଡ଼ବିଲ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଛି । ସେଠାରେ ତୁଳସୀଙ୍କ ଚିକିତ୍ସା ଚାଲିଛି । ତେବେ ଦୁର୍ଘଟଣା ଘଟାଇ ଅଜଣା ଟ୍ରକ୍ ଘଟଣା ସ୍ଥଳରୁ ଖସି ପଳାଇଥିବା ଜଣାପଡିଛି । ରୁଗୁଡ଼ି ପୋଲିସ ଘଟଣାର ତଦନ୍ତ ଚଳାଇଛି ।
ସେହିପରି ରୁଗୁଡ଼ି ଥାନା NH 520 ଗନ୍ଧଲପଦା ଛକ ନିକଟରେ ଆଉ ଏକ ଦୁର୍ଘଟଣାରେ ଜଣେ ବାଇକ୍ ଆରୋହୀ ପ୍ରାଣ ହରାଇଛନ୍ତି । ମୃତକ ଜଣକ ହେଉଛନ୍ତି କୋଇଡ଼ା ଥାନା ସାଗାସାହି ଅଞ୍ଚଳର ଜୟରାମ ସାଇ । ସେ ଗୁଆଲି ସ୍ଥିତ ତ୍ରିବେଣୀ ଅର୍ଥ ମୁଭର୍ଷ କମ୍ପାନୀର କର୍ମଚାରୀ ବୋଲି ଜଣାପଡିଛି । ଡ୍ୟୁଟି ସାରି ସେ ଘରକୁ ଫେରୁଥିବାବେଳେ, ଭାରସାମ୍ୟ ହରାଇ ଗନ୍ଧଲପଦା ଛକ ନିକଟରେ ଏକ ଟ୍ରକ୍ ପଛରେ ପିଟିବା ଯୋଗୁଁ ତାଙ୍କର ମୃତ୍ୟୁ ଘଟିଛି । ମୃତଦେହ ଜବତ୍ କରି ପୋଲିସ ତଦନ୍ତ ଆରମ୍ଭ କରିଛି ।
ଅଙ୍ଗନୱାଡ଼ି କେନ୍ଦ୍ରର ଛାତ ଉପରୁ ଜଣେ ନାବାଳକର ମୃତଦେହ ଉଦ୍ଧାର । ମୃତକ ହେଲେ ବିଲେଇପଦା ମୁଣ୍ଡା ସାହିର ଗୋବିନ୍ଦ ବବୋଙ୍ଗାଙ୍କ ୭ ବର୍ଷର ପୁଅ ଅରୁଣ ବବୋଙ୍ଗା । ଏହି ପୁରୁଣା ଅଙ୍ଗନୱାଡ଼ି କେନ୍ଦ୍ରର ଛାତ ଉପର ଦେଇ ପାଖ ଦୋକାନକୁ ବିଦ୍ୟୁତ୍ ତାର ସଂଯୋଗ ଯାଇଥିବାବେଳେ ନା’ବାଳକର ମୃତ ଦେହ ବିଦ୍ୟୁତ୍ ତାର ଉପରେ ପଡ଼ିଥିବାର ଦେଖିବାକୁ ମିଳିଛି । ତେଣୁ ଇଲେକ୍ଟ୍ରି କରେଣ୍ଟ ଲାଗି ମୃତ୍ୟୁ ଘଟିଥିବା ସନ୍ଦେହ କରାଯାଉଛି । ଖବର ପାଇ ଯୋଡ଼ା ପୋଲିସ୍ ଘଟଣା ସ୍ଥଳରେ ପହଞ୍ଚି ମୃତ ଦେହ ଉଦ୍ଧାର କରିବା ସହ ଘଟଣାର ତଦନ୍ତ ଚଳାଇଛି । ଶବ ବ୍ୟବଚ୍ଛେଦ ପରେ ମୃତ୍ୟୁର ପ୍ରକୃତ କାରଣ ଜଣାପଡ଼ିବ ବୋଲି ପୋଲିସ କହିଛି ।
ଟାଟା ଷ୍ଟିଲର ଯୋଡ଼ା ଇଷ୍ଟ ଆଇରନ ଖଣିରେ ଦୁର୍ଘଟଣା । କ୍ରସିଂ ଏବଂ ସ୍କ୍ରିନିଂ ପ୍ଲାଣ୍ଟର ସ୍କ୍ରିନର ଡିସଚାର୍ଜ ଚୁଟ୍ ଅଞ୍ଚଳରେ ଜାମ୍ ସଫା କାର୍ଯ୍ୟ କରୁଥିବା ବେଳେ ଘଟିଥିଲା ଅଘଟଣ । ଅଘଟଣରେ ଜଣେ ଶ୍ରମିକଙ୍କର ମୃତ୍ୟୁ ହୋଇଛି | ମୃତ ଶ୍ରମିକ ହେଉଛନ୍ତି ଝାଡ଼ଖଣ୍ଡର ସୂରଜ୍ ମାହତୋ । ସୁରଜଙ୍କ ମୁଣ୍ଡରେ ଜୋରରେ ଆଘାତ ଲାଗିବାରୁ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି | ସେ କମ୍ପାନୀରେ ନିୟୋଜିତ ଏକ ଠିକା ସଂସ୍ଥା ଅଧୀନରେ କାମ କରୁଥିଲେ ।
ସୂଚନାଅନୁସାରେ, ଟାଟା ଷ୍ଟିଲର ଯୋଡ଼ା ଇଷ୍ଟ ଲୌହ ଖଣିରେ ଗତ ମାସରେ ଏପରି ଦୁର୍ଘଟଣାରେ ଜଣେ ଲୋଡର ଅପରେଟରଙ୍କ ମୃତ୍ୟୁ ହୋଇଥିଲା । ମାତ୍ରାଧିକ କାର୍ଯ୍ୟଚାପରେ ସେ ଦୁର୍ଘଟଣାରେ ଶିକାର ହୋଇଥିବାବେଳେ ତାଙ୍କ ମୃତ୍ୟୁ ହେବା ନେଇ ସେତେବେଳେ କ୍ଷତିପୂରଣ ଦାବୀରେ ଚମ୍ପୁଆ ବ୍ଳକ ପତଳା ଗ୍ରାମରେ ମୃତକଙ୍କ ପରିବାର ଶ୍ରମିକଙ୍କ ମୃତଦେହ ଗ୍ରହଣ କରିନଥିଲେ । ଶ୍ରମିକଙ୍କ ମୃତ ଦେହ ଦୀର୍ଘ ୪୮ ଘଣ୍ଟାରୁ ଅଧିକ ସମୟ ପଡି ରହିଥିଲା |
ବାରମ୍ବାର ଏହି କମ୍ପାନୀ ଅଧିନରେ ସଂପୃକ୍ତ ଠିକା ସଂସ୍ଥାରେ କାର୍ଯ୍ୟକରୁଥିବା ଶ୍ରମିକଙ୍କ ମୃତ୍ୟୁ ଘଟୁଥିବାବେଳେ ପ୍ରଶାସନ କିମ୍ଵା ଶ୍ରମ ବିଭାଗ ଉକ୍ତ ଦିଗ ପ୍ରତି ଗୁରୁତ୍ଵ ଦେଉ ନ ଥିବାରୁ ଆଗକୁ ଏହି କମ୍ପାନୀରେ ଆଉ କେତେ ଦୁର୍ଘଟଣା ଘଟିବ ତାହା ନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି କରିଛି । ତେବେ ଏହାକୁ ନେଇ ଚମ୍ପୁଆ ସହକାରୀ ଶ୍ରମ ଅଧିକାରୀ ବୃନ୍ଦାବନ ଜୁଆଁଗଂଙ୍କୁ ଯୋଗାଯୋଗ କରିବାରୁ ସେ କ୍ୟାମେରା ସାମ୍ନାରେ କିଛି କହି ନଥିଲେ |
ଏ ଘଟଣା ସଂପର୍କରେ ମୁଁ ଆପଣଙ୍କ ଠାରୁ ଏବେ ଜାଣିଲି ଏନେଇ ତଦନ୍ତ ପରେ କଣ ହୋଇଛି ଜଣାଇବି ବୋଲି କହିଛନ୍ତି । ଅନ୍ୟ ଦିଗରେ ଦୁର୍ଘଟଣାର ୨୪ ଘଣ୍ଟା ପରେ ମଧ୍ୟ ଶ୍ରମ ଅଧିକାରୀଙ୍କ ନିକଟରେ ସୂଚନା ନ ରହିବା ବିଭାଗ ଓ କମ୍ପାନୀର କାର୍ଯ୍ୟ କାରିତା ଉପରେ ପ୍ରଶ୍ନବାଚୀ ସୃଷ୍ଟି କରୁଛି । ସୁରଜଙ୍କ ମୃତ୍ୟୁକୁ ନେଇ ଟାଟାଷ୍ଟିଲ କତୃପକ୍ଷଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ ।
ଆଜି ହେଉଛି ପବିତ୍ର ଶ୍ରାବଣ ମାସର ଶେଷ ସୋମବାର । ପ୍ରସିଦ୍ଧ ଶୈବପୀଠ ମୁର୍ଗା ମହାଦେବଙ୍କ ପୀଠରେ ଲକ୍ଷାଧିକ କାଉଡ଼ିଆ ଭକ୍ତଙ୍କର ସମାଗମ ଦେଖିବାକୁ ମିଳିଛି । ରାତ୍ର ଦୁଇ ଘଟିକାରୁ ବାବାଙ୍କର ପହଡ଼ ଖୋଲାଯାଇ ସମସ୍ତ ନିତିକାନ୍ତି ସମାପନ କରାଯାଇଥିଲା ।
ଶ୍ରଦ୍ଧାଳୁଙ୍କ ସୁରକ୍ଷା ଦୃଷ୍ଟି କୋଣରୁ ପୀଠରେ ବ୍ୟାପକ ପୋଲିସ ଫୋର୍ସ ମୁତୟନ କରାଯିବା ସହ ବ୍ୟାରିକେଡ଼ ଦେଇ ଭକ୍ତ ମାନେ କିଭଳି ଶାନ୍ତି ଶୃଙ୍ଖଳା ରେ ଦର୍ଶନ କରିବେ ସେଥିପ୍ରତି ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି କରାଯାଇଛି ।
କାଉଡିଆ ନିକଟସ୍ଥ ବୈତରଣୀ ନଦୀରୁ ପାଣି ଆଣି ବାବା ମୁର୍ଗା ମହାଦେବକଂ ଶ୍ରାବଣୀ ଲିଙ୍ଗରେ ଜଳାଭିଷେକ କରିଛନ୍ତି । ଏପରିକି ବହୁ ଶ୍ରଦ୍ଧାଳୁ ଶୈବପୀଠରେ ଥିବା ଜଳ ପ୍ରପାତରେ ଗାଧେlଇ ଏଠାରେ ପୂଜାର୍ଚନା କରିଥିଲେ l ଭକ୍ତ କଂ ସୁବିଧା ପାଇଁ ବିଭିନ୍ନ ଅନୁଷ୍ଠାନ ତରଫରୁ ବହୁ ପଦକ୍ଷେପ ଗ୍ରହଣ କରାଯାଇଥିଲା l
ବଲାଣି ଥାନା ମାତିଛନ୍ତି ଗୋରୁ ମାଫିଆ । ରାତି ଅଧରେ ଅବାଧରେ ପ୍ରବେଶ କରି ବୋଲେରୋ ଭଳି ଯାତ୍ରୀ ବାହୀ ହାଲୁକା ଯାନରେ ରାସ୍ତା କିମ୍ବା ରାସ୍ତା କଡରେ ରାତ୍ରିଯାପନ କରୁଥିବା ଗାଈ ଗୋରୁଙ୍କୁ ଟାର୍ଗେଟ କରୁଛନ୍ତି ଗୋରୁ ମାଫିଆ । ସେହି ପରି ବିଳମ୍ବିତ ରାତିରେ ଏକ ବୋଲେରୋ ରେ ଗୋରୁ ଚାଲାଣ କରୁଥିବା ବେଳେ ଘଟଣାସ୍ଥଳରୁ ଗୋରୁ ମାଫିଆ ଫେରାର ହେବାରେ ସକ୍ଷମ ହୋଇଥିବା ପୁଲିସ କହିଛି । ପୁଲିସ ପେଟ୍ରୋଲିଂ କରୁଥିବା ସମୟରେ। । ପଛରେ ପୁଲିସ ରହିଥିବା ଜାଣି ଗୋରୁ ମାଫିଆ ଘଟଣା ସ୍ଥଳରୁ ଚମ୍ପଟ ମାରିଥିଲେ । ପୁଲିସ ଉକ୍ତ ଗାଡି ଯାଞ୍ଚ କରିବା ପରେ ବୋଲେରୋ ଗାଡ଼ିରେ ୨ଟି ଗୋରୁ ବୋଝେଇ ହୋଇଥିବା ଜାଣି ଉକ୍ତ ଗାଡିକୁ ଜବତ କରିଥିଲେ ହେଁ ଘଟଣାସ୍ଥଳରୁ ଗୋରୁ ମାଫିଆ ଫେରାର ହେବାକୁ ସକ୍ଷମ ହୋଇଥିଲେ । ପୁଲିସ ଗାଡ଼ିକୁ ଜବତ କରି ବା ପରେ ଉକ୍ତ ବୋଲେରୋରୁ ଗୋଟିଏ ମୃତ ବଳଦ ଜବତ କରିବା ସହିତ ଗୋଟିଏ ଗାଈକୁ ଜୀବିତ ଅବସ୍ଥାରେ ଜବତ କରିଛି । ଏ ନେଇ ପୁଲିସ ପକ୍ଷରୁ ପ୍ରାଣୀ ଚିକତ୍ସାଧିକାରୀଙ୍କୁ ସୂଚନା ଦିଆଯାଇଥିବା ବେଳେ ମୃତ ବଳଦର ବ୍ୟବଚ୍ଛେଦ ହେବା ସହିତ ଜୀବିତ ଗାଈର ସ୍ୱାସ୍ଥ୍ୟବସ୍ଥା ଯାଞ୍ଚ କରାଯିବ ବୋଲି ବଲାଣି ପୁଲିସ ପକ୍ଷରୁ ସୂଚନା ମିଳିଛି ।
ଚମ୍ପୁଆ ଉପଖଣ୍ଡ ଝୁମ୍ପୁରା ବ୍ଲକ୍ ଚଉଠିଆ ସିବି ହାଇସ୍କୁଲରେ ତାଲା ପକାଇଛନ୍ତି ଅଭିଭାବକ । ଡେପୁଟେସନରେ ଥିବା ପ୍ରଧାନ ଶିକ୍ଷକଙ୍କୁ ବଦଳି ଦାବୀ କରି ବିଦ୍ୟାଳୟର କିଛି ଅଭିଭାବକ ଚାବି ପକାଇ ଥିବା ଜଣାପଡିଛି । ପ୍ରଧାନ ଶିକ୍ଷକଙ୍କ ବଦଳି ଦାବି କରି ଗ୍ରାମବାସୀ ଜିଲ୍ଲା ଶିକ୍ଷା ଅଧିକାରୀ ଙ୍କୁ ଲିଖିତ ଅଭିଯୋଗ କରିଥିଲେ ମଧ୍ୟ ତାଙ୍କୁ ବଦଳି କରାନଯିବାରୁ ଆଜି ସ୍କୁଲ ଗେଟରେ ତାଲା ପକାଇ ଦେଇଛନ୍ତି ଅଭିଭାବକ ।
ତେବେ ବାରମ୍ବାର ଅଭିଯୋଗ ସତ୍ୱେ ପ୍ରଧାନ ଶିକ୍ଷକଙ୍କୁ ବଦଳି କରାନଯିବାରୁ ଅଭିଭାବକ ମାନେ ପିଲା ମାନଙ୍କୁ ସ୍କୁଲକୁ ନ ପଠାଇ ସ୍କୁଲ୍ ଗେଟରେ ତାଲା ପକାଇ ଦେଇଥିବା ଦେଖିବାକୁ ମିଳିଛି । ଫଳରେ ବିଦ୍ୟାଳୟରେ ପାଠପଢା ବ୍ୟାହତ ହେଇଛି । ଅନ୍ୟପଟେ ବିଦ୍ୟାଳୟରେ କିଛି ଗ୍ରାମବାସୀ ଜାଣିଶୁଣି ପିଲାକଂ ପାଠପଢାରେ ବାଧା ସୣଷ୍ଟି ନେଇ ଚମ୍ପୁଆ ଥାନାରେ ଅଭିଯୋଗ କରିଛନ୍ତି । ଖବର ପାଇ ପେlଲିସ ବିଦ୍ୟାଳୟ ରେ ପହଞ୍ଚି ଥିବା ଜଣାପଡିଛି ।
ଡ଼ଅଁର ସେବା ସମବାୟ ସମିତିର ସମ୍ପାଦକ ଉମାକାନ୍ତ ନାୟକଙ୍କୁ ମାଡ଼ ହୋଇଥିବା ଅଭିଯୋଗ ହୋଇଛି l ସୂଚନା ଅନୁସାରେ, ସମ୍ପାଦକ ଶ୍ରୀନାୟକ ଡ଼ଅଁର କାର୍ଯ୍ୟାଳୟରୁ ଛେନାପଦି ସ୍ଥିତ କେନ୍ଦୁଝର କେନ୍ଦ୍ର ସମବାୟ ବ୍ୟାଙ୍କ ହାଟଡ଼ିହୀ ଶାଖାକୁ ଆସୁଥିବା ସମୟରେ କଳିଗାଁ ଓ ମୁଦୁଲିପଦା ମଧ୍ୟସ୍ଥ ଅଚ୍ୟୁତ ଦାସଙ୍କ ଘର ସମ୍ମୁଖରେ ରଘୁନାଥପୁର ଗ୍ରାମର ଅମରେନ୍ଦ୍ର ଧଳ, ଓ ତାମ୍ପଳା ଗ୍ରାମର ପ୍ରତାପ କୁମାର ରାଉତ (ଚାନ୍ଦୁ) ହଠାତ୍ ଉମାକାନ୍ତଙ୍କ ବାଇକକୁ ଅଟକାଇ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହିତ ତାଙ୍କୁ ମାଡ଼ ମାରିଥିଲେ l କିଛି ବୁଝିବା ପୂର୍ବରୁ ଉମାକାନ୍ତ ସାଙ୍ଗରେ ନେଇ ବ୍ୟାଙ୍କକୁ ଯାଉଥିବା ସେବା ସମବାୟ ସମିତି କାର୍ଯ୍ୟାଳୟର ରସିଦ ବହି, ୨୦୨୩-୨୪ ମସିହାର କ୍ୟାସ ବୁକ୍ ସହ ଅଫିସର ଗୁରୁତ୍ୱପୂର୍ଣ୍ଣ କାଗଜପତ୍ର ଏବଂ ତାଙ୍କ ମୋବାଇଲ ଫୋନ ଆଦିକୁ ଛଡ଼ାଇ ନେଇଥିଲେ l ମାଡ଼ ମାରୁଥିବା ସମୟରେ ଅମରେନ୍ଦ୍ର ଧଳ ଉକ୍ତ ସମବାୟ ସମିତିର ଡାଇରେକ୍ଟର ମାନଙ୍କ ମଧ୍ୟରେ ସୁରେନ୍ଦ୍ର କାଣ୍ଡି, ବ୍ରଜକିଶୋର ଜେନା, ବିଦ୍ୟାଧର ଜେନା, ଯୁଗଳ କିଶୋର ଦାସ, ଗଦାଧର ଦାସ ପ୍ରମୁଖଙ୍କୁ ଡ଼କାଇ ସେମାନଙ୍କ ସମ୍ମୁଖରେ ମାଡ଼ ମାରିବା ସହ ତାଙ୍କ ବାଇକ ଚାବି ମଧ୍ୟ ଛଡ଼ାଇ ନେଇଥିବା ନେଇ ଉମାକାନ୍ତ ନାୟକ କହିଛନ୍ତି l ଘଟଣା ଘଟିବା ସମୟରେ ନନ୍ଦିପଦା ପୁଲିସ ଉକ୍ତ ରାସ୍ତାରେ ଯାଉଥିବା ବେଳେ ପୁଲିସ ଉମାକାନ୍ତଙ୍କୁ ଉଦ୍ଧାର କରି ଥାନାକୁ ଆଣିଥିଲେ l
ପୁଲିସଙ୍କ ଅନୁମତିକ୍ରମେ ସମ୍ପାଦକ ଉମାକାନ୍ତ ନାୟକ ଥାନା ପରିସରରୁ ବାହାରକୁ ଆସିଥିବା ବେଳେ ଶାଳକଣିଆଁ ଗ୍ରାମର ସନ୍ତୋଷ କୁମାର ସାମଲ ନନ୍ଦିପଦା ଥାନା ସମ୍ମୁଖରେ ଉମାକାନ୍ତଙ୍କୁ ଦେଖି ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହିତ ମାଡ଼ ମାରି ଦୌଡ଼ି ପଳାଇବା ସମୟରେ ପୁଲିସ ସନ୍ତୋଷକୁ ଅଟକ ରଖିଥିବା ଜଣାପଡଛି l ଘଟଣାରେ ସମ୍ପୃକ୍ତ ବ୍ୟକ୍ତି ତଥା ପୂର୍ବତନ ସମବାୟ ସମିତି ଡ଼ଅଁର ସଭାପତି ଅକ୍ଷୟ ଧଳ କହିଛନ୍ତି କି, ସମ୍ପାଦକ ଶ୍ରୀନାୟକ ଗତବର୍ଷ ଧାନ କିଣିବା ପାଇଁ ତାଙ୍କ ଠାରୁ ଧାର ସୂତ୍ରରେ ୫ଲକ୍ଷ ଟଙ୍କା ନେଇ ଫେରସ୍ତ ନଦେଇ ବାରମ୍ବାର ଠକି ଆସୁଥିଲେ l ଆଜି ହଠାତ୍ ଭେଟ ହେବାରୁ ଅକ୍ଷୟ ତାଙ୍କୁ ଟଙ୍କା ମାଗିଥିଲେ l ଟଙ୍କା ମଗା ଘଟଣାକୁ ବିଭିନ୍ନ ରୂପରେଖ ସହ ରଙ୍ଗଦେଇ ଉମାକାନ୍ତ ଆମ ମାନଙ୍କ ନାମରେ ମିଛ ଅଭିଯୋଗ କରିଛନ୍ତି l ସେହିଭଳି କୌଣସି ଆପତ୍ତି ଜନକ ଘଟଣା ଉପୁଜିନାହିଁ ବୋଲି ଅକ୍ଷୟ ଧଳ କହିଛନ୍ତି l
ତେବେ, ମାଡ଼ ନିର୍ଯ୍ୟାତନାର ଶିକାର ହୋଇ ଉମାକାନ୍ତ ଥାନାରେ ଅଭିଯୋଗ କରିଥିବା ବେଳେ ଏଭଳି ଘଟଣାକୁ ନେଇ ଜିଲ୍ଲା ସମ୍ପାଦକ ସଂଘର ଉପସଭାପତି ଶରତ ଚନ୍ଦ୍ର ସେଠୀ ଦୃଢ଼ ନିନ୍ଦା କରିବା ସହିତ ଡ଼ିଆରସିଏସ ଏସମ୍ବନ୍ଧରେ ଅବଗତ କରିଛନ୍ତି l