ଓଲଟିଲା ଟମାଟୋ ବୋଝେଇ ଟ୍ରକ, ମାନବିକତା ଭୁଲି ସ୍ଥାନୀୟ ଲୋକେ ବୋହିଲେ ଟମାଟ । ଘଟଣା ଘଟିଛି କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଅନ୍ତର୍ଗତ ଏନ ଏଚ ୪୯ ର ଚେମେଣା ଛକରେ । ସୁଚନା ଅନୁଯାୟୀ କେନ୍ଦୁଝର ରୁ କଲିକତା କୁ ଯାଉଥିବା ଏକ ଟମୋଟୋ ବୋଝେଇ ଟ୍ରକଟି ଭାରସ୍ୟାମ ହରାଇ ଓଲଟି ପଡିଥିଲା । ଫଳରେ ଡ୍ରାଇଭର ଓ ହେଲପର ଆହତ ହୋଇଥିବା ସୁଚନା ମିଳିଛି । ଅନ୍ୟପଟେ ସବୁ ମାନବିକାତ ଭୁଲି ଟମାଟୋ ବୋହିବାରେ ଲାଗିଥିଲେ ।
କେନ୍ଦୁଝର ଜିଲ୍ଲା ପାଟଣା ବ୍ଲକ କେନ୍ଦେଇପଶି ପଞ୍ଚାୟତ କେନ୍ଦୁଆପଡା ଏକଲ ବିଦ୍ୟାଳୟର ସ୍କୁଲ୍ ପଡିଆରେ ପୂର୍ବ ଭାଗ କେନ୍ଦୁଝର ଅଞ୍ଚଳ ପାଟଣା ସଞ୍ଚର ଅଭୁଦୟ ୟୁଥ କ୍ଲବ ଦ୍ବାରା ଆୟୋଜିତ ବାର୍ଷିକ ଖେଳ ପ୍ରତିଯୋଗୀତା ଅନୁଷ୍ଠିତ ହୋଇଯାଛି। ପାଟଣା ସଞ୍ଚାର ୧୯ଟି ଏକଲ ବିଦ୍ୟାଳୟର ଛାତ୍ର ଛାତ୍ରୀ ମାନଙ୍କୁ ନେଇ ଏହି ଖେଳ ପ୍ରତିଯୋଗୀତା ଆରମ୍ଭ ହୋଇଥିଲା ।ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ପିତାମ୍ବର ମହାନ୍ତ, ଯୋଗ ଦେଇ ଥିଲେ। ଏଥିରେ ୧୫୦ଜଣ ଛାତ୍ର ଛାତ୍ରୀ ଅଂଶ ଗ୍ରହଣ କରିଥିବା ବେଳେ ୩୪ଜଣ ପ୍ରଥମ ସ୍ଥାନ ଅଧିକାର କରିଥିଲେ। କେନ୍ଦୁଝର ଜିଲ୍ଲାର ଗ୍ରାମ ସ୍ଵରାଜ ହେମଲତା ମହାନ୍ତଙ୍କ ସହିତ ପ୍ରମୁଖ ଉପସ୍ଥିତ ରହିବା ସହ ପ୍ରାଥମିକ ଶିକ୍ଷା ପ୍ରମୁଖ ଗୀତାଞ୍ଜଳି ମହାନ୍ତ ଖେଳ ପରିଚାଳନା କରିଥିଲେ। ଏବଂ ପାଟଣା ସଞ୍ଚର ସମ୍ପାଦକ ଶ୍ରୀଯୁକ୍ତ ବ୍ରହ୍ମାନନ୍ଦ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଛାତ୍ର ତ୍ରୀ ମାନଙ୍କୁ ପୁରସ୍କାର ପ୍ରଦାନ କରିଥିଲେ
କେନ୍ଦୁଝର ଜିଲ୍ଲା, ଯୋଡ଼ା ଥାନା ବିଲେଇପଦାରେ ଯୁବକଙ୍କୁ ନିର୍ମମ ହତ୍ୟା । ବିଲେଇପଦା ବଜାର ଠାରୁ ଅଳ୍ପ ଦୂରରେ ଥିବା ନାଳ ନିକଟ ବୁଦା ଭିତରେ ଯୁବକଙ୍କ କ୍ଷତବିକ୍ଷତ ମୃତଦେହ ଠାବ ହେବାପରେ ପୋଲିସ୍ ଘଟଣା ସ୍ଥଳରେ ପହଞ୍ଚି ଛାନଭିନ ଆରମ୍ଭ କରିଛି । ମୃତଦେହ ଠାରୁ କିଛି ଦୂରରେ ରକ୍ତ ଭିଜା ୨ଟି ଛୁରୀ ଓ ପଥର ପଡ଼ି ରହିଛି । ଦୃବୃର୍ତ୍ତ, ହତ୍ୟା କରିବାପରେ ମୃତ ଦେହକୁ କିଛିବାଟ ଘୋଷାରୀ ନେଇ ନାଳ ନିକଟରେ ଫିଙ୍ଗି ଦେଇଥିବା ପ୍ରାଥମିକ ତଦନ୍ତରୁ ଜଣା ପଡିଛି। ସୁଚନା ଅନୁଯାୟୀ ଆଜି ସକାଳୁ ସ୍ଥାନୀୟ କିଛି ପିଲା ଗାଈ ଚରାଇବାକୁ ଯାଇଥିବା ବେଳେ ମୃତ ଦେହ ଦେଖିବାକୁ ପାଇଥିଲେ । ପରେ ଏ ନେଇ ପୋଲିସ ଖବର ଦେଇଥିଲେ । । ତେବେ ଏଯାଏଁ ମୃତ ଯୁବକଙ୍କ ପରିଚୟ ମିଳିପାରିନଥିବା ବେଳେ ଗତ ରାତିରେ ଏହି ହତ୍ୟାକାଣ୍ଡ ଘଟିଥିବା ଅନୁମାନ କରାଯାଉଛି । ଘଟଣା ସ୍ଥଳରେ ବଡ଼ବିଲ ଏସ୍ ଡି ପି ଓ, ଯୋଡ଼ା ଥାନା ଆଇ ଆଇ ସି ସହ ସାଇଣ୍ଟିଫିକ୍ ଟିମ୍ ମଧ୍ୟ ପହଞ୍ଚିଛନ୍ତି । ଏହି ହତ୍ୟାକାଣ୍ଡ ପଛରେ ଏକାଧିକ ବ୍ୟକ୍ତିଙ୍କ ସଂପୃକ୍ତି ଥିବା ସନ୍ଦେହ କରାଯାଉଛି । ତେବେ କିଏ ଓ କାହିଁକି ଏଭଳି ଅମାନୁଷିକ କାଣ୍ଡ ଘଟାଇଛି ତାହା ଜଣାପଡ଼ିନଥିବା ବେଳେ ଏହି ହତ୍ୟାକାଣ୍ଡ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇଦେଇଛି ।
କେନ୍ଦୁଝର ଏସ୍ଟିଏଫ୍ ଜାଲରେ ବ୍ରାଉନସୁଗାର ବେପାରୀ । ବ୍ରାଉନ ସୁଗାର ଡିଲ ବେଳେ ମାଡିବସିଲା ଏସଟିଏଫ। ୫୦ ଲକ୍ଷ ଟଙ୍କାର ବ୍ରାଉନସୁଗାର ଜବତ। ତେବେ ବିଡମ୍ବନାର ବିଷୟ ଏସଟିଏଫ ଧଳା ଜହର କାରବାରରେ ଯାହାଙ୍କୁ ଗିରଫ କରିଛି ସେ କେନ୍ଦୁଝର ଜୁଡିସିଆଲ୍ କୋର୍ଟର ପିଅନ ଭାବେ କାର୍ଯ୍ୟରତ।
ସୂଚନାମୁତାବକ, ଗୁଇନ୍ଦା ସୂତ୍ରରୁ ଜିଲ୍ଲା ଏସଟିଏଫକୁ ସୂଚନା ମିଳିଥିଲା କି,ଏକ ବଡ ଧରଣର ବ୍ରାଉନ୍ସୁଗାର ଡିଲ ହେବାକୁ ଯାଉଛି। ସୂଚନା ମିଳିବା ପରେ ଆଲର୍ଟ ହୋଇଯାଇଥିଲା ଏସଟିଏଫ। ବ୍ରାଉନସୁଗାର ବିକ୍ରି ପାଇଁ ଡିଲ ହେଉଥିବା ବେଳେ ସେଠାରେ ହାଜର ହୋଇଯାଇଥିଲା ଏସଟିଏଫ। କାରବାର ପାଇଁ ଥିବା ବ୍ରାଉନସୁଗାର ସହ ଏକ ଆଲଟୋ କାର ଜବତ କରିବା ସହ ଡିଲ କରୁଥିବା ଜୁଡିସିଆଲ୍ କୋର୍ଟ ପିଅନ ଦେବାନନ୍ଦ ସାମଲଙ୍କୁ ଗିରଫ କରିଛି। ଜବତ ବ୍ରାଉନସୁଗାର ମୂଲ୍ଯ ୫୦ ଲକ୍ଷ ଟଙ୍କା ବୋଲି ଏସଟିଏଫ ସୂଚନା ଦେଇଛି। ଏହି କାରବାରରେ ଆଉ କିଏ ସବୁ ସମ୍ପୃକ୍ତ ଅଛନ୍ତି ତାର ମଧ୍ୟ ଯାଞ୍ଚ କରୁଛି ଏସଟିଏଫ । ତେବେ କୋର୍ଟର ଜଣେ କର୍ମଚାରୀ ଏପରି ନିଶା କାରବାରରେ ସୃମ୍ପକ୍ତ ଥିବାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋରଧରିଛି। ଜିଲ୍ଲାରେ ନିଶା କାରବାର ବୃଦ୍ଧି ପାଇଥିବା ଅଭିଯୋଗ ହେଉଛି। ପୋଲିସର କାର୍ଯ୍ୟକାରିତାକୁ ନେଇ ପ୍ରଶ୍ନ କଲେଣି ବୁଦ୍ଧିଜୀବୀ।
ଜିଲ୍ଲାରେ ପୋଲିସର ନିଷ୍କ୍ରିୟତା ପାଇଁ ନିଶା କାରବାର ଗଳିକନ୍ଦିରେ ବେଧଡକ ଚାଲିଛି। ଏପରି ନିଶା କାରବାର ପାଇଁ ଜିଲ୍ଲାର ଯୁବପିଢି ନିଶାଗ୍ରସ୍ତ ହୋଇ ସେମାନଙ୍କ ଭବିଷ୍ୟତକୁ ଅନ୍ଧକାର ମଧ୍ୟକୁ ଠେଲି ଦେଉଥିବା ଅଭିଯୋଗ ହେଉଛି। ତେଣୁ ପୋଲିସ ପ୍ରଶାସନ ସଜାଗ ହେବାକୁ ଦାବି କରୁଛନ୍ତି ଜିଲ୍ଲାବାସୀ।
୨୦୨୪ ସାଧାରଣ ନିର୍ବାଚନ ଯେତେ ପାଖେଇ ଆସୁଛି ରାଜ୍ୟ ରାଜନୀତି ସେତିକି ସରଗରମ ହେବାରେ ଲାଗିଛି। ଶାସକ ଦଳ ଏବଂ ବିରୋଧୀ ବିଜେପି ବିଭିନ୍ନ ପ୍ରକାର ଜନସମ୍ପର୍କ କାର୍ଯକ୍ରମ ଆୟୋଜନ କରି ଶକ୍ତି ପ୍ରଦର୍ଶନ କରୁଥିବା ବେଳେ ଜାତୀୟ କଂଗ୍ରେସ ମଧ୍ୟ ଏଥିରେ ପଛରେ ନାହିଁ । କଂଗ୍ରେସ ଘରେ ଘରେ ହାତକୁ ପହଞ୍ଚାଇବାକୁ ବ୍ୟାପକ ପଦକ୍ଷେପ ନେଇଛି। ଏହି କ୍ରମରେ କେନ୍ଦୁଝର ଜିଲ୍ଲା ଚମ୍ପୁଆ ନିର୍ବାଚନ ମଣ୍ଡଳୀ ବଡ଼ବିଲ , ଯୋଡ଼ାରେ କଂଗ୍ରେସ ତାର ଶକ୍ତି ପ୍ରଦର୍ଶନ କରିଥିବା ଦେଖିବାକୁ ମିଳିଛି । ଘରେ ଘରେ କଂଗ୍ରେସ ଘରେ ଘରେ ହାତ କାର୍ଯ୍ୟକ୍ରମ କରିଛି। ଏହି କାର୍ଯ୍ୟକ୍ରମରେ କେନ୍ଦୁଝର ଜିଲ୍ଲା କଂଗ୍ରେସର ପୂର୍ବତନ ଜିଲ୍ଲା ସଭାପତି ବିପ୍ଳବ ମିଶ୍ର, ପ୍ରଦେଶ କଂଗ୍ରେସ କମିଟି ସଦସ୍ୟ ଅଶୋକ ଠକ୍କର ଯୋଗ ଦେଇଥିବା ଦେଖିବାକୁ ମିଳିଛି। ବଡ଼ବିଲ କଂଗ୍ରେସର ଯୁବନେତା ଅମିତ ମହାନ୍ତଙ୍କ ନେତୃତ୍ୱରେ ଆୟୋଜିତ କାର୍ଯ୍ୟକ୍ରମରେ ବହୁ ସଂଖ୍ୟକ କଂଗ୍ରେସ କର୍ମୀ ସାମିଲ ହୋଇଛନ୍ତି ।
କେନ୍ଦୁଝର ଜିଲ୍ଲା ତେଲକୋଇ ନିର୍ବାଚନ ମଣ୍ଡଳୀ ଅନ୍ତର୍ଗତ ହରିଚନ୍ଦନପୁର ଠାରେ ଯୁବ ନେତା ଅମର କୁଅଁରଙ୍କ ନେତ୍ରୁତ୍ବରେ ଶନିବାର ଏକ ବିଶାଳ ଜନ ସଂପର୍କ ପଦଯାତ୍ରା ମାଧ୍ୟମରେ ଘରେ ଘରେ ବିକାଶର ବାର୍ତ୍ତା ପହଁଚାଇଛନ୍ତି ବିଜୁ ଜନତାଦଳ । ନିର୍ବାଚନ ମଣ୍ଡଳୀରେ ଦଳର ସ୍ଥିତିକୁ ଆହୁରି ସୁଦୃଢ କରିବା ପାଇଁ ଏବଂ ସରକାରର ଲୋକାଭିମୁଖି ଯୋଜନା ମାନକୁ ଘରେ ଘରେ ପହଞ୍ଚାଇବା ଉଦେଶ୍ୟରେ ଏହି ପଦଯାତ୍ରାରେ ଅନେକ ବିଜୋଡି କର୍ମି ସାମିଲ ହୋଇଥିଲେ ।
ଉକ୍ତ ପଦଯାତ୍ରାରେ ସାସଂଦ ଚନ୍ଦ୍ରାଣୀ ମୁର୍ମୁ ,ଘଷିପୁରା ବିଧାୟକ ବଦ୍ରି ନାରାୟଣ ପାତ୍ର , ପାଟଣା ବିଧାୟକ ଜଗନ୍ନାଥ ନାୟକ , ଚମ୍ପୁଆ ବିଧାୟକ ମିନାକ୍ଷୀ ମହାନ୍ତ ଓ କୋରେଇ ବିଧାୟକ ଅଶୋକ ବଳ ଯୋଗ ଦେଇଥିଲେ । ଏହି ଜନ ସଂପର୍କ ପଦ ଯାତ୍ରାରେ ପ୍ରାୟ ୧୦ ହଜାର ଜନସାଧାରଣ ଯୋଗ ଦେଇଥିଲେ ।
ଏହି ବିଶାଳ ପଦଯାତ୍ରା ପିଟାପିଟିରୁ ବାହାରି ଠାକୁରପଡାରେ ପହଁଚିଥିଲା । ସେଠାରେ ପହଁଚିବା ପରେ ଏକ ସାଧାରଣ ସଭା ହୋଇଥିଲା । ବିଜେଡି ଦଳର ବିଭିନ୍ନ ଲୋକାଭିମୁଖୀ କାର୍ଯ୍ଯକ୍ରମ ଓ ସରକାରଙ୍କ ବିଭିନ୍ନ ଯୋଜନା ତଥା ନବୀନ୍ ବାବୁଙ୍କ ଭାବମୁର୍ତ୍ତୀ ଓ ବିଶ୍ବ ସ୍ତରରେ ଓଡିଶାର ସଫଳତା ଉପରେ ଉପସ୍ଥିତ ଜନ ସାଧାରଣଙ୍କୁ ଭାଷଣ ମାଧ୍ୟମରେ ଅବଗତ କରାଇଥିଲେ ।
କେନ୍ଦୁଝର ଜିଲ୍ଲା ହାଟଡ଼ିହି ବ୍ଲକରେ ଆବାସ ଯୋଜନାରେ ବ୍ୟାପକ ଅବ୍ୟବସ୍ଥା ଯୋଗୁଁ ନିରିହ ହିତାଧିକାରୀ ମାନେ ବଳି ପଡୁଛନ୍ତି । ହିତାଧିକାରୀ ମାନେ ଘର କରିବା ପରେ ଦିନେ କି ଦୁଇ ଦିନ ନୁଁହେ, ମାସ ମାସ ଧରି ବ୍ଲକକୁ ଦୌଡ଼ି ନୟାନ୍ତ ହେଉଛନ୍ତି । ବ୍ଲକରେ ଏହି ଦାୟିତ୍ୱରେ ଥିବା ଜଣେ କର୍ମଚାରୀ ନିଜକୁ ସର୍ବେସବା ବୋଲାଇ ହିତାଧିକାରୀଙ୍କୁ ହଇରାଣ କରୁଥିବା ଅଭିଯୋଗ ହୋଇଛି ।
ବ୍ଳକରେ ୪ ମାସ ତଳୁ ୮ ହଜାରରୁ ଉର୍ଦ୍ଧ୍ବ ହିତାଧିକାରୀଙ୍କୁ ବାସଗୃହ ଯୋଗାଇ ଦିଆଯାଇ ପ୍ରଥମ କିସ୍ତି ଟଙ୍କା ଦିଆଯାଇଛି । କିନ୍ତୁ ଅନେକ ଯୋଗ୍ୟ ହିତାଧିକାରୀଙ୍କୁ ଭିନ୍ନଭିନ୍ନ କାରଣ ଦର୍ଶାଇ କାର୍ଯ୍ୟାଦେଶ ଦିଆନଯାଇ ହଇରାଣ କରଯାଉଛି । ଅଧିକାଂଶ ଲୋକ ଘର କାମ କରି ଛାତ ପକାଇଥିବା ବେଳେ ସେମାନଙ୍କୁ ୨ୟ କିସ୍ତି ଦିଆଯାଉନି । ଆଉ କିଛି ହିତାଧିକାରୀଙ୍କ ଟଙ୍କା ଭିନ୍ନ ଏକାଉଣ୍ଟକୁ ଯାଇଥିବା ବେଳେ ସେମାନଙ୍କୁ ଉଦ୍ଦେଶ୍ୟ ମୂଳକ ଭାବେ ହଇରାଣ କରାଯାଉଛି । ଯାହାକୁ ନେଇ ହିତାଧିକାରୀଙ୍କ ଭିତରେ ଅସନ୍ତୋଷ ବୃଦ୍ଧି ପାଇଥିବା ବେଳେ ପ୍ରତ୍ୟକ ଦିନ ସରପଞ୍ଚ ମାନେ ଏନେଇ ବ୍ଳକରେ ଅସନ୍ତୋଷ ବ୍ୟକ୍ତ କରୁଛନ୍ତି । ଜିଲ୍ଲା ପ୍ରଶାସନ ତୁରନ୍ତ ଏନେଇ ପଦକ୍ଷେପ ନେବାକୁ ଦାବି ହେଉଛି ।
କେନ୍ଦୁଝର ସହରର ଜାମୁହୋତା ସ୍ଥିତ ପ୍ରସିଦ୍ଧ ଗୀତାଞ୍ଜଳି ସ୍ଵିଟ ଓ ସ୍ନାକ୍ସ୍ ସିଲ କରାଯାଇଛି । କେନ୍ଦୁଝରଗଡ ପୌରପାଳିକା ପକ୍ଷରୁ ଏହି ସିଲ କରାଯାଇଥିବା ଜଣାପଡ଼ିଛି । ଜାମୁହୋତା ସ୍ଥିତ ଆଉଟଲେଟ ଓ ପ୍ରସ୍ତୁତ ୟୁନିଟକୁ ଅଗ୍ନିଶମ ସୁରକ୍ଷା ବ୍ୟବସ୍ଥା, ଖାଦ୍ୟ ପ୍ରସ୍ତୁତ ହେଉଥିବା ସ୍ଥାନ ପରିଷ୍କାର ପରିଚଛନ୍ନତା ନଥିବା ଯୋଗୁଁ ଏହି ସିଲ୍ ହୋଇଥିବା ପୌରପାଳିକା କାର୍ଯ୍ୟନିର୍ବାହୀ ଅଧିକାରୀ ଡ଼. ମଧୁସ୍ମିତା ସାମନ୍ତରାଏ ପ୍ରକାଶ କରିଛନ୍ତି । ପରିଷ୍କାର ପରିଚ୍ଛନ୍ନ ନେଇ ଅଭିଯୋଗ ପରେ ଆଜି ପୌରପାଳିକା ଅଧିକାରୀ ଟାଉନ ପୋଲିସ ସହଯୋଗରେ ନିଜେ ଘଟଣା ସ୍ଥଳ ପରିଦର୍ଶନ କରିଥିଲେ । ଏହାପରେ ଏହି କାର୍ଯ୍ୟାନୁଷ୍ଠାନ ନିଆଯାଇଥିବା ସହ ଗୀତାଞ୍ଜଳି ସ୍ଵିଟ ଓ ସ୍ନାକ୍ସ୍ ମାଲିକଙ୍କୁ ସମସ୍ତ କାଗଜପତ୍ର ପୌରପାଳିକାରେ ଜମା କରିବା ପାଇଁ କୁହାଯାଇଛି । ଏନେଇ ଗୀତାଞ୍ଜଳି ମାଲିକଙ୍କ ପ୍ରତିକ୍ରିୟା ମିଳିପାରିନାହିଁ । ପରବର୍ତୀ ଯାଞ୍ଚ ସରିବା ପର୍ଯ୍ୟନ୍ତ ଉକ୍ତ ୟୁନିଟ ସିଲ୍ ରହିବ ବୋଲି ପୌରପାଳକା ପକ୍ଷରୁ କୁହାଯାଇଛି ।
ଅନେକ ସମୟରେ ଘରୋଇ କଳି କିଭଳି ଅପରାଧ ଘଟାଏ ତାହାର ଅନେକ ନଜିର ରହିଛି ।କେଉଁଛି ସ୍ବାମୀ ସ୍ତ୍ରୀକୁ ହତ୍ୟା କରୁଛି ତ ପୁଣି କେତେବେଳେ ସ୍ତ୍ରୀ ସ୍ବାମୀକୁ ହତ୍ୟା କରୁଛି । ସେମିତି କିଛି ଘଟଣା ଦେଖିବାକୁ ମିଳିଛି କେନ୍ଦୁଝର ଟାଉନ ଥାନା ଅନ୍ତର୍ଗତ କୋଡିପସା ଗ୍ରାମରେ। ସୁଚନା ଅନୁଯାୟୀ କୋଡିପସା ଗ୍ରାମର ସୁନୀତା ଜୁଆଙ୍ଗ , ସ୍ୱାମୀ ଟୁରା କୁ ଶାବଳରେ ପିଟି ହତ୍ୟା କରିଥିବା ନିଜେ ସ୍ବୀକାର କରିଛି। ଏହି ଘଟଣା ଗତ ରବିବାର ରାତିରୁ ଘଟିଥିବା ବେଳେ ଆଜି ଖବର ପାଇ ଟାଉନ ପୋଲିସ ତଦନ୍ତ ଆରମ୍ଭ କରିଛି। ଦୀର୍ଘ ତିନି ଦିନ ଧରି ଟୁରାର ଶବ ଘରେ ପଡିରହିଥିବା ବେଳେ ଚାରି ଛୁଆ ଙ୍କୁ ଧରି ସୁନୀତା ସେହି ଘରେ ରହି ଆସୁଥିଲେ। ନିଜ ସ୍ଵାମୀ ମଦ ପିଇ ବାରମ୍ବାର ଅଶ୍ଳୀଳ ଭାଷାରେ ଗାଳି ଗୁଲଜ କରିବା ସହ ମାଡ ମଧ୍ୟ ମାରୁଥିଲା। ତେବେ ହତ୍ୟା ଘଟଣା ରାତିରେ ମଧ୍ୟ ଉଭୟଙ୍କ ମଧ୍ୟରେ କୌଣସି କାରଣକୁ ନେଇ ମଧ୍ୟ ଝଗଡା ହୋଇଥିଲା ଆଉ ଏହି ଝଗଡା ନେଇଥିଲା ଉଗ୍ରରୁପ । ଫଳରେ ଶାବଳରେ ପଟି ପଟି ସୁନୀତା ସ୍ବାମୀ ଟୁରାଙ୍କୁ ହତ୍ୟା କରିଥିବା ଜଣା ପଡିଛି । ତେବେ ଆଜି ଘଟଣା ସମ୍ପର୍କରେ ପୋଲିସ ଜାଣିବା ପରେ ଘଟଣା ସ୍ଥଳରେ ଟାଉନ ଆଇଆଇସି, ସଦର ଏସଡିପିଓ ପହଞ୍ଚି ଶବକୁ ଜବତ କରି ସୁନୀତା କୁ ଗିରଫ କରିବା ସହ ଅଧିକ ତଦନ୍ତ ଚଳାଇଛନ୍ତି।
ଧାନ ଫସଲ ଅମଳ ହେବାକୁ ବସିଲା ବେଳକୁ ଏବେ ଚାଷୀଙ୍କ ମୁଣ୍ଡ ବିନ୍ଧାର କାରଣ ହୋଇଛି ହାତୀ ଉପଦ୍ରବ। କେନ୍ଦୁଝର ବନଖଣ୍ଡ ଅନ୍ତର୍ଗତ ପାଟଣା, ଚମ୍ପୁଆ, ସାହରପଡ଼ା, ସଦର, ତେଲକୋଇ ଆଦି ଅଞ୍ଚଳରେ ହାତୀ ଉପଦ୍ରବ ବଢ଼ି ଚାଲିଛି। ଦିନରେ ହାତୀ ପଲ ଜଙ୍ଗଲ ଭିତରେ ରହିଥିବା ବେଳେ ସନ୍ଧ୍ୟା ହେଲେ ଗାଁ, ବିଲ ମୁହାଁ ହେଉଛନ୍ତି। କଅଁଳ ଧାନ ଖାଇବା ସହ ବିଲ ବାଡି ଆଦି ନଷ୍ଟ କରିଦେଉଛନ୍ତି। ଆଜି ୧୮ ଟିକିଆ ଝାରଖଣ୍ଡି ହାତୀ ପଲ କେନ୍ଦୁଝର ମୁହଁ ହୋଇଛନ୍ତି। ମଙ୍ଗଳବାର ମଧ୍ୟାହ୍ନରେ ଏହି ହାତୀପଲ ବେଲଦା ସଂରକ୍ଷୀତ ଜଙ୍ଗଲରୁ ବାହାରି ୪୯ନମ୍ବର ଜାତୀୟ ରାଜପଥ ପାର ହେଉଥିବାର ଦେଖିବାକୁ ମିଳିଥିଲା। ଜଙ୍ଗଲ ବିଭାଗ ଏହି ହାତୀପଲଙ୍କୁ ଜନବସତି ଠାରୁ ଘଉଡ଼ାଇବା ପାଇଁ ଚେଷ୍ଟା ଜାରି ରଖିଛି।