ସହାୟତା ଖୋଜୁଛନ୍ତି ଅସହାୟ ପ୍ରସନ ଦାସ। ପାଟକୁରା ମାର୍ଶାଘାଇ ବ୍ଲକ ବଚରେଇ ପଞ୍ଚାୟତ ମୂଷାଡ଼ିଆ ଗ୍ରାମର ପ୍ରସନ ଜଣେ ଦିନ ମଜୁରିଆ । ପାଞ୍ଚ ବର୍ଷ ତଳେ ଶ୍ରାବଣ ମାସରେ ପାଣି ଭାର ନେବା ସମୟରେ ଏକ ବାଇକ ଦୁର୍ଘଟଣାର ଶିକାର ହୋଇଥିଲେ ଫଳରେ ତାଙ୍କ ଗୋଡ଼ ଓ ମେରୁହାଡ଼ରେ ଆଘାତ ଲାଗିଥିଲା। ଚିକିତ୍ସା ଧୀନ ଅବସ୍ଥାରେ ତାଙ୍କର ବ୍ରେନ ଷ୍ଟ୍ରୋକ ହେବାରୁ ସ୍ନାୟୁ ଦୁର୍ବଳ ହୋଇଯାଇଥିଲା। ଆଉ ଏବେ ପକ୍ଷାଘାତ ରୋଗରେ ପୀଡିତପ୍ରସନ୍ନ। ସତେ ଜେମିତି କାଙ୍କ ଉପରେ ଦୁଖ ପାହାଡ ଲଦି ହୋଇଯାଇଛି ।
ଘରର ପର୍ସନ୍ନ ଥିଲେ ଏକ ମାତ୍ର ରୋଜଗାରିଆ । ଆଉ ଏବେ ସେ ଶଯ୍ୟାଶାୟୀ ।ଯେଉଁଥି ପାଇଁ ତାଙ୍କୁ ସହିବାକୁ ପଡୁଛି ଅନେକ ଦୁଖ ଆଉ କଷ୍ଟ । ଗୋଟିଏ ପଟେ ଅଭାବୀ ଜୀବନ ଆଉ ରୋଗ ଯନ୍ତ୍ରଣାର ବୋଝ ।ଡାକ୍ତରଙ୍କ କହିବା ଅନୁଯାୟୀ ପର୍ସନ୍ନଙ୍କୁ ଫିଜିଓ ଥେରାପିର ଆବଶ୍ୟକତା ରହିଛି । କିନ୍ତୁ ଚିକିତ୍ସା ପାଇଁ ଅର୍ଥ ସାଜିଛି ବାଧକ।ଅସହାୟ ପରିବାରକୁ କେବଳ ଘର ଖଣ୍ଡିଏ ଛଡା ଆଉ କୌଣସି ସରକାରି ସହାୟତା ମିଳିନାହିଁ.। ତେଣୁ ପ୍ରସନ ଓ ତାଙ୍କ ସମ୍ପର୍କୀୟ ସହାୟତା ପାଇଂ ସରକାର ଓ ପ୍ରଶାସନ କୁ ନିବେଦନ କରିଛନ୍ତି।
