Category: ଗଜପତି

ଏପ୍ରିଲ ୯ ରେ ଚନ୍ଦନ କାଠ ବିକ୍ରୟ ପ୍ରକ୍ରିୟା ଆରମ୍ଭ, ରାଜ୍ୟକୁ ଆର୍ଥିକ ଲାଭ ଆଶା

ଚନ୍ଦନ କାଠ ସାନ୍ତାଳ ଜାତିୟ ଗଛର ଏକ ଶ୍ରେଣୀ | ଜଙ୍ଗଲଗୁଡ଼ିକ ଭାରୀ, ହଳଦିଆ ଏବଂ ସୂକ୍ଷ୍ମ ଶସ୍ୟଯୁକ୍ତ, ଏବଂ ଅନ୍ୟାନ୍ୟ ସୁଗନ୍ଧିତ କାଠ ପରି,ସେମାନେ ଦଶନ୍ଧି ଧରି ସେମାନଙ୍କର ସୁଗନ୍ଧକୁ ବଜାୟ ରଖନ୍ତି | ବ୍ୟବହାର ପାଇଁ ଜଙ୍ଗଲରୁ ଚନ୍ଦନ ତେଲ ବାହାର କରାଯାଏ |ଚନ୍ଦନ କାଠକୁ ଦୁନିଆର ସବୁଠାରୁ ମହଙ୍ଗା କାଠ ବୋଲି କୁହାଯାଏ |ଉଭୟ କାଠ ଏବଂ ତେଲ ଏକ ସ୍ୱତନ୍ତ୍ର ସୁଗନ୍ଧ ସୃଷ୍ଟି କରେ ଯାହା ଶତାବ୍ଦୀ ଧରି ବହୁମୂଲ୍ୟ ହୋଇଆସୁଛି | ଫଳସ୍ୱରୂପ,ଏହି ଧୀର ବଢୁଥିବା ଗଛଗୁଡିକର କେତେକ ପ୍ରଜାତି ଅତୀତରେ ଅତ୍ୟଧିକ ଅମଳର ଶିକାର ହୋଇଥିଲେ |

ଓଡ଼ିଶାର ଜଙ୍ଗଲ ଏବଂ ପରିବେଶ ମନ୍ତ୍ରୀଙ୍କ ଉତ୍ତରରେ ମହାସଭାରେ ଜଣାଗଲା ଯେ ରାଜ୍ୟରେ ୪,୫୩୯ଟି ରକ୍ତ ଚନ୍ଦନ ଗଛ ଅଛି | ଯେଉଁଥିରୁ ୮୦୯.୭୮୪୪ଟନ୍ କାଠ ଆନ୍ତର୍ଜାତୀୟ ବିକ୍ରୟ ପାଇଁ ଇ‑ନିଲାମ ମାଧ୍ୟମରେ ବିକ୍ରୟ ହେବାକୁ ଯାଉଛି | ଏହି ବିକ୍ରୟ ପ୍ରକ୍ରିୟା ଏପ୍ରିଲ ୯ ରେ ଆୟୋଜିତ ହେବ। ଏହା ରାଜ୍ୟକୁ ଆର୍ଥିକ ଲାଭ ଦେବା ପାଇଁ ଯୋଜନା କରାଯାଇଛି |

ଅନୁସନ୍ଧାନ ରିପୋର୍ଟ ଅନୁଯାୟୀ ଲାବଣ୍ୟଗଡ଼ ଜଙ୍ଗଲ ଗଜପତି ଜିଲ୍ଲା ଭିତରେ ରକ୍ତ ଚନ୍ଦନ ଗଛ ଚିହ୍ନଟ ହୋଇଛି | ଯଦିଓ ଏହାର ବାସ୍ନା ବିଷୟରେ ସ୍ୱାଭାବିକ ରିପୋର୍ଟ୍ ଅନେକ ସୀମିତ ତଥ୍ୟ ଦିଏ | ଓଡ଼ିଶାର ଜଙ୍ଗଲ ଓଡ଼ିଶା ଫୋରେଷ୍ଟ ରିପୋର୍ଟଅନୁଯାୟୀ ବହୁତ ବିଭିନ୍ନ ପ୍ରକାର ଟ୍ରି ଓ ବନସ୍ପତି ମିଶ୍ରିତ , ଯାହାର ବୃଦ୍ଧି ପାଇଁ ଏକ ଅନନ୍ୟ ପରିବେଶ ରହିଛି। ଏହା ଚନ୍ଦନ ପ୍ରକାର ଗଛର ଉତ୍ପାଦନ ଓ ସୁଗନ୍ଧ ଉତ୍ପାଦନରେ ପ୍ରଭାବ ପକାଏ। ଓଡ଼ିଶାର ଅନେକ ଜଙ୍ଗଲ ଏବଂ ପରିବେଶ ଚନ୍ଦନ ଗଛ ରହିଛି ବୋଲି ରିପୋର୍ଟ ଅଛି, କିନ୍ତୁ ଏହାର ସୁଗନ୍ଧ ପରିମାଣ ଅନ୍ୟ ଦକ୍ଷିଣ ଭାରତୀୟ ରାଜ୍ୟଗୁଡ଼ିକର ଚନ୍ଦନ ପରି ଶକ୍ତିଶାଳୀ ନୁହେଁ | ରକ୍ତ ଚନ୍ଦନୀ ମାୁଲ୍ୟସ୍ଥ ଉତ୍ପାଦ ଯାହା ରୂପରେ ଇ‑ନିଲାମ ପାଇଁ ଚାଲୁଛି, ଯାହା ଏକ ଅତିମୂଲ୍ୟବାନ ଲକ୍ଷ୍ୟ ସମ୍ପତ୍ତି ଭାବରେ ଅନୁଭୂତ ହେଉଛି।
ବାହାର ରାଜ୍ୟ କୁ ଦାଦନ ଖଟିବାକୁ ଯାଇ ସ୍ବାମୀ ନିଖୋଜ

ଗଜପତି ଜିଲ୍ଲାରେ ଥମୁନି ଦାଦନ ଦୁଃଖ। ବାହାର ରାଜ୍ୟ କୁ ଦାଦନ ଖଟିବାକୁ ଯାଇ ସ୍ବାମୀ ନିଖୋଜ । ଏଭଳି କରୁଣ ଦୃଶ୍ୟ ଦେଖିବାକୁ ମିଳିଛି ଗଜପତି ଜିଲ୍ଲା ମୋହନା ଥାନା ମାର୍ଦ୍ଦିଗୁମା ଗାଁ ରେ । ମମିତା ଙ୍କ ସ୍ୱାମୀ ଦାଦନ ଖଟିବାକୁ ଯାଇ ଫେରିନାହାନ୍ତି । ଦୁଇ ଦୁଇଟି କୋମଳମୋତି ଶିଶୁ, ରୋଗୀଣା ମାଁ , କୁଲିମୂଲ ଖଟି ପରିବାର ଚଳାଉଛନ୍ତି ନିଖୋଜ ଉଜ୍ଜ୍ୱଳ ଙ୍କ ସ୍ତ୍ରୀ ମମିତା । ଆର୍ଥିକ ଅଭାବ ଅନଟନ ସ୍ଥିତି ଦେଇ ଗତିକରୁଥିବା ଗରୀବ ପରିବାରର ଏବେ ଦୁର୍ଦ୍ଦିନରେ ଜୀବନ ବିତାଉଛନ୍ତି। ଭଙ୍ଗା କୁଡିଆ ରେ ଜୀବନ ବିତାଉଛନ୍ତି ଚାରି ପ୍ରାଣୀ କୁଟୁମ୍ବ ।ଘଓଳିଏ ଖାଇଲେ ତିନି ଓଳି ଉପବାସ ରେ ଜୀବନ କାଟୁଛନ୍ତି। ସ୍ବାମୀ କେଉଁ ଭଳି ପରିସ୍ଥିତି ରେ ଅଛନ୍ତି ସେ ନେଇ ଅନେକ ଖୋଜାଖୋଜି ପରେ ଏବେ ସାଧୁ , ତାନ୍ତ୍ରିକ ଙ୍କ ସାହାରା ନେଉଛନ୍ତି। ଆଖି ଛଳ ଛଳ କରି ପୁଅର ଫେରିବା ବାଟକୁ ଚାହିଁ ରହିଛି ମାଁ । ଏ ନେଇ ପୋଲିସ ତଦନ୍ତ ଜାରି ରଖିଥିବା କହିଥିବା ବେଳେ ବ୍ଳକ ଅଧ୍ୟକ୍ଷ କହିଛନ୍ତି ଖୋଜିଆଣିବାକୁ ପଦକ୍ଷେପ ନେବେ ବୋଲି ପ୍ରକାଶ କରିଛନ୍ତି।

ଅଭାବୀ ଅନାଟନ ଦେଇ ଗତି କରୁଥିବା ଆଦିବାସୀ ପରିବାର ର ପ୍ରତିପୋଷଣ ପାଇଁ ଘର ଏକମାତ୍ର ମୂରବୀ ଉଜ୍ଜ୍ୱଳ ଗାଁ ରେ କୌଣସି କାମ ନ ମିଳିବାରୁ ଆଜକୁ ଦେଢ଼ ବର୍ଷ ତଳେ ବାହାର ରାଜ୍ୟ କୁ ଯାଇଥିଲେ ଦାଦନ ଖଟିବାକୁ । ହେଲେ ଗଲା ଦିନଠାରୁ ଘରକୁ ନାଁ ଫେରିଛନ୍ତି, ନାଁ ‌ହୋଇପାରିଛି ଯୋଗାଯୋଗ। ସାଥିରେ ଯାଇଥିବା ଅନେକ ଦାଦନ ଶ୍ରମିକ ନିଜ ଗାଁ କୁ ଫେରିଆସିଲେଣି । ହେଲେ ଉଜ୍ଜ୍ୱଳ ର ଏଯାଏ ମିଳିପାରିନାହିଁ ପତ୍ତା । ଏ ନେଇ ଗତ ମେ ମାସ ୩ ତାରିଖ ୨୨ରେ ମୋହନା ଥାନା ରେ ପରିବାର ପକ୍ଷରୁ ଅଭିଯୋଗ ହୋଇଥିଲେ ସୁଧା କୌଣସି ସୁଫଳ ମିଳିନାହିଁ। ନିଃସହାୟ ପରିବାର ପାଇଁ ସମାବେଦନା ଜଣାଇବା ସହ ସରକାର ତୁରନ୍ତ ଦୃଷ୍ଟି ଦେଇ ନିଖୋଜ ଦାଦନ ଉଜ୍ଜ୍ୱଳ କୁ ଖୋଜିଆଣିବାକୁ ଗ୍ରାମବାସୀ ଦାବୀ କରିଛନ୍ତି

ଦାଦନ ଖଟିବାକୁ ଯାଇ ହଜିଲା ପୁଅର ଫେରିବା ବାଟକୁ ଚାହିଁ ରହିଛି ଅସହାୟ ବୃଦ୍ଧା ମାଁ। ଅଭାବ ଅନଟନ ପରିସ୍ଥିତି ଦେଇ ଗତି କରୁଥିବା ପରିବାର ପାଇଁ ପ୍ରଶାସନ ପକ୍ଷରୁ ସହାୟତା ଯୋଗାଇ ଦେଲେ ବିଶେଷ ଉପକୃତ ହୋଇପାରିବେ ବୋଲି ଆଶା ରହିଛି।
ରାସ୍ତା ନିର୍ମାଣ ଦାବିରେ ଆର.ଡି ଅଫିସ ଘେରାଉ

ରାସ୍ତା ନିର୍ମାଣ ଦାବିରେ ଆର.ଡି ଅଫିସ ଘେରାଉ କରିଛନ୍ତି ୪ ଖଣ୍ଡ ପଞ୍ଚାୟତବାସି । ରାସ୍ତା ନିର୍ମାଣ ନ ହେଲେ ଆଗାମୀ ନିର୍ବାଚନରେ ଭୋଟ ବର୍ଜନ କରିବେ ବୋଲି ଚେତାବନୀ ମଧ୍ୟ ଦେଇଛନ୍ତି । ଗଜପତି ଜିଲ୍ଲା ମୋହନା ବ୍ଲକ୍ ବଡସିନ୍ଧବା , ଅନ୍ତାର୍ବା, ଯୁବ ଓ କର୍ଚବାଦି ପଞ୍ଚାୟତବାସି ରାସ୍ତା ନିର୍ମାଣ ଦାବିରେ ଶହ ଶହ ମହିଳା ଓ ପୁରୁଷ ଆର.ଡି ଅଫିସ ସାମ୍ନାରେ ଧାରଣରେ ବସିଛନ୍ତି । ରାକେଶ ପଙ୍କା ଠାରୁ ରାମଗଡ଼ ଦେଇ ଗୁରିଗୁଡ଼ା ଓ ଡେଙ୍ଗାମା ଛକ ଯାଏଁ ୧୦ କିମି ପର୍ଯ୍ୟନ୍ତ ରାସ୍ତା ଏବେ ମରଣଯନ୍ତା ପାଲଟିଛି । ସେହିପରି ହୁଣ୍ଡିପଦର୍ ଠାରୁ ଖାରିଗୁମା ଠାରୁ ଗାନ୍ଧୀନଗର ଓ ବାରିହାବନ୍ଧ ଗାଁକୁ ସଂଲଗ୍ନ କରୁଥିବା ୧୨ କିମି ରାସ୍ତାରେ ଯାତାୟାତ କରିବା ସମ୍ଭବ ନୁହେଁ । ଗାଁର ଛାତ୍ର ଛାତ୍ରୀ ସ୍କୁଲ କଲେଜ୍ ସମେତ ଗ୍ରାମବାସୀ ମେଡିକାଲ୍ ପଞ୍ଚାୟତ କାର୍ଯ୍ୟାଳୟକୁ ଯିବାକୁ ନାହିଁ ନ ଥିବା ଅସୁବିଧାର ସମ୍ମୁଖିନ ହେଉଛନ୍ତି । ତେବେ ଏହି ରାସ୍ତା ନିର୍ମାଣ ପାଇଁ ବାରମ୍ବାର ଦାବି ହୋଇ ଆସୁଥିଲେ ମଧ୍ୟ ପ୍ରଶାସନ ଏଥିପ୍ରତି ଗୁରୁତ୍ଵ ଦେଇ ନ ଥିବା ଅଭିଯୋଗ ହେଉଛି । ଯଦି ସରକାର ଦାବି ପୂରଣ ନ କରନ୍ତି । ତେବେ ଆଗାମୀ ନିର୍ବାଚନରେ ୪ ଖଣ୍ଡ ପଞ୍ଚାୟତବାସି ଭୋଟ ବର୍ଜନ କରିବେ ବୋଲି ଚେତାବନୀ ଦେଇଛନ୍ତି । ଏ ନେଇ ବିଭାଗୀୟ ଅଧିକାରୀଙ୍କ ପ୍ରତିକ୍ରିୟା ମିଳିପାରି ନାହିଁ ।
ସଫା କରିବାକୁ ଯାଇଥିଲେ କାଜୁ ବଗିଚା, ତା’ ପରେ…

ସକାଳୁ ସକାଳୁ କାଜୁ ବାଗିଚା ସଫା କରିବାକୁ ଯାଇଥିଲେ, ହେଲେ ହୋଇଗଲେ ମହୁ ମାଛି ଆକ୍ରମଣର ଶିକାର। ମହୁମାଛି ଗୋଡ଼ାଇ ଗୋଡ଼ାଇ ମହିଳା କର୍ମଚାରୀଙ୍କୁ ଏମିତି ଘାଇଲା କରିଦେଲେ କି, ସେମାନଙ୍କୁ ଶେଷରେ ମେଡିକାଲ ଆସିବାକୁ ପଡିଲା। ଘଟଣା ଘଟିଛି ଗଜପତି ଜିଲ୍ଲା ମୋହନା ବ୍ଲକ ଖରିକୁଆ ଗ୍ରାମରେ। ଖରିକୁଆ ଗ୍ରାମର କିଛି ମହିଳା ସବୁଦିନ ଭଳି ଆଜି ସକାଳୁ ବାହାରିଥିଲେ କାଜୁବାଗିଚା ସଫା କରିବାକୁ। ସଫାକରୁଥିବା ବେଳେ ହଠାତ ସେଠାରେ ଥିବା ଏକ ମହୁଫେଣାରୁ ବାଘୁଆ ମହୁମାଛି ବାହାରି ମହିଳାଙ୍କୁ କାମୁଡିଥିଲେ। ସାରା ବଗିଚାରେ ମହୁମାଛି ବ୍ୟାପିଯାଇ ଆକ୍ରମଣ ପରେ ଆକ୍ରମଣ କରିଚାଲିଥିଲେ। ମହୁମାଛି କାମୁଡାରେ ସମସ୍ତ ମହିଳା ଆହତ ହୋଇଥିଲେ। ସେମାନଙ୍କ ଚିତ୍କାର ଶୁଣି ସ୍ଥାନୀୟ ଲୋକେ ସେଠାରେ ପହଞ୍ଚି ନିଆଁ ହୁଳା ଦେଖାଇ ମହୁମାଛିଙ୍କୁ ତଡିବା ସହ ମହିଳାମାନଙ୍କୁ ଉଦ୍ଧାର କରିଥିଲେ ଓ ସେମାନଙ୍କୁ ମୋହନା ଗୋଷ୍ଠୀ ସ୍ୱାସ୍ଥ୍ୟକେନ୍ଦରେ ଭର୍ତ୍ତି କରିଥିଲେ। ମହୁମାଛି ଆକ୍ରମଣରେ କିଛି ମହିଳାଙ୍କ ଅବସ୍ଥା ମଧ୍ୟ ଖରାପ ହୋଇଯାଇଛି। ହସ୍ପିଟାଲରେ ସେମାନଙ୍କ ଚିକିତ୍ସା ଚାଲିଛି।
ବାଇକ ପିକଅପ ମୁହାଁ-ମୁହିଁ, ଜଣେ ମୃତ

ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ଚନ୍ଦ୍ରଗିରି ଚିଟିଙ୍ଗ ଘାଟି ନିକଟସ୍ଥ ବୁଲାଣି ରାସ୍ତା ରେ ମର୍ମନ୍ତୁକ ସଡ଼କ ଦୁର୍ଘଟଣା ଘଟିଛି। ବାଇକ ସହ ମେକ୍ସ ପିକ ଅପ ମୁହାଁ ମୁହିଁ ଧକ୍କା ହେବା ଫଳରେ ରେ ବାଇକ ଆରୋହୀ ଘଟଣା ସ୍ଥଳରେ ମୃତ୍ୟୁ ଘଟିଛି ।

ମୃତ ଯୁବକ ଜଣକ ହେଲେ ଆର.ଉଦୟଗିରି ଥାନା ଛେଳିଗଡ଼ ଗାଁର ଅନାଦି ନାୟକ (୩୫) l ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ୩୨୬ ନଂ ଜାତୀୟ ରାଜପଥ ଅବରୋଧ କରିଛନ୍ତି ଉତ୍ୟକ୍ତ ଲୋକେ । ସ୍ଥାନୀୟ ଲୋକେ କ୍ଷତି ପୂରଣ ଦାବିରେ ୩୨୬ ନମ୍ବର ଜାତୀୟ ରାଜପଥ ଅବରୋଧ କରିଛନ୍ତି l

ଫଳରେ ମୋହନା ଠାରୁ ପାରଳାଖେମୁଣ୍ଡି ଯାତାୟତ ଠପ ହୋଇଯାଇଛି l ଆଜି ମଧ୍ୟାହ୍ନ ରେ ଅନାଦି ନିଜ ଗାଁ ଛେଳିଗଡ ରୁ ଶଶୁର ଘର ପାଢ଼ୀଗାଁ କୁ ଯାଉଥିବା ବେଳେ ସାମାନା ପଟୁ ଚନ୍ଦ୍ରଗିରି ର ମେକ୍ସ ପିକ ଅପ ଭ୍ୟାନ ଧକ୍କା ଦେଇଥିଲା । ଦୁର୍ଘଟଣା ସ୍ଥଳରୁ ମେକ୍ସପିକଅପ ଫେରାର ହୋଇଥିବା ବେଳେ କ୍ଷତିପୂରଣ ଦାବି ରେ ରାସ୍ତା ଅବରୋଧ ଜାରି ରହିଛି। ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି l
ବଜ୍ରପାତ ରେ ଜଣେ ବୃଦ୍ଧ ଓ ଛଅ ଗୋରୁ ମୃତ

ଗଜପତି ଜିଲ୍ଲା ର ବିଭିନ୍ନ ସ୍ଥାନରେ ବିଜୁଳି ଘଡଘଡି ସାଙ୍ଗକୁ ପ୍ରବଳ ବର୍ଷା ହୋଇଥିବା ଦେଖିବାକୁ ମିଳିଛି । ଫଳରେ ପୃଥକ ପୃଥକ ଜାଗାରେ ଜଣେ ବୃଦ୍ଧା ଏବଂ 6 ଟି ଗୋରୁଙ୍କର ମୃତ୍ୟୁ ହୋଇଥିବା ମୁଚନା ମିଳିଛି । ସୁଚନା ଅନୁଯାୟୀ ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ଧାଡିଆମ୍ବ ପଞ୍ଚାୟତ ଦାରୁପାଣି ଗାଁର କୈଳାଶ ପ୍ରଧାନ ଗତକାଲି ମଧ୍ୟାହ୍ନ ସମୟରେ ଗାଁ ନିକଟସ୍ଥ ଜଙ୍ଗଲରେ ମେଣ୍ଢା ଚରାଇବାକୁ ଯାଇଥିଲେ । ସେହି ସମୟରେ ଘଡଘଡି ସହ ପ୍ରବଳ ବର୍ଷା ହେବାରୁ ଗଛ ମୁଳେ ଆଶ୍ରୟ ନେଇଥିବା ବେଳେ କୈଳାଶଙ୍କ ଉପରେ ବଜ୍ରପାତ ପଡିବାରୁ ସେଠାରେ ଟଳିପଡିଥିଲେ । ଖବର ପାଇ ପରିବାର ଲୋକେ ଓ ସ୍ଥାନୀୟ ସରପଞ୍ଚ କୈଳାଶ କୁ ଅଚେତ ଅବସ୍ଥାରେ ଉଦ୍ଧାର କରି ଚନ୍ଦ୍ରଗିରି ମେଡିକାଲ ରେ ଭର୍ତ୍ତି କରିଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଚନ୍ଦ୍ରଗିରି ଫାଣ୍ଡି ପୋଲିସ ମେଡିକାଲ ରେ ପହଞ୍ଚି ଶବ କୁ ଜବତ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରିଛି । ସେହିପରି ଅଡବା ଥାନା ଅନ୍ତର୍ଗତ ଚୁଡଙ୍ଗପୁର ପଞ୍ଚାୟତ ବଦାକୁଆ ଗାଁରେ ବଜ୍ରପାତ ଯୋଗୁଁ ୪ ଟି ବଳଦ ୨ଟି ଗାଈ ମୃତ୍ୟୁ ହୋଇଥିବା ବେଳେ ଅଳ୍ପକେ ବର୍ତ୍ତି ଗଲେ ଚାରି ଗୋରୁ ଚରାଳୀ । ଗତକାଲି ମଧ୍ୟାହ୍ନ ସମୟରେ ବଦାକୁଆ ଗାଁ ର 4ଜଣ ବ୍ୟକ୍ତି ଗାଇ ଚରେଇବାକୁ ନିକଟସ୍ଥ ଡାଙ୍ଗଡ଼ା ଘାଟି ପାହାଡ଼କୁ ଯାଇଥିଲେ । ସେହି ସମୟରେ ଘଡ଼ଘଡ଼ି ସହ ବର୍ଷା ହେବାରୁ ସୁରକ୍ଷା ପାଇଁ ଗୋଟିଏ ତେନ୍ତୁଳି ଗଛ ମୂଳେ ୪ ଟା ବଳଦ ୨ଟି ଗାଈ ସହ ଆଶ୍ରୟ ନେଇଥିଲେ । ସେହି ସମୟରେ ହଠାତ ବଜ୍ରପାତ ହେବାରୁ ଘଟଣା ସ୍ଥଳେ ହିଁ ୪ ଟି ବଳଦ ୨ଟି ଗାଈ ମୃତ୍ୟୁ ହୋଇଛି । କିନ୍ତୁ କିଛି ଦୂରତାରେ ୪ ଜଣ ଗାଈ ଚରାଳି ମାନେ ରହିଥିବାରୁ ସେମାନେ ସୁରକ୍ଷିତ ଭାବେ ରହିଥିବା ଜଣାପଡିଛି । ଖବର ପାଇ ସ୍ଥାନୀୟ ସରପଞ୍ଚ ଓ ବଦାକୁଆ ଗାଁ ଲୋକେ ପହଞ୍ଚି ଥିଲେ ଏବଂ ପ୍ରାଣୀ ସମ୍ପଦ ବିଭାଗୀୟ କର୍ମଚାରୀମାନଙ୍କୁ ଖବର ଦେଇଥିଲେ । ଘଟଣା ସ୍ଥଳେ ମୋହନା ପ୍ରାଣୀ ସମ୍ପଦ ବିଭାଗ ର ସୁଭଙ୍କର ସାହୁ ପହଞ୍ଚି ୪ ଟି ବଳଦ ୨ଟି ଗାଈର ଶବ ବ୍ୟବଛେଦ କରିଥିଲେ ।ତେବେ ସ୍ଥାନୀୟ ସରପଞ୍ଚ ସୁଶ୍ରୀ ସେବତି ଗମାଙ୍ଗ ଘଟଣାକୁ ନେଇ ଦୁଃଖ ପ୍ରକାଶ କରିବା ସହିତ କ୍ଷତି ପୁରଣ ଯୋଗାଇଦେବାପାଇଁ ସରକାରଙକୁ ଦରଖାସ୍ତ କରିଛନ୍ତି।
ଅଧରାତିରେ ଗାଁକୁ ପଶିଲା ବାଘ ,ଭୟରେ ଗ୍ରାମବାସୀ

ଗଜପତି ଜିଲ୍ଲା ମୋହନା ବ୍ଲକ ଅନ୍ତର୍ଗତ ଚାନ୍ଦିପୁଟ ଗ୍ରାମ ପଞ୍ଚାୟତର ଯୋଡିପଥର ଗ୍ରାମକୁ ବାଘ ପଶି ଆସିବାର ଦୃଶ୍ୟ ଏବେ ମୋବାଇଲ ରୁ ମୋବାଇଲ କୁ ଘୁରି ବୁଲୁଛି । ଫଳରେ ଆତଙ୍କିତ ଅବସ୍ଥାରେ ଅଛନ୍ତି ଗ୍ରମବାସୀ । ଗଜପତି ଜିଲ୍ଲା ପାରଳାଖେମୁଣ୍ଡି ବନଖଣ୍ଡ ଅଧିନସ୍ଥ ଚନ୍ଦ୍ରଗିରି ବନାଞ୍ଚଳ ର ଚାନ୍ଦିପୁଟ ନିକଟରେ ରହିଛି ଲକ୍ଷାରୀ ଅଭୟାରଣ୍ୟ । ଭାଇରାଲ ହେଉଥିବା ଭିଡିଓ ରେ ଦୃଶ୍ୟମାନ ହେଉଥିବା ବନ୍ୟଜନ୍ତୁ ଟି ବିରାଡ଼ି ଜାତୀୟ ପଶୁ ଏବଂ ଶରୀର ଲମ୍ବା , ଲାଞ୍ଜ ମଧ୍ୟ ଲମ୍ବା ଥିବା viral। ଯାହା ଫଳରେ ଏହା ଛୋଟିଆ ବାଘ ବୋଲି କୁହାଯାଉଛି। ସୁଚନା ଅନୁଯାୟୀ , ଚାନ୍ଦିପୁଟ ଇନ୍ଦିରା ସୃତି ମହାବିଦ୍ୟାଳୟ ନିକଟବର୍ତ୍ତୀ ଯୋଡିପଥର ଗ୍ରାମରେ କିଛି କଲେଜ ପଢୁଆ ପିଲା ମାନେ ଘର ଭଡ଼ା ନେଇ ରହୁଥିବା ବେଳେ ଗତ ୨୭ ତାରିଖ ରାତିରେ ପ୍ରାୟ ୧୧:୪୫ ସମୟରେ ଦୁଇ ଜଣ ଛାତ୍ର ବାହାରକୁ ବାହାରିଥିଲେ । ସେହି ସମୟରେ ଗ୍ରାମ କୋଠ ଘର ନିକଟରୁ ପ୍ରଥମେ ଛେଳି ଗୁହାଳ ଏବଂ ପରେ କୁକୁଡ଼ା ଘର ନିକଟକୁ ଏକ ବନ୍ୟଜନ୍ତୁ ଛପି ଛପି ଆସିଥିଲା । ଯାହା ବାଘ ଭଳି ଦିଶୁଥିବା ଜାଣି ଦୁଇ ଜଣ ଛାତ୍ର ଭୟରେ ଲୁଚି ଦୂରରୁ ନିଜ ମୋବାଇଲ ରେ ଏହି ଭିଡିଓ ଉତ୍ତୋଳନ କରିଥିଲେ ।

ଅନ୍ୟପକ୍ଷରେ ଯୋଡିପଥର ଗ୍ରାମ ଓ ଆଖପାଖ ଅଞ୍ଚଳରେ ଏ ପର୍ଯ୍ୟନ୍ତ କୌଣସି ପଶୁ କିମ୍ବା କୁକୁଡ଼ା କ୍ଷତି ହୋଇନାଥିବା ଗ୍ରାମବାସୀ କହିଛନ୍ତି । କିନ୍ତୁ ବାଘ ଆସିବା ଘଟଣା ସମସ୍ତ ଙ୍କୁ ବିଚଳିତ କରିଥିବା ବେଳେ ସଂନ୍ଧ୍ୟା ହେଲେ ଘରୁ ବାହାରକୁ ବାହାରୁ ନାହାନ୍ତି ଗ୍ରାମବାସୀ ।

ଘଟଣା ସମ୍ପର୍କରେ ଚନ୍ଦ୍ରଗିରି ବନାଞ୍ଚଳ ଅଧିକାରୀ ସୁବାସ ଚନ୍ଦ୍ର ବେହେରାଙ୍କୁ ପଚାରିବାରୁ ଗତ ତିନି ବର୍ଷ ମଧ୍ୟରେ ଚନ୍ଦ୍ରଗିରି ବନାଞ୍ଚଳରେ ବାଘ ଥିବା କୌଣସି ରେକର୍ଡ ନାଁହି । ତେବେ ମୋବାଇଲ ରେ ଭାଇରାଲ ହେଉଥିବା ଭିଡିଓରେ ବାଘ କି ଆଉ କେଉଁ ବନ୍ୟ ଜନ୍ତୁ ତାହା ତଦନ୍ତ ପରେ ସ୍ପଷ୍ଟ ଜଣାପଡ଼ିବ ବୋଲି କହିଛନ୍ତି।
53 ଜଣ ଛାତ୍ର ଆଖିଧରା ରୋଗରେ ଆକ୍ରାନ୍ତ

ସାରା ରାଜ୍ୟରେ ଆଖିଧରା ରୋଗ ବ୍ୟାପିଥିବା ବେଳେ ଗଜପତି ଜିଲ୍ଲା ମୋହନା କୁ ମଧ୍ୟ ବ୍ୟାପିଛି ଏହି ଆଖିଧରା ରୋଗ । ଗତ 4 ଦିନ ହେଲା ମୋହନା ସରକାରୀ ଏସଏସଡି ହାଇସ୍କୁଲ ର ଛାତ୍ରାବାସରେ ଆଖିଧରା ରୋଗ ବ୍ୟାପିବାରେ ଲାଗିଛି । ବର୍ତମାନ ସୁଦ୍ଧା 53 ଜଣ ଛାତ୍ର ଆକ୍ରାନ୍ତ ହୋଇଥିବା ବେଳେ ସମସ୍ତ ଆକ୍ରାନ୍ତ ଙ୍କୁ ମୋହନା ମେଡିକାଲରେ ଭର୍ତ୍ତି କରାଯାଇଛି । ତେବେ ଏହି ରୋଗ ହେଲେ ପ୍ରଥମେ ଆଖି କୁଣ୍ଡେଇ ହେବା ପରେ ଲାଲ ପଡିଯାଉଛି । ଏହାପରେ ଆଖି ଫୁଲି ଯାଇଥିବା ଦେଖିବାକୁ ମିଳିଛି । ମୋହନା ମେଡିକାଲରେ ଆକ୍ରାନ୍ତଙ୍କ ଚିକିତ୍ସା ଚାଲିଥିବା ବେଳେ ଖୁବ ଶୀଘ୍ର ମେଡିକାଲର ଟିମ ହାଇସ୍କୁଲ ହଷ୍ଟେଲକୁ ଯାଇ ସ୍ଥିତି ଅନୁଧ୍ୟାନ କରାଯିବ ବୋଲି ଡାକ୍ତର କହିଛନ୍ତି । ସେହିପରି ବ୍ଲକର ବିଭିନ୍ନ ବିଦ୍ୟାଳୟ ଛାତ୍ର ଛାତ୍ରୀ ଙ୍କୁ ମଧ୍ୟ ବ୍ୟାପିଥିବା ଜଣାପଡିଛି ।
ଉନ୍ନୟନ ମୂଳକ କାମ ପାଇଁ ଆସିଥିବା ଟଙ୍କା ଚଳୁ କରିନେଲେ ପିଇଓ

ପଞ୍ଚାୟତ ପାଇଁ ଉନ୍ନୟନ ମୂଳକ କାମ ପାଇଁ ଆସିଥିବା ଟଙ୍କା ଚଳୁ କରିନେଲେ ପିଇଓ । ଚାଞ୍ଚକତା କରି ଲକ୍ଷାଧିକ ଟଙ୍କା ହଡପ କରିଥିବା ନେଇ ଅଭିୟୋଗ । ଏଭଳି ସାଂଘାତିକ ଘଟଣା ସାମ୍ନାକୁ ଆସିଛି ଗଜପତି ଜିଲ୍ଲା ଗୋଷାଣି ବ୍ଲକ ଅନ୍ତର୍ଗତ ମଧୁସୂଦନପୁର ପଞ୍ଚାୟତରେ ।‌ଟଙ୍କା ନେଇ ଫେରାର ହୋଇଯାଇଥିବା ପିଇଓ ଜଣକ ହେଲେ ରାୟଗଡ଼ ଅଞ୍ଚଳ ର ନିବେସ୍ ପାଣି । ଗତ ୨ ମାସ ହେଲା ହେଲା ପିଇଓ ନିବେସ୍ ପାଣି ମଧୁସୁଦନପୁର ପଞ୍ଚାୟତ ଆସୁନଥିବା ବେଳେ କେଉଁଆଡେ ଫେରାର ହୋଇଯାଇଥିଲେ ।‌ ପଞ୍ଚାୟତ ବାସୀ ବିଭିନ୍ନ କାମ ପାଇଁ କାର୍ଯ୍ୟାଳୟ କୁ ଆସି ନିରାଶ ହେବା ପରେ ସ୍ଥାନୀୟ ସରପଞ୍ଚ ଗୋଷାଣୀ ବିଡିଓ ନୀଳମାଧବ ମାଝୀଙ୍କୁ ଅବଗତ କରିଥିଲେ। ଗୋଷାଣୀ ବିଡିଓ ଯାକବ ଗମାଙ୍ଗଙ୍କୁ ନୂତନ ପିଇଓ ଭାବେ ମଧୁସୁଦନ ପଞ୍ଚାୟତ ରେ ନିଯୁକ୍ତି ଦେବା ପରେ ଫିଟିଥିଲା କେଳେଙ୍କାରୀର ଗୁମର ।ଗତ ମାସ ୨୬ ତାରିଖ ରେ ନୂତନ ପିଇଓ କାର୍ଯ୍ୟରେ ଯୋଗ ଦେବା ପରେ ସମସ୍ତ ଦସ୍ତାବିଜ ତଥା ପଞ୍ଚାୟତ ଫଣ୍ଡର ବ୍ୟାଙ୍କ ଆକାଉଣ୍ଟ ଆଦି ନିରୀକ୍ଷଣ କରିବାରେ ୧୫ତମ ସିଏଫସି ଟଙ୍କା କୁ ସରପଞ୍ଚ ଙ୍କ ଅଜାଣତରେ ବିନାକାରଣରେ ୫ଲକ୍ଷ ୨୦ ହଜାର ଟଙ୍କା ହଡ଼ପ କରି ନେଇଥିବା ଜାଣାପଡିଥିଲା ।

ଗତ ୨୭ ତାରିଖ ରେ ବ୍ଳକ୍ ପ୍ରଶାସନ ପକ୍ଷରୁ ବିଡିଓ ନିଜେ ଗୁରାଣ୍ଡି ଥାନାରେ ସମୃକ୍ତ ଫେରାର ପିଇଓ ନିବେସ୍ ପାଣିଙ୍କ ବିରୁଦ୍ଧରେ ଏତଲା ଦାୟର କରିଛନ୍ତି । ସରପଞ୍ଚଙ୍କ ଅଜାଣତରେ ଏଭଳି ହରିଲୁଟ ହୋଇଥିବା ମଧ୍ୟ ଏତଲାରେ ଦର୍ଶାଇଥିବା ବେଳେ ସରପଞ୍ଚ ଓ ପିଇଓ ଙ୍କ ସଂଯୁକ୍ତ ଯୁଗ୍ମ ଏକାଉଣ୍ଟ୍ ରୁ ନିବେଶ ପାଣି ୫ଲକ୍ଷ ୨୦ ହଜାର ଟଙ୍କା କିଭଳି ଓ କେଉଁ ପରିସ୍ଥିତିରେ ଉଠାଇ ପାରିଲେ ସେ ନେଇ ଏବେ ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି। ଅପରପକ୍ଷରେ ପିଇଓ ଲକ୍ଷାଧିକ ଟଙ୍କା ଲୁଟ ଘଟଣାରେ ସରପଞ୍ଚ ଙ୍କ ବିନା ସହାୟତା ହୋଇପାରିବ ନାହିଁ ଏବଂ ସରପଞ୍ଚ ଙ୍କ ର ମଧ୍ୟ ସମୃକ୍ତି ଥାଇପାରେ ବୋଲି କହିଛନ୍ତି ଗୋଷାଣୀ ବ୍ଳକ ଅଧ୍ୟକ୍ଷ । ଏ ସଂପର୍କରେ ସରପଞ୍ଚ ତ୍ରିଲୋଚନ ପଣ୍ଡାଙ୍କ ପ୍ରତିକ୍ରିୟ ନେବା ପାଇଁ ସମ୍ପର୍କ କରିଥିଲେ ମଧ୍ୟ ଯୋଗାଯୋଗ ହୋଇପାରିନାହିଁ। ଏବେ ପୋଲିସ ପକ୍ଷରୁ ମାମଲା ରୁଜୁ କରାଯାଇ ତଦନ୍ତ ଜାରି ରହିଥିବା ଥାନା ଅଧିକାରୀ କହିଛନ୍ତି।

ଅପରପକ୍ଷରେ ପିଇଓ ନିବେଶ ପାଣୀ ଙ୍କ ଏଘଟଣା କୌଣସି ନୂଆ ନୁହେଁ , ଏହା ୨୦୨୧ ମସିହାରେ ମୋହନା ବ୍ଲକ ର ବିରିକୋଟ ପଞ୍ଚାୟତରେ ନିବେଶ ପାଣି ପିଇଓ ଭାବେ କାର୍ଯ୍ୟ କରିବା ସମୟରେ ରାଇପଙ୍କା ପିଇଓ ଖଗେଶ୍ବର ଭୂଆଁଙ୍କ ବାସଗୃହ ରୁ ଏକଲକ୍ଷ କୋଡ଼ିଏ ହଜାର ଟଙ୍କା କିଛି ସହଯୋଗୀ ସହ ଚୋରି କରିନେଇଥିବା ଥାନାରେ ଏତଲା ଦେବା ସହ ମୋହନା ବିଡ଼ିଓ ଓ ଜିପିଓ ଙ୍କୁ ଜଣାଇଥିଲେ ଏବଂ ପରେ କାର୍ଯ୍ୟ ରେ ଅବହେଳା, ଉନ୍ନତିମୂଳକ କାମରେ ବାଧା ସୃଷ୍ଟି କରିବା ,ଏପରିକି ସରକାରୀ ନିୟମକୁ ଉଲ୍ଲଂଘନ କରିବା ଅଭିଯୋଗରେ ଖୋଦ୍ ଜିଲ୍ଲାପାଳ କାର୍ଯ୍ୟ ରୁ ନିଲମ୍ବିତ କରିଥିଲେ। ତେବେ ଏଭଳି ଅପରାଧ ରେ ଜଡିତ କର୍ମଚାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ବଦଳରେ ଅହେତୁକ ଅନୁକମ୍ପା ଦେଖାଇ ପୁନଃ ନିଯୁକ୍ତି କରାଯାଉଥିବା ଯୋଗୁଁ ସାଧାରଣ ଲୋକେ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।
ଦାଦନ ଖଟିବାକୁ ଯାଇଥିଲା କେରଳ, ହତ୍ୟା କଲା ନିଜ ଭିଣୋଇ

ଶଳାକୁ ପଥରରେ ଛେଚି ହତ୍ୟା କଲା ଭିଣୋଇ। ଦାଦନ ଖଟିବାକୁ କେରଳ ଯାଇଥିବା ଯୁବକଙ୍କୁ ନିଜ ଭଉଣୀର ସ୍ୱାମୀ ହତ୍ୟା କରିଥିବା ହୋଇଛି ଅଭିଯୋଗ। ମୃତକ ହେଲେ ଗଜପତି ଜିଲ୍ଲା ମୋହନା ଥାନା ଅଧୀନ ବିଜିପୁର ଗାଁର ଅଭୟ ବୀର। ଏନେଇ ଥାନାରେ ଅଭିଯୋଗ ହେବା ସହ ମୃତଦେହ ଗାଁକୁ ଫେରାଇ ଆଣିବାକୁ ହେଉଛି ଅନୁରୋଧ।
ଖବର ଅନୁଯାୟୀ, ମୋହନା ଥାନା ବିଜିପୁର ଗାଁର ଅଭୟ ବୀର ଦୁଇ ମାସ ହେବ ଦାଦନ ଖଟିବାକୁ ଯାଇଥିଲେ କେରଳ। ସେଠାରେ ସେ କୋଲାମ ଜିଲ୍ଲା କଟରାକେରା ଅଞ୍ଚଳରେ ନିଜ ଭଉଣୀ ଓ ଭିଣୋଇଙ୍କ ସହ ରହୁଥିଲେ। ଭିଣୋଇ ମନୋଜ ବହୁ ଦିନରୁ ସେଠାରେ ଶ୍ରମିକ ଭାବେ କାମ କରି ଆସୁଥିଲେ। କିନ୍ତୁ ଶୁକ୍ରବାର ରାତିରେ ଭଉଣୀ ଓ ଭିଣୋଇଙ୍କ ମଧ୍ୟରେ ଝଗଡା ହୋଇଥିଲା। ଏଥିରେ ଅଭୟ ହସ୍ତକ୍ଷେପ କରିବାରୁ ଭିଣୋଇ ମନୋଜ ଉତକ୍ଷିପ୍ତ ହୋଇ ତାଙ୍କୁ ହତ୍ୟା କରିଥିବା ଅଭିଯୋଗ କରନ୍ତି ଅଭୟଙ୍କ ପତ୍ନୀ ଓ ଭାଇ।
ଏହି ଘଟଣାରେ କଟରାକେରା ପୋଲିସ ଅଭିଯୁକ୍ତ ଭିଣୋଇକୁ ଗିରଫ କରି ପଚରା ଉଚରା କରୁଥିବା ବେଳେ ମୃତଦେହ ବ୍ୟବଚ୍ଛେଦ ସରିଛି। ବର୍ତ୍ତମାନ ମୃତଦେହ ସେଠାରେ ପରିବାର ଲୋକଙ୍କ ପାଇଁ ସଂରକ୍ଷିତ ରଖାଯାଇଛି। କିନ୍ତୁ ଅଭୟଙ୍କ ପରିବାର ଅତି ଗରିବ ହୋଇ ଥିବାରୁ ମୃତଦେହ ଗାଁକୁ ଆଣିବାକୁ ଅସମର୍ଥ। ତେଣୁ ପରିବାର ବର୍ଗ ଅଭୟଙ୍କ ମୃତଦେହ ଗାଁକୁ ଆଣିବାକୁ ସରକାର ନିକଟରେ ଅନୁରୋଧ କରିଛନ୍ତି।
ସେପଟେ ଏହି ଘଟଣାକୁ ନେଇ ବିଜିପୁର ଗାଁରେ ଖେଳିଯାଇଛି ଶୋକର ଲହରୀ। ଅଭୟଙ୍କ ମୃତଦେହ ଗାଁକୁ ଆଣିବାକୁ କରିଛନ୍ତି ଅପେକ୍ଷା।