Category: କଳା ଓ ସଂସ୍କୃତି

ଠେମରା ଗାଁ ରେ ବାତ୍ୟା ର କରାଳ ରୂପ

କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକ ପାଷ୍ଟିକୁଡି ପଞ୍ଚାୟତ ଅଧୀନ ଠେମରା ଗାଁ ରେ ଗୁରୁବାର ଲଗାଣ ବର୍ଷା ଯୋଗୁଁ  ଅନେକ ଲୋକଙ୍କ ଘର ଭାଙ୍ଗିବା ସହ ବହୁ କ୍ଷୟକ୍ଷତି ହୋଇଥିବା ବେଳେ ବାତ୍ୟା ତାର କରାଳ ରୂପ ଦେଖାଇଥିଲା | ପରେ ଖବର ପାଇ କେସିଙ୍ଗା ତହସିଲଦାର ପ୍ରଶାନ୍ତି ପ୍ରଧାନ, ବିଡ଼ିଓ ଜନ୍ମିଜୟ ସ୍ୱାଇଁ ଗାଁ ରେ ପହଂଚି  କ୍ଷତିଗ୍ରସ୍ତ ଅଞ୍ଚଳ ପରିଦର୍ଶନ କରିବା ସହ ଲୋକଙ୍କୁ ସୁରକ୍ଷିତ ସ୍ଥାନରେ ରଖି ରାତି ତମାମ ଜରୁରୀକାଳୀନ ସେବା ଯୋଗାଇଥିବା ବେଳେ ଅନେକ କ୍ଷୟ କ୍ଷତି ହୋଇଥିବା ଦେଖି ତହସିଲଦାର ପ୍ରଶାନ୍ତି ପ୍ରଧାନ ଦୁଖଃ ପ୍ରକାଶ କରିଥିଲେ |


ସୂଚନା ଥାଉକି ଗୁରୁବାର ଅପରାହ୍ନ ସମୟରେ ଦେଖୁ ଦେଖୁ କଲା ମେଘ ଗର୍ଜନ କରି ବାତ୍ୟା ତାର ତାଣ୍ଡବ ରଚିଥିବା କ୍ଷତିଗ୍ରସ୍ତ ଲୋକେ କହିଛନ୍ତି | ସେହିପରି ଭବାନୀପାଟଣା ବିଧାୟକ ସାଗର ଚରଣ ଦାସ ଙ୍କ ନେତୃତ୍ୱ ରେ ବିଧାୟକ ପ୍ରତିନିଧି ଧନୁର୍ଦ୍ଧର ଗହୀର ଠେମରା ଗାଁ ରେ ପହଂଚି  କ୍ଷତିଗ୍ରସ୍ତ ଅଞ୍ଚଳ ପରିଦର୍ଶନ କରିଥିଲେ | କ୍ଷତିଗ୍ରସ୍ତ ଲୋକଙ୍କୁ ସରକାରୀ ଯୋଜନା ରେ ଅତିଶୀଘ୍ର ଘର ଯୋଗାଇବା ପାଇଁ ପ୍ରଶାସନ ଙ୍କୁ ଦାବୀ କରିଥିଲେ | ସେହିଭଳି ବାତ୍ୟା ରେ କିଛି ଲୋକଙ୍କ ଘର ଭାଙ୍ଗିବା ସହ  ଧାନ, କପା, ଚାଷ ପ୍ରାୟ ନଷ୍ଟ ହୋଇଥିବା ବେଳେ ରାସ୍ତାରେ ଅନେକାଂଶ ସ୍ଥାନରେ ଗଛ ଭାଙ୍ଗି ଯିବା ଫଳରେ ଯାତାୟାତ ବାଧାପ୍ରାପ୍ତ ହୋଇଥିଲା | ପରେ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଂଚି ପଡିଯାଇଥିବା ଗଛ ସବୁକୁ ରାତି ତମାମ ସଫା କରିଥିବା ଦେଖିବାକୁ ମିଳିଥିଲା | ତେବେ ଲଗାଣ ବର୍ଷା ଲାଗିଥିବା ଯୋଗୁଁ ପ୍ରଶାସନ ଙ୍କ ନିର୍ଦେଶ କ୍ରମେ ପାଷ୍ଟିକୁଡି ପଞ୍ଚାୟତ ପକ୍ଷରୁ କ୍ଷତିଗ୍ରସ୍ତ ଲୋକଙ୍କୁ ସବୁ ପ୍ରକାର ଜରୁରକାଳୀନ ସେବା ଯୋଗାଉଥିବା ପଞ୍ଚାୟତ ନିର୍ବାହୀ ଅଧିକରୀ କ୍ଷମା ପ୍ରସାଦ ଦୁରିଆ ପ୍ରକାଶ କରିଥିଲେ |

ପୁରୀରେ ଗୋଶାଣୀ ଯାତ୍ରା ପାଳନ

ଶାରଦୀୟ ଦୁର୍ଗା ପୂଜାରେ ଶ୍ରୀକ୍ଷେତ୍ର ପୁରୀରେ ନିଆରା ପରମ୍ପରା ଦେଖିବାକୁ ମିଳିଥାଏ । ଏଠାରେ ଦୁର୍ଗା ପୂଜାକୁ ଗୋଶାଣୀ ଯାତ୍ରା ଭାବେ ପାଳନ କରାଯାଏ । ଆଉ ଏହି ସମୟରେ ବିଭିନ୍ନ ସାହି ମାନଙ୍କରେ ମା’ଙ୍କର ମୃଣ୍ମୟୀ ଗୋଷାଣୀ ପ୍ରତିମା ସହ ବିରାଟକାୟ ନାଗା ମୂର୍ତ୍ତି ପୂଜା କରିବାର ପରମ୍ପରା ରହିଛି । ଶହଶହ ବର୍ଷ ଧରି ନାଗା ପୁରୀବାସୀଙ୍କ ପାଇଁ ବିରତ୍ୱର ପ୍ରତୀକ ହୋଇଥିବାରୁ ଶାରଦୀୟ ପୂଜା ଅବସରରେ ନାଗା ମୂର୍ତ୍ତି ପୂଜା କରାଯାଏ । ଶହ ଶହ ବର୍ଷ ହେବ ଶାରଦୀୟ ଦୁର୍ଗାପୂଜା ରେ ବେଶ ଜାକଜକମରେ ନାଗା ମୂର୍ତ୍ତି ପୂଜା କରାଯାଉଛି ।

ନାଗା ମୂର୍ତ୍ତି ଗୁଡିକୁ ବାଘଛାଲ, ବନ୍ଧୁକ, ଢ଼ାଲ, ଓରମାଳ, ହାଣ୍ତିଆ ସମେତ ୧୬ ପ୍ରକାର ର ବିଭିନ୍ନ ଅସ୍ତ୍ରଶସ୍ତ୍ର ପ୍ରଭୃତି ଦ୍ୱାରା ସଜ୍ଜିତ କରାଯାଇଥାଏ । ସେହିପରି ଶ୍ରୀମନ୍ଦିରରେ ମହାପ୍ରଭୁଙ୍କର ନାଗାର୍ଜୁନ ବେଶ ହେବାର ପରମ୍ପରା ମଧ୍ୟ ରହିଛି । ଦେବୀ ଦୁର୍ଗା ଙ୍କ ଭଳି ନାଗା ମୂର୍ତ୍ତି ଙ୍କୁ ମଧ୍ୟ ବନ ଦୁର୍ଗା ମନ୍ତ୍ର ରେ ପୂଜା କରାଯାଏ । ଶାରଦୀୟ ଦୁର୍ଗାପୂଜା ରେ ନାଗା ଙ୍କୁ ଶକ୍ତି ର ପ୍ରତୀକ ଭାବେ ଏଠାରେ ପୂଜା କରାଯାଏ । ତେବେ ଶ୍ରୀକ୍ଷେତ୍ର କୁ ଛାଡି ଦେଲେ ନାଗା ମୂର୍ତ୍ତି ପୂଜା ଅନ୍ୟ କୌଣସି ସ୍ଥାନରେ ଦେଖିବାକୁ ମିଳିନଥାଏ । ସବୁଆଡ଼େ ଶାରଦୀୟ ଦୁର୍ଗାପୂଜା ରେ ଦେବୀ ଙ୍କୁ ତଥା ନାରୀ ଶକ୍ତି ଙ୍କୁ ପୂଜା କରାଯାଏ ।

ହେଲେ ଶ୍ରୀକ୍ଷେତ୍ର ର ପରମ୍ପରା ନିଆରା । ଏଠାରେ ଦେବୀ ତଥା ନାରୀ ଶକ୍ତି ଙ୍କ ଉପାସନା ସହିତ ବିରତ୍ବ ର ପ୍ରତୀକ ଭାବେ ନାଗା ମୂର୍ତ୍ତି କୁ ପୂଜା କରାଯାଏ । ଦେବୀ ଦୁର୍ଗା ଙ୍କ ପୂଜା ଭଳି ନାଗା ଙ୍କୁ ମଧ୍ୟ ବନ ଦୁର୍ଗା ମନ୍ତ୍ର ରେ ସପ୍ତମୀ, ଅଷ୍ଟମୀ, ନବମୀ, ଦଶମୀ ରେ ପୂଜା କରାଯାଏ। ଏକାଦଶୀ ରେ ବିସର୍ଜନ କରାଯାଇଥାଏ।
ଖମାରି ଗ୍ରାମରେ ଦଶହରା ପର୍ବ ପାଳିତ

କଳାହାଣ୍ଡି : କେସିଙ୍ଗା ବ୍ଲକ ଗାଈଗାଁ ପଞ୍ଚାୟତ ର ଖମାରି ଗ୍ରାମର ଗୌନ୍ତିଆ ଙ୍କ ନେତୃତ୍ୱ ରେ ଖମାରୀ ଓ ନର୍ଲା ବ୍ଲକ ଅଧିନସ୍ତ ଧୂବେନ ଗ୍ରାମର ଦୁଇ ମୁଖିଆ ଙ୍କ ମିଳିତ ଆନୁକୂଲ୍ୟରେ ମା’ ବନ୍ଧଖଣି ଏବଂ ମା’ ଉଷାବାହାଲେନ ଙ୍କ ଦଶହରା ପର୍ବ ବେଶ ଧୂମଧାମ ରେ ପାଳିତ ହୋଇଯାଇଛି | ସୂଚନାଅନୁସାରେ, ଏହି ଦୁଇ ଗ୍ରାମରେ ପୂର୍ବପୁରୁଷ ରୁ ଶତାଧିକ ବର୍ଷ ରୁ ରୀତିନୀତି ଅନୁସାରେ ଦଶହରା ପର୍ବ ପାଳନ କରାଯାଉଛି | ମା’ ବନ୍ଧଖଣି ଓ ମା’ ଉଷାବାହାଲେନ ଙ୍କ ଆଶ୍ରିବାଦ ରୁ ଶ୍ରଦ୍ଧାଳୁ ଙ୍କ ମାନସିକ ପୂରଣ ହୋଇଥାଏ ଏବଂ ଏହି ପର୍ବକୁ ଦେଖିବା ପାଇଁ ସ୍ଥାନୀୟ ଜନସାଧାରଣ ବେଶ ଉତ୍ସାହ ଥିବା ଦେଖିବାକୁ ମିଳୁଛି | ନିଜର ମାନସିକତା ପୂରଣ କରିବା ସହ ଦେବୀ ଆଶ୍ରିବାଦ ଲାଭ କରିବା ପାଇଁ ଦୂରଦୁରାନ୍ତରରୁ ଭକ୍ତମାନଙ୍କର ସମାଗମ ହୋଇଥିଲା |
କନ୍ଧସମାଜ ର ବ୍ଲକସ୍ତରୀୟ ନୂଆଖାଇ ଭେଟଘାଟ କାର୍ଯ୍ୟକ୍ରମ

କଳାହାଣ୍ଡି,(ସତ୍ୟ ନାରାୟଣ ମହାନନ୍ଦ) କେସିଙ୍ଗା ରେ ବ୍ଲକସ୍ତରୀୟ କନ୍ଧସମାଜ ନୂଆଖାଇ ଭେଟଘାଟ ବ୍ଲକ ସଭାପତି ଶେଷଦେବ ମାଝୀ ଏବଂ ନଗର ସଭାପତି ସଦା ମାଝୀ ଙ୍କ ନେତୃତ୍ୱ ରେ ଶନିବାର କେସିଙ୍ଗା ସ୍ଥିତ ଆର ଏମ ସି ଠାରେ ଆୟୋଜିତ ହୋଇଥିଲା | କେସିଙ୍ଗା ସାନପଡା ସ୍ଥିତ ଧରଣୀ ରୁ ରୀତିନୀତି ଅନୁଯାଇ ଇଷ୍ଟ ଦେବଦେବୀ ଙ୍କୁ ପୂଜାର୍ଚ୍ଚନା ପରେ ଢୋଲ, ନିଶାନ, ତାସା ମହୁରି ବାଦ୍ୟରେ ଏକ ବିରାଟ ଶୋଭାଯାତ୍ରା ରେ ବାହାରି ନଗର ପରିକ୍ରମା ରେ ଆଦିବାସୀ ପରମ୍ପରା ବାଦ୍ୟ ରେ ସହର କମ୍ପି ଉଠିଥିଲା | ଏଥିରେ ମୁଖ୍ୟ ଅତିଥି ଭାବେ କନ୍ଧ ସମାଜ ଜିଲ୍ଲା ସଭାପତି ରାଜେନ୍ଦ୍ର ଭୋଇ, ମୁଖ୍ୟ ବକ୍ତା ଦ୍ରୌପଦୀ ମାଝୀ, ଉପସ୍ଥିତ ଥିଲେ | ସର୍ଵ ପ୍ରଥମେ କନ୍ଧ ସମାଜଇଷ୍ଟ ଦେବଦେବୀ ଯାଡେନ୍ ବୁଡ଼ା, ଯାଡେନ୍ ବୁଡି ପ୍ରମୁଖ ଦେବଦେବୀ ଙ୍କୁ ଅତିଥି ପୂଜାର୍ଚ୍ଚନା କରିଥିବା ବେଳେ ଜାତି ସମାଜ ପାଇଁ ଆଗଧାଡିର ନେତୃତ୍ୱ ନେଇଥିବା ପୂର୍ବ ପୁରୁଷ ଙ୍କୁ ମଧ୍ୟ ମାଲ୍ୟାର୍ପଣ କରାଗଲା | ପରେ ସମାଜ ର ସମସ୍ତ ଜାତିଭାଇ ଏକତ୍ରିତ ହୋଇ ନୂଆଖାଇ ଜୁହାର ଭେଟଘାଟ ଆରମ୍ଭ ହୋଇଥିଲା | ଏଥିରେ ପଞ୍ଚାୟତ ସଭାପତି ଏବଂ ନାରୀନେତ୍ରୀ ମାନଙ୍କୁ ସମ୍ମାନିତ କରାଗଲା | ଏବଂ ୨୦୨୪/୨୫ରେ ଜାତୀୟ ଏବଂ ଅନ୍ତର୍ଜାତୀୟ ସ୍ତରରେ କୃତିତ୍ୱ ଲାଭ କରିଥିବା ସାମାଜିକ ଛାତ୍ରଛାତ୍ରୀ ଙ୍କୁ ସମ୍ମାନିତ କରିବା ସହିତ ଲକ୍ଷ୍ମଣ ଯାନୀଙ୍କ ବିୟୋଗ ରେ ଶୋକ ସୃତି ଉଚ୍ଚାରଣ ହୋଇଥିଲା |

ସେହିପରି ସମାଜ ର ଉନ୍ନତୀ ପାଇଁ ଶିକ୍ଷା ସ୍ବାସ୍ଥ୍ୟ ପ୍ରତି ଯୁବ ପୀଢ଼ି ସଚେତନ ହେବା ସହିତ ନିଶା ଦ୍ରବ୍ୟ କୁ ପରିତ୍ୟାଗ କରିବା ନିତାନ୍ତ ଆବଶ୍ୟକ ବୋଳି ଉପସ୍ଥିତ ଥିବା ଅତିଥି ନିଜର ଅଭିଭାଷଣ ରେ ପ୍ରକାଶ କରିଥଲେ | ତେବେ ଏହି କାର୍ଯ୍ୟକ୍ରମ ରେ ଗୋବରିଆ ପ୍ରଗଣା ସଭାପତି ଚୁଡାମଣି ମାଝୀ,ପିଙ୍ଗ ବାଡକା ପ୍ରଗଣା ସଭାପତି ସୋମନାଥ ମାଝୀ,ଗହକା ପ୍ରଗଣା ସଭାପତି ପରମେଶ୍ୱର ମାଝୀ,ଧମନିଆ ପ୍ରଗଣା ସଭାପତି ବିକ୍ରମ ମାଝୀ,ମାଝୀ ଦେଶ ପ୍ରଗଣା ସଭାପତି ଧୀରେନ୍ଦ୍ର ମାଝୀ,ଏହି ପାଞ୍ଚ ଟି ପ୍ରଗଣା ସଭପତି ଏଵଂ ଛବିଶ ଗୋଟି ପଂଚାୟତ କନ୍ଧ ସଭାପତି ଙ୍କର ପ୍ରମୁଖ ସହଯୋଗ ରହିଥିଲା | ପରେ ସାମାଜିକ ଯୁବକ ଯୁବତୀ କୁ ନେଇ ଏକ ସାଂସ୍କୃତିକ କାର୍ଯକ୍ରମ ଆୟୋଜିତ ହୋଇଥିଲା | କେସିଙ୍ଗା ବ୍ଲକ ର ୨୬ ଗୋଟି ପଞ୍ଚାୟତ ରୁ ଶହଶହ ସଂଖ୍ୟାରେ କନ୍ଧ ସମ୍ପ୍ରଦାୟର ପୁରୁଷ, ମହିଳା, ଯୁବକ ଯୁବତୀ ପ୍ରମୁଖ ଏହି କାର୍ଯ୍ୟକ୍ରମ ରେ ଯୋଗଦେଇଥିଲେ | ବିକ୍ରମ ମାଝୀ ଅତିଥି ପରିଚୟ କରିଥିବା ବେଳେ ଶଶିଧର ମାଝି ଏବଂ ଡୋଲାମଣି ମାଝୀ, ମଞ୍ଚ ପରିଚାଳନା କରିଥଲେ |
ସରିତା ସାହିତ୍ୟ ସଂସଦ ଉଦଘାଟିତ

କୁଜଙ୍ଗ ତାଳଦଣ୍ଡାସ୍ଥିତ ବ୍ରହ୍ମ ଜଗନ୍ନାଥ ମିସନ ପକ୍ଷରୁ ସରିତା ସାହିତ୍ୟ ସଂସଦ ଉଦ୍‌ଘାଟିତ ହୋଇଯାଇଛି।

ଏଥିରେ ସାହିତ୍ୟିକ ଅସିତ କୁମାର ମହାନ୍ତି ମୁଖ୍ୟବକ୍ତା ଭାବରେ ଯୋଗଦେଇ ସାହିତ୍ୟ ବିନା ଗୋଟିଏ ଜାତିର ସୁସମୃଦ୍ଧ ହୋଇପାରୋନାହିଁ ଏବଂ ସାହିତ୍ୟ ଗୋଟିଏ ଜାତିର ପରିଚୟ ସୃଷ୍ଟି କରିଥାଏ ବୋଲି କହିଥିଲେ |

କୁଜଙ୍ଗ ତାଳଦଣ୍ଡା ସ୍ଥିତ ବ୍ରହ୍ମ ଜଗନ୍ନାଥ ମିଶନ ଆନୁକୂଲ୍ୟରେ ଅନୁଷ୍ଠିତ ସରିତା ସାହିତ୍ୟ ସଂସଦ ଓ କବି ସମ୍ମିଳନୀରେ ଉଦ୍‌ଘାଟକ ଭାବେ ଜଗତସିଂହପୁର ଜିଲ୍ଲା ଭାଜପା ସଭାପତି ପ୍ରତାପ ମିଶ୍ର, ବିଶିଷ୍ଟ ସାହିତ୍ୟିକ ଗୀତିକାର ଦୋବୀଦତ୍ତ ମହାନ୍ତି, ଓଡିଶା ସାହିତ୍ୟ ଏକାଡେମୀର ସହ ସଚ୍ଚିବ ସଂଜୟ କୁମାର ଛୁଆଳସିଂହ, ସୁସାହିତ୍ୟିକା ଡକ୍ଟର ସ୍ନେହାଶ୍ରୀ ସ୍ବାଇଁ, ପ୍ରମୁଖ ମଞ୍ଚାସୀନ ଅତିଥିଭାବେ ଯୋଗଦେଇ କ୍ୟାପଟେନ ସଂଜୀବ କୁମାର ମୁଦୁଲିଙ୍କ ଧର୍ମପତ୍ନୀ ସ୍ବର୍ଗତା ସରିତା ମିଶ୍ରଙ୍କ ୫୦ ତମ ଜନ୍ମ ଦିବସ ଓ ଦ୍ଵିତୀୟ ଶ୍ରାଦ୍ଧବାର୍ଷିକୀ ଅବସରରେ ପ୍ରଦୀପ ପ୍ରଜ୍ଜ୍ଵଳନ କରି ଓ କେକ୍ କାଟି ସରିତା ସାହିତ୍ୟ ସଂସଦକୁ ଉଦ୍‌ଘାଟନ କରିଥିଲେ ।

ସମସ୍ତ ମଂଚାସୀନ ଅତିଥିମାନେ ସ୍ବର୍ଗତା ମିଶ୍ରଙ୍କ ପ୍ରତି ତାଙ୍କ ପତି କ୍ୟାପଟେନଙ୍କ ଅନାବିଳ ସ୍ନେହ, ପ୍ରେମ ଓ ଭଲପାଇବା ଅତୁଳନୀୟ ବୋଲି ପ୍ରକାଶ କରିଥିଲେ |

ଏହି ଅବସରରେ ଓଡ଼ିଶାର ବିଭିନ୍ନ ପ୍ରାନ୍ତରରୁ ଆସିଥିବା ଶତାଧିକ କବି ଓ କବୟତ୍ରୀ ସ୍ବରଚିତ କବିତା ପାଠ କରିଥିଲେ |

ବିଶିଷ୍ଟ ଟିଭି ଉପସ୍ଥାପକ ଅଭିନନ୍ଦନ ଦାସ ମଞ୍ଚ ପରିଚାଳନା କରିଥିବା ବେଳେ ସରିତା ସାହିତ୍ୟ ସଂସଦର ସମ୍ପାଦିକା ରୁନିବାଳା ମଲ୍ଲିକ ଧନ୍ୟବାଦ ଦେଇଥିଲେ |
ଅପୁତ୍ରିକ ସନ୍ତାନ ପ୍ରାପ୍ତି ପାଇଁ ଦ୍ୱିତୀୟା ଓଷା

ପିଲାମାନଙ୍କର ଶୁଭ ମନାସୀ ଏବଂ ଅପୁତ୍ରିକ ସନ୍ତାନ ପ୍ରାପ୍ତି ପାଇଁ ପାଳନ କରାଯାଇଥାଏ ଦ୍ୱିତୀୟା ଓଷା । ବିଶ୍ଵାସ ଅଛି ଏହି ଓଷା ପାଳନ କଲେ ପରିବାରର ମଙ୍ଗଳ ହୋଇଥାଏ । ତେବେ ଏହି ଓଷାରେ ବ୍ୟବହାର ହେଉଥିବା ପନିପରିବାକୁ ଘାଂଟ ଆକାରରେ ପ୍ରସ୍ତୁତ କରି ପରିବାର ସମେତ ସାହି ପଡାସାଙ୍କୁ ବଣ୍ଟା ଯାଇଥାଏ ।

ସମସ୍ତଙ୍କ ମଧ୍ୟରେ ଭାଇଚାରା ରଖିବା ସହିତ ସମସ୍ତଙ୍କୁ ଏକତା ସୂତ୍ରରେ ବାନ୍ଧି ରଖିବାର ପରମ୍ପରା ହେଉଛି ଦ୍ଵିତୀୟା ଓଷା ।

ମହିଳା ମାନେ ଏକତ୍ରିତ ହୋଇ ଗୋଟିଏ ସ୍ଥାନରେ ପନିପରିବାକୁ ରଖି ପୂଜା କରିବା ପରେ ନିଜ ନିଜ ଘରେ ଘାଂଟ ପ୍ରସ୍ତୁତ କରିଥାନ୍ତି । ଏହି ପରମ୍ପରାକୁ ଉଜ୍ଜୀବିତ କରି ରଖିଛନ୍ତି ପାରାଦୀପ ପୋର୍ଟ ଲେଡିଜ କ୍ଲବର ସଦସ୍ୟାମାନେ । ନିଜ ଘରେ ପ୍ରସ୍ତୁତ କରି ଆଣିଥିବା ଘାଂଟ କୁ ପୋର୍ଟ କ୍ଲବର ସମ୍ମିଳନୀ କକ୍ଷରେ ସଜ୍ଜିତ କରି ରଖିବା ପରେ ବିଚାରକ ମାନେ ଏହାର ମାନ ପରଖିବା ସହିତ ପ୍ରଥମ, ଦ୍ଵିତୀୟ ଓ ତୃତୀୟ ସ୍ଥାନ ହାସଲ କରିଥିବା କୃତି ପ୍ରତିଯୋଗୀ ମାନଙ୍କୁ ଚୟନ କରିବା ସହିତ ପୁରଷ୍କୃତ କରିଥିଲେ ।

ତେବେ ସମସ୍ତେ ଏକ ସ୍ଥାନରେ ଏହି ପ୍ରତିଯୋଗିତାରେ ଭାଗ ନେଇଥିବାରୁ ପାରାଦୀପ ଲେଡିଜ କ୍ଲବର ସଦସ୍ୟାମାନେ ଖୁସି ଜାହିର କରିଥିବା ବେଳେ ମୁଖ୍ୟ ଅତିଥି ଏଭଳି ଉଦ୍ୟମକୁ ଭୂୟସୀ ପ୍ରଶଂସା କରିଥିଲେ ।
୨୫ବର୍ଷରେ ପଦାର୍ପଣ କରିଛି ଭିକିପୁର ଗ୍ରାମର ଗଣେଶ ପୂଜା

୨୫ବର୍ଷ ରେ ପଦାର୍ପଣ କରିଛି ଭିକିପୁର ଗ୍ରାମର ଗଣେଶ ପୂଜା | ବିଗତ କିଛି ବର୍ଷ ର ନିଆରା ପରମ୍ପରା କୁ ସାଇତି ରଖିଛନ୍ତି ଏହି ଅନୁଷ୍ଠାନ ର କର୍ମକର୍ତା ମାନେ | ଭାଇଚାରା କୁ ବାନ୍ଧି ରଖି ଏହି ଅନୁଷ୍ଠାନ ବଜାଇ ରଖିଛି ତାର ସୁ ସମ୍ପର୍କ | ଅନୁଷ୍ଠାନର ସଭାପତି ହୃଷିକେଶ ମହଲା ଓ଼ ସମ୍ପାଦକ ସୁଧାଂଶୁ ଶେଖର ପାଢ଼ୀଙ୍କ ତତ୍ଵାବଧାନ ରେ ଅନୁଷ୍ଠିତ ଏହି ବିଘ୍ନ ବିନାଶକ ପ୍ରଭୁ ଗଜାନନଙ୍କ ପୂଜାରେ ଉତ୍ସବ ମୁଖର ହୋଇ ପଡିଛି ଲକ୍ଷ୍ମୀନଗର ପଞ୍ଚାୟତ ର ଭିକିପୁର ଗ୍ରାମ |

ଅନୁଷ୍ଠାନ ର ସମସ୍ତ କର୍ମକର୍ତା ଙ୍କ ସହଯୋଗ ରେ ଆୟୋଜିତ ଏହି କାର୍ଯ୍ୟକ୍ରମ ରେ ପୁରୋହିତ୍ୟ ରାଜକିଶୋର ରଥ ଶର୍ମା ବୈଦିକ ରୀତିନୀତି ଅନୁସାରେ ପୁଜାର୍ଚ୍ଚନା କରିବା ସହିତ ଚନ୍ଦନ କୁମାର ସାହୁ ଙ୍କ ଦ୍ଵାରା ସଂକଳ୍ପ କାର୍ଯ୍ୟ ସମାପନ କରାଯାଇଥିଲା |

ଏଥି ସହିତ ଅନୁଷ୍ଠାନ ତରଫରୁ ଗ୍ରାମବାସୀ ଓ଼ ଅତିଥି ମାନଙ୍କ ପାଇଁ ପ୍ରସାଦ ସେବନ ର ମଧ୍ୟ ଆୟୋଜନ କରାଯାଇଥିଲା | ଯାଜପୁର ରୋଡ ଆଦର୍ଶ ଥାନା ର ଆଇଆଇସି ଆଶିଷ ସାହୁ ପହଂଚି ବାବା ଙ୍କ ଆଶିଷ କୃପା ଲାଭ କରିବା ସହିତ ଅନୁଷ୍ଠାନ ର ସମସ୍ତ କର୍ମକର୍ତା ଙ୍କୁ ଏଭଳି ସୁନ୍ଦର ଆୟୋଜନ କରିଥିବାରୁ ଧନ୍ୟବାଦ ଜ୍ଞାପନ କରିଥିଲେ |
ସାମୁହିକ ଭାବେ ନୂଆଖାଇ ପାଲିଲେ କୁଳିଆମାଳ ସାହୁ ପରିବାର

ପଶ୍ଚିମ ଓଡିଶା ର କୃଷି ଭିତ୍ତିକ ମୁଖ୍ୟ ଗଣପର୍ବ ହେଉଛି ନୂଆଖାଇ |ଯାହା ଆଜି ସମଗ୍ର ପଶ୍ଚିମ ଓଡିଶା ନୂଆଖାଇ ପର୍ବ କୁ ପାଳନ କରୁଛନ୍ତି |ଏହି ପର୍ବ ସହର ଠାରୁ ପୂରପଲ୍ଲୀ ପର୍ଯ୍ୟନ୍ତ ହର୍ଷ ଉଲ୍ଲାସ ରେ ଭାଦ୍ରବ ମାସ ଶୁକ୍ଳ ପକ୍ଷ ପଞ୍ଚମୀ ତିଥିରେ ପୂର୍ବ ପରମ୍ପରା ଅନୁସାରେ ପୂର୍ବ ପୁରୁଷ ମାନେ ନିଜର ପ୍ରଥମ ଉତ୍ପାଦନ ଶସ୍ୟ କୁ ନିଜର ଇଷ୍ଟ ଦେଵୀ ପାଖେ ଭୋଗ ଲଗାଇବା ସହ ନବାନ୍ନ ଭକ୍ଷଣ କରିବା କାହିଁ କେଉଁ ଯୁଗରୁ ଏହି ପ୍ରଥା ଚାଲିଆସୁଅଛି |ଏହି ଅବସରରେ କଳାହାଣ୍ଡି ଜିଲ୍ଲା ଭବାନୀପାଟଣା ସଦର ଅଧୀନ କୁଳିଆମାଲ ଗାଁ ର ସାହୁ ପରିବାର ମଧ୍ୟ ପ୍ରତିବର୍ଷ ଭଳି ଚଳିତ ନୂଆଖାଇ ରେ ମଧ୍ୟ ନିଜର ପୂର୍ବ ପୁରୁଷ ଙ୍କ ଦ୍ୱାରା ପ୍ରଚଳିତ ପରମ୍ପରା ଅନୁଯାଇ ଏହି ବର୍ଷ ପାରିବର ୪୯ ଜଣ ସାମୁହିକ ଭାବେ ନୂଆଖାଇ ପାଳନ କରି ନିଜର ଭାତୃତ୍ବ ଏବଂ ଭାଇଚାରା ର ସମ୍ପର୍କ କୁ ନିବିଡ଼ କରିଥିଲେ | ଏବଂ କୁଳିଆମାଳ ଗାଁ ର ସାହୁ ପଶ୍ଚିମ ଓଡିଶା ର ମହାନ କୃଷି ଭିତ୍ତିକ ଗଣପର୍ବ ନୂଆଖାଇ କୁ ସ୍ୱପରିବାର ମିଶି ବେଶ ଆନନ୍ଦ ଉଲ୍ଲାସ ରେ ପାଳନ କରିଥିଲେ |

ସର୍ବ ପ୍ରଥମେ ପରିବାର ମୁଖିଆ ଙ୍କ ନେତୃତ୍ୱ ରେ ଘର ର ଅନ୍ୟ ବୟଜ୍ୟୋଷ୍ଠ ଏକତ୍ରିତ ହୋଇ ଘର ଇଷ୍ଟ ଦେବଦେବୀ ଙ୍କୁ ପୂଜାର୍ଚ୍ଚନା କରିଥିଲେ |ଶେଷ ରେ ପରିବାର ମୁଖିଆ ସମସ୍ତ ଙ୍କୁ ନବାନ୍ନ ଖାଇବା କୁ ପାଛୋଟି ଥିଲେ |ନୂଆଖାଇ ବା ନବାନ୍ନ ଭକ୍ଷଣ ପରେ ଆରମ୍ବ ହେଲା ନୂଆଖାଇ ଜୁହାର ଭେଟଘାଟ ଯାହା ସମସ୍ତେ ନୂତନ ବସ୍ତ୍ର ପରିଧାନ ପରେ ଛୋଟ ମାନେ ପରିବାର ବଡ ଲୋକଙ୍କୁ ମୁଣ୍ଡିଆ ମାରି ଆଶ୍ରିବାଦ ଲାଭ କରିଥିଲେ | ଏହି ଅବସରରେ ପରିବାର ଯୁବକ ଯୁବତୀ ମହିଳା ପ୍ରମୁଖ ନୂଆଖାଇ ର ମଜା କୁ ସଂସ୍କୃତିକ କାର୍ଯ୍ୟକ୍ରମ ରେ ଭରପୁର ଉପଭୋଗ କରିଥିଲେ | ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ବେଶ ଉତ୍ସାହ ଆନନ୍ଦ ଏବଂ ଭାଇଚାରା ର ସମ୍ପର୍କ କୁ ବଜାଇ ରଖିଲୁ ବୋଲି ସାହୁ ପରିବାର ଛୋଟ ରୁ ବଡ଼ ବେଶ ଉତ୍ସଵ ମୁଖଥିଲେ |
ବାଲୁକା ଚିତ୍ରକଳାରେ ପ୍ରଧାନମନ୍ତ୍ରୀ ଙ୍କ ବାର୍ତ୍ତା ‘ଆତ୍ମ ନିର୍ଭର ଭାରତ ‘

ପ୍ରଭୁ ଗଜାନନ ଙ୍କ ପୂଜା ତଥା ଗଣେଶ ପୂଜା କୁ ନେଇ ସାରା ଦେଶ ଏବେ ଉତ୍ସବ ମୁଖର । ସବୁଆଡ଼େ ଗଣେଶ ପୂଜା କୁ ଧୁମ୍ ଧାମ ରେ ପାଳନ ପାଇଁ ହୋଇଚି ବ୍ୟାପକ ପ୍ରସ୍ତୁତି । ତେବେ ଏହି ଅବସର ରେ ଗଣେଶ ପୂଜା ର ଅଭିନନ୍ଦନ ବାଲୁକା ଚିତ୍ରକଳା ମାଧ୍ୟମ ରେ ଦେଇଛନ୍ତି ବିଶିଷ୍ଟ ବାଲୁକା ଚିତ୍ର ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ।

ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଏକ ନିଆରା ବାଲୁକା ଚିତ୍ରକଳା ନିର୍ମାଣ କରିଛନ୍ତି ସୁଦର୍ଶନ । ବାଲିରେ ଲେମନ୍ ଗଣେଶ ମୂର୍ତି ସେ ନିର୍ମାଣ କରିଛନ୍ତି । ଦେଢ଼ ହଜାର (୧୫୦୦) ଲେମ୍ବୁ କୁ ଏହି ବାଲୁକା ଚିତ୍ରକଳା ରେ ସ୍ଥାପନ କରାଯାଇଛି। ଯାହାକି ବେଶ୍ ଆକର୍ଷଣୀୟ ହୋଇଛି। ତେବେ ଏହି ବାଲୁକା ଚିତ୍ରକଳା ମାଧ୍ୟମ ରେ ପ୍ରଧାନମନ୍ତ୍ରୀ ଙ୍କ ବାର୍ତ୍ତା ‘ଆତ୍ମ ନିର୍ଭର ଭାରତ ‘ ର ବାର୍ତ୍ତା ରହିଛି ।
ବାଲୁକା କଳାରେ ବିଶ୍ୱ ହାତୀ ଦିବସ

ବାଲୁକା କଳାରେ ବିଶ୍ୱ ହାତୀ ଦିବସ l ବିଶ୍ୱ ହାତୀ ଦିବସ ଅବସରରେ ଆନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ଏକ ସୁନ୍ଦର ବାଲୁକା କଳା ନିର୍ମାଣ କରିଛନ୍ତି l ୧୨ ଫୁଟର ଲମ୍ବା ହାତୀକୁ ଏହି ବାଲୁକାକଳା ମାଧ୍ୟମରେ ସ୍ଥାନ ଦେଇଥିବାବେଳେ ମୋ ବାସ ସ୍ଥାନକୁ ରକ୍ଷା କରନ୍ତୁ ବୋଲି ବାର୍ତ୍ତା ଦେଇଛନ୍ତି l ହାତୀମାନେ ସମ୍ମୁଖୀନ ହେଉଥିବା ସମସ୍ୟାଗୁଡ଼ି ହେଉଛି ବାସସ୍ଥାନ କ୍ଷତି, ମାନବ-ବନ୍ୟପ୍ରାଣୀ ସଂଘର୍ଷ, ଶିକାର ଏବଂ ଅବୈଧ ହାତୀଦାନ୍ତ ବାଣିଜ୍ୟ, ସେଗୁଡ଼ିକ ବିଷୟରେ ସଚେତନତା ସୃଷ୍ଟି କରିବା ।

ଏହି ମହାନ ପ୍ରାଣୀ ଏବଂ ସେମାନଙ୍କର ପ୍ରାକୃତିକ ପରିସଂସ୍ଥାର ସଂରକ୍ଷଣ ପାଇଁ କାର୍ଯ୍ୟ ପାଇଁ ଏକ ଦୃଶ୍ୟ ଆହ୍ୱାନ ଭାବରେ କାର୍ଯ୍ୟ କରେ ହାତୀ କେବଳ ଶକ୍ତି ଏବଂ ଜ୍ଞାନର ପ୍ରତୀକ ନୁହଁନ୍ତି – ସେମାନେ ଆମର ଜୈବ ବିବିଧତା ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ସୁଦର୍ଶନ ପଟ୍ଟନାୟକ ସୂଚନା ଦେଵା ସହ ଭବିଷ୍ୟତ ପାଇଁ ଏକ ସନ୍ତୁଳିତ ଇକୋସିଷ୍ଟମ ସୁନିଶ୍ଚିତ କରିବା ପାଇଁ ଆହ୍ୱାନ ଦେଇଛନ୍ତି l