Category: ବିଶେଷ

ହାଇଦ୍ରାବାଦରେ ବିରିୟାନି ବ୍ୟବସାୟରେ ୭୦ ହଜାର କୋଟିର ଟିକସ୍ ଠକେଇ ଅଭିଯୋଗ, ୩୦ ସ୍ଥାନରେ ଆୟକର ଚଢାଉ

ହାଇଦ୍ରାବାଦରେ ବିରିୟାନି ବ୍ୟବସାୟକୁ ନେଇ ବଡ଼ ଧରଣର ଟିକସ୍ ଠକେଇ ଅଭିଯୋଗ ସାମ୍ନାକୁ ଆସିଛି। ପ୍ରାୟ ୭୦ ହଜାର କୋଟି ଟଙ୍କାର ଟିକସ୍ ଫାଙ୍କି ହୋଇଥିବା ସନ୍ଦେହ କରାଯାଉଛି। ଏହି ଘଟଣାକୁ ନେଇ Income Tax Department ପକ୍ଷରୁ ସହରର ପ୍ରାୟ ୩୦ଟି ସ୍ଥାନରେ ଚଢାଉ କରାଯାଇଛି।

ତଦନ୍ତରେ ପ୍ରାଥମିକ ଭାବେ ଜଣାପଡ଼ିଛି ଯେ କିଛି ପ୍ରମୁଖ ରେଷ୍ଟୁରାଣ୍ଟ ଓ ବିରିୟାନି ଆଉଟ୍ଲେଟ୍‌ମାନେ ବିଲିଂ ସିଷ୍ଟମ୍‌ରେ ହେରଫେର କରି ଆସଲ ଆୟ ଲୁଚାଇଥିଲେ। ଗ୍ରାହକଙ୍କୁ ଦିଆଯାଉଥିବା ବିଲ୍ ଓ ଆକାଉଣ୍ଟ ବହିରେ ଦର୍ଶାଯାଉଥିବା ଆୟ ମଧ୍ୟରେ ମେଳ ନଥିବା ସନ୍ଦେହରୁ ଏହି ତଦନ୍ତ ଆରମ୍ଭ ହୋଇଥିଲା। କିଛି ସ୍ଥାନରେ ଡିଜିଟାଲ ବିଲିଂ ସଫ୍ଟୱେର୍‌କୁ ବଦଳାଇ ଆୟ କମ୍ ଦର୍ଶାଇବା ପ୍ରଣାଳୀ ବ୍ୟବହାର ହୋଇଥିବା ଅଭିଯୋଗ ମଧ୍ୟ ଆସିଛି।

ବିଭାଗୀୟ ସୂତ୍ର ଅନୁସାରେ, ଦୀର୍ଘଦିନ ଧରି ଏହି ଅନିୟମିତତା ଚାଲିଆସୁଥିବା ସନ୍ଦେହ ରହିଛି। ଗତବର୍ଷ ନଭେମ୍ବର ମାସରେ ମଧ୍ୟ ଏହିପରି ଅଭିଯୋଗ ଆଧାରରେ ଚଢାଉ କରାଯାଇଥିଲା। ସେତେବେଳେ କିଛି ଦଲିଲପତ୍ର ଓ ଡିଜିଟାଲ ତଥ୍ୟ ଜବତ ହୋଇଥିଲା, ଯାହାର ଆଧାରରେ ଏଥର ବ୍ୟାପକ ତଦନ୍ତ ଆରମ୍ଭ ହୋଇଛି। ଚଢାଉ ସମୟରେ କମ୍ପ୍ୟୁଟର୍ ହାର୍ଡଡିସ୍କ, ସର୍ଭର୍ ଡାଟା, ଆର୍ଥିକ ଲେନଦେନ ସମ୍ବନ୍ଧୀୟ ରେକର୍ଡ ଓ ବ୍ୟାଙ୍କ ଡକ୍ୟୁମେଣ୍ଟ ଜବତ କରାଯାଇଛି। ବିଭାଗ ପକ୍ଷରୁ ହିସାବ କିତାବ ଖତିଆନ କରାଯାଉଛି ଏବଂ ଟିକସ୍ ଚୁକାନା ନକରିଥିବା ରାଶିର ସଠିକ୍ ପରିମାଣ ନିର୍ଣ୍ଣୟ କରାଯିବ ବୋଲି ସୂଚନା ମିଳିଛି।

ଏହି ଘଟଣା ପରେ ସହରର ଖାଦ୍ୟ ବ୍ୟବସାୟ ମହଳରେ ଚର୍ଚ୍ଚା ବୃଦ୍ଧି ପାଇଛି। ବିରିୟାନି ବ୍ୟବସାୟ ହାଇଦ୍ରାବାଦର ଅର୍ଥନୀତିର ଏକ ମୁଖ୍ୟ ଅଂଶ ହେବା ସତ୍ତ୍ୱେ, ଏପରି ବଡ଼ ମାପର ଟିକସ୍ ଠକେଇ ଅଭିଯୋଗ ରାଜ୍ୟ ଓ କେନ୍ଦ୍ର ସରକାରଙ୍କ ଆର୍ଥିକ ନିୟମ ପାଳନ ନେଇ ପ୍ରଶ୍ନ ଉଠାଇଛି। ତଦନ୍ତ ଚାଲିଥିବାରୁ ଆଗାମୀ ଦିନରେ ଆହୁରି ତଥ୍ୟ ସାମ୍ନାକୁ ଆସିପାରେ।
ଚାଷୀ ପ୍ରସଙ୍ଗରେ ଲଗାତାର ୪ଥ ଦିନ ତେଜ ରାଜନୀତି: ସାଢେ ୧୧ଟା ଯାଏଁ ମୁଲତବୀ ଓଡ଼ିଶା ବିଧାନସଭା

ଆଜି ବି ପୁଣିଥରେ ଓଡ଼ିଶା ବିଧାନସଭାର କାର୍ଯ୍ୟ ସ୍ବାଭାବିକ ଭାବେ ଚାଲିପାରିଲା ନାହିଁ। ଚାଷୀମାନଙ୍କ ସମସ୍ୟାକୁ କେନ୍ଦ୍ର କରି ବିରୋଧୀ ଦଳର ଲଗାତାର ଚତୁର୍ଥ ଦିନର ହଙ୍ଗାମା ଫଳରେ ଗୃହର କାର୍ଯ୍ୟକ୍ରମ ପୁଣିଥରେ ବାଧାପ୍ରାପ୍ତ ହେଲା। ସକାଳୁ ଗୃହ ଆରମ୍ଭ ହେବା ସହିତ ବିରୋଧୀ ସଦସ୍ୟମାନେ ଚାଷୀଙ୍କ ଦୁର୍ଦଶା ନେଇ ଜୋରଦାର ପ୍ରତିବାଦ ଆରମ୍ଭ କରିଥିଲେ।

ମୁଣ୍ଡରେ କଳା ପଟି ବାନ୍ଧି ଏବଂ ହାତରେ ପ୍ଲାକାର୍ଡ ଧରି ସଦସ୍ୟମାନେ ଗୃହ ମଧ୍ୟଭାଗକୁ ଆସି ନାରାବାଜି କରିଥିଲେ। “କାନ୍ଦୁଛି ଚାଷୀ, କାନ୍ଦେ ଜନତା”, “କୁଆଡ଼େ ଗଲା ତୁମ ଓଡ଼ିଆ ଅସ୍ମିତା” ପରି ସ୍ଲୋଗାନ୍‌ରେ ସମଗ୍ର ପରିସର କମ୍ପିଉଠିଥିଲା। ପରିସ୍ଥିତି ଏପରି ଅଣାୟତ୍ତ ହୋଇଯାଇଥିଲା ଯେ ଗୃହରେ ନିୟମିତ କାର୍ଯ୍ୟ ସମ୍ପାଦନ କରିବା ପ୍ରାୟ ଅସମ୍ଭବ ହୋଇପଡ଼ିଥିଲା।

ବାଚସ୍ପତି ସୁରମା ପାଢୀ ପକ୍ଷରୁ ପୁନଃପୁନି ଶାନ୍ତି ରକ୍ଷା ପାଇଁ ଅନୁରୋଧ କରାଯାଇଥିଲେ ମଧ୍ୟ ବିରୋଧୀ ସଦସ୍ୟମାନେ ଶାନ୍ତ ହୋଇନଥିଲେ। ଫଳସ୍ୱରୂପ, ପ୍ରଶ୍ନକାଳ କେବଳ ପାଞ୍ଚ ମିନିଟ୍ ପର୍ଯ୍ୟନ୍ତ ଚାଲିପାରିଥିଲା। ଗୃହକାର୍ଯ୍ୟ ସଠିକ୍ ଭାବେ ଚାଲିନଥିବାରୁ ବାଚସ୍ପତି ଶେଷରେ ଗୃହକୁ ସାଢେ ୧୧ଟା ପର୍ଯ୍ୟନ୍ତ ମୁଲତବୀ ଘୋଷଣା କରିଥିଲେ।

ଚାଷୀଙ୍କ ସମସ୍ୟା ନେଇ ସରକାର ଓ ବିରୋଧୀଙ୍କ ମଧ୍ୟରେ ମତଭେଦ ତିବ୍ର ହେଉଥିବା ବେଳେ, ଲଗାତାର ଚାରିଦିନ ଧରି ଗୃହର କାର୍ଯ୍ୟ ବାଧାପ୍ରାପ୍ତ ହେବାରୁ ରାଜ୍ୟର ରାଜନୈତିକ ପରିସ୍ଥିତି ଉପରେ ଚର୍ଚ୍ଚା ବୃଦ୍ଧି ପାଇଛି। ଏପରି ପରିସ୍ଥିତି ଚାଲିଥିଲେ ଆଗାମୀ ଦିନରେ ବିଧାନସଭାର କାର୍ଯ୍ୟସୂଚୀ ଉପରେ ଆହୁରି ପ୍ରଭାବ ପଡ଼ିପାରେ ବୋଲି ରାଜନୈତିକ ବିଶ୍ଳେଷକମାନେ ମତ ପ୍ରକାଶ କରୁଛନ୍ତି।
ବାଲିଆପାଳ ମାଛ ଚାଷୀଙ୍କୁ ଠିକିଦେଲା ସାମୁଦ୍ରିକ ମତ୍ସ୍ୟ ବିଭାଗ, ଡଙ୍ଗା ତିଆରି ପାଇଁ କାର୍ଯ୍ୟାଦେଶ ଦେଲା ହେଲେ ଟଙ୍କା ଦେଲାନି, ଚିନ୍ତାରେ ମତ୍ସ୍ୟଜୀବୀ

ସରକାର ମତ୍ସ୍ୟଜିବୀ ମାନଙ୍କ ପାଇଁ ବିଭିନ୍ନ ପ୍ରକାରର ଯୋଜନା କରିଛନ୍ତି, ମାତ୍ର କିଛି ଦୁର୍ନୀତିଗ୍ରସ୍ତ ଅସାଧୁ ଅଧିକାରୀ ମାନଙ୍କ ପାଇଁ ଏହି ଯୋଜନା ହେଉଛି ବାଟବଣା,ସମୁଦ୍ରରୁ ମାଛ ମାରି ଜୀବିକା ନିର୍ବାହ କରୁଥିବା ମତ୍ସ୍ୟଜୀବୀ ମାନେ ଡଙ୍ଗା ତିଆରି ସହାୟତା ପାଇଁ ମନୋନୀତ ହୋଇଥିଲେ ମଧ୍ୟ ଅଧିକାରୀ ମାନଙ୍କୁ ହାତଗୁଞ୍ଜା ଦେଇ ନପାରି ସହାୟତା ପାଇବାରୁ ବଞ୍ଚିତ ହୋଇଛନ୍ତି । ବାଲେଶ୍ବର ବାଲିଆପାଳ ରୁ ଦେଖନ୍ତୁ ଏହି ରିପୋର୍ଟ।

ଦୁର୍ନୀତିଗ୍ରସ୍ତ ଅଧିକାରୀଙ୍କ ପାଇଁ ରୃଣ ଭାରରେ ବୁଡ଼ିଲେ ମତ୍ସ୍ୟଜୀବୀ, ସରକାରଙ୍କ ମୁଖ୍ୟମନ୍ତ୍ରୀ ମତ୍ସ୍ୟଜୀବୀ କଲ୍ୟାଣ ଯୋଜନାରୁ ଡଙ୍ଗା ତିଆରି ପାଇଁ କାର୍ଯ୍ୟାଦେଶ ପାଇଲେ,ମାତ୍ର ହାତଗୁଞ୍ଜା ଦେଇ ନପାରିବାରୁ ଟଙ୍କା ପାଇଲେନି, ଯାହା ଫଳରେ ଡଙ୍ଗା ତିଆରି ପାଇଁ କରିଥିବା ଋଣ ପରିଶୋଧ କରି ନପାରି ୠଣ ଭରରେ ବୁଡ଼ି ରହିଛନ୍ତି, ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ବାଲିଆପାଳ ବ୍ଲକ ସମୁଦ୍ର ଉପକୂଳବର୍ତ୍ତୀ ଚୈମୁଖ ଏବଂ ଡଗରା ଅଞ୍ଚଳରେ,୨୦୨୨-୨୩ ଆର୍ଥିକ ବର୍ଷରେ ଏହି ଅଞ୍ଚଳରେ ୬ ଜଣ ମତ୍ସ୍ୟଜୀବୀଙ୍କୁ ମୁଖ୍ୟମନ୍ତ୍ରୀ ମତ୍ସ୍ୟଜୀବୀ କଲ୍ୟାଣ ଯୋଜନାରେ ଯନ୍ତ୍ରଚାଳିତ ଡଙ୍ଗା ତିଆରି ପାଇଁ ବିଭାଗୀୟ ଅଧିକାରୀ କାର୍ଯ୍ୟାଦେଶ ଦେଇଥିଲେ, ହିତାଧିକାରୀ ମାନେ ବ୍ୟାଙ୍କ ଋଣ ଏବଂ ଧାର ଉଧାରି କରି ଡଙ୍ଗା ତିଆରି କରି ବିଭାଗୀୟ ଅଧିକାରୀ ଙ୍କ ନିକଟକୁ ଦୈଡି ଦୈଡି ନୟାନ୍ତ ହୋଇଥିଲେ ମଧ୍ୟ ଏଥିପ୍ରତି ଅଧିକାରୀ କର୍ଣ୍ଣପାତ କରୁ ନାହାନ୍ତି କି ଜିଓ ଟ୍ୟାଗ କରୁ ନାହାନ୍ତି,ଯାହା ଫଳରେ ଉଧାର ଟଙ୍କା ଫେରସ୍ତ କରି ନପାରି ଚିନ୍ତାରେ ପଡ଼ିଛନ୍ତି ।

ମୁଖ୍ୟମନ୍ତ୍ରୀ ମତ୍ସ୍ୟଜୀବୀ କଲ୍ୟାଣ ଯୋଜନାରେ ଡଗରା ଏବଂ ଚୈମୁଖ ଅଞ୍ଚଳରୁ ୨୦ ଜଣ ମତ୍ସ୍ୟଜୀବୀଙ୍କୁ ଯନ୍ତ୍ରଚାଳିତ ଡଙ୍ଗା ତିଆରି କରି କାର୍ଯ୍ୟାଦେଶ ମିଳିଥିଲା, ବାଲିଆପାଳ ରେ ସାମୁଦ୍ରିକ ମତ୍ସ୍ୟ ବିଭାଗ କାର୍ଯ୍ୟାଳୟ ଥାଇ ମଧ୍ୟ ଚନ୍ଦନେଶ୍ୱର ସାମୁଦ୍ରିକ ମତ୍ସ୍ୟ ବିଭାଗ କାର୍ଯ୍ୟାଳୟ ମାଧ୍ୟମରେ ୧୪ ଜଣକ ଭେରିଫିକେସନ ହୋଇ ଟଙ୍କା ମିଳିଲା ମାତ୍ର ବର୍ତ୍ତମାନ ସୁଦ୍ଧା ୬ ଜଣଙ୍କର ଭେରିଫିକେସନ ହେଲା ନାହିଁ କି ଟଙ୍କା ମିଳିଲା ନାହିଁ, ସୁଚନା ଅନୁସାରେ ଚନ୍ଦନେଶ୍ୱର ସାମୁଦ୍ରିକ ମତ୍ସ୍ୟ ବିଭାଗ ଅଧିକାରୀ ଅଧିନରେ ଥିବା ବିଲ୍ଡର ମଧ୍ୟରେ ୩୦ ପ୍ରତିଶତ ହାତଗୁଞ୍ଜା ଯେଉଁ ମାନେ ଦେଉଛନ୍ତି ସେମାନଙ୍କୁ ଡଙ୍ଗା ତିଆରି ବାବଦରେ ଟଙ୍କା ମିଳୁଛି ଯେଉଁ ମାନେ ହାତଗୁଞ୍ଜା ଦେବାକୁ ବାରଣ କରିଛନ୍ତି ସେମାନଙ୍କୁ ଟଙ୍କା ମିଳୁନାହିଁ ବୋଲି ଅଭିଯୋଗ ହୋଇଛି, ଯାହାଫଳରେ ବାଲିଆପାଳ ୬ ଜଣ ମତ୍ସ୍ୟଜୀବୀଙ୍କୁ ବର୍ତ୍ତମାନ ସୁଦ୍ଧା ସେମାନଙ୍କ ଟଙ୍କା ମିଳୁନାହିଁ,ପୁଣି ୨୦୨୩ -୨୪ ଆର୍ଥିକ ବର୍ଷରେ ବାଲିଆପାଳ ର ୨୭ ଜଣ ଏବଂ ଚନ୍ଦନେଶ୍ୱର ର ୨୧ ଜଣ ଡଙ୍ଗା ତିଆରି କରିବା ପାଇଁ ଆବେଦନ କରିଥିଲେ ମାତ୍ର ଚନ୍ଦନେଶ୍ୱର ର ୧୪ ଜଣକୁ ଡଙ୍ଗା ତିଆରି ପାଇଁ କାର୍ଯ୍ୟାଦେଶ ମିଳିଥିଲା ବେଳେ ବାଲିଆପାଳ ର କାହାକୁ ବି କାର୍ଯ୍ୟାଦେଶ ମିଳି ନଥିଲା,ଯାହାକୁ ନେଇ ରାଜ୍ୟ ମତ୍ସ୍ୟ ନିର୍ଦ୍ଦେଶାଳୟ ଙ୍କ ନିକଟରେ ଅଭିଯୋଗ ହୋଇଥିଲା,ଗତ ୨୦୨୫ ସେପ୍ଟେମ୍ବର ମାସରେ ଚନ୍ଦନେଶ୍ୱର ସାମୁଦ୍ରିକ ମତ୍ସ୍ୟ ଅଧିକାରୀ ଅନନ୍ତ ଜେନା ଏବଂ ବାଲେଶ୍ବର ସାମୁଦ୍ରିକ ମତ୍ସ୍ୟ ଅଧିକାରୀ ସିଏଚ୍ ପଲ୍ଲବୀ ଙ୍କ ବିରୁଦ୍ଧରେ ଅନୁସନ୍ଧାନ ପାଇଁ ନିର୍ଦ୍ଦେଶ ଦେଇଥିଲେ କଟକ ମତ୍ସ୍ୟ ନିର୍ଦ୍ଦେଶାଳୟ, ମାତ୍ର ତାର କୈଣସି କାର୍ଯ୍ୟାନୁଷ୍ଠାନ ହେଉ ନଥିବା ଅଭିଯୋଗ ହୋଇଛି, ତେବେ ଜିଲ୍ଲା ସାମୁଦ୍ରିକ ମତ୍ସ୍ୟ ଅଧିକାରୀ ସିଏଚ୍ ପଲ୍ଲବୀ ଏବଂ ଡଗରା ଅଞ୍ଚଳର ଜଣେ ମତ୍ସ୍ୟଜୀବୀ ନାରାୟଣ ବେହେରା ଙ୍କ ମଧ୍ୟରେ ଫୋନ୍ ଯୋଗେ ହୋଇଥିବା କଥାବାର୍ତ୍ତା ରୁ ଜଣା ପଡୁଛି ଅଧିକାରିଣୀ ଶ୍ରୀମତୀ ପଲ୍ଲବୀ ବୁଲେଇ ବଙ୍କେଇ କହୁଥିବା କଥାରୁ ପିସି କଥାକୁ ସ୍ବୀକାର କରୁଛନ୍ତି ବୋଲି ଜଣାପଡ଼ୁଛି । ସାମୁଦ୍ରିକ ମତ୍ସ୍ୟ ବିଭାଗ ଅଧିକାରୀ ଏନେଇ ବାଲିଆପାଳ ସାମୁଦ୍ରିକ ମତ୍ସ୍ୟ ବିଭାଗ ଅଧିକାରୀଙ୍କୁ ପଚାରିବାରୁ ସେମାନଙ୍କ ଜିଓ ଟ୍ୟାଗ ହୋଇ ନଥିବାରୁ ସେମାନଙ୍କୁ ଡଙ୍ଗା ନିର୍ମାଣ ଅର୍ଥ ମିଳିବ ନାହିଁ ବୋଲି କହିଛନ୍ତି,ତେବେ କାହିଁକି ଜିଓ ଟ୍ୟାଗ ହୋଇନାହିଁ ବୋଲି ପଚାରିବାରୁ ସନ୍ତୋଷଜନକ ଉତ୍ତର ଦେଇ ପାରିନଥିଲେ, ତେବେ ଆସନ୍ତା ୧୫ ଦିନ ମଧ୍ୟରେ କୌଣସି ପଦକ୍ଷେପ ଗ୍ରହଣ କରା ନଗଲେ ଆନ୍ଦୋଳନ ହେବ ବୋଲି ଚେତାବନୀ ଦେଇଛନ୍ତି ମତ୍ସ୍ୟଜୀବୀ।
ବିଧାନସଭାରେ ଆଜି ଅର୍ଥନୈତିକ ସର୍ଭେ ପ୍ରସ୍ତୁତି: ଚାଷୀ ପ୍ରସଙ୍ଗରେ ଗୃହ ହୁଲସ୍ତୁଲ

ଆଜି ବିଧାନସଭାରେ ଉପସ୍ଥାପନ ହେବ ଗୁରୁତ୍ୱପୂର୍ଣ୍ଣ ଅର୍ଥନୈତିକ ସର୍ଭେ ରିପୋର୍ଟ। ଆସନ୍ତାକାଲି ରାଜ୍ୟ ବଜେଟ୍ ପ୍ରସ୍ତୁତି ପୂର୍ବରୁ ଏହି ସର୍ଭେ ରିପୋର୍ଟ ରାଜ୍ୟର ଅର୍ଥନୈତିକ ଅବସ୍ଥା, ବିକାଶ ହାର ଓ ବିଭିନ୍ନ ଖାତାର କାର୍ଯ୍ୟଦକ୍ଷତା ସମ୍ପର୍କରେ ଏକ ସମଗ୍ର ଚିତ୍ର ପ୍ରଦାନ କରିବ। ତେବେ ବଜେଟ ଅଧିବେଶନର ତୃତୀୟ ଦିନରେ ବି ବେସ୍ ସରଗରମ ରହିବ ଗୃହ। ଆଜି ବି ଚାଷୀ ପ୍ରସଙ୍ଗକୁ ନେଇ ଗୃହ ହୁଲସ୍ତୁଲ ହୋଇପାରେ। ରାଜ୍ୟରେ ଧାନ କିଣାରେ ଅବ୍ୟବସ୍ଥା, ମଣ୍ଡି ସମସ୍ୟା ଓ କଟନୀ-ଛଟନୀ ଅଭିଯୋଗକୁ ବିରୋଧୀ ଦଳ ଜୋରଦାର ଭାବେ ଉଠାଇପାରନ୍ତି।
ଯଦି ଗୃହ ସ୍ବଭାବିକ ହୁଏ ତେବେ ପ୍ରଶ୍ନକାଳରେ ଜଳ ସମ୍ପଦ, ରାଜସ୍ୱ ଓ ବିପର୍ଯ୍ୟୟ ପରିଚାଳନା, ଲୋକସମ୍ପର୍କ, ବାଣିଜ୍ୟ ଓ ପରିବହନ ବିଭାଗ ସମ୍ପର୍କିତ ପ୍ରଶ୍ନଉତ୍ତର କାର୍ଯ୍ୟକ୍ରମ ହେବ।ଉଭୟ ବିରୋଧୀ ଓ ଶାସକ ଦଳର ସଦସ୍ୟମାନେ ଗୃହରେ ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉଠାଇ ପାରନ୍ତି। ଅପରାହ୍ନରେ ରାଜ୍ୟପାଳଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଆଲୋଚନା ସମୟରେ ମୁଖ୍ୟମନ୍ତ୍ରୀ ମୋହନଚରଣ ମାଝୀ ଗୃହରେ ନିଜ ବିବୃତି ରଖିବେ।
ଆଜିଠୁ ଆରମ୍ଭ ହେଉଛି ଓଡ଼ିଶାର ମାଟ୍ରିକ ପରୀକ୍ଷା: ୩୦୮୨ କେନ୍ଦ୍ରରେ କଢ଼ା ସୁରକ୍ଷା ବ୍ୟବସ୍ଥା

ଆଜିଠୁ ଆରମ୍ଭ ହେଉଛି ଓଡ଼ିଶାର ମାଟ୍ରିକ ପରୀକ୍ଷା। BOARD OF SECONDARY EDUCATION ODISHA ଅଧୀନରେ ଆୟୋଜିତ ହେଉଥିବା ଏହି ପରୀକ୍ଷା ଛାତ୍ରଜୀବନର ସବୁଠୁ ଗୁରୁତ୍ୱପୂର୍ଣ୍ଣ ମାଇଲସ୍ଟୋନ୍‌ ଭାବେ ପରିଗଣିତ। ପରୀକ୍ଷାକୁ ସ୍ୱଚ୍ଛ, ଶୃଙ୍ଖଳିତ ଓ ତ୍ରୁଟିଶୂନ୍ୟ ଭାବେ ସମାପ୍ତ କରିବା ବୋର୍ଡ କର୍ତ୍ତୃପକ୍ଷ ଓ School and Mass Education Department Odisha ପାଇଁ ଏକ ବଡ ଆହ୍ୱାନ। ଚଳିତ ବର୍ଷ ରାଜ୍ୟର ୫ଲକ୍ଷ ୬୧ ହଜାର ୯୭୯ ଛାତ୍ରଛାତ୍ରୀ ପରୀକ୍ଷା ଦେବେ । ୩୦୮୨ କେନ୍ଦ୍ରରେ ହେବ ପରୀକ୍ଷା। ପରୀକ୍ଷାକୁ ଶୃଙ୍ଖଳିତ ଭାବେ ସାରିବା ବଡ ଆହ୍ବାନ ହୋଇଥିବାରୁ ସରକାରଙ୍କ ପକ୍ଷରୁ ଏଥର ସ୍ବତନ୍ତ୍ର ବ୍ୟବସ୍ଥା କରଯାଇଛି ।
ନୋଡ଼ାଲ ସେଣ୍ଟର ସହ ପରୀକ୍ଷା କେନ୍ଦ୍ରଗୁଡ଼ିକ ସିସିଟିଭି ସର୍ଭେଲାନ୍ସରେ ରଖାଯାଇଛି । କଣ୍ଟ୍ରୋଲ୍ ରୁମ୍‌ରୁ ସ୍ବତନ୍ତ୍ର ଭାବେ ମନିଟରିଂ କରାଯିବ । ୧୩୬୪ କେନ୍ଦ୍ରରୁ ଲାଇଭ୍ ଷ୍ଟ୍ରିମିଂ ବ୍ୟବସ୍ଥା ମଧ୍ୟ କରାଯାଇଛି । ପ୍ରଶ୍ନପତ୍ର ହବ୍ ଗୁଡିକ ଏଆଇ କ୍ୟାମେରା ନଜରରେ ରଖାଯାଇଛି। ସବୁ କେନ୍ଦ୍ରକୁ ଜଗିଛି ପୋଲିସ। ସେହିପରି ପରୀକ୍ଷାରେ କପି ରୋକିବା ପାଇଁ ତ୍ରିସ୍ତରୀୟ ସ୍କ୍ୱାଡ୍ ବ୍ୟବସ୍ଥା କରାଯାଇଛି।
ନୂଆପଡାରେ ମାରାଗୁଡା ଲୋକ ମହୋତ୍ସବ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ, ସ୍ଥାନ ପରିବର୍ତ୍ତନ ନେଇ ଚର୍ଚ୍ଚା

ନୂଆପଡା ମାରାଗୁଡା ଲୋକ ମହୋତ୍ସବ ପାଇଁ ସ୍ଥାନୀୟ ସଦ୍ଭାବନା ଗୃହଠାରେ ଅନୁଷ୍ଠିତ ହୋଇଯାଇଛି।ଜିଲ୍ଲାପାଳ ମଧୁସୂଦନ ଦାସ ଙ୍କ ସଭାପତିତ୍ୱରେ ଆୟୋଜିତ ଏହି ପ୍ରସ୍ତୁତି ବୈଠକରେ ଖଡ଼ିଆଳ ବିଧାୟକ ଅଧିରାଜ ପାଣିଗ୍ରାହୀ, ନୂଆପଡା ବିଧାୟକ ଜୟ ଢୋଲକିଆ, କଳାହାଣ୍ଡି ପୂର୍ବତନ ଏମପି ବସନ୍ତ ପଣ୍ଡା ତଥା ଜିଲ୍ଲାର ଅନେକ ଛାମୁଆ ନେତା ବୁଦ୍ଧିଜୀବୀ, ଆଇନ ଜୀବୀ ଯୋଗ ଦେଇ ନିଜର ବହୁମୂଲ୍ୟ ମତ ପ୍ରଦାନ କରିଥିଲେ।

ସବୁଠାରୁ ବଡ ଚର୍ଚ୍ଚାର କଥାଥିଲା ମହୋତ୍ସବ ଅନୁଷ୍ଠିତ କେଉଁଠି ହେବ। କାରଣ ଥିଲା ଯେ ନୂଆପଡା ମିନିଷ୍ଟାଡିୟମରେ ଘାସ ପ୍ରତିରୋପଣ କରାଯାଉଛି। ଯଦି ସେଠି ମହୋତ୍ସବ ଅନୁଷ୍ଠିତ ହୁଏ ତେବେ ଘାସ ନଷ୍ଟ ହେଇଯିବାର ସମ୍ଭାବନା ଅଛି। ଏଣୁ ମହୋତ୍ସବ ଅନୁଷ୍ଠିତ କରିବାର ସ୍ଥାନ ନୂଆପଡା ସଦର ମହକୁମା ଠାରୁ ପାଞ୍ଚ କିଲୋମିଟର ଦୁରକୁ ନ୍ୟାସନାଲ କଲେଜ ପଡିଆକୁ ସ୍ତାନନ୍ତରଣ କାଯାଇଛି। ଏନେଇ ନୂଆପଡା ବାସି ତାଙ୍କର ପ୍ରତିକ୍ରିୟା ରଖିଛନ୍ତି।
ସିଙ୍ଗାପୁରରୁ ଖାଲି ହାତେ ଫେରିଲେ ପରିବାର, ନିଖୋଜ ମର୍ଚ୍ଚାଣ୍ଟ ନାଭି କ୍ୟାଡେଟ୍ ସାର୍ଥକ ମହାପାତ୍ରଙ୍କ ଖୋଜ ମିଳୁନି

ନିଖୋଜ ଓଡିଆ ମର୍ଚ୍ଚାଣ୍ଟ ନାଭି କ୍ୟାଡେଟ୍ ସାର୍ଥକ ମହାପାତ୍ର। ସାର୍ଥକଙ୍କର ଖୋଜଖବର ଏପର୍ଯ୍ୟନ୍ତ ମିଳିନଥିବାବେଳେ ପରିବାର ଲୋକେ ନିରାଶାରେ ସିଙ୍ଗାପୁରରୁ ଓଡ଼ିଶାକୁ ଫେରିଆସିଛନ୍ତି। ସିଙ୍ଗାପୁରରୁ ଖାଲି ହାତେ ଫେରିଲେ ପରିବାର। ସାର୍ଥକଙ୍କ ମାଆ ଓ ମାମୁ ତାଙ୍କୁ ଖୋଜିବା ପାଇଁ ସିଙ୍ଗାପୁର ଯାଇଥିଲେ। କିନ୍ତୁ ସେଠାରେ କୌଣସି ସୁତ୍ର ମିଳିନଥିବାରୁ ସେମାନେ ଆଜି ଓଡ଼ିଶାକୁ ଫେରିଛନ୍ତି। Biju Patnaik International Airportରେ ପହଞ୍ଚିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା। ପରିବାର ଲୋକଙ୍କ ଆଖିରେ ଥିଲା ଅଶ୍ରୁ ଓ ଅନିଶ୍ଚିତତାର ଛାୟା।

ଜାହାଜରେ ମିଳିଲା ନାହିଁ କୌଣସି ସନ୍ଦେଶ

ଗତ ୧୫ ତାରିଖରେ ସାର୍ଥକ କାମ କରୁଥିବା ‘ଏମ୍.ଭି. ଇ.ଏ. ଜର୍ସି’ ନାମକ ଜାହାଜ ସିଙ୍ଗାପୁର ବନ୍ଦରରେ ଲାଗିବା ପରେ ପରିବାର ଲୋକେ ସେଠାକୁ ପହଞ୍ଚିଥିଲେ। ଡିଜି ସିପିଂର ଦୁଇ ଅଧିକାରୀଙ୍କ ସହଯୋଗରେ ଜାହାଜ ଭିତରେ ଯାଞ୍ଚ କରାଯାଇଥିଲା। କିନ୍ତୁ ସାର୍ଥକଙ୍କ ରୁମ୍‌ ବ୍ୟତୀତ ଅନ୍ୟ କୌଣସି ସ୍ଥାନ ଯାଞ୍ଚ କରିବାକୁ ଅନୁମତି ମିଳିନଥିବା ଅଭିଯୋଗ ହୋଇଛି। ପରିବାର ପକ୍ଷରୁ କୁହାଯାଇଛି ଯେ, ଜାହାଜ କର୍ତ୍ତୃପକ୍ଷ ସିସିଟିଭି ଫୁଟେଜ୍ କିମ୍ବା ଭଏଜ୍ ଡାଟା ରେକର୍ଡର (VDR) ସମ୍ବନ୍ଧୀୟ ତଥ୍ୟ ମଧ୍ୟ ଯୋଗାଇ ନଥିଲେ। ଏହା ଘଟଣାକୁ ନେଇ ସନ୍ଦେହକୁ ଆହୁରି ଗଭୀର କରିଛି।

ଓଡ଼ିଶାର ଧାମନଗର ବ୍ଲକ ଅନ୍ତର୍ଗତ କେଶପୁର ଗାଁ ର ସାର୍ଥକ ମହାପାତ୍ର ଗତ ଫେବ୍ରୁୟାରୀ ୩ତାରିଖରୁ ଜାହାଜରୁ ନିଖୋଜ ଅଛନ୍ତି। ଦୀର୍ଘ ସମୟ ହେଉଥିଲେ ମଧ୍ୟ ତାଙ୍କ ସନ୍ଦର୍ଭରେ କୌଣସି ପ୍ରମାଣିକ ସୂଚନା ମିଳିନାହିଁ। ସିଙ୍ଗାପୁରରେ କୌଣସି ସଫଳତା ନ ମିଳିବାରୁ ପରିବାର ଲୋକେ ଏବେ କେନ୍ଦ୍ର ଓ ରାଜ୍ୟ ସରକାରଙ୍କ ହସ୍ତକ୍ଷେପ ଦାବି କରୁଛନ୍ତି। ସେମାନଙ୍କ ଅନୁରୋଧ ଘଟଣାର ଉଚ୍ଚସ୍ତରୀୟ ଓ ସ୍ବତନ୍ତ୍ର ତଦନ୍ତ କରାଯାଇ ସାର୍ଥକଙ୍କ ଖୋଜଖବର ଶୀଘ୍ର ମିଳିବାକୁ ବ୍ୟବସ୍ତା କରାଯାଉ।

ପରିବାର ଏପର୍ଯ୍ୟନ୍ତ ଆଶା ଛାଡ଼ିନାହାନ୍ତି, କିନ୍ତୁ ସମୟ ବିତିବା ସହ ସେମାନଙ୍କ ଚିନ୍ତା ଆହୁରି ବଢ଼ିଚାଲିଛି।
ମଣ୍ଡିରେ ଅଟକିଲା ହଜାର କୁଇଣ୍ଟାଲ ଧାନ: ଟୋକନ୍ ପାଇ ମଧ୍ୟ ଅପେକ୍ଷାରେ ଚାଷୀ, ଧାରଣାରେ ସମର୍ଥନ ଦେଲା ବିଜୁ ଜନତା ଦଳ

ମଣ୍ଡିରୁ ଉଠୁନି ଧାନ। କେନ୍ଦ୍ରାପଡା ଜିଲ୍ଲା ଗରଦପୁର, ମାର୍ଶାଘାଇ ଓ ମହାକାଳପଡ଼ା ବ୍ଲକର ବିଭିନ୍ନ ପାକ୍ସରୁ ଧାନ ଉଠାଣିରେ ବିଳମ୍ବ ହେଉଥିବା ଅଭିଯୋଗ ନେଇ ଚାଷୀମାନେ କ୍ଷୋଭ ପ୍ରକାଶ କରିଛନ୍ତି। ମଣ୍ଡିରେ ହଜାର ହଜାର କୁଇଣ୍ଟାଲ ଧାନ ପଡିରହିଥିବା ବେଳେ ଚାଷୀମାନେ ଦିନରାତି ଧାନ ବସ୍ତା ଜଗିବାକୁ ବାଧ୍ୟ ହେଉଛନ୍ତି।

ଚାଷୀମାନଙ୍କ କହିବା ଅନୁଯାୟୀ, ଜାନୁଆରୀ ମାସରୁ ଟୋକନ ପାଇଥିଲେ ମଧ୍ୟ ଏପର୍ଯ୍ୟନ୍ତ ମିଲରମାନେ ଧାନ ଉଠାଇନାହାନ୍ତି। ଫଳରେ ଶହଶହ ବସ୍ତା ଧାନ ଖୋଲା ଆକାଶ ତଳେ ପଡିରହିଛି। ଜରିପାଲ ବାନ୍ଧି ରକ୍ଷା କରାଯାଉଥିବା ସତ୍ତ୍ୱେ ଗାଈ-ଗୋରୁ ଓ ମୂଷା ଧାନ ନଷ୍ଟ କରୁଥିବା ଅଭିଯୋଗ ଆସିଛି। ଆଳି ବ୍ଲକର ନୂଆଗାଁ ପ୍ରାଥମିକ କୃଷି ସମବାୟ ସମିତିରେ ମଧ୍ୟ ସମାନ ପରିସ୍ଥିତି ଦେଖାଦେଇଛି।

ଜାନୁଆରୀ ୯ ତାରିଖରେ ମଣ୍ଡି ଉଦଘାଟନ ହୋଇଥିଲେ ମଧ୍ୟ ଏପର୍ଯ୍ୟନ୍ତ କେବଳ ୧୮୦୦ କୁଇଣ୍ଟାଲ ଧାନ ଉଠାଯାଇଛି। ଅଧିକରେ ୬୦୦ କୁଇଣ୍ଟାଲ ଧାନ ମଣ୍ଡିରେ ପଡିରହିଛି। ଏହି ସମବାୟ ସମିତିର ୨୦୬ ଜଣ ଚାଷୀ ଧାନ ଦେବା ପାଇଁ ଟୋକନ ପାଇଥିଲେ ମଧ୍ୟ ୧୪ ଦିନ ହେବ ମିଲର ଆସୁନାହାନ୍ତି ବୋଲି ଅଭିଯୋଗ କରିଛନ୍ତି। ବାରମ୍ବାର ପ୍ରଶାସନଙ୍କୁ ଅଭିଯୋଗ କରିବା ସତ୍ତ୍ୱେ ସମସ୍ୟାର ସମାଧାନ ନ ହେବାରୁ ଚାଷୀମାନେ ମଣ୍ଡି ସମ୍ମୁଖରେ ଧାରଣାରେ ବସିଛନ୍ତି। ବିଜୁ ଜନତା ଦଳର କିଛି ନେତାମାନେ ମଧ୍ୟ ଚାଷୀମାନଙ୍କ ସହ ଧାରଣାରେ ସମର୍ଥନ ଜଣାଇଛନ୍ତି।

ଚାଷୀମାନଙ୍କ ଦାବି ହେଉଛି, ମଣ୍ଡିରେ ପଡିରହିଥିବା ଧାନକୁ ଶୀଘ୍ର ଉଠାଇବା ସହ ଅତିରିକ୍ତ ୫ ହଜାର କୁଇଣ୍ଟାଲ ଧାନ କ୍ରୟ ଟାର୍ଗେଟ୍ ଦିଆଯାଉ, ଯାହା ଫଳରେ ସେମାନେ ଆର୍ଥିକ ସମସ୍ୟାରୁ ମୁକ୍ତି ପାଇପାରିବେ।
କେନ୍ଦୁଝରରେ ପୋଷାକ ଶିଳ୍ପ ଓ ଡାଟା ସେଣ୍ଟରର ଭିତି ପ୍ରସ୍ତର ସ୍ଥାପନ

କେନ୍ଦୁଝର ରେ ତିଆରି ହେବ ପୋଷାକ ଶିଳ୍ପ ଓ ଡାଟା ସେଣ୍ଟର। ମୁଖ୍ୟମନ୍ତ୍ରୀ ମୋହନ ଚରଣ ମାଝିଙ୍କ କରକମଳରେ କେନ୍ଦୁଝର ଜିଲ୍ଲାରେ ପୋଷାକ ଶିଳ୍ପ (Apparel Industry) ଓ ଡାଟା ସେଣ୍ଟରର ଭିତି ପ୍ରସ୍ତର ସ୍ଥାପନ ହୋଇଛି। ଆଜି ଦିନ ୧୧ ଟା ୪୫ ସମୟରେ ବଳଭଦ୍ରପୁର ଗାଁରେ ପହଞ୍ଚିଥିଲେ ମୁଖ୍ୟମନ୍ତ୍ରୀ ମୋହନ ମାଝି ଓ ପୋଷାକ ଶିଳ୍ପ ଓ ଡାଟା ସେଣ୍ଟର ର ଭିତି ପ୍ରସ୍ଥ ସ୍ଥାପନ କରିଛନ୍ତି।

ମୁଖ୍ୟମନ୍ତ୍ରୀ ପ୍ରଥମେ ମା ତାରେଣୀ ଓ ବଳଦେବଜୀଉଙ୍କ ଫଟ ଚିତ୍ର ରେ ପ୍ରଦ୍ବୀପ ପ୍ରଜ୍ବଳନ ଓ ପୁଷ୍ପ ଦେଇ ଭିତି ପ୍ରସ୍ତର ସ୍ଥାପନ ଉତ୍ସବ ର ଶୁଭାରମ୍ଭ କରିଥିଲେ। ଏହି ଅବସରରେ ସାଂସଦ ଅନନ୍ତ ନାଏକ, ତେଲକୋଇ ଓ ପାଟଣାର ବିଧାୟକମାନେ ଓ ଅନ୍ୟାନ୍ୟ ଗଣମାନ୍ୟ ବ୍ୟକ୍ତିବର୍ଗ ଉପସ୍ଥିତ ଥିଲେ। ବିଭିନ୍ନ ସଂଗଠନ ପକ୍ଷରୁ ମୁଖ୍ୟମନ୍ତ୍ରୀଙ୍କୁ ସମ୍ବର୍ଦ୍ଧନା ଜଣାଯାଇଥିଲା ଏବଂ ପରିୟୋଜନା ସମ୍ପର୍କିତ ଏକ କ୍ଷୁଦ୍ର ଚଳଚ୍ଚିତ୍ର ପ୍ରଦର୍ଶନ କରାଯାଇଥିଲା। ପରେ ମୁଖ୍ୟମନ୍ତ୍ରୀ ରିମୋଟ ମାଧ୍ୟମରେ ଭିତି ପ୍ରସ୍ତର ସ୍ଥାପନ କରିଥିଲେ।

ପ୍ରଥମେ ଜୟ ମା ତାରିଣୀ ଜୟ ଜଗନ୍ନାଥ ଜୟ ବଳଦେବଜୀଉ କହି ନିଜର ଭାଷଣ ଆରମ୍ଭ କରିଥିଲେ ।
ମୁଖ୍ୟମନ୍ତ୍ରୀ କହିଥିଲେ ଆଜି ଅମ ସମସ୍ତ ଙ୍କ ପାଇଁ ଏକ ଐତିହିସିକ ଦିନ I ମୋ ଜନ୍ମ ମାଟିର କର୍ମ ମାଟିର ବିକାଶ ପାଇଁ ମୁଁ ଆଜି ଆସିଛି । ଏଠି ଅଛ ଖଣି , ପାଣି ଓ ମା ବୈତରଣୀ । ବିପ୍ଳବୀ ଧରଣୀ ଆମ ସହ ଅଛନ୍ତି ଆମ ମା ତାରିଣୀ । ଆମ କେନ୍ଦୁଝର ସୁନାର କେନ୍ଦୁଝର ହେବ । ସମସ୍ତେ ଏକତ୍ରୀତ ହୋଇ କାମ କରିବା କୁ ଆହ୍ଵାନ ଦେଇଥିଲେ ।

ଆଜି ପରେ ବର୍ଷକୁ ୨୪ ଲକ୍ଷ ଟଙ୍କାର ପୋଷାକ ତିଆରି ହେବ ୧୨୦୦ ମହିଳା ଏଠି ନିଯୁକ୍ତି ପାଇବେ । ଆଜି ସମୟ ବଦଳିଛି , ଏଠି textile park , aparel center ,warehouse , Data center ଆଦି ଅନେକ project ସରକାର ହାତକୁ ନେଇଛନ୍ତି । ଆମ ଜିଲ୍ଲାକୁ ପୂର୍ବରୁ ଅନେକ ଅବହେଳା କରାଯାଇଛି I ଆପଣ ମାନଙ୍କର ଭଲ ପାଇବା ଆଶିବାଦ ପାଇଁ ଆଜି ଏହି ସୁଯଗ ଆସିଛି | କେବଳ ଷ୍ଟିଲ ଷ୍ଟାଣ୍ଟ କି ଆଇରନ ଭିତିକ ଶିଳ୍ପ ବାଦ ଅନେକ ଅନ୍ୟାନ୍ୟ ଶିଳ୍ପ ମଧ୍ୟ ଏ ଜିଲ୍ଲାରେ ହେବ | ସୁଟର , କୋଇମ୍ପାଟୁର ଆଦି ରେ ପୋଷକ ଶିଳ୍ପ କୁ ଓଡ଼ିଆ ମାନେ ଚଲାଉଛନ୍ତି । ସେମାନେ ଏବେ ଏଠି କାମ ପାଇବେ । ଓଡ଼ିଆ ମାନେ କାମ ଛାଡି ଦେଲେ ପୋଷକ ଶିଳ୍ପ ବନ୍ଧ ହୋଇଯିବ |

ଆମ ରାଜ୍ୟ ର ସବୁଠାରୁ ଶକ୍ତିଶାଳୀ ଡାଟା ସେଣ୍ଟର ଏଠାରେ ହେବ ଯଦି କୌଣସି କାରଣ ରୁ ଭୁବନେଶ୍ଵର ର ଡାଟା ସେଣ୍ଟର ରୁ ଡାଟା ଉଡିଯିବ ତେବେ ଏହି ଡାଟା ସେଣ୍ଟର ସବୁ ଡାଟା ଯୋଗାଇ ଦେବ , ସେଠାରେ ଯାହା ଡାଟା ରହିବ ତାହା ଏଠାରେ ମଧ୍ୟ ଷ୍ଟୋର ହୋଇ ରହିବ । ଯଦି କେହି ଆକ୍ରମଣ କରିବାକୁ ଯୋଜନା ରଖିଥିବା ତାହା ଏହି ସେଣ୍ଟର୍ ଆଗୁଆ ଚିହ୍ନଟ କରି ପ୍ରାକୃତିକ ଦୁର୍ବିପାକରୁ ସମୟରେ ଏହା ଆଗୁଆ ସୁଚନା ଯୋଗାଇ ଦେବ ।
ପ୍ଲଟ କିଣିବିକାରେ ଠକେଇକୁ ଲାଗିବ ରୋକ , QR କୋଡ଼ ସହ ଆସୁଛି ନୂଆ ଜମି ପଟ୍ଟା

ଜମି କିଣାବିକାରେ ଠକେଇ ରୋକିବାକୁ ରାଜ୍ୟ ସରକାର ନେଇଛନ୍ତି ବଡ଼ ପଦକ୍ଷପ | ଆସୁଛି ନୂଆ ପ୍ରଣାଳୀର ଜମି ପଟ୍ଟା , ଯେଉଁଥିରେ ଲଗାଯାଇଥିବା QR କୋଡା | ଏନେଇ ସୂଚନା ଦେଇଛନ୍ତି ରାଜସ୍ବ ମନ୍ତ୍ରୀ ସୁରେଶ ପୂଜାରୀ |

ମନ୍ତ୍ରୀଙ୍କ କହିବା ଅନୁଯାୟୀ,କେନ୍ଦ୍ର ଓ ରାଜ୍ୟ ସରକାରଙ୍କ ମିଳିତ ପ୍ରୟାସରେ ଏହି ନୂଆ ପଟ୍ଟା ବ୍ୟବସ୍ତା ଆରମ୍ଭ କରାଯିବ | ପଟ୍ଟରେ ଥିବା QR କୋଡକୁ ସ୍କାନ କଲେ ଜମିର ସମ୍ପୂର୍ଣ୍ଣ ବିବରଣୀ ମାଲିକଙ୍କ ନାମ,ଖାତିଆନ, ପ୍ଲଟ ନମ୍ବର,ଏରିଆ ଓ ଅନ୍ୟାନ୍ୟ ଆଇନଗତ ତଥ୍ୟ ତୁରନ୍ତ ମିଳିଯିବ |ଏହା ଦ୍ୱାରା ମିଛ ତଥ୍ୟ ଦେଇ ଠକେଇ ପାରିବେ ନାହିଁ କେହି | କୌଣସି ଅନିୟମିତତା କିମ୍ବା ଠକାମିର ଚେଷ୍ଟା କରିଲେ ସିଷ୍ଟମ ମାଧ୍ୟମରେ ସିଧାସଳଖ ତହସିଲଦାର ଓ ଆରଆଇଙ୍କୁ ଖବର ମିଳିଯିବ|

ରିଅଲ ଏଷ୍ଟେଟ୍ କ୍ଷେତ୍ରରେ ବଢ଼ୁଥିବା ଠକେଇ ଘଟଣାକୁ ଦୃଷ୍ଟିରେର ରଖି ସରକାର ଏହି ପଦକ୍ଷପ ନେଇଛନ୍ତି | ଜମି କିଣୁଥିବା ଲୋକ ମାନେ ସୁରକ୍ଷିତ ଭାବେ ଲେନଦେନ କରିପାରିବେ | ନୂଆ ପଟ୍ଟା ପ୍ରଣାଳୀ ଲାଗୁ ହେଲେ ଜମି ବ୍ୟବସ୍ଥାପନାରେ ଏକ ବଡ଼ ପରିବର୍ତ୍ତନ ଆସିବା ସହ ଠକେଇ ଘଟଣାରେ ମଧ୍ୟ ଦୃଷ୍ଟିଗୋଚର କମିବା ଆଶା କରାଯାଉଛି।

Category: ବିଶେଷ

ଜାହାଜରେ ମିଳିଲା ନାହିଁ କୌଣସି ସନ୍ଦେଶ