ବାଇକରୁ ପଡି ଚାଲିଗଲା ଯୁବକଙ୍କ ଜୀବନ । ମୃତ ଯୁବକ ଜଣକ ହେଲେ ଭାଦ୍ରକ ଜିଲ୍ଲା ବାସୁଦେବପୁର ବ୍ଳକ ବିଦେଇପୁରର ରତିକାନ୍ତ ମଳିକ । ସୂଚନା ଅନୁଯାୟୀ, ଗତକାଲି ସକାଳ ସମୟରେ ସେ ବାସୁଦେବପୁରୁରୁ କୌଣସି ଏକ କାମରେ ଧାମରା ନିକଟ ଚନ୍ଦନୀପାଳକୁ ଯାଇଥିଲେ । ଧାମରା-ଚନ୍ଦନୀପାଳ ରାସ୍ତାରେ ଆସୁଥିବା ବେଳେ ଭାରସାମ୍ୟ ହରାଇ ବାଇକଟି ଦୁର୍ଘଟଣାର ଶିକାର ହୋଇଥିଲା । ବାଇକଟି ରାସ୍ତା କଡକୁ ଛିଟିକି ପଡିବାରୁ ରତିକାନ୍ତଙ୍କର ମୃତ ହୋଇଛି । ମୃତଦେହ ରାସ୍ତା କଡ ନାଳରେ ପଡିଥିବା ଦେଖି ସ୍ଥାନୀୟ ଲୋକେ ଆମ୍ବୁଲାନ୍ସକୁ ଖବର ଦେଇଥିଲେ । ଆମ୍ବୁଲାନ୍ସ ଯୋଗେ ତାଙ୍କ ମୃତଦେହକୁ ବାସୁଦେବପୁର ଡାକ୍ତରଖାନାକୁ ପଠାଇ ଦିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । କୌଣସି ସୂତ୍ରରୁ ଖବର ପାଇ ପରିବାର ଲୋକ ପହଞ୍ଚି ଶବ ଚିହ୍ନଟ କରିଛନ୍ତି ।