Author: suchanatv24x7

ମାହାଙ୍ଗା ଡିଜିଟାଲ ମିଡ଼ିଆ ଆସୋସିଏସନ ପକ୍ଷରୁ ମାଗଣା ସ୍ୱାସ୍ଥ୍ୟ ସେବା ଶିବିର ଅନୁଷ୍ଠିତ

ଆପଣ ମାନେ ସାମ୍ବାଦିକ ଦେଖିଥିବେ ହେଲେ ଏଭଳି ନିଆରା ସାମ୍ବାଦିକ ଦେଖିନଥିବେ । ଆମେ କହୁଚୁ କଟକ ଜିଲ୍ଲା ମାହାଙ୍ଗା ବ୍ଲକ ର ମାହାଙ୍ଗା ଡ଼ିଜିଟାଲ୍ ମିଡ଼ିଆ ଆସୋସେସନ୍ ର ସାମ୍ବାଦିକ ଭାଇ ମାନଙ୍କ କଥା ଯାହାଙ୍କ ପ୍ରଚେଷ୍ଟାରେ ଅନେକ ଲୋକ ଙ୍କ ସ୍ୱାସ୍ଥ୍ୟଗତ ସମସ୍ୟା ସୁଧୁରିବା ସହିତ କାହାର ଦାନ୍ତ ଓପୋଡା ଯାଇଛି ତ କାହାର, ଆଖି କୁ ନ ଦେଖା ଯିବା ଭଳି ସମସ୍ୟା ର ସମାଧାନ କରାଯାଇଛି ।

ଏଭଳି ଅନେକ ଲୋକଙ୍କ ସ୍ୱାସ୍ଥ୍ୟଗତ ସମସ୍ୟା ର ସମାଧାନ ପାଇଁ କଟକ ଜିଲ୍ଲା ମାହାଙ୍ଗା ବ୍ଲକ କୁସୁପୁର ପଂଚାୟତ ସ୍ଥିତ କୁସୁପୁର ଦଶହରା ପଡିଆ ଠାରେ ମାହାଙ୍ଗା ଡିଜିଟାଲ ମିଡ଼ିଆ ଆସୋସିଏସନ ତରଫରୁ ମାଗଣା ଦାନ୍ତ, ଚକ୍ଷୁ ଓ ହୋମିଓ ପଥିକ ରକ୍ତ ଶର୍କରା ପରିକ୍ଷଣ, ରକ୍ତଚାପ ପରିକ୍ଷଣ ଶିବିର ଆଦି ଅନୁଷ୍ଠିତ ହୋଇଯାଇଛି I

ଏହି ଶିବିରକୁ ମିଡ଼ିଆ ସଂଗଠନର ସଭାପତି ତଥା ବରିଷ୍ଠ ସାମ୍ବାଦିକ ଅମରେନ୍ଦ୍ର ସିଂହ ଉଦଘାଟନ କରିବା ସହିତ ବହୁ ବରିଷ୍ଠ ବ୍ୟକ୍ତି ବିଶେଷ ଯୋଗ ଦେଇଥିବା ଦେଖିବାକୁ ମିଳିଥିଲା ।

ଏହି ଶିବିରରେ ଦୁଇ ଶହରୁ ଉର୍ଦ୍ଧ ମହିଳା ଓ ପୁରୁଷ ନାମ ପଞ୍ଜିକରଣ କରି ଆବଶ୍ୟକ ଚିକିତ୍ସା ସେବା ନେଇଥିଲେ। I ଏହି ଶିବିରରେ ଡାକ୍ତର ସରୋଜ କୁମାର ବେହେରା, ଡାକ୍ତର ଶୈଳଜା ପଣ୍ଡା, ଡାକ୍ତର ଅନିଶା ଦତ୍ତ, ଡାକ୍ତର ସହର୍ଷ ଭିର ଝା,ଡାକ୍ତର ନରେନ୍ଦ୍ର କୁମାର ସାହୁ, ଡାକ୍ତର ସୃତି ମଲିକ, ଡାକ୍ତର ଅଶୋକ କୁମାର ସାହୁ, ଡାକ୍ତର ଏସ. ଆର ଦ୍ବିବେଦୀ ପ୍ରମୁଖ ଯୋଗ ଦେଇ ଶିବିରରେ ଯୋଗ ଦେଇଥିବା ରୋଗୀ ମାନଙ୍କ ଦାନ୍ତ, ଚକ୍ଷୁ ଓ ରକ୍ତ ପରୀକ୍ଷା କରିବା ସହ ମାଗଣାରେ ଔଷଧ ବଣ୍ଟନ କରାଯାଇଥିଲା I
ସବୁ ଏକା ହଡପ କରିବାକୁ ଯୋଜନା!

ଆଗରୁ ଖୋଲୁନଥିଲେ ମୁହଁ, ଏବେ ଦଳ ଯିବା ପରେ ସବୁ ଖୋଲିଲେଣି ମୁହଁ, ଆଗରୁ ବିଜେପି ବିରୋଧୀ ଆସନରେ ଥିବା ବେଳେ ଦଳର ସୁପ୍ରିମୋଙ୍କୁ କମ ବେଶୀ ଧୋଉଥିଲେ ପାଣ୍ଡିଆନଙ୍କୁ, ଏବେ ଶଙ୍ଖ ଦଳର କିଛି ଗୋଷ୍ଠୀ ଧୋଉଛନ୍ତି ପାଣ୍ଡିଆନଙ୍କୁ, ଖୋଲୁଛନ୍ତି ପୋଲ ଯାହା ବିଜେଡି କୋଟେରୀ ଗୋଷ୍ଠୀଙ୍କୁ ଚିନ୍ତାରେ ପକାଇଛି, ହଁ ଦର୍ଶକବନ୍ଧୁ, ବିଜେଡି ସୁପ୍ରିମୋ ନବୀନଙ୍କ ଅସୁସ୍ଥତା ହେଲା ପାଣ୍ଡିଆନଙ୍କ ଆବିର୍ଭାବର କାରଣ, ଯାହା ପରେ ବିଜେଡିର ଘରକଳିକୁ ପଦାରେ ପକାଇଛି, ରାଜା ସ୍ୱାଇଁଙ୍କୁ ଦଳରୁ ବିଦା କରିବା ପାଇଁ ପାଣ୍ଡିଆନଙ୍କ ଧମକ ପରେ ସାଂସଦ ଦେବାଶିଷ ସାମନ୍ତରାୟଙ୍କ ଅହଂକାର ମନ୍ତବ୍ୟ ପରେ ରାଜା ପାଣ୍ଡିଆନଙ୍କ ମନ୍ତବ୍ୟ କୁ ହସରେ ଉଡାଇବା ପରେ ସୁଜାତା କୋଟେରୀ ଗୋଷ୍ଠୀଙ୍କୁ ନେଇ ବୈଠକ କରିବା ବିଜେଡିରେ ବଡ଼ ଗଡ଼ବଡ ଥିବା ଦର୍ଶାଉଛି, ଏହାସହ ଏବେ ବିଜେପି ନେତା ସରୋଜ ପାଢ଼ୀଙ୍କ ବୟାନ ନିଆଁରେ ଘିଅ ଢ଼ାଳିବା ସଦୃଶ ହୋଇଛି,

ଦର୍ଶକବନ୍ଧୁ, ବିଜେଡିରେ ଲାଗିରହିଥିବା ପାଣ୍ଡିଆନ ଝଡ ମଧ୍ୟରେ ବିସ୍ଫୋରକ ବୟାନ ଦେଇଛନ୍ତି ବିଜେପି ବିଧାୟକ ସରୋଜ ପାଢ଼ୀ, ସେ କହିଛନ୍ତି ପାର୍ଟି ଫଣ୍ଡ ହଡ଼ପ କରିବା ଲାଗି ନବୀନଙ୍କ ପାଖରେ ଛାଇ ଭଳି ରହୁଛନ୍ତି ପାଣ୍ଡିଆନ୍, ବିଜେଡି ପାର୍ଟି ଫଣ୍ଡ ପାଇଁ କେତେବେଳେ ନବୀନ ପଟ୍ଟନାୟକଙ୍କର କଣ ହେବ କେହି କହି ପାରିବେ ନାହିଁ।ଯେଉଁଠି ରାଜ୍ୟବାସୀ କି ବିଜେଡିର କେହି ନେତା ପାଣ୍ଡିଆନଙ୍କୁ ଗ୍ରହଣ କରୁ ନାହାନ୍ତି, ସେଠି ପାଣ୍ଡିଆନ ନବୀନଙ୍କୁ ଜବରଦସ୍ତି ଭିଡ଼ି ଧରି ରଖିବା ପଛରେ ସ୍ୱାର୍ଥ କଣ ତାହା ଜଣା ପଡ଼ି ଯାଇଛି। ବିଜେଡି ପାଣ୍ଠିରେ ୧୦୦୦ କୋଟିରୁ ଉର୍ଦ୍ଧ୍ବ ଟଙ୍କା ରହିଛି ତାହା ଉପରେ ସମସ୍ତଙ୍କ ନଜର ରହିଛି। ନବୀନ ଯଦି ପାଣ୍ଡିଆନ୍ ଦମ୍ପତିଙ୍କୁ ଦାୟିତ୍ବ ଦେଇ ଦେବେ, ତେବେ ସେହି ଟଙ୍କାର ମାଲିକ ହୋଇଯିବେ ସେମାନେ। ସେଥିପାଇଁ କୋଟେରୀ ଗ୍ରୁପକୁ ଧରି ବିଜେଡିରେ ଏଣ୍ଟ୍ରି ପାଇଁ ଯୋଜନା କରୁଛନ୍ତି ପାଣ୍ଡିଆନ ଦମ୍ପତି। ରାଜା ସ୍ୱାଇଁଙ୍କ ଭଳି ବରିଷ୍ଠ ନେତାଙ୍କୁ ପାଣ୍ଡିଆନ୍ ଏଭଳି ବ୍ୟବହାର କରିବା କେହି ହଜମ କରି ପାରୁ ନାହାନ୍ତି। ଆମେ ଶୁଣୁଛୁ, ନବୀନ ପଟ୍ଟନାୟକଙ୍କ ଭାଇ ଆସିଥିଲେ କାଳେ ପାଣ୍ଡିଆନଙ୍କୁ ଗାଳି କରି ଯାଇଛନ୍ତି। ସେ ସ୍ପଷ୍ଟ ଭାବେ କହିଛନ୍ତି, ଦଳରେ ଯାହା ହେବ ଆମେ ବୁଝିବୁ । ତୁମେ କିଏ ବୋଲି କହିଛନ୍ତି
ସତ୍ୟବାନ ସାଜିଲା ସୈତାନ!

ବୀଭତ୍ସ,ଅମାନୁଷିକତାର ,ଏବଂ ମଣିଷତ୍ବର ସବୁ ସୀମା ଟିପିଲା ଜଲ୍ଲାଦ ସ୍ବାମୀ … ରାଗରେ ଗର୍ଭବତୀସ୍ତ୍ରୀକୁ କଲା ଖଣ୍ତ ଖଣ୍ତ …ଜୀବନରୁ ମାରିବା ପରେ ରଚିଥିଲା ସାଇତାନି ଷଡଯନ୍ତ୍ର…ସ୍ତ୍ରୀକୁ ମାରିବା ପରେ ଫୋନ କରି କରିଥିଲା ମିଛ ନାଟକ … ଫୋନ୍ କରି ଭଉଣୀକୁ କହିଲେ, ସ୍ତ୍ରୀ କୁଆଡ଼େ ନିଖୋଜ ହୋଇ ଯାଇଛି । ଆଉ ଭାଇ ଉପରେ ହେଲା ଭଉଣୀର ସନ୍ଦେହ । ସମ୍ପର୍କୀୟଙ୍କୁ ଜଣାଇ ଭାଇକୁ ଥାନାକୁ ନେଇଗଲେ । ଆଉ ଥାନାରେ ସେ ଯାହା କହିଲା, ପୋଲିସ ଗୋଡ଼ ତଳୁ ବି ମାଟି ଖସିଗଲା । ନିଖୋଜ ନାଟକ ରଚିଥିବା ସ୍ଵାମୀ ହିଁ ଗର୍ଭବତୀ ସ୍ତ୍ରୀକୁ ହତ୍ୟା ପରେ କରି ଦେଇଥିଲା ଖଣ୍ଡ ଖଣ୍ଡ ।

ଏତିକିରେ ବୁଝି ନଥିଲା ମନ । ସ୍ତ୍ରୀର ମୁଣ୍ଡ, ହାଥ ଓ ଗୋଡ଼କୁ ନଦୀରେ ଫିଙ୍ଗି ଦେଇଥିବା ବେଳେ ଘରେ ସାଇତି ରଖିଥିଲା ଅବଶିଷ୍ଟ ଶରୀର ।ଏଭଳି ବୀଭତ୍ସ, ଲୋମଟାଙ୍କୁରା, ଛାତିଥରା ହତ୍ୟାକାଣ୍ଡ ଘଟିଛି ତେଲଙ୍ଗାନାରେ । ଯାହା ସମଗ୍ର ଅଞ୍ଚଳକୁ ସ୍ତବ୍ଧ କରି ଦେଇଛି । ହାଇଦ୍ରାବାଦ ମେଡିପଲ୍ଲୀର ବାଲାଜୀ ହିଲ୍ସରେ ଜଣେ ବ୍ୟକ୍ତି ତାଙ୍କ ଗର୍ଭବତୀ ସ୍ତ୍ରୀକୁ ହତ୍ୟା କରିବା ପରେ ଶରୀରର ବିଭିନ୍ନ ଅଙ୍ଗକୁ ଫିଙ୍ଗି ଧରା ପଡ଼ିଛନ୍ତି ।ପୋଲିସ ଅନୁସାରେ, ଅଭିଯୁକ୍ତ ପତ୍ନୀର ମୁଣ୍ଡ, ହାଥ ଓ ଗୋଡ଼ ମୁସି ନଦୀରେ ଫିଙ୍ଗି ଦେଇଥିବା ବେଳେ ଘରୁ ଅବଶିଷ୍ଟ ଶରୀର ଜବତ କରାଯାଇଛି । ମୃତ ୨୧ ବର୍ଷର ସ୍ଵାତୀ ୫ ମାସର ଗର୍ଭବତୀ ଥିଲେ । ଶନିବାର ଦିନ ୪ଟା ୩୦ରେ ସ୍ଵାତୀଙ୍କୁ ହତ୍ୟା କରିଥିଲା ସ୍ଵାମୀ । ପେଶାରେ ଡ୍ରାଇଭର ଥିବା ଅଭିଯୁକ୍ତ ସ୍ଵାମୀ, ସ୍ତ୍ରୀକୁ ହତ୍ୟା ପରେ ଶବକୁ ଖଣ୍ଡ ଖଣ୍ଡ କରି କାଟି କିଛି ଅଂଶକୁ ନଦୀରେ ଫିଙ୍ଗି ଦେଇଥିଲା ।

ସ୍ତ୍ରୀକୁ ହତ୍ୟା ପରେ ଭଉଣୀକୁ ଫୋନ୍ କରି କହିଥିଲା, ପତ୍ନୀ କେଉଁ ଆଡ଼େ ପଳାଇଛି । କିନ୍ତୁ ଭାଇ ଉପରେ ଭଉଣୀର ସନ୍ଦେହ ହୋଇଥିଲା । ଆଉ ଭଉଣୀ ଏନେଇ ସମ୍ପର୍କୀୟଙ୍କୁ ଜଣାଇବା ପରେ ଥାନାରେ ଭାଇ କହିଥିଲା ସ୍ତ୍ରୀକୁ ହତ୍ୟାର ସବୁସତ । ପୋଲିସର ପଚରାଉଚରା ବେଳେ ଅଭିଯୁକ୍ତ ମହେନ୍ଦ୍ର ସ୍ତ୍ରୀକୁ ହତ୍ୟା କରିଥିବା ମାନି ଯାଇଥିଲା । ଆଉ ମୃତଦେହକୁ ଖଣ୍ଡ ଖଣ୍ଡ କରି ନଦୀରେ ଫିଙ୍ଗିଥିବା ବି କହିଥିଲା । ତେବେ ପୋଲିସ ନଦୀରେ ଖୋଜାଖୋଜି କରିଥିଲେ ବି ସଫଳତା ମିଳିନି । ଫରେନସିକ୍ ଟିମ୍ ମହିଳାଙ୍କ ମୃତଦେହର ଅବଶିଷ୍ଟ ଅଂଶରୁ ସାକ୍ଷ୍ୟ ଏକତ୍ର କରି ଡିଏନଏ ପରୀକ୍ଷା ପାଇଁ ପଠାଇଛି । ମୃତ ସ୍ଵାତୀଙ୍କ ପିତାଙ୍କ ଅନୁସାରେ, ମହେନ୍ଦ୍ରଙ୍କ ସହ ତାଙ୍କ ପରିବାରର ସମ୍ପର୍କ ଖରାପ ରହିଥିଲା । ଏପରିକି ଝିଅ ସ୍ଵାତୀକୁ ବାରମ୍ବାର ପ୍ରତାରିକ କରି ଆସୁଥିଲା ମହେନ୍ଦ୍ର । ଏବେ ଝିଅକୁ ହତ୍ୟା ପରେ ପରିବାର ଜ୍ଵାଇଁ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
ନୂଆଁ ଖାଇଲେ ପଥର୍ଲା ଗ୍ରାମବାସୀ

ପୂର୍ବ ପରମ୍ପରା ଅନୁସାରେ ସର୍ବାଗ୍ରେ ନୂଆଖାଲେ ପଥର୍ଲା ଗ୍ରାମବାସୀ । ବର୍ତ୍ତମାନ ର ପଥର୍ଲା ଗୌନ୍ତିଆ ହିମାଂଶୁ ଶେଖର ମାଝୀ ଙ୍କ ନେତୃତ୍ଵ ରେ ସର୍ବ ପ୍ରଥମେ ନୂଆଖାଇ ପାଳନ କଲେ ପଥର୍ଲା, ପଳକା ପଦା ଏବଂ ବହାଦୁର ପଦର ଗ୍ରାମବାସୀ । ତେବେ ତତ୍କାଳୀନ ନାଗବଂଶୀ ରାଜା ପଥର୍ଲା ଗୌନ୍ତିଆ ଙ୍କୁ ଦେଇଥିବା ନୂଆଖାଇ ଉପହାର କୁ ଆଜିଵୀ ବଜାୟ ରଖିଛନ୍ତି ବର୍ତ୍ତମାନ ର ପଥର୍ଲା ଗୌନ୍ତିଆ ହିମାଂଶୁ ଶେଖର ମାଝୀ ।

ତେବେ ଭାଇଚାରା ଏବଂ ଭାତୃତ୍ୱ ର ସମ୍ପର୍କ କୁ ବଜାୟ ରଖିଥାଏ ଏହି ନୂଆଖାଇ। ସେହିପରି ପଶ୍ଚିମ ଓଡିଶା ର ମହାନ କୃଷି ଭିତ୍ତିକ ଗଣପର୍ବ ନୂଆଖାଇ କୁ ଆସନ୍ତା 28 ତାରିଖ ରେ ସମଗ୍ର ପଶ୍ଚିମ ଓଡିଶା ପାଳନ କରୁଥିବା ବେଳେ ସର୍ବ ପ୍ରଥମେ ନୂଆଖାଇ ପାଳନ କରି ନୂଆଖାଇ ପରମ୍ପରା ବଖାଣିଛନ୍ତ ପଥର୍ଲା ଗ୍ରାମବାସୀ ।

ଗୌନ୍ତିଆ ପରିବାର ସମେତ ପଥର୍ଲା, ପଲକାପଡ଼ା ଏବଂ ବହାଦୁରପଦର ଗ୍ରାମବାସୀ ପ୍ରମୁଖ ହସଖୁସିରେ ନିଜ ନିଜ ପରିବାର ସହିତ ନବାନ୍ନ ଭକ୍ଷଣ କରିଥିଲେ । ପରେ ଛୋଟମାନେ ବଡ଼ମାନଙ୍କୁ ମୁଣ୍ଡିଆ ମାରି ଆଶୀର୍ବାଦ ନେଇଥିଲେ । ଏହି ଅବସରରେ ଗାଁ ରେ ପଥର୍ଲା ଆଦିସ୍କନ୍ଧ ସମାଜ ତରଫରୁ ଏକ ସଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏଥିରେ ସଭାପତି କେଦାର ମାଝୀ, ସମ୍ପାଦକ ହିମାଂଶୁ ମାଝୀ, କୋଷାଧକ୍ଷ ଖୀରୋଦ ମାଝୀ, ଉମେଶ ମାଝୀ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
ଡମ୍ପର ପିଛା ୫୦୦୦ ଦିଅ ଆଉ ଗାଡି ନେଇ ଯାଅ!

କମର୍ଦ୍ଦା ପୋଲିସର ମନମାନୀ ASI ଗୋରୁଚର ବେହରା ଯିଏ ଡମ୍ପର ପିଛା ମାସକୁ ୫୦୦୦ଟଙ୍କା ଦେଉଛି ତା ଗାଡିକୁ ଛଡା ଯାଉଛି, ଯିଏ ନ ଦେଉଛି ତାକ ଗାଡିକୁ ଜବତ କରା ଯାଉଛି। କର୍ମଦ୍ଦା ପୋଲିସ ଓ ବାଲି ମାଫିଆଙ୍କ ଲୁଚକାଳି ଖେଳ,ଏଥିରେ ସାମିଲ ଅଛନ୍ତି ପ୍ରଶାସନର ବଡ଼ ବଡ଼ ବାବୁମାନେ। ଏଠି ପ୍ରଶ୍ନ ଉଠୁଛି କେମିତିକା ଶାସନ ଏ କଣ ଏମିତି ଚାଲିଛି କର୍ମଦ୍ଦାର ପୋଲିସ ବିଭାଗ। ପୋଲିସ ବିଭାଗର ରିମୋଟ କାହା ହାତରେ ଆଉ ତାକୁ ଧରିଛି କିଏ? ଚର୍ଚ୍ଚାରେ ଏବେ ପୋଲିସ ASI ଗୋରୁ ଚରଣ ବେହେରା।

ଓଡିଶାରୁ ପଶ୍ଚିମବଙ୍ଗକୁ ବାଲି ଚୋରା ଚାଲାଣ ବେଳେ ୪ଟି ବାଲି ବୋଝେଇ ଡମ୍ପର ଜବଦ କଲା ପୋଲିସ, ହେଲେ ଦିନ ରାତି ଶହଶହ ଡମ୍ପର ଓଡ଼ିଶାରୁ ପଶ୍ଚିମବଙ୍ଗକୁ ଚାଲାଣ ହେଉଛି ବାଲି କିନ୍ତୁ ଧରିବା ପାଇଁ ବିଫଳ ସାଜିଛି କର୍ମଦ୍ଦା ପୋଲିସ।ବାଲେଶ୍ବର ଜିଲ୍ଲା କମର୍ଦ୍ଦା ଛକ ନିକଟରେ ଟଙ୍କା ନ ଦେବାରୁ ଚୋରା ବାଲି ଡମ୍ପର ଜବଦ କରିଛି କମର୍ଦ୍ଦା ପୋଲିସ, ଚଢ଼ାଉ ସମୟରେ ଗାଡି ଡ୍ରାଇଭରକୁ ଧମକ ଦେବାରୁ ଡ୍ରାଇଭର ଫେରାର ହୋଇଯାଇଛି, ସୁବର୍ଣ୍ଣରେଖା ନଦୀରୁ ଏବେ ଲିଜ୍ ଧାରୀ ଖାଦାନରୁ ବାଲି ଉତ୍ତୋଳନ ବନ୍ଦ ଥିବା ବେଳେ ମାଫିଆ ମାନେ ନୌକା ସାହାଯ୍ୟରେ ବାଲି ଉତ୍ତୋଳନ କରି ପ୍ରତେକଦିନ ଶହ ଶହ ଟ୍ରିପ ବାଲି ପଶ୍ଚିମବଙ୍ଗକୁ ଚୋରା ଚାଲାଣ କରୁଛନ୍ତି I ହେଲେ ASI ବାବୁ ଟଙ୍କା ନେଇ ଚୁପ ବସିଛନ୍ତି ।

ସରକାର କୋଟି କୋଟି ଟଙ୍କାର ରାଜସ୍ବ ହରାଉ ଥିବାବେଳେ ମାଲେମାଲ ହେଉଛନ୍ତି ମାଫିଆ ଓ ପୋଲିସ। ପ୍ରାୟତଃ ରାତିରେ ଡମ୍ପରରେ ପଶ୍ଚିମବଙ୍ଗକୁ ଚୋରା ବାଲି ଚାଲାଣ ହେଉଥିବା କୌଣସି ସୂତ୍ରରୁ ଖବର ପାଇ କମର୍ଦ୍ଦା ପୋଲିସ ପକ୍ଷରୁ ଚଢଉ କରାଯାଇ ୪ଟି ବାଲି ବୋଝେଇ ଡମ୍ପର ଜବଦ କରାଯାଇଛି, ଅନ୍ୟପଟେ ବାକି ଗାଡ଼ିକୁ ଧରିବା ପାଇଁ କର୍ମଦ୍ଦା ପୋଲିସ ଘଣ୍ଟ ଘୋଡାଉଛି। କର୍ମଦ୍ଦା ଅଞ୍ଚଳରେ ଗଣତନ୍ତ୍ର ସମ୍ପୁର୍ଣ୍ଣ ଭାବେ ଭୁଷୁଡି ପଡିଛି। ରାଜ୍ୟରେ ଚାଲିଛି ଅଫିସର ଶାସନ । ପୋଲିସ ବାବୁଙ୍କ ଜାଣତରେ ଚାଲିଛି ବେଆଇନ ବାଲି ଚାଲାଣ ଯାହାକୁ ନେଇ ସାଧାରଣରେ ଉଠୁଛି ପ୍ରଶ୍ନ ।
ବେଟିଂ ମାମଲାରେ କଂଗ୍ରେସ ବିଧାୟକ ଗିରଫ

ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) କର୍ଣ୍ଣାଟକ କଂଗ୍ରେସ ବିଧାୟକ କେସି ବୀରେନ୍ଦ୍ରଙ୍କୁ ଗ୍ୟାଙ୍ଗଟକ୍‌ରୁ ଗିରଫ କରିଛି। ବେଆଇନ ଅନ୍‌ଲାଇନ ଏବଂ ଅଫ୍‌ଲାଇନ୍‌ ବେଟିଂ ମାମଲାରେ ଇଡି ବୀରେନ୍ଦ୍ରଙ୍କୁ ଗିରଫ କରିଛି । ବୀରେନ୍ଦ୍ରଙ୍କ ୩୦ଟି ଠିକଣାରେ ଇଡି ଚଢ଼ଉ କରି ନଗଦ ୧୨ କୋଟି ଟଙ୍କା ଏବଂ ୬ ‌କୋଟି ଟଙ୍କାର ସୁନା ଜବତ କରିଛି। ଏଥିସହ ୧୦ କିଲୋ ରୁପ‌ା ଏବଂ ୪ଟି ଗାଡ଼ି ମଧ୍ୟ ଜବତ ହୋଇଥିବା ଜଣାପଡ଼ିଛି। କେନ୍ଦ୍ରୀୟ ତଦନ୍ତକାରୀ ସଂସ୍ଥା ୧୭ଟି ବ୍ୟାଙ୍କ ଆକାଉଣ୍ଟ୍‌ ଏବଂ ୨ଟି ବ୍ୟାଙ୍କ ଲକର୍‌ ଅଚଳ କରିଦେଇଛି ।

ବୀରେନ୍ଦ୍ରଙ୍କ ଭାଇ କେସି ନାଗରାଜ ଏବଂ ତାଙ୍କ ପୁଅ ପୃଥ୍ବୀ ଏନ୍‌ ରାଜ୍‌ଙ୍କ ବାସଭବନରୁ ମଧ୍ୟ ଅନେକ ସମ୍ପତ୍ତି ଜବତ ହୋଇଛି । ବୀରେନ୍ଦ୍ରଙ୍କ ଅନ୍ୟ ସହ‌ଯୋଗୀ ତଥା ଭାଇ କେସି ଥିପ୍ପେସ୍ବାମୀ ଏବଂ ପୃଥ୍ବୀ ଏନ୍‌ ରାଜ୍‌ ଦୁବାଇରୁ ଅନ୍‌ଲାଇନ ଗେମିଙ୍ଗ ଅପରେସନ୍‌ ଚଳାଉଛନ୍ତି । ବିଧାୟକ ବୀରେନ୍ଦ୍ର ତାଙ୍କ ସହଯୋଗୀମାନଙ୍କ ସହ ସିକ୍କିମର ଗ୍ୟାଙ୍ଗଟକ୍‌ ଯାଇଥିଲେ ଯେଉଁଠାରେ କାସି ନୋ ପାଇଁ ସେ ଏକ ଜମି ଲିଜ୍‌ରେ ଦେଇଥିଲେ। ବୀରେନ୍ଦ୍ରଙ୍କୁ ଗିରଫ କରାଯାଇ ଗ୍ୟାଙ୍ଗଟକ୍‌ ଜୁଡିସିଆଲ ମାଜିଷ୍ଟ୍ରେଟ୍‌ଙ୍କ ନିକଟରେ ହାଜର କରାଯାଇଛି । ଅନ୍ୟପକ୍ଷେ ଗୋଆରେ ଇଡି ୫ଟି କ୍ୟାସିନୋରେ ସର୍ଚ୍ଚ ଅପରେସନ୍‌ ଚଳାଇଥିଲା। ଉକ୍ତ ୫ଟି ଯାକ କ୍ୟାସିନୋ ବିଧାୟକଙ୍କ ବିରୋଧରେ ମନି ଲଣ୍ଡରିଂ ମାମଲାର ଏକ ଅଂଶବିଶେଷ।
ଆଜିର ଯୁବ ପିଢିଙ୍କୁ କୁକୁରଙ୍କ ସହ ତୁଳନା କରି ବିବାଦରେ ଅନିରୁଦ୍ଧାଚାର୍ଯ୍ୟ!

ପୁଣି ବିବାଦ ଘେରରେ କଥାବାଚକ ଅନିରୁଦ୍ଧାଚାର୍ଯ୍ୟ… କହିଲେ ଲିଭଇନରେ ରୁହନ୍ତି କୁକୁର ବିଲେଇ …ଏ କଥାକୁ ନେଇ ତାତିଲେ ଲୋକେ .. ଦର୍ଶକବନ୍ଧୁ ବର୍ତ୍ତମାନ ଦେଶରେ ବୁଲା କୁକୁର ମାମଲା ବେଶ୍ ସରଗରମ ରହିଛି । ସୁପ୍ରିମକୋର୍ଟ ଏନେଇ ନିଜର ରାୟ ମଧ୍ୟ ପ୍ରକାଶ କରିଛନ୍ତି । ଆଉ ଏହାରି ଭିତରେ ପୁଣି ଚର୍ଚ୍ଚାକୁ ଆସିଛନ୍ତି ବୃନ୍ଦାବନର କଥାବାଚକ ଅନିରୁଦ୍ଧାଚାର୍ଯ୍ୟ । ପୂର୍ବରୁ ସେ ଝିଅମାନଙ୍କ ଉପରେ ଅଶ୍ଲୀଳ ମନ୍ତବ୍ୟ ଦେଇ ବିବାଦକୁ ଚାଲି ଆସିଥିଲେ । ବର୍ତ୍ତମାନ ସେ ଲିଭ୍ ଇନ୍ ରିଲେସନସିପ୍ ଏବଂ କୁକୁର-ବିଲେଇଙ୍କୁ ନେଇ ଏମିତି କିଛି କଥା କହିଛନ୍ତି ଯାହା ଉପରେ ସୋସିଆଲ୍ ମିଡିଆରେ ଏକପ୍ରକାର ଝଡ଼ ସୃଷ୍ଟି ହୋଇଛି । କିଛି ଲୋକ ଏହି ମନ୍ତବ୍ୟକୁ ଗ୍ରହଣ କରୁଥିବା ବେଳେ ଆଉ କିଛି ଲୋକ ଏହାକୁ ନିନ୍ଦା କରୁଛନ୍ତି ।

କଥାବାଚକ ନିଜ ଟିପ୍ପଣୀରେ କହିଥିଲେ ଯେ ଲିଭ୍ ଇନରେ କୁକୁର-ବିଲେଇ ରୁହନ୍ତି , ଆମ ଦେଶର କୁକୁର ହଜାର ହଜାର ବର୍ଷ ଧରି ଲିଭ୍ ଇନରେ ରହି ଆସୁଛନ୍ତି । ଯାହା କୁକୁର ସମାଜର ପରମ୍ପରା । ଏହି ଟିପ୍ପଣୀକୁ ଅନେକ ଯୁବପିଢ଼ି ଗ୍ରହଣ କରିବାକୁ ପ୍ରସ୍ତୁତ ନଥିବା ବେଳେ ବୟସ୍କ ସମାଜ ଏହାକୁ ଠିକ କଥା ବୋଲି କହିଛନ୍ତି । ନୋଏଡାର ଜଣେ ବ୍ୟକ୍ତି ବାବାଙ୍କର ଏହି ବୟାନକୁ ନିନ୍ଦା କରି କହିଛନ୍ତି ଯେ ଧର୍ମଗୁରୁମାନେ ଏଭଳି ବୟାନ ଦେବା ଅନୁଚିତ । ଏଭଳି ବୟାନ ଦ୍ବାରା ହିଁ ଯୁବସମାଜ ଧର୍ମକୁ ନେଇ ପ୍ରଶ୍ନ ଉଠାଇବା ଆରମ୍ଭ କରନ୍ତି । ଅନ୍ୟ ଜଣେ ବ୍ୟକ୍ତି ମଧ୍ୟ ଅନିରୁଦ୍ଧାଚାର୍ଯ୍ୟଙ୍କ ଏଭଳି ବୟାନ ଉପରେ ଟିପ୍ପଣୀ ଦେଇ କହିଛନ୍ତି ବାବା ଏପଟସେପଟ କଥା କହି ନିଜର ହିଁ ଅପମାନ କରାଉଛନ୍ତି । କହିବା ପୂର୍ବରୁ ଥରେ ଭାବିବା ଉଚିତ୍ ।

ଲିଭ୍ ଇନ୍ ରିଲେସନସିପକୁ ସୁପ୍ରିମକୋର୍ଟ ଯେଉଁଠି ସପୋର୍ଟ କରନ୍ତି କଥାବାଚକ ଏଭଳି ଟିପ୍ପଣୀ ଦେବା କ’ଣ ଠିକ୍ ? କୁକୁର-ବିଲେଇଙ୍କ ନାଁ ନେଇ ଏଭଳି ଟିପ୍ପଣୀ ଦେବା ଆଦୌ ଠିକ୍ ନୁହେଁ । ଧର୍ମଗୁରୁ ମର୍ଯ୍ୟାଦାର ଧ୍ୟାନ ଦିଅନ୍ତୁ । ହିନ୍ଦୁ ଧର୍ମର ସଂସ୍କାର ଓ ରୀତିନୀତି ହିସାବରେ ବିବାହ ପୂର୍ବରୁ ଝିଅ-ପୁଅ ଲିଭ୍ ଇନରେ ରହିଲେ ତାହା ଭୁଲ୍ । କିନ୍ତୁ ଏହା ସେମାନଙ୍କ ବ୍ୟକ୍ତିଗତ ମତ , ଏଥିରେ କାହାକୁ ଟିପ୍ପଣୀ କରିବାର ଆବଶ୍ୟକତା ନାହିଁ । କଥାବାଚକଙ୍କ ଉଦ୍ଦେଶ୍ୟ ତ ଠିକ୍ ଥିଲା କିନ୍ତୁ କହିବାର ତରିକା ଠିକ୍ ନଥିଲା ।
ଦିଲ୍ଲୀ-NCRରେ ବୁଲା କୁକୁରଙ୍କ ଉପରେ ଆଜି ‘ସର୍ବୋଚ୍ଚ’ ନିଷ୍ପତ୍ତି

ବୁଲା କୁକୁରଙ୍କୁ ହଟାଇବାକୁ ସୁପ୍ରିମକୋର୍ଟ ଯେଉଁ ନିର୍ଦେଶ ଦେଇଛନ୍ତି, ତାହାକୁ ନେଇ ଦ୍ବନ୍ଦ୍ବ ଉପୁଜିଛି। ଗୋଟିଏ ଖଣ୍ଡପୀଠ ବୁଲା କୁକୁରଙ୍କ ବନ୍ଧ୍ୟାକରଣ କରିବାକୁ ନିର୍ଦେଶ ଦେଇଥିବାବେଳେ ଅନ୍ୟ ଏକ ଖଣ୍ଡପୀଠ ବୁଲା କୁକୁରଙ୍କୁ ତୁରନ୍ତ ହଟାଇ ଆଶ୍ରୟସ୍ଥଳରେ ରଖିବାକୁ ନିର୍ଦେଶ ଦେଇଛନ୍ତି।

୨୦୨୪ରେ ସୁପ୍ରିମକୋର୍ଟରେ ବୁଲା କୁକୁରଙ୍କ ଦୌରାତ୍ମ୍ୟ ସମ୍ପର୍କିତ ମାମଲାର ଶୁଣାଣି କରାଯାଇଥିଲା। ବୁଲା କୁକୁରଙ୍କ ବନ୍ଧ୍ୟାକରଣ କାର୍ଯ୍ୟକୁ ତ୍ବରାନ୍ବିତ କରିବାକୁ ଜଷ୍ଟିସ ସଞ୍ଜୟ କାରୋଲ ଓ ଜଷ୍ଟିସ ଜେ.କେ.ମାହେଶ୍ବରୀଙ୍କୁ ନେଇ ଗଠିତ ଖଣ୍ଡପୀଠ ସେତେବେଳେ ରାୟ ଦେଇଥିଲେ।

ଆଜି ସୁପ୍ରିମକୋର୍ଟ ବୁଲା କୁକୁରମାନଙ୍କ ସମ୍ପର୍କରେ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଦେଇପାରନ୍ତି। ସୁପ୍ରିମକୋର୍ଟର ତିନି ଜଣ ବିଚାରପତିଙ୍କ ଖଣ୍ଡପୀଠ ସକାଳ 10:30 ରେ ନିଷ୍ପତ୍ତି ଦେବା ଆରମ୍ଭ କରିବେ। ଅଗଷ୍ଟ 14 ରେ, ତିନି ଜଣ ବିଚାରପତିଙ୍କ ଖଣ୍ଡପୀଠ ଶୁଣାଣି ପରେ ନିଷ୍ପତ୍ତି ସଂରକ୍ଷିତ ରଖିଥିଲେ। ସେଲଟର ହୋମରେ ବୁଲା କୁକୁରମାନଙ୍କୁ ରଖିବା ପାଇଁ ଡବଲ୍ ବେଞ୍ଚର ନିଷ୍ପତ୍ତି ଉପରେ କୌଣସି ପ୍ରକାରର ସ୍ଥଗିତାଦେଶ ଆବଶ୍ୟକ କି ନାହିଁ ତାହା ଆଜି ସୁପ୍ରିମକୋର୍ଟ ଖଣ୍ଡପୀଠ ନିଷ୍ପତ୍ତି ନେବେ।

ପୂର୍ବରୁ ସୁପ୍ରିମକୋର୍ଟର ଦୁଇ ଜଣିଆ ଖଣ୍ଡପୀଠ ବୁଲୁଥିବା କୁକୁରମାନଙ୍କୁ ଆଶ୍ରୟସ୍ଥଳୀକୁ ପଠାଇବା ପାଇଁ ନିଷ୍ପତ୍ତି ଦେଇଥିଲେ, ଯାହା ବିରୁଦ୍ଧରେ ଏକ ଆବେଦନ ପରେ ଏକ ତିନି ଜଣିଆ ଖଣ୍ଡପୀଠ ଗଠନ କରାଯାଇଥିଲା। ଏହି ଖଣ୍ଡପୀଠ ସମ୍ମୁଖରେ ବୁଲୁଥିବା କୁକୁରମାନଙ୍କୁ ଆଶ୍ରୟସ୍ଥଳୀରେ ରଖିବା ନିଷ୍ପତ୍ତି ଉପରେ ମଧ୍ୟବର୍ତ୍ତୀକାଳୀନ ସ୍ଥଗିତାଦେଶ ଲଗାଇବା ପାଇଁ ଦାବି କରାଯାଇଥିଲା, ଯାହା ଉପରେ କୋର୍ଟ ନିଷ୍ପତ୍ତି ସଂରକ୍ଷିତ ରଖିଥିଲେ।

ହେଲେ, ଆଜି ସୁପ୍ରିମକୋର୍ଟ ଏକ ମଧ୍ୟବର୍ତ୍ତୀକାଳୀନ ନିର୍ଦ୍ଦେଶ ଜାରି କରି ସ୍ପଷ୍ଟ କରିବେ ଯେ ବୁଲୁଥିବା କୁକୁରମାନଙ୍କୁ ଆଶ୍ରୟସ୍ଥଳୀରେ ରଖିବା ପାଇଁ ନିର୍ଦ୍ଦେଶ ଉପରେ କୌଣସି ପ୍ରକାରର ସ୍ଥଗିତାଦେଶ ଆବଶ୍ୟକ କି? ବିଚାରପତି ବିକ୍ରମ ନାଥ, ବିଚାରପତି ସନ୍ଦୀପ ମେହେଟ୍ଟା ଏବଂ ବିଚାରପତି ଏନଭି ଅଞ୍ଜାରିଆଙ୍କ ତିନି ଜଣିଆ ଖଣ୍ଡପୀଠ ଏହି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଦେବାକୁ ଯାଉଛନ୍ତି।
ପୋଖରୀରେ ବୁଡ଼ି ଯୁବକ ମୃତ୍ୟୁ

କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ଅଧୀନ ତାଳବନ୍ଧ ପୋଖରୀ କୁ ଗାଧୋଇବାକୁ ଯାଇ ପାଣି ରେ ବୁଡ଼ି ଯୁବକ ଜଣକ ଙ୍କ ମୃତ୍ୟୁ ହୋଇଛି |ଯୁବକ ଜଣକ ହେଲେ ଜୁନାଗଡ଼ ସହର ସ୍ଥିତ ତାଳବନ୍ଧ ପଡା ର କୋଟି ମହାଳିକ | ଜୁନାଗଡ଼ ପୋଲିସ ଘଟଣା ସ୍ଥଳ କୁ ଯାଇ ଶବ ଉଦ୍ଧାର କରିବା ସହ , ଶବ ବ୍ୟବଚ୍ଛେଦ ପାଇଁ ଜୁନାଗଡ଼ ଗୋଷ୍ଠୀ ସ୍ୱାସ୍ୟ କେନ୍ଦ୍ର କୁ ପଠେଇ ଘଟଣା ର ଅଧିକ ତଦନ୍ତ ଚଳାଇଛି ।
୫୫ ଲକ୍ଷ ଟଙ୍କା ବ୍ୟୟ ବରାଦରେ ନୂତନ ଶ୍ରେଣୀଗୃହ ନିର୍ମାଣ

ପାରାଦୀପ ଗଡ ପଞ୍ଚାୟତରେ ଥିବା ଶ୍ରୀମା ସରକାରୀ ଉଚ୍ଚ ବିଦ୍ୟାଳୟର ନୂତନ ଶ୍ରେଣୀ ଗୃହ ଉଦଘାଟିତ ହୋଇଯାଇଛି । ଉନ୍ନତ ମାନର ଶିକ୍ଷା ପ୍ରଦାନ ପାଇଁ ପାରାଦୀପ ଗଡରେ ଶ୍ରେଣୀ ଗୃହର ଆବଶ୍ୟକ‌ତା ରହିଥିଲା । ଏହାକୁ ଦୃଷ୍ଟିରେ ରଖି ସିଏସଆର ଫଣ୍ଡ୍ ମାଧ୍ୟମରେ ପାଖାପାଖି ୫୫ ଲକ୍ଷ ଟଙ୍କା ବ୍ୟୟ ବରାଦରେ ନୂତନ କରି ଶ୍ରେଣୀଗୃହ ନିର୍ମାଣ କରିଛନ୍ତି ଇଣ୍ଡିଆନ ଅଏଲ ଆଦାନୀ ଭେନଚର୍ । କେବଳ ନୂତନ ଶ୍ରେଣୀ ଗୃହ ନୁହେଁ ପୂର୍ବରୁ ଏହି ଶ୍ରୀମା ସରକାରୀ ଉଚ୍ଚ ବିଦ୍ୟାଳୟରେ ଛାତ୍ର, ଛାତ୍ରୀମାନଙ୍କ ପାଇଁ ଆଦାନୀ ଭେନଚର୍ ପକ୍ଷରୁ ପରିଶ୍ରାଗାର ସହିତ ପାଚେରୀ କାର୍ଯ୍ୟ ମଧ୍ୟ କରାଯାଇଥିଲା ।

ଇଣ୍ଡିଆନ ଅଏଲ ଆଦାନୀ ଭେନଚର୍ ର ସିଏସଆର ର ଏକ ସ୍ବତନ୍ତ୍ର ଟିମ ଶ୍ରୀମା ବିଦ୍ୟାଳୟକୁ ଆସି ଶିକ୍ଷା କୁ ଆଗକୁ ନେବା ପାଇଁ ଯାହା ଯାହା ଆବଶ୍ୟକ ତାହାର ଅନୁଧ୍ୟାନ କରିବା ପରେ ନୂତନ କରି ଶ୍ରେଣୀ ଗୃହର ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା । ତେବେ ବିଦ୍ୟାଳୟର ନିର୍ମାଣ କାର୍ଯ୍ୟ ସରିବା ପରେ ଶ୍ରେଣୀଗୃହକୁ ହସ୍ତାନ୍ତର କରିବା ଅବସରରେ ଏକ ସଭାକାର୍ଯ୍ୟ ଅନୁଷ୍ଠିତ ହୋଇଥିଲା ।

ଏହି କାର୍ଯ୍ୟକ୍ରମରେ ପାରାଦୀପ ଗଡ ପଂଚାୟତର ସରପଞ୍ଚ ଙ୍କ ସମେତ ଇଣ୍ଡିଆନ ଅଏଲ ଆଦାନୀ ଭେନଚର ର ଅଧିକାରୀ ମାନେ ଯୋଗ ଦେଇ ଶ୍ରେଣୀଗୃହକୁ ସ୍କୁଲ କୁ ହସ୍ତାନ୍ତର କରିଥିଲେ । ଆଗାମୀ ଦିନରେ ଏହି ସଂସ୍ଥା ବିଦ୍ୟାର୍ଥୀ ମାନଙ୍କ ପାଇଁ ଏବଂ ସମାଜ ପାଇଁ ଯାହା ଆବଶ୍ୟକ ତାହା କରିବ ବୋଲି ଇଣ୍ଡିଆନ ଅଏଲ ଆଦାନୀ ଭେନଚର ପକ୍ଷରୁ କୁହାଯାଇଛି ।