Author: suchanatv24x7

ସାମୁହିକ ଭାବେ ନୂଆଖାଇ ପାଲିଲେ କୁଳିଆମାଳ ସାହୁ ପରିବାର

ପଶ୍ଚିମ ଓଡିଶା ର କୃଷି ଭିତ୍ତିକ ମୁଖ୍ୟ ଗଣପର୍ବ ହେଉଛି ନୂଆଖାଇ |ଯାହା ଆଜି ସମଗ୍ର ପଶ୍ଚିମ ଓଡିଶା ନୂଆଖାଇ ପର୍ବ କୁ ପାଳନ କରୁଛନ୍ତି |ଏହି ପର୍ବ ସହର ଠାରୁ ପୂରପଲ୍ଲୀ ପର୍ଯ୍ୟନ୍ତ ହର୍ଷ ଉଲ୍ଲାସ ରେ ଭାଦ୍ରବ ମାସ ଶୁକ୍ଳ ପକ୍ଷ ପଞ୍ଚମୀ ତିଥିରେ ପୂର୍ବ ପରମ୍ପରା ଅନୁସାରେ ପୂର୍ବ ପୁରୁଷ ମାନେ ନିଜର ପ୍ରଥମ ଉତ୍ପାଦନ ଶସ୍ୟ କୁ ନିଜର ଇଷ୍ଟ ଦେଵୀ ପାଖେ ଭୋଗ ଲଗାଇବା ସହ ନବାନ୍ନ ଭକ୍ଷଣ କରିବା କାହିଁ କେଉଁ ଯୁଗରୁ ଏହି ପ୍ରଥା ଚାଲିଆସୁଅଛି |ଏହି ଅବସରରେ କଳାହାଣ୍ଡି ଜିଲ୍ଲା ଭବାନୀପାଟଣା ସଦର ଅଧୀନ କୁଳିଆମାଲ ଗାଁ ର ସାହୁ ପରିବାର ମଧ୍ୟ ପ୍ରତିବର୍ଷ ଭଳି ଚଳିତ ନୂଆଖାଇ ରେ ମଧ୍ୟ ନିଜର ପୂର୍ବ ପୁରୁଷ ଙ୍କ ଦ୍ୱାରା ପ୍ରଚଳିତ ପରମ୍ପରା ଅନୁଯାଇ ଏହି ବର୍ଷ ପାରିବର ୪୯ ଜଣ ସାମୁହିକ ଭାବେ ନୂଆଖାଇ ପାଳନ କରି ନିଜର ଭାତୃତ୍ବ ଏବଂ ଭାଇଚାରା ର ସମ୍ପର୍କ କୁ ନିବିଡ଼ କରିଥିଲେ | ଏବଂ କୁଳିଆମାଳ ଗାଁ ର ସାହୁ ପଶ୍ଚିମ ଓଡିଶା ର ମହାନ କୃଷି ଭିତ୍ତିକ ଗଣପର୍ବ ନୂଆଖାଇ କୁ ସ୍ୱପରିବାର ମିଶି ବେଶ ଆନନ୍ଦ ଉଲ୍ଲାସ ରେ ପାଳନ କରିଥିଲେ |

ସର୍ବ ପ୍ରଥମେ ପରିବାର ମୁଖିଆ ଙ୍କ ନେତୃତ୍ୱ ରେ ଘର ର ଅନ୍ୟ ବୟଜ୍ୟୋଷ୍ଠ ଏକତ୍ରିତ ହୋଇ ଘର ଇଷ୍ଟ ଦେବଦେବୀ ଙ୍କୁ ପୂଜାର୍ଚ୍ଚନା କରିଥିଲେ |ଶେଷ ରେ ପରିବାର ମୁଖିଆ ସମସ୍ତ ଙ୍କୁ ନବାନ୍ନ ଖାଇବା କୁ ପାଛୋଟି ଥିଲେ |ନୂଆଖାଇ ବା ନବାନ୍ନ ଭକ୍ଷଣ ପରେ ଆରମ୍ବ ହେଲା ନୂଆଖାଇ ଜୁହାର ଭେଟଘାଟ ଯାହା ସମସ୍ତେ ନୂତନ ବସ୍ତ୍ର ପରିଧାନ ପରେ ଛୋଟ ମାନେ ପରିବାର ବଡ ଲୋକଙ୍କୁ ମୁଣ୍ଡିଆ ମାରି ଆଶ୍ରିବାଦ ଲାଭ କରିଥିଲେ | ଏହି ଅବସରରେ ପରିବାର ଯୁବକ ଯୁବତୀ ମହିଳା ପ୍ରମୁଖ ନୂଆଖାଇ ର ମଜା କୁ ସଂସ୍କୃତିକ କାର୍ଯ୍ୟକ୍ରମ ରେ ଭରପୁର ଉପଭୋଗ କରିଥିଲେ | ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ବେଶ ଉତ୍ସାହ ଆନନ୍ଦ ଏବଂ ଭାଇଚାରା ର ସମ୍ପର୍କ କୁ ବଜାଇ ରଖିଲୁ ବୋଲି ସାହୁ ପରିବାର ଛୋଟ ରୁ ବଡ଼ ବେଶ ଉତ୍ସଵ ମୁଖଥିଲେ |
ମହାସିନ୍ଧୁ ଗ୍ରାମରେ ଆରମ୍ଭ ହେଲା ସାପ୍ତାହିକ ବଜାର

ରିଆମାଳ ବ୍ଳକ ଅନ୍ତର୍ଗତ ନୂଆଡିହ ପଞ୍ଚାୟତ ଅନ୍ତର୍ଗତ ମହାସିନ୍ଧୁ ଗ୍ରାମରେ ଆଜି ଠାରୁ ସାପ୍ତାହିକ ବଜାର ଆରମ୍ଭ ହୋଇଯାଇଛି |

ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବରେ ଗୁଣ୍ଡିଆପାଲି ପଞ୍ଚାୟତ ସରପଞ୍ଚ ପ୍ରକାଶ କୁମାର ଆଚାର୍ଯ୍ୟ ଓ ନୂଆଡିହ ଗ୍ରାମ ପଞ୍ଚାୟତର ସରପଞ୍ଚ ମୋତିମାଳା ମହାକୁଳ , ଓ କୋଲ୍ହବସା ପଞ୍ଚାୟତର ସରପଞ୍ଚ ଶ୍ରୀମତୀ ସୁଶ୍ରୀ ସଂଗୀତା ସାହୁ ତାଙ୍କ ସହିତ ନୂଆଡିହ ପଞ୍ଚାୟତ ର ନାଏବ ସରପଞ୍ଚ ବିଷ୍ଣୁ ଚରଣ ଦେହୁରୀ, ବୁଦ୍ଧିଜିବୀ ମନମୋହନ ମହାକୁଳ ଗ୍ରାମ ର ଦେବାଧୀ ସାହୁ ରହି ଉଦଘାଟନ କରିଥିଲେ |

ଏହି ବଜାରଟି ପ୍ରତ୍ୟେକ ଗୁରୁବାର ସକାଳ ସମୟରେ ଆରମ୍ଭ ହେବା ପାଇଁ ସ୍ଥିରୀକୃତ ହୋଇଛି |ଏହି ବଜାର ପାଇଁ ମହାସିନ୍ଧୁ,ବନାକାଲ,ତଥା ନିକଟରେ ଥିବା ଗ୍ରାମ ର ଲୋକ ମାନେ ସୁବିଧା ପାଇପାରିବେ |
ଗଣେଷ ପୂଜା ପାଇଁ ଚଳଚଞ୍ଚଳ ବନ୍ଦର ନଗରୀ ପାରାଦୀପ

ଆରମ୍ଭ ହୋଇଛି ପାର୍ବଣ ଋତୁ । ସର୍ବାଗ୍ରେ ପୂଜା ପାଉଛନ୍ତି ବିଘ୍ନରାଜ ଗଣେଷ । ଗଣେଷ ପୂଜାକୁ ନେଇ ଚଳ ଚଞ୍ଚଳ ବନ୍ଦର ନଗରୀ ପାରାଦୀପ। ପାରାଦୀପରେ ପାଖାପାଖି ୪୦ ରୁ ଉର୍ଦ୍ଧ୍ବ ପୂଜା ମଣ୍ଡପରେ ପୂଜା ପାଉଛନ୍ତି ବିଘ୍ନରାଜ ଗଣେଷ। ସେହିପରି ବିଭିନ୍ନ ସ୍କୁଲ ମାନଙ୍କରେ ପୂଜା ପାଉଛନ୍ତି ବାବା ଗଣେଷ। ସକାଳୁ ସକାଳୁ ଛାତ୍ର,ଛାତ୍ରୀମାନେ ନୂତନ ପୋଷାକ ପରିଧ୍ୟାନ କରି ହାତରେ ଭୋଗସାମଗ୍ରୀ ଧରି ସ୍କୁଲରେ ପହଞ୍ଚିବା ପରେ ଆରମ୍ଭ ହୋଇଥିଲା ବାବା ଗଜାନନଙ୍କ ପୂଜା।

ବ୍ରାହ୍ମଣଙ୍କ ମନ୍ତ୍ର ଧ୍ୱନିରେ ଆବାହନ କରାଯାଇଥିଲା ବାବା ଗଜାନନଙ୍କୁ। ହୋମ ଯଜ୍ଞରେ ପ୍ରକମ୍ପତ ହୋଇଥିଲା ପୂଜା ସ୍ଥାନ। ଛାତ୍ର,ଛାତ୍ରୀମାନେ ପୁଷ୍ପାଜଂଳି ଦେବା ସହିତ ନଡିଆ ଭାଙ୍ଗି ଗଜାନନଙ୍କ ସାନିଧ୍ୟ ଲାଭ କରିଥିଲେ। ଶେଷରେ ନିଜର ମନଷ୍କାମନା, ପରିବାରର ମଙ୍ଗଳ ଓ ସମାଜର ମଙ୍ଗଳ ପାଇଁ ବିଘ୍ନରାଜ ଗଣେଷଙ୍କ ନିକଟରେ ଆଳତି କରିବା ସହିତ ପ୍ରଣାମ କରିଥିଲେ ।
ବାଲୁକା ଚିତ୍ରକଳାରେ ପ୍ରଧାନମନ୍ତ୍ରୀ ଙ୍କ ବାର୍ତ୍ତା ‘ଆତ୍ମ ନିର୍ଭର ଭାରତ ‘

ପ୍ରଭୁ ଗଜାନନ ଙ୍କ ପୂଜା ତଥା ଗଣେଶ ପୂଜା କୁ ନେଇ ସାରା ଦେଶ ଏବେ ଉତ୍ସବ ମୁଖର । ସବୁଆଡ଼େ ଗଣେଶ ପୂଜା କୁ ଧୁମ୍ ଧାମ ରେ ପାଳନ ପାଇଁ ହୋଇଚି ବ୍ୟାପକ ପ୍ରସ୍ତୁତି । ତେବେ ଏହି ଅବସର ରେ ଗଣେଶ ପୂଜା ର ଅଭିନନ୍ଦନ ବାଲୁକା ଚିତ୍ରକଳା ମାଧ୍ୟମ ରେ ଦେଇଛନ୍ତି ବିଶିଷ୍ଟ ବାଲୁକା ଚିତ୍ର ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ।

ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଏକ ନିଆରା ବାଲୁକା ଚିତ୍ରକଳା ନିର୍ମାଣ କରିଛନ୍ତି ସୁଦର୍ଶନ । ବାଲିରେ ଲେମନ୍ ଗଣେଶ ମୂର୍ତି ସେ ନିର୍ମାଣ କରିଛନ୍ତି । ଦେଢ଼ ହଜାର (୧୫୦୦) ଲେମ୍ବୁ କୁ ଏହି ବାଲୁକା ଚିତ୍ରକଳା ରେ ସ୍ଥାପନ କରାଯାଇଛି। ଯାହାକି ବେଶ୍ ଆକର୍ଷଣୀୟ ହୋଇଛି। ତେବେ ଏହି ବାଲୁକା ଚିତ୍ରକଳା ମାଧ୍ୟମ ରେ ପ୍ରଧାନମନ୍ତ୍ରୀ ଙ୍କ ବାର୍ତ୍ତା ‘ଆତ୍ମ ନିର୍ଭର ଭାରତ ‘ ର ବାର୍ତ୍ତା ରହିଛି ।
କିଏ ମାଡି ବସିଲା ରାହୁଲଙ୍କୁ!

ଭିଡରୁ ଦୈଡି ଆସିଲା ରାହୁଲ ପ୍ରେମି … କିଛି କହିବା … ବୁଝିବା ଆଗରୁ ମାଡି ବସିଲା ଉପରେ ଆଉ ତା ପରେ କିସ୍ କରିବାକୁ ଚେଷ୍ଟା ….ଚାଲିଥିଲା ବାଇକ ରାଲି। ହେଲମେଟ ପିନ୍ଧି ବୁଲେଟ୍‌ ଚଲାଉଥିଲେ ରାହୁଲ ଗାନ୍ଧୀ। ପଛରେ ବସିଥିଲେ କଂଗ୍ରେସର ପ୍ରଦେଶ ଅଧ୍ୟକ୍ଷ ରାଜେଶ ରାମ । ଆଉ ସାଙ୍ଗରେ ଥିଲେ ସୁରକ୍ଷା କର୍ମୀ । ବିଭିନ୍ନ ନାରାରେ କମ୍ପୁଥିଲା ପୂରା ରାସ୍ତାଘାଟ। ହଜାର ହଜାର ଲୋକଙ୍କ ଭିଡ଼ ଭିତରେ ଅଧିକାର ଯାତ୍ରା କରୁଥିଲେ କଂଗ୍ରେସର ଯୁବରାଜ । ଏତିକି ବେଳେ ହଠାତ ଜଣେ ଯୁବକ ଗହଳି ଭିତରୁ ମାଡି ଆସିଥିଲେ। ଆଉ ରାହୁଲଙ୍କୁ କିସ୍‌ କରିବାକୁ ଚେଷ୍ଟା କରିଥିଲେ। ନାଲି ସାର୍ଟ ପିନ୍ଧିଥିବା ଜଣେ ଯୁବକ ଗହଳିରୁ ବାହାରି ଆସି ରାହୁଲଙ୍କ ନିକଟରେ ପହଞ୍ଚିଥିଲେ । ଆଉ ରାହୁଲଙ୍କୁ ଚୁମ୍ବନ ଦେବାକୁ ଟ୍ରାଏ କରିଥିଲେ । କିନ୍ତୁ ତା ପୂର୍ବରୁ ମାଡ଼ି ବସିଥିଲେ ସୁରକ୍ଷାକର୍ମୀ ।

ବିହାରରେ ଭୋଟର୍‌ ଅଧିକାର ଯାତ୍ରା ସମୟରେ ପ୍ରଥମ ଥର ପାଇଁ ପୂର୍ଣ୍ଣିଆରେ ରାହୁଲ ଗାନ୍ଧୀ ଏବଂ ତେଜସ୍ୱୀ ଯାଦବ ବୁଲେଟ ଚଢ଼ିଥିଲେ। ଉଭୟ ନେତା ପ୍ରାୟ ୨୦ କିଲୋମିଟର ଦୂର ବାଇକରେ ଅତିକ୍ରମ କରିଥିଲେ। ଏହି ସମୟରେ ସୁରକ୍ଷା କର୍ମୀଙ୍କ ପାଇଁ ନେତାଙ୍କ ସୁରକ୍ଷା ଥିଲା ଏକ ବଡ଼ ଚ୍ୟାଲେଞ୍ଜ। ଆଉ ସୁରକ୍ଷାରେ ତ୍ରୁଟି ମଧ୍ୟ ଘଟିଥିଲା । ସୁରକ୍ଷା ବଳୟ ଭେଦ କରି ଜଣେ ଯୁବକ ଲାଇନବଜାର ନିକଟରେ ରାହୁଲ ଗାନ୍ଧୀଙ୍କ ନିକଟରେ ପହଞ୍ଚି ତାଙ୍କୁ କୁଣ୍ଢେଇ ପକାଇବା ସହ କିସ୍ କରିବାକୁ ଚେଷ୍ଟା କରିଥିଲେ । ହେଲେ ଅଳ୍ପକେ ବର୍ତ୍ତି ଯାଇଥିଲେ ରାହୁଲ । ଏହା ପରେ ସୁରକ୍ଷା କର୍ମୀମାନେ ତୁରନ୍ତ ତାଙ୍କୁ ଟାଣି ଚାପୁଡ଼ା ମାରିବା ସହ ସେଠାରୁ ଦୂରକୁ ନେଇ ଯାଇଥିଲେ। ପୋଲିସକୁ ହସ୍ତାନ୍ତର କରିଥିଲେ । ଏହି ଘଟଣା ପରେ ରାହୁଲଙ୍କ ଗାଡି କିଛି ସମୟ ପାଇଁ ଅଟକି ଯାଇଥିଲା। ତେବେ ରାହୁଲଙ୍କୁ କିସ୍‌ କରୁଥିବା ଚେଷ୍ଟା କରୁଥିବା ଯୁବକ ଜଣକ କିଏ? ସେ ନେଇ କୌଣସି ସ୍ପଷ୍ଟ ସୂଚନା ମିଳିନାହିଁ । ଏହି ପୂରା ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
ପଲ୍ଲୀ ଠୁ ଦିଲ୍ଲୀ ଚର୍ଚ୍ଚାରେ, ପୁଣି ଫେରିବ ବିଜେଡି

ହଜିଯିବେ ପାଣ୍ଡିଆନ , ପୁଣି ଫେରିବ ବିଜେଡି , ନୂଆ ନୂଆ ରଣନୀତି ନେଇ ଏବେ ବିଜେଡି ଦଳକୁ ସଜାଡୁଥିବା କଥା ଚର୍ଚା ହେଲାଣି | ସାଧାରଣ ନିର୍ବାଚନ ପୂର୍ବରୁ ଭୈରବ ବାବୁଙ୍କର ଯେଉଁ ଭଳି ପତିଆରା ରହିଥିଲା ତାହା ଏବେ ଆଉ ଦେଖିବାକୁ ମିଳିବନି , କାରଣ ତାଙ୍କୁ ସହଯୋଗ କରୁଥିବା ଲୋକଙ୍କୁ ଏବେ ନିଜେ ବାବୁ ଟାର୍ଗେଟ କରିଛନ୍ତି ଆଉ ବାବୁଙ୍କ ଉପରେ ଏବେ ଦଳୀୟ ନେତାଙ୍କର କୋପ ଦୃଷ୍ଟି ପଡିଛି , ଯେଉଁଥିପାଇଁ ବାବୁଙ୍କୁ ନେଇ ପଲ୍ଲୀ ଠାରୁ ଦିଲ୍ଲୀ ସବୁ ଆଡେ ଚର୍ଚା , ଆଉ ଆଲୋଚନା , …ପାଣ୍ଡିଆନ ଙ୍କୁ ନେଇ ଦଳର ବଡ଼ ବଡ଼ ନେତା ନିଜର ମନର କଥା କୁ ସିଧା ସିଧା ନକହି ପରୋକ୍ଷରେ କହିଛନ୍ତି , ଯାହା ଏବେ ପାଣ୍ଡିଆନ ଗଡକୁ ଭାଙ୍ଗିଦେବା ବୋଲି କୁହାଯାଉଛି | କେବଳ ସେତିକି ନୁହେଁ ବାବୁ ପାଣ୍ଡିଆନ ଙ୍କ ପତ୍ନୀ ସୁଜାତା ପାଣ୍ଡିଆନ ବି ଏହି ରେସରେ ପଛରେ ନାହାନ୍ତି , ଏକଥା ଆମେ ନୁହେଁ ବରଂ ଦଳର କିଛି ନେତା ପାଣ୍ଡିଆନ ଙ୍କ ଆଗରେ ବସି ଟିଉସନ ହେଉଥିବା କଥା ସାମାଜିକ ଗଣମାଧ୍ୟମରେ ଘୁରି ବୁଲୁଚି | ଦଳରେ ଦିନେ ସର୍ବେସର୍ବା ଦେଖାଉଥିବା ନେତାଙ୍କ ହାଲତ ଏବେ ସୁଧୁରିବ ବୋଲି କୁହାଯାଉଛି , କାରଣ ବଡ଼ ବାବୁଙ୍କୁ ନେଇ ଅନେକ ନେତାଙ୍କ ଆଭିମୁଖ୍ୟ ଠିକ ନଥିବା ବେଳେ ଏବେ ଦଳରୁ ତାଙ୍କୁ ବିଦା କରାଯିବା ନେଇ କୁଆଡେ ଆଲୋଚନା ହେଉଛି | ହେଲେ ଦଳରେ ନଥାଇ ବି ନିଜର ପାୱାର ସୋ କରୁଥିବା ପାଣ୍ଡିଆନଙ୍କୁ ଏବେ ଚେକ ଦେବାକୁ କିଏ କିଏ ଆଗକୁ ଆସିବ …ଦେବାଶିଷ, ରଣେନ୍ଦ୍ର ପରି ଆଉ କେଉଁ ନେତା ଏବେ ସେମାନଙ୍କ ସ୍ୱରରେ ସ୍ୱର ମିଳାଇ ଆଗକୁ ବିଜେଡି ସୁଧାରିବାକୁ ଅଂଟା ଭିଡ଼ିବେ ତାରୀ ଉପରେ ସମସ୍ତଙ୍କ ନଜର |

ଦୀର୍ଘ ୨୫ ବର୍ଷ ଧରି ରାଜ୍ୟରେ ନିଜର ଜଲବା ଦେଖାଇଥିବା ବିଜେଡି ଦଳର ସ୍ୱାଭିମାନ ପାଇଁ ଦଳ ସବୁ ପ୍ରକାର ତାଆରି କରିବାକୁ ପ୍ରସ୍ତୁତ ବୋଲି କୁହାଯାଉଛି , ଆଉ ଏହି ସମୟରେ ଦଳର ଅନେକ ବଡ଼ ବଡ଼ ନେତା ଦଳକୁ ଆଗକୁ ନେବା ପାଇଁ ଅଂଟା ଭିଡୁଛନ୍ତି , ଯାହାକୁ ନେଇ ଏବେ ନୂଆ ରଣନୀତି ପ୍ରସ୍ତୁତ କରି ଦଳରୁ ଦଳୀୟ କନ୍ଦଳ ହଟାଇବାକୁ ପ୍ରଚେଷ୍ଟା ଆରମ୍ଭ ହୋଇଛି | ପଂଚାୟତ ନିର୍ବାଚନ ପୂର୍ବରୁ ଦଳର ସ୍ତିତିକୁ ମଝବୁତ କରିବା ନେଇ ଏବେ ଗାଁ ଠୁ ସହର ସବୁଠି କାମ ଆରମ୍ଭ ହୋଇଥିବା ଦେଖିବାକୁ ମିଳିଛି | ଦଳୀୟ ନେତା ଏବେ ଗାଁ କୁ ଯାଇ ନିଜ ଗଡ଼ ସଜାଡ଼ିବାକୁ ସଜବାଜ ହେଉଥିବା କଥା ଚର୍ଚା ହେଲାଣି | ଦଳୀୟ ଦାୟିତ୍ୱ ନେଇଥିବା ଦେବୀ ମିଶ୍ରଙ୍କ ଭଳି ବଡ଼ ବଡ଼ ନେତା ଏବେ ପଂଚାୟତ ନିର୍ବାଚନ ପାଇଁ ଦକ୍ଷ ପ୍ରାର୍ଥୀ ଦେଇ ଦଳକୁ ଆଉ ଠାରେ ଠିଆ କରିବାକୁ ପ୍ରସ୍ତୁତି ଚଳାଇଥିବା ଆଲୋଚନା ହେଉଛିପୁଣି ଫେରିବ ବିଜେଡି ତେବେ ଦଳ ୨୪ ନିର୍ବାଚନ ଫଳାଫଳକୁ ଦେଖି କଣ କାର୍ଯ୍ୟପନ୍ଥା ହାତକୁ ନେଉଛି ତାହା ଦେଖିବାକୁ ବାକି ରହିଲା |
ବଳ ସାଉଁଟାଉଛି ଚାନ୍ଦବାଲି କଂଗ୍ରେସ

ଚାନ୍ଦବାଲିରେ ବଳ ଗୋଟାଉଛି କଂଗ୍ରେସ । ଜଳେଶ୍ଵରପୁର ଠାରେ କଂଗ୍ରେସର ସଭାପତି ଓ ଯୁବ ସଭାପତି ଚୟନ ଏବଂ ମିଶ୍ରଣ ପର୍ବ ଅନୁଷ୍ଠିତ ଭଦ୍ରକ ଜିଲ୍ଲା ଚାନ୍ଦବାଲି ନିର୍ବାଚନ ମଣ୍ଡଳୀରେ ବଳଗୋଟାଉଛି କଂଗ୍ରେସ, ଜଳେଶ୍ଵର ପୁର ଗ୍ରାମ ପଞ୍ଚାୟତ ରେ କଂଗ୍ରେସ ର ନୂତନ ସଭାପତି ଓ ଯୁବ ସଭାପତି ଚୟନ ଏବଂ ମିଶ୍ରଣ ପର୍ବ କାର୍ଯ୍ୟ କ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମ ରେ ମୁଖ୍ୟ ଆଭିମୁଖ୍ୟ ଆଗାମୀ ପଞ୍ଚାୟତ ନିର୍ବାଚନରେ କିଭଳି ବିଜେଡି ଓ ବିଜେପି ଦୁଇ ରାଜନୈତିକ ଦଳ କୁ ଜଳେଶ୍ଵର ପୁର ଗ୍ରାମ ପଞ୍ଚାୟତ ରେ ପଛକୁ ପକାଇ କଂଗ୍ରେସ କିପରି ସଂଗଠନ କରିବ ତାହା ବିଷୟରେ ଆଲୋଚନା ହୋଇଥିଲା । ନୂତନ ସଭାପତି ଓ ଯୁବ ସଭାପତିଙ୍କୁ ଉକ୍ତ ଗ୍ରାମପଞ୍ଚାୟତରେ ଗୁରୁଦାୟିତ୍ଵ ଦିଆଯିବା ସହିତ ଆଗାମୀ ଦିନରେ ଦଳକୁ ସୁଦୃଢ କରିବା ପାଇଁ ଗୁରୁମନ୍ତ୍ର ଦେଇଛନ୍ତି ଆଗଧାଡିର ପୁରୁଖା ନେତାମାନେ ।

ସଭାପତି ହିମାଂଶୁ ନାୟକ ଓ ଯୁବ ସଭାପତି ରତିକାନ୍ତ ପାତ୍ର ଙ୍କ ନେତୃତ୍ବରେ ୩୦ରୁ ଉର୍ଦ୍ଧ ପରିବାର ଅନ୍ୟ ରାଜନୈତିକ ଦଳ ପରିତ୍ୟାଗ କରି ବିଧିବଦ୍ଧ ଭାବେ ଦଳରେ ସାମିଲ ହୋଇଛନ୍ତି । ଉକ୍ତ କାର୍ଯ୍ୟକ୍ରମରେ ବରିଷ୍ଠ ନେତା ଦିଗ ଦାସ, ନିର୍ବାଚନ ମଣ୍ଡଳୀ ନେତା ଅମିୟ ମହାପାତ୍ର, ଚାନ୍ଦବାଲି ନିର୍ବାଚନ ମଣ୍ଡଳୀ ର ଯୁବନେତା ସତ୍ୟାନନ୍ଦ ରାଉତ, ଦୁଇ ନମ୍ବର ଜୋନ୍ ର ଜିଲ୍ଲା ପରିଷଦ ପ୍ରାର୍ଥୀ ଦୀପକ ଭୋଇ, ଜଳେଶ୍ଵର ପୁର ସମବାୟ ସମିତି ର ସଭାପତି ସୁଦର୍ଶନ ମାହୁନ୍ତ,ଆଶିଷ କୁମାର ମାହୁନ୍ତ ପ୍ରମୁଖ ଉପସ୍ଥିତ ରହି ନବାଗତ ମାନଙ୍କୁ ଦଳୀୟ ଉତରିୟ ଦେଇ ଦଳକୁ ସ୍ବାଗତ ଜଣାଇଥିଲେ ।
ଡ୍ୟାମରୁ ମିଳିଲା ମୃତଦେହ

ରାୟଗଡ଼ା ଜିଲ୍ଲା ବିଷମକଟକ ଥାନା ଅନ୍ତର୍ଗତ ଦୁର୍ଗୀ ପଞ୍ଚାୟତ ର କଣ୍ତମପଦର ଡ଼୍ୟାମରେ ମୃତ ଶବ ଭାସୁଥିବା ଦେଖିବାକୁ ମିଳିଥିଲା । ଆଜି ଭାଲେରି ସୋମବାର ହାଟକୁ ଯିବା ସମୟରେ ମୃତ ଶବ ଡ଼୍ୟାମରେ ଭାସୁଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଏନେଇ ସଙ୍ଗେ ସଙ୍ଗେ ସ୍ଥାନୀୟ ସରପଞ୍ଚଙ୍କୁ ଖବର ଦେଇ ଥିଲେ । ଘଟଣା ସ୍ଥଳରେ ସରପଞ୍ଚ ପହଞ୍ଚି ପୋଲିସ୍ ଓ ଅଂଗ୍ନିଶମ ବାହିନୀ କୁ ଖବର ଦେଇଥିଲେ । ଘଟଣା ସ୍ଥଳରେ ପୋଲିସ୍ ଓ ଅଂଗ୍ନିଶମ ବାହିନୀ ପହଞ୍ଚି ଶବ ଟିକୁ ଡ଼୍ୟାମ ଭିତରୁ ଉଦ୍ଧାର କରିଥିଲେ । ଉଦ୍ଧାର କରିବା ପରେ ସ୍ଥାନୀୟ ଲୋକେ ଶବକୁ ଚିହ୍ନଟ କରି ତାଙ୍କ ସଂମ୍ପର୍କୀୟ ଲୋକ ଙ୍କୁ ଖବର ଦେଇଥିଲେ ।

ମୃତ ମହିଳା ଜଣକ ହେଲେ କବିତା କୁମ୍ବ୍ରିକା । ସ୍ବାମୀ ନୂଆ ପ୍ରାସ୍କାକା ଗ୍ରାମ ବଡକାଚାପାଇ । ଦୁହେଁ ପରସ୍ପରକୁ ଭଲ ପାଇ ବିବାହ କରିଥିଲେ । ବିବାହ ର ଗୋଟିଏ ବର୍ଷ ନପୁରୁଣୁ ନିରିହ ଜୀବନ ଚାଲିଗଲା । ନା ଦେଖିଥିଲା ସଂସାର ନା ପାଇଥିଲା ପରିବାର । ମୃତ ମହିଳା ଜଣକ କାଲପାଇ ଗ୍ରାମର ବୋଲି ଜଣାପଡିଛି । ତାଙ୍କ ବଡ ଭଉଣୀ କହିବା ଅନୁଯାୟୀ ସେ ଏକ ଘରୋଇ ପାଳ ମିଲ୍ ରେ କୁଲି କାମ କରୁଥିଲେ । ଶନିବାର ଦିନ ସାଙ୍ଗ ସାଥିଙ୍କ ସହ କାମକୁ ଯାଇ ସବୁ ଦିନ ପରି ଆଉ ଘରକୁ ଫେରିନଥିଲେ ।

ତାଙ୍କ ସ୍ବାମୀ ଘରକୁ ଏପର୍ଯ୍ୟନ୍ତ ଫେରି ନାହାନ୍ତି ବୋଲି ଗାଁ ସାରା ଓ ସମ୍ପର୍କୀୟ ଲୋକଙ୍କୁ ପଚରାଉଚରା କରି ଖୋଜାଖୋଜି କରିଥିଲେ କିନ୍ତୁ ପାଇନଥିଲେ । ହଠାତ୍ ହାଟକୁ ଯାଉଥିବା ଲୋକମାନଙ୍କ ଠାରୁ ଖବର ପାଇଥିଲେ ଏକ ମୃତ ଦେହ ଡ଼୍ୟାମ ଭିତରେ ଭାସୁଛି । ଏନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି । ତେବେ କେଉଁ କାରଣରୁ ମୃତ୍ୟୁ ଘଟିଛି ତାହା ଅସ୍ପଷ୍ଟ ଥିବା ବେଳେ ପୋଲିସ ସେନେଇ ଅଧିକ ତଦନ୍ତ ଚଳାଇଥିବା ଜଣାପଡିଛି ।
ରାଜ୍ୟ ଶାକଦ୍ୱୀପୀ ଦୈବଜ୍ଞ ବ୍ରାହ୍ମଣ ମହସଂଘର ସମ୍ମିଳନୀ

ଚାନ୍ଦବାଲିରେ ଶାକଦ୍ୱୀପୀ ଦୈବଜ୍ଞ ବ୍ରାହ୍ମଣ ମହାସଂଘ ପକ୍ଷରୁ ଏକ ସମ୍ମିଳନୀ ସ୍ଥାନିୟ ଅମ୍ବିକା ସଭାଗୃହରେ ଅନୁଷ୍ଟିତ ହୋଇ ଯାଇଛି । ଏହି ସଭାରେ ଶାକଦ୍ୱୀପୀ ଦୈବଜ୍ଞ ବ୍ରାହ୍ମଣ ମହାସଂଘ ଜିଲ୍ଲା ସଭାପତି ସୁଦାମ କୁମାର ପଣ୍ଡିତ ଯୋଗଦେଇ ଏହି ସମ୍ମିଳନୀଙ୍କୁ ଉଦଘାଟାନ କରିବା ପରେ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା ।

ସମାଜରେ ଧର୍ମକୁ ରକ୍ଷା କରିବା ପାଇଁ ଶାକଦ୍ୱୀପୀ ଦୈବିଜ୍ଞ ବ୍ରାହ୍ମଣ ମାନେ କେମିତି ନତି ନିୟମ ଧାରା ବଜାୟ ରଖିବେ ଏବଂ ସେମାନଙ୍କର ସମାଜିକ ବିକାଶ ହୋଇପାରିବ ସେନେଇ ମହାସଂଘର ଏହି ସାଧୁ ଉଦ୍ୟମ ବୋଲି ସହାସଂଘର ସଭପତି ପ୍ରକାଶ କରିଥିଲେ । ମହାସଂଘ ପକ୍ଷରୁ ବ୍ରାହ୍ମଣ ମାନଙ୍କୁ ଆଇ କାର୍ଡ ବଣ୍ଟନ କରା ଯାଇ ଥିଲା l

ଏହି କାର୍ଯ୍ୟକ୍ରମରେ ପଣ୍ଡିତ ରଙ୍ଗାଧର ମହାପାତ୍ର, ବିଜୟ କୁମାର ପଣ୍ଡିତ, ରଞ୍ଜନ କୁମାର ପଣ୍ଡିତ, ସୁଶାନ୍ତ ମୋହରଣ୍ୟ, ହେମନ୍ତ କୁମାର ପଣ୍ଡିତ, ଶଶୀଭୁଷଣ ପଣ୍ଡିତ, ଦ୍ୱାରିକାନାଥ ଗ୍ରହଚାର୍ଯ୍ୟ ପ୍ରମୁଖ ପରିଚାଳନା କରିଥିଲେ । ଶେଷରେ ଆଚାର୍ଯ୍ୟମଣି ଶଙ୍କର ପଣ୍ଡିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ l
ଦାୟିତ୍ଵ ନେବା ପୂର୍ବରୁ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରିଛନ୍ତି ପ୍ରତୀକ ସିଂ

ପୁରୀର ନୂତନ ଏସପି ଭାବେ ଦାୟିତ୍ଵ ନେଇଛନ୍ତି ଆଇପିଏସ୍ ପ୍ରତୀକ ସିଂ । ବିଧିବଦ୍ଧ ଭାବରେ ଦାୟିତ୍ଵ ନେବା ପୂର୍ବରୁ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରିଛନ୍ତି ପ୍ରତୀକ ସିଂ ।

ଶ୍ରୀମନ୍ଦିର ସିଂହଦ୍ଵାର ନିକଟରେ ସେ ପହଞ୍ଚିବା ପରେ ଜିଲ୍ଲା ପୋଲିସର ବରିଷ୍ଠ ଅଧିକାରୀ ଏବଂ ସେବାୟତମାନେ ସ୍ବାଗତ କରିଥିଲେ । ପରେ ଶ୍ରୀମନ୍ଦିର କୁ ଯାଇ ରତ୍ନସିଂହାସନରେ ଚତୁର୍ଦ୍ଧା ବିଗ୍ରହଙ୍କୁ ଦର୍ଶନ କରିଥିଲେ । ମହାପ୍ରଭୁଙ୍କ ଦର୍ଶନ କରିବା ପରେ ନିଜ ପ୍ରତିକ୍ରିୟାରେ ପୁରୀର ନୂତନ ଏସପି ପ୍ରତୀକ ସିଂ କହିଛନ୍ତି ପୁରୀରେ ଏସପି ଭାବରେ ନିଯୁକ୍ତି ହେବା ମୋ ପାଇଁ ବହୁତ ସୌଭାଗ୍ୟର କଥା ।

ମହାପ୍ରଭୁଙ୍କର ଆଶୀର୍ବାଦ ନେଇ ଆଗାମୀ କାର୍ଯ୍ୟ ଆରମ୍ଭ କରିବାକୁ ଲକ୍ଷ୍ୟ ରଖିଛି ବୋଲି କହିଛନ୍ତି ପ୍ରତୀକ ସିଂ । ଶ୍ରୀମନ୍ଦିରର ସୁରକ୍ଷା, ଶୃଙ୍ଖଳିତ ଦର୍ଶନ ଏବଂ ପର୍ଯ୍ୟଟକଙ୍କ ସୁରକ୍ଷା ପୋଲିସର ମୁଖ୍ୟ ପ୍ରାଥମିକତା କାର୍ଯ୍ୟ ହେବ ବୋଲି ସେ କହିଛନ୍ତି । ସେହିପରି ପୁରୀ ଜିଲ୍ଲାର ଆଇନଶୃଙ୍ଖଳା ସ୍ଥିତି ବଜାୟ ରଖିବା ପାଇଁ ବରିଷ୍ଠ ପୋଲିସ ଅଧିକାରୀଙ୍କ ସହିତ ଆଲୋଚନା କରି ସମସ୍ତ ପ୍ରକାର ପଦକ୍ଷେପ ନିଆଯିବ ବୋଲି ନୂତନ ଏସପି ପ୍ରତୀକ ସିଂ କହିଛନ୍ତି ।