Author: suchanatv24x7

କେସିଙ୍ଗାରେ ୧୨୫ତମ ମନ କି ବାତ କାର୍ଯ୍ୟକ୍ରମ

କଳାହାଣ୍ଡି (ସତ୍ୟ ନାରାୟଣ ମହାନନ୍ଦ ) କେସିଙ୍ଗା ବ୍ଲକ ସମ୍ମିଳନୀ କକ୍ଷ ଠାରେ ରବିବାର ୧୨୫ତମ ମନ କି ବାତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା | ପ୍ରଥମେ ତରକା ଖେଳାଳି ଓଡ଼ିଶା ରାଜ୍ୟ ର ଗର୍ବ ରଶ୍ମିତା ସାହୁ ଙ୍କ ସହ ଚର୍ଚା କରି ଥିଲେ ଓ ତରକା କାଶ୍ମୀର ନିବାସୀ ମୋହସିଂହ ଅଳି ଙ୍କୁ କାଶ୍ମୀରର ଡେଲ ଝିଲ୍ ରେ ହୋଇଥିବା ନୌକା ଚାଳନା ପ୍ରତିଯୋଗୀତା ଜିତି ଥିବାରୁ ଅଭିନନ୍ଦନ ଜଣାଇଥିଲେ | ସେହିପରି ଆଗାମୀ ଦିନରେ ଗଣେଷ ପୂଜା ସହ ସାରା ଭାରତରେ ପର୍ବ ପର୍ବାଣୀ ର ଦିଵସ ଅଛି | ତେଣୁ ଏହି ପର୍ବ ପର୍ବାଣୀ ରେ ଭାରତ ବାସୀଙ୍କୁ ଲୋକାଲ ଫର ଭୋକାଲ ର ମନ୍ତ୍ର ସହ ସ୍ଵଦେଶୀ କୁ ଅନୁସରଣ କରିବା ପାଇଁ ପ୍ରଧାନ ମନ୍ତ୍ରୀ ଆହ୍ଵାନ ଦେଇଥିଲେ | ମୌସୁମୀ ବର୍ଷା ରେ ପୀଡିତ ମାନଙ୍କ ପାଇଁ ଦୁଃଖ ପ୍ରକାଶ କରିଥିଲେ ଓ ଆମ ପରିବେଶକୁ କେମିତି ସ୍ଵଚ୍ଛ ରଖିବା ସେଥିପାଇଁ ଗୁରୁ ମନ୍ତ୍ର ଦେଇଥିଲେ | ଏହି କାର୍ଯ୍ୟକ୍ରମ କେସିଙ୍ଗା ନଗର ସଭାପତି ପିଙ୍କୁ ପରିଡା ଙ୍କ ନେତୃତ୍ଵରେ ଆୟୋଜନ ହୋଇଥିଲା | ଏଥିରେ କଳହାଣ୍ଡି ଜିଲ୍ଲା ବିଜେପି ସଭାପତି ଯୁଗଳ ପୋଢ଼, ବ୍ଲକ ଅଧ୍ୟକ୍ଷ ଚନ୍ଦନ ସେନାପତି, ପୂର୍ବତନ ସଭାପତି ମଗନ୍ ସିନ୍ଦୁର, ଜିଲ୍ଲା ସମ୍ପାଦକ ସନ୍ତୋଷ ଦାଶ ,ପୁର୍ବତନ ସଭାପତି ପ୍ରଶାନ୍ତ ବାନାର୍ଜୀ, ଉପ ସଭାପତି ପ୍ରୀତେଶ ପଟେଲ , ଛେଲାଉଦ୍ଧବ ସାହା ,ସାଧାରଣ ସମ୍ପାଦକ ଯୁଗଳ କିଶୋର ଦୀପ ସହ କେସିଙ୍ଗା ର ସମସ୍ତ ବିଜେପି କାର୍ଯ୍ୟକର୍ତ୍ତା ଉପସ୍ଥିତ ଥିଲେ | ଏହି କାର୍ଯ୍ୟକ୍ରମ ରେ “ମନ କି ବାତ” ଏକ କାର୍ଯ୍ୟକ୍ରମ ନୁହେଁ |ଏହା ଲୋକଙ୍କ ର ବିଶ୍ୱାସ ବୋଲି ସାଂସଦ ମାଳବିକା ଦେବୀ କହିଥିଲେ | ପରେ କେସିଙ୍ଗା ରେଲୱେ ଷ୍ଟେସନ ସମୀକ୍ଷା ପାଇଁ ଯାଇ ରେଲୱେ ଷ୍ଟେସନ ର ଅଧିକାରୀ ଙ୍କ ସହ ଅମୃତ ମହାଉତ୍ସବ ରେ ସାମିଲ କେସିଙ୍ଗା ଷ୍ଟେସନ ର କାର୍ଯ୍ୟ ଓ ପ୍ଲାଟଫର୍ମ ନମ୍ବର 4 ରେ ଟ୍ରେନ ରହଣି ବିଷୟ ରେ ଚର୍ଚା କରିଥିଲେ |
ଟେକନୋମାଉଣ୍ଟ କମ୍ପାନୀର ସୁପରଭାଇଜର ଙ୍କ ବ୍ୟାଗରୁ ଗୁଳି ଜବତ

ଆଇଓସିଏଲରେ ଯୁବକଙ୍କ ବ୍ୟାଗ ରୁ ମିଳିଲା ଗୁଳି । ତଲାସି ବେଳେ ବ୍ୟାଗ୍ ରୁ ଗୁଳି ଜବତ କରିଛି ସିଆଇଏସ‌ଏଫ । ଯୁବକ ଜଣଙ୍କ ଆଇଓସିଏଲରେ ଠିକା କାମରେ ନିଯୁକ୍ତ ଥିବା ଟେକନୋମାଉଣ୍ଟ କମ୍ପାନୀ ର ସୁପରଭାଇଜର ଦେବାଶିଷ ଦାସ ବୋଲି ଜଣାପଡିଛି ।

ପାରାଦ୍ୱୀପ ରିଫାଇନାରୀ ୨ନଂ ଗେଟ୍ ଦେଇ ରିଫାଇନାରୀ ଭିତରକୁ ଯିବା ସମୟରେ ସିଆଇଏସଏଫ ଯବାନ ତଲାସି କରିଥିଲେ | ଏହି ସମୟରେ ବ୍ୟାଗ୍ ରୁ ଗୁଳି ବାହାରିଥିଲା । ଦେବାଶିଷକୁ ଅଟକ ରଖି ଅଧିକ ପଚରାଉଚରା କରୁଛି ଅଭୟଚାନ୍ଦପୁର ପୋଲିସ ।

ଆଇଓସିଏଲ ଏକ ସମ୍ବେଦନଶୀଳ କମ୍ପାନୀ ହୋଇଥିବାରୁ, ଏହା ଭିତରକୁ ମୋବାଇଲ, ଇଲୋକ୍ଟ୍ରୋନିକ୍ସ ଡିଭାଇସ୍ ସମେତ କୌଣସି ସାମଗ୍ରୀ ନେବା ଉପରେ ସମ୍ପୂର୍ଣ୍ଣ କଟକଣା ଜାରି କରାଯାଇଛି । ହେଲେ ସୁପରଭାଇଜର ଜଣଙ୍କ ନିଜ ବ୍ୟାଗ୍ ରେ କଣ ପାଇଁ ଗୋଟିଏ ଗୁଳି ନେଇଥିଲେ ତାହା ସ୍ପଷ୍ଟ ହୋଇନଥିଲେ ମଧ୍ୟ ପୋଲିସ ଯୁବକକୁ ଅଟକ ରଖି ଅଧିକ ତଦନ୍ତ ଆରମ୍ଭ କରିଛି ।
କେନାଲରେ ବୁଡ଼ି ଯୁବକଙ୍କର ମୃତ୍ୟୁ

ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ ବସୁଲେଇ ଗ୍ରାମ ଦେଇ ଯାଇଥିବା ରେଙ୍ଗାଳି ବାଇପାସ କେନାଲରେ ବୁଡି ଯୁବକଙ୍କର ମୃତ୍ୟୁ ହୋଇଯାଇଛି l ମୃତ ଯୁବକ ଜଣଙ୍କ ହେଲେ ମାନସ ପରିଡା ବୟସ ୩୪ ବର୍ଷ |

ଘଟଣା ସ୍ଥଳରେ ଦମକଳ ବାହିନୀ ,ପୋଲିସ ଓ ଗ୍ରାମ ଲୋକ ମାନଙ୍କ ସାହାଯ୍ୟରେ ତାଙ୍କୁ ଉଦ୍ଧାର କରି ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଶବ ବ୍ୟବଚ୍ଛେଦ ପାଇଁ ପୋଲିସ ସହାୟତାରେ ପଠାଯାଇଥିବା ସୁଚନା ମିଳିଛି l
କନ୍ଧମାଳ ଜିଲ୍ଲାରେ ସ୍ୱାୟତ୍ତ ଶାସନ ଦିବସ ପାଳିତ

ଆଜି ସ୍ୱାୟତ୍ତ ଶାସନ ଦିବସ | ଏହି ଅବସରରେ କନ୍ଧମାଳ ଜିଲ୍ଲାର ଜି ଉଦୟଗିରି ବିଜ୍ଞାପିତ ଅଞ୍ଚଳ ପରିଷଦ ଠାରେ ସ୍ୱାୟତ୍ତ ଶାସନ ଦିବସ ପାଳିତ ହୋଇଯାଇଛି । ବିଜ୍ଞାପିତ ଅଞ୍ଚଳ ପରିଷଦ ର ଅଧ୍ୟକ୍ଷା ଦେବସ୍ମିତା ଶତପଥୀ ଯୋଗ ଦେଇ ପତକା ଉତ୍ତୋଳନ କରିଥିଲେ ।

ପରେ ଛାତ୍ର ଛାତ୍ରୀ ଓ ସମସ୍ତ ପରିଷଦ ବର୍ଗର ସଭ୍ୟ ମାନେ ମିଳିତ ଭାବେ ସହର ପରିକ୍ରମା କରି ମହାତ୍ମା ଗାନ୍ଧୀ, ବୀର ଚକରା ବିଷୋୟୀ,ସହିଦ ବାବୃବାହାନ ପ୍ରଧାନଙ୍କ ପ୍ରତିମୂର୍ତ୍ତି ରେ ପୁଷ୍ପ ଗୁଚ୍ଛ ପ୍ରଦାନ କରିଥିଲେ ।

କାର୍ଯ୍ୟ ନିର୍ବାହୀ ଅଧିକାରୀ ରଞ୍ଜନ କୁମାର ସାହୁ, ଉପାଧ୍ୟକ୍ଷ ସନ୍ତୋଷ ବାଘଙ୍କ ସମେତ ସମସ୍ତ କର୍ମଚାରୀ , କାଉନସିଲର ମାନେ ଉପସ୍ଥିତ ରହିଥିଲେ ।
ବିଜେପି ବିଧାୟକ ରବି ନେଗୀ ମହୁଆ ମୋଇତ୍ରାଙ୍କ ବିରୋଧରେ ପୋଲିସ ଆଗରେ ଆଣିଲେ ଅଭିଯୋଗ, ଜାଣନ୍ତୁ କଣ ଥିଲା ପୁରା ମାମଲା?

ଦିଲ୍ଲୀର ବିଜେପି ବିଧାୟକ ରବି ନେଗି ଟିଏମସି ସାଂସଦ ମହୁଆ ମୋଇତ୍ରାଙ୍କ ବିରୋଧରେ ପୋଲିସରେ ଅଭିଯୋଗ ଦାଖଲ କରିଛନ୍ତି। ମହୁଆ ମୋଇତ୍ରା ଗୃହମନ୍ତ୍ରୀ ଅମିତ ଶାହଙ୍କ ବିଷୟରେ ଏକ ବିବାଦୀୟ ବୟାନ ଦେଇଛନ୍ତି। ଏହି ମାମଲାରେ, ବିଜେପି ବିଧାୟକ ରବି ନେଗି ଦିଲ୍ଲୀର ମଧୁ ବିହାର ପୋଲିସ ଷ୍ଟେସନରେ ଟିଏମସି ସାଂସଦଙ୍କ ବିରୋଧରେ ଅଭିଯୋଗ ଦାଖଲ କରିଛନ୍ତି।

ତୃଣମୂଳ କଂଗ୍ରେସ (ଟିଏମସି) ସାଂସଦ ମହୁଆ ମୋଇତ୍ରା କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ବିରୋଧରେ ଏକ ଆପତ୍ତିଜନକ ବୟାନ ଦେଇ ରାଜନୈତିକ ହଇଚଇ ସୃଷ୍ଟି କରିଛନ୍ତି। ପଶ୍ଚିମବଙ୍ଗର ନାଦିଆ ଜିଲ୍ଲାରେ ଏକ କାର୍ଯ୍ୟକ୍ରମ ସମୟରେ ସାମ୍ବାଦିକଙ୍କ ସହ କଥାବାର୍ତ୍ତା କରି ମୋଇତ୍ରା ବାଂଲାଦେଶରୁ ଅବୈଧ ଅନୁପ୍ରବେଶ ପ୍ରସଙ୍ଗରେ ଗୃହ ମନ୍ତ୍ରଣାଳୟର ଦାୟିତ୍ୱ ଉପରେ ପ୍ରଶ୍ନ ଉଠାଇଛନ୍ତି। ନାଦିଆ ଲୋକସଭା ନିର୍ବାଚନମଣ୍ଡଳୀ ମଧ୍ୟ ମହୁଆ ମୋଇତ୍ରାଙ୍କ ସଂସଦୀୟ କ୍ଷେତ୍ର।

ଏହି ସମୟରେ, ଟିଏମସି ସାଂସଦ କହିଥିଲେ ଯେ ଯଦି ସୀମାକୁ ସୁରକ୍ଷା ଦେବା ପାଇଁ କେହି ନାହାନ୍ତି, ଯଦି ପ୍ରତିଦିନ ଲକ୍ଷ ଲକ୍ଷ ଲୋକ ଅନ୍ୟ ଦେଶରୁ ପ୍ରବେଶ କରୁଛନ୍ତି। ଆମର ମା’ ଏବଂ ଭଉଣୀମାନଙ୍କୁ ଟାର୍ଗେଟ କରୁଛନ୍ତି, ଆମ ଜମି ଛଡ଼ାଇ ନେଉଛନ୍ତି। ଏହା ପରେ, ସେ ଗୃହମନ୍ତ୍ରୀ ଅମିତ ଶାହଙ୍କ ବିଷୟରେ ଏକ ଅତ୍ୟନ୍ତ ଆପତ୍ତିଜନକ ମନ୍ତବ୍ୟ ଦେଇଥିଲେ।

ଏହି ବିବୃତ୍ତିର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏହା ପରେ ଭାରତୀୟ ଜନତା ପାର୍ଟି (ବିଜେପି) ତୀବ୍ର ପ୍ରତିକ୍ରିୟା ପ୍ରକାଶ କରିଛି। ବିଜେପି ଏହାକୁ ଘୃଣ୍ୟ ଏବଂ ହିଂସାତ୍ମକ ମାନସିକତାର ବିବୃତ୍ତି ବୋଲି କହିଛି। ବିଜେପି ରାଷ୍ଟ୍ରୀୟ ମୁଖପାତ୍ର ପ୍ରଦୀପ ଭଣ୍ଡାରୀ ଏହାକୁ ଲଜ୍ଜାଜନକ ଏବଂ ଘୃଣାରେ ପରିପୂର୍ଣ୍ଣ ବୋଲି କହିଛନ୍ତି ଏବଂ କହିଛନ୍ତି ଯେ ଏହି ବିବୃତ୍ତି ମମତା ବାନାର୍ଜୀଙ୍କ ଟିଏମସିର ହିଂସାତ୍ମକ ସଂସ୍କୃତିକୁ ପ୍ରତିଫଳିତ କରେ।
ଭାରତ ବିଜୟର ବ୍ଲୁ ପ୍ରିଣ୍ଟ

ସେପ୍ଟେମ୍ବର 9 ତାରିଖରୁ ଆରମ୍ଭ ହେବାକୁ ଯାଉଛି ଏସିଆ କପ, ଏହା ସହ ଭାରତକୁ ମିଳିବ ବିଜୟର ବ୍ଲୁ ପ୍ରିଣ୍ଟ, କାହିଁକି ନା ପାକିସ୍ତାନ ମଧ୍ୟ ଏଥିରେ ସାମିଲ ହେବ, ହେଲେ ଏସିଆ କପ 2025 ଆରମ୍ଭ ହେବା ପୂର୍ବରୁ ପାକିସ୍ତାନକୁ ୨୯ ଅଗଷ୍ଟ ଶୁକ୍ରବାରରୁ ଆରମ୍ଭ ହେଉଥିବା ଆଫଗାନିସ୍ତାନ ଏବଂ ୟୁଏଇ ବିପକ୍ଷରେ ଏକ ତ୍ରି-ସିରିଜ୍ ମଧ୍ୟ ଖେଳିବାକୁ ପଡିବ। ଗୋଟିଏ ପଟେ ତ୍ରି ସିରିଜ ଏବଂ 14 ସେପ୍ଟେମ୍ବରରେ ଭାରତ ବିପକ୍ଷରେ ଖେଳିବ ମ୍ୟାଚ, ଏବେ ଦେଖିବାକୁ ବାକି ରହିଲା ଯେ ପାକିସ୍ତାନ ଏସିଆ କପ୍ ପୂର୍ବରୁ ଆଫଗାନିସ୍ତାନ ଏବଂ ୟୁଏଇ ବିପକ୍ଷରେ କିପରି ପ୍ରଦର୍ଶନ କରୁଛି?

ଅନ୍ୟପଟେ ଏହି ଦୁଇଟି ଇଭେଣ୍ଟ ପାଇଁ ପାକିସ୍ତାନ ତାର ଦଳ ଘୋଷଣା କରିଛି ହେଲେ ବାବର ଆଜମ, ମହମ୍ମଦ ରିଜୱାନଙ୍କୁ ଅଣଦେଖା କରାଯାଇଛି, ବଦଳରେ ସଲମାନ ଅଲି ଆଗା ଏହି ଦଳର ଅଧିନାୟକ ଅଛନ୍ତି, ଯାହା କ୍ରିକେଟ ଫ୍ୟାନସଙ୍କୁ ଆଶ୍ଚର୍ଯ୍ୟ କରିଛି,

ତେବେ ଏହି ବଡ଼ ମ୍ୟାଚ ପୂର୍ବରୁ, ପାକିସ୍ତାନର ପରଫର୍ମାନ୍ସ ଉପରେ ରହିଛି ସମସ୍ତଙ୍କ ନଜର, ଅତୀତରେ ଦଳ ସାମ୍ନା କରିଥିଲା ଅନେକ ସମାଲୋଚନା, ଯଦି ତ୍ରିସିରଜ ରେ ପାକିସ୍ତାନର ପ୍ରଦର୍ଶନ ଭଲ ନ ହୁଏ, ତେବେ ଭାରତ ପାଇଁ ଭଲ କଥା, ଏହା ସହ ଏସିଆ କପ ପୂର୍ବରୁ ପାକିସ୍ତନକୁ ଆଉଟ ଅଫ ଫର୍ମ ଖେଳାଳିଙ୍କୁ ନିହାତି ଭାବେ ହଟାଇବାକୁ ହେବ,

ଏହାସହ ତ୍ରିସରିଜ ରେ ପାକିସ୍ତାନ ବିପକ୍ଷ ଆଫଗାନିସ୍ତାନ ଓ ୟୁଏଇ ପୂର୍ବରୁ ଅନ୍ତର୍ଜାତୀୟ କ୍ରିକେଟରେ ବିସ୍ଫୋରକ ମ୍ୟାଚ ଖେଳିଥିବାର ରେକର୍ଡ ରହିଛି, ଉଭୟ ଦଳ ୨୦୨୫ ମସିହାରେ ଏସିଆ କପ୍ ମଧ୍ୟ ଖେଳିବେ। ତ୍ରିସିରିଜରେ ପାକିସ୍ତାନ ସମ୍ମୁଖୀନ ହେବାକୁ ଯାଉଥିବା କଡା ଟକ୍କର ମଧ୍ୟରେ ପାକିସ୍ତାନକୁ ୧୪ ସେପ୍ଟେମ୍ବରରେ ଭାରତ ବିପକ୍ଷରେ ଏସିଆ କପ୍ ୨୦୨୫ର ଏକ ଗୁରୁତ୍ୱପୂର୍ଣ୍ଣ ମ୍ୟାଚ୍ ଖେଳିବାକୁ ଅଛି ଯେଉଁଥିରେ ଉଭୟ ଦଳର ଖେଳାଳିଙ୍କଠାରୁ ଦମଦାର ପ୍ରଦର୍ଶନ ଆଶା କରିଛନ୍ତି ଫ୍ୟାନ୍ସ ।
ଘର ସଜାଡୁଛି ବିଜେଡି!

ଆରମ୍ଭ ହେଲାଣି ବିଜେଡିର ଘର ସଜଡା, ଶଙ୍ଖ ଗଡ଼କୁ ମଜଭୁତ କରିବାକୁ ମୂଳରୁ ଡାଳ ହେଲେଣି ସଭିଏଁ ପ୍ରସ୍ତୁତ, ଜନତାଙ୍କ ଠାରୁ ଆରମ୍ଭ କରି କର୍ମୀ, ନେତାଙ୍କଠୁ ନେତାମୂଖ୍ୟ ଅସଜଡ଼ା ହୋଇ ଥିଲେ ପ୍ରାୟ ବର୍ଷେ କାଳ, ସବୁ ଠିକ ଥିବାବେଳେ ପାଣ୍ଡିଆନ ଦମ୍ପତିଙ୍କ ଆବିର୍ଭାବ ବିଜେଡିକୁ ଅଡୁଆ ସୂତାରେ ଛନ୍ଦି ଦେଇଥିଲା। ଠିକ ଏତିକିବେଳେ ମନେ ପଡିଲା ଦଳର ସ୍ଥିତି ଓ ନେତାଙ୍କ ସମ୍ପର୍କରେ, ଦର୍ଶକବନ୍ଧୁ, ପୁରୁଖା ଅଲୋଡ଼ା ଥିବାବେଳେ ବହୁ ନେତାଙ୍କୁ ପାଣ୍ଡିଆନଙ୍କ ପାୱାର କରିଡରରେ ଦବଦବା ହଜମ ହେଉନି, ଆଉ ହେବ ବା କେମିତି, ନେତାମୁଖ୍ୟ ନବୀନ ଯେତେବେଳେ ତାଲା ମରା ଗୃହରେ ଆଉ ଚାବିକାଠି ଆଉଜଣଙ୍କ ହାତରେ ସେତେବଳେ ସିନିଅର ଓ ଜୁନିଅର ଦଳ ବିରୋଧି ହେବା ସ୍ୱାଭାବିକ, ହଁ ଆଜ୍ଞା ବୋଧହୁଏ ନବୀନ ଜଣିପାରିଲେ, ଯେ ଶଙ୍ଖ ଘର ଛାଡିବାକୁ ଅନେକ ହେଲେଣି ପ୍ରସ୍ତୁତ, ସେଥିପାଇଁ ଯୁବ ଓ ଛତ୍ର ନେତାଙ୍କୁ ନିଯୁକ୍ତ କରି ବିଜେଡି ନିଜର ଅସ୍ତିତ୍ବ ଜାହିର କରିବାର ଏହା ଏକ ରଣନୀତି ମଧ୍ୟ ହୋଇପାର, ତାହା ନ ହେଲେ ଏତେଦିନ ପରେ ପାଣ୍ଡିଆନଙ୍କୁ ଘୋର ବିରୋଧ ହେବା ସମୟରେ ଅଧାଅଧୁରା କାର୍ଯ୍ୟକୁ ପୁରା କରିବା ପାଇଁ କେମିତି ବା ମନେ ପଡିଲା, ତାହା ସାଧାରଣରେ ଆଶ୍ଚର୍ଯ୍ୟ କରୁଛି।

ଅନ୍ୟପଟେ ମହିଳା ମୋର୍ଚା ସଭାପତି ଚୟନ କେବେ ହେବ ଓ କିଏ ହେବେ ତାକୁ ନେଇ ବିଜେଡିରେ ମାନସ ମନ୍ଥନ ପ୍ରକ୍ରିୟା ଖୁବ ଜୋରସୋରରେ ଚାଲିଥିବା ନେଇ ଜଣାପଡିଛି। ଅନେକ ଦିନ ଧରି ବିଜେଡିର ଛାତ୍ର ଓ ଯୁବ ବିଜେଡି କର୍ମୀଙ୍କୁ ଏକ କରିବା ସହ ଦଳରେ ଲୋକଙ୍କୁ ଯୋଡିବା କାର୍ଯ୍ୟ ଜାରି ରଖିଛନ୍ତି ସମ୍ପୃକ୍ତ ବିଜେଡି ନେତାମାନେ, ତେବେ ହଠାତ କାହିଁକି ପାଣ୍ଡିଆନ ଝଡ଼ ସମୟରେ ବିଜେଡିର ଏ ନିଷ୍ପତ୍ତି? କିଏ ନେଉଛନ୍ତି ବିଜେଡି ଗୃହର ନିଷ୍ପତ୍ତି? ଏ ଅସମାହିତ ପ୍ରଶ୍ନ ଭିତରେ ଛନ୍ଦି ହୋଇଯାଇଛନ୍ତି ରାଜ୍ୟର ସାଧାରଣ ଜନତା, ତେବେ ଦେଖିବାକୁ ବାକି ରହିଲା, ରାଜ୍ୟରେ ଆଉଥରେ ବିଜେଡିର ପ୍ରତ୍ୟାବର୍ତ୍ତନର ପ୍ରଚେଷ୍ଟା କେତେ ସଫଳ ହେଉଛି।
ଓଡିଶାର ଯୁବା ଆଜି ବିପଥଗାମୀ!

ରାଜ୍ୟରେ ବଢିବାକୁ ଲାଗିଛି HIV ଏହା ଆପଣଙ୍କୁ ଏକ ଛୋଟ ସମସ୍ୟା ଭଳି ମନେ ହେଉଥିବ ନିଶ୍ଚୟ କିନ୍ତୁ ଏକ ରିପୋର୍ଟ ଆପଣଙ୍କୁ ଆଶ୍ଚର୍ଯ୍ୟଚକିତ କରିଦେବ କାରଣ ଏହି ସଂକ୍ରମଣରେ ଘାଣ୍ଟି ହେଉଛନ୍ତି ଯୁବ ଗୋଷ୍ଠୀ । ଓଡ଼ିଶା ରାଜ୍ୟ ଏଡସ୍ ନିୟନ୍ତ୍ରଣ ସୋସାଇଟିର ରିପୋର୍ଟ ଅନୁସାରେ ପୁରୁଷ ସହ ପୁରୁଷଙ୍କ ଅପ୍ରାକୃତିକ ଯୌନ ସମ୍ପର୍କ ଯୋଗୁଁ ଏଚଆଇଭି ପଜିଟିଭଙ୍କ ସଂଖ୍ୟା ବଢିବାରେ ଲାଗିଛି । ଯେଉଁଥିରୁ ପାଖାପାଖି ଅଧା ହେଉଛନ୍ତି ଯୁବ ଗୋଷ୍ଠୀ । ସେପଟେ ପଞ୍ଜିକୃତ ଏଡସ୍ ରୋଗୀଙ୍କ ଭିତରୁ ୩ ହଜାରରୁ ଅଧିକଙ୍କ ପତ୍ତା ନ ମିଳୁଥିବାରୁ ସଂକ୍ରମଣ ବୃଦ୍ଧିର ଭୟ ଦେଇ ଗତି କରୁଛି ଓଡ଼ିଶା । ଆସନ୍ତୁ ଜାଣିବା କଣ ରହିଛି ଏହାର ପ୍ରଭାବ HIV ରୋଗ କବଳରେ ଯୁବ ଗୋଷ୍ଠୀ, କାରଣ ଯୁବ ଗୋଷ୍ଠୀ ଏବେ ସମଲିଙ୍ଗୀ ଅପ୍ରାକୃତିକ ଯୌନ ସମ୍ପର୍କରେ ବ୍ୟସ୍ତ । ୧୭ରୁ ୩୫ ବର୍ଷ ବୟସର ୪୧ ପ୍ରତିଶତ ଯୁବଗୋଷ୍ଠୀ ଏଚଆଇଭି ପଜିଟିଭ ଯାହା ଦ୍ୱାରା ଯେଉଁମାନଙ୍କ ଭିତରେ ପ୍ରତିଶେଧକ ଶକ୍ତି କମ୍ ରହିଥାଏ ସେମାନେ ଏଡସ୍ ଆଡ଼କୁ ଠେଲି ହୋଇ କଲବଲରେ ଜୀବନ ହାରନ୍ତି ।

ତେବେ ଯଦି ଆମେ ମୃତ୍ୟୁ ହାର କଥା କହିବା ୧୩ ହଜାର ୧୭୭ ଏଚଆଇଭି ପଜିଟିଭଙ୍କ ମୃତ୍ୟୁ ହୋଇଥିବା ସରକାରୀ ସ୍ତରରେ ରିପୋର୍ଟ ଦିଆଯାଇଛି, ତେବେ ଯଦି ଆପଣଙ୍କୁ ଲାଗୁଛି ବିପଦ ଏତିକି ରେ ସରିଯାଇଛି ବୋଲି, ଆପଣ ଭୁଲ ଭାବୁଛନ୍ତି ବିପଦ ଏତିକିରେ ସରିନି ଓଡିଶାରେ ପଞ୍ଜିକୃତ ୬୫ ହଜାର ୨୧୪ ଏଚଆଇଭି ପଜିଟିଭଙ୍କ ଭିତରୁ ଯେଉଁ ୩୯୯୮ ସଂକ୍ରମିତଙ୍କ ପତ୍ତା ମିଳୁନି । ସେମାନଙ୍କ ଭିତରୁ ଅନେକ ରାଜ୍ୟ ବାହାରକୁ ଚାଲି ଯାଇଛନ୍ତି ବା କିଛି ଲୋକ ବାହାର ରାଜ୍ୟରୁ ଆସି ଓଡ଼ିଶାରେ ଟେଷ୍ଟିଂ କରିଛନ୍ତି । ଏପରିକି କିଛି ଲୋକ ସମାଜ ବାସନ୍ଦ ଭୟରେ ନିଜ ଭୁଲ ପରିଚୟ ଦେଇଥିବା କଥା ଯାଞ୍ଚ ପରେ ଜଣାପଡ଼ିଛି । ଏହି ନିଖୋଜ ଏଚଆଇଭି ପିଜିଟିଭ ସଂକ୍ରମିତଙ୍କ ସହ ଅଜାଣତରେ ଯଦି କେହି ଶାରୀରିକ ସଂପର୍କ ରଖନ୍ତି ପରିସ୍ଥିତି ସଙ୍ଗୀନ ହୋଇଯିବ ।

ଏଚଆଇଭ ପିଜିଟିଭରୁ ଏଡସ୍ । ଏହାର କୌଣସି ଚିକତ୍ସା ନାହିଁ। ହେଲେ ଏଚଆଇଭି ପିଜିଟିଭ ଜଣାପଡ଼ିବା ମାତ୍ରେ ସଂକ୍ରମିତଙ୍କୁ ଆଣ୍ଟି ରେଟ୍ରୋଭାଇରାଲ ଥେରାପି ଏଆରଟି ଦେବା କଥା । ତେବେ ୬୫ ହଜାର ୨୧୪ ସଂକ୍ରମିତଙ୍କ ମଧ୍ୟରୁ ୫୫ ହଜାର ୧୪୨ ଜଣ ଏଆରଟି ପଞ୍ଜିକରଣ କରିଛନ୍ତି । ବାକି ୧୦ ହଜାର ୧୨୯ ଏଆରଟି ପଞ୍ଜିକରଣ କରି ନଥିବାରୁ ଚିନ୍ତା ଆହୁରି ବଢିଛି ।
ସରୋବର ଯୋଜନାରେ ମହାଦୁର୍ନୀତି

ଅମୣତ ସରୋବର ଯୋଜନାରେ ମହାଦୁର୍ନୀତି। ଯୋଜନା ନାମରେ ଖାଇଗଲେ ଲକ୍ଷାଧିକ ଟଙ୍କା । ଖେlଦ ମୂଖ୍ୟମନ୍ତ୍ରୀ ବ୍ଲକରେ ଏଭଳି ଏମିତି ଦୁର୍ନୀତି ସାମ୍ନାକୁ ଆସିଛି ।ଏହାର ଉଚ୍ଚ ସ୍ତରୀୟ ତଦନ୍ତ ଦାବୀ କରିଛନ୍ତି ଗ୍ରାମବାସୀ । କେନ୍ଦୁଝର ଜିଲ୍ଲା ଝୁମ୍ପୁରା ବ୍ଲକ କୁଟୁଗାଁ ପଞ୍ଚାୟତ ଅନ୍ତର୍ଗତ ସାନଯେlଡା ଗାଁ ରେ ଅମୣତ ସରୋବର ଯୋଜନାରେ ହରିଲୁଟ ହେବା ନେଇ ଗ୍ରାମବାସୀ ଅଭିଯୋଗ କରି ତଦନ୍ତ ପାଇଁ ଦାବୀ କରିଛନ୍ତି ।

ଏହି ଦୂର୍ନୀତିରେ ପଞ୍ଚାୟତ କର୍ତୣପକ୍ଷ ସହିତ ବ୍ଲକ କର୍ତୣପକ୍ଷ ମିଶି ଅର୍ଥ ହରିଲୁଟ ବେଳେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ ସତ୍ୱେ ଗାଁ ର ଏକ ମାତ୍ର ପୋଖରୀ ଲୋକଙ୍କ କାମରେ ଲାଗି ପାରୁନାହିଁ । ଝୁମ୍ପୁରା ବ୍ଲକ ସାନଯୋଡା ଗାଁ ପୋଖରୀ ର ଉନ୍ନତି କରଣ ପାଇଁ ୨୦୨୧-୨୨ ଆର୍ଥିକ ବର୍ଷରେ ଚାରି ଲକ୍ଷ ଟଙ୍କା ଯୋଗାଇ ଦିଆଯିବା ପରେ ୨୦୨୨-୨୩ ଆର୍ଥିକ ବର୍ଷରେ ଅମୣତ ସରେlବର ଯେlଜନାରେ ସେହି ପେlଖରୀକୁ ଦଶ ଲକ୍ଷ ଟକାଂ ଯେlଗାଇ ଦିଆଯାଇଥିଲା ।

ତେବେ ୧୪ ଲକ୍ଷ ଟକାଂ ଅନୁଦାନ ସତ୍ୱେ ଏହି ପେlଖରୀ ଏବେ ଯଥା ପୂର୍ବଂ ତଥା ପରଂ ସ୍ଥିତିରେ ରହିଛି l ନାମକୁ ମାତ୍ର ପେlଖରୀରେ ଏକ ପାହଚ କାମ ସହିତ କିଛି ଅଂଶରେ ଗାଡଓ୍ବାଲ କାମ କରାଯାଇ ଅନୁଦାନର ସି଼ଂହ ଭାଗ ଅଂଶ ହରିଲୁଟ କରାଯାଇଥିବା ବେଳେ ଏବେ ଏହି ପେlଖରୀରେ ଗାଧେlଇବାକୁ ଗ୍ରାମବାସୀ ଭୟ କରୁଛନ୍ତି l ଗାଁ ଗୁଡିକରେ ରହିଥିବା ପେlଖରୀ ଗୁଡିକର ପୁନ୍ନରରୁଦ୍ଧାର ସହ ପେlଖରୀର ଚର୍ତୁପାର୍ଶ ସୈlନ୍ଦର୍ଯ୍ୟ କରଣ ପାଇଁ ଏହି ଅନୁଦାନ ଯେlଗାଇ ଦିଆଯାଇଥିବା ବେଳେ ଏଠାରେ ନାମ ମାତ୍ର କାମ କରାଯାଇ ଏହି ଅନୁଦାନ ଅର୍ଥକୁ ହରିଲୁଟ କରାଯାଇଥିବାରୁ ଏନେଇ ଗାଁ ରେ ଅସନ୍ତୋଷ ସହ ଏହାର ତଦନ୍ତ ଦାବୀ କରିଛନ୍ତି ଗ୍ରାମ ବାସୀ
ଯାଦବ ମହାସଭା ପକ୍ଷରୁ ଜିଲ୍ଲା କାର୍ଯ୍ୟକାରିଣୀ ବୈଠକ

ଯାଜପୁର ଜିଲ୍ଲା ଯାଦବ ମହାସଭା ପକ୍ଷରୁ ପୂର୍ଣ୍ଣାଙ୍ଗ କାର୍ଯ୍ୟକାରିଣୀ ବୈଠକ ଅନୁଷ୍ଠିତ।ଦାନଗଦି ବ୍ଲକ ସଭାପତି ଶ୍ରୀଯୁକ୍ତ ରବୀନ୍ଦ୍ର ବାରିକଙ୍କ ଆହ୍ବାନ କ୍ରମେ ଯାଜପୁର ଜିଲ୍ଲା ଯାଦବ ମହାସଭା ପକ୍ଷରୁ ବ୍ଲକ କାର୍ଯ୍ୟକାରିଣୀ ଓ କର୍ମକର୍ତ୍ତା ଚୟନ ବୈଠକ ଚିତ୍ରୀ ଗ୍ରାମରେ ଅନୁଷ୍ଠିତ ହୋଇଯାଇଛି । ଉକ୍ତ ସଭାକୁ କାର୍ଯ୍ୟକାରୀ ସଭାପତି ନିର୍ମଳ କୁମାର ଜୋତି ସଭାପତିତ୍ୱ କରିଥିଲେ ।

ଯାଦବ ସଂଗଠନ କିପରି ଆହୁରି ସୁଦୃଢ଼ ଓ ସଶକ୍ତ ହୋଇପାରିବ ଏହି ବିଷୟରେ ଜିଲ୍ଲା ସଭାପତି ରାମଚନ୍ଦ୍ର ବେହେରା ଆହ୍ୱାନ ଦେବା ସହିତ ହଜିଯାଉଥିବା ଯାଦବ ବଂଶର ପରମ୍ପରା ଓ ସଂସ୍କୃତି କିପରି ଉଜିବିତ ରହିପାରିବ ପରାମର୍ଶ ଦେଇଥିଲେ ।

ଉକ୍ତ ବୈଠକରେ ଉପଦେଷ୍ଟା ପଦ୍ମକର ଗୁରୁ,ସାଧାରଣ ସମ୍ପାଦକ ମନୋଜ କୁମାର ଦାସ,ମହିଳା ସଭାପତି ସ୍ନେହଲତା ବାରିକ,ପ୍ରସନ୍ନ କୁମାର ବେହେରା ପ୍ରମୁଖ ସହ ୧୦ବ୍ଳକର ସଭାପତି,ଅନ୍ୟ କର୍ମକର୍ତ୍ତା ଓ ଜିଲ୍ଲାରୁ ଆସିଥିବା ଯାଦବ ସଦସ୍ୟ ଉପସ୍ଥିତ ଥିଲେ ।