Author: suchanatv24x7

ଇଣ୍ଡିଗୋ କମ୍ପାନୀ କୁ ଶକ୍ତ ଝଟକା

ଇଣ୍ଡିଗୋକୁ ସରକାରଙ୍କ ଶକ୍ତ ଚାପୁଡା । ବିଗତ ସପ୍ତାହ ରୁ ଲୋକଙ୍କୁ ହଇରାଣ କରିଆସୁଛି ଇଣ୍ଡିଗୋ। ଦେଶରେ ବିମାନ ଉଡାଣରେ ବିଶୃଙ୍ଖଳା ପାଇଁ ଇଣ୍ଡିଗୋ ବିରୁଦ୍ଧରେ କେନ୍ଦ୍ର ସରକାରଙ୍କ କାର୍ଯ୍ୟାନୁଷ୍ଠାନ ଆରମ୍ଭ କରିଛନ୍ତି । ଦେଶର ବିମାନ ଚଳାଚଳ ନିୟାମକ ଏବଂ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ, ଇଣ୍ଡିଗୋର ଶୀତକାଳୀନ ସମୟସୂଚୀକୁ ହ୍ରାସ କରିଛି । ଯାହା ଫଳରେ ଉଡ଼ାଣ ସଂଖ୍ୟା ୫ ପ୍ରତିଶତ ହ୍ରାସ ପାଇଛି ।

ଦେଶର ଅଗ୍ରଣୀ ବିମାନ ସେବା ଇଣ୍ଡିଗୋ ବିମାନ ଉଡ଼ାଣ ବାତିଲ କରିବା ପରେ ଯାତ୍ରୀମାନଙ୍କୁ ଟିକେଟ ପଇସା ଫେରାଇବା କାର୍ଯ୍ୟ ଜାରି ରହିଛି। ସୋମବାର ଡିସେମ୍ବର ୮ତାରିଖ ସୁଦ୍ଧା ୮୨୭ କୋଟି ଟଙ୍କାର ରିଫଣ୍ଡ କରିଛି ବୋଲି ଇଣ୍ଡିଗୋ ଦାବି କରିଛି। ଅବଶିଷ୍ଟ ରିଫଣ୍ଡ ୧୫ ଡିସେମ୍ବର ୨୦୨୫ ପର୍ଯ୍ୟନ୍ତ ଜାରି କରାଯିବ ବୋଲି କମ୍ପାନୀ କହିଛି।

କେବଳ ସେତିକି ନୁହେଁ, ବୋର୍ଡିଂ ପାଇଁ ଯାଇଥିବା ଗ୍ରାହକଙ୍କ ବ୍ୟାଗ୍ ଫେରାଇବା କଥା ଇଣ୍ଡିଗୋ କହିଛି। ୪୫୦୦ ରୁ ଅଧିକ ବ୍ୟାଗ ଗ୍ରାହକଙ୍କ ପାଖକୁ ପହଞ୍ଚାଇଥିବା ବେଳେ ,ଆଗାମୀ ୩୬ ଘଣ୍ଟା ମଧ୍ୟରେ ବାକି ବ୍ୟାଗ ପହଞ୍ଚାଇବା କାର୍ଯ୍ୟ ଜାରି ରଖିଛି ବୋଲି ସୂଚନା ଦେଇଛି । ଯୋଗାଯୋଗ କରି ପ୍ରତିଦିନ ୨ ଲକ୍ଷରୁ ଅଧିକ ଗ୍ରାହକଙ୍କୁ ସହାୟତା କରାଯାଉଛି ବୋଲି ଇଣ୍ଡିଗୋ କହିଛି । ସାରା ଦେଶରେ ଇଣ୍ଡିଗୋ ସେବା ଲମ୍ବା ସମୟ ଧରି ବ୍ୟାହତ ହେବାପରେ ଯାତ୍ରୀମାନେ ନିଜର ଅସନ୍ତୋଷ ଝଡ଼ିଥିବା ଦେଖିବାକୁ ମିଳିଛି ।

ଇଣ୍ଡିଗୋ ପ୍ରତିଦିନ ପ୍ରାୟ ୨,୨୦୦ ଘରୋଇ ଏବଂ ଆନ୍ତର୍ଜାତୀୟ ଉଡ଼ାଣ ପରିଚାଳନା କରେ, କିନ୍ତୁ ସରକାରଙ୍କ ନିର୍ଦ୍ଦେଶ ଅନୁଯାୟୀ ଇଣ୍ଡିଗୋର ୧୧୦ ଟି ଉଡ଼ାଣ ହ୍ରାସ କରାଯାଇଛି । ଇଣ୍ଡିଗୋର ବଡ ପଡିଥିବା ଏହି ସ୍ଲଟ୍ ଅନ୍ୟ ବିମାନ କମ୍ପାନୀଗୁଡ଼ିକୁ ଦିଆଯିବ ବୋଲି ସରକାର କହିଛନ୍ତି ।ସେ ସମସ୍ତ ବିମାନ କମ୍ପାନୀକୁ ସ୍ପଷ୍ଟ ଚେତାବନୀ ଦେଇ କହିଛନ୍ତି ଯେ ଯାତ୍ରୀମାନଙ୍କୁ ହଇରାଣ କରିବାକୁ କାହାକୁ କ୍ଷମତା ଦିଆଯିବ ନାହିଁ ଏବଂ ସେମାନଙ୍କ ସୁରକ୍ଷା ସହିତ କୌଣସି ପ୍ରକାରର ସାଲିଶ କରାଯିବ ନାହିଁ।
ଇଣ୍ଡିଗୋ ସଙ୍କଟକୁ ନେଇ ରାମମୋହନ ଦେଲେ ବଡ ବୟାନ…

ଇଣ୍ଡିଗୋ ହେଉଛି ଇଣ୍ଟରଗ୍ଲୋବ ଆଭିଏସନ୍ ଲିମିଟେଡ୍ ମାଲିକାନାରେ ଥିବା ଏକ ଭାରତୀୟ ବିମାନ କମ୍ପାନୀ। ଏହା ଏକ କମ୍ ମୂଲ୍ୟର ବିମାନ କମ୍ପାନୀ ଯାହାର ମୁଖ୍ୟାଳୟ ହରିୟାଣାର ଗୁଡ଼ଗାଓଁରେ ଅବସ୍ଥିତ। ଏହି ବିମାନ କମ୍ପାନୀ 2006 ମସିହାରେ ଇଣ୍ଟରଗ୍ଲୋବ ଏଣ୍ଟରପ୍ରାଇଜେସ୍ ର ରାହୁଲ ଭାଟିଆ ଏବଂ ରାକେଶ ଗଙ୍ଗୱାଲ ଦ୍ୱାରା ଏକ ଘରୋଇ କମ୍ପାନୀ ଭାବରେ ପ୍ରତିଷ୍ଠିତ ହୋଇଥିଲା।

ଇଣ୍ଡିଗୋ ସଙ୍କଟ ସମ୍ପର୍କରେ ଲୋକସଭାରେ ବେସାମରିକ ବିମାନ ଚଳାଚଳ ମନ୍ତ୍ରୀ ରାମ ମୋହନ ନାଇଡୁ ସରକାରଙ୍କ କାର୍ଯ୍ୟାନୁଷ୍ଠାନ ବିଷୟରେ ବିସ୍ତୃତ ଭାବରେ ବର୍ଣ୍ଣନା କରିଥିଲେ। ସେ କହିଥିଲେ ଯେ ଇଣ୍ଡିଗୋର ଏକ ଆଭ୍ୟନ୍ତରୀଣ ରୋଷ୍ଟର ସମସ୍ୟାରୁ ଏହି ସଙ୍କଟ ସୃଷ୍ଟି ହୋଇଛି ଏବଂ ଡିଜିସିଏ ସମସ୍ତ ଆବଶ୍ୟକୀୟ ପଦକ୍ଷେପ ନେଉଛି। ଇଣ୍ଡିଗୋର ସିଇଓଙ୍କୁ ଏକ ନୋଟିସ ଜାରି କରାଯାଇଛି। ସେ ସ୍ପଷ୍ଟ କରିଥିଲେ ଯେ ଯାତ୍ରୀ ସୁରକ୍ଷା ଏକ ପ୍ରାଥମିକତା ଏବଂ ଏଥିରେ କୌଣସି ପ୍ରକାରର ଆପତ୍ତି କରାଯିବ ନାହିଁ। ଇଣ୍ଡିଗୋ ଏୟାରଲାଇନ୍ସର ବିମାନଗୁଡ଼ିକ ସମସ୍ୟାରେ ରହିଛି। ଅହମ୍ମଦାବାଦ ବିମାନବନ୍ଦରରେ ଯାତ୍ରୀମାନେ ଗୁରୁତ୍ୱପୂର୍ଣ୍ଣ ବାଧାପ୍ରାପ୍ତ ହେଉଛନ୍ତି, ଆଜି ଅନେକ ବିମାନ ବାତିଲ ହୋଇଛି। ଦିଲ୍ଲୀ ଏବଂ ବେଙ୍ଗାଲୁରୁରେ ମଧ୍ୟ 250 ରୁ ଅଧିକ ଇଣ୍ଡିଗୋ ବିମାନ ବାତିଲ କରାଯାଇଛି। ଦିଲ୍ଲୀରେ 75ଟି ପ୍ରସ୍ଥାନ ଏବଂ 59ଟି ଆଗମନ, ବେଙ୍ଗାଲୁରୁରେ 65ଟି ଆଗମନ ଏବଂ 62ଟି ପ୍ରସ୍ଥାନ ବାତିଲ କରାଯାଇଛି।
ଖୋଲିବ ଗର୍ଭଗୃହ, ଭିତରେ ରହିଛି କ’ଣ?

୧୩ଶହ ଶତବଦ୍ଧି ରେ ନିର୍ମିତ ଐତିହାସିକା କୋଣାର୍କ ସୂର୍ଯ୍ୟ ମନ୍ଦିର ବାଲି ମୁକ୍ତ ହେବ । ୧୨୨ ବର୍ଷ ପରେ କୋଣାର୍କ ସୂର୍ଯ୍ୟ ମନ୍ଦିର ଗର୍ଭ ଗୃହରୁ କଢ଼ା ହେବ ବାଲି । ବହୁତ ଦିନର ବ୍ୟବଧାନ ପରେ ଏନେଇ ଏଏସ୍‌ଆଇ ପକ୍ଷରୁ ପ୍ରକ୍ରିୟା ଆରମ୍ଭ ହୋଇ ସାରିଛି ।

ପୂର୍ବେ ମନ୍ଦିରର ଗର୍ଭଗୃହରୁ ପଥର ଖସିବାରୁ, ଏହାର ସୁରକ୍ଷା ପାଇଁ ୧୯୦୩ ମସିହାରେ ଇଂରେଜ ସରକାର, ସେଥିରେ ବାଲି ଓ ପଥର ଭର୍ତ୍ତି କରି ଦ୍ଵାର ସିଲ୍ କରି ଦେଇଥିଲେ। ୮୦ ଫୁଟ ଉଚ୍ଚରେ ମନ୍ଦିରର ପଶ୍ଚିମ ପାର୍ଶ୍ଵ କାନ୍ଥରେ ୨୬ ଫୁଟରୁ ଅଧିକ କାନ୍ଥ ଖୋଳା ସରିଛି । ପରେ ଗର୍ଭଗୃହ ଭିତର ବାଲି ଓ ପଥରକୁ ସଂଗ୍ରହ କରାଯାଇ ପରୀକ୍ଷା ପାଇଁ ଆଇଆଇଟି ମାଡ୍ରାସ ଲ୍ୟାବ୍‌କୁ ପଠାଯାଇଛି ।

ତାପରେ ଏହା କେତେ ସୁରକ୍ଷିତ , ଯଦି ଏହାର ଗର୍ଭଗୃହରୁ ବାଲି କାଢ଼ିବା ପରେ ମନ୍ଦିର ସୁରକ୍ଷିତ ରହିବ କି ନାହିଁ ସେନେଇ ଅଧିକ ଅନୁଧ୍ୟାନ କରୁଛି ଏଏସ୍‌ଆଇ ବୈଷୟକ ଟିମ୍ । ତେବେ ଗର୍ଭଗୃହ ଭିତରର ପଥର ଓ ବାଲିର ପରୀକ୍ଷା ପରେ ଏହି ସବୁ ପ୍ରଶ୍ନର ଉତ୍ତର ମିଳି ପାରିବ ବୋଲି କୁହାଯାଉଛି । ଡ୍ରିଲିଂ ବେଳେ ଯେପରି ସୁକ୍ଷ୍ମ କାରୁକାର୍ଯ୍ୟ ସଂପନ୍ନ ପଥରକୁ ଆଞ୍ଚ ନଆସେ, ସେଥିପାଇଁ ଡାଇମଣ୍ଡ ଡ୍ରିଲ ମେସିନ୍ ସହ ଜିରୋ ଭାଇବ୍ରେସନ ମେସିନର ବ୍ୟବହାର ହୋଇଛି ।

ବାଲି ଓ ପଥର ନିଷ୍କାସନ କାମ ସରିଲେ ପର୍ଯ୍ୟଟକଙ୍କ ପାଇଁ ଖୋଲିବ କୋଣାର୍କ ସୂର୍ଯ୍ୟମନ୍ଦିର ଜଗମୋହନ ଦ୍ଵାର ସବୁଦିନ ପାଇଁ ଖୋଲିଦିଆଯିବ ବୋଲି ଏଏସ୍‌ଆଇ ପୁରୀ ସର୍କଲ ସୁପରିଟେଡେଣ୍ଟଟ ଡକ୍ଟର ଡି ବି. ଗଡନାୟକ ସୂଚନା ଦେଇଛନ୍ତି ।
ରାଇରଙ୍ଗପୁରରେ ଲୋକଙ୍କ ଦୁଃଖ ଶୁଣିଲେ ଜିଲ୍ଲାପାଳ

ରାଇରଙ୍ଗପୁରରେ ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମିଳନୀ କକ୍ଷରେ ଜନ ଶୁଣାଣି ଅଭିଯୋଗ ଶିବିର ଅନୁଷ୍ଠିତ ହୋଇଛି। ଜିଲ୍ଲାପାଳ ଶ୍ରୀ ହେମକାନ୍ତ ସୟଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶିବିରରେ ଜିଲ୍ଲା ଆରକ୍ଷୀ ଅଧିକ୍ଷକ, ଶ୍ରୀ ବରୁଣ ଗୁଣ୍ଟୁପାଲ୍ଲି ବାମନଘାଟି ଉପ ଜିଲ୍ଲାପାଳ ଶ୍ରୀ ସୌମ୍ୟରଞ୍ଜନ ପ୍ରଧାନ, ରାଇରଙ୍ଗପୁର ଅତିରିକ୍ତ ଜିଲ୍ଲାପାଳ ଶ୍ରୀ ସୁଚାରୁ କୁମାର ବଳ, ରାଇରଙ୍ଗପୁର ଉପଖଣ୍ଡ ଆରକ୍ଷୀ ଅଧିକାରୀ ଗୋକୁଳା ନନ୍ଦ ସାହୁ,ରାଇରଙ୍ଗପୁର ଉପଖଣ୍ଡ ଚିକିତ୍ସାଧିକାରୀ ଡା. ରବୀନ୍ଦ୍ର କୁମାର ମାର୍ଣ୍ଡି ପ୍ରମୁଖ ଯୋଗ ଦେଇଥିଲେ । ଏହି ଶିବିରରେ ଜନସାଧାରଣଙ୍କ ଠାରୁ ମୋଟ ୧୦୯ଟି ଅଭିଯୋଗ ପତ୍ର ଗ୍ରହଣ ହୋଇଥିବା ବେଳେ ୯୪ଟି ବ୍ୟକ୍ତିଗତ ସମସ୍ୟା ଭିତ୍ତିକ ଏବଂ ୧୫ଟି ଗ୍ରାମବାସୀଙ୍କ ବିଭିନ୍ନ ସମସ୍ୟା ଭିତ୍ତିକ ସାମୁହିକ ଅଭିଯୋଗ ଥିଲା । ଆବେଦନର ଗୁରତ୍ୱକୁ ବିଚାର କରି ମୁଖ୍ୟମନ୍ତ୍ରୀ ରିଲିଫ ପାଣ୍ଠି ରୁ ଜଣଙ୍କୁ ୧୦,୦୦୦ ଟଙ୍କା ଓ ରେଡକ୍ରସ ପାଣ୍ଠିରୁ ଜଣଙ୍କୁ ୧୦, ୦୦୦ ଟଙ୍କା ଜିଲ୍ଲାପାଳ ମଂଜୁର କରିଛନ୍ତି। ଅନ୍ୟାନ୍ୟ ଆପତ୍ତି ଅଭିଯୋଗ ଗୁଡିକର ବିଷୟ ପ୍ରସଙ୍ଗ ଉପରେ ସବିଶେଷ ତଦନ୍ତ କରି ଅନୁଧ୍ୟାନ ପୂର୍ବକ ବିହିତ କାର୍ଯ୍ୟାନୁଷ୍ଠାନ ନେବା ସହ ତ୍ୱରିତ ପ୍ରକ୍ରିୟାରେ ସମାଧାନ କରିବା ପାଇଁ ସମ୍ପୃକ୍ତ ବିଭାଗୀୟ ଅଧିକାରୀ ମାନଙ୍କୁ ଜିଲ୍ଲାପାଳ ନିର୍ଦେଶ ଦେଇଥିଲେ ।
ଅଧୁରା ରହିଗଲା ମା’ର ସ୍ଵପ୍ନ

ଆଖି ବୁଜିଲେ ପୀଡ଼ିତା। ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଆଉ ଜଣେ ନାବାଳିକା। ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁରର ଲାଞ୍ଜିବେର୍ଣ୍ଣା ଅଞ୍ଚଳରେ ଆତ୍ମାହୁତି ଉଦ୍ୟମ କରିଥିଲେ ଯୁକ୍ତଦୁଇ ଛାତ୍ରୀ। ୯୦ ପ୍ରତିଶତ ଜଳି ଯାଇଥିଲା ଶରୀର ତାପରେ ତାଙ୍କୁ ଗୁରତର ଅବସ୍ଥାରେ ଉଦ୍ଧାର କରି ନିକଟସ୍ଥ ଡାକ୍ତରଖାନାକୁ ନିଆଯାଇଥିଲା ।

ପ୍ରଥମେ ପ୍ରାଥମିକ ଚିକିତ୍ସା ଦିଆଯାଇଥିଲା । ପରବର୍ତ୍ତୀ ସମୟରେ ତାଙ୍କୁ ରାଉଲକେଲ ସ୍ଥିତ ଇସ୍ପାତ ଜେନେରାଲ ହସପିଟାଲର(IGH) ବର୍ଣ୍ଣ ସେଣ୍ଟର କୁ ଚିକିତ୍ସା ପାଇଁ ପଠା ଯାଇଥିଲା।ଗତକାଲି ସ୍ଵାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ହସପିଟାଲକୁ ଯାଇ ପୀଡ଼ିତାଙ୍କୁ ଭେଟିଥିଲେ । ପୀଡ଼ିତାଙ୍କୁ ଦିଲ୍ଲୀ ଏମ୍ସ ନିଆଯାଉ ବୋଲି ପରିବାର ଲୋକ ଦାବି କରିଥିଲେ ଯାହାକୁ ନେଇ ସ୍ଵାସ୍ଥ୍ୟମନ୍ତ୍ରୀ ପ୍ରତିଶୃତି ଦେଇଥିଲେ । କିନ୍ତୁ ଏୟାରଲିଫ୍ଟ ପୂର୍ବରୁ ପୀଡ଼ିତା ଆଖି ବୁଜିଦେଲା

ସୂତ୍ରରୁ ଜଣ ପଡିଛି ଯେ ତାଙ୍କୁ ଜଣେ ଯୁବକ ବ୍ଲାକ ମେଲ କରିଥିଲେ ସେଥିପାଇଁ ପୀଡ଼ିତା ଜଣକ ଗତ ଶନିବାର ରେ କିରୋସିନ ଢଳି ହରେ ନିଆଁ ଲାଗାଇଥିଲେ । ଯୁବକ ଜଣକ ଙ୍କୁ ଗିରଫ କରାଯାଇଥିଲା କିନ୍ତୁ କିଛିବି ଏପର୍ଯ୍ୟନ୍ତ କୌଣସି ତଥ୍ୟ ସମନ୍ନାକୁ ଆସି ନାହିଁ । ସେପଟେ IGH ରେ ପୀଡ଼ିତାଙ୍କ ମୃତଦେହକୁ ଉଠାଇବା ପାଇଁ ୫୦ଲକ୍ଷ୍ୟ ଟଙ୍କାର ଦବି କରିଥିଲେ ପରିବାର ଲୋକ ।
କାଲିର ମ୍ୟାଚ ପାଇଁ ଝାଳବୁହାଇଲା ଭାରତ

ଆସନ୍ତା କଲି କଟକ ବାରବାଟୀ ଷ୍ଟାଡିୟମ ଠାରେ ଭାରତ-ଦକ୍ଷିଣ ଆଫ୍ରିକା ମଧ୍ୟରେ ହେବ T-20 ମ୍ୟାଚ । ସେଥିପାଇଁ ଜୋରସୋରେ ଚାଲିଛି ପ୍ରସ୍ତୁତି ।ଶୁକ୍ରବାର ଦକ୍ଷିଣ ଆଫ୍ରିକାର କିଛି ଖେଳାଳି ଆସିଥିବା ବେଳେ ଗତକଲି ଭୁବନେଶ୍ଵରରେ ପହଞ୍ଚିଥିଲେ ଭାରତୀୟ ଟିମ୍ ।ସେମାନଙ୍କ ରହଣୀ ପାଇଁ ହୋଟେଲ ମେ ଫେୟାରରେ ବ୍ୟବସ୍ଥା କରାଯାଇଛି ।ଖେଳାଳିଙ୍କୁ ପାରମ୍ପାରିକ ଆଦିବାସୀ ନୃତ୍ୟ ଓ ବାଦ୍ୟର ତାଳେ ତାଳେ ସ୍ଵାଗତ କରାଯାଇଥିଲା ।

କାଲିର ମ୍ୟାଚ ପାଇଁ ଆଜି ଉଭୟ ଟିମ ଷ୍ଟାଡିୟମ ଆସି ରେ ନେଟ୍ ପ୍ରାକ୍ଟିସ କରିବେ। ନେଟ୍ ପ୍ରାକ୍ଟିସ କିପରି ସୁରୁଖୁରୁରେ ହେବା ସେଥିପାଇଁ ଓଡ଼ିଶା କ୍ରିକେଟ ଆସୋସିଏସନ, ପୁଲିସ ଓ ପ୍ରଶାସନ ତରଫରୁ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।ଏହାକୁ ଦେଖିବା ଲାଗି ୭ ନମ୍ବର ଫାଟକ ଓ ୬ ନମ୍ବର ଗ୍ୟାଲେରି ଖୋଲା ରଖାଯାଇଛି । ଆଜି ଦର୍ଶକଙ୍କ ପାଇଁ ବିନା ଶୁଳ୍କରେ ନିଜ ପ୍ରିୟ ଖେଳାଳିଙ୍କୁ ଦେଖିପାରିବାର ସୁବର୍ଣ୍ଣ ସୁଯୋଗ ଅଛି । ଦର୍ଶକ କିପରି ଶୃଙ୍ଖଳିତ ଭାବେ ଦେଖିପାରିବେ ,ଏଥିପାଇଁ ମଧ୍ୟ ପ୍ରଶାସନ ତରଫରୁ ପୁଲିସ ଫୋର୍ସ ମୁତୟନ ହୋଇଛନ୍ତି ।

ନେଟ୍ ପ୍ରାକ୍ଟିସ ପାଇଁ ଦିନ ୧ଟା ବେଳେ ଟିମ ଇଣ୍ଡିଆ ଷ୍ଟାଡିୟମରେ ପହଞ୍ଚି ଦିନ ୧ ଟା ୩୦ ରୁ ୪ ଟା ୩୦ ପର୍ଯ୍ୟନ୍ତ ଅଭ୍ୟାସ କରିବେ । ତାପରେ ଦକ୍ଷିଣ ଆଫ୍ରିକା ୫ ତା ୩୦ ରୁ ୮ ଟା ୩୦ ପର୍ଯ୍ୟନ୍ତ ଅଭ୍ୟାସ କରିବେ ବୋଲି କ୍ରିକେଟ ଆସୋସିଏସନ ସୂଚନା ଦେଇଛନ୍ତି । ପ୍ରଥମେ ଦକ୍ଷିଣ ଆଫ୍ରିକା ଟେଷ୍ଟ ସିରିଜ ୨-୦ ରେ ବିଜୟ ହୋଇଥିଲା ପରେ ଭାରତ ୨-୧ ବିଜୟ ହୋଇ ପ୍ରତିଶୋଧ ନେଇଥିଲା କଟକ ରେ ପ୍ରଥମ ମ୍ୟାଚ ଖେଳାଯିବା ପରବର୍ତ୍ତୀ ସମୟରେ ଚାରିଟି ମ୍ୟାଚ ଖେଳାଯିବ ।
ଫ୍ରାନ୍ସର ଭାରସାମ୍ୟ ହରାଇ ଖ୍ରୀଷ୍ଟମାସ ବଜାର ଭିଡକୁ ମାଡ଼ିଗଲା କାର, ୧୦ ମୃତ୍ୟୁ ଅନେକ ଆହତ

ଖ୍ରୀଷ୍ଟମାସ ପାଇଁ ପ୍ରସ୍ତୁତ ହେଉଥିବା ଫ୍ରାନ୍ସ ଗୁଆଡେଲୁପ୍‌ର ସେଣ୍ଟ-ଆନ୍ ସହରରେ ଲୋକଙ୍କ ଭିଡ଼ ଉପରେ ଏକ ନିୟନ୍ତ୍ରଣହୀନ କାର ଚଢ଼ିଗଲା। ଗୁଆଡେଲୁପ୍‌ରେ ଏକ ଖ୍ରୀଷ୍ଟମାସ ବଜାରର ପ୍ରସ୍ତୁତି ସମୟରେ ଘଟିଥିଲା ଏହି ଦୁର୍ଘଟଣା । ଶୁକ୍ରବାର ସନ୍ଧ୍ୟାରେ ଏକ କାର ଭିଡ଼ ଉପରେ ଚଢ଼ିଗଲା, ଯେଉଁଥିରେ ଅତି କମରେ ୧୦ ଜଣଙ୍କର ମୃତ୍ୟୁ ହୋଇଥିଲା ଏବଂ ୧୯ ଜଣ ଗୁରୁତର ଆହତ ହୋଇଥିଲେ।

ବିଶ୍ୱର ସବୁଠାରୁ ଧନୀ ବ୍ୟବସାୟସ୍ଥଳ, ଆମେରିକାର ଏଲୋନ ମସ୍କ ମଧ୍ୟ ଖ୍ରୀଷ୍ଟମାସ ବଜାର ଦୁର୍ଘଟଣା ଉପରେ ମନ୍ତବ୍ୟ ଦେଇଛନ୍ତି।

ସ୍ଥାନୀୟ ଗଣମାଧ୍ୟମ ଏବଂ ଅଧିକାରୀଙ୍କ ଅନୁଯାୟୀ, ଏହି ଘଟଣାଟି ସହରର ଟାଉନ ହଲ୍ ଏବଂ ଚର୍ଚ୍ଚର ଠିକ୍ ବିପରୀତ ଦିଗରେ ଅବସ୍ଥିତ ଏକ ବ୍ୟସ୍ତବହୁଳ ପଦଯାତ୍ରୀ ରାସ୍ତା ସ୍କୋଏଲଚର ସ୍କୋୟାରରେ ଘଟିଛି, ଯେଉଁଠାରେ ପରିବାର ଏବଂ ସ୍ଥାନୀୟ ଲୋକମାନେ ଖ୍ରୀଷ୍ଟମାସ ଆଲୋକୀକରଣ ଏବଂ ସାଜସଜ୍ଜା ପାଇଁ ଶେଷ ପ୍ରସ୍ତୁତି କରୁଥିଲେ। ରେଡିଓ କାରାଇବସ୍ ଇଣ୍ଟରନ୍ୟାସନାଲ୍ ଗୁଆଡେଲୁପ୍ (RCI) ରିପୋର୍ଟ କରିଛି ଯେ 19 ଜଣ ପୀଡିତଙ୍କ ମଧ୍ୟରୁ 10 ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ଆହତମାନଙ୍କ ମଧ୍ୟରୁ ତିନି ଜଣଙ୍କ ଅବସ୍ଥା ଗୁରୁତର ଅଛି, ଯେତେବେଳେ ଅନ୍ୟମାନଙ୍କୁ ନିକଟସ୍ଥ ଡାକ୍ତରଖାନାକୁ ନିଆଯାଇଛି। ପ୍ରାରମ୍ଭିକ ରିପୋର୍ଟରେ ଏହା ମଧ୍ୟ ସୂଚିତ ହୋଇଛି ଯେ ଅନେକ ପରିବାର ଷ୍ଟଲ୍ ଲଗାଇବା ଏବଂ ସାଜସଜ୍ଜା କରିବା ପାଇଁ ଏକାଠି ହୋଇଥିଲେ।

ଘଟଣାସ୍ଥଳରୁ ଡ୍ରାଇଭର ଆତ୍ମସମର୍ପଣ କରିଥିଲେ ଏବଂ ତାଙ୍କୁ ହେପାଜତକୁ ନିଆଯାଇଥିଲା। କିଛି ପ୍ରତ୍ୟକ୍ଷଦର୍ଶୀ ସୂଚିତ କରିଛନ୍ତି ଯେ ଡ୍ରାଇଭରଙ୍କର କୌଣସି ଜରୁରୀକାଳୀନ ଚିକିତ୍ସା ହୋଇଥାଇପାରେ, କିନ୍ତୁ ପୋଲିସ ଏପର୍ଯ୍ୟନ୍ତ କାରଣ ନିର୍ଣ୍ଣୟ କରିନାହିଁ। ଘଟଣାଟି ଶୁକ୍ରବାର ସନ୍ଧ୍ୟା ପ୍ରାୟ ସାଢ଼େ ୭ଟା (ସ୍ଥାନୀୟ ସମୟ) ସମୟରେ ଘଟିଥିଲା। ଅଗ୍ନିଶମ କର୍ମଚାରୀ, ପାରାମେଡିକ୍ସ ଏବଂ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ସହରର ମେୟର କିଛି ସମୟ ପରେ ପହଞ୍ଚି ଏକ ସଙ୍କଟ ପରିଚାଳନା ଦଳକୁ ସକ୍ରିୟ କରିଥିଲେ, ଯାହା ପୀଡିତ ଏବଂ ସେମାନଙ୍କ ପରିବାରକୁ ସହାୟତା ପ୍ରଦାନ କରୁଛି। ମେୟର ଏହାକୁ ଏକ “ଭୟାନକ ଦୁଃଖଦ ଘଟଣା” ବୋଲି କହିଥିଲେ ଏବଂ ସମାଜ ପ୍ରତି ସମବେଦନା ପ୍ରକାଶ କରିଥିଲେ।
Indigo ପାଇଁ ହାତ ବଢେଇଲା Airindia

ଇଣ୍ଡିଗୋର ପରିଚାଳନାଗତ ସମସ୍ୟା ଯୋଗୁଁ ବିମାନ ଚଳାଚଳ ବାଧା ସୃଷ୍ଟି ହେବା ଫଳରେ ସାରା ଭାରତରେ ବିମାନ ବାତିଲ ଏବଂ ଭଡ଼ା ବୃଦ୍ଧି ଘଟିଛି। ପରିସ୍ଥିତିକୁ ଆଖି ଆଗରେ ରଖି ଏୟାରଲାଇନ୍ସ ବିମାନ ପରିଚାଳନା ଏବଂ ଗ୍ରାହକମାନଙ୍କ ସହାୟତା କରିବା କଥା କହିଛନ୍ତି ।ଏହାର ଜବାବରେ, ଏୟାର ଇଣ୍ଡିଆ ଏବଂ ଏୟାର ଇଣ୍ଡିଆ ଏକ୍ସପ୍ରେସ ଆଗକୁ ବଢ଼ି ଫସି ରହିଥିବା ଯାତ୍ରୀମାନଙ୍କୁ ସାହାଯ୍ୟ କରିବା ପାଇଁ ଅନେକ ଗୁରୁତ୍ୱପୂର୍ଣ୍ଣ ପଦକ୍ଷେପ ଘୋଷଣା କରିଛନ୍ତି। ଏହି ପଦକ୍ଷେପଗୁଡ଼ିକ ହଜାର ହଜାର ଫସି ରହିଥିବା ଯାତ୍ରୀଙ୍କୁ ତାଙ୍କ ଯାତ୍ରାରେ ସହଜ ହେବବୋଲି ଲକ୍ଷ୍ୟରେ ରହିଛି।

ଏୟାର ଇଣ୍ଡିଆ କହିଛି ଯେ ଡିସେମ୍ବର ୪ ରୁ ଇକୋନୋମି କ୍ଲାସ ଘରୋଇ ନନ୍-ଷ୍ଟପ୍ ବିମାନ ଯାତ୍ରା ପାଇଁ ଏକ ସ୍ଥିର ଭଡ଼ା ସୀମା ଲାଗୁ କରାଯାଇଛି। ସ୍ୱୟଂଚାଳିତ ମୂଲ୍ୟ ବ୍ୟବସ୍ଥା ଯୋଗୁଁ ଚାହିଦାରେ ହଠାତ୍ ବୃଦ୍ଧି ଯୋଗୁଁ ଟିକେଟ ମୂଲ୍ୟ ଆକାଶଛୁଆଁ ହେବାରୁ ରୋକିବା ପାଇଁ ଏହି ନିଷ୍ପତ୍ତି ନିଆଯାଇଛି। ଏହା ବ୍ୟତୀତ, ଏୟାର ଇଣ୍ଡିଆ ଏବଂ ଅନ୍ୟାନ୍ୟ ବିମାନ କମ୍ପାନୀଗୁଡ଼ିକ ଡିସେମ୍ବର ୬ ରେ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଦ୍ୱାରା ଜାରି କରାଯାଇଥିବା ନୂତନ ଭଡ଼ା ନିୟମାବଳୀ ପାଳନ କରୁଛନ୍ତି।

ଫସି ରହିଥିବା ଯାତ୍ରୀମାନଙ୍କୁ ଆଶ୍ୱସ୍ତି ପ୍ରଦାନ କରିବା ପାଇଁ, ଏୟାର ଇଣ୍ଡିଆ ଏବଂ ଏୟାର ଇଣ୍ଡିଆ ଏକ୍ସପ୍ରେସ ଯାତ୍ରୀମାନଙ୍କ ପାଇଁ ପରିବର୍ତ୍ତନ ଏବଂ ବାତିଲକରଣ ଫି ଉପରେ ଏକକାଳୀନ ଛାଡ଼ ଆରମ୍ଭ କରିଛନ୍ତି। ଯେଉଁ ଯାତ୍ରୀମାନେ ୧୫ ଡିସେମ୍ବର ପର୍ଯ୍ୟନ୍ତ ଯାତ୍ରା ପାଇଁ ୪ ଡିସେମ୍ବର ପର୍ଯ୍ୟନ୍ତ ଟିକେଟ ବୁକ୍ କରିଥିଲେ, ସେମାନେ ପୁନଃନିର୍ଦ୍ଧାରିତ ଫି ନ ଦେଇ ସେମାନଙ୍କର ଯାତ୍ରା ତାରିଖ ପରିବର୍ତ୍ତନ କରିପାରିବେ କିମ୍ବା ପୂର୍ଣ୍ଣ ଫେରସ୍ତ ସହିତ ବାତିଲ କରିପାରିବେ। ଏହି ସୁବିଧା ୮ ଡିସେମ୍ବର ପର୍ଯ୍ୟନ୍ତ କରାଯାଇଥିବା ପରିବର୍ତ୍ତନ କିମ୍ବା ବାତିଲ୍ ପାଇଁ ପ୍ରଯୁଜ୍ୟ ହେବ।ଦ୍ରୁତ ଗତିରେ ବର୍ଦ୍ଧିତ କଲ୍ ଏବଂ ଅଭିଯୋଗର ମୁକାବିଲା ପାଇଁ ଏୟାର ଇଣ୍ଡିଆ ଗ୍ରାହକ ସେବା କେନ୍ଦ୍ରଗୁଡ଼ିକରେ ଅତିରିକ୍ତ କର୍ମଚାରୀ ନିୟୋଜିତ କରିଛି। ଯାହା ଫହଳରେ ଯାତ୍ରୀମାନେ ଏୟାରଲାଇନ୍ସର ୨୪*୭ କଲ୍ ସେଣ୍ଟର ମାଧ୍ୟମରେ କିମ୍ବା ଯେକୌଣସି ଟ୍ରାଭେଲ୍ ଏଜେଣ୍ଟ ମାଧ୍ୟମରେ ସେମାନଙ୍କର ବୁକିଂରେ ପରିବର୍ତ୍ତନ କିମ୍ବା ବାତିଲ୍ କରିପାରିବେ।
ରାସ୍ତା ଦୁର୍ନୀତିକୁ ନେଇ ଗର୍ଜିଲେ ପୂର୍ବତନ ସାଂସଦ

ରାସ୍ତା ନିର୍ମାଣରେ ଅବହେଳା, ସିମେଣ୍ଟ ବଦଳରେ ବ୍ୟବହାର ହେଉଛି ମାଟି, ଯାହାକୁ ନେଇ ପୂର୍ବତନ ସାଂସଦ ତଥା ଟାଣୁଆ ନେତା, ବାଳଗୋପାଳ ମିଶ୍ର ଗ୍ରାମ୍ୟ ଉନ୍ନୟନ ବିଭାଗର ଅଧିକ୍ଷଣ ଯନ୍ତ୍ରୀଙ୍କ କାର୍ଯ୍ୟାଳୟରେ କିଛି ଗ୍ରାମବାସୀଙ୍କୁ ନେଇ ଘେରାଉ |

ବଲାଙ୍ଗିର ଜିଲ୍ଳା ଲୋଇସିଂହା ବ୍ଳକ ବଘାପାଲିରୁ ପ୍ରାୟ ୪ କିଲୋମିଟର ପିପିଲି ରାସ୍ତାର ଅବସ୍ଥା ଅତ୍ୟନ୍ତ ଦୟନୀୟ। ଏହି ୪ କିଲୋମିଟର ରାସ୍ତା ପାଇଁ ସାଢେ ତିନି କୋଟି ଟଙ୍କାର କାମ ହେଉଛି। କିନ୍ତୁ କଂକ୍ରୀଟ ରାସ୍ତା ନିର୍ମାଣ ବେଳେ ସିମେଣ୍ଟ ବଦଳରେ ମାଟି ବ୍ୟବହାର ହେଉଥିବା ଅଭିଯୋଗ କରୁଛନ୍ତି ଗାଁ ଲୋକେ।

ଦାୟିତ୍ୱରେ ଥିବା ଯନ୍ତ୍ରୀ କାମର ତଦାରଖ କରୁ ନଥିବାରୁ ଠିକାଦାର ନିଜ ମନମାନି ରେ କାମ କରିଛିନ୍ତି । ଯାହାଫଳରେ ଗାଁ ଲୋକମାନେ ଅସନ୍ତୋଷ ପ୍ରକାଶ କରିଛନ୍ତି ଏବଂ ବାରମ୍ବାର ଅଭିଯୋଗ ପରେ ମଧ୍ୟ କେହି ଶୁଣୁ ନଥିବାରୁ ବାଧ୍ୟ ହୋଇ ପୂର୍ବତନ ସାଂସଦଙ୍କ ନେତୃତ୍ୱରେ ଧାରଣାରେ ବସିଲେ ଗାଁ ଲୋକେ।

ଦୀର୍ଘ ସମୟ ଧରି ଧାରଣାରେ ବସିବା ପରେ, ଧାରଣାସ୍ଥଳକୁ ଆସିଲେ ଗ୍ରାମ୍ୟ ଉନ୍ନୟନ ବିଭାଗର ଅଧିକ୍ଷଣ ଯନ୍ତ୍ରୀ। ରାସ୍ତା କାମ ଦାୟିତ୍ୱରେ ଥିବା ଏସ.ଡି.ଓ ଏବଂ ଯନ୍ତ୍ରୀଙ୍କୁ ମଧ୍ୟ ଡାକିଲେ ଅଧିକାରୀ। ଯନ୍ତ୍ରୀଙ୍କୁ କାଗଜପତ୍ର ଦେଖାଇବାକୁ କହିଲେ ପୂର୍ବତନ ସାଂସଦ,ଯେଉଁଥିରେ ଜଣ ପଡିଛି ଯେ,ବଘାପାଲିରୁ ପିପିଲି ପ୍ରାୟ ୪ କିଲୋମିଟର ରାସ୍ତାର ପାଇଁ ସାଢେ ତିନି କୋଟି ଟଙ୍କା ଆସିଥିବା ଜଣାପଡିଲା ।

ଶୀଘ୍ର କାମର ତଦାରଖ କରି, ଠିକଠାକ କାମ କରିବାକୁ କହିବା ସହିତ ରାସ୍ତା କାମରେ ଦୁର୍ନିତୀ ବନ୍ଦ ନହେଲେ ଧାରଣା ଦିଆଯିବ ବୋଲି ଧମକ ଦେଇଛନ୍ତି ବାଲଗୋପାଳ। ଅନ୍ୟପଟେ ଅଧିକ୍ଷଣ ଯନ୍ତ୍ରୀ କହିଛନ୍ତି, ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ, ଏବଂ ରାସ୍ତା କାମ ଶୀଘ୍ର କରାଯିବ।
ଛାତ୍ରୀ ଙ୍କ ଆତ୍ମହୁତି, କାରଣ ଅସ୍ପଷ୍ଟ

ନିଜ ଦେହରେ ନିଜ ଦେହରେ ନିଜେ ନିଆଁ ଲଗାଇଲେ ଛାତ୍ରୀ , ଗୁରୁତର ଛାତ୍ରୀ ଜଣଙ୍କ ରାଉରକେଲା IGHରେ ଭର୍ତ୍ତି ହୋଇଛନ୍ତି। ନିଆଁ ଲାଗି ତାଙ୍କ ଶରୀରର ୯୦% ପୋଡ଼ି ଯାଇଛି। ଯେଉଁଥିପାଇଁ ତାଙ୍କ ଅବସ୍ଥା ସଂକଟାପନ୍ନ ରହିଛି।ତେବେ ଦେହରେ ଛାତ୍ରୀ ଜଣଙ୍କ ନିଜ ଦେହରେ କାହିଁକି ନିଆଁ ଲଗାଇଲେକାରଣ ଏପର୍ଯ୍ୟନ୍ତ ଜାଣାପଡିନାହିଁ ।