Author: suchanatv24x7

ପତ୍ନୀ ବିରୋଧରେ ଏତଲା ଦେଲେ ସ୍ୱାମୀ, ତୁରନ୍ତ ଗିରଫ ଦାବି

ସ୍ୱାମୀଙ୍କୁ ମୃତ ଦର୍ଶାଇ ଟଙ୍କା ନେବାକୁ ଉଦ୍ୟମ କରିଥିଲେ । ଶେଷରେ ବଦନାମ ହେବା ସହ ଚମ୍ପଟ ମାରିଲେ । ଟ୍ରେନ୍ ଦୁର୍ଘଟଣାରେ ଟଙ୍କା ହାତେଇବା ଉଦ୍ୟମ ଘଟଣାରେ ନୂଆ ଟ୍ୱିଷ୍ଟ । ପତ୍ନୀଙ୍କ ବିରୋଧରେ ମାଣିଆବନ୍ଧ ଥାନାରେ ଏତଲା ଦେଇଛନ୍ତି ସ୍ୱାମୀ ବିଜୟ ଦତ୍ତ । ଟଙ୍କା ଲୋଭରେ ମୃତ ବ୍ୟକ୍ତିଙ୍କୁ ନିଜର ସ୍ୱାମୀ ପରିଚୟ ଦେଇ ସାଂଘାତିକ ଖେଳ ଖେଳିଥିବା ଅଭିଯୋଗ କରିଛନ୍ତି ପ୍ରକୃତ ସ୍ୱାମୀ । ନିଜର ସମ୍ମାନ ହାନି ହେବା ସହ ବଡ଼ମ୍ବା ମାଣିଆବନ୍ଧ ଅଞ୍ଚଳର ସମ୍ମାନ ହାନି ଘଟିଛି । ତେଣୁ ପତ୍ନୀ ଗୀତାଞ୍ଜଳି ଦତ୍ତଙ୍କୁ ତୁରନ୍ତ ଗିରଫ ପାଇଁ ସ୍ୱାମୀ କହିଛନ୍ତି । ସେପଟେ, ଗତ ୪ ତାରିଖରୁ ପତ୍ନୀ ନିଖୋଜ ଥିବା କହିଛନ୍ତି ସ୍ୱାମୀ ।

ଗତ ୨ ତାରିଖରେ ବାହାନଗାରେ ବଡ଼ ଧରଣର ଟ୍ରେନ୍ ଦୁର୍ଘଟଣା ଘଟିଥିଲା । ୪ ତାରିଖରେ ଗୀତାଞ୍ଜଳି ଶବକୁ ନେଇ ସାଂଘାତିକ ଖେଳ ଖେଳିବାକୁ ପ୍ଲାନ୍ କରିଥିଲେ ଯାହା ଫେଲ୍ ମାରିଲା । ସହାୟତା ରାଶି ହଡ଼ପ କରିବାକୁ ମହିଳା ଜଣକ ଚକ୍ରାନ୍ତ କରିଥିଲେ । ଟଙ୍କା ପାଇଁ ମୃତ ବ୍ୟକ୍ତିଙ୍କୁ ନିଜର ସ୍ୱାମୀ ବୋଲି ପରିଚୟ ଦେଇଥିଲେ । ବାଲେଶ୍ୱର ନୋସି ବିଜନେସ ପାର୍କ ପରିସରରେ ଏହି ଘଟଣା ଘଟିଥିଲା ।

ହଠାତ ଘଟଣାସ୍ଥଳରେ ପହଞ୍ଚି କାନ୍ଦବୋବାଳି କରିଥିଲେ ଗୀତାଞ୍ଜଳି । ନିଜ ସ୍ୱାମୀ କରମଣ୍ଡଳ ଦୁର୍ଘଟଣାରେ ପ୍ରାଣ ହରାଇଥିବା କହିଥିଲେ ଗୀତାଞ୍ଜଳି । ରେଳ ଦୁର୍ଘଟଣାରେ ମୃତ୍ୟୁ ହୋଇଥିବା ନେଇ ସେ ମିଛ କହିଥିଲେ । ଏକ ଶବ ଉପରୁ ଧଳା କପଡ଼ା ଉଠାଇ ନିଜ ସ୍ବାମୀ ବୋଲି ପରିଚୟ ଦେଇଥିଲେ । ସେପଟେ କିନ୍ତୁ ସ୍ୱାମୀଙ୍କ ଆଧାରକାର୍ଡ ସହିତ ପୂର୍ବ ଫଟୋ, ସ୍ୱାମୀଙ୍କ ନାମ ଥାଇ ଆଧାର କାର୍ଡ ମାଗିବା ପରେ ଅଡୁଆରେ ପଡ଼ିଥିଲେ । ଗୀତାଞ୍ଜଳିଙ୍କ ଚାଲବାଜି ଧରାପଡ଼ିବା ପରେ ସେ ବଦନାମ ହୋଇଥିଲେ । ଜିଆରପି ତାଙ୍କୁ ଅଟକ ରଖିଥିବା ବେଳେ ଘଟଣାସ୍ଥଳରୁ ଚମ୍ପଟ ମାରିଥିଲେ ।
ଭୁବନେଶ୍ୱର: ବିଜେପି ନେତାଙ୍କ ଫ୍ଲାଟରୁ ମିଳିଲା ଡ୍ରାଇଭରଙ୍କ ମୃତଦେହ

ବିଜେପି ନେତା ପ୍ରଦୀପ ପୁରୋହିତଙ୍କ ଫ୍ଲାଟରୁ ଡ୍ରାଇଭର ଧନୁର୍ଜୟ ପାଣ୍ଡେଙ୍କ ମୃତଦେହ ଠାବ କରାଯାଇଛି । ପ୍ରଦୀପ ପୁରୋହିତଙ୍କ ଭୁବନେଶ୍ୱରସ୍ଥିତ ଫ୍ଲାଟରୁ ମିଳିଛି ମୃତଦେହ । ମୃତକ ବରଗଡ଼ ପାଇକମାଳ ହୀରାପୁରର ଧନୁର୍ଜୟ ପାଣ୍ଡେ ।

୫ ବର୍ଷ ହେଲା ପ୍ରଦୀପଙ୍କ ଘରେ ରହି କାମ କରୁଥିଲେ ଧନୁର୍ଜୟ ପାଣ୍ଡେ । ଲକ୍ଷ୍ମୀସାଗର ଭବାନୀ ଆପାର୍ଟମେଣ୍ଟରେ ପ୍ରଦୀପ ପୁରୋହିତଙ୍କ ସହ ଡ୍ରାଇଭର ରହୁଥିଲେ । ହେଲେ ଆଜି ତାଙ୍କର ମୃତଦେହ ଉଦ୍ଧାର କରାଯାଇଛି । ସେ ଆତ୍ମହତ୍ୟା କରିଛନ୍ତି ନା ତାଙ୍କୁ କେହି ହତ୍ୟା କରିଛନ୍ତି, ସେ ନେଇ କୌଣସି ସ୍ପଷ୍ଟ ସୂଚନା ମିଳିନି । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରିଛି । ଏଥିସହ ସେହି ଫ୍ଲାଟକୁ ସିଲ୍ କରାଯାଇଛି । ମୃତଦେହ ଉଦ୍ଧାର କରି ଘଟଣାର ତଦନ୍ତ ଜାରି ରଖିଛି ପୋଲିସ ।
ଦଳିତ ପିଲାଟି ବଲ ଛୁଇଁବାରୁ ଦାଦାର ଆଙ୍ଗୁଠି କାଟ

ସାମାଜରେ ଜାତିପ୍ରଥାର ବ୍ୟାଧି ଆଜି ବି ଆମ ପିଛା ଛାଡୁନି। ଯାହାର କରୁଣ ଚିତ୍ର ଆସିଛି ଗୁଜରାଟରୁ। ଗୁଜରାଟର ପତାନ ଜିଲ୍ଲାରେ ଜଣେ ଦଳିତ ପିଲା କ୍ରିକେଟ ଖେଳ ବେଳେ ବଲଟିକୁ ଛୁଇଁ ଦେଇଥିଲା। ଏଥିପାଇଁ ଉଚ୍ଚ ଜାତିର ଲୋକେ ପିଲାଟିର ଦାଦାଙ୍କୁ ଦେଇଛନ୍ତି କଠୋର ଶାସ୍ତି। ପିଲାଟିର ଦାଦାଙ୍କୁ ନିସ୍ତୁକ ମାଡ ମାରିବା ସହ ତାଙ୍କ ବୁଢା ଆଙ୍ଗୁଠିକୁ କାଟି ଦିଆଯାଇଛି।

ଖବରରୁ ପ୍ରକାଶ କି, ପତାନ ଜିଲ୍ଲାର ଏକ ସ୍କୁଲରେ ରବିବାର କ୍ରିକେଟ ମ୍ୟାଚ ହେଉଥିଲା। ଏହି ସମୟରେ ଛୋଟ ପିଲାଟିଏ ଖେଳ ଦେଖୁଥିବା ବେଳେ ତା ନିକଟକୁ ବଲଟି ଆସିବାରୁ ସେ ତାହାକୁ ଛୁଇଁଦେଇଥିଲା। ଏତିକିରେ ଖେଳରେ ପଡିଥିଲା ତାଲା ଓ ଆରମ୍ଭ ହୋଇଗଲା ଗଣ୍ଡଗୋଳ। ଦଳିତ ହୋଇ ଉଚ୍ଚ ବର୍ଣ୍ଣର ଲୋକଙ୍କ ବଲ କିପରି ଛୁଇଁଲା ବୋଲି ପାଟିତୁଣ୍ଡରେ ପଡିଆ କମ୍ପିଥିଲା।

ତେବେ ସେଠାରେ ଥିବା କିଛି ଲୋକ ମଝିରେ ପଶି ଗଣ୍ଡଗୋଳକୁ ପ୍ରଶମିତ କରିବାରେ ସକ୍ଷମ ହୋଇଥିଲେ। ପିଲାଟିର ଦାଦା ପିଲାଟିକୁ ନେଇ ଘରକୁ ଚାଲିଯାଇଥିଲେ। ହେଲେ ଏଥିରେ ଉଚ୍ଚ ବର୍ଗର ଲୋକଙ୍କ ମନ କିନ୍ତୁ ଶାନ୍ତ ହୋଇନଥିଲା। ତେଣୁ ସନ୍ଧ୍ୟାରେ ୭ ଜଣ ବ୍ୟକ୍ତି ବିଭିନ୍ନ ମାରଣାସ୍ତ୍ର ନେଇ ସେହି ପିଲାର ଘରେ ପହଞ୍ଚିଥିଲେ। ପିଲାଟିକୁ ଧମକ ଚମକ ଦେବା ସହ ଜାତିଗତ ଆକ୍ଷେପ କରିଥିଲେ। ଏହା ଦେଖି ପିଲାଟିର ଦାଦା ଧୀରଜ ପରମାର ପହଞ୍ଚି ଏସବୁକୁ ବିରୋଧ କରିଥିଲେ।

ଫଳରେ ସେଠାକୁ ଆସିଥିବା ଲୋକେ ଆହୁରି ଉତ୍କ୍ଷିପ୍ତ ହୋଇଯାଇଥିଲେ ଓ ତାଙ୍କୁ ନିସ୍ତୁକ ମାଡ ମାରିଥିଲେ। ଭାଇ ମାଡ ଖାଉଥିବା ଦେଖି ବଡ ଭାଇ କିର୍ତ୍ତି ସେମାନଙ୍କୁ ବୁଝାଇବାକୁ ଚେଷ୍ଟା କରିଥିଲେ। ହେଲେ ସେମାନେ ବୁଝିବା ବଦଳରେ ଓଲଟା କିର୍ତ୍ତିଙ୍କୁ ମଧ୍ୟ ମାଡ ମାରିଥିଲେ। କିର୍ତ୍ତିଙ୍କ ହାତର ଏକ ବୁଢା ଆଙ୍ଗୁଠିକୁ କାଟିଦେଇଥିଲେ। ଏନେଇ ଉଭୟଙ୍କ ଭାଇ ଥାନାରେ ଅଭିଯୋଗ କରିଛନ୍ତି।

ସେମାନଙ୍କର ଦଳିତ ହୋଇଥିବାରୁ ସେମାନଙ୍କ ଅପମାନ କରାଯିବା ସହ ଜାତିକୁ ନେଇ ଅସଭ୍ୟ ଭାଷାରେ ଗାଳି ଗୁଲଜ ମଧ୍ୟ କରାଯାଇଥିବା ଅଭିଯୋଗ ହୋଇଛି। ଅଭିଯୋଗକୁ ଭିତ୍ତି କରି ପୁଲିସ୍‌ ଧାରା ୩୨୬, ୫୦୬ ଓ ଆଇପିସିର ବିଭିନ୍ନ ଦଫା ତଥା ଏସସି/ଏସଟି ଆଇନ ଅନୁସାରେ ମାମଲା କରିଛି। ଅଭିଯୁକ୍ତମାନଙ୍କୁ ଧରିବାକୁ ପୋଲିସ ପ୍ରୟାସ ଜାରି ରଖିଥିବା କହୁଥିବା ବେଳେ କାହାରିକୁ ଧରାଯାଇ ନ ଥିବା କୁହାଯାଉଛି।
ମଣିପୁର: ଉତ୍ତେଜନା ରୋକିବାକୁ ପ୍ରୟାସ, ଜୁନ୍ ୧୦ ଯାଏ ଇଣ୍ଟରନେଟ୍ ସେବା ବନ୍ଦ

କେବେ ବନ୍ଦ ହେବ ମଣିପୁର ହିଂସା । ଦିନକୁ ଦିନ ହିଂସା ବଢୁଥିବା ବେଳେ ମୃତ୍ୟୁ ଏବଂ ଆହତଙ୍କ ସଂଖ୍ୟା ବି ବଢୁଛି । ବିଦ୍ରୋହୀ ଦଳ ଏବଂ ସୁରକ୍ଷା କର୍ମୀଙ୍କ ମଧ୍ୟରେ ଗୁଳି ବିନିମୟ ମଧ୍ୟ ହେଉଛି । ଏଥିରେ ଜଣେ ବିଏସ୍‌ଏଫ୍‌ ଯବାନ ସହିଦ ହୋଇଛନ୍ତି । ତେଣୁ ଘଟଣାକୁ ନେଇ ଅଞ୍ଚଳରେ ଉତ୍ତେଜନା ଆହୁରି ବଢ଼ିଛି । ଭାରତୀୟ ସେନା ପକ୍ଷରୁ ଜାରି ବିବୃତ୍ତିରେ କୁହାଯାଇଛି ଯେ ଗୁଳି ବିନିମୟରେ ଜଣେ ସହିଦ ହୋଇଥିବା ବେଳେ ଆହତ ଆଉ ଦୁଇ ଜଣ ଆସାମ ରାଇଫଲ୍‌ କର୍ମୀଙ୍କୁ ସ୍ଥାନାନ୍ତର କରାଯାଇଛି । ସ୍ଥାନୀୟ ଅଞ୍ଚଳରେ ସର୍ଚ୍ଚ ଅପରେସନକୁ ଜୋରଦାର କରାଯାଇଛି ।

ହିଂସାକୁ ରୋକିବା ପାଇଁ ସରକାରଙ୍କ ପକ୍ଷରୁ ବିଭିନ୍ନ ପଦକ୍ଷେପ ନିଆଯାଇଛି । ମଣିପୁରରେ ଆଇନଶୃଙ୍ଖଳା ରକ୍ଷା ପାଇଁ ସଂପୃକ୍ତ ଅଞ୍ଚଳରେ ଇଣ୍ଟରନେଟ୍‌ ସେବା ବନ୍ଦ ରହିଛି । ଜୁନ୍‌ ୧୦ ତାରିଖ ଯାଏ ଇଣ୍ଟରନେଟ୍ ସେବାକୁ ବନ୍ଦ ରଖାଯାଇଛି । ଶାନ୍ତି ବଜାୟ ରଖିବା ପାଇଁ ରାଜ୍ୟ ସରକାର ପ୍ରାୟ ୧୦ ହଜର ସେନା ଯବାନ ଏବଂ ଆସାମ ରାଇଫଲ୍ କର୍ମୀଙ୍କୁ ନିୟୋଜିତ କରାଯାଇଛି । ମଣିପୁରର ବିଭିନ୍ନ ଅଞ୍ଚଳରେ ଜାତିଆଣ ହିଂସାକୁ ନେଇ ଉତ୍ତେଜନାପୂର୍ଣ୍ଣ ସ୍ଥିତି ଲାଗି ରହିଛି । ଏପରିକି ଜାତୀୟ ରାଜପଥ-୨ରେ ବଡ଼ ଧରଣର ଅବରୋଧ ଦେଖିବାକୁ ମିଳିଥିଲା ।

ଉତ୍ତେଜନା,ରାସ୍ତା ଅବରୋଧ ଯୋଗୁଁ ପରିବହନ ବ୍ୟବସ୍ଥା ଠପ୍‌ ହୋଇଯାଇଛି । ଅତ୍ୟାବଶ୍ୟକ ସାମଗ୍ରୀର ଘୋର ଅଭାବ ରହିଛି । ପେଟ୍ରୋଲ କଳା ବଜାରୀ ଯୋଗୁଁ ଲିଟର ପିଛା ୨ ଶହ ଛୁଇଁଲାଣି । ଲୋକଙ୍କ ପାଇଁ ଔଷଧର ମଧ୍ୟ ଅଭାବ ଦେଖିବାକୁ ମିଳିଛି । ଏଟିଏମ୍‌ଗୁଡ଼ିକ ଖାଲି ପଡ଼ିଥିବା ବେଳେ ଦୋକାନବଜାର ମାତ୍ର କିଛି ଘଣ୍ଟା ପାଇଁ ଖୋଲିବା ପରେ ବନ୍ଦ ରହୁଛି । ପରିସ୍ଥିତିକୁ ସ୍ବାଭାବିକ କରିବା ପାଇଁ ଲୋକଙ୍କୁ ଆହ୍ୱାନ କରିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ରାଜ୍ୟରେ ହିଂସା ନଘଟାଇ ଶାନ୍ତିଶୃଙ୍ଖଳା ବଜାୟ ରଖିବାକୁ ଲୋକଙ୍କୁ ନିବେଦନ କରିଛନ୍ତି ଶାହ ।
ଭିଜିଲାନ୍ସ ଜାଲରେ ଆରଡବ୍ଲୁଡି ସହକାରୀ ଯନ୍ତ୍ରୀ

ସୁନ୍ଦରଗଡ଼ ରୁରାଲ ୱାର୍କ ଡିପାର୍ଟମେଣ୍ଟ ବା ଆରଡବ୍ଲୁଡି ସହକାରୀ ଯନ୍ତ୍ରୀ ସଞ୍ଜୟ ବେହେରା ଭିଜିଲାନ୍ସ ଜାଲରେ। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ସଞ୍ଜୟଙ୍କ ଘରେ ଚଢ଼ାଉ କରିଛି ଭିଜିଲାନ୍ସ। ସଞ୍ଜୟଙ୍କ ଘର ଓ ଅଫିସ ସମେତ ୭ଟି ସ୍ଥାନରେ ଚଢାଉ ଜାରି ରଖିଛି ଭିଜିଲାନ୍ସ।

ସୂଚନା ମୁତାବକ, ଆରଡବ୍ଲୁଡିରେ ସହକାରୀ ଯନ୍ତ୍ରୀ ଭାବେ କାର୍ଯ୍ୟରତ ସଞ୍ଜୟ ବେହେରାଙ୍କ ନାମରେ ଏକାଧିକ ଅଭିଯୋଗ ରହିଥିଲେ। ସେ କାର୍ଯ୍ୟ କ୍ଷେତ୍ରରେ ବିଭିନ୍ନ ଉପାୟରେ ଦୁର୍ନୀତି କରି ଆଶାତୀତ ସମ୍ପତ୍ତି ଠୁଳ କରିଥିବା ନେଇ ବହୁ ଅଭିଯୋଗ ହୋଇଥିଲା।

ଏହି ସବୁ ଅଭିଯୋଗ ଆଧାରରେ ଭିଜିଲାନ୍ସ ଟିମ ତାଙ୍କ ସୁନ୍ଦରଗଡ଼ କେନ୍ଦୁପଡ଼ା ସ୍ଥିତ ଭଡ଼ା ଘର, ଲେଫ୍ରିପଡ଼ା ସ୍ଥିତ କାର୍ଯ୍ୟାଳୟ, ସୁନ୍ଦରଗଡ଼ ଡିଭିଜନ ଅଫିସ, ଭଦ୍ରକ ସହର ମଧ୍ୟରେ ଥିବା ଦୁଇ ମହଲା ବାସଭବନ, ଭଦ୍ରକ ଜିଲ୍ଲା ବନ୍ତ ଥିବା ପୈତୃକ ବାସଭବନ, ଭଦ୍ରକ ଜିଲ୍ଲା ତିହିଡି ଥାନା ସିନ୍ଦୋଲ ସ୍ଥିତ ଶ୍ୱଶୁର ଘର ଓ ଲେଫ୍ରିପଡା ଅଫିସ ପରିସରରେ ଥିବା ସରକାରୀ ବାସଭବନ ପରି ୭ଟି ସ୍ଥାନରେ ଏକକାଳୀନ ଚଢାଉ କରିଛି ଭିଜିଲାନ୍ସ।

ଏହି ଚଢ଼ାଉରେ ୭ଟି ଟିମ୍ ସାମିଲ ହୋଇଥିବା ବେଳେ ୪ଜଣ ଡିଏସପି, ୧୦ ଜଣ ଇନ୍ସପେକ୍ଟର, ୪ଜଣ ଏଏସଆଇ ଏବଂ ଅନ୍ୟ କର୍ମଚାରୀ ସାମିଲ ଅଛନ୍ତି। ଚଢାଉ ବେଳେ ଭିଜିଲାନ୍ସ କୁ ବହୁ ସମ୍ପତ୍ତି କାଗଜପତ୍ର ସହ ଆପତ୍ତିଜନକ ଦସ୍ତିବିଜ ହସ୍ତଗତ ହୋଇଛି।

ଏହି ୪ ଟି ପନିପରିବାର ରସ ଗ୍ରୀଷ୍ମ ଋତୁରେ ସ୍ୱାସ୍ଥ୍ୟକୁ ସୁସ୍ଥ ରଖେ, ପିଇବା ପରେ ଶରୀର ସତେଜ ରହିଥାଏ ।

ଅନେକ ପନିପରିବା ରସ ସ୍ୱାସ୍ଥ୍ୟ ପାଇଁ ବହୁତ ଭଲ ବୋଲି ହୋଇଥାଏ  ଏବଂ ଗ୍ରୀଷ୍ମ ରୁତୁରେ ସେଗୁଡିକ ସହଜରେ ଖାଦ୍ୟର ଏକ ଅଂଶ ହୋଇପାରିବ । ଗ୍ରୀଷ୍ମ ରୁତୁରେ ସୂର୍ଯ୍ୟ କିରଣ ସ୍ୱାସ୍ଥ୍ୟ ଉପରେ ବହୁତ ପ୍ରଭାବ ପକାଇଥାଏ । ଏଭଳି ପରିସ୍ଥିତିରେ, ସ୍ୱାସ୍ଥ୍ୟକୁ ସୁସ୍ଥ ରଖିବା ପାଇଁ ଏପରି ଖାଦ୍ୟକୁ ଖାଦ୍ୟରେ ଅନ୍ତର୍ଭୁକ୍ତ କରାଯିବା ଉଚିତ୍, ଯାହା ଶରୀରକୁ ସତେଜ ରଖିବ ଏବଂ ଆବଶ୍ୟକୀୟ ପୋଷକ ତତ୍ତ୍ୱ ମଧ୍ୟ ଯୋଗାଇବ । ତେବେ ଏମିତି କିଛି ପରିବା ଅଛି  ଯାହା ଗ୍ରୀଷ୍ମ ରୁତୁରେ ଆପଣଙ୍କ ଖାଦ୍ୟର ଏକ ଅଂଶ ହୋଇପାରିବ ।  ଏହି ପନିପରିବା ଖାଇବା ଶରୀରକୁ ଅନେକ ନୁହେଁ ବରଂ ସେମାନଙ୍କର ରସ ମଧ୍ୟ ଓଜନ ହ୍ରାସ କରିବାରେ ଏବଂ ହଜମ ପ୍ରକ୍ରିୟାରେ ଉନ୍ନତି ଆଣିବାରେ ପ୍ରଭାବଶାଳୀ ହୋଇପାରେ । ଏହାର ୁଫକାର ବିସ.ରେ ଆସନ୍ତୁ ଜାଣିବା । 

କାକୁଡି ରସ ।

ଗ୍ରୀଷ୍ମ ରୁତୁରେ ବଜାରରେ ସହଜରେ କାକୁଡି ଉପଲବ୍ଧ ଥାଏ । କାକୁଡି ରସ କେବଳ ଶରୀରକୁ ସତେଜ ରଖେ ନାହିଁ ବରଂ ଅନେକ ପୋଷକ ତତ୍ତ୍ୱ ମଧ୍ୟ ଦେଇଥାଏ । କାକୁଡିରେ ଫୋଲେଟ୍, ଆଇରନ୍, ଭିଟାମିନ୍ କେ, ଭିଟାମିନ୍ ସି, ମ୍ୟାଗ୍ନେସିୟମ୍, ଜିଙ୍କ୍ ଏବଂ ଫସଫରସ୍ ଏବଂ କ୍ୟାଲସିୟମ୍ ଥାଏ । କାକୁଡି ରସ ପିଇବା ରୋଗ ପ୍ରତିରୋଧକ ଶକ୍ତି ବଢାଇଥାଏ, ହଜମକୁ ଉନ୍ନତ କରିଥାଏ, ଶରୀରକୁ ଆର୍ଦ୍ରତା ଯୋଗାଇଥାଏ ଏବଂ ଓଜନ ହ୍ରାସ କରିବାରେ ମଧ୍ୟ ସାହାଯ୍ୟ କରିଥାଏ । କାକୁଡି ରସକୁ ଏକ ଚାମଚ ଲେମ୍ବୁ ରସ ସହିତ ମିଶ୍ରଣ କରାଯାଇପାରେ ।

ବିଟ ଜୁସ

ଭିଟାମିନ୍, ଫୋଲେଟ୍, ମ୍ୟାଗ୍ନେସିୟମ୍, ପୋଟାସିୟମ୍ ଏକ ଭଲ ଉତ୍ସ, ବିଟ୍ ସ୍ୱାସ୍ଥ୍ୟ ପାଇଁ ଅନେକ ଉପାୟରେ ଲାଭଦାୟକ ଅଟେ । ଗ୍ରୀଷ୍ମ ରୁତୁରେ ବିଟ୍ ରସ ପିଇବା ଦ୍ୱାରା ରକ୍ତଚାପ ସମସ୍ୟା କମିଯାଏ, ରକ୍ତ ପ୍ରବାହରେ ଉନ୍ନତି ହୋଇଥାଏ, ରୋଗ ପ୍ରତିରୋଧକ ଶକ୍ତି ବଢିଥାଏ ଏବଂ ଶରୀରରୁ ବିଷାକ୍ତ ପଦାର୍ଥ ବାହାର ହୋଇଥାଏ। ଏହି ରସ ପ୍ରସ୍ତୁତ କରନ୍ତୁ ଏବଂ ଏହାକୁ ଲେମ୍ବୁ ରସ ଏବଂ ସତେଜ ଧନିଆ ସହିତ ପିଅନ୍ତୁ

କଖାରୁ ରସ

ଅନେକ ଲୋକ କଖାରୁର ନାମ ଶୁଣିବା ପରେ ନାକ ଟେକିଥାନ୍ତି , କିନ୍ତୁ କଖାରୁ ରସ ସ୍ୱାସ୍ଥ୍ୟ ପାଇଁ ଅନେକ ନୁହେଁ ବରଂ ଅନେକ ଲାଭ ଦେଇଥାଏ । କଖାରୁ ରସରେ ଭିଟାମିନ୍ ଡି, ବି 1, ବି 2, ବି 6, ଭିଟାମିନ୍ ସି ଏବଂ ଭିଟାମିନ୍ ଇ ବହୁତ ପରିମାଣରେ ମିଳିଥାଏ । ଏଥିରେ ଭଲ ପରିମାଣର ମ୍ୟାଗ୍ନେସିୟମ୍, ତମ୍ବା, ଫସଫରସ୍ ଏବଂ ଆଇରନ୍ ଥାଏ . ପୋଦିନା ପତ୍ର ଏବଂ ଲେମ୍ବୁ ମିଶ୍ରଣ କରି କଖାରୁ ରସ ତିଆରି କରି ଏହାକୁ ପିଇବା ଭଲ ସ୍ବାଦ ପାଇଥାଏ ଏବଂ ସ୍ୱାସ୍ଥ୍ୟକୁ ସୁସ୍ଥ ରଖେ । କୋଷ୍ଠକାଠିନ୍ୟ 
ସମସ୍ୟାରୁ ମୁକ୍ତି ପାଇବା ପାଇଁ କଖାରୁ ରସ ମଧ୍ୟ ପ୍ରଭାବଶାଳୀ ହୋଇପାରେ ।

ଲାଉ ରସ ।

ଲାଉ  ଗ୍ରୀଷ୍ମ ଋତୁରେ ବହୁତ ଖାଆନ୍ତି । ଏଥିରେ ଭିଟାମିନ୍ କେ, ସି ଏବଂ କ୍ୟାଲସିୟମ୍ ପରି ଅନେକ ପୋଷକ ତତ୍ତ୍ୱ ଭରପୂର ଅଟେ । ରକ୍ତଚାପ ହ୍ରାସ କରିବା ସହିତ ଲାଉ ରସ ପିଇବା ମଧ୍ୟ ଓଜନ ହ୍ରାସ କରିବାରେ ସାହାଯ୍ୟ କରିଥାଏ । କୋଷ୍ଠକାଠିନ୍ୟ ଏବଂ ଚାପର ସମସ୍ୟାକୁ ହ୍ରାସ କରିବା ପାଇଁ ଲାଉ ରସ ମଧ୍ୟ ମଦ୍ୟପାନ କରାଯାଇପାରେ । ଆପଣ ତାଜା କାକୁଡି ମିଶାଇ ଲେମ୍ବୁରେ ମିଶାଇ ଲାଉ ରସ ପିଇପାରିବେ | ଏଥିରେ ପୋଦିନା ପତ୍ର ମଧ୍ୟ ମିଶାଯାଇପାରିବ ।

ମଣିପୁର: ଗୁଳିମାଡ଼ରେ ଯବାନ ସହିଦ,ଜୁନ୍‌ ୧୦ ଯାଏ ଇଣ୍ଟର୍‌ନେଟ୍‌ ସେବା ବନ୍ଦ
ସୁନ୍ଦରଗଡ଼: ଭିଜିଲାନ୍ସ ଜାଲରେ RWDର ସହକାରୀ ଯନ୍ତ୍ରୀ ସଞ୍ଜୟ ବେହେରା,ସରକାରୀ କ୍ୱାର୍ଟର୍ସ ସହ ୭ଟି ସ୍ଥାନରେ ରେଡ୍
ବାହାନଗାରେ CBI ଅଧିକାରୀ, ଦୁର୍ଘଟଣାର କାରଣ ଖୋଜୁଛି ଟିମ୍

ବାହାନଗା ରେଳ ଦୁର୍ଘଟଣାରେ CBI ପକ୍ଷରୁ ତଦନ୍ତ ଆରମ୍ଭ ହୋଇସାରିଲାଣି । ଏ ନେଇ ସୂଚନା ଦେଇଛନ୍ତି ରେଳବାଇ ମୁଖ୍ୟ ଲୋକ ସଂପର୍କ ଅଧିକାରୀ । ବାହାନଗାରେ ଟ୍ରେନ୍ ଦୁର୍ଘଟଣାସ୍ଥଳରେ ଅନୁଧ୍ୟାନ କରୁଛନ୍ତି ତଦନ୍ତକାରୀ ଟିମ୍ । CBIର ସ୍ବତନ୍ତ୍ର ଟିମ୍ ଘଟଣାସ୍ଥଳରେ ତଦନ୍ତ ଜାରି ରଖିଛନ୍ତି । କେମିତି ଓ କେଉଁ ପରିସ୍ଥିତିରେ ଦୁର୍ଘଟଣା ଘଟିଲା,ଏହା ପଛରେ ଅପରାଧିକ ଷଡ଼ଯନ୍ତ୍ର ଅଛି କି ? ସେସବୁର ତଦନ୍ତ କରୁଛି CBI ଟିମ୍ ।

ଗୃହ ମନ୍ତ୍ରାଳୟର ଏକ ଟିମ୍ ମଧ୍ୟ ଘଟଣାସ୍ଥଳ ବୁଲି ଦେଖିଛି । କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ CBI ତଦନ୍ତ ଅନୁମୋଦନ ଦେବାପରେ CBI ଟିମ୍ ତଦନ୍ତ ଜାରି ରଖିଥିବା କହିଛନ୍ତି ମୁଖ୍ୟ ଲୋକ ସମ୍ପର୍କ ଅଧିକାରୀ । ଗତକାଲି ଘଟଣାସ୍ଥଳ ଯାଇ ରେଲଓ୍ବେ ସେଫ୍ଟି କମିଶନର ପ୍ରାଥମିକ ତଦନ୍ତ କରିଥିଲେ । ଲୋକୋ ପାଇଲଟ ଓ ଆସିଷ୍ଟାଣ୍ଟ ଲୋକୋ ପାଇଲଟଙ୍କ ବୟାନ୍ ରେକର୍ଡ ହୋଇଛି । ବାହାନଗା ଟ୍ରେନ ଦୁର୍ଘଟଣାସ୍ଥଳରେ ରେଲଓ୍ବେ ସେଫ୍ଟି କମିଶନର ଶୈଳେଶ ପାଠକ ମଧ୍ୟ ଅନୁଧ୍ୟାନ କରିଥିଲେ ।

ରେଳବାଇ ମୁଖ୍ୟ ଲୋକ ସମ୍ପର୍କ ଅଧିକାରୀଙ୍କ ସୂଚନା ଅନୁସାରେ ବାହାନଗାରେ ଉଭୟ ଅପ୍ ଏବଂ ଡାଉନ୍ ଲାଇନରେ ଟ୍ରେନ୍ ଚଳାଚଳ କଲାଣି । ସ୍ପେଶାଲ ଟ୍ରେନ୍ ମଧ୍ୟ ଚଳାଚଳ କଲାଣି । ରେଗୁଲାର ଟ୍ରେନ୍ ଓ ବନ୍ଦେ ଭାରତ ମଧ୍ୟ ସେହି ରୁଟରେ ଗଲାଣି । ଠିକ୍ ଭାବରେ ଟ୍ରେନ୍ ଚଳାଚଳ କରୁଥିବାରୁ ଖୁବଶୀଘ୍ର ଅନ୍ୟ ଟ୍ରେନ୍ ମଧ୍ୟ ଚଳାଚଳ କରିବାର ଆଶା ରହିଛି । ଏବେ ସବୁଠୁ ବଡ଼ କଥା ମୃତକଙ୍କ ପରିବାରକୁ ସୁବିଧାସୁଯୋଗ ଯୋଗାଇବା । ସେପଟେ, ସବୁ ହସ୍ପିଟାଲ ପାଇଁ ସ୍ୱତନ୍ତ୍ର ଟିମ୍ ଗଠିତ ହୋଇଛି ।
ଗୁରୁଗ୍ରାମରେ ଏକାଧିକ ଅଗ୍ନିକାଣ୍ଡ, ବହୁ ବସ୍ତି ପୋଡି ପାଉଁଶ

ହରିୟାଣାର ଗୁରୁଗ୍ରାମରେ ଦୁଇଟି ପୃଥକ ଅଗ୍ନିକାଣ୍ଡ ଘଟିଯାଇଛି। ଏହି ଅଗ୍ନିକାଣ୍ଡରେ ଗୋଟିଏ ପରିବାରର ତିନିଜଣ ସଦସ୍ୟ ଜଳିଯିବାରୁ ଗୁରୁତର ଅବସ୍ଥାରେ ଚିକିତ୍ସିତ ହେଉଥିବା ବେଳେ ଅନେକ ବସ୍ତି ଜଳିପୋଡ଼ି ପାଉଁଶ ହୋଇଯାଇଛି । ସେହିପରି ଅନ୍ୟ ଏକ ଅଗ୍ନିକାଣ୍ଡ ସେକ୍ଟର ୨୯ରେ ଥିବା ୧୫ଟି ବସ୍ତିରେ ଘଟିଛି।
ଅଗ୍ନିଶମ ଅଧିକାରୀ ସୂଚନା ଦେଇ କହିଛନ୍ତି ଯେ, ପ୍ରଥମ ଘଟଣାରେ ଗୁରୁଗାଓଁ ଗାଁର ଜଣେ ଶ୍ରମିକଙ୍କ ଘରେ ସକାଳ ପ୍ରାୟ ୫.୩୦ ସମୟରେ ନିଆଁ ଲାଗିଯାଇଥିଲା।ଏଥିରେ ଘରର ମାଲିକ ପପୁ, ତାଙ୍କ ପତ୍ନୀ ଏବଂ ପୁଅ ନିଆଁରେ ପୋଡି ହୋଇଯାଇଥିଲେ। ସେମାନଙ୍କୁ ତାଙ୍କ ପଡ଼ୋଶୀମାନେ ଡାକ୍ତରଖାନା ନେଇଥିଲେ।

ବରିଷ୍ଠ ଅଗ୍ନିଶମ ଅଧିକାରୀ ଯଦୁଭେନ୍ଦ୍ର ସିଂ କହିଛନ୍ତି ଯେ ଅଗ୍ନିକାଣ୍ଡ ସମ୍ପର୍କରେ ସୂଚନା ପାଇବା ପରେ ଅଗ୍ନିଶମ ବିଭାଗର ଏକ ଟିମ୍ ନିଆଁକୁ ନିୟନ୍ତ୍ରଣକୁ ଆଣିଥିଲେ। ଏହି ଦୁର୍ଘଟଣାରେ ଗୁରୁତର ଆହତ ହୋଇଥିବା ଦମ୍ପତିଙ୍କ ୧୩ ବର୍ଷର ପୁଅର ସ୍ୱାସ୍ଥ୍ୟ ବର୍ତ୍ତମାନ ଠିକ ଥିବା ବେଳେ କିନ୍ତୁ ଦମ୍ପତିଙ୍କ ସ୍ଥିତି ଗୁରୁତର ରହିଛି।

ଦ୍ୱିତୀୟ ଘଟଣାଟି ସହି ଅଞ୍ଚଳର ସେକ୍ଟର -୨୯ ରେ ଥିବା ଏକ ବସ୍ତିରେ ଘଟିଥିଲା। ଏହା ପ୍ରାୟ ୧୧.୩୦ ସମୟରେ ହୋଇଥିଲା| ଅଗ୍ନିଶମ ବିଭାଗର ଅଧିକାରୀ କହିଛନ୍ତି ଯେ ଅତି କମରେ ୬ ଟି ଦମକଳ ନିଆଁକୁ ଆୟତ୍ତ କରିବାରେ ନିୟୋଜିତ ହୋଇଥିଲେ ଓ ନିଆଁକୁ ନିୟନ୍ତ୍ରଣକୁ ଆଣିବାକୁ ପ୍ରାୟ ଏକ ଘଣ୍ଟାରୁ ଅଧିକ ସମୟ ଲାଗିଥିଲା। ଏହି ନିଆଁରେ ସେଠାରେ ଥିବା ୧୫ ଟି ବସ୍ତି ପୋଡି ପାଉଁଶ ହୋଇଯାଇଛି । ତେବେ ଏହି ଘଟଣାରେ କୌଣସି ଧନଜୀବନ ନଷ୍ଟ ହୋଇନାହିଁ। ଅଗ୍ନିଶମ ବିଭାଗ ଅଗ୍ନିକାଣ୍ଡର କାରଣ ଜାଣିବା ପାଇଁ ତଦନ୍ତ ଆରମ୍ଭ କରିଦେଇଛି । ଏଥିସହ ସତର୍କତା ଅବଲମ୍ବନ କରିବାକୁ ଲୋକଙ୍କୁ ପରାମର୍ଶ ଦିଆଯାଇଛି।

ସୂଚନା ଅନୁଯାୟୀ, ଗତ ରବିବାର ଦିନ ଦିଲ୍ଲୀର ତିନୋଟି ଭିନ୍ନଭିନ୍ନ ଅଞ୍ଚଳରେ ଅଗ୍ନିକାଣ୍ଡ ଘଟଣା ସାମ୍ନାକୁ ଆସିଥିଲା। ଜାହାଙ୍ଗୀରପୁରୀ ଅଞ୍ଚଳରେ ଅଗ୍ନିକାଣ୍ଡ ହେତୁ ୬୦-୭୦ ବସ୍ତି ପୋଡି ପାଉଁଶ ହୋଇଯାଇଥିଲା। ତେବେ ଏହି ଘଟଣାରେ କେହି ମୃତାହତ ହୋଇ ନାହାନ୍ତି। ରବିବାର ଦିନ ପ୍ରାୟ ୧୦.୩୦ ସମୟରେ ଉତ୍ତର-ପଶ୍ଚିମ ଦିଲ୍ଲୀର ଜାହାଙ୍ଗୀରପୁରୀ ବସ୍ତିରେ ନିଆଁ ଲାଗିଯାଇଥିଲା। ସୂଚନା ପାଇବା ପରେ ୧୧ ଟି ଅଗ୍ନିଶମ ଦମକଳ ଘଟଣାସ୍ଥଳରେ ପହଞ୍ଚିଥିଲା । ଅଗ୍ନିକାଣ୍ଡ ହେତୁ ତିନି ହଜାର ବର୍ଗ ୟାର୍ଡରେ ଅବସ୍ଥିତ ପ୍ରାୟ ୬୦-୭୦ ବସ୍ତି ପୋଡି ପାଉଁଶ ହୋଇଯାଇଥିଲା।