ଚିତ୍ତୂର ଜିଲ୍ଲା ପାଲାମାନେରୁ ମଣ୍ଡଳରେ ସଡ଼କ ଦୁର୍ଘଟଣା । ଏଥିରେ ମଣିଷ ନୁହଁ, ୩ଟି ହାତୀଛୁଆଙ୍କ ମୃତ୍ୟୁ ଘଟିଛି । ହାତୀର ମୃତ୍ୟୁ ଘଟିଥିବା ବନ ବିଭାଗ ଅଧିକାରୀମାନେ ସ୍ପଷ୍ଟ କରିଛନ୍ତି ।
ଚିତ୍ତୂର-ପାଲାମାନେରୁ ଜାତୀୟ ରାଜପଥ ଅନ୍ତର୍ଗତ ଜାଗମର୍ଲା ଛକ ନିକଟରେ ରାସ୍ତା ପାର୍ ହେଉଥିଲେ ହାତୀପଲ । ରାତିରେ ପାର୍ ହେଉଥିବା ବେଳେ ହାତୀମାନଙ୍କ ସହ ଟ୍ରକ୍ଟି ଧକ୍କା ଖାଇଥିଲା । ଶେଷରେ ହାତୀଛୁଆଙ୍କ ଜୀବନ ଚାଲିଗଲା ବୋଲି ସ୍ଥାନୀୟ ଲୋକେ କହିଛନ୍ତି । ଏହି ପଲରେ ଗୋଟିଏ ବୟସ୍କା ମାଈହାତୀ,ଦୁଇଟି କିଶୋର ଅଣ୍ଡିରା ହାତୀ ଓ ଗୋଟିଏ ଛୁଆ ମାଈହାତୀ ଥିଲେ । ସେମାନଙ୍କ ମଧ୍ୟରୁ କେବଳ ବଡ଼ ମାଈହାତୀଟି ବର୍ତ୍ତିଯାଇଥିବା ବେଳେ ଅନ୍ୟ ୩ଟି ହାତୀର ମୃତ୍ୟୁ ହୋଇଛି । ହାତୀଙ୍କୁ ଧକ୍କା ଦେଇଥିବା ଲରି ଟ୍ରକ୍ ସମ୍ମୁଖ ଅଂଶଟି ଭାଙ୍ଗି ଚୂର୍ମାର ହୋଇଯାଇଛି । ସେହି ଟ୍ରକଟିକୁ ଜବତ କରାଯାଇଛି । ଖବର ପାଇ ଘଟଣାସ୍ଥଳରେ ପହଞ୍ଚିଥିଲେ ବନ ବିଭାଗ ଅଧିକାରୀ । ରାଜପଥରୁ ମୃତ ହାତୀମାନଙ୍କୁ ଉଠାଇବାର ବ୍ୟବସ୍ଥା କରିବା ସହ ଘଟଣାର ତଦନ୍ତ ଜାରି ରଖିଛନ୍ତି ।
ଟ୍ରକଟି ଅତି ଦ୍ରୁତ ବେଗରେ ଆସୁଥିଲା । ରାସ୍ତା ପାରି ହେଉଥିବା ହାତୀପଲକୁ ଲରି ଟ୍ରକ୍ ଧକ୍କା ଦେଇଥିଲା । ଟ୍ରକ୍ ଡ୍ରାଇଭର ନିଶାଗ୍ରସ୍ତ ଥିବା ସନ୍ଦେହ କରାଯାଉଛି । ସେ ନିଜ ଗାଡ଼ିକୁ ନିୟନ୍ତ୍ରଣ କରିପାରିନଥିଲେ । ଶେଷରେ ହାତୀପଲକୁ ଧକ୍କା ଦେବାରୁ ହାତୀଛୁଆଙ୍କ ମୃତ୍ୟୁ ଘଟିଛି ବୋଲି ଚିତ୍ତୂର ଡିଭିଜ୍ନାଲ୍ ଫରେଷ୍ଟ ଅଫିସର କହିଛନ୍ତି । ଦୁର୍ଘଟଣା ପରେ ଟ୍ରକ୍ ଡ୍ରାଇଭର୍ ଫେରାର ଅଛି । ବେପରୁଆ ଭାବେ ଟ୍ରକ୍ ଚଳାଇବାରୁ ଏଭଳି ଦୁର୍ଘଟଣା ଘଟିଛି । ଡ୍ରାଇଭର୍କୁ ଧରିବା ପାଇଁ ଉଦ୍ୟମ ଆରମ୍ଭ ହୋଇଥିବା ବେଳେ ଘଟଣାର ତଦନ୍ତ ଜାରି ରଖିଛି ବନ ବିଭାଗ ।
