Author: suchanatv24x7

ଗଞ୍ଜାମ: ଦିଗପହଣ୍ଡି ବସ୍ ଦୁର୍ଘଟଣାରେ ମୃତକଙ୍କ ପରିବାର ପାଇଁ ୩ ଲକ୍ଷ ଲେଖାଏଁ ଅନୁକମ୍ପା ସହାୟତା ରାଶି ଘୋଷଣା
ଗଞ୍ଜାମ: ଦିଗପହଣ୍ଡି ବ୍ଲକ୍ ଖେମୁଣ୍ଡି କଲେଜ ନିକଟରେ OSRTC-ଘରୋଇ ବସ୍‌ ଧକ୍କା, ୧୨ ମୃତ, ୮ ଆହତ
কারণ হিসাবে পেশাদাররা লাইনবেট মোবাইল সফ্টওয়্যারকে অ্যান্ড্রয়েড এবং আইওএসের মালিকানা দেওয়ার পক্ষে
বিষয়বস্তু
এই বুকির স ক্রিপ্টো কারেন্সি ইন বাংলাদেশ াথে একটি গেমিং খ্যাতি সম্পাদন করার পুরো প্রক্রিয়াটি আসলে সহজ এবং সহজ। এটি আপনার নিজস্ব স্বাগত পৃষ্ঠার সেরা রাউটিং (more…)
ଜପ ପୂଜା ପାଇଁ କେଉଁ ଆସନ ଦେଇଥାଏ ଶୁଭଫଳ?

ଧର୍ମୀୟ ପୂଜା ପାଠ ଓ ଜପ ସମୟରେ କାହିଁ କେଉଁ କାଳରୁ ଆସନ ପ୍ରଚଳିତ। ବିନା ଆସନରେ ପୂଜା କରିବା ଦ୍ୱାରା ଆମର ମନୋକାମନା ଅଧା ରହିଯାଇଥାଏ, ଆମ ଦୁଃଖର କାରଣ ମଧ୍ଯ ହୋଇଥାଏ ବୋଲି ବିଶ୍ୱାସ ରହିଛି। ଆହୁରି ମଧ୍ୟ ଏପରି କରିବା ଦ୍ୱାରା ଘରକୁ ହୋଇଥାଏ ନକାରାତ୍ମକ ଶକ୍ତିର ଆଗମନ । ତେବେ ଯେକୌଣସି ଆସନରେ ପୂଜା କରିବାରେ ମିଳି ନ ଥାଏ ସୁଫଳ। ଶୁଭ ଫଳ ଲାଭ କରିବାକୁ ହେଲେ କେଉଁ ଆସନର ବ୍ୟବହାର କରିବା ଉଚିତ ଓ କେଉଁଟା ନୁହେଁ ଆସନ୍ତୁ ସେ ବିଷୟରେ ଜାଣିବା।

ବାଉଁଶର ଆସନରେ ବସି ପୂଜା କରିବା ଦ୍ୱାରା ସାଧକଙ୍କୁ ଆର୍ଥିକ ଦୁରାବସ୍ଥା ଓ ଦାରିଦ୍ର୍ୟର ସମ୍ମୁଖୀନ ହେବାକୁ ପଡିପାରେ। ସେହିପରି ଘାସ ଏବଂ ଛଣରେ ତିଆରି ଆସନରେ ବସି ପୂଜା ଓ ଜପ କଲେ ଯଶ ଖ୍ୟାତି ନଷ୍ଟ ହେବା ସହ ବ୍ୟକ୍ତିର ଗରିମା ନଷ୍ଟ ହେବା କୁହାଯାଏ। ପଥରର ଚୌକି ଉପରେ ବସି ପୂଜା କରିବା ମଧ୍ୟ ବ୍ୟକ୍ତିଙ୍କ ପାଇଁ ହାନୀକାରକ ହୋଇଥାଏ। ପଥର ଚୌକିରେ ପୂଜା କରିବା ଦ୍ୱାରା ରୋଗ, ଦୁଃଖ, ଦୁର୍ଭାଗ୍ୟ ମିଳିବା ହିଁ ସାର ହୋଇଥାଏ। ଆର୍ଥିକ ବିକାଶରେ ବାଧା ସୃଷ୍ଟି ହୋଇଥାଏ। ଏହା ବ୍ୟତୀତ ପତ୍ରରେ ତିଆରି ଆସନରେ ବସି ପୂଜା ପାଠ କଲେ ବ୍ୟବସାୟ ବାଣିଜ୍ୟରେ କ୍ଷତି ସହିବାକୁ ହୁଏ, କୌଣସି କାର୍ଯ୍ୟ ଦୀର୍ଘ ସମୟ ଧରି ଚାଲି ପାରି ନ ଥାଏ। ଡାଙ୍ଗ ତିଆରି ଆସନରେ ବସି ପୂଜା କରିବା ଦ୍ୱାରା ଦୁଃଖ ଓ ଅଶାନ୍ତି ମିଳିଥାଏ। କପଡାରେ ତିଆରି ଆସନ ଚିନ୍ତା ଓ ବିଘ୍ନର କାରଣ ମଧ୍ୟ।

ତେବେ ଶାସ୍ତ୍ର ମୁତାବକ ରେଶମ, କମ୍ବଳ, କାଠ, ତାମ୍ରପତ୍ର, ମୃଗଚର୍ମରୁ ତିଆରି ଆସନରେ ବସିବା ଲାଭଦାୟୀ ହୋଇଥାଏ। କିନ୍ତୁ ବର୍ତ୍ତମାନ ପରିସ୍ଥିତିରେ ସେମିତି ଆସନ ମିଳିବା କଷ୍ଟକର। ତେଣୁ ବ୍ରହ୍ମ ପୁରାଣ ଅନୁଯାୟୀ କୁଶ ଆସନର ପ୍ରୟୋଗ କରାଯାଇ ପାରେ ପୂଜାପାଠ ପାଇଁ। ବ୍ରହ୍ମପୁରାଣ ମୁତାବକ, କୁଶ ଆସନ ଉପରେ ଜପ କରିବା ଦ୍ୱାରା ଅନନ୍ତ ଫଳ ପ୍ରାପ୍ତି ହୋଇଥାଏ। ଆସନକୁ ନେଇ ଆଉ ଏକ ବଡ କଥା କି, ଯେତେବେଳେ କେହି ପ୍ରଥମ ଥର ପୂଜା ବା ଜପ କରିଥାନ୍ତି, ତାଙ୍କ ଆସନ ଅଲଗା ହେବା ଆବଶ୍ୟକ। ଅନ୍ୟର ଆସନ ବ୍ୟବହାର ଦ୍ୱାରା ଦୋଷ ଲାଗିଥାଏ।

ତେଣୁ ପୂଜା ବା ଜପ ପୂର୍ବରୁ ଆସନକୁ ଜଳ ଓ ମନ୍ତ୍ର ଦ୍ୱାରା ଶୁଦ୍ଧ କରିବା ଆବଶ୍ୟକ। ସେହିପରି ପ୍ରତିଥର ପୂଜା ପୂର୍ବରୁ ଆସନକୁ ମୁଣ୍ଡରେ ଲଗାଇବା ଉଚିତ। ପୂଜା ପରେ ଆସନକୁ ଭାଙ୍ଗିଭୁଙ୍ଗି ଯଥା ସ୍ଥାନରେ ରଖିବା ଜରୁରୀ ବୋଲି କୁହାଯାଇଛି। ତେବେ ସବୁଠାରୁ ବଡ କଥା, ଆସନରେ ବସିବା ବେଳେ ଧ୍ୟାନ ଦେବାକୁ ହେବ କି ଯେମିତି ଗୋଡ ଭୂଇଁକୁ ନ ଛୁଏଁ। ଏହି ସବୁ ଦିଗ ପ୍ରତି ଧ୍ୟାନ ଦେଲେ ନିଶ୍ଚିତ ସୁଫଳ ମିଳିଥାଏ।
ଦାଦନ ଖଟିବାକୁ ଯାଇଥିଲା କେରଳ, ହତ୍ୟା କଲା ନିଜ ଭିଣୋଇ

ଶଳାକୁ ପଥରରେ ଛେଚି ହତ୍ୟା କଲା ଭିଣୋଇ। ଦାଦନ ଖଟିବାକୁ କେରଳ ଯାଇଥିବା ଯୁବକଙ୍କୁ ନିଜ ଭଉଣୀର ସ୍ୱାମୀ ହତ୍ୟା କରିଥିବା ହୋଇଛି ଅଭିଯୋଗ। ମୃତକ ହେଲେ ଗଜପତି ଜିଲ୍ଲା ମୋହନା ଥାନା ଅଧୀନ ବିଜିପୁର ଗାଁର ଅଭୟ ବୀର। ଏନେଇ ଥାନାରେ ଅଭିଯୋଗ ହେବା ସହ ମୃତଦେହ ଗାଁକୁ ଫେରାଇ ଆଣିବାକୁ ହେଉଛି ଅନୁରୋଧ।
ଖବର ଅନୁଯାୟୀ, ମୋହନା ଥାନା ବିଜିପୁର ଗାଁର ଅଭୟ ବୀର ଦୁଇ ମାସ ହେବ ଦାଦନ ଖଟିବାକୁ ଯାଇଥିଲେ କେରଳ। ସେଠାରେ ସେ କୋଲାମ ଜିଲ୍ଲା କଟରାକେରା ଅଞ୍ଚଳରେ ନିଜ ଭଉଣୀ ଓ ଭିଣୋଇଙ୍କ ସହ ରହୁଥିଲେ। ଭିଣୋଇ ମନୋଜ ବହୁ ଦିନରୁ ସେଠାରେ ଶ୍ରମିକ ଭାବେ କାମ କରି ଆସୁଥିଲେ। କିନ୍ତୁ ଶୁକ୍ରବାର ରାତିରେ ଭଉଣୀ ଓ ଭିଣୋଇଙ୍କ ମଧ୍ୟରେ ଝଗଡା ହୋଇଥିଲା। ଏଥିରେ ଅଭୟ ହସ୍ତକ୍ଷେପ କରିବାରୁ ଭିଣୋଇ ମନୋଜ ଉତକ୍ଷିପ୍ତ ହୋଇ ତାଙ୍କୁ ହତ୍ୟା କରିଥିବା ଅଭିଯୋଗ କରନ୍ତି ଅଭୟଙ୍କ ପତ୍ନୀ ଓ ଭାଇ।
ଏହି ଘଟଣାରେ କଟରାକେରା ପୋଲିସ ଅଭିଯୁକ୍ତ ଭିଣୋଇକୁ ଗିରଫ କରି ପଚରା ଉଚରା କରୁଥିବା ବେଳେ ମୃତଦେହ ବ୍ୟବଚ୍ଛେଦ ସରିଛି। ବର୍ତ୍ତମାନ ମୃତଦେହ ସେଠାରେ ପରିବାର ଲୋକଙ୍କ ପାଇଁ ସଂରକ୍ଷିତ ରଖାଯାଇଛି। କିନ୍ତୁ ଅଭୟଙ୍କ ପରିବାର ଅତି ଗରିବ ହୋଇ ଥିବାରୁ ମୃତଦେହ ଗାଁକୁ ଆଣିବାକୁ ଅସମର୍ଥ। ତେଣୁ ପରିବାର ବର୍ଗ ଅଭୟଙ୍କ ମୃତଦେହ ଗାଁକୁ ଆଣିବାକୁ ସରକାର ନିକଟରେ ଅନୁରୋଧ କରିଛନ୍ତି।
ସେପଟେ ଏହି ଘଟଣାକୁ ନେଇ ବିଜିପୁର ଗାଁରେ ଖେଳିଯାଇଛି ଶୋକର ଲହରୀ। ଅଭୟଙ୍କ ମୃତଦେହ ଗାଁକୁ ଆଣିବାକୁ କରିଛନ୍ତି ଅପେକ୍ଷା।
୨୦୨୪ ନିର୍ବାଚନରେ କଡ଼ା ମୁକାବିଲା, NDA VS PDA

ଆଗକୁ ୨୦୨୪ ଲୋକସଭା ନିର୍ବାଚନ । ଏହାକୁ ନଜରରେ ରଖି ବିଭିନ୍ନ ରାଜନୈତିକ ଦଳ ରଣନୀତି ପ୍ରସ୍ତୁତ କଲେଣି । କେନ୍ଦ୍ର ବିଜେପି ସରକାରଙ୍କୁ ପରାସ୍ତ କରିବା ପାଇଁ ଏକାଠି ହେଲେଣି ବିରୋଧୀ ଗୋଷ୍ଠୀ । କଳେ ବଳେ କୌଶଳେ କେମିତି ହେଲେ ବି ଏନଡିଏ ସରକାରଙ୍କୁ ହରାଇବାକୁ ପଡ଼ିବ । ସେଥିପାଇଁ ହାତ ସହ ହାତ ମିଳାଇବାକୁ ଉଦ୍ୟମ ଆରମ୍ଭ ହୋଇଛି ।

ବିହାର ପାଟନାରେ କଂଗ୍ରେସ ସମେତ ଅନ୍ୟ ବିରୋଧୀ ଦଳର ଗୁରୁତ୍ୱପୂର୍ଣ୍ଣ ବୈଠକ ସରିଛି । ୩୦ରୁ ଅଧିକ ବିରୋଧୀ ଦଳ ଏଥିରେ ସାମିଲ ହୋଇ ନିଜର ମତାମତ ରଖିଛନ୍ତି । ବୈଠକରେ ବିଜେପି ବିରୋଧରେ ଏକଜୁଟ ହେବା ପାଇଁ ରଣନୀତି ପ୍ରସ୍ତୁତ ହୋଇଛି । ବିରୋଧୀ ଦଳର ମିଳିତ ମଞ୍ଚର ନାମ PDA ରଖିବାକୁ ନିଷ୍ପତ୍ତି ହୋଇଥିବା ସୂଚନା ମିଳିଛି । ତେବେ ଏପର୍ଯ୍ୟନ୍ତ ବିଧିବଦ୍ଧ ଭାବେ କୌଣସି ଘୋଷଣା ହୋଇନାହିଁ । PDA ଅର୍ଥାତ ପେଟରିଆଟିକ୍ ଡେମୋକ୍ରାଟିକ୍ ଆଲାଏନ୍ସ । ସେପଟେ, ଜୁଲାଇ ୧୨ରୁ ୧୪ ଯାଏ ବିରୋଧୀ ଦଳର ପରବର୍ତ୍ତୀ ବୈଠକ ଶିମଲାରେ ଅନୁଷ୍ଠିତ ହେବ । ଏଥିରେ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯିବ । ବୈଠକରେ ମଞ୍ଚର ନୂତନ ନାମ ଏବଂ ନୀତିଶ କୁମାରଙ୍କୁ ଦଳର ସଂଯୋଜକ ଭାବେ ଘୋଷଣା କରାଯିବ ।

ଗତ ଶୁକ୍ରବାର ପାଟନାରେ ବୈଠକ ଅନୁଷ୍ଠିତ ହୋଇଥିଲା । ଏହାକୁ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଏବଂ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ଆୟୋଜନ କରିଥିଲେ । ମୁଖ୍ୟମନ୍ତ୍ରୀଙ୍କ ବାସଭବନରେ ଆୟୋଜିତ ଏହି ବୈଠକରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡ଼ଗେ ଏବଂ ପୂର୍ବତନ ସାଂସଦ ରାହୁଲ ଗାନ୍ଧି ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ମଧ୍ୟ ସାମିଲ ହୋଇଥିଲେ ।

ସେହିପରି ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ,ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ,ଶିବସେନା ମୁଖ୍ୟ ଉଦ୍ଧବ ଠାକରେ,ଏନସିପି ଅଧ୍ୟକ୍ଷ ଶରଦ ପାୱାରଙ୍କ ସମେତ ତାମିଲନାଡୁ ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ, ନ୍ୟାସନାଲ କନ୍ଫରେନ୍ସ ନେତା ଓମାର ଅବଦୁଲ୍ଲା,ପିପୁଲ୍ସ ଡେମୋକ୍ରାଟିକ୍ ପାର୍ଟି ନେତ୍ରୀ ମେହବୁବା ମୁଫତି ମଧ୍ୟ ଯୋଗ ଦେଇଥିଲେ । କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ ମାର୍କ୍ସବାଦୀ ସାଧାରଣ ସମ୍ପାଦକ ସୀତାରାମ ୟେଚୁରୀ ମଧ୍ୟ ବୈଠକରେ ସାମିଲ ହୋଇଥିଲେ ।
ମଣିପୁର: ଉତ୍ତ୍ୟକ୍ତ ଲୋକଙ୍କ ଦାବି ଯୋଗୁଁ ଗିରଫ ୧୨ ଉଗ୍ରବାଦୀ ମୁକ୍ତ

ମଣିପୁରରେ ହିଂସା ଥମିବା ବଦଳରେ ବଢ଼ିବାରେ ଲାଗିଛି । କେଉଁଠି ପୋଡ଼ାଜଳା ତ କେଉଁଠି ବିକ୍ଷୋଭ ପ୍ରଦର୍ଶନ । ସୁରକ୍ଷା ବାହିନୀ ଉପରକୁ ଆକ୍ରମଣ କରିବାକୁ ବି ପଛାଉ ନାହାଁନ୍ତି ଦୁର୍ବୃତ୍ତ । ଗତ କିଛି ଦିନ ହେଲା ଲାଗି ରହିଥିବା ହିଂସାକୁ ନେଇ ୧୨ ଜଣ ଉଗ୍ରବାଦୀଙ୍କୁ ଗିରଫ କରିଥିଲେ ସୁରକ୍ଷା ବାହିନୀ । ହେଲେ ପରିସ୍ଥିତି ଏମିତି ହେଲା ଶେଷରେ ସେମାନଙ୍କୁ ମୁକ୍ତ କରିବାକୁ ପଡ଼ିଲା ।

ପୂର୍ବ ଇମ୍ଫାଲ୍‌ ଅନ୍ତର୍ଗତ ଇଥାମ୍‌ ଗାଁରେ ସୁରକ୍ଷାକର୍ମୀଙ୍କୁ ଘେରାଉ କରିଥିଲେ ମହିଳା । ସେମାନଙ୍କ ନେତୃତ୍ବରେ ପ୍ରାୟ ୧୫୦୦ ଉତ୍ତ୍ୟକ୍ତ ଲୋକେ ସୁରକ୍ଷାକର୍ମୀଙ୍କୁ ଛାଡ଼ି ନଥିଲେ । ଶେଷରେ ବାଧ୍ୟ ହୋଇ ‘କାଙ୍ଗ୍‌ଲେଇ ୟାୱଲ୍‌ କାନ୍ନା ଲୁପ୍‌’ (KYKL)ର ୧୨ ଜଣ ଉଗ୍ରବାଦୀଙ୍କୁ ମୁକ୍ତ କରିଥିଲେ ସୁରକ୍ଷାକର୍ମୀ । ଏ ନେଇ ସରକାରୀ ଅଧିକାରୀମାନେ ଗଣମାଧ୍ୟମ ଆଗରେ ସ୍ପଷ୍ଟ କରିଛନ୍ତି । ସାଧାରଣ ନାଗରିକମାନଙ୍କ ଜୀବନ ବିପଦରେ ନ ପକାଇବା ଲାଗି ସେନା ଭାବିଚିନ୍ତି ଏଭଳି ନିଷ୍ପତ୍ତି ଗ୍ରହଣ କରିଛି । ମୁକ୍ତ ଉଗ୍ରବାଦୀମାନେ ଘଟଣାସ୍ଥଳରେ ଜବତ ଅସ୍ତ୍ରଶସ୍ତ୍ର ନେଇ ଚାଲି ଆସିଥିବା ସୁରକ୍ଷାବାହିନୀ ପକ୍ଷରୁ କୁହାଯାଇଛି ।

ଗତକାଲି ଇଥାମ୍‌ ଗାଁରେ ସୁରକ୍ଷା ବାହିନୀ ପକ୍ଷରୁ ଅଭିଯାନ ଆରମ୍ଭ ହୋଇଥିଲା । ଗୋଳାବାରୁଦ ଓ ଅସ୍ତ୍ରଶସ୍ତ୍ର ଜବତ କରିବା ସହ ମଣିପୁରୀ ଉଗ୍ରବାଦୀ ସଙ୍ଗଠନ KYKLର ୧୨ ଜଣ କ୍ୟାଡର୍‌ଙ୍କୁ ଗିରଫ କରଯାଇଥିଲା । ସେପଟେ କୋହିମା ଓ ଇମ୍ଫାଲ୍‌ର ପ୍ରତିରକ୍ଷା ଜନସମ୍ପର୍କ ଅଧିକାରୀ କହିଛନ୍ତି ଯେ କିଛି ମହିଳା ଓ ସ୍ଥାନୀୟ ନେତାଙ୍କ ନେତୃତ୍ବରେ ପ୍ରାୟ ୧୫୦୦ ଉତ୍ତ୍ୟକ୍ତ ଲୋକ ଘଟଣାସ୍ଥଳକୁ ଘେରି ଯାଇଥିଲେ ।

ସୁରକ୍ଷା ବାହିନୀ ପକ୍ଷରୁ ଚାଲିଥିବା ଅଭିଯାନରେ ସେମାନେ ବାଧା ଦେଇଥିଲେ । ବାରମ୍ବାର ଅନୁରୋଧ କରିବା ସତ୍ତ୍ୱେ କୌଣସି ସୁଫଳ ମିଳିନଥିଲା । ଉତ୍ତ୍ୟକ୍ତ ଜନତାଙ୍କ ଉପରେ ଆକ୍ରମଣ ନକରି ଶେଷରେ ୧୨ ଜଣ କ୍ୟାଡର୍‌ଙ୍କୁ ସ୍ଥାନୀୟ ନେତାଙ୍କୁ ହସ୍ତାନ୍ତର କରାଯାଇଥିଲା । ଜନଜାତି ମାନ୍ୟତା ପାଇଁ ଦାବି କରୁଥିବା ମଣିପୁରୀ ସମ୍ପ୍ରଦାୟ ବିରୋଧରେ ମେ’ ୩ ତାରିଖରେ ଆୟୋଜିତ ଟ୍ରାଇବାଲ୍‌ ସଲିଡାରିଟି ମାର୍ଚ୍ଚରେ ହିଂସାକାଣ୍ଡ ଘଟିଥିଲା । ସେବେଠାରୁ ଏଯାବତ୍‌ ମଣିପୁର ରାଜ୍ୟରେ ଅସ୍ଥିରତା ଲାଗି ରହିଛି ।
ବୌଦ୍ଧ: ପୁଣି ମାଓବାଦୀ ସକ୍ରିୟ, ମାଓ ପୋଷ୍ଟରକୁ ନେଇ ଲୋକେ ଭୟଭୀତ

କିଛି ଦିନର ନିରବତା ପରେ ବୌଦ୍ଧ ଜିଲ୍ଲାରେ ପୁଣି ଥରେ ମାଓବାଦୀ ସକ୍ରିୟ ହେଲେଣି । ପୁଣି ସେମାନଙ୍କ ଦବଦବା ଜାହିର କରିବାକୁ ଆଗକୁ ବଢ଼ିଲେଣି । ଏବେ ସେମାନେ ପୋଷ୍ଟର ମାରି ଲୋକଙ୍କୁ ଭୟଭୀତ କରାଇଛନ୍ତି ।

ବୌଦ୍ଧ ଜିଲ୍ଲା ଘଣ୍ଟାପଡ଼ା ଥାନା ଅଞ୍ଚଳରେ ମାଓ ପୋଷ୍ଟର ଦେଖିବାକୁ ମିଳିଛି । ଖୁଣ୍ଟିଗୋରା ମାର୍କଟରେ ଥିବା ଏକ ଗଛରେ ମାଓବାଦୀମାନେ ପୋଷ୍ଟର ମାରିଛନ୍ତି । ସକାଳୁ ସକାଳୁ ସ୍ଥାନୀୟ ଲୋକେ ଏହାକୁ ଦେଖିଥିଲେ । ଏହି ପୋଷ୍ଟରରେ କିଛି ମାଓ ନେତାଙ୍କ ଫଟୋ ରହିଥିଲା । ସେମାନେ ଏନକାଉଣ୍ଟରରେ ପ୍ରାଣ ହରାଇଥିଲେ । ସେହି ମାଓବାଦୀଙ୍କୁ ସହିଦ ଦର୍ଶାଇ ଶ୍ରଦ୍ଧାଞ୍ଜଳି ଜଣାଇଛନ୍ତି ।

ଏମିତିକି ସହିଦଙ୍କ ଶ୍ରଦ୍ଧାଞ୍ଜଳି ବ୍ୟର୍ଥ ଯିବ ନାହିଁ ବୋଲି ମଧ୍ୟ ପୋଷ୍ଟରରେ ଲେଖାଯାଇଛି । ପୋଷ୍ଟରରେ ପୋଲିସର ଦମନ ଏବଂ ମିଥ୍ୟା ଏନକାଉଣ୍ଟର ଘଟଣାକୁ ନିନ୍ଦା କରାଯାଇଛି । ଏହାର ପ୍ରତିଶୋଧ ନିଆଯିବ ବୋଲି ଉଲ୍ଲେଖ ରହିଛି । ପ୍ରତିବାଦରେ କଳାହାଣ୍ଡି,ନୟାଗଡ଼, କନ୍ଧମାଳ, ବୌଦ୍ଧ ଭଳି ଜିଲ୍ଲାରେ ୧୨ ଘଣ୍ଟିଆ ବନ୍ଦ ପାଳନ କରାଯାଇଛି । ଏହାକୁ ସଫଳ କରିବା ପାଇଁ ପୋଷ୍ଟରରେ ଲେଖାଯାଇଛି । ତେବେ ଏସବୁ ପୋଷ୍ଟର ପ୍ରକୃତରେ ମାଓବାଦୀ ମାରିଛନ୍ତି କି ନାହିଁ ତାହା ଏଯାଏ ସ୍ପଷ୍ଟ ହୋଇନି । ଏହାକୁ ନେଇ ସ୍ଥାନୀୟ ଲୋକେ ଭୟଭୀତ ହୋଇଛନ୍ତି । ଏ ନେଇ ଘଣ୍ଟାପଡ଼ା ଥାନା ପୋଲିସ ତଦନ୍ତ ଜାରି ରଖିଛି ।

ଗତ କିଛି ଦିନ ହେଲା ଜିଲ୍ଲାରେ ମାଓବାଦୀଙ୍କ ହିଂସା ହ୍ରାସ ପାଇଥିଲା । ରାଜ୍ୟ ଓ କେନ୍ଦ୍ର ସରକାରଙ୍କ ଆହ୍ୱାନରେ ବହୁ ମାଓବାଦୀ ସମାଜର ମୁଖ୍ୟ ସ୍ରୋତକୁ ଫେରିଲେଣି । ଏବେ ବି ପୋଲିସର ଅଭିଯାନ ଜାରି ରହିଛି । ମାଓବାଦୀଙ୍କ ଦବଦବା ହ୍ରାସ ପାଉଥିବା ବେଳେ ପୁଣିଥରେ ସେମାନେ ସକ୍ରିୟ ହେଲେଣି । ଏହାକୁ ନେଇ ସ୍ଥାନୀୟ ଲୋକଙ୍କ ଚିନ୍ତା ମଧ୍ୟ ବଢ଼ିଛି ।
ଭୁବନେଶ୍ୱର: ଓଃ କି ମାଡ଼! ବାନ୍ଧିଲେ,ଉଲଗ୍ନ କରି ଛେଚିଲେ

ରାଜଧାନୀ ଭୁବନେଶ୍ୱରରେ କଙ୍ଗାରୁ କୋର୍ଟ । ନା କଥା ଶୁଣିଲେ, ନା ଆଇନକୁ ମାନିଲେ । ନିର୍ଯାତନାର ଶେଷ ସୀମା ଉଲ୍ଲଂଘନ କଲେ । ହଁ ଆଜ୍ଞା, ଭିଜୁଆଲ୍ ଦେଖିଲେ ଲୋମ ଟାଙ୍କୁରି ଯିବ । ଯିଏ ଆସିଲା ମାରିଲା । ଲାତ, ଗୋଇଠା, ବିଧା ମାରି ଚାଲିଲେ । ଯୁବକଙ୍କୁ ଉଲଗ୍ନ କଲେ, ନିସ୍ତୁକ ଛେଚିଲେ ।

ରାଜଧାନୀର ପଳାଶୁଣି ହାଟ ନିକଟରେ ପ୍ରାଚୀ ବିହାର ଛକ । ଗତ ଶୁକ୍ରବାର ରାତିରେ ଏଠାରେ ହିଁ ଅମାନବୀୟ କାଣ୍ଡ ଦେଖିବାକୁ ମିଳିଥିଲା । ଜଣେ ଯୁବକ ମୋବାଇଲ୍ ଚୋରି କରିଥିବା ଅଭିଯୋଗରେ ଧରାପଡ଼ିଥିଲେ । ଏଥିରେ କୌଣସି ସତ୍ୟତା ନଥିଲା କି ପ୍ରମାଣିତ ହୋଇନଥିଲେ । କେବଳ ଅଭିଯୋଗରେ ଯୁବକଙ୍କୁ ଧରିଥିଲେ ୪ ଜଣ ଦୁର୍ବୃତ୍ତ । କାହା କଥା ଶୁଣିବାକୁ ନାରାଜ । ଆରମ୍ଭ ହେଲା ନିସ୍ତୁକ ମାଡ଼ । ଛେଚିଲେ, ଚପଲରେ ମାରିଲେ, ଆକ୍ରମଣର ସୀମା ଟପିଲା । ନେହୁରା, ଗୁହାରି ଶୁଣିଲେ ନାହିଁ । ଏତିକିରେ ଶେଷ ହୋଇନଥିଲା ନିର୍ଯାତନା । ଯୁବକଙ୍କୁ ଉଲଗ୍ନ କରି ରାସ୍ତାରେ ଥିବା ଗ୍ରୀଲରେ ବାନ୍ଧିଦେଲେ । ଯିଏ ଆସିଲା ମାରି ଚାଲିଲା । ଯୁବକଙ୍କୁ ଉଦ୍ଧାର କରିବା ବଦଳରେ ଦର୍ଶକ ସାଜିଲେ ଲୋକେ । ଭାଇରାଲ୍ କରିବା ପାଇଁ ଫଟୋ ବି ଉଠାଇଲେ । ଗୋଇଠା, ବିଧା, ଚାପୁଡ଼ା, ଚପଲ ମାଡ଼ରେ ଯୁବକଙ୍କୁ ଆହତ କଲେ । ଖରାପ ଭାଷାରେ ଗାଳିଗୁଲଜ ବି କଲେ । ମଳଦ୍ୱାରରେ ବିୟର ବୋତଲ ପୁରାଇ ହାତଗୋଡ଼ ଭାଙ୍ଗିଦେବାକୁ ଉସୁକାଇଲେ । କାହାରି କଥା ନଶୁଣି କଙ୍ଗାରୁ କୋର୍ଟର ନିୟମ ଫଲୋ କଲେ ।

ନିରୀହ ଯୁବକଙ୍କ କ’ଣ ଥିଲା ଦୋଷ । କେବଳ ତାଙ୍କ ନାଁରେ ମୋବାଇଲ୍ ଚୋରି ଅଭିଯୋଗ କରିଥିଲେ ଆକ୍ରମଣକାରୀ । ନା ମିଳିଥିଲା ମୋବାଇଲ୍ ନା ଅନ୍ୟ କିଛି ପ୍ରମାଣପତ୍ର । ରାଜଧାନୀର ରାଜରାସ୍ତାରେ ମନଇଛା ମାରି ଚାଲିଲେ । ଉଲଗ୍ନ କରି ଇଜ୍ଜତ ନେଲେ । ଆହତ ଯୁବକ ନେହୁରା ହେଲେ, ଗୋଡ଼ ଧରିଲେ । ଉଲଗ୍ନ ନକରି ମାଡ଼ ମାରିବାକୁ କହିଲେ ଯୁବକ । ହେଲେ ଏତିକିରେ ସେମାନଙ୍କ ମନ ଶାନ୍ତ ହେଲାନି । ମାଡ଼ମାରି ବେଶ୍ କିଛି ସମୟ ଉପଭୋଗ କଲେ । ତେବେ ଜଣେ ମହିଳା ବିଳମ୍ବ ନକରି ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପିସିଆର-୬ ପହଞ୍ଚି ଆହତ ଯୁବକଙ୍କୁ ଉଦ୍ଧାର କରିଥିଲା । ଆହତଙ୍କୁ ମଞ୍ଚେଶ୍ୱର ଥାନା ପୋଲିସକୁ ହସ୍ତାନ୍ତର କରାଯାଇଥିବା ବେଳେ ଘଟଣାର ତଦନ୍ତ ଜାରି ରହିଛି ।

୪ ମାସ ପୂର୍ବେ ମଞ୍ଚେଶ୍ୱର ଥାନା ଅଧୀନ ଜଗନ୍ନାଥ ଲେପର୍ସ କଲୋନୀରେ ଜଣେ ମହିଳାଙ୍କୁ କଙ୍ଗାରୁ କୋର୍ଟର ସାମ୍ନା କରିବାକୁ ପଡ଼ିଥିଲା । ତାଙ୍କୁ ବାନ୍ଧି ମାଡ଼ ମାରିଥିଲେ ଦୁର୍ବୃତ୍ତ । ରାଜଧାନୀରେ ଏଭଳି ଘଟଣା ବାରମ୍ବାର ଘଟୁଥିବା ବେଳେ ପୋଲିସ ଏ ଦିଗରେ ତୁରନ୍ତ ପଦକ୍ଷେପ ନେବା ଜରୁରୀ ହୋଇଛି ।
ସୃଷ୍ଟ ଲଘୁଚାପ କାରଣରୁ ଆଗାମୀ ଦୁଇ ଦିନରେ ହୋଇପାରେ ପ୍ରବଳ ବର୍ଷା

ପୁଣି ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହୋଇଛି। ଉତ୍ତର-ପଶ୍ଚିମ ବଙ୍ଗୋପସାଗର ତଥା ଉତ୍ତର-ଓଡ଼ିଶା ଏବଂ ପଶ୍ଚିମବଙ୍ଗ ଉପକୂଳରେ ଏହି ଲଘୁଚାପ କ୍ଷେତ୍ର ସୃଷ୍ଟି ହୋଇଛି। ଭୁବନେଶ୍ୱର ସ୍ଥିତ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ଟ୍ୱିଟ୍ କରି ଏହି ସୂଚନା ଦିଆଯାଇଛି।

ଗୋଟିଏ ପଟେ ରାଜ୍ୟକୁ ପ୍ରବେଶ କରିଛି ମୌସୁମୀ। ମୌସୁମୀ ଆଗମନରେ ଜାରି ରହିଛି ବର୍ଷା। ଅନ୍ୟପଟେ ଲଘୁଚାପ କ୍ଷେତ୍ର ସୃଷ୍ଟି ହେବାରୁ ଆଗକୁ ଆହୁରି ବର୍ଷା ଆଶଙ୍କ ସୃଷ୍ଟି ହୋଇଥିବା ସତର୍କ କରାଇ ଦେଇଛି ଭୁବନେଶ୍ବର ପାଣିପାଗ ବିଭାଗ। ଗତକାଲି ଜାରି ପାଣିପାଗ ବୁଲେଟିନ ଅନୁଯାୟୀ, ଆଜି ସକାଳ ସାଢ଼େ ୮ଟାରୁ ୨୬ ତାରିଖ ସକାଳ ସାଢ଼େ ୮ଟା ମଧ୍ୟରେ ସମ୍ବଲପୁର, ଅନୁଗୋଳ, ବୌଦ୍ଧ, ସୋନପୁର, ବରଗଡ଼, ଦେବଗଡ଼, ବଲାଙ୍ଗିର, ସୁନ୍ଦରଗଡ଼, କେନ୍ଦୁଝର ଓ ଝାରସୁଗୁଡ଼ା ଜିଲ୍ଲାର କିଛି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ। ସେହିପରି ସମ୍ବଲପୁର, ସୋନପୁର ଓ ବୌଦ୍ଧର ଗୋଟିଏ କିମ୍ବା ଦୁଇଟି ସ୍ଥାନରେ ଅତ୍ୟନ୍ତ ପ୍ରବଳ ବର୍ଷା ହେବାର ସମ୍ଭାବନା ରହିଛି। ସେଥିପାଇଁ ଏହି ସବୁ ଜିଲ୍ଲାଗୁଡ଼ିକୁ ଅରେଞ୍ଜ ୱାର୍ଣ୍ଣିଂ ଜାରି କରାଯାଇଛି।

ସେହିପରି ମୟୂରଭଞ୍ଜ, ବାଲେଶ୍ୱର, ଭଦ୍ରକ, ଯାଜପୁର, କଟକ, ଢେଙ୍କାନାଳ, ଖୋର୍ଦ୍ଧା, ନୟାଗଡ଼, କନ୍ଧମାଳ, କଳାହାଣ୍ଡି, ନବରଙ୍ଗପୁର ଓ ନୂଆପଡ଼ା ଜିଲ୍ଲାର ଗୋଟିଏ ବା ଦୁଇଟି ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ସେଥିପାଇଁ ଏହି ସବୁ ଜିଲ୍ଲାଗୁଡ଼ିକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି।

ପାଣିପାଗ ସୂଚନା ଅନୁଯାୟୀ, ୨୬ ତାରିଖ ସକାଳ ସାଢ଼େ ୮ଟାରୁ ୨୭ ତାରିଖ ସକାଳ ସାଢ଼େ ୮ଟା ପର୍ଯ୍ୟନ୍ତ ବରଗଡ଼, ବଲାଙ୍ଗିର, କଳାହାଣ୍ଡି, ନୂଆପଡ଼ା,ସମ୍ବଲପୁର, ସୋନପୁର, ବୌଦ୍ଧ ଓ ନବରଙ୍ଗପୁର ଜିଲ୍ଲାର କିଛି ଅଞ୍ଚଳରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି। ବଲାଙ୍ଗିର, କଳାହାଣ୍ଡି ଓ ବରଗଡ଼ ଜିଲ୍ଲାର ଗୋଟିଏ ବା ଦୁଇଟି ସ୍ଥାନରେ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି। ସେଥିପାଇଁ ଏହି ଜିଲ୍ଲା ଗୁଡ଼ିକୁ ଓରେଞ୍ଜ ୱାର୍ଣ୍ଣିଂ ଜାରି କରାଯାଇଛି।

ସେହିପରି ଝାରସୁଗୁଡ଼ା, ସୁନ୍ଦରଗଡ଼, ଦେବଗଡ଼, କେନ୍ଦୁଝର, ଅନୁଗୋଳ, ଢେଙ୍କାନାଳ, ଯାଜପୁର, କଟକ, କନ୍ଧମାଳ, ରାୟଗଡ଼ା, ମାଲକାନଗିରି ଓ କୋରାପୁଟ ଜିଲ୍ଲାର ଗୋଟିଏ ବା ଦୁଇଟି ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ସେଥିପାଇଁ ଏହି ଜିଲ୍ଲା ଗୁଡ଼ିକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି।

୨୭ ତାରିଖ ସକାଳ ସାଢ଼େ ୮ଟାରୁ ୨୮ ତାରିଖ ସକାଳ ସାଢ଼େ ୮ଟା ମଧ୍ୟରେ ରାଜ୍ୟର କିଛି ସ୍ଥାନରେ ପ୍ରବଳ ବର୍ଷା ହୋଇପାରେ। ନବରଙ୍ଗପୁର, ନୂଆପଡ଼ା, ବଲାଙ୍ଗିର, ବରଗଡ଼, ଝାରସୁଗୁଡ଼ା, ସମ୍ବଲପୁର, ସୁନ୍ଦରଗଡ଼ ଓ କେନ୍ଦୁଝର ଜିଲ୍ଲାର କିଛି ସ୍ଥାନରେ ପ୍ରବଳ ବର୍ଷା ସମ୍ଭାବନା ଥିବାରୁ ପାଣିପାଗ ବିଭାଗ ୟେଲୋ ୱାର୍ଣ୍ଣିଂ ଜାରି କରିଛି।