Author: suchanatv24x7

୩ ଘଣ୍ଟାରେ ହଟିବା ଡିପଫେକ୍ କଣ୍ଟେଣ୍ଟ୍: କେନ୍ଦ୍ରର ଏଆଇ ପାଇଁ କଡା ନିୟମ

“ଭାରତ ସରକାର ଏଆଇ ଏବଂ ଡିପଫେକ୍ କଣ୍ଟେଣ୍ଟ୍ ବିରୋଧରେ କଡା ପଦକ୍ଷେପ ନେଲା। ନୂତନ ନିୟମ ଅନୁଯାୟୀ, ସୋସିଆଲ ମିଡିଆ ପ୍ଲାଟଫର୍ମଗୁଡିକୁ ୩ ଘଣ୍ଟା ମଧ୍ୟରେ ଆପତ୍ତିଜନକ କଣ୍ଟେଣ୍ଟ୍ ହଟାଇବାକୁ ପଡ଼ିବ। ଯଦି କୌଣସି ଏଆଇ-ଜେନେରେଟେଡ୍ କଣ୍ଟେଣ୍ଟ୍ ବିବାଦିତ କିମ୍ବା ଜଣେ ବ୍ୟକ୍ତିର ସମ୍ମାନକୁ ହାନି କରେ, ତେବେ ୩ ଘଣ୍ଟାରେ ସମ୍ପୃକ୍ତ ପ୍ଲାଟଫର୍ମକୁ ଏହା ହଟାଇବା ଆବଶ୍ୟକ।”

ଆସନ୍ତା ୨୦ ତାରିଖରୁ ଏହି ନିୟମ ଲାଗୁହେବ । ଏଅଆଇର ବ୍ୟବହାର ଯୋଗୁ ଫଟୋ, ଭିଡ଼ିଓ, ଅଡ଼ିଓ କଣ୍ଟେଣ୍ଟର ସତ୍ୟତା ଜାଣିବା କଷ୍ଟକର ହୋଇପଡୁଛି । ଏଆଇ, ଡିପଫେକ୍ ଦ୍ବାରା ସୋସିଆଲ ମଡିଆରେ ମହିଳାମାନେ ନିର୍ଯାତନାର ଶୀକାର ହେଉଛନ୍ତି । ଯାହାର ପ୍ରତିକାର ପାଇଁ ଏଭଳି କଟକଣା ଜାରି କରାଯାଇଛି । ଆସନ୍ତୁ ନଜର ପକାଇବା କ’ଣ ରହିଛି ନିୟମ ।

ଏଆଇ ଉପରେ ସରକାରୀ ଛାଟ
କୋର୍ଟଙ୍କ ନିର୍ଦ୍ଦେଶ ପରେ ମାତ୍ର ୩ ଘଣ୍ଟା ମଧ୍ୟରେ ଫେକ୍ କଣ୍ଟେଣ୍ଟ୍ ହଟାଇବା ବାଧ୍ୟତାମୂଳକ
ଏଆଇ ଦ୍ୱାରା ପ୍ରସ୍ତୁତ ଭିଡିଓ ବା ଫଟୋରେ ସ୍ପଷ୍ଟ ଭାବେ ‘ଏଆଇ-ଜେନେରେଟେଡ୍‌’ ଲେଖିବାକୁ ପଡ଼ିବ
ଭିଡିଓର ଅତିକମ୍‌ରେ ୧୦% ଅଂଶରେ ଏଆଇ ଲେବେଲ୍ କିମ୍ବା ୱାଟରମାର୍କ ରହିବା ଆବଶ୍ୟକ
ପ୍ରତ୍ୟେକ ଏଆଇ କଣ୍ଟେଣ୍ଟରେ ମେଟାଡାଟା ଆଇଡେଣ୍ଟିଫାୟାର ରହିବ
ଯାହାଦ୍ୱାରା ଏହାର ପ୍ରକୃତ ସ୍ରଷ୍ଟାଙ୍କୁ ଖୋଜାଯାଇପାରିବ
ଫଳରେ କଣ୍ଟେଣ୍ଟର ସତ୍ୟତାକୁ ନେଇ କୌଣସି ଦ୍ବନ୍ଦ୍ବ ରହିବ ନାହିଁ
ପ୍ରତି ୩ ମାସରେ ଥରେ ୟୁଜର୍ସଙ୍କୁ ଏଆଇ ନିୟମ ସମ୍ପର୍କରେ ସତର୍କ କରାଯିବ
ଆପେ ଆପେ ଡିପଫେକ୍ କଣ୍ଟେଣ୍ଟକୁ ଚିହ୍ନଟ କରିବା ଭଳି ଟେକ୍ନୋଲୋଜି ବ୍ୟବହାର କରିବେ କମ୍ପାନୀ
ନିୟମ ଉଲ୍ଲଂଘନ କଲେ ସମ୍ପୃକ୍ତ କମ୍ପାନି ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ
ଫେବ୍ରୁଆରି ୨୦ ତାରିଖରୁ ଲାଗୁ ହେବ ନିୟମ
ଏଆଇ ଟୁଲ ବ୍ୟବହାର କରୁଥିଲେ ଆଗୁଆ ସୂଚନା ଦେବେ କଣ୍ଟେଣ୍ଟ କ୍ରିଏଟର
ଏଅଆଇର ବ୍ୟବହାର ଯୋଗୁ ଫଟୋ, ଭିଡ଼ିଓ, ଅଡ଼ିଓ କଣ୍ଟେଣ୍ଟର ସତ୍ୟତା ଜାଣିବା କଷ୍ଟକର
ଏଆଇ, ଡିପଫେକ୍ ଦ୍ବାରା ସୋସିଆଲ ମଡିଆରେ ମହିଳାମାନେ ନିର୍ଯାତନାର ଶୀକାର ହେଉଛନ୍ତି |
ଲୋକ ଖୁସି କେମିତି ହେବେ? ତୁମେ ତାଙ୍କ BSKY ନେଇଯାଇଛ: ସୁଲତା ଦେଓଙ୍କ ଆରୋପ, ବିଧାୟକଙ୍କ ପ୍ରତିଆରୋପ

ବର୍ତ୍ତମାନ କୋରେଇ ଅଞ୍ଚଳର ରାଜନୀତି ଭାରି ସରଗରମ ହୋଇଯାଇଛି। ସୁକିନ୍ଦା ଓ କୋରେଇ ବାସୀ ଧୂଳି, ଧୂଆଁ ଖାଉଥିବା ବେଳେ DMF ଫଣ୍ଡର ଟଙ୍କା ଯାଜପୁର ଟାଉନ୍‌ର କୁସୁମା ଓ ଅନ୍ୟାନ୍ୟ ରାସ୍ତା ନିର୍ମାଣରେ ଖର୍ଚ୍ଚ ହୋଇଥିବା ଅଭିଯୋଗ ଉଠାଇଛନ୍ତି ରାଜ୍ୟସଭା ସାଂସଦ ସୁଲତା ଦେଓ। ବ୍ୟାସ ସରୋବର ସଭାମଞ୍ଚରୁ ସେ କହିଛନ୍ତି, ଏହି ସମସ୍ତ ବିକାଶ କାମ “ବବି ଭାଇ” କରିଛନ୍ତି।

ସୁଲତା ଦେଓ ଆହୁରି କହିଛନ୍ତି ଯେ ବ୍ୟାସ ସରୋବର ଉନ୍ନତି ପାଇଁ ବବି ଦାସ ଓ ଅଶୋକ ବଳ ଦୁଇ ଭାଇ ମିଶି ୨୪ ଘଣ୍ଟା ଧରି ଆଲୋଚନା କରୁଥିଲେ। ତେବେ ଯାଜପୁରରେ ବିକାଶ ହେଲେ ବି କୋରେଇରେ କାହିଁକି ହେଲାନି ବୋଲି ସେ ପ୍ରଶ୍ନ କରିଥିଲେ। ସେଥିସହ DMF ଫଣ୍ଡରୁ କୋରେଇ କାହିଁକି ବାଦ୍ ପଡ଼ିଲା ଓ ଧର୍ମଶାଳା କିପରି ମିଶିଲା ଏନେଇ କୋରେଇ ବିଧାୟକଙ୍କୁ ପ୍ରଶ୍ନ କରି ଲୋକଙ୍କୁ ଉସ୍କାଇଥିବା ଅଭିଯୋଗ ହୋଇଛି।

ଏହି ମନ୍ତବ୍ୟକୁ ନେଇ BJD କାଉନ୍ସିଲରମାନେ କଟୁ ପ୍ରତିକ୍ରିୟା ଦେଇଛନ୍ତି। ବ୍ୟାସନଗର ପୌର ପରିଷଦର BJD କାଉନ୍ସିଲର ଅଶୋକ ରାଉତ କହିଛନ୍ତି, ବ୍ୟାସ ସରୋବର ଉନ୍ନତି କାମ ପୂର୍ବତନ ଅର୍ଥମନ୍ତ୍ରୀ ପ୍ରଫୁଲ୍ଲ ଘଡ଼ାଇ ଓ ପୂର୍ବତନ ପୌରାଧ୍ୟକ୍ଷା ସରୋଜିନୀ ବଳଙ୍କ ସମୟରୁ ଆରମ୍ଭ ହୋଇଥିଲା। ସେତେବେଳେ ଏହି “ଦୁଇ ଭାଇ” ରାଜନୀତିରେ ମଧ୍ୟ ଥିଲେନି ବୋଲି ସେ କହିଛନ୍ତି। ତାପରେ ଯେଉଁ କାମ ହୋଇଛି, ସେଗୁଡ଼ିକ ପ୍ରୀତି ରଞ୍ଜନ ଘଡ଼ାଇ ଓ ବର୍ତ୍ତମାନର କୋରେଇ ବିଧାୟକ ଆକାଶ ଦାସ ନାୟକ କରିଥିବା ଅଶୋକ ରାଉତ କହିଛନ୍ତି। ସେ ଏହା ମଧ୍ୟ ପ୍ରଶ୍ନ କରିଛନ୍ତି ଯେ DMF ଫଣ୍ଡ କିପରି ପାଣିକୋଇଲି ଡେଇଁ ଯାଜପୁର ଟାଉନ୍ କୁଶୁମାରେ ଖର୍ଚ୍ଚ ହେଲା ଓ ଏହାକୁ କିଏ ନେଲା।

ଅନ୍ୟପଟେ DMF ଫଣ୍ଡରୁ କୋରେଇ କାହିଁକି ବାଦ୍ ପଡ଼ିଲା ସେଥିପାଇଁ କୋରେଇ ବିଧାୟକ ଆକାଶ ଦାସ ନାୟକ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, ସୁପ୍ରିମକୋର୍ଟ ନିୟମ ଅନୁଯାୟୀ ଖଣି ଅଞ୍ଚଳର ୩୦ କିଲୋମିଟର ପରିସୀମା ମଧ୍ୟରେ ଥିବା ଅଞ୍ଚଳକୁ DMF ଫଣ୍ଡ ମିଳେ। ତେଣୁ DMF ନ ମିଳିଲେ ବି ଅନ୍ୟ ଫଣ୍ଡ ମାଧ୍ୟମରେ କୋରେଇର ବିକାଶ କାମ ଜୋରଦାର ଭାବେ ଚାଲିଛି ବୋଲି ସେ ସ୍ପଷ୍ଟ କରିଛନ୍ତି। ଆକାଶ ଦାସ ନାୟକ ଏହା ମଧ୍ୟ କହିଛନ୍ତି ଯେ ଏମିତି ସଭାମଞ୍ଚରେ ସବୁବେଳେ ରାଜନୀତି କରିବା ଉଚିତ୍ ନୁହେଁ। ନିର୍ବାଚନ ସମୟରେ ରାଜନୀତି ହେଉ, ନିର୍ବାଚନ ପରେ ସମସ୍ତେ ଏକାଠି ହୋଇ ଉନ୍ନତି କାମ କରିବା ଦରକାର।

ତେବେ ଏହି ସମଗ୍ର ଭାଷଣବାଜି ଓ ଆରୋପ, ପ୍ରତ୍ୟାରୋପକୁ ନେଇ ବର୍ତ୍ତମାନ କୋରେଇ ଅଞ୍ଚଳର ରାଜନୀତି ଏବେ ଆହୁରି ତେଜୀ ଉଠିଛି ।
ଅନ୍ଧାର ହେବ କି ବାଂଲାଦେଶ? ବାଂଲାଦେଶକୁ ଆଦାନୀ ଗ୍ରୁପ୍‌ର ଚେତାବନୀ

ବାଂଲାଦେଶରେ ଆସନ୍ତା ଫେବୃଆରି ୧୨ ତାରିଖରେ ସାଧାରଣ ନିର୍ବାଚନ ହେବାକୁ ଥିବା ବେଳେ, ଦେଶଟିକୁ ଏକ ବଡ଼ ଝଟକା ଲାଗିଛି। ଭାରତୀୟ ଶିଳ୍ପଗୋଷ୍ଠୀ ଆଦାନୀ ଗ୍ରୁପ୍ ବାଂଲାଦେଶ ପାୱାର ଡିଭେଲପମେଣ୍ଟ ବୋର୍ଡ (ପିଡିବି)କୁ ବକେୟା ବିଦ୍ୟୁତ୍ ବିଲ୍ ତୁରନ୍ତ ପୈଠ କରିବାକୁ ଚେତାବନୀ ଦେଇଛି।

ରିପୋର୍ଟ ଅନୁସାରେ, ଜାନୁଆରୀ ୨୯ ତାରିଖରେ ଆଦାନୀ ପାୱାର ଲିମିଟେଡର ଉପାଧ୍ୟକ୍ଷ ଅଭିନାଶ ଅନୁରାଗ ‘ପିଡିବି’ ଅଧ୍ୟକ୍ଷଙ୍କୁ ଏକ ଚିଠି ଲେଖି ବକେୟା ରାଶି ଶୀଘ୍ର ପୈଠ କରିବାକୁ ଦାବି କରିଛନ୍ତି। ଚିଠିରେ ସ୍ପଷ୍ଟ କରାଯାଇଛି ଯେ, ଯଦି ନିର୍ଦ୍ଧାରିତ ସମୟ ମଧ୍ୟରେ ବକେୟା ରାଶି ପୈଠ ନହୁଏ, ତେବେ ବାଂଲାଦେଶକୁ ଯୋଗାଯାଉଥିବା ବିଦ୍ୟୁତ୍ ସରବରାହ ବନ୍ଦ କରାଯାଇପାରେ। ନିର୍ବାଚନ ପୂର୍ବରୁ ଏଭଳି ଚେତାବନୀ ବାଂଲାଦେଶ ସରକାର ପାଇଁ ଚିନ୍ତାର କାରଣ ହୋଇଉଠିଛି। ବିଦ୍ୟୁତ୍ ସଙ୍କଟ ଗଭୀର ହେଲେ ଜନଜୀବନ ଏବଂ ନିର୍ବାଚନୀ ପ୍ରକ୍ରିୟା ଉପରେ ପ୍ରଭାବ ପଡ଼ିପାରେ।
ପୁରୀ ସମୁଦ୍ର କୂଳରେ ହଜାର ହଜାର ଜୀବନ୍ତ ଶାମୁକା

ପୁରୀ ନିଳାଦ୍ରୀ ସି ବିଚ୍ ଓ ବ୍ଲୁ ଫ୍ଲାଗ୍ ବିଚ୍‌ରେ ଗତ କିଛି ଦିନ ଧରି ଏକ ଅପୂର୍ବ ପ୍ରାକୃତିକ ଦୃଶ୍ୟ ଦେଖିବାକୁ ମିଳୁଛି । ରାତି ସମୟରେ ହଜାର ହଜାର ସଂଖ୍ୟାରେ ଜୀବନ୍ତ ଶାମୁକା ଦଳ ଦଳ ହୋଇ ସମୁଦ୍ର କୂଳକୁ ଆସୁଥିବାବେଳେ ସକାଳେ ସୂର୍ଯ୍ୟ ଉଦୟ ପରେ ଏକ ରୁ ଦୁଇ ଘଣ୍ଟା ମଧ୍ୟରେ ପୁଣି ସମୁଦ୍ର ଭିତରକୁ ଫେରିଯାଉଛନ୍ତି ।

ପୂର୍ବରୁ ପୁରୀ ବେଳାଭୂମୀରେ ଏଭଳି ଦୃଶ୍ୟ ଦୁର୍ଲଭ ଥିବାବେଳେ ଏବେ ଏତେ ବଡ଼ ସଂଖ୍ୟାରେ ଶାମୁକା ଦେଖାଯିବା ପର୍ଯ୍ୟଟକଙ୍କ ମଧ୍ୟରେ ବିଶେଷ ଆକର୍ଷଣ ସୃଷ୍ଟି କରିଛି । ଅନେକ ପର୍ଯ୍ୟଟକ ଏହି ଦୃଶ୍ୟକୁ ମୋବାଇଲ କ୍ୟାମର ମାଧ୍ୟମରେ ରେକଡ଼ କରୁଥିବା ଦେଖାଯାଇଛି ।

ତେବେ ଗଭୀର ସମୁଦ୍ର ଛାଡ଼ି ଏତେ ସଂଖ୍ୟାରେ ଶାମୁକା କୂଳକୁ ଆସିବା ପଛରେ ଜଳବାୟୁ ପରିବର୍ତ୍ତନ ଓ ସମୁଦ୍ର ତାପମାତ୍ରାର ପରିବର୍ତ୍ତନ କିମ୍ବା ଅନ୍ୟ କୌଣସି ପରିବେଶଗତ କାରଣ ରହିଛି କି ନାହିଁ, ସେନେଇ ଏପର୍ଯ୍ୟନ୍ତ ସ୍ପଷ୍ଟ ତଥ୍ୟ ମିଳି ନାହିଁ ।
ଅଦୃଶ୍ୟ ଅପରାଧର ବିସ୍ଫୋରଣ: ଡିଜିଟାଲ ଆରେଷ୍ଟକୁ ‘ଡକାୟତି’ ଘୋଷଣା କଲେ ସୁପ୍ରିମକୋର୍ଟ

ଦେଶର ଡିଜିଟାଲ ଜଗତରେ ଶାନ୍ତି ଭଙ୍ଗ କରିଦେଇଛି ଏକ ଅଦୃଶ୍ୟ ଅପରାଧ ଡିଜିଟାଲ ଆରେଷ୍ଟ। ମୋବାଇଲ୍ ଏବଂ ଇଣ୍ଟରନେଟର ଯୁଗରେ ଲୋକଙ୍କୁ ଭୟ ଦେଖାଇ, ନିଜକୁ ଅଫିସର କହି, ଲକ୍ଷ ଲକ୍ଷ ଟଙ୍କା ଉଠାଏ ଏକ ସୁଠାମ ମାଫିଆ ଶୃଙ୍ଖଳା। ଦେଶରେ ୫୪ ହଜାର କୋଟି ଟଙ୍କାର ଠକେଇକୁ ଡକାୟତି ଭାବେ ବର୍ଣ୍ଣନା କରିଛନ୍ତି ସୁପ୍ରିମକୋର୍ଟ। ଏଭଳି ଅପରାଧକୁ ରୋକିବା ଲାଗି ରିଜର୍ଭ ବ୍ୟାଙ୍କ, ଅନ୍ୟ ବ୍ୟାଙ୍କ, ଟେଲିକମ ବିଭାଗ ଓ ଅନ୍ୟ ଅଂଶୀଦାରମାନଙ୍କ ପରାମର୍ଶରେ ଏକ ଏସଓପି ପ୍ରସ୍ତୁତ କରିବା ଲାଗି ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି। ଏହି ଅପରାଧ ଏତେ ବଡ଼ ଯେ, ଏପର୍ଯ୍ୟନ୍ତ ୫୪ ହଜାର କୋଟି ଟଙ୍କା ଲୋକମାନେ ହରାଇଛନ୍ତି, କେତେକ ଛୋଟ ରାଜ୍ୟର ବଜେଟ୍‌ରୁ ମଧ୍ୟ ଅଧିକ!

ଏହି ଅବସ୍ଥାକୁ ଦେଖି ଦେଶର ସର୍ବୋଚ୍ଚ ନ୍ୟାୟାଳୟ କହି ଉଠିଲା, “ଏହା ଠକେଇ ନୁହେଁ… ଏହା ହେଉଛି ଡକାୟତି।” ଏତେ ବଡ଼ ଠକେଇ ବ୍ୟାଙ୍କ ଅଧିକାରୀଙ୍କ ସହଯୋଗ କିମ୍ବା ଅବହେଳାର ପରିଣାମ ହୋଇପାରେ। କେନ୍ଦ୍ର ଗୃହ ମନ୍ତ୍ରଣାଳୟକୁ RBIର ବର୍ତ୍ତମାନ ଥିବା SoP ଏବଂ ଟେଲିକମ ବିଭାଗର ସମାନ ନିର୍ଦ୍ଦେଶାବଳୀ କିମ୍ବା ନିଷ୍ପତ୍ତିଗୁଡ଼ିକୁ ଯାଞ୍ଚ କରିବାକୁ କୋର୍ଟ କହିଛନ୍ତି।
ମେଡିକାଲ ଆଇସିୟୁରେ ଅଭାବନୀୟ ଦୃଶ୍ୟ

ମେଡିକାଲ ଆଇସିୟୁ ଭଳି ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବିଭାଗରୁ ସାମ୍ନାକୁ ଆସିଛି ଏକ ଅଭାବନୀୟ ଘଟଣା | ଚିକିତ୍ସାଧୀନ ଥିବା ଜଣେ ମହିଳା ରୋଗୀ ଆଇସିୟୁ ବେଡ୍‌ରୁ ବାଡ଼ା ଭାଙ୍ଗି ତଳକୁ ଖସିପଡ଼ୁଥିବା ଦୃଶ୍ୟ ସୋସିଆଲ ମିଡ଼ିଆରେ ଏବେ ଭାଇରାଲ ହେବାରେ ଲାଗିଛି। ଭିଡିଓରେ ସ୍ପଷ୍ଟ ଦେଖାଯାଉଛି ଯେ, ଗୁରୁତର ଅବସ୍ଥାରେ ଥିବା ମହିଳା ରୋଗୀ ବେଡ୍‌ରୁ ଖସିପଡ଼ୁଥିବା ବେଳେ ସେଠାରେ କୌଣସି ସ୍ୱତନ୍ତ୍ର ସୁବିଧା ନାହିଁ । ଏହା ଆଇସିୟୁ ଭିତରେ ରୋଗୀମାନଙ୍କ ପ୍ରତି ହେଉଥିବା ଅବହେଳାର ନଗ୍ନ ଚିତ୍ର ବୋଲି ଅଭିଯୋଗ ହେଉଛି।

ଚିନ୍ତାଜନକ କଥା ହେଉଛି, ମହିଳା ରୋଗୀ ଖସିପଡ଼ୁଥିବା ସମୟରେ କେହି ଜଣେ ଏହି ଘଟଣାକୁ ମୋବାଇଲ ଫୋନ୍‌ରେ ରେକଡିଂ କରି ଭିଡିଓଟି କୁ ସୋସିଆଲ ମିଡିଆରେ ଚଡି ଦେଇଛନ୍ତି | ତେବେ ଏହି ଘଟଣା କେଉଁ ମେଡିକାଲର ଓ କେବେକାର, ସେଥିପାଇଁ ଏପର୍ଯ୍ୟନ୍ତ ସ୍ପଷ୍ଟ ସୂଚନା ମିଳିନାହିଁ। ଭିତର ଦୃଶ୍ୟ ଓ ପରିବେଶକୁ ଆଧାର କରି ଏହା ଏସ୍‌ସିବି ମେଡିକାଲ କଲେଜ ଏବଂ ହସ୍ପିଟାଲର ମେଡିସିନ୍ ବିଭାଗ ପ୍ରଥମ ମହଲା ଆଇସିୟୁ ହେବାର ସନ୍ଦେହ କରାଯାଉଛି। ତେବେ ଏହି ଘଟଣା ସମ୍ପର୍କରେ ଯାଞ୍ଚ ଚାଲିଛି ବୋଲି ଏସ୍‌ସିବି ମେଡିକାଲ କର୍ତ୍ତୃପକ୍ଷ କହିଛନ୍ତି। ଏହି ଭିଡିଓ ଭାଇରାଲ ପରେ ରୋଗୀ ସୁରକ୍ଷା, ଆଇସିୟୁ ପରିଚାଳନା ଓ ଚିକିତ୍ସା ବ୍ୟବସ୍ଥା ଉପରେ ପ୍ରଶ୍ନ ଉଠିଛି।
ମିଟ୍ ମସଲା ଆମିଷ ନା ନିରାମିଷ? ସତ ଜାଣିଲେ ଆପଣ ବି ହେବେ ଆଶ୍ଚର୍ଯ୍ୟ !

ଦୈନନ୍ଦିନ ଜୀବନରେ ରୋଷେଇ ହେଉ କି ହୋଟେଲ୍ରେ ବା ଷ୍ଟୁରାଣ୍ଟର ଖାଦ୍ୟ, ସ୍ୱାଦ ହେଉଛି ଖାଦ୍ୟର ପ୍ରଧାନ ଆକର୍ଷଣ। ଖାଦ୍ୟର ସ୍ୱାଦକୁ ଆହୁରି ବଢ଼ାଇବାରେ ମସଲାର ଭୂମିକା ସବୁଠାରୁ ଗୁରୁତ୍ୱପୂର୍ଣ୍ଣ। କିନ୍ତୁ ଅନେକ ଲୋକଙ୍କ ମଧ୍ୟରେ ଏପର୍ଯ୍ୟନ୍ତ ଏକ ଦ୍ୱନ୍ଦ ରହିଛି ମିଟ୍ ମସଲା ଆମିଷ ନା ନିରାମିଷ?

ବଜାରରେ ଚିକେନ୍ ମସଲା , ମିଟ୍ ମସଲା ଭଳି ନାମରେ ମିଳୁଥିବା ପ୍ୟାକେଟ୍‌ଗୁଡ଼ିକରେ ଥିବା ଛବି ଦେଖି ଅନେକେ ଭାବନ୍ତି ଯେ, ଏହି ମସଲାରେ ମାଂସ ମିଶିଥାଏ। ବିଶେଷକରି ନିରାମିଷ ଖାଦ୍ୟରେ ପକାଉଥିବା ଲୋକମାନେ ଏହାକୁ ବ୍ୟବହାର କରିବାରେ ଦ୍ବନ୍ଦରେ ପଡ଼ିଯାଆନ୍ତି। କିନ୍ତୁ ସତ କଥା ହେଉଛି ମିଟ୍ ମସଲା ସମ୍ପୂର୍ଣ୍ଣ ନିରାମିଷ। ଏହି ମସଲାରେ ଜିରା, ଧନିଆ, ହଳଦୀ, ଲଙ୍କା ପାଉଡର, ପାନମହୁରୀ, ଜାଇଫଳ, ଅଦା, ରସୁଣ, କଳା ଗୋଲମରିଚ ଓ କଞ୍ଚାଲଙ୍କା ଭଳି ମସଲାର ମିଶ୍ରଣ ଥାଏ। ଏଥିରେ କୌଣସି ପ୍ରକାର ମାଂସ ବା ଆମିଷ ଉପାଦାନ ବ୍ୟବହାର ହୋଇନଥାଏ।

ବିଶେଷଜ୍ଞମାନଙ୍କ କହିବା ଅନୁଯାୟୀ , ମିଟ୍ ବା ଚିକେନ୍ ମସଲାର ନାମକରଣ କେବଳ ସ୍ୱାଦ ଓ ସୁଗନ୍ଧକୁ ଧ୍ୟାନରେ ରଖି କରାଯାଇଛି। ଏହି ମସଲାକୁ ନିରାମିଷ ଖାଦ୍ୟରେ ବ୍ୟବହାର କଲେ ମଧ୍ୟ ଖାଦ୍ୟ ଆହୁରି ସ୍ୱାଦିଷ୍ଟ ଓ ସୁଗନ୍ଧିତ ହୋଇଥାଏ। ସେହିପରି, ଯଦି ଆପଣ ନିରାମିଷ ଖାଦ୍ୟ ପକାଉଛନ୍ତି ଓ ମିଟ୍ ମସଲା ବ୍ୟବହାର କରିବାକୁ ଦୁବିଧାରେ ଅଛନ୍ତି, ତେବେ ନିଶ୍ଚିନ୍ତ ରୁହନ୍ତୁ। ଏହା ସ୍ୱାଦକୁ ଦ୍ୱିଗୁଣିତ କରିବ ଆମିଷ ବିନା।
କାଳିଜାଇ ପୀଠରେ ବଢ଼ିବ ସୁରକ୍ଷା

ପର୍ଯ୍ୟଟକଙ୍କ ଭିଡ଼ ଦେଖି ଅଧିକ ପୁଲିସ ମୁତୟନ କରାଯିବ | ଚିଲିକାରେ ହେବ କଡ଼ା ପାଟ୍ରୋଲିଙ୍ଗ |

ଚିଲିକା ହ୍ରଦର ଧାର୍ମିକ ଓ ପର୍ଯ୍ୟଟନ କେନ୍ଦ୍ର କାଳିଜାଇ ପୀଠରେ ସୁରକ୍ଷା ବ୍ୟବସ୍ଥାକୁ ଆହୁରି ମଜବୁତ କରାଯିବ। ଚିଲିକାର କାଳିଜାଇ ଗସ୍ତରେ ଯାଇ ଏହି ସୂଚନା ଦେଇଛନ୍ତି ପୁରୀ ଏସ୍‌ପି ପ୍ରତୀକ ସିଂ। ଦିନକୁ ଦିନ ପର୍ଯ୍ୟଟକ ଓ ଶ୍ରଦ୍ଧାଳୁଙ୍କ ସଂଖ୍ୟା ବଢ଼ୁଥିବା ବେଳେ ସୁରକ୍ଷାକୁ ନଜରରେ ରଖି ଅଧିକ ପୁଲିସ ମୁତୟନ କରାଯିବ। ଏହା ସହ ପୁଲିସ ଏଡ୍‌ ପୋଷ୍ଟର କଳେବର ବୃଦ୍ଧି କରାଯିବ ଓ ନିୟମିତ ପୁଲିସ ପାଟ୍ରୋଲିଙ୍ଗ ବ୍ୟବସ୍ଥା ଜୋରଦାର କରାଯିବ।

ପୁରୀ ଜିଲ୍ଲା ମୁଖ୍ୟ କାର୍ଯ୍ୟାଳୟରୁ ଅଧିକ ଦୂରତାରେ ଥିବାରୁ କୃଷ୍ଣପ୍ରସାଦ ବ୍ଲକକୁ ସ୍ବତନ୍ତ୍ର ଗୁରୁତ୍ୱ ଦିଆଯିବ ବୋଲି ଏସ୍‌ପି କହିଛନ୍ତି। କାଳିଜାଇ ପୀଠ ସହ ସମ୍ପୂର୍ଣ୍ଣ ଚିଲିକା ଅଞ୍ଚଳରେ ସୁରକ୍ଷା ବୃଦ୍ଧି କରାଯିବ ଓ ଅଧିକରୁ ଅଧିକ ପୁଲିସ ପାଟ୍ରୋଲିଙ୍ଗର ବ୍ୟବସ୍ଥା କରାଯିବ | ଏହା ସହ ପର୍ଯ୍ୟଟକ ଓ ଶ୍ରଦ୍ଧାଳୁଙ୍କୁ ଶୋଷଣ କରୁଥିବା ବ୍ୟକ୍ତିଙ୍କ ବିରୁଦ୍ଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ଏସ୍‌ପି ସ୍ପଷ୍ଟ କରିଛନ୍ତି। ଶ୍ରଦ୍ଧାଳୁମାନଙ୍କୁ ଉଚ୍ଚ ସ୍ତରୀୟ ସେବା ଯୋଗାଇଦେବା ପାଇଁ ପୁଲିସ ଓ ପ୍ରଶାସନ ମିଳିତ ଭାବେ କାମ କରିବେ ବୋଲି ସେ କହିଛନ୍ତି।
ରାଜଧାନୀରେ ୫ ଘଣ୍ଟା ନିଖୋଜ ହୋଇଥିବା ସ୍କୁଲ ଛାତ୍ରୀ, କ୍ୟାପିଟାଲ ହସ୍ପିଟାଲରୁ ଉଦ୍ଧାର

ରାଜଧାନୀରେ ସ୍କୁଲ ଛାତ୍ରୀଙ୍କୁ ୫ଘଣ୍ଟା ପାଇଁ ନିଖୋଜ ହୋଇଥିବା ସନ୍ଦେହ ହୋଇଛି । ପରେ କ୍ୟାପିଟାଲ ହସପିଟାଲରୁ ଉଦ୍ଧାର ହେଲେ ଛାତ୍ରୀ। ଭରତପୁର ଅଞ୍ଚଳର ଏକ ସରକାରୀ ସ୍କୁଲରେ ପଢୁଥିବା ଏକ କନ୍ୟା ଛାତ୍ରୀକୁ ରାଜଧାନୀରେ ୫ ଘଣ୍ଟା ପାଇଁ ଅନୁପସ୍ଥିତ ଥିବାରୁ ଚିନ୍ତିତ ପରିବାର ଲୋକ ପୋଲିସକୁ ଜଣାଇଥିଲେ। ଘଟଣା ସମ୍ପର୍କରେ ପ୍ରଥମେ ଛାତ୍ରୀଙ୍କ ଶିକ୍ଷକ ଘରକୁ ଫେରିବା ପାଇଁ ସ୍କୁଲ ବସ୍ ମିଶ୍ କରିଛି ବୋଲି ପରିବାରକୁ ଜଣାଇଥିଲେ। କିନ୍ତୁ ଘରକୁ ଯାଇଥିବା ସମୟରେ ଛାତ୍ରୀ ଘରେ ପହଁଚିନଥିଲେ। ଖୋଜାଖୋଜି ପରେ, ରାତି ପ୍ରାୟ ୯ଟାରେ ଛାତ୍ରୀ କ୍ୟାପିଟାଲ ହସ୍ପିଟାଲରେ ଥିବା ସୂଚନା ମିଳିଲା। ପୋଲିସ ଏବଂ ପରିବାର ଲୋକ ହସ୍ପିଟାଲକୁ ପହଁଚିଛନ୍ତି। ଛାତ୍ରୀଙ୍କ ମାନସିକ ସ୍ଥିତି ଭଲ ନଥିବା ଦେଖି ପରେ ପୋଲିସ ତାଙ୍କୁ ପରିବାର ଲୋକଙ୍କ ପକ୍ଷରେ ହସ୍ତାନ୍ତର କରିଛନ୍ତି।

ଡିସିପି ଜଗମୋହନ ମୀନା ସୂଚନା ଦେଇଛନ୍ତି ଯେ, ପରିବାର ତରଫରୁ ଛାତ୍ରୀଙ୍କ ଅପହରଣ ସମ୍ବନ୍ଧୀୟ କୌଣସି ଅଭିଯୋଗ ହୋଇନାହିଁ। ଛାତ୍ରୀ କେମିତି ଏବଂ କେଉଁ ସ୍ଥିତିରେ ହସ୍ପିଟାଲକୁ ପହଁଚିଛି, ସେଥିରେ ଏହା ଆଜି ପର୍ଯ୍ୟନ୍ତ ସୂଚନା ମିଳିନାହିଁ।
ମହାକାଶରୁ ଶତ୍ରୁ ଉପରେ ନଜର ରଖିବ ଭାରତ

ଘରୋଇ କ୍ଷେତ୍ରରେ ଭାରତର ବଡ଼ ସଫଳତା, କକ୍ଷପଥ ଗୁପ୍ତଚରୀ କ୍ଷମତାରେ ଐତିହାସିକ ପଦକ୍ଷେପ |

ମହାକାଶରୁ ଶତ୍ରୁ ଉପରେ ନଜର ରଖିବାର କ୍ଷମତା ଦିଗରେ ଭାରତ ଆଉ ଏକ ବଡ଼ ପଦକ୍ଷେପ ନେଇଛି | ଦେଶର ଘରୋଇ ମହାକାଶ କ୍ଷେତ୍ର ନିଜ କ୍ଷମତାକୁ ନୂତନ ସ୍ତରକୁ ନେଇଯାଉଥିବା ବେଳେ, ଅହମଦାବାଦସ୍ଥିତ ଆଜିଷ୍ଟାର ଏରୋସ୍ପେସ୍ ଭର୍ଟିକାଲ୍ ମାଧ୍ୟମରେ ପ୍ରଥମ ଥର ପାଇଁ ଭାରତର କୌଣସି ଘରୋଇ କମ୍ପାନୀ ଏକ ଉପଗ୍ରହରୁ କକ୍ଷପଥରେ ଥିବା ଅନ୍ୟ ବସ୍ତୁଗୁଡ଼ିକର ଫଟୋ ଉତ୍ତୋଳନ କରିବାର ସ୍ୱଦେଶୀ କ୍ଷମତା ସଫଳତାର ସହ ପ୍ରଦର୍ଶନ କରିଛି। ଏହି ସଫଳତାକୁ ଭାରତର ମହାକାଶ ପରିସ୍ଥିତିଗତ ସଚେତନତା ଓ କକ୍ଷପଥ ଗୁପ୍ତଚରୀ କ୍ଷମତା ସୁଦୃଢ଼ କରିବା ଦିଗରେ ଏକ ମାଇଲ୍‌ସ୍ଟୋନ୍ ବୋଲି ବିଶେଷଜ୍ଞମାନେ ପ୍ରକାଶ କରିଛନ୍ତି |

ଆଜିଷ୍ଟାର ଏହି ପ୍ରଦର୍ଶନ କେବଳ ଏକ ବୈଷୟିକ ସଫଳତା ନୁହେଁ, ବରଂ ଏହା ପ୍ରମାଣ କରୁଛି ଯେ ସମ୍ପୂର୍ଣ୍ଣ ଭାବରେ ଭାରତରେ ବିକଶିତ ସ୍ୱଦେଶୀ ଆଲଗୋରିଦମ, ଇଲେକ୍ଟ୍ରୋ ଅପ୍ଟିକାଲ୍ ସିଷ୍ଟମ ଓ ସାଟେଲାଇଟ୍ ଇଞ୍ଜିନିୟରିଂ ମାଧ୍ୟମରେ କକ୍ଷପଥରେ ଥିବା ବିଭିନ୍ନ ବସ୍ତୁକୁ ଟ୍ରାକ୍, ଚିହ୍ନଟ ଓ ନିରୀକ୍ଷଣ କରାଯାଇପାରିବ। ଏହି ପ୍ରଗତି ଭାରତର ରାଷ୍ଟ୍ରୀୟ ସୁରକ୍ଷା, ମହାକାଶ ସୁରକ୍ଷା ଓ ଆତ୍ମନିର୍ଭର ଭାରତ ଅଭିଯାନକୁ ଆଉ ଶକ୍ତିଶାଳୀ କରିବ ବୋଲି ଆଶା କରାଯାଉଛି।