ଖାଦ୍ୟ ସୁରକ୍ଷାରେ ମାଗଣା ଚାଉଳକୁ ନେଇ ଚାଲିଛି ପୋଷ୍ଟର ୱାର । ଶାସକ ଓ ବିରୋଧୀ ଖାଦ୍ୟ ସୁରକ୍ଷାକୁ ନେଇ ମୁହାଁମୁହିଁ। ବିଜେପି କହୁଛି, ୨୦୨୯ ପର୍ଯ୍ୟନ୍ତ ଖାଦ୍ୟ ସୁରକ୍ଷାରେ ମାଗଣା ଚାଉଳ ଦେବେ ମୋଦି । ଏଥିରେ ରାଜ୍ୟର ଟଙ୍କାଟିଏ ବି ଅନୁଦାନ ନାହିଁ । ହେଲେ ଚାଉଳ ବଣ୍ଟନ ବେଳେ ଡିଲର ମାଧ୍ୟମରେ ନବୀନଙ୍କ ଫଟୋ ଥିବା ବ୍ୟାଗରୁ ଦେଇ ହାଇଜାକ୍ କରାଯାଉଛି କେନ୍ଦ୍ର ଯୋଜନାକୁ। ଏବେ ଏହାକୁ ଜଗିବ ବିଜେପି। ଏଣିକି ହିତାଧିକାରୀଙ୍କୁ ବଣ୍ଟନ ପାଇଁ କେନ୍ଦ୍ରରୁ ଆସିବ ଦୁଇ ପ୍ରକାରର ଚାଉଳ ବସ୍ତା। ଗୋଟିଏ ୨୦ କେଜିଆ ହୋଇଥିବା ବେଳେ ଅନ୍ୟଟି ୧୦ କେଜିଆ ରହିବ। ଏଥିରେ ମୋଦିଙ୍କ ଫଟୋ ରହିବ। ଜାନୁଆରୀ ୨୦ ବା ଫେବୃଆରୀରୁ ଏହି ଚାଉଳ ଯୋଗାଣ ହେବ। ଏଥିସହ କିପରି ଭୋଟ ପାଇଁ ସରକାର ୫ ଲକ୍ଷ ଲୋକଙ୍କୁ ଗରିବ କରିଛ ରାଜନୀତି କରୁଛି ତାହା ଦର୍ଶାଇଥିଲେ ବିଜେପି ନେତା ଗୋଲକ ମହାପାତ୍ର।
ହେଲେ ବିଜେପି ନେତାଙ୍କ ଏହି ବୟାନକୁ ବିଜେଡି ନେତା ଖାରଜ କରି ଦେଇଛନ୍ତି। ରାଜ୍ୟରେ 3 କୋଟି 26 ଲକ୍ଷ ହିତାଧିକାରୀ ଜାତୀୟ ଖାଦ୍ୟ ସୁରକ୍ଷାରେ ମାଗଣା ଚାଉଳ ପାଉଥିବା ବେଳେ ରାଜ୍ୟ ସରକାର 9 ଲକ୍ଷ ହିତାଧିକାରୀଙ୍କୁ ଚାଉଳ ଦେଉଛନ୍ତି। ଆଗକୁ ସମସ୍ତଙ୍କୁ ଚାଉଳ ନେବା ବେଳେ ନବୀନ ବ୍ରାଣ୍ଡ ବ୍ୟାଗ ଦେବାକୁ ଯୋଜନା କରିଛନ୍ତି ରାଜ୍ୟ ସରକାର। ଜାତୀୟ ଖାଦ୍ୟ ସୁରକ୍ଷା ଯୋଜନାରେ ଦେଶର ୮୧.୩୫ କୋଟି ଲୋକଙ୍କୁ ମାଗଣାରେ ଚାଉଳ ଦେଉଛନ୍ତି ସରକାର। ତେବେ ସମସ୍ତଙ୍କୁ ନବୀନଙ୍କ ଚିତ୍ର ଥିବା ବ୍ୟାଗ ଦେଇ ନିର୍ବାଚନ ପୂର୍ବରୁ ଶ୍ରେୟ ନେବାର ବଡ ଷଡଯନ୍ତ୍ର କରିଛନ୍ତି ରାଜ୍ୟ ସରକାର। ହେଲେ ଶାସକ ଦଳ କହୁଛି ଭାରତ ସମ୍ବିଧାନ ରେ ରାଜ୍ୟ ନ ଥିଲେ ଦେଶ କେମିତି ହେବ ।ଖାଦ୍ୟ ସୁରକ୍ଷା ଆଇନ ଅନୁସାରେ ଓଡ଼ିଶାକୁ ଯେତିକି ଦରକାର ତାହା ତ କେନ୍ଦ୍ର ସରକାର ଦେଲେନି । ସେଥି ପାଇଁ ରାଜ୍ୟ ସରକାର ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ୬୦ଲକ୍ଷରୁ ଅଧିକ ହିତାଧିକାରୀଙ୍କୁ ଯୋଡିଛନ୍ତି। କିଏ ମିଛ କହୁଛି ଲୋକେ ଜବାବ ଦେବେ
ପୂର୍ବରୁ ମିଶନ ଶକ୍ତି, ପ୍ରଧାନମନ୍ତ୍ରୀ ଆବାସ ଯୋଜନାରେ ଷ୍ଟିକରିଂ ବିବାଦ,ଜଳଜୀବନ ମିଶନର ନାଁ ବସୁଧା ଯୋଜନାକୁ ବ୍ରାଣ୍ଡିଂ କରି ରାଜ୍ୟ ସରକାର କେନ୍ଦ୍ରୀୟ ଯୋଜନା ହଡ଼ପ କରୁଥିବା ଅଭିଯୋଗ ଆସିଥିଲା । ଏବେ ଯୋଡି ହୋଇଛି ମୋଦି ଚାଉଳ ନବୀନ ବ୍ୟାଗ ବିବାଦ। ଏଠି ବଡ଼ ପ୍ରଶ୍ନ, ଯୋଜନା କିଏ କାହାର ହାଇଯାକ କରୁଛି।