ବଲାଙ୍ଗୀର ଜିଲ୍ଲା ପାଟଣାଗଡ଼ ବେଲପଡା ବ୍ଲକରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ପୂର୍ବତନ ସଂସଦ ତଥା ବର୍ତ୍ତମାନର ହାଉସିଙ୍ଗ ବୋଡ଼ ଅଧ୍ୟକ୍ଷ କଳିକେଶ ନାରାୟଣ ସିଂଦେଓ, ସମ୍ମାନୀତ ଅତିଥି ରୂପେ ଡଃ ସୁନନ୍ଦା ଜ୍ୟୋତି, ଟ୍ରଷ୍ଟି ଆନନ୍ଦ କୁମାର ଜୈନ,ସମାଜ ସେବି ସଙ୍କର କୁମାର ଜୈନ , ଆସ୍ଥା ସ୍କୁଲର ଚେୟାର ମ୍ୟାନ ଅନନ୍ତ କୁମାର ଜୈନ, ମୁଖ୍ୟବକ୍ତା ବନମାଳୀ ଖମାରୀ ପ୍ରମୁଖ ଉପସ୍ଥିତ ଥିଲେ ।
ବାର୍ଷିକ ଉତ୍ସବରେ ପ୍ରିନସିପାଳ ବି.ସରକାରଙ୍କ ସଭାପତିତ୍ଵରେ ଓ ବିଶେଶ୍ଵର ମେହେରଙ୍କର ମଞ୍ଚ ପରିଚାଳନାରେ ଅନୁଷ୍ଠିତ ହୋଇ ଯାଇଛି। ସଭାରେ ସମାଜ ସେବି ଶଙ୍କର ଜୈନ ତାଙ୍କ ବକ୍ତବ୍ୟରେ ଏହି ସ୍କୁଲର ଅଗ୍ରଗତି ପାଇଁ ପୂର୍ବତନ ସାଂସଦ ତଥା ସ୍କୁଲ ଆରମ୍ଭ ହୋଇଥିବା ସମୟର ବିଧାୟକ ଥିବା ଶ୍ରୀ ସିଂଦେଓଙ୍କ ସ୍କୁଲ ପ୍ରତି ଅବଦାନର ପ୍ରତିଫଳନ ବୋଲି ବକ୍ତବ୍ୟରେ ଉଲ୍ଲେଖ କରିଥିଲେ । ଆଗକୁ ମଧ୍ୟ ସ୍କୁଲ ପ୍ରତି ତାଙ୍କର ସହଯୋଗ କାମନା କରିଥିଲେ।
ଅନେକ ସଂଖ୍ୟାରେ ଅଭିଭାବକ ଓ ଅଭିଭାବିକା ମାନଙ୍କ ସାମ୍ନାରେ ନୃତ୍ୟ ଗୀତ ମାଧ୍ୟମରେ ଛାତ୍ର ଛାତ୍ରୀ ମନୋରଞ୍ଜନ କାର୍ଯ୍ୟକ୍ରମ ପରିବେଷଣ କରିଥିଲେ। ଶ୍ରୀ ସିଂଦେଓ ବିଜେତା ଛାତ୍ର ଛାତ୍ରୀ ମାନଙ୍କୁ ମାନପତ୍ର ଟ୍ରଫି ଦେଇ ଉତ୍ସାହିତ କରିଥିଲେ।
— ପାଟଣାଗଡ଼ରୁ ଭ୍ରମର ସାହୁଙ୍କ ରିପୋଟ ସୂଚନା ଟିଭି
Leave a Reply