![](https://suchanatv.com/wp-content/uploads/2024/07/WhatsApp-Image-2024-07-14-at-21.01.14.jpeg)
ଅନୁଗୋଳ ଜିଲ୍ଲା ବଅଁରପାଳ ଥାନା ବଉଳିଗଡ଼ ପଞ୍ଚାୟତ ଅଞ୍ଚଳରେ ନ୍ୟୁଜ କରି ଫେରିବା ବାଟରେ ଅଜଣା ଗାଡି ଧକ୍କାରେ ଯୁବ ସାମ୍ବାଦିକଙ୍କ ମୃତ୍ୟୁ ଘଟିଥିବା ସୂଚନା ମିଳିଛି । ମୃତ ସାମ୍ବାଦିକ ଜଣକ ହେଲେ ବଅଁରପାଳ ସମ୍ବାଦ ପ୍ରତିନିଧି ତଥା ବ୍ଲକ୍ ସାମ୍ବାଦିକ ସଂଘ ସଭାପତି ରାଜେଶ କୁମାର ନାୟକ।
![](https://suchanatv.com/wp-content/uploads/2024/07/WhatsApp-Image-2024-07-14-at-21.01.13-912x1024.jpeg)
ରାଜେଶ ଆଜି ସକାଳେ ନ୍ୟୁଜ ସଂଗ୍ରହ ପାଇଁ ବଅଁରପାଳ ଆସି ଘରକୁ ଫେରିବା ସମୟରେ ବଉଳିଗଡ଼ ପଞ୍ଚାୟତ ବ୍ରିଜ ଉପରେ କୌଣସି ଏକ ଅଜଣା ଗାଡି ତାଙ୍କୁ ଧକ୍କା ଦେଇଥିଲା । ଦୁର୍ଘଟଣାରେ ଗୁରୁତର ଆହତ ରାଜେଶଙ୍କୁ ସ୍ଥାନୀୟ ଲୋକେ ଓ ପରିବାର ସଦସ୍ୟ ବଅଁରପାଳ ଡାକ୍ତରଖାନାକୁ ନେଇ ଯାଇଥିଲେ। ସେଠାରେ, ରାଜେଶଙ୍କ ଅବସ୍ତା ସଙ୍କଟାପନ୍ନ ହେବାରୁ ତାଙ୍କୁ ଜିଲ୍ଲା ମୁଖ୍ୟଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା। ତେବେ, ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
![](https://suchanatv.com/wp-content/uploads/2024/07/WhatsApp-Image-2024-07-14-at-21.01.15-637x1024.jpeg)
ଯୁବ ସାମ୍ବାଦିକ ରାଜେଶ ଜଣେ ମିଷ୍ଟଭାଷୀ ଓ ପରୋପକାରୀ ବ୍ୟକ୍ତି ହୋଇଥିବାରୁ ତାଙ୍କ ବିୟୋଗରେ ବଅଁରପାଳ ଅଞ୍ଚଳରେ ଶୋକର ଛାୟା ଖେଳିଯାଇଛି । ସାମ୍ବାଦିକଙ୍କ ମୃତ୍ୟୁ ଘଟଣାରେ ବ୍ୟଥିତ ହୋଇ ଅନୁଗୋଳ ବିଧାୟକ ପ୍ରତାପ ଚନ୍ଦ୍ର ପ୍ରଧାନ, ଛେଣ୍ଡିପଦା ବିଧାୟକ ଅଗସ୍ତି ବେହେରା ଓ ଜିଲ୍ଲାର ସମସ୍ତ ସାମ୍ବାଦିକ ପ୍ରତିନିଧିଗଣ ତାଙ୍କର ଶେଷ ଦର୍ଶନ କରିବାପାଇଁ ବଅଁରପାଳ ଡାକ୍ତରଖାନାରେ ପହଂଚିଥିଲେ ।
— ବଅଁରପାଳରୁ ଅଜିତ ଭୋଇଙ୍କ ରିପୋର୍ଟ, Suchanatv24x7